Ka Nupepa Kuokoa, Volume XXX, Number 1, 3 Ianuali 1891 — KO KAKOU PAHUHOPU. [ARTICLE]

KO KAKOU PAHUHOPU.

Ia kakou e maalo ana iloko o keia mau la makamua oka makahiki 1891, a e hapai ana keia me kela 1 kona kuleana o ka noho ana piiikino a pili laula, me na ?aewa e hoike ana i ka like ole mawaena o na noonoo a me na

hana, a oiai e owili ia ana na manao a pau iloko o na hoohalikelike me na kaana kupono, a ma ia loina e ku ai kela me keia e hooponopono nona iho, aohe pahuhopu e ae e pae aku ai, 0 ke kaulike wale no.

Oiai i kekahi manawa, e paio ana na hauwalaau pili laula no loko ae o ka lokahi ole, e hailuku ana na haimanao akea no ke kino hookahi a oi aku paha a e haliu ana na kalai aupuni o ka manawa he kua a he kua, a 1 loaa ke ahonui oka apo ana aku i na loina o ka hoohalikelike pololei me na kaana kupono, aohe pahuhopu e ae e pae aku ai, o ke kauhke wale no.

Oiai e ulu mai ana he mau hana nui, e houkumuia ana maloko a mawaho o ka poai o na kanawai, me na ouli pohihihi a me ra hopena ike ole ia o ka nee ana oia mau hana, me na hoinoino, na hukihuki, na akiaki wale me na alunu, na ohumu me na hakoko hahana o ka like ole maloko o na alakai pili lahui ana, a i hoopoina oleia na loina o ke ala pololei, aohe pahuhopu eae e pae aku ai, o ke kaulike wale no.

O ke kaulike ko kakou pahuhopu, a hopena hoi o ka noho aupuni kuiokp a kuwaho. Oka lokahi ko kakou alahele a kahua hoona ona hana. Pono ia kakou e hoohoihoi mau i na noonoo o ka uwao e kaupale ai i ka holomoku o na kuee, a e hoohaliu mau aku i ko kakou mau noonoo maikai a pau ma ia alahele. Mai naiu ika awahua iloko a hoomau aku no ka hopena, aka, e lawe i ke kaulike a hookaulike nou iho a no na mea a pau me ke aloha nui.

Iwaena o h* hailuku manao, na haa* wina o ka lo'<ahi ole maloko o na poai hooponopono aupum, na haawina kuikahi ole e ae mai kela a me keia pea o ka ooho ana lahui, e nee aua lakou no ka pahuhopu e hua mai ai ko lakou ho* pena, aka, e halawai ana lakou me ka hopena o na hopena, oia ke kaulike a me kana kanana. Imua ona eku poai ai. Imua ona e hōokolokoloia ai. Imua ona e hoopioia ai ke kuhihewa a e lanakila ai ka pololei., O ni poai i nee kuee pu ma na poai pili lahui a pau, imua wale no o ke kaulike ka pahuhopu e wae ia ai ka io me ka iwi. E nee like auanei ke kuhihewa a me ka pololei ma na hana a pau, a na ke kaulike e hoolanakila ka pololei i alahele no na hana a pau. No ka mea, oka oiaio ka ke kaulike e hiipoi ai.

Nolaila, ia kakou e nee pu ana me na la oka makahiki hou, e apo ana a e haalele hope aoa i kona mau haawina i hoahuia, e hooulu ana i na hana me na noonoo hou o ka pilikino a pili laula, mai hoonele i ke alakai ana aku i kau mau mea a pau no ka pahu hopu oke kiulike. Aia ilaila ka makamaka, ke kokua, ka lanakila a me ka hanohana