Ka Nupepa Kuokoa, Volume XXIX, Number 52, 27 December 1890 — NANEA KAMAHAO O KE KEIKIALII ROMEALA; KA Ui Kila Mageneti O Parameri. [ARTICLE]

NANEA KAMAHAO O KE KEIKIALII ROMEALA; KA Ui Kila Mageneti O Parameri.

Ka Nani e haule ai ka Ilonua; Ka Mahina Meli o Salaredina: Ka La alohi 0 Mulisedera \ Na Kulu Koko kamahao Ekolu, Na Ui Hookelakela o ke Ao holookoa. Na Nani Punwai Ualioa 0 ka Hoiiua nei A 0 KE Kila Mageneti 0 ke aloha— u 0 Parameri no ia." O keia ui a kaua e ike nei e ka mea heluhelu, o ke keikialii Romeala no ia mailoko mai o ka hale opera 0 ka hauoli a e kamoe ana i kona mau kapuai no ka haleahi o ka moi Maredina. laia i hoea aku ai imua o ua moihaakei la, ua pa e mai la no ka ninau a ua moi la, penei: Pehea aku nei kau huakai e ke keikialii Komeala ? A oia hoi ka ua kila makeneli la i panai aku ai 1 keia mau huaolelo : O ka moiwahme Pua Pekina, ma kuu poli oia kahi i uhene ai a hiki i ko'u huli hoi ana maj nei, wahi aua Komeala nei. Ua hoohaikea la ae na helehelena o ua moi Maredina la e keia mau olelo a ke keikialii Romeala, a oia kana ini nau mai ai me ka leo pihoihoi 0 ka mea i hele a haule pu na manaolana o ka haakei penei :

E ka loea hookelakela o ke ao, he oiaio anei ma kou poli ka'u wahine a hiki i kou huli hoi ana mai la ? Ae, wahi a Rv>meala f me a'u oia a owau hoi me la a hiki i ko'u huh hoi wale ana mai la, a oka mea i oleloia nona he puuwai Kupaa oia o ka naue ale, he hoopunipuni ia a me ka wahahee, wahi a Romeala. A, he keikialii wahahee oe a me ka hoopunipuni, auhea na hooia a auhea hoi na heike e pili ana i ka oiaio o kau mau olelo, no ka lilo ana o ka'u wahine ia oe ? Ua hoholo ae na minoaka ana maluna o na papalina o ke keikialii Romeala no keia mau olelo a ka moi Maredina, a oia ka ua kila makeneU la i pane aku ai i keia mau olelo : E ka moi Maredina, o ka Pua Pekina me a'u oia a hiki i ko'u huli hoi ana mai nei, a i makemake oe e ike i ka oi* aio o ka'u mau olelo e nana ma» i keia komolima a e hoomaopopo iho oe nou laole anei keia o ke komolima i awaiaulii ia ai olua 1 hookahi io, ka mea a ua maiwahine la i haawi mai ai ia'n i hooia e hoike aku ai imua ou no kona haule ana imua o'u. Ua nana pono mai la ua moi Maredina la maluna o ke komolinia e paa ana ma ka lima o ke keikialii Romeala a i kona ike ana mai o ke komo no la o kana wahine, ua haikea koke ae la kona mau helehelena, a me ka leo ehaaha walohia o ke kaumaha, pane mai la oia: Ua eo ka pili a kaua ia oe e Romeala, o oe ka haku a me ke alii maluna o ko'u mau waiwai, Alaila, e kuu makamaka heluhelu, me kela mau olelo a ua moi Maredina la, haalele iho la ia ia Romeala me na helehelena o ke kaumaha a kamoe aku la i kona kapuai nie ka awiwi no ka halealii o kana moiwahine.

laia i hoea aku ai, kahea pakolu ae la oia i ka inoa o kana wahine me ka leo nui o ka inaina, aka, e ka mea beluhelu, aole loa he pane i loaa mai i ua moi ia. ™ No ka pane ole ia mai o keia mau leo kahea a ua moi la, komo aku la oia ma ke keena moe o kaha wahine, aia hoi, ua hookui mai la me kona mau lena īke na hiohiona e noha ai kona

| puuwai, oiai, e mokaki ana na kahiko o kana wahine i o a ianei, a 0 ua kiionohi la a kona manao, aoleia maloko u ua rumi la, Ua hala ka puulena aia i Hilo Ua imi aku la ia Papalauahi. Nolaila, me ka inaina nui huli hoi hope aku la oia no kona halealii me ka manao e kau aku i kona inaina maluna 0 ke keikialii Romeala no konahoowalewale ma i kana wahine. Aka, e like me na haawina i halawai mai ma ka halealii o kana wahine, pela no neia. Ua ninau aku la oia ina koa kiai puka, a ua hai mai lakou ua baalele kahiko mai ua keikialii la i ka halealii he hora okoa 1 hala. O ka loaa ana mai o keia lono 1 ua moi la, ua hke ia me kekahi poka kila nana i hookui aku i kona puuwai, a haule aku la oia iluna oka papahele he moi i hoehaeha a wawahiia kona puuwai, me na huaolelo 0 ka minamina ma kona inau lehelehe. Hala ke kii onohi kuu mea aloha Haalele la'u la e maewaewa. Me kela mau kanaenae ana a ua moi la, kunewa aku la oia iloko o ke aloha wahine, a no ka manawa loihihi pohala hou ae la oia, a me na helehelena i haakokohi la me ka inaina, kahea ae la oia 1 na koa e akoakoa koke mai me ka hakalia ole, wahi a ua moi la, e hahai aku ana au mahope 0 ka meheu okela keikialii a hiki i kona loaa ana a e kanu ola aku no wau iaia iloko o na wai hohonu o ka moana. E like me ka leo alii, pela na koa i akoakoa koke mai ai, no lakou hoi ka huina o elima haneri, a o lakou ka ua moi Maredina la i alakai aku ai no ke awakumoku, me kona manao aia no la ka moku o kona erfemi ke ku la, aka, 1 kona hoea ana aku, aole oia i ka lai o Bedina, aka, aia oia iwaena moana ka-

hi i puaiki mai ai. Alaila, e hoomanao iho kaua e kuu i makamaka heluhelu, ua haalele kahiko aku o Romeala i na kapakai o Bcdina he okoa a oi paha i hala ae. ' O keia hoohoka ino loa īa ana aku! o ua moi Maredina la, oia kana i huli hoi aku ai no kona halealii me na haawe kaumaha o ke aloha wahine a malu na o kona wahi moe, haule aku la la j īloko o ka mai kulipolipo o keia mea he aloha wahine. Ano e ka mea heluhelu, ua hoea mai kaua i ka hopena o nu hana hookelakela a ke keikialu Rameala maluna o ke aupuni o Bcdina, a i keia wa aia oia a me kona halelana ke olali haaheo ia maluna o ka hokua o na ale wiliahiu a me ka moiwahine Pua Pekina hoi maluna o ka hokua o kona halelana aukai, oiai, ua haaleie aku ua moiwahlne la oka puuwai kupaa ina luhiehu nani o kona aupuni, a o ke kaula kaa- | kolu mawaena o ke kane a me ka wahine, ua mokumoku a weluwelu liiliiae la ia i ua Pua Pekina la. Kahaha, e pakele hoi ka moku ua hoohihi hoolaau ka makemake anoai wale ia loko no ke keikialii Roraeala a pela no e ku ai kaena a kela keikialii, he nani ia e haule ai ka honua. Ae, e ka mea heluhelu, ua hahai aku ua moiwahine Pua Pekina la ma na kapuai o ke keikialii Romeala me ka hoo hiki paa e ukali oia a waiho na iwi o kamaheie i ka aina malihini. Nolai'a, e haalele aku ko kaua kama ilio ana no ke aupuni o Bedina, a e huii ae kaua a hoomau aku nia ka meheu 0 ke ke keikialii Romeala e hiu la maluna o na ale ahiu o ka moana. O ke kokoke loa ana mai e hiki i ka hopena a ua keikialii la i hoike aku ai 1 kona luaui, eolaila, haawi ae la ia i ke kauoha i kona kapena e hoihoi ponoia ae ka ihu o ka moku a i ka ihu pololei e ku aku ai i Parameri. O keia kauoha a ke keikialii Komeala, oia ka kona kapena i lawe koke ai i ka hoeuli a kau pololei aku la i ka ihu o ka moku no ke aupuni o Parameri ka pahu hopu, a oiai, eia ua keikialii la ma kahi he mau mile mamao loa mai kona anpuni mai, nolaila, ua nui a lehulehu na la i holo ia e lakou me ke ku aina ole, ama kekahi, po mahina piha, aia hoi, ua komo aku la lakou iloko o kekahi pouli ano e, e uhi paa ana maluna o ka moana, ua nalowale ka malamalama oka mahina a me na hoku o ka lewa, a oka pouli oia wale no na mea imua o ko lakou maka ke nana aku ia manawa. (AOU i p*u.)