Ka Nupepa Kuokoa, Volume XXX, Number 7, 14 February 1891 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Ma ke Kauoha.

 

Mai keia manawa a mahope aku o kei la, o na Palapala Kena a pau o kela a me keia ano, iloko o na Aha Hookolokoio a pau o keia Aupuni, e hoopuka ia ma kainoa o "LILIUOKALANI, m aka lolomaikai o ke Akua, ka Moi o ko Hawaii Pae aina."

Na ka aha. Henry Smith, Kau@olelo aha Kiekie Aliiolai Hale, Ianuari 29, 1891 2322 3@

 

Mamuli o ka mana i haawiia mai ia`u e ke Kumukanawai a me na kanawai o keia Aupuni, a me ko`u manao a@a he mea ia i ku i ka pono, polaila ma keia ke kauoha nei au o ke kau hoookoloko lo mau o ka aha Hookolokolo Kaapuni o ka Apana Eha e malamia ana ma Nawiliwili, Mokupuni o Kauai, ma ka Poalua mua o Feeruari, 1891, ua hoopaneeia a ka poakolu, oia ka la @ o MARAKI, 1891, ho@@ 9 kakahiaka.

 

Ikea ko`u lima  a me ke sila o ka Aha Kiekie ma Honolulu, i keia ia 31 o Ianuari, M. H 1981 A @ Judd, Lunakanawai Nui o Ka Aha Kiekie Ikea.  HENRY SMITH, Kakauolelo aha Kiekie 2323-3@

 

Hoolaha i ka Poe Aie

 

Keena Kalaim@a, Honolulu, Ianuari 29, 1891 

       Ma ka hana o ke noi an amai o ka STAR MILL COMPANY e hoopau i ka hui. 

Oiai, i kulike a me ka kanawai i ha naia, ua waiho mai ka STAR MILL COMPANY i ka mea nona k aino amala`o iho he palapala nonoi noka hoopau ana i ua hui la i oleloia a me ka palapala hoopaa o ia hui i hoopili pu ia e like me ka hoakaka a ke kanawai no ia mea.  Nolaila,

       Ke hoike aku nei kei a hoolaha i ka poe a pau kuleana ma na ano a pau iloko o ua hui la i oleloia, e waiho mai i na kumu kue o ka ae ana aku i ua palapala nonoi la i oleloia, ma ke k@e na o ka mea nona ka inoa malalo iho, ma ka la 13 o Aperila, 1891, a mamua ae paha o ia a; a o ka poe a pau e makemake ana a hoolohe no ia mea, e hele ae ma ke Keena o ka mea nona ka inoa malalo, ma Aliiolani Hale, Honoluu, i ka hora 11 kakahiaka o ia la, a e hoike mai i ke kumu e ae ole ia ai ua palapala nonoi la. C.N. Spencer Kuhia Kalaiana 2323 @ot

 

Ka Nupepe Kuokoa

No ka makahiki  $9.00

No Eonoa Mahina     1.00

Kuike ka rula

Poaona Feberuari 14, 1891

 

Kalakaua I., Moi o ko Hawaiia Pae Aina, ua hiamoe iloko o ka maluhia.  Ua kipa ae la ka make i kona kino a papani iho la i ka puka o ka hanu.  Aole i lanakila ka make maluna o kona ola, aole hoi maluna o kona uhane.  O ko ke akua kuleana malaila, kona mahele o ka waiwai.  Na ka make ke kino, -- ka palaho.  Na ke Akua ka uhane, -- ke ola.  Uhi ae la ka pouli maluna ona a papani i kona mau pahu ione; popoi iho la kona mau maka a moe aku la iloko o ka maha.  He maka mai na inea, na luhi o keia ao.  He ma@a iloko o ka maluhia, mai na kuinai o keia noho ana.  Owai kai nalohia aku me ka make, owai hoi ka ka make i nohoalii ai?  O ke kino wale iho no ka mea palaho, ka lepo, ka mahu.  A no ke aha hoi kakou e kanikau ai, e lu ai i na waimaka no ka lepo, e hoakoakoa ai i na kaniuhu a me ka pilihua?  U a hala kona kino, ua ole nae kona uhane.  Aia iloko o ka paredaiso, iwaena o na uluwehi i hoonania.  No ka mea, aole o na pihi kumakea, na naau hoehaehaia, me na manao minamina, e kaohi iaia i ka wa o ka make e kii mai ai i kana; aole hoi he mea hiki ia ke kipe ia.  Na ka make i wehe aku la na ipuka o ke kaulana; nana i papani na ipuka o ka hoino ia mahope nei; nana i wehe na kaulahao o ka pio, a hele aku la ka mea i hoopaa ia iloko o ke kuokoa.

       Haalele iho la oia i he one oiwi a kaahele maluna o ka moana laula no ka aina malihini; ua malihini ia ma ka oele a ke kanaka, aka, ua kupa ia he aina a he lepo i na keehina wawae, no ka mea, no ke kanaka ka honua a me kona a pau.  Ua ukali aku oia no ke ola kina maikai, ua hahai aku la i na hoomaha no ke kino; aka, aia he maha oi loa ae i halawai pu mai me ia a hopokole iho la i kona luhi o ke alahele.  Apo aku la oia i na puili pumehana a ka lima mana, lu iho la i ko ka honua a pau a hookuu ae la i kona hanu no ka hopena a ka huakai kaahele.  Me na maka kaakaa e ike ana i na inea, a me kona kino e paio ana ma luhi o ke ala, me kona mau noonoo a me kona no a pau e alakai ana i kona mau kee hina maluhiluhi, a me ke ala oia i hoomaha iho ai e moe iloko o ka maluhia.  Kupu hope ae ia oia iwaena o no luhiehu o ke one kahi oma i hooluolu iho ai, a kupu hou ae la iwaena o na pua o ke one kahi on a i hanau ai.  He kupu ia no ka manawa, aka, he maha kona no ka wa mau loa.  E olo aku anei ko kakou mau leo e hoihoi ou mai iaia iloko o na inea?  Iloko o ke Akua lokomaikai e hauoli kakou.

       E auwana auanei ka mana a me ka noonooo ke kanaka ma o a maanei, e nalohia ana na kuko, na iini a me ka makemake no ka manawa, aole nae e helu ia ka make ma kahi mamao mai ke kino aku.  Aole i kulai ka make i ke kanaka hanohano e like me kona ihiihi, aka, ua haule iho laua e like me ko ke kanaka hahaa a me ke keiki liilii.  Aole he kino e hoopakele ia e ka make ma keia honua, aole hookahi e hoopailua ia e ai.  Ua noho mana ka make maluna o na kau eha o ka makahiki o keia ola ana, a nana mai la i ke kanaka me na maka henehen.  I ke kau ohi hua me na juaai awili o ka momona me ka mulea.  I ke kau hooilo i ke anu a me na ma`i.  I ke kau mohalapua i mau pua hoonani no na kino make.  I ke kau kupulau e hooulu i ka nahelehele maulna o na heana kupapau.  He kino i make ka kakou e u@ali ana no ka luakupapau, e hoi ana i ka lep; a he mau kino kakou e ma ke aku ana, e hoi aku ana i ka lep.  Oia ka mea i palapala ia "na ka poe make e kanu ka poe make,"  a "e hoi aku hoi ka lepo  ka lepo." E kanikau anei kakou no ka mea i hala aku ma o, oiai nae kakou e hele aku ana ma ia ala hookahi?  E lalelale kakou no ka halawai pu me ka make.  E maha malaila e like me kona maha ana aku la. 

       Kalakaua I., i poniia i alii.  Na ke Akua oia i hoalii mai a nana no i hoonee aku.  He alii oia i hooko i ka hana no ka pono o ka lehulehu, i huli nui aku i ke ala pomaikai no kona lahui.  Ua haalele aku oia i ka ihiihi kapu ma kona nohoalii a iho mai la e launa kino he makaainana a he kanaka haahaa.  Maluna o kona noonoo ke kahai a me ka pepe; ua oluolu na luana pua ana a ua aloha ia aku oia.  E like me keia mau haawina ana i kukai pu ai iwaena o kona lahui, aole i hoonele@a na lahui a me ia haawina like.  He hale pumehana kona i na malihini i kona mau la, he mau lima ohaoha hoi me ke aloha a me ka lokomaikai, a ua panai ia mai la ia haawina like ma ka aoao o na malihini i uku hookaa no ko lakou mau aie.  Ma Europa a puni a ma na aupuni i nohoalii ia, aohe haawina e ae i oi aku i ko ka lahui Hawaii ma ke aloha alii, i kanu ia e Kalakaua iloko o ka puuwai o kona koko ponoi.  aia he hopo iloko o na alii ma Europa no na ulia o ka noho ana a me na huakai kaahele, oia ka ke alii ka Moi i kaena ae ai ia Hawaii uuku iloko on a lalani mele ana i haku ponoi iho ai ma kana huakai kaapuni honua o ka imi pomaikai, penei:

      

Ua kaahele ua maluna o kailihonua me na moana,

A inia mamao, a me Kina kaulana;

Hoea i na aekai o Aferika, a me na palena o Europa,

A halawai me ka ikaika o na aina a pau;

A ia`u i ku ai ma ka aoao o na Poo Aupuni,

Ka põe mana maluna o ka lakou, me ka hiehie Alii;

Hoomaopopo iho la au i ka ukuiki, a nawaliwali o ko`u,

Me ko`u Nohoalii i hookahua ia maluna o kahi puu Pele,

A ma kahi he miliona i hooko i ka keia mau Moi,

Aka, ke upu nei loko, na`u ke kaena hiki,

Aia he mau nani maloko o na poai o ko`u mau aekai---

I oi aku ka makamae i ka o`u mau hoa Moi,

Aohe o`u kumu hopo maloko o ko`u Aupuni,

He hiki ke hui me ko`u lahui me ka weli ole,

aohe maka`u no`u iho, me ka kiai pilipaa ole ia.

A na`u ke Kaena, he momi i hoounaia mai luna mai na`u--

Eia me A`u ke aloha pilipaa o Ko`u Lahui kanaka

 

E Ao La Kakou Iho

 

Ina kakou e hookolokolo ia kakou iho, aole loa kakou e hookolokolo ia mai.  O ko kakou mau noonoo kupono ka noho hookolokolo o ke akua.  Ua ao ia kakou e maemae ma ka naau a e hoopololei hoi ia oe iho.  Ina e apo nui ia keia ano o ke alakai, aole loa e hoonohoia i mau aha hookolokokolo no kakou.  O ka noonoo pono, ua kapaia oia ke kanawai mana loa.  O ka hookolokolo mana.  Ua kau ia na kanawai hoopai i na hana hewa a ke kanaka, aka, ua hapa loa ko iakou mana a na mimino hoi ko lakou ikaika e hoomaemae loa mai ka hana hewa hou ana aku o ka mea i hooaiia no ka hewa--ua kakaikahi no hoi ka poe hoomaemae ia e mau kanawai.

       E hookolokolo mua ia oe iho mamua o kou kaheaia ana mai e ku imua o ka nohoalii o ke akua no ka hookolokolo ia. E palekana no ke kanaka a me kana mau hana ke noonoo mua i ka mea pono e hana ai.  E palekana ke aupuni, a o ka lahuikanaka, a o na lii a ke hookolokolo ponoi iho.  Ua palekana ke aupuni o Enelani mai kona lilo ana i mea ole iloko o ke kaua kipi o na Amerika mamuli o kona kaana pno ana i ka mea e hana ai.  Mai lilo ke kukoa o Hawaii nei in a i ala ole mai ka poe noonoo malamalama a kaohi i kona holomoku ana.  Oia na hana naauao i kapaia, ka noono pono, ke kaana kaulike, ka hookolokolo pono ana iho, a ua palekana ke kino hookahi na kino lehulehu, na pomaikai a me ke aupuni holookoa mai ke ku ana aku imua o kekahi mana aupuni okoa e hookolokoloia mai.  O keia ka hana kupanaha loa a ke Akua i hana ai a waiho mai iloko o ke kanaka e lawelawe.  O keia hoi ke kanawai mana hookahi no ka lahuikanaka.

       E hookolokolo nou iho i keia la, i keia po, i keia makahiki, i na manawa a pau o kou ola ana, i ole ai e hookolokolo ia oe imua o ka nohoaliii o ke Akua.   O ka poe i hana i na hewa i noho nanea iloko o na hewa, i kauo ole ia imua o na aha hookolokolo o ke ia ao, a i paulele mamuli o ko lakou lanakila maluna o na kanawai, aia he aha hookolokolo hookahi i kukulu kaokoa ia no lakou e lanakila ole ai kekahi hewa mai ka hoopaiia.  No i amea i lalelale mau ia ai kakou e mihi, no ka mea, he manawa ike ole ia ko ke Akua e kahea mai ai no ka hookolokoloia.

 

Paemoku Caroline

 

       Ua lohe kakou no ke kaua ma Ponape o ka paemoku Caroline.  No ka hooponopono ana i ke kumu o ka ulu ana o ka uluaoa, "ua hoounaia mai a ke noho nei i keia kulanakauhale, ke Kanikela Amerika H. L. Rand, e kakali ana i ka moku e hiki aku ai oia i kona kahua o ka hana.  He hoahanau oia no Rev. F. Rand e noho ao la i Ponape; nana i hoike ae na @una a na koa Sepania malaila; eia kahi mooleleo iki:

       Ua ahewa aku lakou i na misionari me na hoopilikia pu ana; elima waapa piha i na koa Sepania i kueia aku e na na kamaaina a lukuia he kanaha o lakou; ua kipeka mai ka moku i ka aina no ekolu la, a ua hoolele hou ia na koa iuka, pupuhiia na hale i ke ahi, ko ke alii me ko na misionari; kanawalu ko@ Sepaia i hooleleia ma Uana a pau loa i ka make i na kamaaina, koe hookahi.  Ua hoomau mai ka moku i ke kipoka ana i ka aina a ua hoopoinaoia na wahi he nui me na kumu niu a me na kumu ulu.  Ua hoolele hou ia na koa, a he kanaono o lakou i make me ekolu o na koa Ponape.  Ua holopono ka hoolele ia ana o na koa ma kekahi mau wahi a pau na waiai, na hale me na buke i ke puhiia i ke ahi.

       Ua kono aku ke kanikela Mr. Rand i kona aupuni e hoonoho paa ia kekahi mokukau Amerika ma Ponape a hooponopono ia na pohihihi a pau.

 

       Pono Ole Ka Hana -- E ka nupepa Kuokoa; Malihini au imua a kou papa o na manao hoolaha, aka, ua loaa ia`u ke kuleana e kamailio akea ai, oia hoi ka pono ole o ka hana a E. H. Naoho a me kahi haole maluna ae on a no ke alanui ma ka aoao maluna o Manoa nei.  A o S. K. Kahalauhina ka luna no ke alanui ma ka aoao malalo, he luna akamai oia ia ano hana, he eleu, a hiki mai i keia wa.  Aka, o keia Naoho, a me kahi haole lima muumuu, aole i ike i ka hana ana.  Ua hoopiha laua i ka lepo wale no aole me ka pohaku a me ke unu hoi, alaila uhi iho hoi kahi lep uuku a maikai.  Ina pela ka hana @@a, ua oi loa aku ka pono o ia i keia a laua e hoopiha nei he lepo wale no.  Me he wahi malie la o Manoa nei ka hana iho pela.  Nolaila, he pono i ke aupuni e kipaku i na luna naaupo ike ole i ka hana, me na hooponopono ana o ke alanui i ku i ka makemake me ka pomaikai o ka lehulehu.  Oia ma keia ma la ua iho nei, ua poho na huila o ke kaa i`alo a aneae ku maoli no hoi i ka pilikia, ua mokumoku na ili huki.  Ua kupono ole na mea a pau a pili ana i k@ a ua ike a kamaaina o Naoho ia Manoa nei he aina ua.  O ka pohaku malalo o ka lepo iho maluna alaila paa.  eia kekahi, o ke kipaku i na kanaka i hoopaaia na inoa ma ka buke o ka Luna Alanui kiekie me ke kumu ana ole, a ua pauaho koke ka naau me he kanaka ano naaupo loa la.  E pono e kpaku koke ia oia a e lilo ka hana o na alanui elua malalo o Kahalauhina ka luna eleu me ka hikiwawe.  Me Ke aloha.  Nimrod Laniawe.

 

Kalakaua ia Kapiolani

 

       Kakauia maluna o ka Oceanic, Feb. 16, 188@. Ma ka Marediana o Honolulu; I ka Latitu 33@ Lonitu 157@ 30'

 

I ka ike lihi aku i pa ae one mao,

Ka ko`u mau maka e ake nei,

Me ka pule e hoea hou au ilaila,

Mai ae i ka`u upu e ko ole!

 

O na nalu hu`akea lelehuna,

O ia aeone, he aloa au;

A ke huli kuu alo no ka h@akai home,

E nele na manao hele auwana.

 

E kuu aloha e kali la, noe ko`u haupu,

Me ka lei maile ma kou ai!

O! E hai mai, e ke kai kupikio inaina

Ahea pea kau kokohi ana ia`u?

 

A no,  ka hui me oe, he mea hiki ole,

Oiai, ua okia e ke kai @ui,

E paana aku nae ae e ka ipo aloha,

He manaolana ko`u e hui hou kaua.

 

O kou aloha me ka manao oiaio,

Ke kini ma ko` alahele;

A ke ike au i ka poepoe hooua,

I makana na`u kou aloha.

 

Ka Mare Kupanaa

 

He mau minute no ka hoopla me ka mare ana a kaawale laua no ekolu makahiki.

 

       Maloko o ke keena o kekahi hale hoolimalima i heluaia maka papa helu elua, e noho ana o Meka Rutefoda me na noono nalu o ka pilihua, a paana iho la oia i keia mau olelo me ka leo malie --

 

       "Pela wale iho la no anei au i na wa a pau a ehoolohe ai i na henehene mai a ka honua? E hoea anei au i ka pauhopu me ka lanakila? Eia au iloko o ka aie mai ke poo a na kapuai -- me kekahi kokua ia mai no keia manawa e ka naau aloha, e hakoko no au e pau aku ia pohihihi.  Ina no hoi e hooko ia au in a kei hihia, e ike aku auanei au i ka malaelae o ko`u alahele.  Maluna ae o na mea a pau, e lana kuu manao no ia hopena."  Pupuhi ae la oia i ke sigaa ho@o iho la e hoomama i ko na naau pilihua.

       Ua ku hookahi iho o Meka Rutefoda ma ka honua me ka mamao mai ka hiki iaia ke maopopo kona ohana pili kokoke, eia nae ua heluia na hoaloha i eo iaia ma ka heluna nui.

       Ua hoonaauaoia oia no ka oihana loio, a mamua o kona hiki ana i ka palena o ia ike hohonu, make iho la kona makuakane, me ka hooili ana iho i ka mau tausani dala maluna o kana keiki.  A oiai he keiki opio wale iho no oia, i kahulihuli kona mau noonoo mai ka hookanaka ana iaia iho, ua maopopo ole iaia ke kumu e kaohi ia ai ka holomoku o kona wahi waihona uuku i waiho hope ia iho e kona makuakane.  Aka nae, ua ike nui ia mai oia, ua eo hoi he lehulehu o na hoaloha, ua apo ia mai oia iloko o na ahahui, a oia wale no ke kaula kaohi hookahi iaia mai ka holo noku ana iloko o ka ulaia.

       O na hora ahiahi keia a ka moolelo e hoike nei iaia maloko o ke keena, a iaia i e@ @e ai mai kona noho no ka hele ana i ka hale o kona ahahui hooluana, halawai mai la me ia ka haku wahine o ka hale ma kona puka, a hai mai la aia he lede malohiki ma ke keena luana i ake e ike iaia.

       Awiwi iho la oia e launa pu me kela le@e malihini, a iaia i komo aku ai ma ka puke o ke keena hooluana, ku koke mai la oia imua ona a pane mai la:

       "E kala ma ia`u--aka, o Meka Rutefoda oe, aole anei?"

       He mau mapuna leo olu a haahaa kai puanaia mai e ka lede, a ua hoohewahewa ole ia o Meka i ke koho ana aku he opio wahine oia a na kau mohala pua he 18 a maluna aku paha, a ua hiki ole hoi iaia ke hooiaio loa i kana koho oiai ua pa lo ana helehelena o kei lede i ka uhimaka.  Anehe aku la oia e pane, aka pane e mai la ka lede--

       "Ua manaoio au e kala mai ana oe no ko`u awiwi lo ama ka paen ana aku; aka, a konoia au e hele mai imua ou, ua nui ko`u pilikia.  Oiaio, ua kauoia mai au e ia pilikia imua ou wale no e haawi mai i kau mau kokua ana no`u.  E loaa anei ia oe ka oluolu e hoolohe mai i ko`u moolelo?"

       "Me kuu manao a pau.  E oluolu e noho iho ilalo, e ka lede."

       "O wau o Helene Caseiatona, he mea makua ole, a he kanalua ole ko`u, he malihini au imua ou."

       "Pololei kau e hai mai la, aole i loaa ia`u ka hanohano o ka halawai pu ana me oe mamua,"  wahi a Meka.

       "Umi makahini i hala ae, e oho pu ana au me kuu makuakane, hoahanau, o ko`u makuakane ponoi; he waiwai oia, a ua manao ia owau kona hooilina.  Aka, ua ukaliia ko`u ola ana iloko o na makahiki ekolu i hala ae me ke kaumaha a me ka pilihua.  Aole au i hiki aku i ko`u mau la, aole hoi no kekahi makahiki e hiki mai ana; eia nae, ua onou mai la kuu makuakane ia`u e mare me kekahi kane i kupono loa e lilo a e kapa ia he makukane no`u.  Ua waiwai no hoi oia ma na miliona, a ma ia kumu i ake nui ai kuu makuakane no ka mare.  Ua hahai mai keia kanaka ia`u ma na wahi a pau a`u e hele ai, me ka hoao ana e hooipoipo i kona aloha ia`u aka, he hana wale no ia i hoopuni mai i kuu uhane me ka hoowahawaha a me ka makau.  Ua maina au nona, a ua makaukau e make mamua o kuu mare ana me ia."  Me keia mau huaolelo hope, haalulu ae la kona leo, kulou iho la a uwe.

       Ua hoonaue kokeia ka puuwai o Meka i ke aloha nona, a ua aneane oia e mawehe ae i ka uhimaka nana i hoonalo na helehelena o ka mea nona no mapuna leo wainahe ana e lohe nei.

       "Ua holo malu aku au mai ka home no elua makahiki," wahi hou a ka lede me ka leo oluolu, "aka ua huli hele ae laua ia`u a loaa.  Heaha ka home! O, e na lani! Ka home kahi o`u kupu ae ai iloko o na la kamalii, ua hooliloia i wahi hoopaahao no`u.  E Meka Rutedfoda -- a ke kakahiaka o ka la apopo ka manawa hope no`u e lanakila ai, a e alana ia aku ana au no ke kuahu laa o ka mare, kahi o`u e ku aku ai imua o na mana lani a lawe i ka hoohiki me kuu manao ae ole.  O! e nalani.  E lawe mua aku i kuu uhane, a e kukulu i kino aka ma kona aoao a imua hoi o ke kuahu laa e ku henehene aku ai."  Kulou hou iho la oia a uwe, me ka ehaeha loa.  Alaila, ea hou ae la kona poo, pahola aku la i na lima imua, oia hoi ka Meka i puili mai ai, a pane mai la i ka lede:

       "E hai mai, heaha la ka`u hana no ke kokua ana ia oe?"

       "Ua hiki ia oe ke kokua mai, a o oe wale no," wahi a ka lede.       "Pehea?" wahi hou a Meka.

       Nana pono mai ia ka lede maloko o kona uhimaka iloko o na maka o Meka a pane mai la me ka leo haahaa a kuoo:  "Meka Rutefoda, e mare anaie oe ia`u."  A iloko o kona hilahila nui, haliu ae la oia ma kahi e, a papani ae la ikona mau maka.

       A in a he poka pahu kai haule iho ma na wawae o Meka i kela wa, aole loa e neeu oia i hookahi iniha, no ka mea, ua haawe iho la oia me kekahi ukana nui nana i hookupaa i kona mau kapuai wawae, a puni ae la kona kino i ka haalulu.  Mamua o kona lanakila ana mai kela haawe, huli hou mai la ka lede a pane mai la:

       "E oluolu e hoolohe hou mai.  He mau tausani dala ka`u ma ko`u kuleana oiaio.  Na kuu makuakane ia i hooili mai.  Ua unuki mai au a pau loa a eia me a`u ano,"  ia wa, unuhi ae la oia he lehulehu loa o na bila baneko, a waiho aku la oia makona aoao. 

       "Ke nonoi nei au ia oe e lawe aku," wahi hou a ka lede.  "Malia o loaa ia oe kekahi kokua ia me ia.  E haohae ana oe no ke aha la au i lawe ole ai ia dala a holopee aku maluna o ka honua.  Aole au i hana pela no ka mea, aia may laua mahope o`u i na wa apau loa in a no e hoea loa au i ka hopena o ka honua.  Ua haliu ae au i kahi malumalu i koe no`u.  Uumi iho la au i kuu hilahila a hele mai la e nonoi aku ia oe e mare mai ia`u.  Ua hoehaehaia mai au e na olelo hooweliweli hope a kuu makuakane no ka hooko ia aku i ka la apopo.  Ke manao nei au ua ku au mamuli o ko`u iini me ka maikai-- aka ua hoowahawaha iho la au i ko`u kulana wahine ma ka hiki ana mai i ou nei he malihini haalele, aka e ahonui mai ia`u--" a kulou iho la oia me ka pakaukau a uwe iho la meka ehaeha. 

       Hapai ae la o Meka i kona poo a paue iho la iaia me ka leo malie:  "E hana no au e like me kau noi, aole nae au e lawe i kau dala.  E ka lede, no ke aha hoi au e nele ai i ka ike wale ana aku i kou helehelena?  E loaa anei ka oluolu ia mai?"

       Huli mai la ka lede a apo i na lima o Meka a pane mai la:  "E lawe aku i kuu dala; aole hoi au e wehe i ko`u uhimaka, oiai he oi aku ka pono e nalo kuu helehelena mai kou ike ana.  Aole au i pono ke kapaia he wahine, ua lokoina au a ua hoohaahaa aku hoi i ka hanohano o ke keonimana a`u i nonoi aku nei a mare ia`u, aka, aole i hiki ia`u ke uumi i keia, aole hoi e koi aku iaia e hoopili mai i kona nohona me ko`u koe wale no ma ka inoa.  Aole, --ma ka puka o ka luakini e kaawale ai kaua, a ina kaua e halawai hou ma keia mua loa aku, mai ike mai ia`u ma ke ano he wahine nau."

       "E hoike hou mai, aia anei kou puuwai no kekahi aku, no ka mea, e aho au e mare i kekahi kane okoa aku mamua o ka wawahi ana aku i kou aloha no kekahi wahine," wahi a ka lede.

       "Aole, e ka lede; he kino ku hookahi au a kuokoa, a no ia mea nau au, e like me kau i makemake ai," wahi hou a Meka me ke kuoo.

       "Me ka mahalo," wahi a ka lede me ke kunou pu ana aku.  "Alaila, e hahai mai ia`u ano, ua haiki ka manawa no ka la apopo." Wahi a ka lede.

       Ua hooko aku la o Meka e like me kana kauoha.

       Aia ma ka ipuka pa kekahi kaalio i kuu ia na palulu a pau ilalo; komo like aku la laua iloko a kauoha aku laka lede i ka hookele kaa e lawe ia laua no ka luakini o Sana Keoki.

       Ia laua ma ke ala, pane aku la ka lede ia Meka:  "He keu aku au a ka lokoino! Aole anei oe i hoehaeha ia no kuu hoohaahaa i kou kiekie me kou hanohano.  Oiaio, ke weliweli nei au i ka hana a`u i lawelawe ai i kei po.  E mare anei au i kekahi aku? E hoihoi hope anei au i ka`u mau olelo?"

       "Aole! E mare oe ia`u. O kou makemake ia--ae--a o ko`u no hoi ia," wahi a Meka.

       Ina wale no i ike aku o Meka i no minoaka o ka hoomahie o na helehele-na iloko oka uhimaka, aole loa e hoakoakoa mai oia i na noonoo o ke kanalua no na pane hoao a ka lede mamua iho i kona kupaa. 

       Ku iho la ke kaa ma ka ipuka pa o ka luakini, aole hoi he hana nui ke kono ana aku i ke kahunapule; he mau minute pokole mahope iho, lawe pakahi ae la i ka hoohiki paa, i hookahi ma ke kino a me kealoa--he kane a he wahine.

       Ia laua i huli like ai no ka ipuka, ua pane aku la o Meka:  "Ano, ua lawe kaua i ka hoohiki o ka mare--ua laa2ia oe na`u, owau hoi nau--e kuu wahine, e heonele loa mai ana anei oe i ko`u kilohi wale ana aku no i kou mau helehelena?  Ina i hookahi manawa iloko o ka umi, ua lawwa ia no`u."

       Me ka pane leo ole, hemo ae la ka uhimaka o ka lede i ka wa pokole Imua o Meka, kana kane i hoolaaia in a ia po, ku aku la oia me ka helehelna olohelohe, he nani a he ui oi pakela.

       Ua hook malie ia o Meka ma kahi hookahi, a in a he may helehelena kana e nana ana i kela wa, aole loa oia i ike i kona lua o ka nani iwaena o na mamo a Adamu, aole iloko o kana mau moeuhane ana a pau o na kino akaku, aole hoi iloko o ka ikaika o kona mana me kana mau tausani a pau, ke houluulu i na nani he nui e hoohalike aku me ka ui o kana wahie i mare ai ia wa, koe aku ka helu ana iaia iwaena o na puali anela o ka lani.

       Iaia e akoko pu ana me kona pahaohao me na maka i lena pno ia na alu, kapalili ae la kona puuwai i ka hana nui a ka makaheki, a me ka nalohia pu ana aku o ka hiki iaia ke hoomaopopo ino i kona kulana imua o kekahi lede, lele aku la oia imua e puili mai iaia iloko o kona mau lima, aka, me ka hikiwawae loa i haule iho ai ka uhimaka o ka lede, a me na kaina wawae palanehe, kapoo aku la ka lede iloko o ke kaa a nalo aku la iloko o ka pouli aaki o ia po.

       No Meka, aohe ana hana hou i koe o ka huli hoi wale aku no i kona keena me na hoomanao poina ole no ke kino a me na helehelena nani o Helene Caselatona.

       Ekolu makahiki mahope iho, hoea aku la o Meka i ka hopena o kana i lia mua ia, a o ka uahuhopu hoi o kona mau iini i hookoia.  Aole wale no ilaila, aka ua eo hou iaia he inoa hanohano a he kulana e mahalo ia aku ai.  Ua paholaia na lima o ka hoomaikai nona a o na ahahui me na hoahaaina, aka aole loa i hoomama ia kona uhane, aole hoi ma ka lawe ana mai i pulakaumaka no kona mau la noho mehameha e like me Hele Caselatona, ka wahine i nalo loihi no ekolu makahiki.

       Aole oia i lohe hou nona, a ua nele na hopena pomaikai ma kana huli ponoi a me na ninaninau ana.

       I kekahi la, kauohaia aku la oia no ka ike ana i kekahi kanaka i aneane e make ma kona hale.  Iaia ma ka aoao o kona moe, ua hoike mai la ke kanaka ma`i i kona manao e hana oia i palapala hooilina no kona mau waiwai, a ua pane hou mai la:

       "Mamua o kou hana ana i kela palapala, e hoike mua aku au i ka moolelo, Ke paulele nei nohoi au e kokua mai ana oe ia`u."   

       "E hoao no au e hana pela."  wahi a Meka.

       "Ekolua makahiki i hala ae nei, e noho pu ana me a`u o Helene Caselatona, he kaikamahine opiopio; ua hooikaika au iaia e mare me kekahi elemakule waiwai e like me a`u, a hiki i ka wa hope a`u i koi ikaika ai e mare, ua mahuka oia ia po.  I kekahi la ae, loaa aku la oia ia mamua ma na palena waho o Ladana.  Me ka haaheo oia i hoikeike mai ai i kekahi palapala mare.  Alaila iloko o kuu inaina nui, hoino aku la au me ka hoopale loa e ike hou ole aku au i kona mau maka, a ua hookoia a hiki i keia hora a kaua e halawai pu nei.  O kuu hewa i hana aku ai iaia, e hui kala mai e na lani.  E haawi no au ano i ko`u waiwai a pau no ka ike hope ana aku ia Helene." Uwe iho la oia.

       "O ko`u makemake e huli oe iaia.  E haawi ana au nona ma ka hooilina he $10,000, a in a oia ua make, e ili aku no ia maluna o kana kane a me kona mau hooilina.  E hana aku i ka palapala a kakauinoa aku au."

       Ua paa ae la ka palapala hooilina a ua kakauinoa ia.

       "A e huli oe iaia," wahi a ka elemakule.

       "Me na kokua a na lani e loaa oia ia`u,"  wahi a Meka me na waimaka.

       Huli ae la o Meka e puka iwaho, komo mai la he kino wahine me ka puahi nui a kukuli iho la ma ka aoao o ka moe o ka elemakule.

       "E kuu makua," wahi ana, "mai make e mamua o kou hoihoi hope ana ku i kela hoino weliweli loa au; a ma ka ino ao kuu makuahine, e hoomaikai mai i kau keiki nei."

       "Helene! e hoomaikai ia na lani.  E hoomaikai ia oe.  E huikala mai i na hewa o`u.  Ua hewa au imua ou, imua hoi o ke Akua." A lele ioa ae la kona hanu.

       No kekahi manawa loihi i kukuli ai oia malaila, me ka pule ana a me ka honi hope ana ma na lehelehe mae o kona makua.  Alaila ku ae la oia iluna huli ae la a ike ia Meka e ku ana me na lima e anehe mai ana e puili iaia.

       "E kuu wahine, e Helene, hoi mai me a`u, wahi a Meka.

       A hopu aku la oia ma na lima o kana wahine nalo loihi, honi iho la iaia me ke aloha oiaio.

       "E hookuu ia`u, e Meka; ua hoohilhila mai oe ia`u a ua hoehaeha hoi; e hoomanao i ka`u i hana aku ai--

       "Ua hoomanao au; ua noi mai oe a ua mare ia kaua; ano, ke noi aku nei au e aloha i kau kane; e kuu wahine, ua aloha au ia oe mai ka wa mua loa o ko`u ike ana i kou mau helehela."

       "E Meka, aole loa pela kou manao.  Ua hoehaeha loa mai oe ia`u; e ae mai e hele aku au a huna i kuu mau maka ma ka ilihonua--i kuu hilahila nui, kuu lokoino, kuu mau hana hoowahawaha loa a hoohaahaa i kou kulana.  E hoomanao i ka`u hana aku ai ia oe e kuu Meka aloha; ua huna iho au i kuu mau maka keleawe maloko o ka uhimaka o ka henehene a me ka hilahila, a nonoi aku la e kauo ia a e owili pu ia kou ola ana me ka ino a Helene Caselatona, ka mea i kupono ole ke kapa ia he wahine.  E hoomanao i kela lokoino nui a`u i hana aku ai ia oe--ma ka ipuka o ka luakini o Sana Ke@ki, i kela po o kuu manao uilani me ka hehena, ua haalele iho la au ia oe me ka lokoino nui--ua haawi aku au i ka henehene i ke kuahu kahi o kaua i lawe ai i ka hoohiki i hookahi ma ke kino a me ke aloha, ua hahaki mua au i ka ae like mawaena o`u a me ke akua.  E kuu Meka, ia`u i hoomanao ae ai ka`u pa ne hope mai hoopili i kou noho @na me kou ola ana me ko` koe ma ka inoa he oi aku ia o ka lokoino o na lokoino a hanaia e kau Helene nei. A ia`u e hoakoakoa mai ai ia mau hana a`u @o ko o ko`u mau hoomanao mehameha ana, aohe hopena e ae a`u e upu aku ai o ka huna wale iho no ia`u iho maluna o ka honua a mai ia oe mai, a make au iloko o kuu hilahila.  E Meka, e hookuu mai ia`u e hooko no ka hopena o kuu mau manao hehena, a  mai ike mai ia Helene nei ma ke ano he wahine a@ nau.  Ua lokoino, ua hoowahawaha.

       Punia loa ae la o Meka i ke aloha a hookuu aku la na kona mau kulu waimaka e hoike.

       "E hoolohe hou mai," wahi a Helene me ka leo oluolu.  "Ma kela po o ka lokoino a`u i haalele aku ai oe, hele aku la-au he mea lawelawe no kekahi lede; lohe au ua aneane make kuu makuakane, a o kela hoino ana i hoopale loa mai ai ia`u, ua ehaeha au.  Nolaila ua hoi mai au e haawi mai oia i kona hoomaikai hope a e hoihoi hou i kela hoino; ua halawai iho nei au me ia no na minute hope loa o kona aho.  Ua hoino mai oia ia`u a me na lani pu no hoi.  E Meka, kuu kane ma ka inoa, e ike mai anei oe ia`u he wahine nau, he mea i haha@ia e na hoino?  He kanaka hanohano oe a he mea e paa ana i ke kulana.  E ku aku anei au ma kou aoaao i mea henehene ia mai nou? Ke ike mai nei oe ia`u me kuu mau noo noo ulaia; aole nau i hooili mai ia haawina, aka, no ko`u iini ponoi.  Oia  kuu manao paa e auwana aku ma ka honua a hiki i ka hopena o kuu mau la."

       Ua nana aku la na kamka ponipeni o Helene ia Meka, iaia e hakoko pua ana me na kulu waimaka a ke aloha hana nui.  Apo aku la o Helene ma kona a-i a hooma-u iho la kona mau lehelehe ma ka lae laula o Meka. "Aloha, e Meka--e hoomama ia kou luuluu a na ke Akua e kokua mai oe."  Wahi a Helene, iaia i hookaawale mai ai mai ia Meka.

       "Helene," wahi a Meka.  "Ua kani kau au no kou nalo loihi ana me ka ehaeha i oi aku mamua o ka hiki ia oe ke hoomaopopo.  Ano, ua loaa oe ia`u mai na lani mai.  Aole loa au e ae aku e nalo hou oe, a na kuu aloha e paa ia oe.  A ia alakai ia kou makemake ia keia la a ma keia mua aku paha, ua hoouna pu mai oe ia`u e auwana, a o kaua pu iloko o ia haawina.  E kuu aloha, e hoao e aloha mai i kau kane e like me kona aloha oe.  Aole he auwana, he lokoino, he hoowahawaha a he hilahila e lanakila imua o ke aloha.  Ina he ehaeha, ilaila pu kaua:  in a he hauloli, ilaila pu; in a he aloha, o kaua pu ilaila.  E aloha ana anei oe i kau kane?"

       Aia e mau maka aloha me ka hauoli e nana mohala maikai mai ana iloko o na onohi o Meka--ma ka hoike hou ana ae, no Helene ia, no ka wahine namo loihi.  Me na lima pumehana a me ka puuwai piha i ke aloha, puili hou aku la oia ia Meka a uwe iho la maluna on a me ka ehaeha.

       O na haawina a laua e hooko ana ia wa, aole he peni i hiki ke hoakaka i na palena o ke aloha i huiia.  I ka mao ana ae o ia kuakoko, pane iho la o Helene:

       "He oiaio, e Meka, kuu Meka --ma ka aoao o kuu makua e moe puanuanu mai la, ua kukuli iho au a nonoi aku i na huikala ia a me na hoomaikai, a ua loaa ia`u a ua hoomama ia kekahi hapa o kuu naau ehaeha.  Imua hoi ou ke kukuli nei au (kukuli iho la) a nonoi aku i kau mau huikala a me na hoomaikai.  Imua hoi o ke Akua, ke waiho aku nei au i ko`u mihi oiaio--e kokua pu mai ia kaua iloko o ke aloha he kane, he wahine, a he ohana"

       "E ku ae iluna, e kuu Helene, me ka puuwai mama."  Wahi a Meka.

       Puili hou aku la o Helene ia Meka a honi hoomau aku la.  "Ke kapa nei au i keia 'ka honi hoau mua o ko kaua noho pu ana i hookahi ma ke kino me ke aloha." E Meka, ano ua hauoli au, ua hoomama ia kuu naau ehaeha."

       "Ua hoomama, pu ia me ko`u a ua ikaika hou au." wahi a Meka.

       Ma ka aoao o ke kino make o ka elemakule, kukuli like iho la laua a lu i na waimaka me na huapule.  Alaila, heluhelu ae la o Meka i ka palapala hooilina hope a ka elemakule imua o Helene.

       No ka hoike hou ana aku i ka hopena o ko laua ola ana, ua maluhia a me, ka holomua.  Ua hoopaa iho o Helene i kona aloha no Meka, a pela pu hoi o Meka no Helene.  A in a he Lani kekahi ma ka ilihonua, aia no ia mawaena o ke aloha oiaio a pilipaa o ke kane i kana wahine, o ka wahine i kana kane, a o na makua i ka laua mau keiki--ke aloha ohana--Call.