Ka Nupepa Kuokoa, Volume XXIX, Number 52, 27 Kekemapa 1890 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXIX, HELU 52. HONOLULU, PAONO, DEKEMABA 27, 1890. NA HELU A PAU, 2317

 

HOOLAHA LOIO

 

NELLIE M. LOWREY.

 

Notari no ka Lehulenu.

A HE

Luna Hooieie Palapal a me na Palapala, Hoohihi.

            Keena Hana me W. R. Kakela Loio ma ka aoao makai o ka Hale Leta, Honolulu    2241-3y.

 

CECIL BROWN.

Loio a me kokua ma ke kanawai?

@@ Agena Hooiaie Palapala no ka Me kupuni o Oahua

KEEANA HANA: Ma alanui Kalepa.

tf.

 

EG. HITCHCOCK.

(AIKUE HIKIKOKI).

LOI A KOKUA MA NA MEA A PAU E

 

PILI ANA MA KE KANAWAI.

E @hi ia ne na Bila Aie, me ka awiwi

HILO, HAWAII.

2114.1yr.

 

A. ROSA.

[Akoni.]

Loio a he Kokua ma ke Kanawai.

 

Luna Hooiaio Palapala.

Keena hana, ma lanui Kaahumanu

 

GEORGE P. KAMAUOHA.

 

He Loio a he Kokua ma ka Kanawai.

He Notari no ka Lehulehu,

Luna Haa@ei Palapala Ae Ma@@,

No Kohala Akau, Hawaii.

 

A HE MEA

ANA AINA.

            E loaa no ma Kohala Akua, Hawaii,

2314-1y

 

W. R. KAKELA.

Loio a he kokau ma ke kanwai

He Luna H@@@@@@@ Palapala

tf.

 

ENOCH JOHNSON,

(Enoka.)

He Loio a Kokua ma ke Kanawai,

Imua o na Ahahookolokolo a pau o keia Aupuni.

 

Luna Hooiaio Palapala Kope no ka apana o Kona, mokupuni o Oahu.

            Keena hana, helu 15 alanui Kaahumanu, ma ke keena mua iho nei o W C Aohi.

2263 1y

 

WILLIAM C. AOHI.

            Loio a he Kokua ma ke kanawai mua o na Aha a pau o keia Aupuni.

            He Notari no ka Lehulehu a Boroka no na waiwai paa.

            Keena Oihana, Helu 36, Alanui Kalepa, Honolulu, Oahu.

2262 tf

 

WILDER & Co. (WAILA MA.)

Mea huai papa a me na lake hukulu hai @ na ano @ pau, a me na @@ @@ pono a pau @@ hele.

            Kihi Alanu Moiwahine me Papu

 

JAMES M. MONSARRAT.

(Maukankea.)

Loio a he Kokua ma ke Kanawai

He luna hooiaio palapala.

            E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii, Dala, no ka hoaia ma ka moraki ma na waiwai paa.

            KEE NA HANA: Hale Pohaku hou ma ka aoao ma Waikiki o ka Halewai, Alanui Kalepa.

 

J. T. Waterhouse,

(WALAKAHAUKI.)

Halekuai o na Loia Nani Panio

Lakohao,

Na Lako Hana Mahiko,

A PELA AKU HE NUI WALE.

Alanui Moiwahine,     Honolulu

2262 1y

 

NANEA KAMAHAO

O KE

KEIKIALII

ROMEALA;

KA

Ui Kila Mageneti

O Parameri.

 

Ka Nani e haule ai ka Honua;

Ka Mahina Meli o Salaredina;

Ka La alohi o Mulisedera;

Na Kulu Koko hamahao Ekolu.

 

Na Ui Hookelakela o ke Ao holookoa.

 

Na Nani Puuwai Uahoa o ka Honua nei

 

A O KE

 

Kila Mageneti o ke aloha----"O Parameri no ia."

 

            O keia ui a kaua e ike nei e ka mea heluhelu, o ke keikialii Romeala no ia mailoko mai o ka hale opera o ka hauoli a e kamoe ana i know mau kapuai no ka halealii o ka moi Maredina.

            Iaia i  hoea aku ai imua o ua moi haakei la, ua pa e mai la no ka ninau a ua moi la, penei:

            Pehea aku nei kau kuakai e ke keikialii Romeala? A oia hoi ka ua kila makeneti la i panai aku ai i kei mau huaolelo:

            O ka moiwahine Pua Pekina, ma kuu poli oia kabi i uhene ai a hiki i ko'u huli hoi ana mai nei, wahi a ua Romeala nei.

            Ua hoohaikea ia ae na halehelena o ua moi Maredina la e keia mau olelo a ke keikialii Romeala, a oia kana i ninau mai ai me ka leo pihoihoi o ka mea i hele a haule pu na manaolana o ka haakei penei:

            E ka loea hookelakela o ke ao, he olaio anei ma kou poli ka'u wahine a hiki i kou huli hoi ana mai la?

            Ae, wahi a Romeala, me a'u oia a owau hoi me ia a hiki i ko'u hui hoi wale ana mai la, a o ka mea i oleloia nona he puuwai kupaa oia o ka naue ale, he hoopunipuni ia a me ka wahahee, wahi a Romeala.

            A, he keikialii wahahee oe a me ka hoopunipuni, auhea na hoola a auhea hoi na hoike e pili ana i ka oiaio o kau mau olelo, no ka lilo ana o ka'u wahine ia oe?

            Ua hoholo ae na minoaka ana maluna o na papalina o ke keikialii Romeala no kei mau olelo a ka moi Maredina, a oia ka ua kila makeneti la i pane aku ai i kei mau olelo:

            E ka moi Maredina, o ka Pua Pekina me a'u oia a hiki i ko'u huli hoi ana mai nei, a i makemake oe e ike i ka oiaio o ka'u mau olelo e nana mai ke keia komolima a e hoomaopopo iho oe nou aole anei keia o ke komolima i awaiaulu ia ai olua i hookahi io, ka mea a ua maiwahine la i haawi mai ai ia'@ i hoola e hoike aku ai imua ou no kona haule ana imua o'u.

            Ua nana pono mai la ua moi Maredina la maluna o ke komolima e paa ana ma ka lima o ke keikialii Romeala a i kona ike ana mai o ke komo no ia o kana wahine, ua haikea koke ae la kona mau helehelena, a me ka leo ehaaha walohia o ke kaumaha, pane mai la oia:

            Ua eo ka pili a kaua ia oe e Romeala, o oe ka haku a me ke alii maluna o ko'u mau waiwia,

            Alaila, e kuu makamaka heluhelu, me keia mau olelo a ua moi Maredina la, haalele iho la ia ia Romeala me na helehelena o ke kaumaha a kamoe aku la i kona kapuai me ka awiwi no ka halealii o kana moiwahine.

            Iaia i hoea aku ai, kahea pakolo ae la oia i ka inoa o kana wahine me ka leo nui o ka inaina, aka, e ka mea heluhelu, aole loa he pane i loaa mai i ua moi la.

            No ka pane ole ia mai o keia mau leo kahea a ua moi la, komo aku la oia ma ke keena moe o kaha wahine, aia hoi, ua hookui mai la me kona mau lean ike na hoihoina e noha ai kona Puuwai, oiai, e mokaki ana na kahiko o kana wahine i o a ianei, a o ua kuonohi la a kona manao, aoleia maloko o ua rumi la,

            Ua hala ka puulena aia i Hilo

            Ua imi aku la ia Papalauahi.

            Nolaila, me ka inaina nui huli hoi hope aku la oia no kona halealii me ka manao e kau aku i kona inaina maluna o ke keikialii Romeala no kona hoowalwale ana i kana wahine.

            Aka, e like me na haawina i halawai mai ma ka halealii o kana wahine, pela no neia. Ua ninau aku la oia i na koa k@ai puka, a ua hai mai lakou ua haalele kahiko mai ua keikialii la i ka haleahi he hora okoa i hala.

            O ka loaa ana mai o keia lono i ua moi la, ua like ia me kekahi poka kila nana i hookui aku i kona puuwai, a haule aku la oia iluna o ka papahele he moi i hoehaeha a wawahiia kona puuwai, me na huaolelo o ka minamina ma kona mau lehelehe.

            Hala ke k@ onohi kuu mea aloha

            Haalele ia'u la e maewaewa.

            Me kela mau kanaenae ana a ua moi la, kunewa aku la oia iloko o ke aloha wahine, a no ka manawa loihihi pohala hou ae la oia, a me na helehelena i haakokohi ia me ka inaina, kahea ae la ola i na koa e akoakoa koke mai me ka hakalia ole, wahi a ua moi la, e hahai aku ana au mahope o ka meheu o kela keikialii a hiki i kona loaa ana a e kanu ola aku no wau iaia iloko o na wai ho@onu o ka moana.

            E like me ka leo alii, pela na koa i akoakoa koke mai ai, no lakou hoi ka huina o elima haneri, a o lakou ka ua moi Maredina la i alakai aku ai no ke awakumoku, me kona manao aia no la ka moku o kona enemi ke ku la, aka, i kona hoea ana aku, aole oia i ka lai o Bedina, aka, aia oia iwaena moana kahi i puaiki mai ai.

            Alaila, e hoomanao iho kaua e kuu makamaka heluhelu, ua haalele kahiko aku o Romeala i na kapakai o Bedina he okoa a oi paha i hala ae.

            O keia hoohoka ino loa ia ana aku o ua moi Maredina la, kana i huli hoi aku ai no kona halealii me na haawe kaumaha o ke aloha wahine a malu na o kona wahi moe, haule aku la ia iloko o ka mai kulipolipo o keia mea he aloha wahine.

            Ano e ka mea heluhelu, ua hoea mai kaua i ka hopena o na hana hookelakela a ke keikialii Romeala maluna o ke aupuni o Bedina, a i keia wa aia oia a me kona halelana ke olali haaheo la maluna o ka hokua o na ale wiliahui a me ka moiwahine Pua Pekina hoi maluna o ka hokua o kona halelana aukai, oiai, ua haalele aku ua moiwahine la o ka puuwai kupaa i na luhiehu nani o kona aupuni, a o ke kaula kaakolu mawaena o ke kane a me ka wahine, ua mokumoku a weluwelu liilii ae la ia i ua Pua Pekina la.

            Kahaha, e pakele hoi ka moku ua hoohihi hoolaau ka makemake anoai wale ia loko no ke keikialii Romeala a pela no e ku ai kaena a kela keikialii, he nani ia e haule ai ka honua.

            Ae, e ka mea heluhelu, ua hahai aku ua moiwahine Pua Pekina la ma na kapuai o ke keikialii Romeala me ka hoohoki paa e ukali oia a waiho no iwi o kamahele i ka aina malihini.

            Nolai'a, e haalele aku ko kaua kama ilio ana no ke aupuni o Bedina, a e huli ae kaua a hoomau aku ma ka meheu o ke ke keikialii Romeala e hiu la maluna o na ale ahiu o ka moana.

            O ke kokoke loa ana mai e hiki i ka hopena a ua keikialii la i hoike aku ai i kona luaui, eolaila, haawi ae la ia i ke kauoha i kona kapena e hoihoi ponoia ae ka ihu o ka moku a i ka ihu pololei e ku aku ai i Parameri.

            O keia kauoha a ke keikialii Romeala, oia ka kona kapena i lawe koke ai i ka hoeuli a kau pololei aku la i ka ihu o ka moku no ke aupuni o Parameri ka pahu hopu, a oiai, eia ua keikialii la ma kahi he mau mile mamao loa mai kona aupuni mai, nolaila, ua nui a lehulehu na la i holo ia e lakou me ke ku aina ole, a ma kekahi po mahina piha, aia hoi, ua komo aku la lakou ololo o kekahi pouli ano e, e uhi paa ana maluna o ka moana, ua nalowale ka malamalama o ka mahina a me na hoku o ka lewa, a o ka pouli oia wale no na mea imua o ko lakou maka ke nana aku ia manawa.

            (Aole i pau.)

 

            ROMIANO;

 

Naita Hapakeko

            O NA PALI EIWA.

 

Haku-alii Korila o na luahuna,

A I OLE

Ke Keikialii Kamehai loa ma Italia.

 

MOKUNA IX.

 

Romiano ka Olali o na Pali Eiwa Naueue na Aupuni o Europa.

 

            Nolaila, puhi koke ae la oia i kana ole no ka emi hope ana aku o ka puali a hoolulu iho ma na paleua o ke kulanakauhalealii.

            Ua holo ae ka lono a puni ke kulanakauhale alii i ua po la, ua auhee ka alihikaua Apala imua o Romiano, a oia mau lono hoolelel hauli, ua like ia me kekahi poka pahu i haule iho maluna o ka lahui holookoa, a ia wa lakou i naka haalulu ae ai me ka weliweli, o@ai o ko lakou mau hilinai ana a pau, aia wale no ia maluna o kela kanaka hookahi.

            Aka, e ka mea heluhelu, mamuli o ke auhee hope ana o na koa Italia mahope o ka naita Apala, ua lilo ia i mea na Romiano e akaaka henehena, haawi ae la ia i ke kauoha i na koa no ka maki hope ana aku no ko lakou mau home pali.

            O na hora poniponi o ka wanaao o ua po la hoea aku la ua Romiano nei me kona pualikoa no ko lakou home pali, me ka hauoli no na pomaikai a lakou i pakaha ai, a oia hou ka ua Romiano nei i kamailio hou aku ai imua o kona mau koa me keia mau olelo:

            E na koa, ua hoea mai kakou i ka la e haaheo hou ai na pali eiwa nei, a no ka lua o ka kakou huakai lanakila e maki hou aku ai, alaila, e alakai aku no au ia oukou imua o Europa holoohoa, a hoonaueue aku i ko lakou mau mana me ka ikaika o na mea kaua.

            Ano, e na koa, e hoomaha i ko oukou mau luhi, a e hauoli i na pomaikai i loaa ia kakou, a no ka wa e hiki mai ana e alakai hou aku no au ia koukou e moni i ka hohono o na kiheahea koko a e honi hoi i na ea make o ke kahua kaua.

            O keia mau olelo a ua olali la o na pali eiwa, ua panai ia mai la ia e na leo hro ohohia o kona mau koa, a no na la ekolu i loaa iho mahope iho o kela la lanakila mua loa i loaa i ua Romiano la, aia hoi, maki hou aku la oia me kona mau koa no ke kulanakauhalealii ka pahu hopu.

            O keia huakai ekolu a na Romiano la iloko o Italia, oia kekahi o na huakai kaulana loa i haaheo ae ai ua Romiano la me ka inoa--Ka hookahuli aupuni mua o Europe.

            Ua haalulu na palena o ke kulanakauhalealii a o kona mau kihi hoi eha, ua aneane maoli no ia e hiolo i ka wa a ka lahui Italia i lohe aku ae eia o Romiano ke anai aku la i na palena waho o ko lakou kaulanakauhalealii me ka weliweli.

            O ke poha ana aku o keia lono weliweli a me ke kaulana o na hana pakaha a Romiano, oia ka ua lahui la i nana aku ai maluna o ko lakou puukalahala hookahi, ke kanaka a lakou i haawi ai i na paulelel ana na kona wiwo ole e hoopakele i ko lakou kulanakauhale mai na lima aku o ka powa a me ka pakaha.

            Aka, o ia mau paulele a hilinai ana, ua @oopoho ia mai ia mamuli o ke auhee ana o ka naita Apala a me ka luku ia ana o kekahi hapa o na koa Italia, a o na hoao ana e paniku aku i ua hapakeko la mawaho o na palena o ke kula nakauhale alii, ua hiki ole ke hoohana ia iloko o ia mau minute o ka inaina a me ka ahiu o ua hapakeko la e pahola la maluna o ka aina.

            O keia auhee elua ana o Apala a weluwelu liihi me na mana kaua o Italia, oia ka poka pahu mua loa nana i ki aku ka mana o na poo kalaunu o no aupuni o Europa mawaho ae o Italia a haalulu e ae la lakou me ka weliweli me ka hiki ole ia lakou ke hoomaha pono i ko lakou mau poo, oiai, o na lia a me na kuko hopohopo ana no Romiano, aia ia imua o ko lakou alo i na wa a pau.

            Ae, e kuu makamaka heluhelu ua naueue na aupuni no Europa i keia wa ia Romiano, a o ka mana o ko lakou mau noho alii, ua kahulihuli ia i ka hapakeko o na pali eiwa, a ua makaukaukau hoi e haawi pio mai ia lakou iho malalo o ka malu o Romiano.

            Nolaila, ia kaua e haupa aku ai i na ono o ua mau kahua kaua la a Romiano ka hookahuli aupuni, e haalele iho kaua no keia mokuna a e leha aku kaua no ka mokuna mamua a e loaa pono no auanei ia kaua ha hana a

 

            Haehae ka manu

            Ke haale nei ka wai.

 

MOKUNA X.

Imua o Eupopa--Ka Hookahuli Aupuni Pakaha.

 

            O ka loaa ana he lanakila elua ia Romiano, oia ka mea nana i hooi loa ae i ka haaheo o ua hapakeko la a oia hoi kana i kakau iho ai he palapala a hoouna aku la ma ka lima o na elele, no ka lawe ana e kapili ma na pipa alanui o Italia, a e heluheluia ua palapala la penei:

            Malalo o ka hanohano o na mea kaua, ke koi ia aku nei ka nohoalii o Italia e haawi pio mai iaia iho malalo o ka mana o Romiana, ka haku ahi o na luahuna, a ke ole pela, alaila, ua makaukau ua alii la e hookahuli i ka nohoalii o Italia, ina he mea ia e ala mai ai o Europa holokoa a kue iaia hookahi wale iho no.

            Romiano.

            O ke poha ana ae o ka lono no keia mau olelo a ua hapakeko la, ua kau ka weli makau maluna o ka lahui Italia, aka, o ka naita Apala, oia hookahi wale iho no ke kanaka i aa aku e kue a pale i no kauoha a ua hapakeko la, a o kana pane no kela mau olelo kipi a me ka pakaha a ua Komiano nei, oia no kona hoouna ana aku ma o kana elele la, a e heluhelu ia ua palapala pane la penei:

I ke kanaka hohe wale, Romiano, --

            Ma ka pane ana aku i kau noi pakaha o ke kipi haahaa loa, ke ku nei o Apala hookahi a hoole aku me ka hanohano o ke kanaka koa, aole loa e loaa ia oe ka mana e hookahuli ai i ka nohoahi o Italia nei, a hiki i ka hulihia ana o kou mana, a i makemake oe e ike e halawai ae kaoa maluna o ke kahua o na medala kila, a malaila e hookoia ai na lili ana a ko kaua mau manao enemi o kan inaina.

            Apala

            Alihikau o Italia.

            I ka wa i loaa aku ai o keia palapala ia Romiano, hulili ae la kona mau maka me ka inaina, a luai ae la oia i na huaolelo hoino me ka hailiili, wahi a ua Romiano nei, aha, a pale a kue mai ana kela kanaka Wale i ka'u mau kauoha, alaila, ma ka oi o ka pahikaua a Romiano, e komo aku ana au iloko o Italia a hoonaueue aku i kona mana a hiki loa aku i na aupuni mawaho o Italia nei.

            Ae, wahi hou a ua Romiano nei, e ku aku ana au imua o Europa holookoa a hoike aku ia lakou, aole o Romiano he kanaka i hanau@a mai me ka puuwai o ka hohe wale, aka, ua hanau ia mai o Romiano i keikialii no ke koko a i moi hoi no ka hookahuli aupuni mua loa.

            Nolaila, e ka mea heluhelu, me kela mau olelo a Romiano, hoomakaukau ae la oia no ka maki ana aku iloko o Italia, a emoole, aia oia a me kona mau koa e maki ana no ke kulanakauhale ahi, malalo o ka malamala o na hoku o ka lani.

            Ua hoomaha iho ua Romiano nei a me kona mau koa mawaho o na palena o ke kulanakauhale alii, a na ka mahawa a ua Romiano nei i ike ai o ka wa pono ia e hoonahaia ai ka ikaika o na mea kaua, molaila, ua haawi ae la oia i na koa, e lawe i ko lakou kahua o ka makaukau, a lelel kaua aku maluna o ke kulanakauhalealii me ka hoohakalia ole iho o na hana, a o ka wa kupono wale no ia, aohe wa e ae.

            (Aole i pau.)

 

Gaberiela Lenoa

O KA

Puali Kahiko Imeperiela o Farani.

 

Koa Opio Iloko o na Ulia o ka Laki.

 

Kukala Kaua a Perusia no Kekahi Wahine.

 

He Moolelo no ke Au-Weliweli Nui o Europa

 

Ke Kahua Kaua o Auseturika.

 

KE KULANA HOOLULU ILOKO O KA PUALI KURESIA.

 

            O na olelo o ka haaheo a Gaberiela i hai aku ai ia Konela Lenoa, aole oia e hooko ana i ka makemake o ka Emepera e like me kana kauoha e make oia iloko o ia habedoma ina he mea hiki i ka oi o kana pahikaua ke hoopakele ae i kona poo, a e noho hoi oia iloko o ka puali Kuresia a hiki i ka manawa e hookiekie ia aku ai o Konela Lenoa ma ke kulana Ilamuku o ke kahua kaua, a e kau aku hoi oia ma kona wabi me ke kulana malalo o ka ino--Konela Gaberiela Lenoa.

            Ua haawi mai o Konela Lenoa i ka nana pono ana ia Gaberiela Lenoa no kekahi mau minute, a pane mai la i keia mau olelo hoohoihoi o ke ohohia,--

            "Ha! Ha! He kanalua ole au, e hooko io ia ana no kela mau olelo au e Mekia Lenoa. O oe ke kanaka kupanaha loa a'u e ike nei, ua loaa ia oe he oia o ka iaki nui mai na diabolo ma a pau o ka po ma keia uhaki kanawai no ka pomaikai o Farani, mamua o ka haawi ana mai o ka Emepera ia oe me ka hoopai weliweli loa o ke kipoka aku i kou poo. E hoomanao e kuu hoaloha, o ka la 30 kei o Novemaba, a ua lohe ia mai i ka la inehinei, eia ae na pualikoa o na aupuni kaua hui o Rusia me Auseturia mamua mai o ko kakou alahele, a he kaua ke hooukaia aku ana iloko o na la pokole. Ke lana nei ko'u manao, i ka la mua e oili ai ka poka mua o ke kukala kaua, e ukaliia oe e Mekia Gaberiela me na uha o ka laki a me na pomaikai he nui. Aloha kakahiaka oe e ka Mekia."

            Mahope iho o keia kamailio ana, ua huli hoi aku la o Gaberiela me ka piha hauoli no na olelo hoolana a pili hoaloha oiaio o Konela Lenoa, a ua hiki iaia ke koho iho, oia wale no kona makamaka me na mano o ka hilinai imua o na hoaloha o ka enemi a pau e kue mai nei iaia, iloko o ia mau la mua o ka hookamaaina me na hoa aliikoa e ae o ka Puali Kuresia.

            He elua la o Gaberiela e hoolulu nei me ka puali iloko o Viena, a he hookahi nae mea nui a kona puuwai e pana mau ana i na minute a pau, aole he mau lono i lohe ia mai e pili anan no kana wahine ka lede Madimosele, pehea la kona noho ana ma kona wahi o ka maluhia, a ina paha aole i huli ia aku oia e ka Emepera Napoliona me ko na mau manao inaina o ka huhu.

            Mahope iho o ka hora kapu e hoomalu ia ana ke kulanakauhale o Viena, malalo o ke kanawai kukala kaua i kekahi ahiahi, na oili malu aku la o Gaberiela mai kona kulana hoolulu aku o ka puali a hele pololei aku la no ka aoao komohana o ke kulanakauhale, me kona hoomanao mau no i ka ipuka kahi a Ineza de Rila me kona ukali i komo aku ai, oiai ko lakou la mua loa i hiki mai ai i ke kulanakauhale mai ke alahele mai o Burune.

            He manawa o ka hapalua hora a oi ka ianei kukini wawae ana aku iloko o ia po a ka pouli, ua kaalo ae la keia mawaho o ka ipuka nui o ka pa Virigini, a maopopo ole iho la iaia nei pehea la oia e hana aku ai no ka hiki ke komo iloko me ka ike ole ia mai e kekahi kanaka.

            Ua hoomau iho la oia i ka holoholo ana ma ia wahi me ka makaala loa ina he poe e ae kekahi e hakilo mai ana iaia, a oiai oia iloko o kona piha makaala nui me ka makaukau e pinana aku maluna o ka ipuka-pa, ua hoopuiwa nui ia o Gaberiela i kekahi leo kanaka nahenahe malie o ka wahine i ka pane ana mai i kei mau olelo,--

            "O oe anei ia e ka Monasiua?"

            Ua huli koke ae la oia i hope a nana pono aku la i kahi i pa e mai ai o kela leo, a ike aku la oia i kekahi oo kanaka i uhiia me kekoloka i puka ae iwaho o kekahi puka uuku, a hoomaopopo koke aku la no keia i ka mea nona ua leo la, aole ia he mea okoa aku, aka, o ka lede ukali no ia o kana wahine ka lede Babete.

            Ua hele koke aku la oia imua ona ma ka ipuka-pa, a pane hou mai la o Babete i keia mau olelo me ka wikiwiki,--

            E komo koke mai ano e ka Monasiua--o ike ia mai oe e kekahi poe e ae o ke alanui nei."

            O keia mau olelo kono a ua lede maikai la, ua hoolohe koke aku la o Gaberiela ma ka hoike ana i kona eleu nui me na kapuai mama o ka lele, a poholo ana keia maloko o ka ipukapa a imua pono hoi o ke alo o ua lede ukali la

            "Ua hai mua ako no au i ka lede Madimosele i keia ahiahi--e hiki mai ana oe; a pela wau i hele makaikai wale mai nei no iwaho nei o ke alanui, a na lani hoi i haawi mai nei i ka pomaikai nui o ko kaua halawai like an@," wahi a ka lede ukali i pane mai ai me ka leo hawanawana.

            Na keia mau olelo i hoohauoli koke mai ia Gaberiela ma keia halwai ana, ke alanui hoi e hiki ai iaia ke ike aku i kana wahine ma o kona lede ukali la, oia kana i puili aku ai ia ua wahine la me ka pane ana aku i keia mau olelo,--

            "A! E kuu Babete! O keia huakai wiwo ole au i kiai makaala iho nei ia'u iloko o keia po o ka pouli nui, ua oi aku ka hanohano o ia wiwo ole ma ka aoao o kekahi wahine puuwai koa mamua o ka oi o ka'u pahikaua, a ua like hoi ka waiwai ia'u o kou hooko kauoha ke kau ia maluna o ke ana-kau paona me ka maemae o ke gula. E hai mai e kuu Babete, pehea kau' wahine ka lede Madiniseke?"

            "O! he uwe wale no kana hana mai kou haalele ana mai ia maua a hiki i keia ahiahi. He makemake paha kou e ike iaia i keia manawa?"

            "Ae, he makemake nui au e ike aiai mamua o ko'u kaawale ana aku no kekahi wahi okoa o ko'u kulana hoolulu iloko o ka puali," wahi hou a Gaberiela i pane aku ai.

            "Ina pela, aole au e hiki ke lawe ia oe iloko o ka hale maluhia o na Virigini, aka, e hele oe a ma kela kihi-pa a kali iki malaila, oiai au e komo ae ai iloko a hai aku iaia, aia oe ma ia wahi e kali ai nona."

            Ua huli hoi aku la ka lede Babete no ka hale Virigini, a kokolo aku la hoi o Gaberiela o na lima me na wawae no ke kihi akau o ka pa nui, a kakali iho la malaila no kekahi mau minute pokole.

            (Aole i pau.)

           

            E nana ae i na mea kou o ko na aina mamao ma ko makou aoao 4.

 

            O ka lunakanawai kiekie hou o Samoa ka malihini hanohano maluna mai o ka "Alameda" i ke ahiahi Sabati i hala, a ua kipa ae oia e ike i ke Kahu Aupuni a me ka Moiwahine Kapiolani.

 

            O ka laina mokumahu ma kahi o ka "Faralona" e kipa nei ma Hilo, ua hooia ia mai ka manao o ka hui e hookomo ma ia laina i elua mokumahu hou i emi ole iho malalo o elua tausani tona, a e hooholo mau ia ana laua mawaena o keia paemoku a ma Kaleponi ma ke aia ae o Sana Diego.

 

            Ua manao ia, o ka huakai a ke Alii ka Moi no Kaleponi Hema, ina ua haalele iho la ia Kapaladiko no laila, e hala ana he pule holoekoa malaila. He mau lono hou e hoike ana, e hele ana paha oia no ka hikina. Aohe nae he mau hooiaio.