Ka Nupepa Kuokoa, Volume XXIX, Number 52, 27 December 1890 — ROMIANO; Naita Hapakeko O NA PALI EIWA. Haku-alii Korila o na luahuna, A I OLE Ke Keikialii Kamehai loa ma Italia. [ARTICLE]

ROMIANO;

Naita Hapakeko O NA PALI EIWA.

Haku-alii Korila o na luahuna, A I OLE Ke Keikialii Kamehai loa ma Italia.

MOKUNA IX. Romiano ka Olali o \a Pali EiwaNaueue na Aupuni o Eukopa. Nolaila, puhi koke ae la oia i kana o-le no ka emi hope ana aku o ka puali a hoolulu īho ma na paleua o ke kulanakauhalealii. Ua holo ae ka lono a puni ke kulanakauhale alii i ua po la, ua auhee ka alihikaua Apala imua o Romiano, a oia mau lono hoolele hauli, ua like la me kekahi poka pahu i haule iho.maluna o ka lahui holookoa, a ia wa !akou 1 nalea haalulu ae ai me ka weliweli, oiai oko lakou mau hilinai ana a pau, aia wale no ia maluna 0 kela kanaka hookahi.

Aka. e ka mea heluhelu, mamuli o ke auhee hope ana 0 na koa Italia ma hope o ka naita Apala, ua lilo ia i mea na Romiano e akaaka henehene ai, a me na manao uilani 0 ka haakei, haawi ae la ia i ke kauoha i na koa noka maki hope ana aku no ko lakou mau home pali.

O na hora poniponi o ka wanaao o ua po la hoea aku la ua Romiano nei me kona puahkoa no ko lakou home pali, me ka hauoli no na pomaikai a lakou i pakaha ai, a oia hou ka ua Romiano nei 1 kamailio hou aku ai imua 0 kona mau koa me keia mau olelo: E na koa, ua hoea mai kakou 1 ka la e haaheo hou ai na pali eiwa nei, a no ka lua o ka kakou huakai lanakila e maki hou aku ai, alaila, e alakai aku no au ia oukou imua o Europa holookoa, a hoonaueue aku 1 ko lakou mau mana me ka ikaika o na mea kaua. Ano. e na koa, e hoomaha i ko oukou mau luhi, a e hauoh i na pomaikai 1 loaa ia kakou, a no ka wa e hiki mai ana e alakai hou aku no au ia oukou e moni 1 ka hohono o na kiheahea koko a e hom hoi i na ea make o ke kahua kaua. O keia mau olelo a ua olali la o na pali eiwa, ua panai ia mai la ia e na leo huro ohohia o kona mau koa, a no na la ekolu i loaa iho mahope iho o kela la lanakila mua loa i loaa i ua Romia;no la, aia hoi, maki hou aku la oia me kona mau koa no ke kulanakauhalealii ka pahu hopu. I O keia huakai ekolu a i\a Romiano lla iloko o It ilia, oia kekahi o na huakai kaulana loa i haaheo ae ai ua Romiano la me ka inoa—Ka hookahuli aupuni mua o Europa. Ua haalulu na palena o ke kulanaaauhalealii a o kona mau kihi hoi eha, ua aneane maoli no īa e hiolo i ka wa a ka lahui Italia i lohe aku ai eia o R< - miano ke anai aku la i na palena waho 0 ko lakou kulanaieauhalealii me ka weliweli. O ke poha ana aku o keia lono weliweli a me ke kaulana o na hana pakaha a Romiano, oia ka ua lahui la i nana aku ai maluna o ko lakou puukalahala hookahi, ke kanaka a lakou ī haawi ai i na paulele ana na kona wiwo ole e hoopakele ī ko lakou kulanakauhale mai na lima aku oka powa ame ka pakaha. Aka, o īa mau paulele a hilinai ana, ua qoopoho ia mai ia mamuli o ke auhee ana o ka naita Apala a me ka luku lia ana o kekahi hapa o na koa ltalia, a 0 na hoao ana e paniku aku i ua hapakeko la mawaho o na palena o ke kula 1 nakauhale alii, ua hiki ole ke hoohana ia iloko o ia mau minute o ka inaina a me ka ahiu o ua hapakeko la e pahola Ila maluna o ka aina.

O keia auhee elua ana o Apala a weluwelu liilii me na mana kaua 0 Italia, oia ka poka pahu nuia loa nana i ki aku ka mana o na poo kalaunu o na aupuni o Europa mawaho ae o Italla a haalulu e ae la lakou me ka weliweli me ka hiki ole ia lakou ke hoomaha pono i ko lakou mau poo, oiai, ona lia a me na kuko hopohopo ana no Romiano, aia ia imua o ko lakou alo i na wa a pau. Ae, e kuu makamaka heluhelu, ua naueue na aupuni o Europa i keia wa ia Roiniano, a o ka mana o ko lakou mau noho alii, ua kahuhhuli la i ka hapakeko o na pali eiwa, a ua makaukaukau hoi e haawi pio mai ia lakou iho malalo o ka malu o Romiano. Nolaila, ia kaua e haupa aku ai i na ono o ua mau kahua kaua la a Komiahookahuli aupuni, e haalele iho kaua no keia mokuna a e leha ak,u ka* ua no ka mokuna mamua ae loaa pono no auanai ia kaua na hana a Haehae ka manu Ke haale nei ka wai.

MOKUNA X. Imua o Europa—Ka Hookahuu ' Aiipuni Pakaha. O ka loaa ana he lanakila elua ia Romiano, oia ka rnea nana 1 hooi loa ae i ka haaheo o ua hapakeko la a oia hoi kana i kakau iho ai he palapala a hoouna aku ia ma ka lima o na elele, no ka lawe ana e kapili ma na pipa alanui o Italia, a e heluheluia ua palapala la penei: Malalo o ka hanohano o na mea kaua, ke koi ia aku nei ka nohoalii o Italia e haawi Dio mai iaia iho malalo o ka mana o Rotniano, ka haku aiii o na luahuna, a ke ole pela, alaila, ua makaukau ua alii la e hookahuli i ka nohoalii o Italia, ina he mea ia e ala mai ai o Europa holokoa a kue iaia hookahi wale iho no. Romiano. 0 ke poha ana ae o ka lono no keia mau olelo a ua hapakeko la, ua kau ka weli makau maluna o ka lahui ltalia, aka, o ka naita Apala, oia hookahi waie iho no ke kan&ka i aa aku e kue a pale i na kauoha a ua hapakeko la, a o kana pane no kela mau olelo kipi a me ka pakaha a ua Komiano nei, oia no kona hoouna ana aku ma o Kana eiele la, a e heluhelu ia ua palapala pane la penei: I ke kanaka hohe wale, Romiano, — Ma ka pane ana aku i kau noi pakaha o ke kipi haahaa loa, ke ku nei o Auala hookahi a hoole aku me ka hanohano o ke kanaka koa, aole loa e loaa ia oe ka mana e hookahuli ai i ka nohoalii o Italia nei, a hiki i ka hulihia ana o kou mana, a ī makemake oe e ike e halawai ae kau.i maluna oke kahua o na meddla kila, a malaila e hookoia ai na lili ana a ko kaua mau manao enemi o ka inaina. Apai,a Alihikaua o Italia.

I ka wa i loaa aku ai o keia palapala ia Romiano, hulili ae la kona mau maka me ka inaina, a luai ae la oia i na huaolelo hoino me ka hailiilī, wahi a ua Romiano nei, a-ha, e pale a kue mai ana kela kanaka Wale i ka'u mau kauoha, alaila, ma ka oi o ka pahikaua a Romiano, e komo aku ana au iloko o Italia a hoonaueue aku i kona mana a hiki loa aku i na aupuni mawaho o Italia nei. Ae, wahi hou a ua Romiano nei, e ku aku ana au imua o Europa holookoa a hoike a&u ia lakou, aole o Romiano he kanaka i hanauia mai me ka puuwai o ka hohe wale, aka, ua hanau ia mai o Homiano i keikialii no ke koko a i moi hoi no ka hookahuii aupuni mua loa. Nolaila, e ka mea heluhelu, me kela mau olelo a Romiano,*hoomakaukau ae la oia no ka maki ana aku iloko o Italia, a emoole, aia oia a me kona mau koa e maki ana no ke kulanakauhale alii, malalo o ka malamalama o na hoku o ka lani. Ua hoomahfi iho ua Romiano nei a me kona mau koa mawaho o na palena o ke kulanakauhale alii, a na ka mafiawa aua Romiano nei i ike ai o ka wa pono īa e hoohanaia ai ka ikaika o na mea kaua, nolaila, ua haawi ae la oia i na kna, e lawe i ko lakou kahua o ka makaukau, a lele kaua aku maluna o ke kulanakauhalealii me ka hoohakalia ole iho o na hana, a o ka wa kupono wale no ia, aohe wa e ae. {Aole ipau.)