Ka Nupepa Kuokoa, Volume XXIX, Number 31, 2 ʻAukake 1890 — KA HOOHOIHOI HANA. [ARTICLE]
KA HOOHOIHOI HANA.
He mea hauoli no kakou ka ike ana aku i na hana liilii ano hou a ku i ka hoopomaikai lahui e lawelawe ia ana. Ua haueli makou i ka hoikea ku, eia kekahi mau opio kakaikahi o ke kulanakauhale nei, i hui pu me na manao kokua like o kekahi mau makamaka haoie, ke hoeueu nei ma ko lakou lawelawe ponoi ana i ka oihana pai a hoolaha buke. He wahi hana makalii loa ia ma kona hookumu ana me ka nele ole nae i ka hoomanawanui, aka he hopena laula kona me ka hoopomaikai ke hooko pono ia. O na hana liilii ma kona hookumu ana, oia no ka makua e na hana nui ano hou ehoala ia mai nei. A ia lakou ma keia mau iini k,uio, ke lana nei ko makou manao e hoonek ole ia lakou me na apo aloha a me na hoohoihoi ma ka aoao o ke aupuni a me ka lehulehu no a pau o ka paeaina. E hoolana mau i ko oukou iini hana a hiki ika pahuhopu oka lanakila. Mai hoihope mamuli o na kanalua a me na hooiloilo.