Ka Nupepa Kuokoa, Volume XXIX, Number 9, 1 March 1890 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

HONOLULU, POAONO, MARAKI, 1, 1890         NA HELU A PAU, 2274

 

            NANEA KAMAHAO

KA

KEIKIALII

ROMEALA;

KA

Ui Kila Mageneti

() Parame@

 

Ka Nani o haula ai ka Honua.

Ka Mahina Mele o Salarendina.

Ka La alohi o Muli@

Na K@ K@ kamahao Ekolu

 

Na Ui Hookelakela o ke Ao holookoa

 

Na Nani Puuwai Uahoa o ka Honua nei

A O KE

Kila Mageneti o ke aloha – “O Parameri no ia.”

 

OLELO HOAKAKA

            E na makamaka kuwili o ka moolelo ohohia o ke keikialii Kupelina a me Homelina, ka ni kino aka o kea o olino i kaalo aku ma ko oukou mau ipuka maloko o na kolamu o ke Alakai o Hawaii a me ka Paeaina Puka La he mau malama lehulehu i hala, a oiai, ua hoea mai kakou I ka hopena o ko laua mau mahele, a no keia wa, eia kakou ke keehi aku nei iluna o ka papaaina o ka heluhelu moolelo I kana moopuna, oia ke keikialii Romeala, ka mea I olelo ia, he kila mageneti no Parameri, a o ka nani ho@ nana I hoohaule I ko ka honua mau pua hoomahie, a mamuli o na kono a me no noi lehulehu a na makamaka I ka mea kakau no ka hoopuka aki I ke koena o keia moolelo I ohohia nui ia, me ka lana o ka manano, e apo lokahi hou mai ana no oukou me ka hiaai e like me kona mau mua.  No laila, mamua o ka hoomaka ana o ko kakou moolelo, e hoomaupopo na makamaka heluhelu I ka inoa Paameri, o ke aupuni no ia o Perusia.

Mea Kakau

 

            AIA I ke au o ka moi Homelina e noho ana iloko o ka hanohano a me ka waiwai nui maluna o ka nohoalii o ke aupuni o Parameri, ua hoohua mai la kana aliiwahine (Huihui Hoku) I ka laua kamakahi mahope iho o ka hala ana o kekahi mau makahiki he lehulehu o ko laua noho pu ana iloko o ke kaula kaakolu o ke aloha, a o ua opuu pua ia i hoea mai la e hanu i na ea huihui o kei ola ana, o ka mea no ia nona kei nanea kamahao a kamahao a kakou e hoohi@laai aku ai.

            He la naulu me ka popilikia nui ka la I hanau ai ke keikialii Romeala, e nakolo ana ka leo weliweli o ka hekili, a e olapa ana n aula ahi weliweli o ka uwila, a ke hookina la I kona mau @lelo manamana o ka po@ilikia maluna o ka @honua, a ua pilipu hoi ka hanu o na mea ola a paue noho ana maluna o ka ili o ka honua a hoea loa aku I na kupua, a oia ko lakouwa I haalul@ ai me ka olelo a@ - Owai la hoi keia kup@ hookalakupua?

            I ka Manawa I hanau mai ai o ka mea nona keia nanea, aia kona makuakane, ka moi Homelina, e hooponopono ana i ke aupuni o Parameri a me kona lahuikanaka maluna o ka hokua o ka naauao, ka mea hoi nana i hoohaahaa aku i ka noho mana ana o ke kahi mau aupuni, a o lakou mana moi ua pilipu ia i ka paia; a pela I hooko ia ai na olelo wanana hope loa a ke kilokilo H@ @ lo@ ana iaia.

            H@ ka naauao a o ka loa @ o na noeau mahope ino o @.  A me keia ano I no@ ai ke aupuni o Parameri @ o ka hauoli mau ana kea no he pookela ma ka naauao, a@, @ wale iho no aia he mau noho@ enemi ma kekahi mau aupuni a hoea @ aku imua o kea lo o na @ ke aupuni o Parameri a me kona m@

            Maanei e na makamaka heluhelu e waiho ko kakou kamailio ana no na mea e lili ana i ke aupunui o Parameri, a e hoomak@ ae ko kakou alahele n aka meheu o ka mea nona keia moolelo.

            I ka Manawa he ehiku malama o ka mea nona keia moolelo, aia ka honua e luhiehu ana me na waihooluu like ole o na pua, a no lakou hoi ka nani e hoohihihai ka naau o kamahele e maalo ae ana ma na palena o ko lakou mau kaiaulu, oia ka Manawa a ka moi Homelina I kappa aku ai I ka inoa o kana keika o “Romelia;” oia hoi ma ka hoohalike ana.  “Ka Nani o na Pua.”

            No ka mea, ma na wahi a pau o ka oiwi kino o ua keiki nei, o ka la hiki kakahiaka ka hoa e like ai, a o ka oi kelakela hoi o ka nani ma Parameri a puni.  Ua mailani nui ia oia e kona mau makua iloko o ka hanohano a me ka ih@hi, me ka @lo pu hoi o kona inoa I mea na ka lahui Parameri e akena mau helehelena hoi i mea e dhoo@alule ai I ka puuwai o na ui hoomahie o ka aoao palupalu.

            I ka hiki ana aku o na makahiki o ua Romeala nei I ka 18, ua pakela loa ae la ke kaulana o ke aup@ni Parameri ma ka helu ekai o ka ui o kona hooilina kalaunu a me ka naauao, I pa lua ia aku I ka naauao o kona makuakane, a oi loa aku in aka waipahe o kana mau huaolelo.  No kei mea, ike iho la ko moi Homelina aole e hiki i kona loea kea o hou aku i kana keiki, o@ oia ke kaulana o kana keiki ke hele laula la ma na wahi a pau o ka honua, nolaila, ua ano hopohopo oia malia paha o ala main a uluku manao hookelakela naauao ana o kekahi mau aupuni, alaila, laia o haule kana keiki iloko o na ahele e hoohaahaa ia ai ke aupuni Parameri.  Nolaila, huli ae la oia a pane aku la i kana keiki oiai laua ma loko o ke keena malu (kahi a Romeala e moni ai i na kubinia o ka naauao) i ka i ana aku:

            “E kuu Romeala aloha; ua ao a ku au ia oe i na ike a pau o ke naauao a ahoe he mea i koe a’u e ao hou aki ai ia oe, aka, ke makemake nei au ia oe ano, e koho mai oe, o ka hana hea la kau i makemake ai ia’u e ao hou aki ia oe?”

            “E hai aku no au i ka haina o kau ninau e kuu makuakane aloha mamua ae o ka iho ana aku o na kukona alohilohi o ka la malalo o na kapawai akea o ke kai Maredina (Kaiwaenahonua),” wahi a kana keiki I pane aku ai.

            No keia pane a ke keikialii Romeala ua @lo ia he mea maikai I ka manaoo ka moi Homelina, a oia kanai pane hou aku ai i kana keiki:

            “Ua lawa ko’u makemake nou, a na ke sekona hope loa o ka manawa hoohui hou ia kaua maloko o keia keena.  Ano, e hele e kuu keiki e hoohauoli ia oe iho me na luhiehu nani o ke kihapai o Homela” (ala Waianuhea o na pua)

            Me keia mau olelo hope mawaena o ka makua a me ke keiki, na mawehe ae la ka laua pili, hoi aku la ka moi Homelina no kona keena hana me kona wau kuhina a o kane keiki hoi aia oia ke hoohala la I kona manawa Iwaena o ka wehi o na pua o ke kihapaipua o Homela, a o na leo mele hoonaue puuwai o ia ka ko@ kileo waipahe e hoopahee la me ka nahenahe.

            Oiai ke keikialii Homela e walea ana iloko o ka wehi o a@ pua, aole loa oia I poina I ka noonoo ana no kana hana a waiho aku ai no naao ana mai a kona makuakane; a o kona mau maka hoomahie ke awihi iki la no ia I na manawa a pau a na kukuna a ka la e nee @e ai ma kona alahele kaapuna honua; a i ke kokoke loa ana mai o ka manawa ana I hai aku ai I kona makuakane, ua kamo@ awiwi aku la pia i kona mau kapuai no ke keena a laua e hui mau ai me kona makua, a lala i komo aku ai e kaii mai ana kona makua iaia o hona ho@ aku

            (A@ I pau.)

 

KA HUA OHIA NANI

 

I LOAA MA KA

 

Piko Mauna o Parani

 

Ka Ui nana I Kakele ke

 

Aupuni o ka Lihilihi

 

o na Manu.

 

Kokua ia e HULUPAINA kona Pokii

 

Unuhi ia e Moss Ma’@

 

            Oiai hoi laua la e luana ana me ke aloha, hiki an aka mea hookaawale imua o ka kakou koa me ka ike ole mai o kana aloha, a lilo mai la i ka mana o ka lima gula e like me ke kauoha a kona haku, a he manawa ole ku ana oia imua o kona pokii a me kana wahine.

            I ka ike ana aku o ka kakou eueu i kona pokii a me kana aloha o na la I aoi ae, ua piha loa ia oia I ka maka’u i kona pokii a me ka hilahila hoi I kana aloha, a ia wa I pane mai ai kona pokii.

            Ihea iho nei oe I nalowalke ai iloko o kei mau la loihi?

            Pane aku la ua eueu nei, i ka makaikai aku nei au ma ne palena o ko’u aupuni nei, a oiai hoi au e hoi mai ana ma kea la e hiki mai ai i ka home nei, ua loaa iho la au i kekahi mea ano e a lilo mai la au iaia me ko’u manao o ko’u hopena iho la no la ia, eia ka e hoihoi pololei ia mai ana au a hiki i ko’u home nei, a oia keia a olua e ike mai la ia’u.

            I ka lohe ana o kona pokii a me kana wahine I keia mau olelo ana, ua maopopo loa iho la no ia laua aohe he oiaio o kana mau lelo, a oia ka kona pokii I pane mai ai.

            Ae, he nani ia ua hoi mai la oe, a o ka’u wale no e hoike aku ia oe, e noho pono oe me kau wahine, ka mea au i imi ai a loaa a lawe mai I kou wahi nei, malia o oluo@ main a lani a hoohua mai I hua no ko olua pohaka.

            I ka pau ana o kei mau nune ana mawaena o lakou, ua noonoo koke iho la ka kakou Hulupaina, ina e mau ke ola ana kela wahine hou a hona kaikuaana, alaila, he kumu nui ia na kona kaikuaana e noonoo nui ai a lilo ko laua noho maikai ana me kana wahine i mea ola.

            Nolaila, ma ke ahiahi o ua la la, ua haalele iho la oia i kona kaikuaana a me ka laua wahine a hoi aku la no ko iakou home kuahiwi, a imi koke iho la oia i kumu e make ai o kela wahine.

            Aia no I ka kakoy koa Hulupaina kekahi pokaa li@ine nona na alu he @, a ina e hookuu ia a pau keia mau alu I hoike ia ae la, ala@la, aole he kupuna ma ka lewa, aole ma ka honua, a aole hoi malalo iho o ka honua, e hiki ke @ o kue mai iaia, oiai, ua oi loa aku kona mana a me ko@ ikaika maluna o na kupua a pau.

            I ka holopono ana o kei mau noonoo ana a ua Hulupaina nei, a mamua ae o kona hoo@uol@ ana no ia po, na wehe ae la oia i kana pokaa lipne a huki ae la I na alu 9 a kauoha iho la, i ka i ana iho:

            Ia oe e na alu 9 o ka’u pokaa lipine, e hui aku oe I ke kaikamahine Lau Lukini, ka mea e noho ia mawaena o ka la a me ka mahina, a i hoopuni ia hoi me na opuu pua @ oe o ka aina p@, a lawe aku a na papaku 9 o ka kokoau a hoopaa aku.

            I ka pa@ ana o na kauoha a kona haku Hulupaina iaia, na hooko koko aku.

            A oia me ka hak@ ole, a I ka ho@no ana, @a h@i h@i mai la oia a ho@e aku la I k@na ha@ i na mea i hana ia e ia.

            A i ka lohe ana o ka kakou koa Hulupaiona, ua maikai ia i kona manao oiai, ua hooko I akona makemake.

            E waiho kakou nona e na makamaka heluhelu, oiai ua hooko ia ae la no kona mau @ni a pau, a e aui iki ae hoi kakou a nana aku I ka mea nona keia nanea.

            Oiai aia no oia ken oho la me kana wahine, a no kekahi mau la, ua ike iho la oia I kekahi hoolaha na ke kaikamahine alii o Kelemania, e olelo ana, ua aihua ia hona lei @ula, a o ka mea e loaa ai a hoihoi aku ma kona halealii ma Kelemania, alaila, e loaa no iaia kekahi makana kiekie.

            I ka ike ana o ka kakou koa i keia hoolaha, ua wehe ae la oia I kana buke a oili mai la kana ilio Buhonababela a ku ana imua ona, a ia w aka kakou koa i ninau aku ai i kana ilio i ka i ana aku:

            Aia la ihea ka lei gula o ke kaikamahine alii o Kelemania?

            Ia wa I hoike mai ai kana ilio, o ka lei gula o ke kaikamahine alii o Kelemania, ua lilo ia Akipa, ke kupua o ke aupuni ako’ako’a.

            Ninau pono aku la ka kakou koa i kana ilio, heaha a Akipa, he kanaka anei oia?

            Pane aku la kana ilio, aole oia he kanaka, aka, he keko oia. A oia no hoi ka mea nana e hoopoino nei na moku ma ka moana.

            I ka lohe ana o ka kakou koa i keia mau olelo a kana ilio, ia wa I upu ae @e ai oia e hele e huli I keia kolohe nui.

            A i ka makaukau ana no ka na huakai, ua hele aku la oia e no I kana aikane, ka hooilina o ke kalaunu o Farani, e haawi mai i kekahi mokukaua nona e hele ai no kana huakai imi i ka lei gula o ke kaikamahine alii o Kelemania, a ua hooko ia manao ona e like me kona makemake.

            A i holopono ana o na mea a pau, ua kau ae la ka kakou koa maluna o ke kaa alii me kana aikaneno ka u@apo ka pahuhopu, a i ka hiki ana aku ua makaukau na mea a pau.

            Ia wa kakou eueu i kau aku ai maluna o ka oneki o ua moku nei i kokua ia e kona alihikaua nui a niau aku la maluna o na ale hulilua o ka moana, a ia wa i haawi ia mai ai na pu aloha o ka aina, a pela hoi me na moku i ko lakou mau hae e welo haaheo ana maluna o na kia, a pela no hoi me ka moku o ka kakou koa I papahi pu ae ai ma ia haawina hookah, a he manawa ole, hele ana @kou nei o ka moana kai uli.

            Oiai lakou nei e holo ana ma ka moana a hala ae la he mau la, ua ike mai la o Akipa, ke kupua o ke aupuni ako’ako’a i keia moku e holo aku nei i hele a luhiehu me na hae o kela a me keia ano, ia wa ua hoala koke mai la oia i ka ino me ka manao ole he make keia nona e hele aku nei, ia wa i pau ae ai na kia i ka hakihaki, nohaehae na pe’a, a mokumoku na kaula, a ia wa i hele aku ai ke kapena a hiki imua o ke koa opio a pane aku la:

            Aole he wahi ola i koe no ka moku, a ke manao nei au aole e hala he hapa ha ho@a mai keia wa aku, e pau loa an aka moku i ka nahaha.

            Ia manawa i aohe ae ai ka kakou eueu i kana ohe i pa miliona ia ka ike a paki iho la maluna o ka oneki o ka moku, a ia manawa koke no i lilo ae ai ka moku i a@a kupua e lewa hele wale ana no maluna o na ohuku ale o ka moana nui akea.

            I kela wa ua ike koke mai la o Akipa i keia aina kupaianaha e paialewa hele ia ana maluna o ua ale o ka moana, ia manawa oia i hoohui loa mai ai i ka ino o ka moana me ka manao o ia ka mea e loko ia ai ka kakou koa a me kona poe, aka, ua hele nae ia manao ona, oiai ua paa I ka mana o ka ohe pa miliona ia ka ike a ka kakou eueu.

            He mea pono paha I ko oukou mea kakau ke wehewehe pono aku no ko lakou noho ana ma keia aina.

            Ua oi aku ko lakou makemake I keia aina mamua ae o na mea a pau a lakou i ike ai mamua, oiai o keia aina ke pa mai ka makani he a@ pua wale no, a o kekahi ma keia aina a@le ike @ ka mea nana e kuke ka lakou mau mea ai, o ka lakou wale no o ka noho wale no me he mau alii la, a hiki mai I ka manawa ai he hele wale aku no a noho ma ke pakaukau, ua makaukau na mea ai i ka mea ike ole ia, a pela kahi moe a me na mea a pau e pono ai ko lakou noho ana maluna o keia aina.

            Ua maopopo aku ia paha ia oukou e na makemake heluhelu ke kulana o ko lakou noho ana maluna o keia aina, nolaila, e waiho kakou i kamailio ana no keia aina, a e hoohuli ae ko kakou kamailio ana no ka mea i loaa mai ai ua aina nei a o ka mea hoi nona keia nanea.

            Oiai lakou e paialewa ia ana e na ale hanupanupa o ka moana, ua wehe ae la ka kakou koa I kana buke aniani a oili mai la kana ilio Buhonababela a ku ana imua o kona alo, a oia kana i pane aku ai:

            I kauoha aku nei au ia oe e ka’u kauwa hoolohe, pehea la kakou i keia manawa, ke kokoke aku nei anei kakou I ke aupuni akoakoa, kahi a kakou e manao nei e hele?

            Ia manawa i pane aku ai kana ilio, aole kakou i kokoke aku i ua aupuna nei, a aole no hoi kakou e hiki ana i ke aupuni ako’ako’a, kahi a kakou e manao nei e hele ina kakou maluna o keia aupuni e hele ai.

            Pane aku la kakou koa, a pehea kakou e hiki ai i ua aupuni nei o ke kupua Akipa?

            Ia manawa I hahai mai ai kana ilio, e hoolilo ae oe I ko pahu @iniana I kookoo gula, a malaila kakou e hiki koke aku ai i ke aupuni ako’ako’a.

            Ia wa i hoolilo koke ae ai ka kakou eueu I kana pahu daimana e like me ke kauoha a kna ilio I kookoo gula, a ua hooko ia e like me kona makemake.

            Pane hou aku la ua ilio nei i kona haku i ka i ana aku penei.

            E hanau aku oe i kana kookoo maluna o ka moana, alaila, ia wa koke no oe e ike ai I na uwila he 12 e hoomalamalama ana i na papaku o ka moana, a o ia kou wa e ike aku ai i ko hoa pa io a me kana mau hana a pau me kona ike ole mai ia oe, alaila, hoala mai oe I ke kookoo a oili aku na alanui gula he 24 a malaila oe a me kakou pu a pau e hiki aku ai i ua aupuni la.

            I kona lohe ana i keia mau olelo a kana ilio, oia koke no kona manawa I hahau akuai i ua kookoo gula nei maluna o ka moana, a oili aku la na uwila he 12 e hoomalamalama ana i na papa ku o hohonu, a ike aku la oia i ua kupua nei e noho ana i ke 52 o kona mau halealii me na lei gula 6 ma kona a I, a me 12 hoku e hoopuni ana i ke kaei o ua keko nei, a e luhiehu ana kona hulu a puni kona kino, a ia w aka kakou eueu i hoala mai ai i kana kookoo gula a oili aku la na alanui he  he 24 i kinohinohi ia me na waihooluu like ole kela a me keia ano, a ia wa ka kakou eueu me kona mau kanaka a me kana ilio Bulionababela i iho aku ai no ka halealii o ke kupua Akipa ka pahuhope.

            Oiai lakou nei e iho aku nei a kokoke e hiki i ka halealii, ua ike mai la ke kupua Akipa ia lakou, a ia wa i pane ae ai ka ilio Buhonababela i kona haku i ka i ana ae:

            Ua ike ia mai la kakou e Akipam a aia la ke hoomakaukau mai la i kona poe kiai e lele kaua mai maluna o kakou.

            A ia wa i ike aku ai lakou nei i na @usani keko e paa ana na pahi ma ko lakou mau huelo, a ia wa i pane hou aku ai ka ilio mua o kona haku opio i ka i ana aku:

            Ua kokoke loa kakou e hui me na tausani keko e hele mai nei mamua o kakou.

            I ka lohe ana o ke koa opio i keia mau olelo a kana ilio, ua hoomakaukau iho la oia iaia iho, a ia manawa oia i lalau iho ai i kana eke kalena a paa ae la ma kona lima, a hoomaka aku la la kou nei e hele imua no kahi a na keko e hookahua mai la, a o ka wa no ia a a ke koa opio i ike aku ai i ua poe @eko nei ua hele a hae, me he poe @ga pololi la e ake ana e loaa ona mea na lakou o ale ai.     (A@ i pau.)

 

Gaberiela Lenoa

O KA

Puali Kahiko Imeperiela

o Farani

 

Koa Opio iloko o na

Ulia o ka Laki.

 

Kukala Kaua a Perusia

no kekahi Wahine

 

He Moolelo no ke Au-Weliweli

Nui o Europa

 

KE KOKOKE ANA I KE KAHUA KAUA

 

            I ka wa a Gaberiela i pane aku ai i ke keikialii Posetama, e pane mai oia i ka haina no ka manaoio ana mai i kana mea i hai aku ai iaia, - oia no o Kauna von Garapa Sowaza o na pualikoa o Hanova, ma ke alahele o ka huakai makaikai i ke kulanakauhale nani e pua iki mai ana ma o o Munika.

            Aole keia he mau olelo ku I ke kulana keonimana a Gaberiela i pane aku ai i ke keikialii, a me kona make hoi i ke kiekie a me ka hanohano o ka nohoalii o Perusia, aka, he mau olelo keia e hoohaahaa maoli aku ana no i kona kulana keikialii ma ke koko o ua kanaka opio la, me he mea la o na hoomanao ana no i ka launa ana me kela kaikamahine ui opio o ke Emeperesa Iosepine, eia no ia ke kapalili like nei mawaena o laua a elua no ua kaikamahine la.

            “Ina o oe io o Kauna von Garapa Suwaza, alaila, o oe ka kanaka I kile loan a helehelena ma ke kanaka a’u i halawai ai i kekahi po i ke kulanakauhale o Parisa,” wahi a ke keikialii i pa  ne mai ai.

            No kela olelo paakiki a ke keikialii, ua halawai mua, no oia me ko ianei mau helehelena I Parisa, oia ka Gaberiela I pane hou aku ai, -

            “O wau o Kauna Herr vom Suwaza, o na pualikoa o Hanova.  E manaoio mai ana anei oe ia’u i keia manawa?”

            “E manaoio aku ana au ia oe i keia manawa,” wahi a ke keikialii.  “Aka, he wahi ninau wale no ka’u ia oe e ke Kauan Suwaza, - mai hea mai nei oe, a e he’e ana oe i hea?”

            “Mai Inaplaku mai nei au, a e kipa mua ana au i ke kulanakauhale o Munika, a mai laila aku no ke kahua kaua o Ulama.  Ke manaoio mai la anei oe ia’u e ke keikialii?”

            Aohe I pane leo mai ke keikialii, aka he wahi kunou walke no kana I haawi mai, a oia ka Gaberiela I pane hou aku ai i kana mau apuhi ana. –

            “Eia au malalo o ka huakai awiwi loa, a aole oe e ukali mai mahope o’u no kekowa o hookah kula laula.  Ua pilikia ko oukou kaa no ka pokake huila ole, aka I ko’u wa e hiki ai i ke kauhale hookipa mua, e hoouna mai ana au i ka pokake huila no ko oukou kaa.  Nolaila, e kali oukou ma kei wahi a hiki I ka wa a’u e hoouna mai ai i kela hemahema oukou.”

            “Aole loa au e hana e like me kau mea i h@ mai nei,” wahi a ke keikialii i pane mai ai.  “Heaha kou manao i hoohalike ai ia makou me he poe hupo loa.  E hele aku ana no makou ke komo ae ka huila a paa me ka hikii kaula i ke poholo ana aku i waho.  Heaha iho la kou kuleana o ke kaupale ana main a makou no ho@ ia ke kona mahope o k@ @ ua oi aku ka ikaika holo a ko makou m@ li omamua o ko olua, e haalele ia ana ko olua kaa I hope e makou e like me me ko makou makemake.”

            Aole loa oe e nee@ aku @iai keia wahi a hiki@ @ mai ai i pokake huila no ke kaa o oukou,” wahi a Gaberiela I pane aku ai.  “Ke lohe mai la anei oe i ka’u mau olelo e ke keikialii?  O oe a me a’u, aole loa kaua e hele like ma ke alanui hookah nona k@ k@w@ o hookah kula laula nou e hele ao ai mahope.  Ka lohe houmai la anei oe ia’u e ke keikialii?”

            Na keia mau olelo kauoha o ke kulueana ole o Gaberiela a me ka hoohaahaa maopopo hoi i ka inoa hanohano o ke keikialii Posetama, ua holo ae ia ka nanaina huhu maluna i na, a pane koke mai la i keia mau olelo, -

            “Ea, - he makemake anei oe e hooulu hakaka e keia kanaka?”

            “Ua loaa mai la ia o eke ano o ko’u kulana e ku n@ keia manawa,” wahi a Gaberiela a pane aku ai @e kahi ku nou iki ana aku.  “Ua makemake au ia oe e hoolohe i ke kauoha a’u i haawi aku la, a i hooko ole oe, alaila o ka maka o ka pahikaua ka mea mana e alakai like ia kaua ma keia wahi – a i keia manawa – ano.”

            “Ina pela, - e hooko ia e kaua i keia manawa,” wahi a ke keikialii I pane mai ai me kona leo okalakala o ka huhu nui.  “Aole loa au e hoohaahaa wale ia e kekahi kanaka malihini maluna o ke alahele.  He pahikaua ka’u eia iloko nei o ke koa.”

            “Pela no au ma ka’u huakai hele,” wahi a Gaberiela i pane aku ai a k@ like aku la laua i ka laua mau pahikaua.”

            He minute hookai, ua halawai like ae laua he alo a he alo a he alo, ke’a ae la na pahikaua, a o ka hoomaka koke ho la no ia o ka hakoko ana.

            Ma ka aoao o ke keikialii, ua hoike maopopo mai oia i kona kulana eleu a me ka makaukau ma na k@na o@ me ka makaukau ma na k@na oki me ka pahu ana I ka puuwai, aka, mamuli o kona huhu loa  a me ka pihoihoi, ua ano haalulu mai la oia mahope koke iho o kona ike ana, ua pahua kona Akamai imua o ke kanaka malihini.

            Ke oniu like nei laua i na pahikaua, a o na kahukaa na oe makaikai e nana nei i keia hooili kaua.  He mau minute pokole ia a laua e au@eu@e ana i ke ola a me ka make, aia hoi,  ua kapoo pu aku la ka maka p@hi@ ua a ke kahi o laua i ke kipoohiwi @au, a he leo o ka auwe walania ka ke keikialii o Posetama i hooho ae ai, a haule aku la kana pahikaua i ka honua, a nana pono mai la oia ia Gaberiela ke kanaka non aka lanakila oia hoo@l@ kaua ao@ iho la a laua.

“Ano, e kek keikialii,” wahi a Gaberiela i pane aku ai me ka holoi ana i ke koko o kana pahikaua.  “Ua hai @ua iho nei au ia oe e kali oukou ma keia wahi a hiki i ko’u wa hoouna hou mai ai i pokake no ka huila.  Ma kou hooko ole ana i ka’u kauoha, ua papalua ia iho ka hana maluna o’u o ka imi ana i pokake huila a me ka hoouna pu ana mai i kauka no ka lapaau i kena eha ou e ka keikialii.”

“Ua laki @ I ka loaa ana o ka lanakila i keia manawa.  No kekahi w@ @koa aku au e uku ai ia oe i keia haawina like,” wahi a ke keikialii i pane mai ai.

He mau olelo keia a ka akaaka hoohenehene a Gaberiela i haawi aku ai i ke keikialii, oiai keia i kau aku ai @una o kona kaa.  Mamua o kona holoana, huli mai la oia a haawi i kona aloha hope I ke keikialii, a oia hou kana i pane aku ai me keia mau olelo, -

“He kanaka @ia Farani oe, a ua ike mua no au i kou mau helehelena i Parisa.  Io@ ua hiki ia’u ke ukali koke kaku ia oe mahope, e haawi koke no au I ke kauoha i na mana kaua o Auseturia e hopu i kela kanaka @iu Farani o ka hoopunipuni nui a me ka lapuwale.

I ka wa a Gaberiela i haalele iho o ai i ke kulana pilikia o ua keikialii la, aole oia i hooko i kana mau olelo mua e hoouna mai ana i pokake huila a me ke kanaka lapaau, aka, ua kamoe pololei aku kana huakai no kela kahua kaua @o pouli mai la i ka uwahi pa@da, kahi hoi ona i hiki aku ai i ka @uina la a komo kino ma ke alakai ana i kona puali Kuresia i keia pule ae.

            (Aole i pau.)