Ka Nupepa Kuokoa, Volume XXX, Number 6, 7 February 1891 — Page 4
| This text was transcribed by: | Debi Chock |
| This work is dedicated to: | [none] |
Ka Nupepa Kuokoa
KE KILOHANA POOKELA NO KA LAHUI HAWAII.
NO KA MAKAHIKI @.00
NO EONO MAHINA 1.00
KUIKE KA RULA
POAONO, Pfriruari 7, 1891.
Na Pihe Kumakena
HUE’A KE ALOHA
Ka Makee Alii.
Ike’a ma ka Waimaka i ka Hoohanini mawaho.
Na Olelo Ho’aloha’loha.
Malalo iho ka moolelo o na halawai a na makaainana i malamaia ma ko ia kou mau wahi iho, me na manano hoaloha loha i hooholoia mai ia mau halawai no ka ohana alu.
Ma ka hora 9 o ka la 29 o Ianuari i hala, ua malama na makaainana o ka apana o Koolauloa, Oahu, a ua hooholo iho i keia mau Olelo Hooholo malalo iho:
I ke Alii ka Mea Kiekie,
Ka Moiwahine KAPIOLANI
O makou, na makaainana o olua ma ka apana o Koolauloa, ma o ko makou mau Komite la. Mamali o ka lawe palanche ana o ka Mea Mana Loa i ke ola makamae o kou koolua, ko makou Moi aloha nui ia DAVIDA LAAMEA KALAKAUA, nolaila.
Hooholoia KE komo pu aku nei makou iloko o ke kanikau me ka luuluu kumakena pu me oe no ke Alii ka M@ hala aku
Hooholoia – Ke noi nei ka makou leo pule i na Nana Lani e hooluolu ia kou mau kaumaha a pau loa.
I ke Alii ka Mea Kiekie,
LILIUOKALANI,
O makou, na makaainana o ka Moi Kalakaua e noho ana ma ka apana o Koolauloa, ma o ko makou mau komite la. A man@li o ka mana palena ole o ka Mea Mana Loa i ka lawe ana aku i ka hanu hope loa o kou Kaikunane, ko makou M@ i aloha nui loa ia, oia o DAVIDA LAAMEA KALAKAUA, nolaila –
Hoohololoia Ke komo pu aku nei makou iloko o ke kanikau, luuluu, kumakena pu ana me Oe no Kou Kaiku nane ke Alii i hala aku.
Hoohololoia Ke noi nei ka leo o ka makou mau pule i na Mana Lani e hoomama mai i Kou mau kaumaha a me na luuluu a pau.
O makou na Komite, J@O. Kaluhi, H. Kauaihilo, Sam’l Kapu, D. Kekiokalani, I, K. Kahoino, I. J. Aylett, M. Konaaihele, John N. Kuhia
J.I. KUHI, Kakauolelo
Ua malamaia he halawai makaainana maloko o ka luakini ma Waihee, Maui, a hooholoia keia mau manao hoaloha’loha malalo iho:
I ka Moiwahine Kanemake KAPIOLANI,
o ko Hawaii Pae Anna.
O makou o na makaainana o ka apana o Wailuku e noho ana ma Waihee a me Waiehu, ma ko makou komite la.
Me ka mahiehie o ke aloha a make Alii, i kamakama ia maluna iho o na ipukapuka o ko ke Alii ka Moi mau makaainana puuwai i keia la. Ua poha mai la he leo e wawalo ana o ka pihe kanikau, e ulono ana ka manawa i ke kumakena, a e paiauma ana ke kupinai no ke kanikau o ka Ohana Alii, no ka make ana o ka makua o ka lahui Hawaii, ka Moi DAVID LAAMEA KALAKAUA, nolaila.
E hooholoia – O makou o na makainana a pau o ke Moi e noho ana ma Waihee me Waiehu, me ke aloha walohia i poniia me ka naauauwa o ke aloha Alii, me na puuwai i kiponaia o ka ehaeha me ke kaumaha i ka Moi Davida Laamea Kalakaua, i haalele mai ai ia o e ka Moiwahine Kanemake ma keia aoao o keia ola ana, e u, a e paiauma i ke aloha nui nona. Nolaila, ke komo po aku nei makou pakahi iloko o ke kumakena, kanikau pu no kou Haku Lani Alii i hala e aku.
E hooholoia – Ke nonoi nei ka makou leo pule i ke Akua Mana Loa iloko o kona lokomaikai nui a kiekie e hoomama mai i kou naau kaumaha a luuluu e ka Moiwahine Kanemake, a e kiai ai a malama mai ia oe a me kona lahui kanaka. A pela makou e pule mau aku ai. (Na Komite)
I ka Moiwahine LILIL’OKALANI, o ko
Hawaii Pae Aina.
O makou o na makaainana o ka apana o Wailuku, Maui, e noho ana ma Waihee a me Waiehu ma ko makou komite la.
Me ka mahiehie o ke aloha a make Alii i kamakama ia maluna iho o na ipukapuka o ko ke Alii ka Moi mau mau makaainana puuwai aloha i keia la. Ua poha mai la he leo e wawalo ana o ke kanikau pihe, e ulono ana ka manawa i ke kumakena, a e paiauma @ ke kupinai no ke kanikau o ka Ohana Alii, no ka make ana o ka makua o ka lahui Hawaii, ka Moi DAVIDA LAAMEA KALAKAUA, nolaila.
E hooholoia – O makou o na makaainana a pau o ka Moi e noho ana ma Waiehu me Waihee, me ke aloha walohia i poniia @ e ka naauauwa o ke aloha Alii, me na puuwai i kiponaia o ka ehaeha me ke kaumaha i ka Moi Davida Laamea Kalakaua i haalele mai ai ia oe e ka Moiwahine Liliuokalani, ma keia aoao o keia ola ana, e u, a e paiauma i ke aloha nui nona. Nolaila, ke komo pu aku nei makou pakahi iloko o ke kumakena a kanikao pu me oe no koa Kaikunane Haku Alii i hala aku.
E hooholoia – Ke nonoi nei ka makou mau leo pule i ka Haku i ke Akua Mana Loa iloko o kona lokomaikai nui a kiekie e hoomama mai i kou naau kaumaha a luuluu e ka Moiwahine Liliuokalani, a e kiai a malama mai ia oe a me kou lahui kanaka. A pela makou e pule mau aku ai.
O makou iho no me ka haahaa na komite: W.S. Maule, R. J. K. Nawahine, J. M. Napulou, S. E. Kaleikau, J. N. Kamakaiwi, S. Kaleo, J. Kekekena, S. Hookano, Kamaka, S. Kaleikini, M. K. Kapoi, Kekahuna Iona, J. Lani.
Ma ka hora 11 kakahika o ka la 30 Ianuari, ua akoakoa ae na kanaka o na lahui like ole ma ka hale hookolokolo o ka apana o Makawao, a oiai he uuku a he pokole ka manawa i paholaia mai ai ka lono kaumaha, nolaila, aole i loaa he manawa e akoakoa mai ai ka lehulehu a pau.
Mahope o ka hoakaka aha mai o ka hope makai o ka apana i ke kumuhana o ia akoakoa ana, oia hoi ka noonoo ana i kekahi mau olelo hooholo kupono e hoike ana i ke aloha i ka Moi a i ka ohana alii. Ua kohoia ka lunahoomalu oia o Chas. Copp, J. Kalama ke kakauolelo ma ka olelo Hawaii, Dr. A. A. Crane ke kakauolelo ma ka olelo haole; Hon. G. E. Richardson ka mahele olelo.
Ua kohoia i komite haku i mau olelo hooholo e haawi aku ai i ke aloha o na makaainana o keia apana mamuli o ka make ana o ka Moi, a e haawi ia i hookahi kope i ka Moiwahine Liliuokalani a i hookah i ka Moiwahine kane make Kapiolani.
Ua noho ke komite e noonoo i na olelo no ka hapalua hora, a ika makaukau ana ua waiho mai lakou i na mea i hooholoia e lakou e like me keia malalo iho:
O makou o na makaainana o ka apana o Makawao, mokupuni o Maui; oiai ua hiki mai ka lono kaumaha ia makou no ka oluolu ana o ke Akua Mana Loa i ka lawe ana aku i ke ola o ka Moi Kalakaua I., Moi o ko Hawaii Pae Aina mai keia ao aku, ma ka la 20 o Ianuari, 1891, mai ka lepo aku o ka aina gula o Kaleponi, nolaila, e hooholo ia;
Akahi – O makou o na makaainana o ka apana o Makawao, mokupuni o Maui, ma o ka halawai makaainana o keia la, ke komo pu aku nei makou me oe e ka Moiwahine Liliuokalani, Moi o ko Hawaii Pae Aina, i keia wa, a Kaikuahine hookahi i koe o ka Moi i make; e kanikau pu, e kumakena pu, a e auamo pu i na ehaeha a pau i kau iho maluna ou a maluna o kou mau makaainana aloha e noho ana iloko o kou aupuni.
Alua – Ke komo pu aku nei hoi ma kou me oe e ka Moiwahine kane make Kapiolani, e kanikau pu, e kumakena pu, a e auamo pu i na ehaeha a pau i kau iho maluna ou no ka hala ana me ke kaawale ana o kau kane Lani i aloha nui ia mai ia oe aku ma ke alanui hiki ole aku ia oe ke ka ua mai.
Akolu – Ke komo pu aku nei makou e kaana pu i na ehaeha a pau i kau iho maluna o ka ohana alii o ka Moi i aloha nui ia i make, no na la a pau o ko lakou kanikau ana no ko lakou makua aloha, oluolu a lokomaikai i hala aku ma kela aoao o keia ola ana.
Aha – O kona make ana i na aina e, a me kou ike ole ana e ka Moiwahine a kaikuahine o ka Moi i make, i kona aho hope loa, a me kou ike ole ana hoi e ka Moiwahine Kapiolani i na la o ka ehaeha hope loa i kau iho maluna o kau kane Lani Alii A’moku i hala aku la, a me ka ohana alii i hooneleia i ka haku ole, a me na makaainana i hoonele ia i ka Moi oluolu, a i ike mai ka poe i ka mu’o a i ka lopa haahaa loa, a i kaikai ae ia Hawaii @ kau iluna loa ma na kulana a pau, oia ka mea nana i hooi loa ae i ka lihaliha a me ka mokumokuahua iloko ka lahui no lakou ka Moi, mai ia oe e ka mea e noho ana i ke kalaunu a i ka makaainana haalele loa.
Alima – Ke pule nei makou e @mama mai ke Alua i keia mau kaumaha a pau loe.
Aono – E hoolaha ia keia mau olelo hocholo ma na nupepa Hawaii me na nupepa haole i paiia ma Honolulu.
Ua hooholo lokahi ke anaina i keia mau olelo hooholo a ua lulu iho la na hoa a loaa na dala he umi i uku no ke kakau poepoe ana, a ua aoonoia e uku aku i elima dala no ke kakau poepoe ana ma ka olelo Hawaii, a i elima dala no ke kakau poepoe ana ma ka olelo haole. Mahope o ia wa, ua haiolelo ho’aloha’loha mai na kamaaina malalo iho, Hon. G. E. Richardson, Lomo A. Andrews, E. Helekunihi, John Kalama, Dr. A. A. Crane a me Charles Copp. Ua nui ka walohia o na olelo i haiia a me ka ehaeha o ke aloha Alii iloko o na mea a pau; ma ke noi ua hookuuia ke anaina. JNO. KALAMA Kakauolelo.
I ka Moiwahine Kanemake KAPIOLANI.
Me ke aloha noi. Oiai, ua oluolu i ka Makua Mana Loa, ka lawe ana aku i ke ola makamae o Kau Haku Alii Kane i aloha nuiia, ka Haku Lani Alii ka Moi Kalakaua, a ua haaleie mai ia oe e paiauma aku ma keia aoao me ka ehaeha paumako o ka naau Nona i niau hookahi aku la. Nolaila,
E Hooholoia. 1 – Ke komo pu aku nei makou me Oe e auamo i na ehaeha a pau i ili iho maluna Ou, ka ohana’lii a me ka lahui a pau.
Hooholoia. 2—Ke nonoi haahaa aku nei makou i ka Makua Mana Loa e hooluolu a hoomama mai oia i kou manao ehaeha a pau iloko o keia wa kaumaha; a e hooloihi mai i na la o kou ola ana.
E ola loihi ka Moiwahine kanemake i ke akua. O makou iho no, kau mau kauwa haahaa a hoolohe, na haumana o ke Kula Kahunapule.
I ka Moiwahine LILIUOKALANI, Moiwahine o ko Hawaii Paeaina.
Me ke aloha nui. Oiai, ua eluolu i ke Akua Mana Loa ka lawe ana aku i ke ola makamae o Kou Kaikunane Haku Alii ka Moi Kalakaua i aloha nuiia, a ua haa’ele aku ia oe e paiauma aku me ka walohia nui. Nolaila,
E Hooholoia. 1—Ke komo pu aku nei makou e amo pu i na kaumaha o ka eaheha i ili mai maluna Ou e ko makou Makuahine Lani Alii, ka Moiwahine, a ke Akua lokomaikai i hoonoho mai ai i makua no makou Kou Lahui, a ke nonoi aku nei hoi i kona aloha palena ole e hoomama mai i Kou mau manao kaumaha a pau iloko o keia wa ehaeha.
Hooholoia. 2—Ke mahalo nui nei makou me ka poina ole i ka Moi Kalakaua, ma ka imi ikaika ana i na mea e pomaikai ai kona aupuni, a me ka noho hoalauna pilipaa ana me na aupuni e.
Hooholoia. 3—Ke kulou haahaa nei makou imua o ke Akua Mana Loa e hoopomaikai mai ia Oe ma Kou noho hoomalu aupuni ana, a e haawi mai i ka naauao nou mai luna mai, a me ke ano noho hemoleie karistiano oiaio, a e hooloihi mai i kou mau la ma ka nohoalii.
E ola ka Moiwahine i ke Akua, o makou no kau mau kauwa haahaa, na haumana o ke Kula Kahunapule.
G. W. Nakaa; L. M. Mitchell; W. W. Higgins; D. M. Kualii; M. Kuikahi; M. C. Kaikuahine; D. W. Kawahamae; J. B. Kahaleole; D. K.Maheula; J. David; Joel Samoa; D. Kaai; J. Aiu; J. Nua; P. Mahihila; W. Kawaiaea. J. Kaauwai, a me ke kumukula C. M. Hyde.
Honolulu, Feb. 6, 1891.
HE HO’ALOHA’LO ‘A.
Ia Mrs. Olivia Mahoe: Aloha oe –
Mamuli o ka oluolu o ka Mea Mana Loa i ka lawe ana aku i ka hanu o kau kane i aloha nui ia, ia Rev. J. H. Mahoe, nolaila,
E hooholoia. O makou o ke komite i kohoia e ka Ekalesia me ke Kula Sabati a me ka Ahahui Imi Pono Karistiano o Koloa, ke komo pu aku nei me oe iloko o ke kumakena a me ka luuluu no kau kane i aloha nui ia, a makua hoi no makou ma ka pono, a i haalele mai i ko olua nohe ana, a i haalele pu mai ia makou e u pu aku me oe iloko o ke kumakena.
E hooholoia. Ke komo pu aku nei makou iloko o ke kanikau me na keiki i hooneleia i ka makuakane ole, a me ka ohana a pau e noho ana iloko o ke kumakena.
E hooholoia. Ke nonoi nei ka leo o ka makou pule i ke Akua e hoomama mai i kou mau manao kaumaha a luuluu, a nana no e hoolawa mai e like me ka olelo, “Pomaikai ka poe make ke make iloko o ka Haku.”
E lana ka manao e na haipule, no ka mea, e hoi hou aku ana no ma kela ao, “No ka mea, ua waihoia no he wahi maha no ko ke Akua poe kanaka.”
O makou iho no ma o ko makou komite la, A. W. Maioho, Edward Kaaloa, Bacilio Lucer.
Koloa, Kauai, Jan. 24, 2891.
Ua make o Rev. J. H. Mahoe i ka la 21 of Ianuari, 1891, i ke 59% kona mau makahiki. Aloha ka makua hai ola o ka pono. A. W. MAIOHO.
HOOMAIKAI
O makou o na keiki iloko o ke kaumaha ka luuluu a me ka ehaeha a ka mai lepera, e noho nei ma Kalawao me Kaluapepe, ma o ko makou komite la.
Ke haawi aku nei makou i ka mahalo a me ka hoomaikai nui i ke Kula Sabati o Kaukeano ma o J. T. Waterhouse Jr., W. W. Hall, Mrs. H. Waterhouse, Mrs. Gillman, Mrs. Oleson, ko oukou komite, no ka oukou makana a kokua aloha i hopuna mai ma o ko ma kou mau makua Rev. S. Waiwaiole me S. Kamahalo, a i loaa hoi ia makou a pau me ka hiuoli nui, a ma kahi o ke kaumaha ua hoomama ia.
He nui no na Kula Sabati a puni ka Pae Aina, aka, ma o oukou la wale no ka hoomanao ana no makou.
Nolaila, ma o makou iho, ke haawi aku nei i ko makou aloha ia oukou a pau na haumana o ke Kula Sabati o Kaukeano, me ko makou ake nui e lawe aku oukou i ka makou hoomaikai. A oa ke Akua Mana Loa e hookau mai i na haawina o ka hoopomaikai nui oi aku maluna o oukou a rau.
M. K. Makaena,
K. M. Kahoohiki,
J. R. Kainuwai.
Kalaupapa, Molokai, Jan. 28, 1891.
KA MOREMONA
Ma ka Poakahi, ka la 20 o keia mahina iho nei ma Waiakea ma ka apana o Hilo nei, ua ikeia aku o Mr. Keolai a me Mr. Nihipali, he mau kumu moremona, e alakai hewa ana i na kanaka me ka olelo ana o ko lakou ka hoomana oiaio, a o ka hooluu ana ka i ka wai nui oia iho la ka ka babetizo oiaio, a o ka mea e hooluu ia ana, alaila, ua pau kona hewa i ke kalaia, wahi a ua o Nihipali ma, a eia iho malalo nei na hoike no ka laua hana.
Oiai o Mr. Keolai a me Nihipali e hoike ana ia l@ a iho imua o kekahi anaina nui e makaikai aku ana a imua hoi o kekahi mau mea e manao ia ana e hooluu iloko o ka wai, oiai e wehe ana na buke a me na himeni a e kuupau mai ana laua i ke kuolo kani o ko laua mau kileo i kela manawa, oia no oe ka nonolo o ka leo o ka ohe hano, aole no hoi o kana mai o ke okihikihi o ua o mea ma, a oiai na kiheahea hou e kahe makawalu iho ana i kau a mea o ka nokonoko pono o ka la, a oia ka manawa o ka wati i ka hora 11 a oi iki no laua nei paha ka olelo ana, na “Poola o Honolulu,” a i ka amama ana o ka laua mau pule, ua kaina mai o Namaka elua k., a me Meliaka w., e hooluu ia iloko o ka wai, a na Mr. Kaaiakoili hoi oia ka hope moremona i kulai aku ia laua ma ke poo a nenolo ana na pukaihu iloko o ka wai. Aole no hoi o keia wale no, ma ka la 16 aku no o Ianuari, ua hooluu ia o Mr. Kaawa iloko o ke kai mawaena o Mokuolu a me Mokoku no ka pono ole ka i ka wai maoli, a he mahlo ua o Nihipali ma i ka uanii o ke kai o pau ka li’u o ka paakai i ka hanini iwaho, kupanaha no hoi o moremona. aohe lau komo ole, ua like no ka, wahi a lakou, o ka luu i ke kai a me ka luu i ka wai; hu ka aka.
KANUKUOKAMANU
Hoole Waiona.
(Na ka Ahahui W. C. T. U.)
Ma Kaieleonalani, oia hoi o “Ema Hale, ma Honolulu.
He halawai i kela me keia. Poalima hora 7:30 o ke ahiahi.
He halawai Hoole Waiona, o ka Ahahui o ka Lipine Bolu o Honolulu.
Ke kona ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai na mokupuni e mai, e komo, a hui me makou ma keia hana kuonoono, “No ke AKUA a me ka HOME, a me ka AINA HANAU!!”
HOOLAHA KUMAU.
I Ka Poakolu auwina la ma ka hora a e hiki ana o Miss Mary E. Green, a me Miss Helen J. Judd ma Hale Ema e malama i ka Ahahui Hoole Waiona, i kappa ia “KA BANA O KA MANAOLANA,” iweana o na keiki o ke kulauakauhale o Honolulu nei. Ke kono ia aku nei na keiki o ka aina makua, a me na keiki o na aina e, e hele mai. E malama ia ana he wahi paina meaono me ka inu ti a ine ka haukilima, ma ka Poakolu hope o ka mahina.
Na Ekalesia.
Malalo o keia poo, e hoopuka mau aku ai makou i ka moolelo e pili ana i na Ekalesia a puni ka
Pae Aina. E kakau ma na mea ano nui, a e hoopaka ia aku no.
Ma ke Sabati, Ianuari 25, ua hiki mai ke komite A. Pali, O. Nawahine a me S. K. Kamakahiki, a ua lilo moa’e ka hanohano i ke komite Kamakahiki oiai iloko o ka manawa Kula Sabati, ua waiho mai la oia he manao e pili ana i ka aie i ka hoike nui ma Lahaina o ka makahiki i hala; o ka huina aie, pe $55.00.
Ua nui ka hoopaapaa, a no kekahi mau minute ua lulu ia na dala he 24 a ua hooholo ke Kula Sabati o Wananalua e hoolilo aku 1 11 dala mai loko ae o ka waihona, huina $35, koe he 20 dala, ua mahelehele ia aku ma na Kula Sabati i koe o Maui Hikina.
Ua malamaia ko makou anaina haipule he 20 minute mamua ae o ke kani an@ o ka hora i aoina la. Na Rev. A. Pali i wehe ke pooleo: “I noho ka hanohano ma ko kakou aina.” Halelu 85:9, hapa hope.
He nui na olelo momona i puai mai mai ke kumuwai o Lahaina, i pakui pu ia mai e Obeda Nawahine. Ua nookuu ke anaina me ka pule a Nawahine. Ua noho ka aha luna mahope o ka pau ana o ka pule.
O ka hana a ka aha luna oia ka noonoo i ka mea e pili no Iosepa; ma ke kua ana a ka aha luna a me ka komite pu, ua hooholo loa ia e hoomau aku no o Iosepa i kona noho kahu anano Hana nei, a ua pau na manao kue.
Ma ka hora 4:30 ahiahi, na Kamakahiki i malama ko makou Hui Opiepio, a ua waihu hou mai oia he kumu hana e pili ana i ka hale noho o ke Kahu, a nana no i kohokoho i mau komite oia o Mrs. M. Kaleo, Mrs. R. Kaiwiaea, Mrs. A. Sylva, Mrs. Kaai, Mrs. M. Hanuna, me ke kokua pu o ka lakou mau kane. O ka hana a keia komite oia ke pena i ka hale me ka hoomaemae ia loko. PUHALAHUA.
HELU KANAWA O HONOLULU
Malalo iho ka hoike papahelu o ka helukanaka o ke kulanakauhale nei i hooponopono ia e ka luna nui o ia hana.
Hawaii & Hapa Hawaii Na Haole Hawaii
Kane Wahine Huina Kane Wahine Huina
Mahele Ekahi 880 874 1754 261 261 522
Mahele Elua 1169 1154 2323 308 288 596
Mahele Ekolu 998 1058 2056 276 275 551
Mahele Eha 1304 1101 2405 243 264 507
Mahele Elima 1413 1203 2616 120 89 209
Hoina 5764 5390 11154 1208 1177 2385
Helu Kanaka o 1884 5550 5303 10853 457 399 856
Ka Oi ana 301 1529
Ke Emi ana
Pake & Iapana Na Lahui e.
Kane Wahine Huina Kane Wahine Huina
839 79 918 533 399 932
229 47 276 908 420 1328
545 72 617 418 538 956
1994 309 2303 640 217 857
618 50 608 338 157 495
4225 557 4782 2837 1731 4568
4745 528 5273 1919 1586 3505
1063
491
Huina i Huiia.
Kane Wahine Huiina
2513 1613 4126
2614 1909 4523
2237 1943 4180
4181 1891 6072
2489 1499 3988
14034 8855 22889
12671 7816 20487
2893
491
Penei ka mahelehele ana o na kanaka ma na wahi noho:
22 mau pa-hana, he 271
2 mau wahi hoopaa lawehala 175
5 mau halemai 274
7 mau hotele paina 102
50 mau hale hoolimalima 417
10 halekula hanai 541
3908 mau hale noho ponoi 20,913
Maluna o na moku 196
Huina kanaka o Honolul 22,889
Benson Smith & Co.
Na Mea Laikini ia e kuai Kukaa a me Kuai Liilii aku.
Na Laau Lapaau
O NA ANO A PAU.
HELU 113 me 115. ALANUI PAPU
O LAUA NA AGENA NO NA
Laau Lapaau kuluwai Liilii!
Boreicke & Schrecke
:A ME NA:
WAi Lukini OnAonA Waianuhea!
WAIALA MAILE
A ME KA
Onoona Lei Aloha!
@ O ma lako no ka Lauoho a me ka Ili, a me na mea hoonani o ka Home, e loaa no na makamaki ke kipa mai ma keia hale.
@
E. LILILEHUA,
Loio ma ke Kanawai.
Notari hooiaio palapala no ka lehulehu, kakau
palapala koai, hoolimalima, moraki, me na
ano pa’apala pili kanamai a pau.
Keena Oihana: Kawehiooamanu, Kaluaaha, Molokai. *2288-6@
PAPA! PAPA!
AIA MA KAHI
:o:
LEWERS & COOKE
(O Lui Ma)
Ma ke kahua hema o alanui Papu me Moi
E loaa ai na
PAPA NOUARI
o kela a me keia ano.
Pani Puka, Na puka Aoiani, Na Olepelepe
Na Pou, Na O-a, Na Papa Hele, Na Papu
Ku. a me na Papa Moe nui loa
Na Pili o na Hale o na Ano a Pau
A ME NA
@AI HOOHINUHINU NANI
O NA ANO A PAO LOA.
NA BALAKI ANO NUI WALE.
A hai @ak @ Makamaka@a
pau, ua makaukau keia Makamaka
o oukou e hoolawa aku ma
na mea a pau e pi ana
me ka laua oihana
NO KA
OKO HAAHAA LOA.
E like me kamea e nolo ana mawaen
LAUA a me ka MEA KUAI.
HELE MAI E WAE NO OU
KOU IHO
Ka Waiwai o ka Hilinai
Saseparila Ayer
@ Laau Saseparila, kai kaulana hilinai a alia no ka noomaemae koko, ma oa wahi a pau o @a nonua, ne aneane 40 ma ka niki i hala ae nei, a ua lawelawe nui ia hiiwaena o na oihana lapaau. O keia
LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.
HE koko inoino a nwaliwali ane kou? U awili puaanei me na ano mai ikaika? A u hui pu anei me na wai awaawa hoopehu Na keia
LAAU e hoomaemae ia mau mea ino a pau a maikai. O na kauka lapaau a pau o Amo ika ike ke ano o ka AYER SASAPARILA ua olelo lakou, aole he mea maika i e ae no ka hoomaemae koko ana main a mai i awil pu ia, aka o keia wale no. No ka
HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke
KOKO ino hakuhaku, a nawaliwali hoi koua holopono ana ma ke kino, e hoomaemae ia ana a e hooikaika pu ia no hoi ma o ka ai ana keia LAAU SASAPARILA A AYER. He maa lahi a he
MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma’i, hoomomona hou ana i ke koko ino, a me ka hookaika pu i kona holo pono ana ma na aa. He lehulehu wale na hooia ana puai na wahi a pau o kea o nei i hoohana ma i keia laau mamua o kahi mau laau e ae.
AHILINAIIA no ka ikaika kupono e ke ola kino, ma ka maemae ana o ke koko, hoomake pu ia na ma’i, a pela aku. He nui na laau hoomaemae koko i oolaha wahahee wale ia malalo o na inoa ‘alehu, aka, o na hilinai a me na hooia wale no a ke ao holo okoa, maluna o ka
Ayer Laau Sasaparila
I HOOMAKAUKAUIA
Kaaka J.C. Ayer & Co. Lowell, Mass.
HOLLISTER & CO
Ma Agena ma ka P@aaina Hawaii
Kakela a me Kuke
Ka Halekuai Nui
O NA
Waiwai Like Ole
E laa na pahiolo, koi hole,
bamale, koi nui a me liilii, kila,
wili puaa @ula, apuaou, kui o @
a au kal kaa, @
@aku hoana, kepa, lei ilio, kau-
la hao ilio, pahi, upa, pahi umiumi,
kalapu, kope hulu, pulupulu, pe@
lakala, @na hao, ami, keehi, a @
KAULA OPU
PALAU
O na ano he nui wale.
Oo, ho kopala, pe kipi-
kua, hao kope, au ho a pe-
la aku, kua bipi, lei bi-
pi, kaula hao bipi, uwea pa, uwea
pa, uwea keleawe, hao p@
piula, kaa palala, ipuha@
pa-palai.
Mokou mo A@o Lawaia.
Ili wai, papa holoi, kopa ala, k@
@uaina, hu’akai, ehi wawae,
hulu pena, hopaoloi,
a pela aku.
Pena wali, kini nui a me liilii o na
ano a pau, me ka pepa kuhi
kuhi, pena keokeo, aila
pena, aila hoomaloo,
vaniki kaa, a me
vaniki moe,
PENA HOOMA
LOO
a me aniani hale
@ MAHU< AILA MIKINI< AILA @
AILA KAA< INIKA KAMAA
PAU@A, UIKIIPUKUKUIONA
ANO HE NUI A LEHUI @
Na Pakeke Poi
O KE
Ano Hou Loa
NA MEA PIULA
Mikini Humuhu@
MIKINI A WILCOX ME GIBB
NA MIKINI A
REMINGTON.
He nui loan a mea hao me na ulana ae o na ano a pau, aole hiki ke @ ia aku, hewa i ka wai na maka @
Laau Lapaau Kaulana Lo
A DR. JAYNE.
LAAU HOOMAEMAE KOKO
LAAU HOOPAU NAIO. LAAU
KUNU. PENIKILA HUAALE
PAAKAI, LAAU HOOPAAHI
@ Laau Hamo a Pala ‘ka.
Ano, e kipa mai oukou e na maka maka a ike no oukou iho.
KAKELA & KUKE