Ka Nupepa Kuokoa, Volume XXX, Number 6, 7 February 1891 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Feberuari, 1891.

 

NA LA O KA HERE@MA.

 

S          M         T          W        T          F          S

 

1          2          3          4          5          6          7

8          9          10        11        12        13        14

15        16        17        18        19        20        21

22        23        24        25        26        27        28

 

            KE KAU ANA O KA MAHINA.

 

-Hapaha hope…6.10 6 P.M.

-Mahina hou…3.40 7 P.M.

-Hapaha @ua…7.58 0 A.M.

-Mahina piha…8.46 9 P.M.

 

@U @A A ME NA NAPOO ANA O KA LA

 

                        Puka    Napoo

-Sabati…         6.41.3  5.46

-Sabati…         6.37.2  5.51

-Sabati…         6.33.4  5.55

-Sabati…         6.29.3  5.58

 

KELA ME KEIA

 

            Ma ke Sabati ka la 15 o keia mahina e hoolewa ia ai ke Alii mai ka halealii Iolani aku.

 

            Ua hoouna mai o Peresidena Har@ona he palala hoike aloha no ka ma @e ana o ke Alii ka Moi.

 

            Mai na hoike ma ka Malulani o ka @oa'@a nei, ke pii mau la no ka ena o @e ahi ai honua o Hawaii.

 

            E nana ae i ko makou mau hoolaha @o@ e puka aku nei.  No Gaberiela, @ hoomaha oia i keia helu.

 

            He mau nune ko keia mau la e nu @ai nei, o na nune mau no paha kela @ ka nu aku nu mai nu na hoa.

 

            He mau mokukaua Geremania ia e @pu ia aku nei e ku m@ ana i Honolulu nei ma ke ala mai o Samoa.

 

            Iwaena o na kamaaina i hoi mai nei @ma ka Australia o ka Poalua nei, o ke Konela V.V. Akepoka kekahi.

 

            O ka Ahahui Na Keiki Oiwi Hawaii ka poe nana e huki lima ana ke kaa o ka pahu kupapau o ke Alii ma ka la e hooiewa ai.

 

            He mau Hawaii hoi hou mai nei, @e poe lakou 1 hele aku no Loko Paa@ai malalo o ka manaoio o ka hooma@a moremona.

 

            Ua hula hoi mai o Konela Keoki @akapolena, Puuku o ke Alii ka Moi, @a ka mokuahi o ka Poalua nei.  Ua @uolu kona mai.

 

            Pau kekahi põe ku kahili i ka maule ko lakou wa e ku ana.  He mau kino no e ka lakou i ike aku iloko o ke kena.  Pela ka hoike nui.

 

            O ke Alii ka Moi i hala aku la i ka @ake, he hoa oia no ka Papa Loio, ua @welawe oia i ka oihana iloko o na la mamua aku o kona nohoalii ana.

 

            Ua hoikeia ae ma Kapalakiko ka manao ana o ke Alii ka Moi e kuai lilo mai nona i kekahi apana aina ma Kaeponi Lalo.  Ua aneane e holopono @ela @anuao ana, make i iho la.

 

            Lehulehu na kanaka Hawaii ma Kapalakiko, a i ka wa o ka Moi malaila, @a hele nui aku lakou e ike iaia, a ua @auoha aku ka Moi ia lakou e hoi nui @ai i Honolulu nei ke hoi mai ka Moi.

 

            Ua hoea mai na palapala ho'aloha@ha a na makamaka wahine a me na makamaka kane o Wailuku, Maui, i ka @a e kau ana ke KUOKOA i ka nuku, a @a hauoli hoi makou e hoolaha aku no keia helu ae o ka pepa.

 

            O na kumu kuawa e ulu la ma Kaleponi Lalo, kanuia e ko kakou Kanikela Hawaii e noho ia malaila, oia paha ka hunona a Wilipaona o Wailuku.  No ke awawa o Iao i Wailuku keia mau kuawa o kana lawe ana a laila e hooulu ai.

 

            Ua hoikeia ae maanei, ua lawe pu mai o Keoki Makapolena i kekahi mau mea e pili ana i ke kuikahi i hoounaia mai e Hanale Kaaka iaia mamua o kona haalele ana aku ia Kapalakiko.  Eia paha ua mau mea la imua o ka aha kuhina no ka noonoo ana.

 

            He wahi keiki haole ka ka Moi i hookeiki aku ai me ka manao e hali pu mai iaia i Hawaii nei; na ka make ana o ka Moi i hoonele aku i kahi keiki me kekahi hoa'loa maikai, a ma ka hoi ana mai nei o Keoki Makaponena, ua lawe loa mai oia i ke keiki malalo o kana malama ana.  He wahi keiki elele keia no kahi o ka uwea telegarapa, a o kana hana ka lawe i na kauoha ma na wahi i makemake ia.

 

            He ku i ke anoano a me ka ilihia na leo mele a ka puali puhi ohe Hawaii o keia mau ahiahi iho nei ma ko lakou pohai iloko o ka pa alii.  Ma kahi o na leo mele kohaihai o ka hauoli o na la loihi i hala aku, he mau leo kanikau ma ia wahi i keia mau ia.  O na leo ohe e kauo ana me ka oii malie ana ae e emi @ho, ua lawa ia e hoohanini ai i na waimaka o ka poe a pau e lohe ana.  Ua hoike maoli mai ka puali puhi ohe i ko lakou kumakena no ke alii.

 

He wahi Moolelo i Hoikeia

-NO-

Signor Francis Crispi.

Kuhina Nui o Italia.

 

            Me he la, o ka oi aku o ke kamahao o ke kulana hooponopono aupuni i nohoia e kekahi kanaka Europa kalai aupuni, oia no ke kulana i hoopihaia e Signor Crispi ke kuhina nui o Italia i keia ia.  Ma ka olelo ana ae he kamahao aole iloko o keia mau la on a e noho mai nei ma ia kulana, aka, no kona mau la lehulehu i kaahope loa.  Ua hanauia oia ma Riberiana, Sicile, i ka 1819, ua like me kanakolu makahiki mai ia manawa a loaa ae keia kulana aupuni hou o Italia e ku nei i keia la.

            O Kale Al@beta ka Moi o Piedemona, o Fedinada Elua ke noho hoomalu ana maluna o na aina elua o Sicile, o ke aupuni Auseturia ke noho mana ana ma na aina o Romabade me Venice, o ka Pope - me kona mana nui ke hoomalu ana i kekahi hapa mahuahua o ka aina ma Roma, a o ke koena aku o na aina o ka anemoku o Italia ua kauliilii ae la iwaena o na Duke.

            He pili ohana kokoke loa o Crispi no kekahi bihopa, a ua hoonaauaoa oia e na kahuna.  I ka hopena o ia ao ana, komo aku la oia i ke ao kanawai a lilo i loio i ka 1841, a e hoomaopopoia o kona mau makahiki opiopio loa no ia.  Mahope koke iho, mare oia i ke kaikamahine a ka mea malama halepaina kahi on a e noho ana.  Hoea loa oia ma Napela a lawelawe i ka oihana loio, a ua hoala pu ae oia malaila he hoi ohumu kipi ia Fedinada II. iwaena o kekahi heluna o na kanaka ui i kapa ia lakou iho "Italia Opio."

            Ua poha ae ke kaua kipi ma Napela, Mesina me Palemo me ka bopena nele o oiai nae ua maopopo i na aupuni oia ke alakai nui o keia kipi.  Ua mahuka aku oia mai Palemo ma ka au ana maloko o ka wai a loaa kekahi waapa lawaia, a na ia waapa i a@lo aku iaia no kekahi moku Farani, a na ia moku i lawe ia ia a hoolele ma Maseile.

            Mai laila ae hiki oia ma Turina a hoomaka hou i kana oihana, aka nae, ua hoolilo oia i ka hapanui o ka manawa ma ka ohumu kipi a me ke kakau manao akea ma ke kue ana i ka poe waiwai a me ko lakou mana.  Ua hoohuoi koke ia keia mau hana a Crispi a ua hopuia oia me ka hoopaahaoia, a ma ia manawa ua mare hou oia i ka wahine oiai ua make kana wahine mua mamua o kona haalele ana ia Palemo.

            O keia wahine hou ana oia no kona wahine kauwa.  Ua pilipaa ke aloha mawaena o laua oiai oia maloko o ka halepaahao, a i kona hookuu ia ana ua holo like aku laua no ka mokupuni o Malata a malaila laua i mare ia ai.  Me ka hoomau ana no nae i ka hana ohumu, ua koi ia oia e baalele iho i ka mokupuni, a ua holo aku oia no Ladana kahi i oleloia iloko o ia au ka paredaiso o ka pae ohumu kipi.  Launa iho la oia me Mazini malaila, a haalele hou ia laila no Parisa malalo no o kana hana o ka ohumu, e kue aku ia Louis Napoliona.  Hiki oia i Parisa i ka wa e hoao ana kekahi kanaka e hoomake i ka Emepera me na poka pahu.  Hoi hou oia no Ladana a ao aku i na kanaka ma ka hana poka pahu.

            Me ka hoano e ana iaia a like me ka elemakule me na paa maka aniani uliuli ma na maka, hoi hou aku la oia no Italia a komo pu iloko o ka uluaoa ma Italia Hema malalo o Garibaladi, a o ke auhulihia ana hoi ia o ka mana o ka Moi o Napela a me ka lilo ana o na aina elua o Sicile ia Vitoa Emanuela.

            I kona kohoia ana i hoa no ka ahaolelo ma Turina, ua hoopale aku oia i ka ike ana aku i kona mau poai mua o ka ohumuhumu pu ana, a ua hookahua iho la kona noonoo ma ke kulana nee akanele.  Mahope o ka lilo oia i Peresidena no ka ahaolelo, oia hoi ke anuu elua o ka hanohano i papahiia e ia a lilo i poo no ka aha kuhina.

            E hoomaopopoia, o ka hanohano hope iho ia i loaa iaia, aole nona ia kulana i ake ia ioa i loaa he kanaka kupono ma ia wahi, a ua hoehaeha mau ia o Italia mamuli o ka nele maoli no i na kanaka alakai aupuni.  Aohe makemake o ka Moi iaia, me he ia no a hiki i keia wa.  A ua hoole kaokoa aku no hoi ka Moiwahine mai ka ike ana aku iaia mamuli o kona mare hou ana no ke kolu o ka manawa oiai kana wahine mua (ka wahine lawelawe) o Rosalia Monomasona, e oia ana.

            O keia mare ekolu ana on a, he kamailio nui ia ma Italia.  Ua ahewaia aku o Crispi mai na wahi lehulehu no ka mare lehulehu.  Ua hookolokoloia oia malalo o ia hihia a hookuuia no ka loaa ole ana o ke kahuna nana laua i mare he kanakolu makahiki i hala aku.  Aole no i hookipa moi ka Moiwahine iloko o kona halealii, i kekahi le@e malalo o ka inoa wahine a Crispi.

            Ua oleloia ua hele loa aku keia mau mea a hiki i ka hooweliweli okoa ana o ke Kuhina Crispi - oia hoi - ma aole e ikeia mai kana wahine e like me ka hanohano o kona kulana e haliu koke aku ana oia e nana i ke kukalaia o ka aina i aupuni repubalika.  Ua kanalua ia keia, aka nae ua makaukau ka hopena ma o kekahi mau lawelawe e pili ana ia kulana aupuni i hoomaikeike ole ia i ke a@e@.

            Mai kona pii ana ae ma ke kulana kuhina, ua hoomaloia o Italia me kona aneane, e lilo i Moi nona.  He ikaika kona mau noonoo, he mikiala me ke akahele, he nele me ka haawina kanalua, he ulu na noonoo, a o kona wahi anuu iki, oia kona hoonee kapakahi ana i ka mana me ka ikaika o kona iini nui e loaa mai na hopena o ia iini ana ma ke alahele okoa, aole hoi ma ka hoonee pololei ana aku i ua iini la mai ke alo ponoi aku.  Ua hooko pinepine ia kona mau iini ma o kekahi mau luna aupuni kakaikahi la, i hookauwa maoli ia malolo o kona makemake.

            Aole oia i lilo i mea mana nui oiai he poono ka aha kuhina, aka, he kuhina kalaiaina oia a he kuhina no ko na aina e.  Ma kona kulana kuhina kalaiaina, ua hoomalu aku oia i ka oihana makai ma na wahi a pau, a ma ke kulana kuhina no ko na aina e, ua nanaia mai ko Italia launa pu ana me ko Europa ma ke ano he mea nui.

            O keia mau kulana a ekolu i huiia iloko on a ka mea nana oia i kaikai ae i ka hanohano kiekie, a ua hiki iaia ke hoonee aku i kana mau hoolala hana a pau me ke keakea ole ia, koe ke =kuhina waiwai.  O ka Moi Humebeta wale no ke alii i hiki ke oleloia he nohoalii wale iho no kana aole nae he noho hoomalu aku.

            He pulakaumaka o Signor Crispi nana maka aupuni mana nui o ka honua i keia wa ma o ko Italia awaiaulu ana iaia iho iloko o na mana hui kukolu o Europa, oia o Geremania, Auseturia me Italia.  Aneane nae ka hopena e pau ai ua mana kukolu nei iloko ae o ka makahiki 1892, a o ka ninau e pahola koke ana i keia mau la iho, in a paha e hoopaa hou iho keia mau aupuni i ua mana hui ia.

            Aole no ko Italia ikaika mana kaua ke kumu i kono ia aku ai oia e komo pu mai iloko o ua mana kukolu nei, oiai ua heluia kona ikaika aina ma ka papa haahaa.  Aka, mamuli wale no o ke kulana o ka aina e hiki ai iaia ke paku aku ia Farani me kona aumoku kaua ma ke kai Waenahonua, a ma ka maalahi o ka hoonee ana i na pualikoa ma ka palena hikina hema o ia aupuni.  O na noonoo o ke kuhina Crispi ma keia hoohui mana ana aole i maopopo.  Eia kona mau makahiki i ke 71, me he la e hoopokole koke ia ana kona mau la ma keia mua iho - San Francisco Chronicle, Dec. 7, 1890.

 

NA KULA MA GEREMANIA.

 

            O ka manao nui o ka Emepera o Geremania wahi a na hoike nupepa, maluna o na kumu hana o ka hooponopono hou i ke ao ia ana o na kula maloko o ia aupuni, oia no kona pane ana maloko o kana haiolelo i ka nui o ka manawa i hoolei wale ia ma ke ao ana i na keiki opio a mau haumana kula hoi, me na olelo Latina a me Helene, aole hoi o ka olelo makuahine o ka aina, kona moolelo, oia hoi, e pili ana i ka ulu ana ae o na hana hou iloko o ke aupuni, a me na loina o ka ioaa he noonoo lokahi iwaena o ka lahui.  O ka moolelo o ka pii ana ae o ka aina in a e ao pono ia, wahi ana, he oi aku kona waiwai mamua o na moolelo e kuekaa mai ana ia hope lilo loa he mau keneturia paha ka mamao.

 

LUNAKANAWAI LI-KANAKA

 

            E noho Lunakanawai ana o Jeffries no Enelani mamua aku o ka makahiki 1685.  O ka makahiki i hoikeia ae la, oia ka manawa i lawelawe ai keia lunakanawai i kekahi hookolokolo nui o na kanaka kipi a ua kau ka hoopai ia lakou he li, he hahau me na maawe kaula a he hookauwa kuapaa.  Oia hoi, ua kipi iho la ke Duke o Monamuta i ka Moi Iamesi II, o Enelani; ua hoopioia ke Duke ma ke kahua kaua a ua hopuia kona mau kanaka.  Hoounaia aku la keia lunakanawai e hele a li aku i kela poe kipi.  Me na pualikoa a me na pokaa kaula; pane e iho la oia ma mua o ka haalele ana ia Ladana:  "E lawe ke kaula a nui - makena a kakou pio."  He ekolu haneri kane me na wahine i li ia e keia lunakanawai a make, he mau haneri i hoopai dala ia, i hoopaahaoia a hahau ia no hoi me na maawe kaula, a he tausani a oi i hoounaia i Amerika i mau kauwa kuapaa.  Mahope mai pio iho la ka Moi Iamesi II, iloko o ke kaua a mahuka, a ua hoao keia lunakanawai e mahuka pu, loaa e i na kanaka a hoopaa ia maloko o ke Towera o Ladana.  Aole hookahi o kona ohana a me na makamaka i kipa aku e ike iaia no kekahi mau makahiki, a manao iho la oia ua hoopoina loa ia aku no ia.  A hiki nae i kekahi la, hoea aku la kekahi pahu olepe i kona ke@na paahao.  "E hoonani ia ke Akua, he wahi hoaloha no ka loe o'u," wahi ana i puana ae ai i ka ike ana mai i ka pahu olepe.  Ua kuhihewa nae oia, he mau iwi olepe wale no ko loko o'k@ pahu me kekahi pauku kaula nui i hi puuia e like me ka ke kanaka li kanaka.  Ua make e keia lunakakanawai mamua o kona lewalewa ana ma ka amana.

 

Na Aina Mamao.

 

            O ka hoike no ke kaua kuloko ma ke aupuni o Kile ma Amerika Hema, ke nee mua la na kipi ma ka ianakila.  Hookahi mea e hopohopo ia la, o ala mai he kuee iwaena o na pualikoa.

            Ua make mai nei ka hooilina alii o Belegiuma, ke keikialii Bod@ina, ma ke kulanakauhale poo aupuni o Berusela, he ekolu la mahope iho o ka make ana o ka Moi Kalakaua ma Kapalakiko.  He iwakalua kumamakahi makahiki o keia keikialii.

            Ua pupule ia ka Moi Oto o Bavaria, a ua hoonohoia i kahu aupuni ma kopa wahi.  O ka pupule ia ke kipuia la kona poe kanaka ponoi.

            Aole no i holopono ka bila kanawai koho baiota iloko o ka Ahaolelo Senate o Amerika.  Keu ka pupu o na hana. 

NUKUPUU O ENELANI

            Ladana, Ian. 3-O ka hui o na kanaka mahiai i kukulu ia ma Rusia e ohi a iawe i na Iudaio a pau ma ia aupuni  ma ke ano he mau limahana, ua loaa aku he leo keakea mai Enelani aku e papa ana i ka hookomoia aku o na limahana Iud@io malaila oiai ua lawa ole na keena o ka aina no lakou.  Ke hoao la ua hui nei e hoouna aku i na limahana Iud@io no Amerika.

KA HOPENA O KA HONUA.

            Ladana, Ian. 11-He hoomana ano nou kai ulu ae a me ke komo nui ia ma kahi i kapaia Karnada Zuickau, Saxony.  O ke kahua nui o keia hoomana, oia ka manaoio e hiki koke mai ana ka la hope o ko ka honua, oia hoi ka la hookolokolo.  Mamuli o ko lakou paulele loa ma keia kohokoho wale ana, ua hoohala nui ia ka manawa ma ka pule, ka mihi, ka hoohuli a paipai ana i ka poe manaoio ole e lalelale no ka la hookolokolo nui o ka honua nei e hoea koke mai ana.  Ua waiho aku lakou i na lawelawe oihana me na hana e ae.

NA PANALAAU BERITANIA.

            Melebona, Ian. 4-Ua hoikeia ae ka ae ana o ke aupuni makuahine o Beritania i ke kuleana o kona mau panalaau a pau o ka hema e hoopaa i na kuikahi ma keia mua aku mawaena o Enelani me na aupuni e ae.

KOHO BALOTA NA WAHINE.

            Okalana, Ian. 11-Ke ala like la na ahahui wahine o keia kulanakauhale ma ka hoeueu ana i ke kumuhana ke "ke koho balota o na wahine," iloko o ka ahaolelo e akoakoa la ma Sacramento.  Ke hele laula ia na palapala a puni ka mokuai@a, a he hana ano hou loa hoi keia i lawelawe ole ia mamua.  O ka moa o keia mau ahahui, oia ka "Ahahui Hoole Waiona" a me ka "Ahahui Malama i ka poe i hoehaehaia."

 

NO KALEPONI LALO.

 

            He aina lepo momona loa o Kaleponi Lalo no na mea kanu.  He mea makahehi no ka maka ka ike ana aku i na mala alani ma kela a ma keia aoao o ke alahele, a o kahi e hiki ai ke hoolei aku i ka ikaika ike a ka maka, aole loa ilaila ka palena o ka mala alani hookahi.  He mau mile lehulehu e holo ai ke kaa ahi, e ikeia aku no ka alani ma na wahi a pau, a e hoomanao pu iho hoi, o ka awelike o ka holo haahaa loa o ke kaa ahi i kapaia e ko Amerika he holo lohi loa ia, aia ma kahi o ka 25 mile i ka hora, aia no nae ia iloko o na mahinaai kahi i holo ai.  O ka awelike o ke kiekie o ke kumu alani, ua like ia me ke kiekie o ke kino kanak@, a ua piha pono i na hua alani nunui ohaha mai k@ kumu a ka welau.

            Pau mai la ia mala, komo aku la he @ala piki.  E like me ka hoakaka ana maluna ae no ka nui o ka mala alani, pela e hoohalike ia ai keia mala piki.  Pela no hoi ka piku, ka waina, ka hui@, a me na ano huaai lehulehu e ae.  O na maka a pau e makaikai aku ana maluna o keia mau mala huaai, aole loa lakou e ae e papani ae i na maka i hookahi sekona o ka manawa o ka makaikai.  He nui ka aina, he laula he palahalaha, a ua aueane nele me na pohaku.  Ua hele ka mahi ana mai ka hooua aku a pii ma na puu, a o ka hapanui o ka hooua o Kaleponi Lalo he paredaiso maopopo ia no na huaai o kela me keia ano.  E helu ae ia Hawaii maluna ih@ no o kona lepo-mai helu pu me Kaleponi Lalo no ka mea ua like no ia me ka aina e kahe ana ka waiu a me ka mel@i pa-haneri iho i ko Hawaii mau huaai.  He aina anu o Kaleponi Lalo no na mea kanu, aka, ua hoopumehana ia kona lepo e ka momona.  He aina pumehana o Hawaii no na mea kanu, aka, helu haahaa ia oia ma na huaai ke hookuku pu ia Kaleponi Lalo.  O ka maia ka laau i nele kona holopono malaila he mau kumu niu ke ulu ia me kekahi mau kumu kuawa, a ma ka hoomaopopo aku, e holomua aku ana keia mau laau huaai malaila.

            Aole he ounui na kulanakauhale ma keia mau wahi o ka mokuaina o Kaleponi: ua ku kikokikoi aku na hale o ka poe mahiai mao a maarei, e like me ke ano mau o na apona kuaaina.  He mau hotele nunui a nani ma kela a ma keia wahi, i kukuiuia no ka noho'na a me ka hooluolu kino.  He oluolu no ke ea o Kaleponi Lalo me ka huihui maikai, a ua kupono no hoi no ka hoolana kino.  IKEMAKA.

 

            Ua malamaia he anaina halawai nui o na makaainana o ke kulanakauhale nei i huipu mai me na malihini o na mokupuni mai, maloko o ka luakini o Kaumakapili i ke ahiahi Poaha nei; he mau olelo hooholo kai aponoia e ia halawai.

 

            HOOMANAO LA HANAU - Ma Kuwalapoo, Kalihiwaena, Feb. 2, 1891, oia hoi ka Poakahi, ma ka home noho o Jno. Hano a me Mrs. K. Jno. Hano, ua malamaia ka hoomanao ana he paina ia hanau no ka laua kemalie aloha he bebe keikikane no ka piha ana o ka makahiki hookahi.  I na hora auwina la, ua wehe koke ia he papaaina i luluu me na koni ono a loko lilo, lohea na leo heahea a ke aloha, pelu na kuli, halii hoi na pauku kino, a i ka amama ana, iho kela pii keia, ia iala a ia makou, a eha e ae la 1 K@lalo,  Ae, ua lawa na puu 1 na onoono a loko.

            Uwai ia ae la na lehau o lalo, kono ia na lealea o ka la, wiliwili hoomalo na kaula gita, hoene ae la na leo mele hoinainau, e emo ole niniu poahi ae la na oiwi kino.  Auwe, eleu maoli no.  Hoomaha iki, a aia ka he lealea Europa; wili kela, suini keia, imua a i hope e naue ana, auwe, nani hou no.  Pela i nee malie ai na hana o ka la, me ke kamumumu o ke ahea'@e malie, a aole loa i ikeia na huna ahi o na puali anela o Bulezebuba malaila, mai na kamahele a 1 na kamaaina.

            E ola mau ke kama Daniel Pakahea i ke Akua, ka mea nona ka la.  Malaila pu ae kekahi ma keonimana he nui a me kekahi mau led opio o ua uka nei.  Ua hookau ia na hana o ka la me ka hookipa hou ana i ko waho ia loko, a me ke aloha nui i na kamaaina, a me na makua nana ke kama, a na ke Akua e hoolaupai i ko olua mau kihapai me na makana makamae o ia mau ano.  J.S. KEAWE.

 

            Aia kekahi manu aloha ma Konetikuta, Amerika, he haneri a oi na makahiki o ke ala ana; he hookahi haneri makahiki o kona malamaia ana e kekahi ohana me ka ili ana mai na makua a ke keiki a komo mai iloko o elua hanauna; ke ola nei no ka manu.

 

HOOLAHA HOU.

 

            AHA Hookolokolo Kiekie o ko Hawaii Pae Aina.  Ma ka Hooponopono waiwai.  Ma ka hana o ke Kahu Malama o Sarah Rich, Louis Rich, William Rich a me Annie Rich, he mau keiki oo ole  Kauoha e hoike i ke kumu ma ke noi a ke Kahu Malama no ke kuai ana i kekahi mau waiwai.

            Ma ka heluhelu me ka waihoia ana mai o ka palapala noi a William O. Smith Smith o Honolulu, ke Kahu Malama o na kino a me ka waiwai o Sarah Rich, Louis Rich, William Rich me Annie Rich, he mau keikie oo ole, e noi ana e kauohaia ke kuai ana o kekahi waiwai paa o keia mau keiki, me ka waiho ana mai i na kumu ku i ke kanawai e kuai ia ai ua waiwai la.

            Nolaila, ua kauohaia, o ka poe pili kokoke loa i keia mau keiki, a me ka poe a pau i kulueana ma ia waiwai i oleloia, e hele mai imua o keia Aha ma ka POAKAHI ka la 2 o MARAKI, M.H. 1891, i ka hora 10 kakahiaka, ma ke Keena Hookolokolo mai ai i ke kumu no ke aha la e ae ole ia ai ke kauoha no ke kuai ana i ua waiwai la.

            Hanaia ma Honolulu, ko Hawaii Pae Aina, Feberuari 6, 1891.  ALFRED W. CARTER, Hope Kakauolelo Elua. 2323-3t

 

Olelo Hoolaha a Hanalei Store.

 

                        E ike auanei na kanaka a pau o kela a me keia ano i aie maloko a ka halekuai i olelo ia maluna , ke konoia aku nei lakou e hele ae e nana i ko lakou mau aie iloko o ka halekuai i oleloia, oiai, e hamama ana ka Buke Aie i ka la 1 o Feberuari a hiki i ka la 31 o Maraki A.D. 1891, a e hookaa i ko lakou mau aie.  A o ka poe hoolohe ole i keia hoolaha, alaila, e kauohaia aku no lakou e hookaa mai malalo o ke kauoha ana a ke Kanawai.  Nolaila e hoolohe i ke kauoha a Hanalei Store, o papapau auani oukou he aa ko ka hale.

            Ma ke Kauoha, HANALEI STORE, 2323-4t.

 

HOOLAHA HOOKO MORAKI.

 

            Mamu@i o kekahi mana kuai i hoikeia maloko o kekahi palapala moraki i hanaia mawaena o C. Mooting, o Honolulu, mokupuni o Oahu, o ka aoao mua, a me Walter F. Frear, o Honolulu, i olelo ia, o ka aoao elua, ma ka la 4 o Feberuari, 1888, i kakau kopeia ma ka buie 106 aoao 369, a mamuli o ka uhai ia ana o na kumu aelike o kela moraki, oia hoi, no ka hookaa ole ia o ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai. 

            A ke hooiaha hou ia aku nei, aia mahope aku o na pule ekolo mai keia la aku, alaila, e hoolahaia aku na aina i hoikeia ma ia moraki no ke kudala ana, ma ke ke@na kudala o Jas. F. Morgan ma Honolulu, ma ka la 2 o Maraki, 1891, hora 12 o ia la.

            Aia ma kahi o W.R. Kakela na olelo hoakaka no keia mea.

            Hanaia i keia la 26 o Ianuari, 1891, WALTER F. FREAR, Mea Moraki mai.

            Penei na aina i moraki ia:

            O keia hoolimalima a Kanamimauloa ia C Mooting me Leong Hoy i kakauia ma ka la 21 o Iune, 1886, i kopeia ma ka Buke 99 aoao 440, oia hoi kekahi wahi ma alanui Maunakea Honolulu, i oleloia, no 15 makahiki, ma ka $216 o ka makahiki a me na hale malu@ iho i kukulaia e ka Mea Moraki.  2323 4t.

 

HOOLAHA HOU

 

            AHA Hookolokolo Kiekie o ko Hawaii Pae Aina.  Ma ka Hooponopono waiwai.  Ma ka hana o ka waiwai o HENRY W. AULD. o Honolulu, Oahu, i make.  Ma ke Keena imua o ka Lunakaoawai Noi Judd.

                        Ma ka heluhelu a me ka waihoia ana mai o ka Palapala Noi me ka Papahelu a L@i@o H. Auld, Luna Hooko o ka Hooilina o Henry W. Auld, o Honolulu, Oahu, i make, e noi ana e apoaoia na hoohio he $1m742.12, a o ka mea i loaa iaia he $10,000, a e ooi ana e nana a aponoia kela mau mea e maheleia ka waiwai ma kona lima i ka poe i kuleana malaila a e hookuu ia oia me kona mau hope mai ka noho ana Luna Hooko.

            Ua kaaohaia, o ka POAHA, ka la 12 o MARAKI, A.D. 1891, ma ka hora 10 a.m. imua o ia Lunakanawai ma ke Keena ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua o@i la a me @a Papahelu, a o ka poe a pau i kuleana malaila e hoike ai i na kumu, in a he kumu kahi o lakou e ae ole ia ai @a noi la, a e hoike mai i ka poe i kuleana ma ia waiwai.

            Kakauia me Honolulu, ko Hawaii Paeaina, i keia la 4 o Feberuari, A.D. 1891.

            Na ka Aha:  ALFRED W. CARTER, Hope Kaauolelo Elua.  2323-3t.

 

            Kauoha e hoolaha ka Palapala apono o na Papahelu, Hookuu ana me ka Mahele ana i Waiwai.

            AHA Hookolokolo Kiekie o ko Hawaii Pae Aina.  Ma ka hooponopono waiwai.  Ma ka hana o ka waiwai o THOMAS H. HOBRON o Honolulu, Oahu, i make.  Ma ke Keena imua o Lunakanawai Dole.

            Ma ka heluhelu me ka waiho ia ana mai o ka Palapala Noi me ka Papahelu a Frances E. Hobron, Luna Hooko o ka hooilina o Thomas H. Hobron o Honolulu, Oahu, i make, e noi ana e apono ia na hoolilo he $87,162.20, a o ka mea i loaa iaia he $100,111.35, a e noi ana e nana a apono ia kela mau mea, e mahele ia ka waiwai ma kona lima i ka poe i kuleana malaila a e hookuu ia oia me kona mau hope mai ka nohu ana Luna Hooko.

            Ua kauohaia, o ka POAKAHI, ka la 9 o MARAKI, A.D. 1891, ma ke hora 10 a.m. imua o ia Lunakanawai ma ke Keena ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la a me na Papahelu, a o ka poe a pau i kuleana malaila e hoike ai i na kumu, in a he kumu kahi o lakou e ae o'e ia ai ua noi la a e hoike mai i ka poe i kuleana ma ia waiwai.

            Kakauia ma Honolulu, ko Hawaii Paeaina, i keia la 28 o Ianuari, 1891.

            NA KA AHA:  J.H. REIST, Hope Kakauolelo.  2322-3t.

 

            MA ke Keena o ka Lunakanawai Kaapuni Apana Ekolu o ko Hawaii Pae Aina.  Ma ka waiwai o kekilo k., no Kau, Hawaii.

            Ua heluheluia a ua waihoia ka palapala noi a Lauhiwa w., e noi ana e hooponopono ia ka waiwai o Kekilo k. no Kamaoa, Kau, Hawaii i make kauoha ole, a e hoonoho aku iaia i Lunahooponopono no ia waiwai.

            Nolaila ua kauohaia na mea a pau i pili, o ka Poakolu, oia ka la 4 o Maraki, 1891, i ka hora 9 kakahiaka, ma ka hale hookolokolo ma Waiohinu, Kau, Hawaii, oia kahi a me ka manawa i kohoia no ka hoolohe aku i ua noi la me na mea kue ke hoikeia.

            F.S. LYMAN, Lunakanawai Kaapuni Apana III. H.P.A. Hilo, Hawaii, Ianuari 26, 1891.  2322-3t

 

            MA ke Keena o ka Lunakanawai Kaapuni Apana Ekolu o ko Hawaii Pae Aina.  Ma ka waiwai o Kaisara Kauka, no Kau, Hawaii, i make.

            Ua heluheluia a ua waihoia ka palapala noi a Keanini k., ka Lunahooponopono no na waiwai o Kaisara Kauka, no Kau, Hawaii, i make, e noi ana e hoapono ia kana hoike hope a e hooholo ia ka waiwai i na mea pili, a e hookuu aku iaia a me kona mau hope ma ka oihana.

            Nolaila, ua kauohaia na mea pau i pili, o ka Poakolu, oia ka la 4 o Maraki, 1891, ma ka hora 9 kakahiaka, ma ka hale hookolokolo o Waiohinu, Kau, Hawaii, oia kahi me ka manawa i kohoia no ka hoolehe aku i ua noi la a me na mea kue ke hoikeia.

            F.S. LYMAN, Lunakanawai Kaapuni Apana III. H.P.A. Hilo, Hawaii, Ianuri 26, 1891 [2322-3t

 

            MA ke Keena o ka Lunakanawai Kaapuni Apana Ekolu o ko Hawaii Pae Aina.  Ma ka waiwai o Ipuni k., no Kona, Hawaii, i make.

            Ua heluheluia a ua waihoia ka palapala noi a A. Burgess, kekahi mea pili, e noi mai ana e hooholoia na hooilina o Ipunui k. no Kailua Kona Akau, Hawaii, i make kauoha ole.

            Nolaila, ua kau@haia na mea a pau i pili; o ka Poalua, oia ka la 3 o Maraki, 1891, ma ka hora 9 kakahiaka, ma ka hale hookoi kolo o Waiohinu, Kau, Hawaii, oia kahi i kohoia no ka hoolohe i ua noi la me na mea kue ke hoike ia.

            F.S. LYMAN, Lunakanawai Kaapuni Apana III. H.P.A. Hilo, Hawaii, Ianuri 26, 1891 [2322-3t

 

[POO AUPUNI.]

            I LOKO o ka Aha Hookolokolo Kiekie o ko Hawaii Paeaina.  Kau o Iaunari 1891, Henrietta T. Cottrell vs. William L. Cottrell.

            KALAKAUA, me ka lokomaikai o ke Akua o ko Hawaii Pae Aina, Moi:

            I ka Ilamuku o ke Aupuni a i ole i kona Hope, me ka mahalo:

            Ke kauoha ia aku nei oe e kii aku ia WILLIAM L. COTTRELL ka mea i hoopii ia, in a e waiho mai ana oia i kana pane i kakau ia iloko o na la he iwakalua mahope iho o ka hooko ia ana o keia, e hele mai imua o ka Aha Hookolokolo Kiekie 1 oleloia ma i e Kau o Ianuari o ua Aha la e malama ia ana ma ke Keena Hookolokolo o ka Hale Hookolokolo ma Honolulu, mokupuni o Oahu, ma ka Poakahi, la elima o Ianuari e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a Henrietta T. Cottrell ka mea hoopii, e like me ka mea i hoakaka ia iloko o kana palapala hoopii i pakui ia.

            A e hoihoi mai oe i ka palapala kii me ka hoike piha o kau mau hana no ia mea.

            Ikea ka mea Hanohano A.F. JUDD, Lunakanawai Nui o ko makou Aha [SILA] Hookolokolo Kiekie ma Honolulu, 1 keia la 25 o Novemaba, 1890.  J.H. REIST, Hope Kakauolelo.

 

            Ke hooia nei au, o ka mea maluna ae he kope oiaio no ia o ka Palapala Kii ma ia hihia, a ua kauoha ua Aha la e hoolaha ia ia mea, a e hoopanee ia ka hihia a ke Kau ae o Aperila e hiki mai ana.

            Kakauia ma Honolulu, Ianuari, 17, 189@, HENRY SMITH, Kakauolelo o ka Aha Kiekie, 2321-@t.

 

Hoolaha.

            AOLE loa e hookaa o Susan Bertelmann, o Pilaa, Kauai, i kela me keia bila koi aie ke ole e kauoha punoi ia e ia a ma ke kauoha paha i kakauia e ia; a ma keia hope aku, o na dala a pau e uku ia ana no ka waiwai o Mr. C. Bertelmann e hookaa ae iaia a ma o kana kauoha paha i kakauia.  JNO. ROSS.

            Loio no Mr. C. Bertelmann me Mrs. S. Bertelmann.  [2322-4t

 

Hoolaha Hookapu Aina.

            OWAU o ka mea@ona ka inoa malalo iho nei, ke papa loa aku nei au i na ano kanaka a pau i kuleana ole maluna o kau aina i paa i ka pa ia, ma O@okaa, S. Kona, aole e komo a lawe wale i na mea ulu o kela me keia ano me kuu ae ole aku.  O ka mea kue i keia a loaa aku ia'u, a i ko'u mau Luna, e hoouku ia oia no na dala ekolu (@3), a i ole ia imua o ke kanawai.  Owau me ka oiaio.

            MRS. KEKAULA KEOKI, O@okaa, S. Kona, Hawaii, Jan, 22, 1891.  2321-4t.

 

HOOLAHA HOU

 

            AHA Hookolokolo Apana Eha o ka Hawaii Pae Aina.  Ma ke hooponopono waiwai.  Ma ka hana o ka waiwai o JAMES HOBBS o Hanalei, Kaua'i i make.  Ma ke Keena imua o ka Lunakanawai Kaapuni.

            Ma ka heluhelu a me ka waihoia ana mai o ka Palapala Noi a me ka Papa Hoike a A.K. Mika, Lunahooponopono o ka waiwai o Jas. Hobbs, no Hanalei, i make, e noi ana e apono ia na hiohio he $61.20, a a hoike ana o na mea i loaa mai iaia he $60, a e noi ana e nana a apono ia kela mau mea, a e kauoha ia e maheleia na waiwai e waiho ana ma kona lima i na mea i kuleana malaila, a e hookuu ana a ia a me kona mau hope mai ka noho ana aia ia ano.  Ua kauoha ia, o ka

Poaono, Feberuari 21, 1891,

 

ma ka hora 10 kakahiaka, imua o ua Lunakanawai la ma ke Keena ma ka Hale Hookolokolo ma Koloa , oia kahi a me ka manawa i kohoia no ka hoolohe ana i wa Noi la, a me na Papa Hoike i oleloia, a o ka poe a pau i pili malaila e hele mai a e hoike i ke kumu, ma he kumu io ko lakou e @e ole ia ai @a noi la, a malaila e hoike mai ai na hoike o na mea i kuleana maloko o ka waiwai i oleloia.  A o keia kauoha ma ka olelo Hawaii, e pai ia maloko o ke Kuokoa he nupepa i pai a hoo@aha ia oia Honolulu, i ekolu pule mamua ae o ka manawa i oleloaa no ka hoolohe ana.

            Kakauia ma Koloa, ko Hawaii Pae Aina, Ianuari 16, M.H. 1891.  JACOB HARDY, Lunakanawai Kaapuni Apana Eha.  2321-3t.

 

            AHA hookolokolo Kiekie o ko Hawaii Pae Aina.  Ma ka hooponopono waiwai.  Ma ka hana o ka waiwai o W.G. Trask o Honolulu, Oahu, i make kauoha ole.

            Ma ka heluhelu a me ka waihoia ana mai o ka palapala noi a B. Kaaua, he mea koi aie o Honolulu, e hoike ana ua make kauoha ole o W.G. Trask i olelo ia ma Honolulu i olelo ia ma ka la 10 o Sepatemaba, 1889, a e noi ana e hoopuka ia ka Palapala Lunahooponopono Waiwai ia ia, ka mea noi mai.

            Ua kauohaia, o ka POAKAHI, ka la 10 o FEBERUARI 1891, i ka hora 10 kakahiaka, oia ka manawa i kohoia no ka hoolohe ana i ua Noi la, ma ke Keena Hookolokolo o keia Aha ma Aliiolani Hale, Honolulu, a ma ia manawa me ia wahi e hoike mai ai na mea a pau i pili i ke kumu in a he kumy kekahi a lakou e ae ole ia ai ua noi la.

            Kakauia ma Honolulu, Hawaii Pae Aina, @ keia la 22 o Ianuari, 1891.

            NA KA AHA:  HENRY SMITH, Kakauolelo.  2321-3t.

 

            I LOKO o ka Aha Hookolokolo Kaapuni o ka Apana Hookolokolo Ekolu o ke Aupuni Hawaii:

            KALAKAUA, ma ka lokomaikai o ke Ahua o ko Hawaii Pae Aina, Moi:

            I ka Ilamuku o ke Aupuni, a i ole i kona Hope iloko o ka Apana Hookolokolo Kaapuni Ekolu, me ka mahalo:

            Ke kauohaia ku nei oe e kii aku ia CHANG WAI (Pake), ka mea i hoopu ia, in a e waiho mai ana oia i kana pane i kakaoia iloko o na la he iwakalua mahope iho o ka hookoia ana o keia, e hele mai imua o ka Aha Hookolokolo Kaapani i oleloia ma ke Kau o Novemaba o ua Aha la e malamaia ana ma ke Keena Hookolokolo o ka Hale Hookolokolo ma Waimea, mokupui o Hawaii, ma ka Poalua, ka la 4 o Novemaba e hiki mai ana, ma ka hora 9 kakahiaka, e hoike mai i ke kumu no ke aha la e ae ole ia ai ke noi a MARY CHANG WAI, ka mea hoopii, e like me ka mea i hoakakaia iloko o kana palapala hoopii i pakui ia.  A e hoihoi mai oe i keia Palapala Kii me ka hoike piha o kau mau hana no ia mea.

            Ikea ka Mea Hanohano A. FRANCIS JUDD, Lunakanawai (Sila.) Nui o ko makou Aha Hookolokolo Kiekie ma Hilo, i keia la 8 o Sepatemaba, M.H. 1890.                     DANIEL PORTER, Kakauolelo Aha Kaapuni.

 

            Ua huli pono au i ka mea i hoopii ia Chang Wai, aole nae oia i loaa mamuli o kona haalele ana iho i keia Aupuni maluna o ka S.S. "Oceanic" ma ka la 12 o Sepatemaba, 1890, Nolaila, ke hoihoi aku nei au i kei@ Palapala Kii me ka hooko ole ia.

            C.L. HOPKINS, Hamuku.

 

            Ke @ooia nei au, o ka mea maluna ae he kope oiaio no ia o ka Palapala Kii ma ia hihia a me ka hoike a ka Hamuku maloko, a ua kauoha ua Aha la ma ke kau o Novemaba, 1890, e hoomau aku i ua hihia la a hiki i ke kau o Mei e hiki mai ana ma Hilo, Hawaii, a e hoolahaia aku ke kope o ka Palapala Kii i oleloia e like me ke kauoha a ke Kanawai.

            Ikea e ko'u lima a me ke Sila o ka Aha Hookolokolo i oleloia ma Hilo, i keia la 29 o Dekemaba, M.H. 1890.

            DANIEL PORTER, Kakauolelo.  2319-6t

 

Hoolaha Hooponopono i ka Waiwai.

                        UA hookohu ponoia ka mea nona ka moa malalo i Lunahooponopono ma ka waiwai o Palau o Waipio, Hamakua, Hawaii, i make kau oha oie; nolaila, o ka poe a pau i aie i ua Palau la, e hookaa koke mai me ka hookaulua @, a o ka poe hoi he mau koi ka lakou i ka waiwai, e hoike mai i ko lakou koi iloko o na malama eono mai keia la aku, o hoole mau loa ia.  O ka poe hoi e paa nei i ka palapala Sila Nui helu 1766 i hoopukaia ma ka inoa o Kahawalu, nona ka apana aina e waiho la ma Puanui iloko o ka Apana o Hamakua, a me ka palapala kuai a Kahawalu laua me Kaka kana wahine mare, ia Palau i olelo mua ia ae, e hoihoi mai o hoopii ia ma ke kanawai.

            Z. PAAKIKI, Lunahooponopono waiwai o Palau, Waimea, Hawaii, Ian, 26, 1891, [2322-3t

 

Hoolaha.

            KE papa ia aku nei na mea a pau aole hele wale a kipu paha maluna o kuu aina ma Ka hananui, a maluna hoi o na wai a'u e malama nei o'a o Makakupaiaiki, Kapakea, Kaunakakai, Kalamaul, Naiwa, Palaau me Kaluakai  ke ole e l@ a aku na palapala ae mai na poe kuleana malaila a mai ia'u aku paha.

            R.W. MEYER, Kalae, Molokai [2322-2t

 

            MA KE KEENA o ka Lunakanawai Kaapuni Apana Ekolu o ko Hawaii Paeaina.  Ma ka waiwai o Charles K. Akua, he mea oo ole-no Hilo, Hawaii.

            Ua heluheluia a ua waihoia ka palapala noi a Charles K. Akau, no Hilo, Hawaii, e noi ana e hoopau ia ka malama ana o kona Kahu Malama a e hoopili mai kona waiwai iaia.

            Nolaila, ua kauohaia na mea a pau i pili o ka POALUA, oia ka la 24 o Feberuari M.H. 1891, i ka hora 10 kakahiaka, ma ka hale hookolokolo ma Hilo, Hawaii, oia kahi a me ka manawa i kohoia no ka hooiohe aku i ua noi la me na mea k@e ke hoikeia.

            F.S. LYMAN, Lunakanawai Kaapuni Apana Ekolu, H. P.A., Hilo, Hawaii, Ianuari 13, 1891.  2321-3t

 

            MA KE KEENA o ka Lunakanawai Kaapuni Apaa Ekolu o ko Hawaii Pae Aina.  Ma ka Waiwai o Kukeleau (k), no Hilo, Hawaii, i make.

            Ua heluheluia a ua waihoia ka palapala noi a Kahoomana k. e noi ana e hoohoioia na hooilina o Kukeleau k., o Ponahawai, Hilo, Hawaii, i make.

            Nolaila, ua kanohaia na poe a neu i pili, o ka POALUA, oia ka la 21 o FEBERUARI, M.H. 1891, hora 10 kakahiaka, ma ka hale hookolokolo ma Hilo, Hawaii, oia kahi a me ka manawa i kohoia no ka hoolohe ana i ua noi la e na mea kue ke hoikeia.

            F.S. LYMAN, Lunakanawai Kaapuni Apana III. H.P.A. Hilo, Hawaii, Ianuari, 13, 1890.  2321-3t