Ka Nupepa Kuokoa, Volume XXIX, Number 32, 9 August 1890 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXIX,    HELU 32.  HONOLULU, POAONO,     AUGATE 9, 1890       NA HELU A PAU, 2297

 

HOOLAHA LOIO

 

NELLIE M. LOWREY

 

Notari no ka Lehulenu.

 

:A HE:

 

I@na Hoolalo Palapaia a me no Palapaia @oohiki.

 

Keena Hana me W. R. Kakela Loio ma ka aoao makai o ka Hale Leta, Honolulu.          2241.35.

 

CECIL BROWN

 

LOIO A HE KOKUA MA KE KANAWAI@

 

n@ Agena Ho@iaio Palapaia no ka @o

 

@upuni Oahu

 

KEENA HANA: Ma alanui Kalepa.

 

tf.

 

E.G. HITCHCOCK)

(AIKUE HIKIKOKI).

 

LOIO A KOKUA MA NA MEA A PAU E PILI ANA MA KE KANAWAI.

 

E ohi ia no na @ila Aio, @e ka awiwi

 

HILO, HAWAII.

 

2114.1yr.

 

A ROSA.

(AKONI.)

 

Loio a he Kokua ma ke Kanawai.

 

Luna Hooiaio Palapala.

 

Keena hana, ma alanui Kaahumanu

 

GEORGE P. KAMAUOHA.

 

He loio a he Kokua ma ko Kanawai.

 

A HE @ A

 

ANA AINA.

 

E loa@ no ma Kohala Akau, Hawaii.

 

2001 - 1Y

 

W R. KAKELA.

 

LOIO A HE KOKUA MA KE KANWAI

 

Ho luna Hooiaio Palapaia.

 

tf

 

ENOCH JOHNSON,

 

(Enoka.)

 

He Loio a Kokua ma ke Kanawai,

 

Imua o na Ahahookolokolo a pau o keia Aupuni.

 

Luna Hooiaio Palapala Kope no ka apana o Kona, mokupuni o Oahu.

 

Keena Hana, helu 15 alanui Kaahumanu, ma ke keena mua iho nei o W C Achi.

 

2263 1y

 

WILLIAM C. ACHI.

 

Loio a he Kokua ma ke kanawai mua o na Aha a pau o keia Aupuni

 

He Notari no ka Lehulehu a Boroka no na waiwai paa.

 

Keena Oihana, Helu 36, Alanui Kalepa, Honolulu, Oahu.

 

2262 tf

 

WILDER & CO. (WAILA MA.)

 

Mea k@ai papa a me na la@ @ u@ulu kai o n@ @ne @, @, @ me na pono a pau @ a Aai@/

 

Kihi Ala@ Moiwahine me Papu

 

JAMES M. MONSARRAT.

(MAUNAKEA.)

 

LOIO A HE KOKUA MA KE KANAWAI

 

He Luna Hooiaio Palapaia.

 

E hana ia no na Palapaia K@ai, Palapaiia Hoolima@ima, a me na palapaia pili kanawai e ae ma ka olelo Hawaii.  @ala no ka ho@ie me ka  m

m@ ka @o@ki @ @ waiwai paa.

 

KEENA HANA: Hale Pohaku hou ma ka aoao ma Waikiki o ka Halewai, Alanui Kalepa.

 

J.T. WATERHOUSE,

 

(WALAKAHAU@)

 

Halekuai o na Lole Nani-Panio

 

Lakohao.

 

Na Lako Hana Mahiko,

 

A PELA AKU HE NUI WAL@.

 

Alanui Moiwahine, -- Honolulu

 

@

 

 

NANEA KAMAHAO

KE

KEIKIALII

ROMEALA;

KA

Ui Kila Mageneti

O Parameri.

 

Ka Nani e haule ai ka Honua;

Ka Mahina Meli o Salaredina;

Ka La alohi o Mulisedera;

Na Kulu Koko kamahao Ekelu.

 

Na ui Hookelakela o ke

Ao holookoa.

 

Na Nani Puuwai Uahoa o ka Honua nei

A O KE

Kila Mageneti o ke aloha-"O Parameri no ia."

 

          Aka e like me ka nele ana o na ui mua ekolu pela no keia ui hope i ki-pu iho la i ka hoeuli o Muliwaa, me na waimaka ehaeha kaumaha e hoopulu ana i kona mau lihilihi, aole loa ia he mea na ka kaua Romeala e bilivi aku a; oiai, wahi a ua keikialii ala, "aole au i poni ia no ka mea hookahi, aka, ua alana ia au no na ohi ouo hou o ke ao h@lookoa," a o ka mea kupaa imua o Romeala, alaila o kana ipo ia e kinikohu ai ke hooheno ae:

"Ka La alohi e kau nei,

Panee nie i ka liul-a."

          I kela wa a Romeala i haaheo hope ae la i ka lanakila ma kona  aoao, hoomaikai hope aku la ia i ke anaina me keia mau olelo:

          "E na lii a me ke anaina, aole au mau mea nui a u e panai aku ai imua o oukou aka o kou haawi wale aku no i na hoomaikai @e nui ia oukou, mamuli o ko oukou hoomanawanui pauaho ole ana no na hana hookelakela ma waena ou a me ke aliiwahine Lausimela o Aina Ala nei, a oiai aohe ana mau hana hookelakela ana i kou mawaena ona a me au nolaila ke noi aku nei au ia oukou e hookuu mai iau e hele ma kau huakai no ka huli ana maluna o ka umauma lahalaha o ke ao holookoa i hoa a i ipo lealea nau a hiki i ka hulihia ana o ka honua, a ke hookuu aku nei au i kela me keia e noho me ka hauolinona iho, a i makemake e hui hou me Romeala ma na hana hookelakela o ke ao, alaila e huli pololei ae iau i ke aupuni o Parameri, a nau no auanei e hookipa iaia iloko o na la he nui malalo o na lilo o kou aupuni."

          Alaila huli ae la oia a kamailio aku la i ke aliiwahine Lausimela, me na olelo e lilo ai ka uahoa o ka puuwai o ua alliwahine ala i mea ole.

          "E ke aliiwahine Lausimela, ua lilo ae nei ia u ka lanakila a kaua, a o kau wale no ia oe-he mau hana hookelakela hou noanei kekahi a kaua?  ina pela, ano ka manawa hookuu ia mai, a ina no hoi aole, alaila maanei iho la no au hele ina kau huakai."

          "E ke lii opio o ka lanakilia-aohe a kaua mau hana hoookelakela i koe oiai, ua hao aku nei no oe a koe na hulu i

@a pipiwai; nolaila e ke alii opio, e hoomanao iho oe ua eo a ilihune au ia oi, a i panai no kau mau hana hooluhi ia oe, eia ka uku o kuu nohoalii nou ia a kau aku i kau mau @ua, a owau nei la ea, e noho aku malalo ou ma ke ano he kauwa nau, pehea ia i kou manao e ka loea o ke ao?" wahi a ke kilokilo.

          Pane aku la o Romeala: Ke haawi aku nei kou hoomaikai ana he nui nou, aka no kau uku iau ke hoole aku nei au ia

@e, oiai aole au i hele mai nei no ka mohai, aka o ke aloha kaulike mawaena o ka lewa a me ka honua nei kau i hele mai nei; nolaila e noho no oe ma kou nohoalii me ka hoomanao iho-o oe a me kou aupuni kekahi i helu ia iwaena o na aupuni i hui he alo a he alo ma ka hookelakela pu ana me ke aupuni o Parameri.

          Ia Romeala i hoomaha iho ai i kana kamailio ana, pane hou mai ia ke alii wahine Lausimela, "E like me kou pahola ana mai i na hoomaikai maluna ou, pela au e papahi hou aku nei maluna ou, me ka manaolana e haawai aku i kou mau kokua ana a pau maluna oe ke hiki mai ka manawa au e ke alii opio o lawe mai ai i ka olelo hooholo naue ole o ke kuikahi hoohui aupuni o ka lewa a me ka honua.

          "Ano e ke alii opio ia oe e hele aku ai ma kau huakai, e lawe pu aku me kau mau kanaenae ana oia hoi keia: "O ke keikialii Romeala ka loea kila magenetti hookelakela kaulana loa o ka honua nei-ka puuwai waipahe hookahuli aupuni aupuni hoi o ke ao hoolookoa."

          Me kela mau olelo a ke aliiwahine Lausimela panai hou aku la o Romeala i keia mau olelo ma kona aoao, "Alaila e hoomanao pu iho no hoi oe e ke aliiwahine Lausimela o oe hookahi ka loea makamua loa nana i hoopahaohao mai ia Romeala nei au e hoopoina ole ai ma ke kaao ana aku imua o na aupuni a pau o ka honua e kipa ia aku ana e au, a hiki loa aku i kou aupuni, ano e ke aliiwahine ua lawa kaua maanei ke kokoke mai nei kou manawa, aka e hoomanao oe no na olelo a Romeala i hai mua aku nei ia oe."  Alaila haliu hope ae la ua loea aia a kaulona pololei aku la i kona nana ana maluna o na ui kamahao eha, kona mau hoa aloehuehu hoi o na minute i hala ai, a me ka leo waipahe pane aku la oia ia lakou.

          "E na ui kamahao o ka lewa, ou hoa hoi i ka puali ehuehu o ka naueue ano-e haalele iho ana au ia ouku a au aku i ka moana kaiuli kaiehuehu no kau huakai a oukou pu ko hoi i ike iho la, nolaila o kau kauoha wale no ia oukou, e noho me ka lokahi, a na Alahe e kokua mai ia oukou, ke loaa ia oukou he mai ipo hou ma keia mua aku, ala@a e hoomanao mai hoopu a wale aku imua o lakou ua hoea mua ka anoai i o oukou la, o lilo auanei ia i mea e alako ia aku ai ko oukou mau kino palupalu iloko o kela hale puanuanu mau loa."

          "Nolaila e paa ka waha, e umia ke aloha iloko, a e hauoli me ka manaolana o oukou kekahi  i haaheo pu ma ka papahi ana i ke kalaunu alii o Parameri, a ke hoea mai ne mau hoopaapaa a koi ana paha a kela me keia aupu no kona kuleana iloko o ka leialii o Parameri, alaila ia wa oukou e ku ae ai a maloeloe, a kuahaua aku imua o ke ao holokoa oukou kekahi hooilina iloko o ua leiahi la, ano e na hoku eha i ke aouli, pehea iho la ia i ko oukou manao?"

          Puana like mai la ua poe ui la, "Auwe-e haalele mai ana ka oe ia makou e make mahope nei-F. ka makou ipo aole loa makou e ae aku ana i kau mau olelo, heaha ka hewa ina makou e nele ana i ke kuleana iloko o ka lei  kalaunu o Parameri, kela lei mae wale, ae-he lei mae waie ia i hiki ke hoohinuhinu ia a lilelile me na waiwai pau wale i ka mu a me ka popo aka o oe e ka makou ipo aole loa ona kumukuai e loaa hou mai ai ia makou."

          "Nolaila ke hoole aku nei makou i ka ae ana aku ia oe e hele a haalele mai ia makou e noho mahope nei e hoomanao aku nou me ke kaumaha, oiai ua hooholo iho nei makou o oe wale no ka makou ipo ihu ma u a pau na la o ka honua, no ka mea nau hookahi i hoohaule ia makou iloko o ka hoino ia mai e ka mea nana makou nei i hoohiki ia ai, ano e ke alii opio, nau ia e noonoo pono mamua o kou hoopuku hou ana mai i olelo hoehaeha naau e like ae la me ia a makou i lohe iho nei."

          H mau minute i hala ae mahope iho o ko na ui hooki ana i ka lakou mau olelo, ua mino aka iki iho ke keikialii Romeala, alaila luai hou aku la oia i na olelo kuhinia e hehee ai na manao paakihi o ua poe ui la, a no ka panina loa o kana mau olelo kahoahoa ae la oia penei:

          "He oiaio no ia e na hoa alo ehuehu he mea nae nou e hewa ole ai ke olelo ae aole au i poni ia mai no ka mea hookahi a oi aku aka, ua poni a alana ia mai au e lilo na ke ao holookoa, a o ka me e kupaa ana imua o Romeala e lilo auanei ia i ipo nana a pau na la o ka honua, a e lilo pu hoi ia i hooilina no ka nohoalii o Parameri, a me kona mau luhiehu.  Nolaila, ua hiki ole iau ke noho i ka oukou aua aole hoi i ka oi o na mea kaua, alaila heaha ka mea i koe au e hana iho ai no @ukou oiai aohe au mau mea e ae e hai aku ai."

          No keia mau olelo o Romeala, ike iho ia ua poe ui nei aole io no e paa mai ana ka ili kapalulu o ka pauma i ka lakou aua, nol. ia kulou like iho la lakou ilalo a uwe iho la me ka ehaeha nui o ke kumakena, i iloko o ko lakou kumakena ana puana hope mai la lakou me ka leo hookahi.

          (Aole i pau.)

 

ROMIANO;

 

Naita Hapakeko

 

O NA PALI EIWA.

 

Haku-alii Korila o na luahuna

 

A I OLE

 

Ke Keikiallii kamehai loa

ma Italia.

 

MOKUNA III.

 

KE KEIKIALII OPIO MAALEA--KA MAH@UKA ANA NO KONA OLA.

 

          Oiai, ma ka hoike piha ana aku i ke kulana o kou mau pualikaua, he mea hewa ole nou ke olelo ae, aole loa lakou i lawa me ka ikaika e hiki ai ia lakou ke ku aku imua o kela hapakeko ikaika a koa nui wale.  Ua nui a lehulehu na manawa au i hoao ai me kou loea e hoopuhili i kela hapakeko, aka nae, ua hoohoka mau ia mai au, a o ka hopena o ia mau hoao palaualelo ana, ua hooauhee mau ia mai au me kou mau puali, a ma ka olelo hoopokole ana aku ia olua e kou mau haku alu, aohe loea oniu makakila, a aohe hoi he koa puuwai liona nana e olelo ai, ua hiki i ka wiwo ole a me ka haokila o kona puuwai ke aa e komo uhane ola aku oia iloko o ko Romiano kahua hoomoana, oiai ka oi o na medala kila aia imua kahi i hookala ia ai me ka makaukau mau e hookala i ke kani@ai o ka mea hoopaakiki.  A e na lii pu@ wai liona o Pelekane, no ka panina o kau mau hoike e pili ana no Romiano, ua lawa piha oia me na haawina o ke koa o ke koa a me ka ikaika, he loea oia ma ka oniu makakila ana, a he lua ole ma na pahuna ihe a ka awaawa, a he uahoa ma ka awala makakoi, a he limahei hoi ma ka pua kakaka, aka, o keia mau mea ae la a pau e kuu mau haku alii, ua kokua nui ia aku ia e ka ikaika a me ka wikani o kona mau lala e hiki ai ke pepehi i ka pipi ahi@ iloko o ka manawa pokole.

          Nolaila, e ka mea heluhelu, mamuli o keia mau hoike a ka naita Apala, ka alihikaua nui hoi o ko Italia mau mana kaua, ua hiki ole i ka puuwai liona o ua mau moi la o Pelekane ke uilani ae o makani auanei, a pela paha i olelo ia ai:

Imana no ka hoi ka pule i ka la o ka mana;

I ka la o ka make a me ka inaina

Owai e hiki e hoopakele mai?

Aole loa! Aole akahi!

          Nolaila la ea e ku makamaka heluhelu, ma keia wahi o ko kaua moolelo, e waiho aku ko kaua kamailio ana no ke aloalii o Pelekane a me ke aupuni o Italia e li puanuanu ana ka io i kau a mea o ka hopohopo ia Romiano, a e hoi ae ko kaua kamailio ana no ua hapakeko la, ma kona alahele mahuka a hoopakele iaia iho mai na umii paa ana a na mana kaua o Pelekane, a me kana mau hana iloko o ia mau la ana i mahuka aku ai mai ka pa alii aku o Italia.

          Ia Romiano i pepehi ai i na koa kiai na laua e malama iaia a me kela koa kiai puka, iawe koke ae la oia i kona alahele o ka mahuka no loko o na opu nahelehele, e ulu kokoke mai ana me ka eleu nui, a iloko o na minute pokole nalo aku la oia me ka palekana.  Ia Romiano i nalo aku ai, ua hoomau aku ia no oia i kona hele ana imua a hiki wale i kona hoea ana me ke kau wahi, alaila, @halin hope ae la ua hapakeko la a leha aku la kona mau onohi ike maluna o ke kulanakauhale alii e noho la iloko o ka palaka, a me ka leo mauliawa o ka inaina puana ae la oia i keia mau olelo:

          Ha, ha, ha, ua kuhi paha keia poe Pelekane ua hiki ia lakou ke kaulawa ha ia Romiano, a e alakai iaia e like me ka pipi kauo-hele pela! Ma ka inoa o kuu makuakane, ke hoohiki nei o romiano, aole loa e pili knoa mau maka a hiki i ka naoeue ana o ko lakou nohoalii iau. Ae-wahi hou a ua opio kamehai la, aole io o Romiano e @hoomaha ana i kona poo aole hoi i kona mau maka a hiki i ka hooko ia ana o kana mau olelo, a ia wa auanei e ala mai ai ke koko o kou luaui mai ka lepo mai a kahea mai ia Europa holook@a e kuku@ hoomaikai mai lakou ia u, ka mea nana e hoonau@ ko lakou no hoalii a e @awahi a kipaku aku i ko lakou mana moi ilalo o ka lepo mai ko lakou ihiihi aku.

          A e Italia, kuu one kulaiwi, ua kokoke mai kuu mau la e ulupa ia iho ai e ka pahikaua weleweli a Romiano, a e na home kakela pali o kuu makua, ua kokoke mai ka manawa e ka@akaha ia ai o kou mo@o haaheo no ka wa mau loa me ka inoa o Romiano, ka haku powa o Europa.

          Me Keia mau olelo a ke keikialii Romeala, huli hou ae la oia a hoomau aku la i kana huakai holo mahuka, a wahi a ua keiki la iaia iho, e wikiwiki au a nalo aku iloko o na ululaau kahi hoi i kuluma mau iau iloko o na la i hala ae, o hoea koke mai auanei ka poe huli a hahai mai mahope o kou meheu, a loaa e mai o Romiano me ka hooko ole ia o kana mea i hoohiki iho nei.

          Alaila, e ka mea heluhelu, e like me ka hiki i na au o ua keiki la ke lawe, pela oia i oili pulelo aku ai me ka mama nui, a iloko o kekahi mau minute pokole, aia ua alii opio la iloko o na luhiehu o ka nahelehele kahi i aloalo ai i ko lakou mau hihipea, me he keiki la no na pakaua kapeku o Hanalei.

          Oiai o Romiano e ahai nei ka pupuhi ma keia wahi, luai hope ae la oia i keia mau olelo kaena:

          "E @ke me ko oukou kulai wawahi @ii ana i na puali o kuu makuakane, p@l@ auanei of Romiano kana keiki nei e kulai a hoohoka aku ai ia oukou; a i keia la e huli oukou ia Romiano a hiki i ka hopena, aole loa ia e loaa ia oukou, no ka mea, e hoohoka akua ana wai ia oukou e like me ka puahiohio, a o ka ikaika o na mea kaua a oukou i paulele kuhihewa ai, aole loa e hiki i ko lakou kaulana ke hopu pio a hoopaahao hou ia Romiano, ma o na ululaau a me na kakai pali o Italia nei ka lakou wahi e hoohoa mai ai, no ka mea, maluna auanei o kona mau palena laula e eli iho ai o Romiano i luakupapau no kona mau enemi ka poe hoi e hapai@  kue mai ana i ka lakou mau mea kaua no ke kue ana mai iau.

          A pau kela mau olelo a Romiano, aia hoi nalo aku la oia iloko o ka pouliuli o na laau me ka hikiwawe e like me ka mama o ka Aneterope, kahi hoi a kaua e ka mea heluhelu e olelo ae ai; aohe ihupani nana e hanu ka meheu o ka hapakeko o na pali eiwa.

          Nolaila, e kuu makamaka helehelu, e hoomau aku ko kaua kamailio ana no mua o ko kaua moolelo ma ka meheu o ka hapakeko mahuka.  I ka wa a Romiano i nalo hope loa aku ai e li ke me ka kaua i ike mua ae nei, aia hoi, no kekahi mau minute lehulu wale, pohapoha aku la he leo ole no ekolu manawa e haehae ana hoi i ka meha laiku o na hora o ia eheu kakahiaka me he mea la e hoolale aku ana i na kini o ia wao---

E ala e na hoa

E kakua i na mea kaua

E hoohainu i ka oi

Me ke koko o na enemi.

          I ka nalohia ana aku o na kupinai wawalo o ka ole, hoi hou mai la ka meha anoano o ua mau ululaau la a hoalii iho la e like me na minute i hala, aka, no ka manawa wale no nae, aia hoi, ua poha alapine mai la he lehulehu wale o na leo ole e panai mai ana i hu wale o na leo ole e panai mai ana i ka ole mua, a i ke kuu ana iho ua poha hou aku la ka ole mua e like me mamua.

          O ka mea nana keia ole e kani nei e kuu makamaka heluhelu, aole ia he mea okoa, aka, o Romiano no ia ka hookalakupua nona keia moolelo, a o ke kupue@ weh o na la e hiki mai ana, oiai, ua hoea aku oia ma kekahi kualapa kiek@e e hookokoke aku ana i ko lakou kakela pali.  Nolaila, i ka wa a ua opio la i puhi aku ai i kana ole a panai ia mai ai, alaila, hoomanao ae la ua opio nei aole ka i haalele na kanaka o kona makuakane i ka p@ipaa ana o ke aloha iloko o lakou no ko lakou home kuahiwi; no ia mea, haawi hou aku la oia i ka hoailona no ka hoike a@a aku i ua poe ilio noho kuahiwi nei; eia au o Romiano ko oukou alii opio ua hoea mai, no ka hoonipaa ana i ka makia o ko kakou aupuni kuahiwi.

          E @ke me na haawina i loaa i ke alii opio, e like hoi me ka kaua i ike mua ae nei e ka mea heluhelu, pela no hoi na kanaka powa o ua alii ipio la ia lakou iho, a wahi a lakou i puana ae ai, o ko lakou alii opio kela ua hiki mai nei, aka aole nae lakou i hooiaio loa, a na ka lua o ka manawa o ke poha ana aku o ka leo o ka ole na ia mea i hoopau ae i ko lakou pihoihoi.

          (Aole i pau.)

 

Gaberiela Lenoa

@

Puali Kahiko Imeperiela o Farani.

Koa Opio Hoko o na Ulia o ka Laki.

Kukala kaua a Perusia no kekahi Wahine.

 

He Moolelo no ke Au-Weliweli Nui o Europa

 

          I ka wa o Gaberiela i hookaawale ia ae ai mai ke keikialii o Posetama, ua lilo iho la ko laua hakaka ana i mea ano e mai ka nana aku a na koa. O ka olelo a ke keikialii i hoopuka ae ai, o kana wahine mare keia e lawe aihue ia nei e keia kanaka, na ia mea i papalua iho i na haawina ano e a kekahi mea e haawi ai i kana olelo ike, he mau kanaka keia elua i alako ia ko laua mau manao malalo o ke aloha pupule wahine.

          Mahope iho o ka hala ana o kekahi mau minute a ke a@ikoa Auseturia i hoolala ai i kona manao i ka mea pono ana e hana aku ai i ke kanaka pio, ua haawi aku la oia i kana olelo hooholo ia Gaberiela me keia mau olelo:

          "I ka hooko ana aku i ka mana o ke kauoha maluna ou e ka Monasiua, ua hooholo iho nei au i kou manao no ka hoouna loa ana aku ia oe a me kou ukali i ke kahua hoolulu o Konigarata, a mala@la olua e hoomalu ia ai a me ka hookolokolo ana malalo o ke ahewa o ke kiu.  No na lede hoi," wahi a ua aliikoa nei e hoomau ana i kana kamailio me ka alawa ana aku i ka lede Madimosele, "aohe mana i hoakea ia malalo o na kanawai kaua, no ka hopu pio wale ana i na wahine maluna o na alahele, koe ka malama ana i ko lakou maluhia a me ka hoopakele ana iloko o na kulana pilikia. Nolaila, malalo o keia kumu, ke hookuu nei au ia laua, e hele ma ka huakaiheke e like me ko laua makemake iho.  A no ke keikialli hoi o Posetama," wahi no a ua aliikoa la e hoomau nei i kana kamailio ana me ka nana aku i ke keikialii, "Ua hai mai nei oia he wahine ma@e keia lede opio no ke kalaunu o ke aupuni o Perusia, a ua lawe malu mai nei oe e ka Monasiua i kana wahine.  Malalo o keia, ua hooholo au i kou manao e waiho aku i ka lede me ka ninau o ka ae a me ka hoole, a nana e koho nona iho a hoike mai i ka oiaio."

          I keia wa i huli ae ai ke aliikoa Auseturia a pane aku la i ka lede Madimosele me ka ninau,-

          "Wahi a ka Mea Kiekie ke Keikialii Posetama o Perusia i hai mai nei, he wahine oe nana malalo o ka mare, a  oia kau kane. He oiaio anei kela?"

          Ua pane koke mai la ka lede Madimosele me keia mau huaolelo moakaka,-

          "Aole! Aole anei ou hoomaopopo mai e ke ahikoa Auseturia i kahi o kau huakai e hele nei? E ae mai iau, e hookuu lanakila mai loko mai o keia hopu pio ana, a hele aku maua ma ko maua alahele no na okana aina iloko o Auseturia.  O keia keikialii ke kumu nui o kou halawai ana iloko o keia mau pilikia.  Aole au i ike mua iaia, a owai la aia."

          O keia mau olelo oolea loa a ke kaikamahine i pane mai la, ua like ia me kekahi poka pahu i loaa pono aku ma na kumu pepeiao o ke keikialii, a me ka hiki hou ole iaia ke pane aku i hookahi huaolelo, ua nana aku la oia i na poe a pau e ku mai ana imua o kona alo, me na helehelena o ka mumule a me ka piha hilahila.

          Huli ae la ke aliikoa Auseturia a nana pono i ke Keikialii no ka hapalua minute, a pane aku la i keia mau olelo hope.-

          " E ka Mea Kiekie ke Keikialii, o ka lede@ au i olelo mai nei he wahine mare ia nau, ua hoole mai nei oia, -aole oia he wahine nau-a aole no hoi i ike ia oe mamua. Nolaila, malalo o keia, ua kapae ia kau mau koi no ke kumu kupono ole. O na koa o ka Emepera, aole lakou i hoonoho ia ma na wahi o ke kiai, no ka hooponopono ana ia na ni@u pili o ka ma@e mawaena o ke ka ne a me ka wahine, a nolaila, ua hookuu lanakila loa ia ka lede Madimosele ma kana huakai hele."

          I keia wa i koma aku ai ka lede opio iloko o kona kaa, a kauoha ia ae la kekahi koa Auseturia no ka noho alakai ana i ke kaa kaahele a hiki i ka palena o kahi a laua i makemake ai. Nolaila, he mau minute pokole ia mamua o ka makaukau ana, ia wa i nee aku ai ke kaa o na kaahele ma ka laua huakai me ka haalele ano iho ia Gaberiela me kona kokoolua, ua hopu pio ia e na koa Auseturia.

          Oiai ke kaa kaahele i maalo ae ai mamua o ka laina koa e hoopuni ana ia Gaberiela, ua wehe ae la oia i kona papale a haawi aku ia i ke aloha hope i ka wahine opio i hoopaa like ia ai ko laua mau puuwai malalo o ke aloha hooipoipo o ka huapala, ua ku ae la ka lede opio iluna a kie@ mai la mawaho o ka ipuka aniani me ke kiola ana mai i kona aloha hope loa ia Gaberiela ma ka muki ana i kona @ ma kona mau lehelehe, a pane mai la i keia a au mapuna leo hope ma ka olelo Farani,-

          "Aole loa au e poina i na hana ku i ke aloha a ke kanaka malalo o ka aahu o ke kapa aliikoa Farani.  E pule ana au i na Lani ma kou alahele no ka hoopakele ana ia oe.  E lawe aku i keia aloha muki hope ana au a kuni paa loa aku ma kou puuwai e ka Monasiua."

          I ka wa a kela mau olelo i puka mai la mai ka puuwai ae o ka lede opio, ua komo pono io aku la ia mau olelo e lalawe ana i ka waihona noonoo o Gaberiela, a me ka hoom@nawanui oia i kaomi iho ai i kela mau pihoihoi o ka manawa, me kona hooholo ana iho i kona manao, e hoao ana oia ma na ano a pau e hiki ai ke pakele a ukali aku mahope o ka lede o, @ e holo la ma kona alahele no Auseturia i keia helu ae.

(Aole i pau.)

 

Na Palapala a na Makamaka.

1890.

 

          Hanauia ma Honaunau, Kona hema iloko o Iune, he ekolu mau keiki. Na Kapa a me Kealoha he kaikamahine- Iune 15; na Mokulehua a me Ilikapu he kaikamahine- Iune 27; na J. Kaeo me kana wahine he kaikamahine- Iune 28; lehulehu no na puolo i koe- Make o Ikulaiaiku, Iulai 2, i ke 30 o na makahiki.- J. K. Haui.

 

          Ma kakahi huakai aku Malulani i Honolulu, aohe i ili aku ka eke leta o Hoopuloa nei.  Ua ili aku na ukana a haule hoi na palapala e hoike aku ana no ia mau mea; hemahema maoli ka luna leta maanei-Lawelawe nui ia ke pahupahu giana pauda me keia apana; kue loa keia i ke kanawai, a pono loa e makaala ia-J. Kalaolehua.

 

          Ua malamaia ka hoike o ke kula lo Beritania o Pohakupuka, Hilo akau, ma ka Poakolu, Iulai 9; nui na haawiana, ikaika ke ao a ke kumu, a ua malamalama maoli na haumana. Na Mr. James Mattoon, ke komite hoike o ka la, i paipai mai i na makua, me ka mahalo nui no ka holomua o na haumana.-D.S. Konia.

 

          Ma ka la 11 o Iulai, hoike na kula aupuni o Kawaihae uka, Kawaihae kai a me Puako. Nui ka mahalo ia. Ua lilo ka makana ia Jas. Poai o Kawai hae kai ma ka Arimatika mai ia luna makai J. Bright; lilo ia Carrie N. Hookano o Kawaihae uka ka makana elua, no ka Arimatika.-S.K. Nakanelua.

         

          He kapena makai no Hilo, a he kakauolelo no hoi no ka Ahahui Hoole Waiona, pakele oia mai make maloko o ka muliwai o Waiolama, o ke kumu, no ka ona awa. Na kekahi mau keiki a Papai i hoopakele iaia, i hukiia ma ka lauoho; lilo aku ka papale me ke kapa hinuhinu. Ona no hoi o Kuakaha i ka awa a hele e luu w@hie ma Kaipalaoa a make aku la. Ua kolonelo ia a ua hooholo ia, ua make oia no ka ona awa, a hele e luu wahie.-B.N. Keakaiulu.

 

          Iulai 23-Make o Mrs. Anehe J. Napua; hanauia ma Hoaeae, Ewa Oahu, i ka 1844; o Manuela Silva kana kane mua a make, a mare hou me ka mea nona ka inoa malalo nei; make aku la oia i ke 45 makahiki o ke ola ana, a ua noho iho ka ohana me ke kanikau.- J.W. Napua.