Ka Nupepa Kuokoa, Volume XXIX, Number 14, 5 ʻApelila 1890 — HE MANAO HAOHAO [ARTICLE]

HE MANAO HAOHAO

Ua haohao ka Lunakanawai Hoomalu o Kauai i kela manao 1 hoopuka ia ma ka nupepa ko Hawaii Pae Aina Puka La o ka la 25 o M4raki nei, ma kahi o na nuhou kuluko ua oleloia ua hoouna ia e ka Lunakanawai Hoomalu o Kauai i ka halekula hoopololei he kaikamahine malalo o 15 makahiki, a e noho uia malaila raa ke kauoha a ka lunakanawai. Nolaila, ua haohao loa ia ka Lunakanawai Hoomalu o Kauai, no keia kaikamahine, ka mea a ka Pae Aina i hoolaha ae nei, no ka inea, aole he kaikamahine a ka Lunakanawai Hoomalu o Kauai i hookolukolo ai, aole no hoi he olelo hooholo a ka Lunakanawai Hoomalu i kau ai no ia kaikamahine aole no he kaikima'nine o keia ano ma loko o ka kuke moolelo o ka aha hoomalu, a no ka aha a ka lunakanawai hea la ua kaikamahine la 1 hoouna ia aku la ike Kula Hoopololei ? No ka mea, hookahi no aha hoooialu o Kauai nei, a he hookahi no Lunakanawai Hoomalu, a ma ka apana o Lihue ua aha hoonialu la, a o k? lunakanawai hoomalu o ua aha la oia kana e haohao nei no keia kaikamahine i hoounaia i ka halekula hoopololei.

Me ka oiaio, Saderaka R Hapuku, Lunakānawai Hoomalu Apina o Lihue, Kauai