Ka Nupepa Kuokoa, Volume XXIX, Number 6, 8 Pepeluali 1890 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXIX, HELU 6 HONOLULU, POAONO, FEBERUARI 8, 1890, NA HELU A PAU, 2271

 

HOOLAKA LOIO-

NELLIE M. LOWREY.

Notari no ka Lehulehu. @A HE@ Luna Houlala Palapala a me na Palapala Houhiki Keena Hana me W. R. Kakeia Loio ma ka aoao makai o ka Hale Leta, Honolulu 8241 3y.

 

CECIL BROWN,

LOIO A HE KOKUA MA KE KAN@

Ao apana Hoolele Palapala no Lo@ kupuni o Oahu

Kerna Hama: Ma alanui Kalepa.tf.

 

E. G. HITCHCOCK (AIKUK HIKIKOKI).

LOKO A KOKUA MA NA MEA A PAU E PILI ANA MA KE KANAWAI.  E ohi ia no na Bila Alo, mo ka awiwi HILO, HAWAII. 2114.1yr.

 

A. ROSA. (ARONI) Loio a he Kokua ma ke Kanawai.  Luna Hoolalo Palapala.  Keena hana, maalanui Kaahumanu.

George P. Kamauoha. He Loio a he Kokua ma ke Kanawai.  A He Mea ANA AINA.

E loaa no ma Kohala Akau, Hawaii.  2001.1y

 

ENOCH JOHNSON, (Enoka.) He Loio a Kokua ma ke kanawai, Imua o na Ahahookolokolo a pau o keia Aupuni.  Luna Hooiaio Palapala Kope no ka apana o Kona, mokupuni o Oahu.  Keena hana me Mr. P. Numana, Helu 44 Alauui Kalepa.  2263 1y

 

W. R. KAKELA.  Loio A He Kokua Ma Ke Kanawai Ho Luna Hoolalo Palapala. @

 

WILDER & CO. (WAILA MA.) @ Kihi Alanu Moiwahine me Papu

 

JAMES M. MONSARRAT. (MAUNAKEA.) Loio. A ME KOKUA MA KE KANAWAI Ke Luna Hoolalo Palapala. E hana ia no na Palapala Kuai, Palapala Hoolimalima, a me na palapala pili kanawai e @ ma ka olelo Hawaii.  Dala no ka hoale ma ka moraki ma na waiwai pau.  KEENA HANA: Hale Pohaku hou ma ka aoao ma Waikiki o ka Halewai, alanui Kalepa.

 

WILLIAM C. ACHI.  Loio a he Kokua ma ke kanawai imua o na Ahe a pau o keia Aupuni He Notari no ka Lehulehu a Boroka no na waiwai paa.  Keena Oihana, Helu 36, Alanui Kalepa, honolulu, Oahu. 2302 @

 

Hale Hoolimalima He Hale Maikai No ka @ ana a me ke akea, I rumi aui me a rumi liihi, he lanai a me ka rumi auau, rumi ai a halekeke e pili ana.  Aia ma ke alanui Kekaulike, me kela aoao mai o alanui Hotele.  810 no ka Mahiua. E ninau i ka hui HAWAIIAN BUSINESS AGENCY Kihi Alanui Papa me Kalepa. 2257 @

 

KE KIU PAHAOHAO KA Ipo Aloha o Parisa AOKE Ahi Lalapa o na La Inea o Farani. He Moolelo eehia no ke au uluku o Europa. Farani! Iloko o na popilikia a me ka ehaeha kuhohonu!! Parisa! Iloko o na uluku manaonao o na kipona o ka poino!! Iloko o Parisa e hookahua ia ai kakou moolelo.

 

MOKUNA VII. KA PAKELE ANA. "He paa nani olua, " wahi a Piere, me ka hene aka hoohenehene ana iho iloko ona. "No Vaseila ka! A he niho popo ko loko o kona auwae. alaila, he mea oiaio loa, he makai hakilo o Farani Eduina no ka aeao kue i ka poai Kamiune Ahe, e a1u meu manu, malia aole lo olua e hiki aku ana i Vaseila. Ua aie oe ia`u no keia mau iwiaoao eha e kuu makamaka me na papalina eleele.  Ua kuhi au he make ko`u hopena i ka wa a kela mau huila i a`e ai maluna o`u, aka, aole nae, a e nana hoi kakou i kou hiki io ana i Vaseila.  He paa nanai io no nae olua!"  O keia na olelo a ua Piere nei aiai oia e kokolo hele ana me ka pee, me ka ukali mai no nae mahope o Farani ma.  Mamna o ka piha ana o hookahi hora mai keia manawa aku a kakou e kamailio nei, e holo ana kekahi mau kanaka elua i makakaukau me n pono kaua ma ko laua mau pubaka a maloko o ko laua mau poli, maluna a na lio ikaika a mama, ma kekahi alanui hele mau ole ia ma ka aoao komohanahema o Parisa.  O ko laua manawa wale no e ku iki ai, oia ka manawa o hoikeike ai i na palapala i n kiai, a hoomau aku la me ka awiwi.

 

Aole i kawa loa mahope mai o keia mau kanaka maluna o na lio , e ukali aku ana ke kaa make a Piere Palake mahope pono, me ka mau a me ka nehe, me ka mama nae e hiki ole ai i na mea mamua ke haalele mo iho mahope.  Ua moe pololei no pepeiao a me na huelo o na lio o ua Piere nei ihope, a aohe habau uwepa ana, aka, na ka leo mama wale no o ko laua kahu i paipai i ko lau mau kapuai, a ua lele mua aku la laua e like me ka iliohae mahope o ka meheu o ka alopeka.  Ua kamaaina ia o Piere a me kona kaa, a aohe ku ana uo na palapala ae, aka, hookahi no ia hele`na ku ka uwahi mahope; a ke ike iho la ioa i kona ano lihi iki aku mahope o na kanaka maluna o na lio.

 

Eia me Piere Palake maluna o kona kaa, he elua mau kanaka; a mamuli o kekahi h@wina ano e, o keia no na kauaka i hoolimalima ia ai e kela kanaka e ku ana ma ka puka o ka hale o M. Akefuta, e alualu a e powa i ke ola o Farani Eduina.

 

"Ua lobe au i ka olelo ia," wahi a kekahi i kekahi, "o ka mea e kau ana iluna o ke kaa make o Piere Palake, o ka hopena no ia o ia mea.  Ke lana nei ko`u manao aole e oiaio ia mau olelo maluna o kaua"

 

"Kahaha! Aole loa au e haupu ia mea.  No ka mea, in a aole e make keia kanaka ia kaua, oia hoi o Farani Eduina, ka makai kiu kaulana, ka mea hoi a De Vina e uku mahuahua ai i ka makana ina e peoehi ia a make - ke ko ole ia mea, alaila, he apana hana hou aku no koe a`u; oia hoi ka hoike aku ia Helena Vakala i ka h@ra o ua Farani Eduina nei e huli hoi aku a@ Parisa, a no ia lono, e uku mai ana oia ia`u he puu dala nui.  he mano wale no ko`u he ehemi keia Helene Vakala no kela kanaka; aka, ua kauoha paa mai nei oia ia`u penei:  "Mai lawe i ke ola o kela kanaka, aka, e makai a e kiai iaia no`u.  O Pietro, ko kaua hoa, aia oia i Rovena ma kekahi ano huakai like no me keia, e kiai ana no he kanaka no Helene Vakala.  Ina no e make o Farani Eduina ia kaua a make ole paha, ua maopopo ia`u e loaa mai ana he makana; a o oe e kuu hoahanau ke mahele pu me a`u."  "Ke makemake `la au ia." wahi a kekahi o laua.  "Makai.  He elua a kaua haawina."  Aohe hoolohe a hoomaopopo ana a Piere Palake i keia mau kamailio.  Aia kona mau maka imua kahi i haka po, no ai, a me kona hoomau no nae i ka paipai ikaika i kona mau lio; a hookahi wale no on a manawa i pane ae ai i ka i ana ae:  "Ina e loaa aku ana laua ia kakou mamua o ka huli ana i ke alanui aoao, alaila aole loa laua e hiki i Vaseila."  "heaha hoi ka ia alanui aoao e Piere?" wahi a ka ninau a kekahi.  "He naaupo oe, " wahi a Piere:  "aia alaila kekahi heluna o ka pualikoa o Vaseila; a ano, eia kakou ua kokoke loa ia laua, e hoomakaukau i ka olua mau pu," wahi hou a au Piere nei.  Huki ae la oia i kekahi pu panapana nui mai kona apoili ae, he ku i ka weliweli.  Aole i liuliu, ua poha aku la ke kano o ua pu nei, a na lele aku la ka elele o ka make e oki ana i ke ahe makani o ka po mahope aku nei o na kanaka maluna o na lio; a ia wa koke no i loheia aku ai he leo uwe o ka ehaeha mai na lehelehe mai o kekahi mea kino kanaka, pi ae la ka ihu o kekahi o no lio o Piere, a hauie aku la, a hina aku la no hoi kekahi o na lio o na mea manua. 

            Ua huli aku la ke kaa o Piere i ka wa i hina ai kekahi o kona mau lio, he mea maopopo ua ki ia mai la i ka pu e kekahi o no kanaka a Piere i ki aku ai, a haule aku la lakou a pau iloko o ka lepo.

            A hall ae la he mau sekona, ua hoomaka ae la kekahi o na lio e oni a ku iluna, a ua ku pu ae la me kekahi o na kanaka i holo pu ai ma ke kaa, oia hoi ke kananka nana i hoike ae no na makana.

            "He mea maopopo ua pau na mea a pau i ka make, a koe wale no au me kela lio, a me kaela kokoolua o na kanaka ma ka lio.  E awiwi au no Vaseila.  Ke ike nei au o Farani Eduina kela i holo aku la; a o ke komo ana e komo `la ka`u mea makemake nui e loaa ia`u, a e hoike pu aku ia Helene Vakala i kona manawa e huli hoi aku ai i Parisa."

            Wehewehe ae la ia ia na ili o kekahi o na lio o Piere, a kau ae la aohe noho me ka punuku wale no, a hoomaka aku la la e ukali mahope.  Aia ke kanaka mamua ke kuupau ae la i ka holo o kona lio me ke kawa loa, e hoopololei ana ma ka ala no Vareila, a mahope aku no ke kanaka powa ola, me ka nana ole i ke kani o na pu ma na aoao, a me ka hihio o na poka ma kona mau pepeiao.

            "No Vaseila! No Vaseila!" wahi ana me ka hoeueu i kona lio e ake ana e lele aku imua me ka mama.  (Aole @ pau.)

 

            Ma na hora wanaao o ka Poakahi, la 27 o Ianuari, 1890, ua hanau na Mr a me mrs. Halaki Cummings o Kipahulu he kaikamahine mohaha maikai, iloko o keia au hoomaemae, a he makia no ke au hooulu lahui o Kalani.  E mahaloia ke Akua me Lani kiekie loa, he malu ma ka honna nei.

            Ma ka helu 4 o kou kino lahilahi e ke Kuokoa, ma na mea e pili ana i ka hoike hui a na Kual Sabati o Maui, ma Lahaina, i ka la 10 Ianuari, 1890 nei, ua ike au ua oleloi@ he haawina huikau ko ke Kula Sabati o Paia ke kula Sabati a ka mea e kakau nei a oia ka`u e ninau nei, owai la keia hupo nui e hoolaha nei, ua haawi ia mai ka makou haawina na haawina a Laiana o 1889.  a oia ka mea i hanaia, e pono kela hope e noho malie mamua o ka wikiwiki ana e hoolaha.  P. N. Kahakuoluna.

            HE KAAO -NO- HAPAIKALA-Hapaikamahina KA HUA OHIANANI I LOAA MA KA Piko Maunao Farani - Ka Ui nana i Kakele ke Aupuni o ka Lihilihi o na Manu. - U Kokua ia e HULUPAINA kona Pokii. - Unuhi ia e Moss Ma`u Ia wa i hele mai ai lakou a kukuli mai la imua o ke koa opio, a pane maila: 

            Ke mihi aku nei makou a pau imua ou no ka makou mau hewa i hana aku ai ia oe, a o ka makou wale no e noi aku nei, una he moa oluolu ia oe, e kala ia makou.

            I ka lohe ana o ke koa opio i keia mau olelo a na pio, ua ku ae la oia iluna a pane aku la imua o na pio, i ka i ana aku:

            Ke kala aku nei au i ko oukou mau hewa a pau, a mai hoao e hana hou e like me keia, a e hoi aku oukou no ko oukou mau aupuni me ka maluhia.

            Iloko o keia wa ua hookuu ia ae la ke anaina, a hoi aku la kela a me keia no ko lakou mau wahi iho, a pela no hoi na alii a me ke koa opio i hoi aku ai no ka halealii.

            Oiai ke koa opio e hoi ana me kona kupunakane, a me na alii i ukali ia e Kinikula ma a hiki i ka halealii, a komo iloko a noho maluna o na oho, ua pane mai la o Meneo imua o na keiki o ka lewa, i ka ana mai:  No hea mai oukou?  No ka lewa mai makou, wahi a ka pane.  Pehea ko oukou niki ana mai ilalo nei?  Pane aku la o Kinikula, mamuli o ko ianei ikaika, noloila, ua pau makou i ka paa a he poe pio nana.  pane hou aku la ke kupun akane o ke koa opio imua o Kinikula:  Pehea keia manu i paa pu ai me olua?  O keia manu e` noho nei, o ko ianei kaikuahine no ia, wahi a Kinikula.  He wahina ka keia?  Ae aku la o Kinikula, ae, he wahine keia.  he hiki no anei iaia ke hoolilo ae i kona kino manu i kino kanaka e like me ko kakou nei?  Pane aku la o Kinikula, ae he hiki no.  Pane aku la o Menesi, ua makemake malu iaia i dea manawa e lilo ae l kanaka.  pane aku la o Kinikula, ae, ua hiki no, aka, e oluolu mai paha oukou i rumi kaawale nona e hoolilo ai i kona i kino mau i kino kanaka.  Ua haawi ia mai la ka rumi a ia manawa i komo aku ai o Aeko Ahi iloko, a iloko o ia wa, manauli o kona mana, ua lilo ae la oia he wahine ua.  Iloko o keia wa ua puka aku la ua kaikamahine neio ka lewa a ku ana iwaho, a ia wa i ike mai ai na alii a pau i ka ui o keia wahine, a hele aku la ua kaikamahine nei o ka lewa a noho ihe la ma ka aoao o kona mau kaikunane. 

          I ka hale ana ae o kekahi mau minute o ko kakou hoonanea @, au kani mai la ka bele o ka aina awakea, a hele aku la lakou a pau no ka papaima, a hoomaka aku la lakou e hoonuu i na @ea ai i hoomakaukau ia, a hiki wale a ka piha ana o ka lea o ka inaina.

          I ka pau ana o ka lakou paina ana, au hoi aku la lakou a pau maloko o ka rumi hookipa, a malula lakou kahi i luakaha ai.

          I ka hala ana o ka hapalua hor@ o ko lakou walea ana, ia wa i ku mai ai o Kinikula a pane mai la imua o ke koa opio:

          Ia oe e ka haku opio, e oluolu oe e hookuu mai ia makou e hoi no ko makou aupuni.

          ua ne aku la ke koa opio i keia noi a Kinikula, a ia wa i hoomakaukau ae ai na keiki o ka lewa no ka hoi ana.

          I ka makaukau ana o na mea a pau, ia wa i haawi mai ai na keiki o ka lewa i ke aloha hope imua o ke koa opio a me na alii a pau, a pela no hoi ke koa opio a me na alii a pau i haawi aku ai i ko lakou aloha.

          Iloko o keia wa ua kau aku la lakou maluna o na noho lele ekolu e waiho mai ana manua o lakou, a hoomaka ae la lakou e lele, a iloko o na minute pokole wale no ua nalo aku la lakou mai ka ike`na aku o na mea a pau.

          Iloko o keia wa ua pane aku la o Menesi imua o kana moopuna i ka i ana aku:

          E kuu moopuna, auhea ko wahine i mare iho nei, ua makemake au e ike iaia?

          Iloko o keia wa i kani aku ai ka uwea telefone imua o kana wahine, e olelo aku ana e iho mai iialo nei, ua makemake o Menesi e ike iaia.

          Iloko o keia wa i iho mai ai ke aliiwahine a ku ana imua o lakou nei, a ia wa i ike aku ai na alii a pau i ka wahine a ke koa opio.

          Iloko o keia wa i ku ae ai na alii a pau iluna a hoomaikai mai la imua o ke aliiwahine, a pela no hoi ka ui nohea i haawi aku i ke aloha imua o lakou.

          I wa i ike mai ai ke kupunakane o ke koa opio i ka ui palena ole o ka wahine a kana moopuna, a noho iho la maluna o ka noho kalaunu, a ia wa i haawi ia ae ai na kukai olelo ana mawaena o lakou.

          I keia manawa i pane aku ai o Menesi imua o Hapaikala Hapaikamahina, i ka i ana aku:

          Auhea ou mau makua?

          Pane aku la kekoa opio, aia i kela kuahiwi a o lalo o ia wahi, a aia ilaila ko laua wahi e noho mai la.

          Pane hou aku la o Menesi imua o kana moopuna, au makemake au e ike ia laua.

          Pane aku la ke koa opio imua o kona kupunakane, ina ua lana kou manao e pii iuka o ka home kuahiwi o ko keiki, alaila, e pii kakou.

          Ae aku la o Menesi, a ia wa lakou i hoomakaukau iho ai no ka pii ana i ka home kuahiwi o na makua o ke koa opio.

          I ka makaukau ana o na mea a pau, ua hoomaka aku la ka pii ana o ka huakai no uka o ke kuahiwi.

          A i ko lakou hiki ana aku mawaho o ka ululaau, ua hoomaha iki iho la lakou no kekahi mau minute, a la wa i komo aku ai lakou iloko o ka ululaau a hiki i ko lakou hoea ana aku i ka home o ka makuakane o ke koa opio.

          Ia wa i ike mai ai na keiki noho kuahiwi i keia poe e pii aku nei imua o laua, a i ke kokoke ana aku au ike mai la na makua i ka laua keiki.

          I ke kaalo ana ae o ka huakai ma ke alo o ka hale, ua ike mai la ka makuakane o ke koa opio i kona luaui e pii aku nei, a i k hiki ana o Menesi iluna, au lele mai la kana keiki iluna o kona makuakane a puili ae la ma ka a i a uwe iho la me ka naau mokumokuahua iwaena a laua, oiai ke aloha e hoonipo ana mawaena o ka makua a me ke keiki, oiau ua loihi no la o ke kaawale ana.

          Oiai n alii e nana nei i ka moi o Pesusia e uwe nei imua o ke kanaka noho kuahiwi, ia wa i pane aku ai na alii imua o ke koa opio, i ka i ana aku penei:

          Heaha ka pili o ke kanaka noho kuahiwi i ka moi o Perusia?

          Pane aku la ke koa opio he keiki ponoi ou nana.

          Iloko o keia wa ua komo aku la lakou nei iloko o ka rumi hookipe a malaila lakou kahi i walea ai a hiki wale i ka makaukau ana no ka hoi i kai o ke klanakauhale.  (Aole i pau).

         

          GABERIELA LENOA - O KA - Puali Kahiko Imeperiela o Farani. - Koa Opio iloko o na Ulia o ka Laki. - Kukala Kaua a Perusia no kekahi Wahine. - He Moolelo no ke Au-Weliweli Nui o Europa. - ka Hookohu Aliikoa Mai Ka Eme Pera Mai.

          Ua ku iho la o Gaberiela ma keia wahi iwaenakonu o ka rumi me ka pihoihoi, a i ka wa i hoi pono iho ai o kona mau mano, ua pane aku la oia i ke aliikoa hookipa, --

          "E kala mai oe ia`u e ke aliikoa hookipa, aole anei keia o ka rumi oihana o ka Emepera?"

"Oia hoi ka`u i hai aku nei ia oe, aole keia o ka halekoa ua i komo mai nei," wahi hou a ke aliikoa.  "Ano i keia namawa - huli akau, hele iwaho--ma-ki."

          "E kala hou mai oe ia`u e ke aliikoa hookipa, ua kauoha ia au`e ka Emepera i keia ahiahi ma ka ipuka o ka halealii o diana, e luwe pololei mai au a haawi aku i keia mea iaia mai ia`u aku, a oia ke kumu o ko`u hiki ana mai nei i keia po, " wahi a Gabreriela i pane hou aku ai me ka leo moakaka.

          Ua wehe ae la oia i ka pahu waihopaka gula o Napoliona a hoikeike i ke aliikoa hookipa, a ike mai la na poe e ae a pau e noho ana, he kuleana ke kumu o kona komo ana mai iloko a ka halealii.

          "E haawi mai ia`u, a na`u e`lawe aku i ka Emepera," wahi hou a ke aliikoa hookipa.

          "Aole au e pono e uhaki i kana kauoha, - na`u ponoi no e haawi aku iaia."

          Ua akaaka mai la na alihikaua a pau e noho ana iloko o ka rumi no ka hoohoka ia ana aku o ke aliikoa hookipa, a oia ka wa i poha mai ai o kekahi leo mai ke kihi mai o ka rumi nui me keia mau olelo-

          "Heaha kekumu e kela aliikoa hookipa o kou hele ole aku e hoike no keia malihini i kipa mai nei?  Ina ua makemake ka Emepera e ike i kekahi o kona mau koa haahaa loa iloko o kona halealii nei, e hilinai aku i kana mau olelo, -he kumu kona o ka hiki ana mai i keia po.  E hele koke oe e kela aliikoa hookipa a hoike aku i ka Emepera."

          I ka wa o keia leo e kamailio nei, huli ae la o Gaberiela a nana ma kekahi aoao, a ike maopopo aku la oia i ke kananka nona ua leo la oia no kela koa kaulana loa o ke kahua kaua, nona ka inoa haaheo poina ole ka Wiwo Ole o na Wiwo Ole-o Ilamuku Ne.

          Ua haawi koke aku la o Gaberiela i ke aloha lima akau i kona aliikoa kiekie, a i ku kai ia mai hoi e ua ahikanana la o na koa Imeperiela o ka Puali Kahiko me k koani ana mai i ka wele lau o kana pahikana.

          Ua ano kunahihi ae la kahi lutanela hookipa i ka lohe ana i keia mau olelo mai i a Ilamuku Ne aku, oia kan a i pane koke mai ai ia Gaberiela-

          "E haihai mai ia`u e ke koa Kureesia, a e alakai aku au ia oe imua o ka Emepera."

          Ua lawe ia aku la keia mawaena o ka laina o no Kenela e noho ana, na Ilamauku, na Keikiaiu, na, h@a o@

ahaolelo, a me na Luna Aapunu Kie kie, hiki aku la laua nei ma kekahi @ mi uuku i uhu ia ka ipuka me ka pu ku

hapai ae la ka lutanela hookipa i keka hi kihi iluna, ike aku la laua nei @ka Emepera ma kona  papakaukau, e kaukau inoa ana ia kona pulima makana o na palapala hookohu komusina pili aupuni.

          Mahope o ka noho o ka Emepera, o ku ana kekahi kanaka opio me kona kapa aliikoa piha, he hoike ana mai ia iho, he ukali pilikono oia no ua  Napoliona nei, a he oihana nui kana e hooko aku ana i kela po mai ka Emepera aku ke pau ae kana kakau ana.

          Ua ku iho la laua nei ma ia wahine ka oni ole a me ka pune leo ole a hi@i i ka wa a ka Emepera i pau ai ke na kau inoa ana maluna o ka palapala hookohu, huli mai la oia a ike ia laua @ pane mai la i keia mau olelo.

          "Aha!  E kuu keiki pujuole. Ui hiki mai nei oe i ka wa kupono @ hai aku ai ia oe i keia ahiahi."

          Aui ae la kona pooike aiukoa @ e ku ana mahope ona, a pane aku @ o na diabolo he umi."

          Huli hou mai la ia Gaberiela a @ nau-

          "Owai la hoi kou inoa?"

          "Gaberiela Lenoa, e oluolu ma@ e ke Alii."

          "Helu ehia, a me ka inoa o kou pu ali?"

          "Helu 1313,- mahele mua o ka pu ali Kuresia."

          Huli hou ae la ka Emepera ia @ ka a pane aku la-

          "Heaha kou manao no keia e @ ka?"

          "Ina he oluoiu k@ ka Emepera, -aiana, aoie la he oi@ i ke Alo ka Moi o Perusia, ke @ aku ma kekahi kulana o ke kiekie."

          "Ua maopopo mua ia'u ke la, aka, heaha ke kulana i kupono ia oe ma kau huakai?" wahi hou a ka Emepera.

          "I kulana o ke kapena." walu@ a Duroka.

          Ia manawa i kakau iho ai ka Emepera i ka palapala hookohu kapena o Gaberiela, a haawi mai la ia Duroka me ka pane ana mai i keia mau h@ lelo hope-

          "E kuu Duroka, -e hoomanao oe, aia ma keia huakai au i Persia, @ we pu nei ae i ke kulana keikikane o Farani a me kona noho aupuni kuokoa ana, a maluna ae o na mea a pau e kohi oe ia Perusia ihope a hiki i ka ho lopono ana o ka'u mau lawelawe kaua iloko o Auseturia. He lana kuu manao, e lohe aku ana oe iloko o na la pokole, ua welo haaheo ka hae kaha kolu o Farani maluna o na pa kaua o Na ena.  Aloha ahiahi oe e Duroka."

(Aole i pau.)

 

HOOLAHA HOOKO MORAKI - Mamali o kekahi mana kuai i hoike ia ma loko o kekahi palapala moeaki i @ mawa e@ o Wahinekahiko o Waialua, M@, Oahu, o ko Hawaii Pa aina o`ea @ mua a me K K Bingham o Honolulu, o ka @ elua, ma ka la 5 o Mei, 1880, i kekau hope ia ma ka boke 106 aoao 434,@ ia ana o na kumu aelike o kela m@ @ hoi ka uke ole ia o ka ukup@ n@, ke hoolaha ia aku p@ e ka mea @ ka@ elua o ua @oraki @ei, e hoolo ana ia ia mana kuai.

          A ke hoolaha hoe ia aku nei, aia mahope aku o na pula ekolu mai keia la aku, e hoola ha ia aku ai na aina i koike a ma ia moraki so ke k@dala @, ma he kaena kolale o la. F. Morgan ma Honolulu, ma ka la

17 o Feberuari, 1890, bora 12 o ia la.

          Aia ma kahi o R Kakela na olelo hoaka ka no keia mea.

          Hanaia i keia la @ o Ianauari, 1890.

          E. K. Bingham, Mea Moraki Mai.

          Penei no aina i moraki ia:

          O kela mau wahi o pau @ hoike ia maiai., iho nei @

          1-O ka @ o kela mau wahi a pau ona Waimea, Oahu, nona ka ili o 4 @ eka, Palapala Sila Nui 39.35 ia Kaenuhe.

          2-Ka i mahele o Puokea malokoaka ahu P@ o Waimea, i H@ ia kaeliwai et al.

          3-O ka1/2 o ka @ i mahele ola ia o ka 1 4-10 e@ o Hiipuu.  Palapala sila Nui 2045 @ hoo@ ia a pau loa i ka moa @ ma i a palapala a E. K. Bingham, i hope ia mua ka buke 101 aoao 401.

          4-O ka 1/3 o ha ukupanee i mahele ole ia o ka Palapala Sila Nui 3409 ia Konohiki, i ona ia e ka mea m@ mai i oleloa me Nukuka p k.@ a me Kuhelepo k., me na hale a me na @ a pela aku, ma Kawailoa, 2269 @