Ka Nupepa Kuokoa, Volume XXIX, Number 3, 18 Ianuali 1890 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXIX,  HELU 3.   HONOLULU,  POAONO,  IANUAI 18, 1890.  NA HELU A PAU, 2268

 

HOOLAHA LOIO-

NELLIE M LOWREY

Notari no ka Lehulehu.

@ HP

Luna Hooiaia Palapala a @o na Palapala Hoohiki

  Keena Hana me W  R. Kakeia Lo@o ua ka aoao makai o ka Hale Leta, Honolulu 

           2241 3y

 

CECIL BROWN.

LOIO  A  HE  KOKUA  MA  KE  KANAWAI?

  ne Agena Hooiaio Palapala no ka Mo hupuni o Oahu

KEENA  HANA:  Ma alanui Kalepa

tf.

 

E  G. HITCHCOCK.

(AIKUE HIKIKOKI).

LO@O  A  KOKUA  MA  NA  MEA  A  PAU E

PILI ANA MA KA KANAWAI.

Kohi i@ no na Hila Aia, me ku awiwi

HILO.  HAWAII.

               2114. 1yr.

A. ROSA.

(AKONI)

Loio a he Kokua ma

ke Kanawai.

 

Luna Hooiaio Palapala.

Keena hana, ma alanui Kaahumanu.

GEORGE P. KAMAUOHA.

He Loio a he Kokua ma ke Kanawai.

--A HA  MEA--

A N A  A I N A .

E loaa no ma Kohala Akau, Hawaii.

2001  1y

ENOCH JOHNSON,

(Enoka.)

He Loio a Kokua ma ke Kanawai,

Imua o ua Ahahookolokolo a pau o keia

Aupuni.

Luna Hooiaio Palapala Kope o ka

apana o Kona, mokupuni o Oahu.

    Keena hana me Mr. P  Numana, Helu 44 Alanui Kalepa.

2203 1y

 

W  R. KAKELA

LOIO A HE KOKUA MA KE KANWAI

Ho Luna Hooiaio Palapala.

tf

 

PACIFIC HARDWARE COMPANY

 

Na hope o Dilinahama Ma.

Mau Mea Kuai Lako Hao

Alanui       Papu       Honolulu

 

WILDER & CO. (WAILA MA.)

 Mea huai papa a me na lako huhulu hoi o na ano a pau, a me na ma n@ pono a pau a ho hala.

Kihi Alanu Moiwahine me Papu

 

JAMES M. MONSARRAT.

(MAUNAKEA.)

LOIO A HE KOKUA MA KE KANAWAI

He Luna Mooi@io Palapala.

  E hana ia no na Palapala Kuai. Palapala Hoolimalima, a me na palapala pili kanawai e ae na ka olelo Hawaii. Dala no ka hoaie ma ka moraki ma na waiwai paa.

  KEENA HANA: Hale Pohaku hou ma ka aoao ma Waikiki o ka Halewai, Alanui Kalepa.

 

WILLIAM C. ACHI.

  Loio a he Kokua ma ke kanawai imua o na Aha a pau o keia Aupuni

He Notari no ka Lehulehu a Boroka no na waiwai paa.

  Keena Oihana, Helu 36, Alanui Kalepa, Honolulu, Oahu.

2262 tf

 

HALEKUAI BIBI HONOLULU

(Hope o Wm. McCandles.)

HELU 6 ALNAUI MOIWAHINE. MAKEKE

MA ULAKO EO.

  Na Bibi momona, Hipa, P@aa me la, na laai ulu & co.

  O na kauoha a na ohana a me na moku mai houko koke ia ilo me ka eleu a me a hikiwawu.

  O na holoholona ola no na moku e hiki no he hooko koke ia.

     Telepone Welu 21@.         @18@-tf

 

HE KAAO

----NO----

HAPAIKALA-

Hapaikamahina

 

KA HUA OHIA NANI

I LOAA MA KA

Piko Mauna o Farani

 

Ka Ui nana i Kakele ke

Aupuni o ka Lihilihi

o na Manu.

 

I Kokua ia e HELUPAINA kona Pokii.

 

Unuhi ia e Moss Ma'u

  Pane mai la ke koa opio imua o kana aikane, pau hoi kou aho, hele ka hoi ia a nae iki.

  He pau mai auanei keia o ke aho a lohe mai i ke ao, kai no hoi. pii aku hei au a luna, a aohe i hiki pono aku, o ko'u ike koke aku la no ia i ua wahine nei a kaua, a o k'ou maule koke iho la no ia.

  A i ko'u paha ana ilalo, ua holo mai la oia a loini iho la ia'u, a i koo'u poha la ana ae, e ku ana kela, a o ko'u huli mai nei no ia holo hou i hope nei, a oia keia au e ike mai la i ka nui o kuu hanu.

  Ia wa i hene ae ai ka aka a ke koa opio i kona lohe ana i kela mau olelo a kana aikane, a i ka hoi pono ana ae o ko laua mau noonoo, pane mai la kana aikane.

  E kuu aikane, kuu haku hoi, ua kohu no oe me kela wahine.

  Pane aku la ke koa opio, pehea hoi e kohu ai me a'u, oiai, aohe ou maule mai imua o'u, nolaila, ke manao nei au aole au i like me kela wahine.

  No ke aha hoi,, ma ka'u koho o kou hoa ia e kohu ai ke kaunu ana.

  I ka lohe ana o ke koa opio i na ole lo a kana aikane, ua mino aka iho la oia.

  I ka pau ana o keia mau mea a pau, ua pane hou mai la no ke aikane a ke koa opio i ka i ana mai.

  E kuu aikane, e pono paha e hoouna ia na elele ma na wahi a pau o ka aina no ke kono ana aku i na makaainana e hele mai e ike i na malihini.

  Pane mai la ke koa opio, aia wale aku no ia i kou manao e ka moi.

  Mahope iho o ka laua mau kukai kamailio ana, ua hoi aku la laua no ko laua mau rumi hooluolu, o hooipo aku la i ka aina moeuhane o Niolopua.

  I ke kakahiaka o kekahi la ae, ua eleu koke ae la ke aikane a ke koa opio i ke ala ana a hele aku la a haawi aku la he palapala ma ka lima o kana puuku.

  I ka loaa ana aku o ka leka i ka puu ku ua heluhelu iho la oia i na manao a pau mai ka mua a ka hope, a oia kana i hooko aku ai i ke kauoha alii, ua hoo laha koke ae la oia ma na pipa alanui, a eike kakou e na poe heluhelu i na manao o loko o ua hoolaha la penei:

  "MA KE KAUOHA" a ke Lai ka Moi ka Hooilina o ke Kalaunu o Farani ia'u ka puuku o kona aloalii, e kono aku ia oukou a pau e na m@kaainana o ka aina, e akoakoa ae ma ka pa alii mamua ae o ke kani ana o ka hora 12 o keia la, owau no ka puuku o ke aloa ii o Farani."

  I ka ike ana o na mea a pau i keia hoolaha, ua hoomakaukau ae la lakou no ka hele ana aku no ko paalii malalo o ke kauoha a ka hoolaha ia lakou, a i ka makaukau ana ua hoomaka aku ia lakou e kai no ka paalii mai na hapauea a ka opiopio.

  A aohe i kani ae ka hora 11, ua piha kui ae la o loko o ka paalii i na makaainana, a ia wa i puka mai ka moi a pane mai la imua o e anaina:

  Imua o ouk@u e na makaainana ka poe hoi akoakoa mai oia ko'u manao m@a o oukou  E ike ana kakou i ka haku opio o kakou, a e lohe ana ka kou i kona manao a me kona leo, a hooki iho la ka moi i kana kamailio ana.

  He mau minute ia no ke pihoihoi o na mea a pau e ake ana e ike hou i ko lakou haku opio.

  Oiai na mea a pau e nune ana, ia wa no i ike ia aku ai ka manu nunu iawe lau oliwa e naue mai ana imua o na makaainana. a ia wa no hoi i poha mai ai ka leo o ka ohia hemolele i ka i ana mai.

  Ia oukou e na makaainana a me na alii o ka aina, eia wau imua o oukou i keia wa, i ko'u wa i hele ai iloko o ka lewa i ke anu a me ka make, ua halawai au me na enemi he nui a ua pau lakou i ka paapio ia'u, a e ike no oukou ma keia mua aku, ke pau ku@ mare ana.

  I ka pau ana ae o na olelo a ke koa opio ua hookuu ia ae la kela a me keia e hoi no ko lakou home.

  Mahope iho o ka hala ana o kekahi mau la, ua pai ia na kii o na mea e ma re aku ana a hoouna ia aku la ma kela a me keia aupuni, a ua lilo ia i mea e moe ole ai ka po o kekahi poe.

  I ka piha ana o na mahina ekolu, ia wa i kono ia aku ai na aupuni a pau e hele mai e ike i ka mare ana o ka hua ohia hemolele a me ka nani o ke aupuni lihilihi o na manu, a e ike hoi i ke ano o ka lanai kumu ole o ke aupuni o Farani, oiai aohe ona wahi e paa ai.

  O ke ano o keia lanai, ua hana ia ia me ke akamai loa e Hulupaina, o na laau a pau loa o ka home kuahiwi o lakou nei, oia na laau o keia lanai kumu ole a kakou e ike nei.

  I ka ike ana o na mea a pau i keia hoolaha a ke aupuni o Farani, ua liuli u a hoomakaukau ae la lakou i ko lakou mau opeope, a i ka makaukau ana, na hoomaka mai la lakou  hele no ke aupuni o Farani.

  A i ko lakou hiki ana mai i ke aupuni o Farani me ka welo ana o na hae kalaunu ma na keia o ko lakou moku. a oia ka aupuni o Farani i apo aku ai la lakou a hookipa mai la me ka hanohano nui ia lakou a hoolauna ia aku la lakou imua o ke koa opio.

  Pela lakou nei i noho ai a hiki i ka wa i kokoke mai ai o ka la e mare ai o na alii opio, a ua piha kui loa mai la ke aupuni o Farani i na lii a me na makaainana.

  I a hiki ana i ka la e mare ai, ua pihi kui ae la ke kulanakauhale i na mea noohanohano a me na mea hoohiwahiwa no ua alii opio, a e hiolo ana hoi na hae ma o a maanei o na pahu hae, a ua hoohiwahiwa pu ia hoi ka halealii me na kiohinohi o na ano a pau a ua lilo ua la nei he la kulaia nui no ke aupu ni o Farani, akahi no hoi la i ike ia ai ka piha maka kanaka o ke aupuni o Farani.

  Ma keia wahi e ka mea heluhelu e huli ae ai kaua a nana aku no na opio e hoonanea kamailio ana:

  Ia laua e nanea ana, ua huli ae la ka ui o ke aupuni lihilihi a pane aku la i kana ipo, ua makemake wau e hoohui ia ko'u aupuni me kou aupuni nei, no ka hele ana mai e ike i ko kaua mare ana.

  Pane aku la ke koa opio, aia wale aku no paha ia i kou manao.

  Iloko o keia manawa, ua kahea ae la ka ui o ke aupuni lihilihi i kona aupuni penei:

  Ia oe e ke aupuni o ka lihilihi o na manu kuo aupuni hoi, e ku ae oe a hele mai iloko o ka minute hookahi, a hooki iho la oia i kana mau kamailio ana.

  I ka lohe ana o ke kiai o ke aupuni o ua Meleliko nei, ua hoomakaukau koke ae la oia i na mea a pau a hoomaka mai la ua aupuni nei e nee me ka mama nui, a iloko o kekahi mau sekona pokole loa ua ike ia ae la ua aupuni nei e na mea a pau e nee iho ana ilalo.

  I ka ike ia ana ae o ua aupuni nei e na mea a pau. ua lilo ia he mea ano e no lakou, a ua ku maoli no hoi kekahi poe i ka makau, no ka mea akahi wale no lakou a ike i kekahi mea ano e e like me keia, a i ke kokoke loa ana iho akahi no lakou a hoomaopopo iho, eia ka he aina, a eia ka o ke aupuni ia o ka ui o ke aupuni lihilihi.

               (Aola i pau.)

Gaberiela Lenoa

----O KA----

Puali  Kahiko  Imeperiela

o Farani.

 

Koa Opio iloko o na

Ulia o ka Laki.

 

Kukala Kaua a Perusia

no kekahi Wahine.

 

He Moolelo no ke Au-Weliweli

Nui o Europa.

 

KE NOI A KE KEIKIALII POIESAMA

O PERUSIA.

 

  Mamua o ke komo loa ana aku o kela mau poe ekolu iloko o ka rumi nui o ka halealii o Diana, ua alawa mai la ihope kela lede ukali o ka Emeperesa Iosepine, a he awihi ana a kona maka kana i hoike mai ia Gaberiela i koaa lihi hoihoi ole i kela keonimana e la le pa la mawaena o laua, a mai ia @ante aku, ua kuni paa ia iho la na h@l@lia o ke kuko iloko o ka puuwai o kahi I a kiai,--e hoomanao mau i ua lede wahine ua la, me hiu a wela, a e lawe @ a lilo.

  "O ka Emepera Napoliona iloko o kona mau la opio mua," wahi a Gaberiela i puana ae ai iaia iho, me ka hoike ana i ke kulana pii o ko ke kanaka kaulana iloko o ka hanohano a me ka laki. "He wahi lutanela wale no oia no ka puali pukaa manua o kona hoomaka ana e kaulana a kau i ke kulana Moi. Pela no hoi o Muraka, he wahi keiki palaki lio wale iho no oia mamua o kona lilo ana i Ilamuku no ke kahua kaua; a pehea ana la ko'u kulana?" wahi a Gaberiela i ninau iho ai iaia iho. "I Konela ! Aole i lawa ia kulana no'u e kaili ai i ka puuwai o kela lede a hiki i ko'u kau ana i ke Kenerala, a e lilo paha i kauna no ke aloalii. A o ka'u mau kuko ana e hooko ia, e lilo kela lede i kauna wahine ma kuu aoao."

  O keia na kuko ana a Gaberiela i hoike mua ae ai, me na haupu i loaa mua ole i ka Emepera ma kela halawai ana a laua, a pii loa aku ana kahi koa kiai ana i hookiekie ae ai ma ke kulana oi loa ae me ka hiki ole iaia ke aua iho i ka hoohanohano aku iaia ma ka oihana a me ke kaili ana i kela lede ukali waipahe o kana Emeperesa Iosepine

  I ka wa a na poe ekolu i koma aku la iloko o ka rumi nui, ua hiki no i ke koa kiai ke ike lihi aku ia lakou maluna o na noho, a o ka lakou mea nae e kamailio ana, aole e hiki ia Gaberiela ke lohe maopopo loa aku, koe wale iho no kekahi mau olelo a ke keikialii, me he mea la, e noi ana oia i kekahi mea i ka Emeperesa Iosepine e ae mai i kona makemake.

  He mau minute pokole wale no ia a lakou e hamumu ana, ua lohe aku la keia i kekahi mau huaolelo moakaka i puka ae mai ka Emeperesa Iosepine aku penei:

  "He mea makehewa wale no kau mau noi ana mai e ke keikialu, oiai aole e hooko like ia e olua iloko o ka hauoli."

  Haupu koke ae la iloko o Gaberiela i kela wa, he noi paha keia a ke keikialii i kela kaikamahine opio e lilo i wahine nana, e like hoi me kela olelo ha uoli a Iosepine i pane mai la, aole laua e hooko like i ka hauoli o kekahi manao nui.

  Ua lilo iho la ela manawa i ke koa kiai, i mea waiwai loa e lohe hou aku i ka hopena o ka lakou mau kamailio, aka, ua hoopokol koke ia ko ianei lohe hou ana aku mamuli o ka pane ana ae o ke keikialii---

  "Ua manao au, e ka Emeperesa, aole ne mea ano nui e kue ana ia oe iho e ka Madame, ka ae wale ana aku i keia koa kiai mawaho e lohe i ka kakou mau kamailio?"

  He wahi kunou wale no ka Iosepine i haawi mai, a oia ka wa a ua keikialii la i ku ae ai iluna a hele mai la e pani i ka ipaka, oia ka Iosepine i pane ae ai i kona lede ukali--

"E Ineza, kuu opio hoohanohano. e oluolu oe e hele aku no ka halealii a lawe mai i kuu wahi omole waiala e waiho la iluna o ka papakaukau."

  Ua ku koke ae la ua wahine opio la ilana a kunou aku la i kona Haku Emeperesa, puka mai la iwaho a kaalo ae la mamua o ke koa kiai.

  Ua haawi mai la oia i ka nana pololei ana ia Gaberiela. a ua haawi aku la hoi keia i ke aloha pahikaua mamua o kona umauma, me he mea la, ua loaa ia oia i ka mai haalulu malalo o kona mau kapuai wawae kahi ana e ku la i kela manawa.

  Hala aku la ka wahine opio maloko o na lala laau o ka malapua, a ma ke kihi alanui e kee ana no ka halealii, huli ae la oia ma ia kihi me ka alawa hou ana mai ihope i ke kulana o ke koa kiai, aia hoi, ua hoohui hou ia no ko laua mau helehelena e nana like ana i ka wa hookahi o kekahi me kekahi.

                (Aole i pau.)

 

LA HAPENUIA MA KAWAIHAE.

 

E ka Nupepa KUOKOA,  Aloha oe:--

  Ma ka la mua o keia makahiki ua malamaia he anaina nui nona ka huina i hiki aku i ka elua haneri kanaka ma Kawaihae nei ke huipu ia na makua a me na keiki, no ka hoomanao ana i ko ke Akua lokomaikai nui i ka haawi ana mai ia kakou. Nolaila, ua weheia he papaaina nani a luuluu i na wehi o ka waokele, me na mea ai like ole e ko'u ai ka puu i ka wai a ka naulu, a malalo o ka hookele ana a ko makou hope makai nui James Bright, maloko o kekahi hale hana moku o W. Hookuanui a ua hoonaniia kela hale a he ku maoli no ka hiehie.

  Mamua o ka hiki aku i ka hora 12 o ke awakea, ua hookaniia na pu he 21. e hoike ana i ka welina aloha no kela makahiki i hala, a no ka makahiki hou ka heluna, a ma ka hora 12:30 p. m., akoakoa na  kanaka ma ka papaaina.

  Ku mai o James Bright a hoakaka no na mea pili i ka la a me na oleloao loea a naauao mai iaia mai no ke au i hala, a he pono e huli ke alo imua iloko o keia makahiki 1890. "Oiai aole e hiki ia'u," wahi ana, "ke hapai i keia hana nui ke ole oukou e kokua lokahi mai;" mahalo nui ia. Pela pu mai no hoi o W. Hookuanui, e pahola ana me na haawina o ka mahalo no ka la a me ko ke Akua kokua ana mai a loaa keia makahiki hou. Kono ia ke anaina e mele i ka himeni 598. E ke Alii Mana mau: pau ia pule o W. Hookuanui a ia wa hoomaka aku la e ai.

  Ma ka hora 3:30 p. m., wheia he mau hana lealea, oia hoi keia:

  Akahi--Ka heihei kukini no na keiki liilii he elima makahiki, a ua eo ia Albert Purdy me ka makana pu iaia.

  Alua--Ka heihei kukini no elua kanaka makua nunui memona; eo ia J Kanehaku a me ka makana pu iaia.

  Akolu--Ka heihei kaa huila-kahi no ekolu mau kanaka ma kua i paniia na a pouli; eo i ke kaa o K. Pai a lilo pu ka ma kana iaia.

  Aha--Ka heihei lio, a ua eo i ka lio o C. M. Pai me ka makana.

  Alima--Ka heihei o na waapa hoe, a ua eo i ko S. Kapela waapa me ka makana pu.

  Aono--Ka heihei elua hou ana o na waapa, a lilo hou no ka co i ka waap@ nana ke eo ma ka heihei Alima.

  Pau na hana lealea o ke ao, a ma ka po ua weheia he anaina aha mele i ka hora 7 p. m.; ua piha hou e like me ko ke ao, a he hui himeni me ia po oia ke Kai Hawanawana, Rain Kipuupuu, Rain Naulu a me Tonado Club. Ma ka nana a ha-lo ana a kou mea kakau, he nani na mele a keia mau hui ma ka nanabe a me ke kuokuolo, a o ke Kai Hawanawana ka oi malalo o na ume palanehe ana a Miss Eliza K. Palama i na kaula o kana gita, a me G. S. K. Kaulahea pu me kana @iolaume. A o ka hui himeni o Waimea, he naini no; pela ka rain Naulu a Meheula Eagle, he nanahe noi o ka hui Tonado hoi he hoomakeaka ka lakou.

  He mau haiolelo mahope iho na T. K. Bipi. C. Pat a me Thomas Nakanelua. O ke ano nui o ia mau haiolelo, e pili ana i ka makahiki hou, a e pono e hoomaikai nui aku i ke Akua i lanakila ai a loaa he makaniki hou aku.

  Na Hookuanui i hoakaka mai i ke kulana o keia aupuni i ke au i hala aku a hiki i keia wai e ao ana e koho i ka mea kupono a hana pono e hele aku i ka ahaolelo i keia makahiki. A o ka panina o na haiolelo ia Jas. Bright. a hookuuia ke anaina ma ka hora 10 o ia po.

  Mahalo kou mea kakau aole i ikea he poe ona kekahi ia gini ma me wiseke ma; maluhia ka la makahiki hou iloko o ka nui o na kanaka. Ke haawi nei au i ke aloha Hapenuia i ke Kuokoa a me kou mau paahana, oiai ke mau nei no ka makamaka hou o ka Hapenuia. 

                Thos. Nakanelua.

 

NA ANOAI O KOOLAU, MAUI

 

  Ma ka la i o keia mahine ua malama ia he ekolu mau lanai ahaaina ma Wailuanui no ka hoomanao ana i ka la mua o keia makahiki, e na hui wahine limahana ekolu malalo o na loaa ponoi a ko lakou mau lima i hana ai a hoopulapula ai hoi iloko o na mahina o ka makahiki i kaa hope aku la, a hiki mai i ka la i haiia maluna, ua ikeia ka hua o ka lakou hana. A no lakou na inoa pakahi i kapaia penei:

  1 Ka hui piwai a na kamalii.

  2 Ka hui Akala.

  3 Ka hui Kuiki.

  I ke kupono ana o ka manawa i ka lolo, ua hoomaka ke kai huakai ana ma o ke alakai ana o ka ohe a me ka pahu. Ua kahikoia na wahine me na ano kapa like ole ekolu. Ka mua, he keokeo me na lipine e welo ana i ke ahe lau makani: ka lua, he akala, a o ke kolu he huluhpa. I ka nana aku ua kinikohu no.

  I ka hiki ana i ka papaaina mua, ua noho iho kela a me keia e hoopiha i ka lua o ka inaina, a ua ai a lawa i na na mea i hoolakoia. A mawaho ae o keia ua ikeia he mau ao omamalu o na wai hoomalule kino kai okuku ae a emi iho la; ua ikei pu ia aku ua kalae na lani a ahuwale na pae opua, a he la malie keia. Ua hoomaha ke anaina no hookahi hora, alaila nee aku la no ka lua o ka papaaina. I ka hiki ana ua ai pakiko kela a me keia i na momona o ia papaaina, a he hapalua hora paha mahope iho, ua haalele iho la no ka papaaina ekolu a he like no me ko ka mua.

  Mahope o keia he lulu dala na ka hui Akala no ke kokua ana i ka mahi na hou, a ua loaa na dala elua. O kekahi keia o na hua o ka lakou hana.

  A ke puana ae nei au, o ka hui Aka la ka oi o na hana i lawelaweia ma ia la, a na ka Haku e hoomau aku i ka oukou hana maikai. Nolaila, e na hui wahine i koe o na pali hauliuli o Koolau, e hoomanao i keia i like oukou ma na hana maikai a pau. A o kakou pu.

                 K. K Makaena.

 

Hoolaha Hooko Moraki.

 

  Mamula o kekahi mana kuai i hoike ia ma loko o kekahi palapala moraki i hana ia ma waena o S P Kamakea Hana w., a me Honolulu kana kane mare o Honolulu, Oahu. o ka aoao mua, a me J L Blai@iell@ Jr, @ o Kohala, Hawaii. o ka aoao elua, ma ka la 20  o Apr. 188@, i kakau kope ia ma @a hoke 79 aoao 466, a mamuli o kauhai ia ana o na kumu aelike o kela moraki, oia hoi, no ka hookaa ole 12 o ka ukupanee. nolaila ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

  A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas F Morgan. ma Honolulu, ma ka la

27 o Ianuari, 1890,

hora 12 o ia la,

  Aia ma kahi o W R Kahela na olelo hoakaka no keia mea.

  Hanaia i keia la 31 o Dekemaba, 1889.

               J L BLAISDELL,

                 Mea Moraki mai.

  Penei na aina i moraki ia:

  1--O kela Iliaina ma Kup@a, Honomakau, oia hoi o Kahekaopuehu, i ona ia e Kamaiea a me Hana w., oia hoi kekahi apana o kela aina i hoike ia ma ka Palapala Sila Nui 745 ia Kaikuahine a i hoolilo  ia aku ia lakou ma ka palapala o ke Kaleana i olelo ia, i hanaia ma ka la 1 o Ialui. 1881 a i kope ia ma ka buke 70 aoao 65.

  2--I eka ma Haeka, Kapua, i hookeia ma ka Palapala Sila Nui a i hoolilo ia aku i ka poe moraki i oleloia ma ka palapala i hoike ia maluna

  3--O kela mau apana aina a pau e waiho la ma Kikala, Hilo, Hawaii, a i hoike o ha ia malako o ka palapala a Kaeka ia Peteio, makuakane o na poe moraki i oleloia, i hana ia ma ka la 16 o Iune, 1854. a i kope ia ma ka bake 64 aoao 36 a oia ka hapalua o ka aina i hoike ia ma ka Palapala Sila Nui 7,445 L, C. A. 4578 nona ka ili o 1 27-100 eka oi aku a emi mai paha.

  4--O keia mau apana aina a p! loa e waiho la ma Laweahoehoe, Hilo, Mokupuni o Hawaii, a i hoike piha ia maloko o ka palapala Sila Nui  @ L. C. A mona ka ih o 4 65-100 eka a i hooliloia aku ia Hana ma ka palapala a Kaui ei ai ma ka la 2 o Iulai 1881, a i kope ia ma ka buke 70 aoao 64.

  5--He kaa lawe ukana o Samuel P Kamakea, a i ike ia ma ka helu--a me elua lio.

2266 4t

 

Olelo Hoolaha

----NO KA----

Lawe i na Aina.

 

I na Poe a Pau e Nana mai

ana i keia:                     

  Ke hoolaha ia aku nei ma keia, ma muli o kekahi mana o ka Palapala Hoohui o ka Hui Alahao me Aina o Oahu, a me ke Kanawai i apono ia ma ka la 11 o Sepetemaba, 1888, "He Kanawai e Haawi ana i ka Mana a e Hooholo mua ana i ke Kukulu ana i na Alanui Kaamahu ma ka mokupuni o Oahu," a me na mana e ae i loaa malalo o keia, nolaila, e hooko ia aku ana ka hana ma ka lawe ana i na aina ma kahi o ke alahao e hoomoe ia nei, no lakou ua mau aina la malalo iho nei

  1  O kela wahi ma ka aoao akau o ke awa o Honolulu i ona ia e ka Aupuni Hawaii, a i hoikeia kona mau palena Pepea.

  E hoomaka ana mai waenakonu aku @ka pou hoailona. i hoailonaia ma ke kihi h@k@ hema o ka Palapala Sila Nui 1879 1/2 W  S  Se@; mai laila aku holo ma ke ana pololei @ 71 39 Hik, 471 kapuai ma ka Palapala Sila Nui 1879 1/2; mai laila aku Hem 18 21 Hik 100 kapuai; mai laila aku Hem 74 40 Kom 494 kapuai. Hem 45 00 Kom 204 kapuai  mai laila aku Ak 11 50 Kom 100 kapua@ aku a emi mai paha a hiki i ka palena o ke kai lawaia o Kohalaloa ma kahi o @ kapua@ ka hohonu i ka wa kai mau; mai laila aku hola akau @hikina ma ka laina i oleloia o 5 kapu @ ka hohonu a hiki i kona oki like ana me ka laina i oleloia ma ka aoao makai i hoike ia maloko o ka Palapala Sila Nui 1879 1/2: a mai laila aku holo palolei a hiki i kahi i hoomaka mai ai, nona ka il@ o 1 3-10 eka oi aku a emi mai paha.

  2  O kela wahi i hooliloia ma ka Palapala Sila Nui Helu 1879 1/2 i ona ie@ e Mrs. E. S. Youmans a i hoikeia penei:

  E hoomaka ana ma ke kihi komohana loa o ka Palapala Sila Nui 1879 1/2, a mai laila @ku holo ma ka palena o ka Palapala Sila Nui 1879 1/2, Kom 34 degrees 20 Hik 471 kapuai a hiki i kekahi kia hoailona: mai laila aku akau 59 kapuai e holo ana ma Akaukukui a hiki i ke kahi kia hoailona, alaila, haalele i ka palena i oleloia Ak 3 degrees 30 Kom  418 kapuai, a mai laila aku Ak 31 degrees 30 Hik 600 kapuai; mai @ai la aku holo ma ka palena i oleloia Hem 5 degrees 00' Kom 1240 kapuai a hiki i kahi i hoamaka mai ai, a nona ka ili o 6 9 10 eka. A pela no hoi, e hoomaka ana ma kekahi kiko ma ka laina hema o ke Alanui o Kawa a me palena komohana o ke Grant 1303; mai laila aku holo ma ka palena i oleloia Hem 25 degrees 21 Kom @8 kapuai; mai laila aku Hem 85 degrees 15 Kom 45 kapuai ahiki i ka palena komohana o ka Pala pala Sila Nui 1879 1/2; 2 mai laila aku holo ma ka palena 1 oleloia Ak 50 degrees Hi@ 70 kap@ hiki i kekahi kia hoailona, a mai laila @ holo ma ia palena Ak 23 degrees 45' Hik 345 kapuai a hiki i ka laina hema o ke alanui o Kawa; a mai laila aku e hooma@ ana ka holo ana ma ka laina hema i oleloia Hem 65 degrees Hik 26 kapuai a hiki i kahi i hoomaka mai ai, a nona ka ili o 18 100 eka

  3--O kela wahi i hoikeia maloko o ka L. C. A. Helu 153 i ona ia e W. Sumner, a i hoikeia penei :

  E hoomaka ana ma ke kihi hema loa @ka Palapala Sila Nui 1879 1/2, a ma: lana aku Ak 34 degrees 30' Kom 388 kapuai; a mai laila aku Ak 31 degreesp 30 Kom 304 kapuai a hiki i ke ko@ ko mohana loa o ka Palapala Sila Nui 7793; a mai laila aku Hem 11 degrees 50' Hik 760 ka, a@ iki aku a emi mai paha, a hiki i ka la @a @5 kapuai ka hohonu o ke kai i ka wa kai mau; @ mai laila aku holo ma ka laina poleloia o 5 ka puai ka hohonu akau hiaina a hiki i kahi i h@ omaka mai ai, nona ka ili o 1 9-10 eka.

  4--O k@ la wahi a hoikeia maloko o ka Palapala Sila Nui Helu 7793 e paa ia nei e na Ka hu Malama Waiwai malaio o ka Palapala Kau oha a Mrs B. P. Bishop, a i hoolimalima @ ke kai lawaia ia T. Heu, a i hoik@ia penei

  E hoomaka ana ma ke ki@ hikina hema ka Loko I'a o Kawa, a mai laila aku holo ma ka aoao mawaho o ka pa loko Ak 23 @ 30 Hik 232 kapuai; a mai laila aku Ak 8 @ 00 Hik 125 kapuai; a mai laila aku haalele i ka pa @ ko Ak 20 degrees 50' Hik 64 kapuai a hik. @ ke ala nui o Kawa; a mai laila aku holo ma ka aoao hema o ke alanui Ak 65 degrees 00 Kom 153 kapuai; a mai laila aku holo ma kekahi pu pohaka Hem 15 degrees 00' Kom 19@ kapuai, mai la@a Hem 32 degrees 00' K@m @00 kapuai a h@i ma k@ aoao hema mawaho o ka pa loko o @a Loko I'a o Kawa; mai laila aku Ak 84 degrees @ Kom holo ma ka aoao mawaho o ka p@ loko a hiki i ka hoailona o ke kai piha; mai laila aku holo ma ia hoailona komohana hema a hiki i ka p@ lena hikina o ka L.C.A. 153 @a W. Sumner; mai laila aku holo ma ka L.C.A. 153 Hem 19 degrees 30' Kom 655 kapuai; mai laila aku Hem 31 degrees 30' Hik 304 kapuai ahiki i ke kihi komohana o ka Palapala Sila Nui 1879 1/2; mai ka Paia pala Sila Nui 1879 1/2 Ak 50 degrees 00 Hik 1335 ka pua@. mai laila aku Ak 24 degrees 15' Hik 27 kapuai a hiki i kahi i hoomaka mai a@, nona ka ili o 51 eka.

  5 O kela wahi i hoikeia maloko o ka L.C.A. 6236 i ooa ia e ka Hui Alahao o Oahu a me Aina i hoike ia penei

  E hoomaka ana ma ke hiki hikina hema o ka Loko I'a o Kawa, mai laila aku holo ma ka aoao mawaho o ka pa loko, mai laiia aku Ak 23 degrees @ Hik 232 kapuai. mai laila aku Ak 8 degrees Hik 125 kapuai, mai laila aku Ak 20 degrees 30 Hik  64 kapuai a hiki i ke alanui o Kawa mai laila aku holo ma ka aoao hema o k@ ala nui o Kawa Hem 65 degrees 00' Him 81 kapuai a hiki i ka palena o ka I'alapala Sila Nui 1879 1/2 Hem 23 degrees 45' Kom 345 kapuai a hiki i kekahi kia hooilona, mai laila aku Hem 50 degrees 00' Kom 120 kapuai, mai laila aku holo, ma ka Palapala Sila Nui 7793 Ak 24 degrees 15' Hik 27 kapuai a hiki i kahi i hoomaka mai ai, nona ka ili o 6 10 eka, a me kela mau wahi a pau o ka L.C.A. Helu 6236 e waiho la ma ka hema o ke Alanui o Kawa, a mawaena o ka Palapala Sila Nui 1879 1/2 a me ka Palapala Sila Nui 7793.

  6--O kelawahi i hoikeia ma ke Grant 1303 i ona ia e ke Aupuni Hawaii, a i hoikeia penei:

  E hoomaka ana ma kekahi hoailona ma ka laina me ka palena akau o ka uwapo o ke a'a nei Moi a me 15 kapuai makai o ke kihi akau komohana o na alanui la, a mai laila Ak 1 degree 18' Hik 327 kapuai e holo ana ma ka la na komohana o alanui Moi, a mai laila aku Ak 39 degrees 30' Kom 13 kapuai e holo ana ma ka laina hema o ke alanui o Kawa, mai laila aku Hem 25 degrees 21' Kom 388 kapuai e holo ana ma ka Palapala Sila Nui 1879 1/2, mai laila aku Ak 85 degrees 15' Hik 167 5-10 kapuai a hiki i kahi i hoomaka mai ai, nona ka ili o 67-100 eka.

               W. G. ASHLEY, Kakauolelo

                 Hui Alahao Oahu me Aina.

2264-41