Ka Nupepa Kuokoa, Volume XXIX, Number 11, 15 March 1890 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Maraki, 1890.

 

NA LA O KA HE@ELOMA

 

Poaono........... 1 8 15 22 29

Sabati.............. 2 9 16 23 30

Poakahi............3 10 17 24 31

Poalua...............4 11 18 25

Poakolu............5 12 19 26

Poaha...............6 13 20 27

Poalima............7 14 21 28

 

KE KAU ANA O KA MAHINA

 

Mahina paha........8 15 9 AM

Hapaha hope.......5 @@@ PM

Mahina hope.......10 29 9AM

Hapaha mua........11 @@@ PM

 

KA @@ KA NAPOO ANA O KA LA

 

@ (unreadable)

 

I NA OPIO HAWAII

 

            L@wehe @ ana he akahai @@ Kumu @@ na wahine ma K@@@ E@@@ Holo i keia a me keia kakahiaka Poakahi.  @(unreadable) mala'o o ke alakai ana a Miss M.E. Green me Miss Judd.  Ano ka manawa no na kaikamahine Hawaii opio e hoomahe'e ai i keia ika o ka nohona ohana ana.

 

KELA ME KEIA

 

 

E nana ae i na hoaloha hookohu ma ke kauoha.

 

Ku@ala o ka hoo@malima o a aina leialu.

 

Kapu kanaka Hawaii ao e holo hou i Samoa a hoohauna@le ai.  Ahaha!

 

Ua hiki mai nei he mau buke hou no ka Aha Kiekie.

 

Makai mai na olapa uwila i keia mau ahiahi aho nei.

 

Inehinei ka Australia no ka Ipuka o ke Gula.

 

I keia la e halulu mai ai ke Zea Iandia.

 

Ua hiki mai nei ke kumukula wahine no ke Kula Kamehameha.

 

Ua hoi mai nei ka L@@@ Kuhina CW Akepuka.

 

Ua hiki io mai kela kaikuahine o ke aloha Miss Geradu.

 

Eia na pila-loi-kalo-wa'uwa'u lima ke kipa makaikai nei i na kauhale i keia mau ahiahi.

 

Hana io ka ua ia Kohala no na mahine elua i hala ae nei, pela mai na lono.

 

Aha hulahula ke malama ia ana ma ka ha'e paikau o Manamana, i keia Poakahi ae.

 

E nana ae i ka hoolaha a ka hoolaha a ka @@muku e pili ana i ka hihia o IN Paikuli.

 

La o Kamehameha III, La o Sana Patarika, a me ka La hanau o Keoni Kamalu i keia Poakahi ae.

 

Ua hoi hou ae nei o HW Kamika ma kona kulana mua o ka oihana Kanikela no Norewai me Suedena.

 

Ua ili aku ka moku kialua Leahi ma ke awa o Nawiliwili, a na Mikahala i hoihoi mai kona mau luina.

 

Ua hanau mai na ka wahine a ke Kuhina Waiwai i kela Poaono aku nei, he bebe keikikane.

 

Eia na moena uwea holoi wawae maikai loa me ka popopo ole ma ka halekuai lakohao Pakipika, ma ke alanui Papa.

 

I ka Poalima i hala, he 4 1/2 iniha ke koikoi o ka haule ana o ka ua iloko o 4 hora, a he 50 mile hoi ka ikaika pa o ka makani i ka hora.

 

He kakini kapena okohola i hiki mai i keia awa no ke kali i ke ku mai o ko lakou mau moku pakahi, a heo aku no ka hau anu o Alika.

 

E haawi ana ka hui keaka paele o ka m@kukaua Beritania Kamepiona i anaina hoomakeaka i keia ahiahi Poaono ae ma ka Hale Mele.

 

I ke Sabati i hala, ua pii ia ka wawae o kekahi keiki ma ka inoa o Sam Kawehiwa, i pii ia e ka huila o ke kaa haliwai o ka hui alahao Hawaii ma ke alanua Papu.  Ua lawe is aku oia no ka halemai Moiwahine, a ma ia ahiahia no i lele loa ae kona hanu.

 

E alawa ae i ko makou mau hoolaha hou.

 

Ke hookomo ia nei ke kukui uwi'a i ka mahiko o Waiakea.

 

Ua waiho o Kinale i ka noho hope luna nei o Kawa.

 

Ha halawai ka na hoa o ka Papa Ola i ka Poakolu nei.

 

Lehulehu na kamaaina Hawaii i hu@ hoi mai no ka home.

 

Ua @@@ ia ae nei o Mr. WLH Deverala, i hope luna paahao nui no Kawa.

 

Aole i kipa ae ke Kinau ma na awa o Maui i keia hoi ana mai nei no ka ino.

 

E kina mai ana ka mokumahu Balakika i keia awa mamua o kona holo loa ana ae no Iapana.

 

O ka hoomaha @kahiki mua o na kula aupuni e hoomaka ana i ka 11 o keia Ap@@ela ae a hiki i ka la 28.

 

I keia pula i make ai o Kalani Wright ma kona home ma Honolulu nei.

 

Ua puka ae nei ka Parekeiko o ka Pakipika, ka nupepa hoolaha i na ea oluolu o Hawaii nei imua o ke ao holookoa.

 

Ua huli hoi aku ma ka Austraia o nehinei, o Kenele J F B Maikela, kekekahi o na kamaaina kahiko o Hawaii i na la i hala hope aku.

 

I ka Poakahi iho no ka holo ana o ka Malulani no ka ino o kela pule aku nei, a e hoao ana oia e hiki mai i keia kakahiaka.

 

Aia no ka Alamu i Samoa kahi i ku ai a hiki aku kona pani, alaila, holo loa mai i keia awa no kona kapena e kali nei nona.

 

Nele loa kakou i ka auwana o ka makai kiu pahaohao, i ka hoopahaohao ia o kana papakuhikuhi hana ma na pali hauliuli o Koolau.

 

Ua hoopaanee ia mai ke anaina himeni a ke Kula Kaikamahine o Kawaiahao mai kela Poaono aku nei a i keia ahiahi.

 

O ke ana ea o Hawaii nei, mai ke 65 a i ke 95 degree a puni ka makahiki.  Aole i ke anu loa a aole hoi i ka wela loa.

 

I ka Poakahi nei, ua koho hou ia o V.V. Akepoka e na aliikoa o ka puali Ra@ela, i @oho no ka noho holo halo@a o ke Konela.

 

Aole i ku aku kela mokukaua Amerika Irokuke i haalele mai i keia awa i Novemaba o ka makahiki i hala i Samoa.  Ua piha ka haneri la, a aia la oia ihea.

 

Ua hoopii poho iho nei o D. M. Colule i ka hui Paipalapala Gekeke he $20,000, no kekahi manao laipila i hoopuka ia ma na kolamu o ua nupepa ia ma ka la koho balota.

 

Ma ka huakai hope aku nei a ka mokopea Spreckels mai ke awa aku o Kahului no Kapalakiko, ua hookui pu aku oia me ka mokupea Mariona mawaho mai o Kapalakiko.

 

I ka mahina ae nei o Sepatemaba, ua manaoia e holo aku ana ka Bana Puhi Ohe no ke anu o Arika, no kekahi hoikeike e malama ia ana ma Potalana Amerika.

 

Na Kenela maikela ka haiolelo kakahiaka o ke Sabati i hala ma ka luakini o Kawaiahao, a ua hai oia i ka nohona kahiki o Hawaii nei ia mau la me ka piha oh@hia nui ia o kana kamailio ana.

 

Ma ka mokuaina o Nu Ioka, ua kuu mai i keia ola ana o Rev J. R. Boyd, ka makuakane o ka wahine a ko kakou Lunakanawai Kiekie Hon. A F Judd i kela mahina aku nei.

 

Ma ke kakahiaka Poakolu nei i kau aku ai ka Peresidena o ka Papa Ola a me kela Kaikuahine o ke Aloha Gerude ma ka mokuahi Hawaii, a holo aku la no ke kahua o na mai lepera ma Molokai.

 

E hiki mai ana o J Ashdown a noho paa i Honolulu nei, he mea akamai i ka hana, a me ka hooponopono i na huamele helehewa i ka lele baluna o ka p@ano a me ke ogana.

 

Kela Kai Lawaia o Berini

 

            Ua hoole ae o Haku Fegosona iloko o ka Hale o na Makaainana, aole i holopono kela ninau o ke Kai Lawaia o Berini mawaena o Enelani me Amerika, aka, eia no malalo o ka hooponopono ia i keia manawa.

 

KO NA AINA E.

 

Lono o ke Ao Holookoa

 

Na Lono o Samoa

 

Kukala Kanawai Kaupale no na Kanaka Hawaii.

 

Ke Kukala Kanawai Kaupale a ka Moi Malietoa.

 

            Ma ka nupepe Manawa o Apia, i hoolaha ia mai nei ke kukala kanawai a ka Moi Malietoa, no ke kaupale ana i na kanaka Hawaii aole e komo hou aku iloko o ka lakou aina malalo o kekahi hoopai koikoi o $100, a i ano like no hoi me kela kanawai hoohaiki Pake e mau la kona mana ma na mokupuni a pau o Samoa.

            O keia malalo iho ua kukala kanawai ahi la :

Kukala Kanawai

            Ke hoolaha ia aku nei ma keia:

            O ke kanawai i kukala ia i ka makahiki i hala e pili ana i na Pake, ke mau nei no ia, a e hooko mau ia aku ana.

            Ke pakui aku nei au i ua kanawai la i keia mau pauku malalo iho e pili ana i na Hawaii:

            Ua papa loa ia na kanaka Hawaii aole e hoi hou mai i Samoa nei, a o na Hawaii paha i hiki hope mai nei.  E hoi aku lakou no ko lakou aina ponoi iloko o keia makahiki e hele nei.

            Aole keia i pii i na poe i noho loihi a kupa ia Samoa.

            O na poe e hoi ana i Hawaii mahope o ka hoolaha ia ana o keia kanawai, ua papa loa ia lakou, aole e hoi hou mai i Samoa nei.

            O na kanaha Hawaii e uhaki ana i keia, e hoopai ia no lakou he $100, a me ke kauoha no ka haalele koke ana mai ia Samoa.

                                                                                                                        MALIETOA,

 

                                                                                                                        Ka Moi o Samoa

 

            Apia, Ianuari 24, 1890

 

Na Hunahuna Huikau.

 

Na Lilo Pualikea.

 

            Ua hoolaha ia ae kekahi papahelu o na hoolilo kaua o na aupuni keikikani o Europa no na makahiki ekolu i hala ma Berelina, a penei ka hoonohonoho ana:

 

Farani..................5,082,000,000 maka

Rusia...................3, 2g4,000,000 "

Beritania Nui.......2,475,000,000 "

Geremania...........2,430,000,000 "

Auseturia.............1,352,000,000 "

Italia.....................1,254,000,000 "

 

Hoohalahala ia

 

            Ke hoohalahala ia la ke Duke o Kamebirigi o Enelani, no kona kupono ole ma ke kulana noho Alihikaua Nui ana no na pualikoa aina.

 

Kela me keia.

 

            Aia no ka mokukaua Amerika Adamu i Apia kahi i ku ai.

            O ka hoikeike nui o Amerika no ka 1892 ae nei, ua lilo ka hanohano o kahi e malama ia ai i ke kulanakauhale o Kikako.

            O ke kapena me ewalu luina o ka moku Britania Sowarina, ua loaa aku lakou e lana ana i ka moana maluna o ka waapa hamama.

 

Haalele io paha auanei.

 

            E hoike ana kekahi lono, o na hooponopono pili aupuni ana a Bisimaka i keia la, ua halawai aku ia me na apono ole ana mai a ka Emepera opio, a ua ku maoli oia i ka manaka i ka Bisimaka mau lawelawe ana i ka oihana hoomalu o na makai.  Ua manao ia, ua hiki mai ka maawa no ua kuhikuhi puuone kaulana la o Geremania e waiho aku ai i ka oihana.

 

Kauoha Lako Kaua.

 

            Ua haawi ae nei o Enelani i kekahi kauoha no ka hana i kanalima pukuniahi dainamite e like me ko Amerika, no ka hoopuipui ana i ka ikaika kaua pale ma kona mau kahakai.

 

Puhua i ka Moana.

 

            E hai ana kekahi lono mai Pekini mai o ka la 23 o Feb, ua puhi ia i ka moana e kekahi makani ino nui na auwaa lawaia Pake, no lakou ka huina o 3,000 kanaka, a ua pau loa lakou i ka make.

 

PAKELE KE OLA.

 

E ke Kuokoa:  Aloha oe -

            Ma ka Poakahi la 3 o keia malama, ua h@@hia a nahaha kekahi waa me 4 mau kanaka ma kahi kokoke i Keokea ma Keaukaha oiai lakou e huli hoi ana no Waiali mai Waiakea aku nei.  Ua holo aku lakou a kokoke ma kahi o ua poi nei, a mamali o kekahi ulia, ua ku mai ia kekahi nalu nui a p@i pa iho la maluna o lakoua, a iana ana ka auwae i ke kai o Leleiwi.  O na inoa o keia poe, o Makaweliweli, Mikaele, Maine a me Kohokua.  A @@@ lakou e hakaka ana me ka nalu a e lumai ia ana iloko o ka ehuehu o ke kai, a i ka pu@ho ana ae iluna a nana, aole ko lakou waa, a ua hoao aku kela a me keia e au no kona ola.  O Mikaele mamuli o kona ikaika i ka au ua pae maa'ahi aku oia i ka aina aohe wahi mahunehune, aka, aole i poina kona manaolana e hoopakele i kona mau hoa alo ehukai, oiai ua hele aku oia a halwai me kekahi kamaaina o ia wahi nona ka inoa o Kauhana, a maluna o kekahi waa okoa laua i holo aku ai a hoopakele mai la ia Kahokua a me Maine, oiai laua e au mai ana no, a pela iho la laua i pakele ai, a o Makaweliweli hoi, ua au no hoi oia no kona ola, a pae aku la i Kaumaui aohe wahi poino.  A no keia poino i loaa ia lakou ua hoala ae lakou i wahi papaaina hoomanao i na mana lani nana i hoopakele i ko lakou mau ola.  Aloha ino ua poe olulo la.

                                                                                                            Ua lawa au maanei,

                                                                                                                        Aekai o Paikaka.

            Waiakea, Mar. 6, 1890.

 

HE NANE.

 

MAALEA KA ALOPEKA.

 

[Koena mai ka Pepa o ka la i mai.]

 

            A hala ae la ke kolu o ke anahulu o na la, mahope iho o ka hoomaemae ana o ua Alopeka nei i kona hulu a hinuhinu, kahi ino la hoi a moe kawelu pono na hulu o kona huelo, hele hou aku la oia imua o na manu e like me kana hana mau i kela me keia la, me kana mau hua kulina i hoomomona ia me ke ko, a lu aku la imua o lakou.  A oiai na manu e hoonuu ana i na hua kulina, ua pane aku la oia me ka leo olu waipahe imua o lakou, me na huaolelo i piha i ka ono me ke kuhikuhi.

            "Ia oukou e a'u mau hiialo, na hooilina hoi o ke aloha pau ole o kou puuwai; aloha a nui wale.  Iloko o na anahulu la lehulehu i hala ae nei, ua hanai aku au ia oukou me ka ai ono, ka mea ai hoi hoi a'u i ike a i maopopo ai, oia ko oukou puupale e hoea mai ana ma kea mua aku.  A no ka lawa ole o na kokoina a na kipona o ke aloha e kauhola nei maluna o ko'u mau hokua, ua hooluhi iho nei au ia'u iho no ia aloha, a ua kukulu a ua ku, ua hoonani a ua nani, he hale a he home no oukou e noho ai me ka maluhia a me ka palekana.  Ua hoopaa ia kona kahua maluna o ka onipaa, a ilaila auanei e loaa ai na pomaikai a me na lana kila kamahao ia oukou maluna o na mea a pau ma keia mua aku.  Nolaila, mai ka mole loa ae o ko'u puuwai e maewaewa nei i ke aloha no oukou i ka pehia e na kulu pakaua puanuanu o ka Hooilo a me ka wela aaki hahana a ka la o ka Makalii, ke uwalo makee aku nei au ia oukou e a'u mau milimili e hoi oukou a e noho iloko o ka home nani a'u i hana mai nei a makaukau no oukou.  O ka leo keia o ke aloha e uwe a e ne aku nei malalo o ko oukou mau kapuai, e maliu mai i loaa ai he puuhonua o ka maha ia oukou a e lanakila haaheo ai hoi mai na poino a pau."

            A kulu iho la na waimaka eloelo ma na papalina o ua Alopeka nei, a pulu iho la na pua a me na lau o kana wahi e ku ana.

            Noonoo iho la na manu a i iho la - "He oiaio, na keia mea nona keia leo oluolu a me na huaolelo aloha i hanai mau mai ia kaou me na hua mea ai ono a momona loa iloko o na la lehulehu i hala ae, a nolaila, pehea la e hiki ai ia kakou ke hilinai ole aku i ka oiaio o kana mau olelo?  No ka mea, ua ono kana au huaai i haai mai ai ia kakou, a pela no hoi - e maikai ana no kana mau hana ia kakou."

            Hooholo iho la lakou e hoi aku iloko o ua hale nei, a ua lele auna aku la a noho iho la, a ua mahalo lakou i ka nani a me ka hinuhinu lilelile o na mea a pau.  Pahola mai la ka Alopeka i kona akamai a me kona ike a pau ma ka hoonanea ana ia lakou ma na mea a pau, me ka hoomau i ka hanai ana ia lakou i na hua kulina momona, a ua ulu ae la na kino o ua poe manu nei a nunui nepunepu, a oi ae la hoi ka palahinu o ko lakou mau hulu, a ua pii ae la ko lakou piikoi, pii pu me ka haakei a komo iho la ka manao kaena iloko o lakou - "he mau haku makou, a no makou o luna a me lalo, aole loa he oi ae i ko makou nani a me ko makou ikaika."

            A i kekahi la, oiai lakou e hiolani ana malalo o na eheu o keia mau noonoo haakei, aia hoi, ua nihi mai la ka Alopeka me ka lohe a ike ola ia, a hoopaa iho ia ia lakou a pau ma ke pani ana i na ipuka o keia a me keia keena.  A pau ia, komo aku la ia iloko o ua poe keena nei, a hukihuki ae la i ko lakou mau hulu a pau, a alapoho aku la i ka huina holookoa o lakou.  Mino aka iho la ua Alopeka nei, pa'ipa'i iho la i kona opu a pane ae la - "he oiaio, na ko'u maalea i hanai mai nei ia'u."

 

HOOLAHA HOE.

 

            AHA HOONOLOKOLO KAAPUNI Apana Elea o ko Hawaii Pae Aina, ma ka hooponopono waiwai.  Ma ka hana o ka @a mai o KEAUMIKI ke ao Kara@@, Honuaula, Maui, i make kaaoha ole.  Ma ke Keena.

            Ma ka helaheiu a me ka waiho ia ana mai o ka Palapala Noi a Kamaka@@@ e hoike ana ua make kauoha ole o Keaumiki aku no Kanaio, Honuaula, ma -------- i ka la -------- o __________ 188---, a e noi ana e hoopukaia ka Palapala Hookohu Luna Hooponopono Waiwai Ia Kamaka (w) a me S. L. Kalaola.

            Ua kauohaia, o ka

 

Poaha, Aperila 10, 1890,

 

ma ka hora 10 kakahiaka, oia ka manawa i koheia no ka hoolohe ana i ua nei la imua o ua Lunakanawai la ma kona keena, ma ka Hale Hookolokolo, ma Lahaina, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ae ua noi la.  A o keia kauoha e hoolaha ia ma ka olelo Hawaii i ekolu pule maloko o ke "Kuokoa," nupepa ma Honolluu.

            Kakau ia ma Wailuku, Ko Hawaii Pae Aina, Maraki 5.  M. H. 1890.

GEO. E. RICHARDSON,

Lunakanawai Kaapui Apana Elua.

2276-3@

 

            AHA HOOKOLOKOLO KAAPUNI Apana Elua o ko Hawaii Pae Aina, ma ka hooponopono waiwai.  Ma ka hana o ka waiwai o APUAKAHEI (w), no Kanaio, Honuaula, Maui, i make kauoha ole.  Ma ke Keena.

            Ma ke heluhelu a me ka waiho ia ana mai o ka Palapala Noi a Kamaka (w), e hoike ana ua make kauoha ole o Apuakahei (w) no Kanaio, Honuaula, ma Kanaio i ka la ------ o ---------- 188----, a e noi ana e hoopukaia ka Palapala Hookohu Luna Hooponopono Waiwai ia Kamaka (w) a me S. L. Kalaola.

            Ua kauoha ia, o ka

 

Poaha, Aperila 10, 1890.

 

ma ka hora 10 kakahiaka, oia ka manawa i kohoia no ka hoolohe ana i ua noi la imua o ua Lunakanawai la ma kona keena, ma ka Hale Hookolokolo ma Lahaina, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaia ko lakou, e ae ole ia ai ua noi la.  A o keia kauoha e hoolahaia ma ka olelo Hawaii i ekolu pule maloko o ke "Kuokoa," nupepa ma Honolulu.

            Kakau ia ma Wailuku, Ko Hawaii Pae Aina, Maraki 5, M. H. 1890.

GEO. E. RICHARDSON,

Lunakanawai Kaapuni Apana Elua.

2276-3@

 

            AHA KAAPUNI APANA ELUA o ko Hawaii Pae Aina.  Ma ka hooponopono waiwai.  Mokupuni o Maui, Hawaii Pae Aina, S.S.  Ma ka waiwai o BECKEY COCKETT, no Waikapu, Maui, i make.

            No ka mea, ma ka la 29 o Ianuari M. H. 1890, ua waiho ia mai imua o ka Aha kekahi Palapala i oleloia oia no ke Kauoha Hope Loa a Beckey Cockett i make aku la; a me ka Palapala Hoopii e noi ana e hooiaio ia kela Palapala Kauoha, a e hoopuka hoi ka Palapala Luna Hooko no Charley Cockett ua waiho ia mae e Charley Cockett.

            Nolaila, ua kauoha ia, o ka

Poaha, Aperila 10, 1890

 

ma ka hora 10 kakahiaka, ma ka Rumi Hookolokolo o ia Aha, ma Lahaina Maui, oia ka la a me ka hora e hooiaio ia ai ia Palapala Kauoha, a e hoolohe hoi no ia noi ana mai, a me ka poe a pau i pili e kue ana ia Palapala Kauoha, a me ka hoopuka ana i ka Palapala Luna Hooko.

            A ua kauoha hou ia, e hoolaha no ia mea no na pule ekolu iloko o ke "Kuokoa" a me "Hawaiian Gazette" he mau nupepe i pai ia a i hoolaha ia ma Honolulu.

            Kakauia ma Wailuku, ko Hawaii Pae Aina.  Feberuari 25, 1890

GEO. E. RICHARDSON

Lunakanawai Kaapuni Apana Elua

2274-@@

 

            MA KE KEENA o ka Lunakanawai Kaapuni, Apana Ekolu o ko Hawaii Pae Aina.  Ma ka waiwai o Keliikanakaole (w) a me Hanupanupa (k), no Puna, Hawaii.

            Ua heluhelu ia a ua waiho ia ka Palapala Noi a Akamu (k), ke kahu malama no Keliikanakaole (w) me Hanupanupa (k), no Puna, Hawaii, na mea oo ole, e hoike mai ana, ua oo no o Keliikanakaole a ua make o Hanupanupa.  Nolaila, ke noi nei oia e hoapono ia kana hoike hope, a e hoopili aku ka waiwai i na mea i pili, a e hookuu aku iaia a me kona hope ma ka oihana.  Noaila, ke kauoha ia nei na mea a pau i pili, o ka

Poakahi, Maraki 31, 1890,

ma ka hora 10 kakahiaka, ma ka Hale Hookolokolo ma Hilo, Hawaii, oia kahi i koho ia no ka hoolohe ana i keia noi, me na mea kue ke hoike ia.

                                                                                                                        F.S. LYMAN

Hilo, Hawaii,                                                                                                   Lunakaawai Kaapuni

Feb. 24, 1890}                                                                                                Apana Ekolu, H. P. A.

2274-3@

 

Hale Hoolimalima

 

He Hale Maikai

 

            No ka noho ana a me ke akea.  I rumi nui me a rumi liilii, he lanai a me ka rumi auau, rumi ai a halekoke e pili ana.

            Aia ma ke alanui Kekaulike, ma kela aoao mai o alanui Hotele.

                        810 no ka Mahina.

E ninau i ka hui

HAWAIIAN BUSINESS AGENCY

            Kihi alanui Pap@ me Kalepa.

25723 m

 

Hoolaha Hooko Moraki.

 

            Ma@@@@@ kekahi mana kuai i hoike ia ma loko @@@@@@@ kahi @@@@ pela moraki i ha@ aia ma waena @@@@@@@ a me Keaole kana wahine @are o Kaka@@@, Honokala, Mokupuni o Oahu, o ka aoao mua, a me Wm Dean, o Honolulu, Oahu, o ka aoao elua ma ia la 17 o Ianuari, 1885, i kakau kope ia ma ka @@@@ 95, @@@@@@ 15 me 10 a me 109, aoao 250 a @@ hoi na wahi a pau e pili ana i ka waiwai i hoike ia ae ia, a ma noli o ka uhai @@ ana o na kumu aelik@ o kela manawa oia @(unreadable section) ola ia o ka ukupanee, nolaila, ke hoolaha ia aku nei e ka m@a nona ka aoao elua o ka moraki nei, e hooko ana ia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku, e hoola na ia aku ai na aina i hoike ia ma ia moraki no ke ku @@@@ ana, ma he keena ku@ala o Jas F. Morgan ma Honolulu, ma ka

Poakahi Maraki 31, 1890,

hora 12 o ia la.

            Aia ma kahi o W R Kakela na olelo hoakaka no keia mea.

            Hanaia i keia la 1 o Maraki, 1890.

                                                                                                                        W@ DEAN,

                                                                                                                        Mea Moraki Mai.

            Penei na aina i moraki ia:

            1 - O kela mau wahi a pau loa i hoikeia ma ka Palapala Kuleana o M. Keaweholohe a me Kaanaana kana wahine mare, ia James Wright, i kope ia ma ka Buka 28 aoao 258, a oia no hoi kekahi hapa o ka aina i hoika ia ma ka Palapala S@a Nui 20@9 L C A 3455, ia Kaule no Liliha i oleloia, o ua waiwai la hoi ua hooliloia aku ia A Trask a me Kuaola, ma ka Palapala Kuleana ia Wright i oleloia, i kopeia ma ka Buke SS aoao 15.

            2 - O kela mau pono a me na ukupanee a pau o ka Mea Moraki i oleloia maloko o kela mau wahi a pau i hoikeia ma ka Palapala Sila Nui 2400 L C A 7155 ia Kawauke, he 40 100 Eka ma Kalihi, Oahu.

            3 - O kela mau wahi a pau loa i hoikeia maloko o ka palapala Sila Nui 356 ia Ke nu, he 2 Eka ma Kalihi.

            4 - O kela mau wahi a pau loa i hoika ia maloko o ka Palapala Sila Nui 5955 L C A 1488 ia J. H Kaehu no Kekohai, he 30 100 Eka ma Moanalua, Oahu.

            5 - O na mea a pau loa o kela pahale ma Kakaako, Honolulu, nona ka ilio 22-100 eka a oia hoi kekahi hapa o ka waiwai i hoikeia maloko o ke Kul@ 3455.  Palapala Sila Nui 2679 o Kaule no Liliha, a i hoolilo ia aku ia A Trask ma ka Palapala i kopeia ma ka Buke 49 aoao 400.

2275-4@

 

Hoolaha Hooko Moraki.

 

            M@@nuli o kekahi mana kuai i hoike ia ma loko o kekahi palapala moraki i hana ia ma waena o Ahuli w., o Honolulu, Mokupuni o Oahu, Ke Hawaii Pae Aina, o ka aoao mua, a me W.W. Hall, Puuku o ka H M C Soceity o ka aoao elua, ma ka la 10 o Iune, 1882, @ kakau kope ia ma ka buke 76, aoao 56 me 57, a mamuli o ka uhai ia ana o na kumu aelike o kela moraki, oia hoi, ka uku ole ia o ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku, e hoolaha ia aku ai na aina i hoike ia ma ia moraki no ke kudala ana, ma ke keena kudala o Jas F Morgan, ma Honolulu, ma ka

Poakahi, Maraki 31, 1890,

hora 12 o ia la.

            Aia ma kahi o W R Kakela na olelo hoakaka no keia mea.

            Hanaia i keia la 26 o Feberuari, 1890.

                                                                                                                        W W HALL,

                                                                                                                        Puuku o ka H M C Society.

                                                                                                                        Mea Moraki Mai.

            Penei na aina e kudala ia ana:

            O kela mau wahi a pau e waiho la ma Palolo, Mokupuni o Oahu, a i hoike piha ia ma ka Palapala Sila Nui 2842 me L.C.A. 1868, i haawi ia aku ia Kanae, nona ka ili o @ eka @ 14 100 kaulahao, a i hoolilo ia aku hoi ia Anuli w., a me kana kane mare i make, ma kekahi palapala a Kaumunanahu, i hanaia ma ka la 15 o Augate, 1879, a i kopeia maloko o ka buke 58 aoao 472 a me 473.

2275-4@

 

Olelo Hoolaha.

 

            Ua makemake ka Hui Mokuahi o Waila i 50 luina no na mokuahi o lakou.  A ke ae nei ka Hui e uku mua i na Dala he Kanakolu ($30.00) i kela a me keia mea e kepa ana no no na mahina eono.

HUI MOKUAHI O WAILA.

Ianuari 7, 1890                        2267.tf

 

HOOLAHA HOOKO MORAKI.

 

            Ke hoike ia aku nei ka lohe, i kulike ai me ka mana kuai maloko o kekahi palapala moraki e hoike ana ma ka la 10 o Nov. 1886, i hanaia e Napahoa a me Wailele, kana kane mare, o Honolulu, Oahu, ia Daneil Kuai o Honolulu, Oahu, H. I. i oleloia, a i kope ia ma ke Keena Kakau Kope ma Honolulu, ma ka buke 101, aoao 297 a me 298, a no ka uhai ia ana o na olelo o ua moraki la, oia hoi ka uku ole ia ana o ke kumupaa a me ka ukupaee i ka wa e uku ia ai, a ke manao nei ka mea nona ka inoa malalo iho nei a pani i ua moraki la, a o na aina a me na waiwai a pau i hoikeia ma ua moraki la, a mahope iho o ka manawa i kau palena ia e ke kanawai, e kuai ia aku ana ma ke kudala akea no ka uhai ia na olelo e like me ia i hoike mua ia.

CHAS. CREIGHTON,

Loio no ka mea paa moraki.

            Hanaia ma Honolulu.

 

            O na waiwai i hoike ia ma ua moraki la, penei:

            O kela apana aina a pau loa e waiho la ma Kailua, Oahu, oia ka apana aina i hoike ia ma ka Palapala Sila Nui - i Kuleana Helu - ma ka inoa o Kahaipuni, he @ 180-100 eka ka ili.  E hoomaka ma ke kihi Hikina e hele ana A@ 54 Kom i 5.70 kh ma ka palena no Hapaimama, walaila aku Hem 43 1/2 Kom i 520 kh ma ko Konohiki, malaila aku Hem 49 H@k i 380 kh ma kahahawai, malaila aku A@ 43 Hik i 147 kh ma kahawai, malaila aku Ak 46 1/2 kom i 248 kh ma ka palena koele, malaila aku A@ 31 Hik 090 kh, malaila aku Hema 54 Hiki 280 kh ma ka palena koele, malaila aku Hem 87 Hiki 280 kh ma kahawai, malaila aku A@ 26 Hik i 090 kh ma kahawai a hiki i ka hoomaka ana.  He 2 eka me 1-80-100 kh huinaha.

 

PAPAI PAPAI

 

AIA MA KAHI

 

LEWERS & COOKE

 

(o Lui Ma).

 

@(unreadable line)

 

APA NOUAKI

 

o kela a mea keia @@@

 

Pani Puka, Na Paka Aniani, Na Olepelepe

 

Na Pou, Na O@a Na Paoa heie, @@ Papa

 

Ku, A me na Papa Moe nui loa

 

Na Pili o na Hale o na Ano a Pau

 

A ME NA

 

WAI HOOHINUHINU NANI

 

O NA ANO A PAU LOA.

 

NA BALAKI@ANO NUI WALE.

 

A hai i aku nei ka no na Makamaka'a

pau, ua makaukau keia Makamaka

o oukou e hoolawa aku ma

na mea a pau e pi ana

ma ka laua oihana

 

NO KA

 

UKU KAAHAA LOA

 

E like me ka mea @ e holo ana mawaena

 

LAUA a me ka MEA KUAI

 

HELE MAI E WAE NO OUKOU

 

Benson Smith & Co.

 

Na Mea Laikini ia e Kuai Kukaa

a me Kuai Liilii aku.

 

Na Laau Lapaau

 

O NA ANO A PAU.

 

HELU 113 me 115. ALANUI PAPU

 

O LA@A NA AGENA NO NA

 

Laau Lapaau kuluwai Liilii!

 

Boreicke & Schrecke

 

A ME NA

 

WAi Lukini OnAonA Waianuhea !

 

WAIALA MAILE

-A ME KE-

 

Onoona Lei Aloha !

 

            O na lako no ka Lauoho a me ka @@ me na mea hoonani o ka Home, e loaa no ia ina makamaka ke kipa mai ma keia hale.

2204-tf