Ka Nupepa Kuokoa, Volume XXIX, Number 46, 15 Nowemapa 1890 — Page 1
| This text was transcribed by: | Manuel Harris |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXIX, HELU 46. HONOLULU, POAONO, NOVEMABA 15, 1890. NA HELU A PAU. 2311
HOOLAHA LOIO -
NELLIE M. LOWREY.
Notari no ka Lehulehu.
-:A HE:-
Luna Hooiaio Palapala a me na Palapala Hoohiki.
Keena Hana me W. R. Kakela Loio ma ka aoao makai o ka Hale Leta, Honolulu 2241-3y
CECIL BROWN.
LOIO A HE KOKUA MA KE KANAWAI?
@@ Agena Hooiaio Palapala no ka Ma kupuni o Oahu
KENNA HANA: Ma alanui Kalepa.
tf.
E G. HITCHCOCK.
(AIKUE HIKIKOKI).
LOIO A KOKUA MA NA MEA A PAU E PILI ANA MA KE KANAWAI.
E ohi ia no na Bila Aie, me ka awiwi.
HILO, HAWAII.
2114.1yr
A. ROSA.
[AKONI.]
Loio a he Kokua ina ke Kanawai.
Luna Hooiaio Palapala.
Keena hana, ma alanui Kaahumanu
GEORGE P. KAMAUOHA.
He Loio a he Kokua ma ke Kanawai.
-A HE MEA-
ANA AINA.
E loaa no ma Kohala Akau, Hawaii,
2001-1y
W R. KAKELA
LOIO A HE KOKUA MA KE KANWAI
He Luna Hooiaio Palapala.
tf
ENOCH JOHNSON,
(ENOKA.)
He Loio a Kokua ma ke Kanawai,
Imua o na Ahahookolokolo a pau o keia Aupuni.
Luna Hooiaio Palapala Kope no ka apana o Kona, mokupuni o Oahu.
Keena hana, helu 15 alanui Kaahumanu, ma ke keena mua iho nei o W C Achi.
2263 1y
WILLIAM C. ACHI.
Loio a he Kokua ma ke kanawai mua o na Aha a pau o keia Aupuni.
He Notari no ka Lehulehu a Boroka no na waiwai paa.
Keena Oihana, Helu 36, Alanui Kalepa, Honolulu, Oahu.
2262 tf
WILDER & CO. (WAILA MA.)
Mea kuni papa a me na lako kukuiu hui o na ano a pau, a me na me na pono a pau ka hale.
Kihi Alanu Moiwahine me Papu
JAMES M. MONSARRAT.
(MAUNAKEA.)
LOIO A HE KOKUA MA KE KANAWAI
He Luna Hooiaio Palapala.
E hana ia no na Palapala Kuai, Palapala Hoolimalima, a me na palapala pili kanawai e ie ma ka olelo Hawaii. Dala no ka hoaie ma ka moraki ma aa waiwai paa.
KEENA HANA: Hale Pohaku hou ma ka aoao ma Waikiki o ka Halewai, Alanui Kalepa.
J. T. Waterhouse,
(WALAKAHAUKI.)
Halekuai o na Lole Nani Panio
Lakohao.
Na Lako Hana Mahiko,
A PELA AKU HE NUI WALE.
Alanui Moiwahine, - - Honolulu
2262 1y
NANEA KAMAHAO
O KE
KEIKIALII
ROMEALA;
KA
Ui Kila Mageneti
O parameri.
Ka Nani e haule ai ka Honua;
Ka Mahina Meli o Salaredina:
Ka La alohi o Mulisedera;
Na Kulu Koko kamahao Ekolu.
Na Ui Hookelakela o ke Ao holookoa.
Na Nani Puuwai Uahoa o ka Honua nei
A O KE
Kila Mageneti o ke aloha - "O Parameri no ia."
I ka pau ana, aia he kani ana o na muki honi a ua moiwahine la iluna o na lehelehe o ke keikialii Romeala a oia hou ka ua wahi koa la i hawanawana hou iho ai iaia iho me keia mau olelo:
Ike oe ia Waimea
Laau hole a ka makani
Ua kalaihi ia e ke anu
O-o i ka nahele o Mahiki.
Ua panai ia aku keia mau honi muki ana a ka moiwahine Mabelalia e na alelo a kona mau lehelehe i luai aku ai me kona mau lima hoi e puili ana @@@@ o kona umauma, a oia iho hoi keia malalo nei:
E ka ui a'u i uahoa ai ka manao, a e ka nani hoi a'u i lokoino ai, e kala mai oe ia'u no ka'u mau hana hewa i hana aku ai maluna ou, a e ae mai ia'u e hookipa aku ia oe ma na paia o ko'u halealii, a hiki loa aku iluna o na momona o ka'u papaaina no ka hauoli ana me na kiaha waina o ke aloha.
Ae, e ka ui o na ui a me ka nani o na nani, e hookipa aku ana au ia oe aole ma ke ano he mau moho hookelakela kaua no ke ao, aka e hookipa aku ana au ia oe ma ke ano lawe a lilo na'u oe, a pela hoi au nau.
Ua panai ia n@ai keia mau olelo a ka Moiwahine Mabelalia me na olelo waipahe ma ko ke keikialii Romeala aoao i ka i ana mai penei:
E ka moiwahine Mabelalia ma ka hookipa ana mai i kau poloai ia'u, ua loaa ia'u he wa pono e lawe mai ai a hooko aku, aka, no kau kono ia'u oia hoi, aole kaua e kipa aku ma kou halealii ma ke ano aole kaua he mau moho hookelakela, aka, o ka ipo o na ipo a me ke aloha no ka wa mau loa, alai'a, e ae mai ia'u e olelo ae,
E ka la napoo ole o paemoku uliuli
Aole au me oe
A e ka mahina aliali o Mabela
Heaha kau.
O keia mau olelo a ke keikialii Romeala, ua uwila koke ia mai la ia e ka loea naauao o ka moiwahine Mabelalia e hele ai a pa pono ka Iae o ke keikialii ohelo pukuniahi o Parameri a o ua mau olelo la oia iho keia:
E ka po a me ka make
Heaha kau?
E ka lua a me ka hohonu
Owai oe?
Auwe! O ke kiai au o ka po
Ha! Ha! O ka anela luku o ke ao
No ka mea, o ka leo
O ka nani huna no ia o na pua
A o na lima
Na lima no ia o Dubero.
Me keia mau olelo a ua moiwahine la, kono hou mai la oia i ke keikialii Romeala e ae aku e like me kana noi oiai, o ka make a me ka pouli he mea ole ia iaia, a o ka lua hoi a me ka hohonu, aole ia i ike ia mea, no ka mea, o ka nani huna o na pua, oia kana i koho ai e lilo i iwi kuamoo nona, ka mea hoi a na lima o Dubero i poni ai e lilo i k@@@ no ka po a i anela luku no ke ao, aka, e kuu makamaka heluhelu, o keia mau koi ana a ua moiwahine Mabelalia la, ua hamare ia aku la ia e na olelo paakiki loa a Romeala a na ia mau olelo i hoopau ae i kela koi e lilo i ipo no ka wa mau loa, a o ua mau olelo la a Romeala, oia keia:
E ka io o na io
Aole au me oe :
A e ka iwi o na iwi
Aole no au me oe :
Ae, e ka io o na io, a e ka iwi o na iwi, a i makemake oe e ike i ka laau huna o na pua, a i ka hua mohaha o na opuu, a komo aku iloko o na mahiaai o ka maha, a e loaa wale no auanei ia ia oe me ka mohai ole, no ka mea, malaila i kahe mua loa ae ai na kahawai lii'ii o ka hauoli a a na waimapuna hoi o ka olioli i ko lakou mau wai puai e like me ka mea i oleloia,
O Paemoku Uliuli keia
Kahi o ka la napoo ole
A o ka halealii Mabela kela
Kahi o ka mahina aliali.
Mamuli o keia mau olelo o Romeala ua hiki hou ole i ka moiwahine Mabelalia ke uilani hou mai me kona loea o ka naauao, a o kana hana pono wale no, oia kona haawi pio ana mai iaia iho malalo o ka loea o ke kila makeneti, a oia ka ua aliiwahine la i pa @eo hope mai ai:
Ina ae kaua e ke aloha
Oiai ka halia i Hanakahi
O ka ike lihi wale aku paha
I na hiona a ka noe.
Alaila, e kuu makamaka heluhelu, me keia mau hoohie olelo ana a ua moiwahine la o Paemoku Uliuli kuikui lima ae la oia me ke keikialii Romeala a kamoe aku la na kapuai no ka halealii ka pahu hopu.
Ia lakou i hoea aku ai ma ka puka o ke keena a ke anaina e noho ana, ia wa i ku koke ae ai ko ke aloalii poe iluna, a o ka leo hoene o na mea kani, ke hauwalaoa la ko lakou mau melodia nahenahe me he mea la e kono mai aua i ua ui hookelakela nei o ke ao,
E maloko hale e ke aloha
E honi me kamaaina.
I ka moiwahine Mabelalia a me kana mau malihini i noho iho ai maluna
o ko lakou mau noho, ia wa i noho pu iho ai me ke anaina ilalo, a no kekahi mau minute ka noho hakanu ana ia wa i ku ae ai ka moiwahine Mabelalia iluna a luai mai la i keia mau olelo:
E ka loea kila makeneti, wahi a ua moiwahine la, ma ka hoomaikeike ana aku i na palena o ka aina napoo ole o ka la, e ae mai ia'u kou hanohano e maikaikai iki aku i ke ana hohonu o kou loea a me ka mole o kou naanao e like me ka'u i lohe wale ai:
He kila makeneti oe
E paloke ai na mea hana
He nani e haule ai ka honua
E hiolo ai na hoku o ka lani.
Pane aku la o Romeala, ae e ka moiwahine Mabelalia, ua pololei oe i koho mai la, aka, he hewa anei au ke hoomaoe ae, - i kohu no ke kila i ke paea.
Aole, wahi hou a ua Romeala nei, a nolaila, i mea no ua kila la e kohu ai e pono e hoohana pu ia ke paea a e pili pono auanei keia mau olelo:
O oe a owau kohu ia hana
Ka pupue i ke ki a ke paoahi
Hoolai na hana a ka nihoniho
Imua a ihope ka wiliki e kulai nei
Nolaila, e ka moiwahine Mabelalia, i mea nou a me a'u e kohu ai me kela inoa, na ui hookelakela o ke ao, e hoohana ae i kou naauao a owau hoi i ko'u loea, a na ka mea o kaua e lanakila ana e papahi ka hanohano o ka la ka loea hookelakela o ke ao.
No ka mea, o oe e ka moiwhaine Mabelalia, he naauao oe i kaulana a puni ke ao'maloko o na hoikeike a ka buke moolelo a Riba ke kaulana, nolaila, malalo o ia ike e lealea ai kaua e like me Solomona ka noeau imua o Sepa ka loea.
O keia mau olelo a Romeala, ua panai ia mai la ia e na olelo hohe wale a ka moiwahine Mabelalia, i ka i ana mai penei:
Kahaha, ua eo hoi au ia oe malalo o na hookaau olelo o nei mea he naauao alaila, heaha hou aku hoi ka hana o ka kaua apakau ana aku o laila, nolaila, e ku@ ae oe i kou loea o ke kila makeneti a ilaila kaua e lealea ai e like me Davida imua o Saula. Nolaila, e hoomauawanui iki ka ono o ko makou mau makamaka heluhelu a hoopuka hou ia aku i keia helu ae.
(Aole i pau.)
ROMIANO;
Naita Hapakeko
O NA PUI EIWA.
Haku-alii Korila o na luahuna,
A I OLE
Ke Keikialii Kamehai loa ma Itlaia.
MOKUNA VIII.
ROMIANO ILOKO O ITALIA - PA KA LAE I KE KOLOPA UNEUNE - A PAKELE NA HULU-PUAPUA O UA ROMIANO NEI.
He ewalu malma mahope iho o na mea i hoike ia ma ka mokuna i hala, aia hoi ma kekahi kakahiaka molale o ka Makalii, lohe ia aku la he mau leo o-le e wawahi ana i ka meha laiku o ua mau pali la eiwa, a na ua leo ole la i hoouna aku i na koa o ua Romiano la no luna o ke kahua hoomoana me ko lakou kahiko piha o ka oihana kaua.
O ka mea nana keia leo o-le e kuu makamaka heluhelu, o Romiana no ia ka olali hapakeko o na pali eiwa, a o ka manao o ua leo@@@le la, oia no ko Romiano kahea ana aku i kona mau koa e akoakoa koke mai no kekahi hana nui ana i makemake ai e hoike aku imua o kona mau koa.
I na koa i akoakoa ae ai iluna o ke kahua hoomoana, ia wa i uwila ae ai o Romiano maluna o kona lio eleele me ka haaheo nui, me he generala la imua o ke kahua kaua, a me ka leo nui moakaka, luai aku la oia i keia mau olelo me ka huki pu ana ae i kaua pahikaua a kuhi aku la no kai o ke kulanakauha lealii.
E na koa, wahi a ua Romiano la, aohe la e ae i loaa ai ia'u he la lua ole o ka haaheo e like me keia la, ka la hoi a'u e olelo ae nei, eia o Italia ma ka poho o ko kakou mau lima. Ae, e na koa, i keia la e alakai aku ai au ia oukou no ke aloalii o Italia no ka hooko ana i ka mea a ko'u lehelehe i hoohiki ai, oia hoi i keia la e naueue mua loa ai ka nohoalii o Italia ia Romiano.
I keia la aohe noho moi o Italia nei, a i keia la e hulihia ai ke aupuni o Italia no ka wa mau loa, a i keia la e poha aku ai ka leo a puni o Europa, owau keia o Romiano ka hokahuli aupuni o ke koko, a o ke kipaku moi o na medala kila.
I keia la no hoi e pulelo haaheo ae ai ka hae hookahe koko o Romiano maluna o na palena o na pali eiwa nei, no ka hai ana aku i na mana nui o ke ao holookoa, he luakupapau nona na palena o na pali eiwa ke hoao mai la kou e komo iloko, oiai, e like me ka mau o ke aho ia Romiano pela no e mau ai ka welo ana o keia hae a hiki i kona weluwelu ana.
Ano, e na koa, e hoomakaukau no oukou iho ho ka halawai ana aku me ka enemi, a e hoolohe no ka o-le i ka wa e kani aku ai.
Me keia mau olelo a romiano, hookuu aku la oia i kona mau koa e hoi no ka hoomakaukau ana ia lakou, a o ua hapakeko la hoi aia oia ma kana hana maa mau o ke kakele ana i kona lio eleele, ka poniada haaheo o na pali eiwa.
I ka hoea ana aku i na hora liula o ke ahiahi, ua haehae hou ia ae la ka meha o ua mau aia pali la eiwa e ka o le a ka naita hapakeko o na pali eiwa a i ka hoomaha ana iho o ka leo o ka o-le, ia wa i akoakoa koke ae ai na koa maluna o ke kahua hoomoana me ko lakou kahiko o ka oihana, a no na minute pokole wale no, aia o Romiano e kau ana maluna o kona lio me kona kahiko alii piha o ke koko alii kiekie loa o Italia.
Oiai ua hapakeko la imua o kona mau koa, haawi ae la ia i ke kanoha i kona mau koa e komo a e makaukau iloko o ka laina a e lawe hoi i ke kulana o ka puali no ka maki ana aku iloke o Italia ka po@@k@@@@ka h@@@@ a na manao pakiha o ua hapakek@@@ i upu ai.
E like me ka leo kaueha, pela n koa i hooko aku ai, a no ka hapalaa minute wale no, aia lakou e hooheno ana me -
Liki Nuuanu i ka makani
Ua alaala i ka ua Waahila
Alaila, me ka leo nui moakaka, kahea ae la o Romiano ne keia mau olelo, imua no ke kulanakauhale o Italia, maki, hele.
A ia wa no i uwila ae ai ua poe koa la malalo o na alakai ana a Romiano, no ke kulanakauhale alii o Italia ka pahu hopu.
O ka pouli o ua po la oia ka mea nana i kokua nui mai keia haakai maki a Romiano me kona mau koa, a i ka manawa a ka wati nui o ke towera o ka halealii i koele mai ai i ka hora eiwa o ua po la, hoea aku la o Romiano a me kona mau koa no loko o ke kulanakauhale alii, a mawaho o na palena o ka halealii i hoomoana iho ai ua hapakeko nei a me kona mau koa.
Ano, e kuu makamaka heluhelu, eia kaua ke ike nei ia Romiano no ka wa mua loa, mahope iho o kona hopu pio ia ana, e helu ana kona mau manea iloko o na palena o ke kulanakauhale alii a o ka hopen o na hana a ua hapakeko la oia ka kaua e makaikai aku ai.
Ia Romiano e hoomoana ana me kona mau koa mawaho o ka pa alii haawi aku la oia i ke kauoha i kona mau koa e ku me ka makaala maluna o ko lakou kahua a e hoolohe no ka leo ka uoha o-le e haawiia aku ana.
Alaila, me kela mau olelo a ua Romiano nei, haalele iho la ia i kona mau koa, a hele aku la oia no ka puka pa no ke noi ana aku i ka oluolu o ke koa kiai puka e ae ia mai oia e komo aku iloko, aka, ua hoole ia mai la ia e ke koa kiai me ka leo okalakala.
No ka lua o ka manawa a ua hapakeko la i noi aku ai i ka oluolu o ke koa kiai puka, ia wa i luai mai ai ke koa kiai puka i keia mau olelo e -
Niniau eha ka pua o Koaie
Eha wale la i ka nahele o Waika.
Ku a hele pela e keia ino, ma ka hanohano o ka oihana a'u e paa nei, aole loa oe i ae ia e komo mai iloko nei, ma kekahi manawa o ka po e like me keia.
Ma ke kumu hea a ma ke ano hea i paa ia mai ai ka puka ia'u, oiai au e makemake ana e ike i ka ohana alii, wahi a Romiano.
Ma ka @pana kauoha alii mai ka Alihikaua Apala mai, oiai e malama ia ana na lealea kul@ia e ka ohanaalii o Italia nei, wahi a ke koa kiai.
A he, he kauoha mai ko oukou alihikaua mai ea, alaila, e wehe mai i ka puka a e nana mai maluna o'u ina aole au i kupono e ike aku i ka ohana alii i na manawa o ka po e like me keia, oiai ua kuhihewa iki paha oe e ke koa kiai ma kau mau olelo, wahi a Romiano i pane hou aku ai.
Alaila, heaha kou kulana'i hiki ai ia oe ke ike i ka ohana alii, wahi a ke koa kiai.
E wehe mai i ka puka, a e ike no oe nou iho, i pane aku ai o Romiano.
Me keia mau olelo a Romiano, wehe mai la oia i ka puka a kiei iki mai la oia mawaho, a i kona ike ana mai i na hoailona alii e hulali aku ana iloko o ka pouli, puana ae la ia i keia mau ole o: E kala mai ia'u e ke alii, a o ka'u mau olelo pakike i kou kiekie e hoihoi hou mai ia me a'u.
Me keia mau olelo a kahi koa hiai, wehe ae la oia i ka puka me ka manao e hookomo aku i ke kanaka huluhulu o na pali eiwa iloko, aia hoi, e like me ka olapa ana a ka uwila, pela ka hikiwawe o ua hapkeko la i lele aku ai imua a uhau aku la i kana pahi maluna o kahi koa kiai, a haule aku la oia ilalo o ka lepo he kanaka make i lele ke poo i kahi e.
Alaila, me ka puuwai koa i lala@a ia e ke ahi wiwo ole o na aa koko holoholona, komo laelae aku la ua hapakeko la iloko o ka pa alii me ke keakea ole ia mai, a i iaia i hoea aku ai ma ke alapu o ka halealii ua poha keke mai la ka ieo ninau o ke kiai e holoholo ana maliala.
Haio : Owai kela a heaha kou makemake e kela mea?
O keia leo ninau a ke koa kiai, aole ia i pane ia aku, aka hoomau aku la no ua hapakeko la i kona hele ana imua me na kapuai oolea o ke kanaka makau ole.
(Aole i pau.)
Gaberiela Lenoa
- O KA -
Puali Kahiko Imeperiela o Farani.
Koa Opio Hoko o na Ulia o ka Laki.
Kukala Kaua a Perusia no kekahi Wahine.
He Moolelo no ke Au-Weliweli Nui o Europa
IMUA O KA INAINA O KA EMEPERA.
E kiola pau ana ka la i ka nani o kona malamalama piha maluna o ke kulanakauhale o Viena ia kakahiaka, a e noho ana na ohana lehulehu iloko o ka weliweli nui no keia komo lanakila ana aku o na pualikoa Farani, a me ko lakou hoomalu ia malalo o na kanawai o ke kukala kaua, oia ka wa a Gaberiela me kona hoahele Herekure Fotona i hiki aku ai i ka ipuka-pa o ka halealii a e welo ana hoi i na ahe lau makani ka haealii o ka Aeko Ulaula o ka Emepera Napoliona, e hoike mai ana i na mea a pau ma ke akea, aia ua Liona la o Farani maloko o na paia o ka halekakela alii kahiko o na Emepera o Auseturia.
Ua lele iho o Gaberiela ilalo mai kona lio iho a komo hookahi aku la iloko o ka paahi, me kona pii pono ana aku imua o ke koa e ku mai ana ma ka aoao o ka hae kalaunu, a hiki wale i ka wa a ua koa la i pane mai ai i keia mau olelo o ke kauoha, -
"Hola ! Defendu !! E ku aku oe malaila ! l !"
"Ua makemake au e ike i ka Emepera," wahi a Gaberiela i pane aku ai i ke koa kiai.
"Aole oe e komo, oiai, ke moe nei no ka Emepera i keia manawa."
"Aka, ua makemake au e ike iaia - ano - mamua o na mea e ae a pau ?" wahi hou a Gaberiela i ke koa kiai me kona wehe pu ana ae i kona kuka koloka loihi, a ku aku la oia imua ona me kona kapa alukoa piha o ka Puali Paleumauma Kuresia, a oia ka ua koa la i haawi koke mai ai i ke aloha me kana pu imua o ke alo i ke aliikoa kiekie maluna ae o kona kulana, me kona pane hou ana mai i keia mau olelo, -
"E ae mai ia'u e ke aliikoa o ka Puali Paleumauma Kuresia, eia au malalo o ka hooko i ke kauoha, - 'aole e ae i kekahi mea e ae e komo iloko o ka halealii malalo iho o ke kulana o na Ilainuku, koe nae hookahi kanaka - ina eia no oia ke ola nei'."
"A owai ia kanaka hookahi, ina ua haalele mai kona ola iaia?" wahi hou a Gaberiela i pane aku ai.
"O Kapena Gaberiela Lenoa, ua lo he ia mai i ka la inehinei, ua lawe pio ia aku ola e ka enemi malalo o ka ho ahewa o ke kiu no ke kipoka ia."
Ua hoopuiwa ia o Gaberiela i kona lohe ana i keia mau olelo o ke kipoka mai ke koa kiai mai, a oie ka@a i haupu wale ae ai, aohe mea e ae nana i lawe mai kela mau lono, o kona enemi wale no ke keikialii o Posetama i kipaku ia aku i ka po nei ma ke alanui e kukini wawae no kona ola iho i ke kahua hoomaha o Zitau. Ua nana pono aku o Gaberiela i ke koa kiai a pane aku la i keia mau olelo me ka hoike pu ana iaia iho. -
"O Gaberiela Lenoa, - aole oia i make !! Owau no o Kapena Lenoa o ka Puali Paleumauma Kuresia. Nawai i hai mai ua kipoka ia au no ka make?"
"Na kekahi keonimana Perusia i huli hoi aku i ke ahiahi nei me ka lede hoohanohano o ka Emeperesa Iosepine i holomalu mai ke kulanakauhale mai o Berelina. Ke ae nei au ia oe e komo mai ina o oe io o Kapena Gaberela Lenoa?"
"Owau no ia au e kamailio mai la e ke koa Imeperiela. Ina he manao kou o ke kanalua, e kii aku i ke aliikoa kiekie o kou puali."
"Ke lawe nei au i kau olelo e ke kapena, a ke ae aku nei ia oe e komo mai e like me ke kauoha. E komo mai e Kapena Lenoa, o ka Puali Paleumauma Kuresia."
Ia wa i haale'e @@@@@@@@@ ke kulana o ke kea k@@ a k@@@@ la oia iloko a @@@@@ o @@ @@@alii, kahi a kekahi @@@ @@ @@@@@@ piha i peahi mai ia iaia @@@
Ua ike pono aku la k@@@ @ @@ oia no ka Ele'e a ka E@@@@@@@ Rosatana, oia kani i ha@@@ @@@ @ aloha kakahiaka me ka pa@e a@a @ keia mau olelo.
"Owau no o Kapena @@@@ @@ @ noa, a ua hiki mai n@@@@@@@@ kauhale o Viena nei no ka w@@@@@ ka'u mau hoike @@@a o ka l@@@@@ na mea e pili ana i ke ala'@@ @ kauoha mai Berelina mai"
"Aloha kakahiaka @e e K@p@@@ noa. Eia no ka Emepera ke @@ e a o oe ke kanaka ana i makemake @ ai e ike i keia manawa. Aia @@a n@ ko o kela rumi moe, " wahi a ke a @@@ Elele i pane mai ai
Huli ae la o Gaberiela a hele p@@@ aku la no kela rumi, a ma kena @@@ ku iho la oia a haawi i na ki@@k@ @@ ekolu me ke kumu o kana pahika@@ oia no ka wa like i peha @@ a@ @@ kahi leo maloko mai me keia @@@@@ lo moakaka, -
"E komo mai ! Owa@ee?"
Ua wehe koke aku la o Gabreriela ka ipuka a ike i ka Emepera e n@@ mai ana maluna o kona noho @ui @@@ o ke pakaukau me kana mau k@ palapala aina imua o kona alo, @a ka@@ pane mai ai me na huaolelo o ke @@@@ hoi me ka poina ole i na olelo a@ua a ke keikialii o Posetama,-
"A-ha ! Ua huli hoi mai nei ka oe e ke kanaka i makemake e wawala @@@ hoolala kaua ana o ka'u papakulukulu no ka pomaikai pili lahou o Eata@@?"
"E oluolu mai ia'u e ka E@@@@@ wahi a Gaberiela i pane aku ai. "O ke kauoha ka'u i hooko i ka wa i nei ia mai ai o ko'u ho@pakele, a o ka @ ike aku i ke kulana hanohano o ke k@ak@a Farani, oia ka'u i hakoko ai ma kekahi anaina hulahula i haawi ia oia ka halealii o Berelina me ke kokua an o ka u pahikaua, i ke kaua i k@@@a ke @@@@ kahi aku a he ekolu mai."
"Aka," wahi hou a ka Emepera @ pane mai ai me ka lena pu @@@@@@@ kona mau maka mai na wawae o Gaberiela a hiki i kona poo, "H@ah@ k@@@ hana ai i ka noho maluhia ana o ke kino o ka lede hoohanohano o ka k@@e peresa ka Madimosele Ineza de R@@@ i ka la inehinei ?"
Na keia ninau a ka Emepera @@ Gaberiela, na ia mea i kono ae i na h@@ manao ana iaia, ua kokoke ma ka o@@@ pauda ahi e pa hu ae mawaena @@@a @@ ka Emepera, oia kana i pane hou aku ai me kana mau kumu pale,
"O ka oiaio no kela huakai a ke keikialii o Posetama me ka Madimosele de Rila, ua halawai uke mai makou i ke alanui oiai au malalo o ke ka@@ka pili aupuni mai ke Keena Kanikela Farani mai o Berelina, no ka imi me ka hakilo ana i ke kulana ikaika kaua pale o Perusia, a me ka nee ana o na pualikaua Rukini noko o na okana aina waho o Auseturia ma keia kaua kue ia oe e ka Emepera i'oko nei o Viena. Malalo o ke kuhihewa nui o ke keikialii o Posetama, ua kaili ia ke kino a me ka maluhia o ua lede opio la, ua ha@ aku oia i ko'u kulana kua Farani i na koa kiai Auseturia ma ke kahua hoo maha o Z@tau ma ke ano he kanaka kiu Farani au, nolaila, ua lawe pio ia aku au no ka hookolukolu imua o ka Ahakoa o ka Alihikaua Rukini, a ma lalo o ko'u hooikaika ana i ka laki a me na ehaeha o ke alahele, ua pakele mai nei au a oia kau e ike mai la ia'u e ka Emepera, ua makaukau e hoike aku ia oe i na mea a pau e pili ana i ka nee papa ana mai o na puali Rukini ma ko lakou mau kulana kaua pakahi."
Na keia mau olelo pa'e kepono a Gaberiela i hai aku la, a me kona ikemaka i ke kulana ikaika o na koa Rukini e nee mai nei i ka la mehinei, na ia mea i hoopuu koke ae i na hoomanao ana o ka Emepera i na mea a pau a ke keikialii o Posetama i hai aku ai iaia i ke ahiahi nei, a hoololi koke ae la oia i kana kamailio ana mai no na mea pili i na pualikaua o Rukini ma ka pane hou ana mai,-
"A ha ! Ua loaa pono anei ia oe ko lakou ikaika kaua ma na huahelu?"
"Ae, e ka Emepera. Aia mawaena o ke kanaono a me ke kanahiku tausani koa ka ikaika o ka puali holookoa, a he ewalu tausani mailoko ae o ia huina ka ikaika o na mahele koa lio."
(Aole i pau.)