Ka Nupepa Kuokoa, Volume XXIX, Number 1, 4 January 1890 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA

 

NO KA MAKAHIKI----2.00

NO EONO MAHINA----1.00

 

KUIKE KA RULA

 

Poaono, Ianuari 4, 1890.

 

Haawina Kula Sabati

 

HAPAHA MUA.

 

HAAWINA IV, Ianuari 26, 1890.

 

Ka hauoli no ke keiki Iesu. Lu. 2:8 20

 

PAUKU GULA

            E hoonani ia ke Akua ma na lani kiekie loa, a he malu hoi ma ka  honua, he aloha no i kanaka, Lu. 2:14.

 

MANAO NUI.

            O ka hiki ana mai o Iesu he hoike maopopo o ko ke Akua aloha i kanaka.

 

NA HELUHELU LA.

Poakahi. . . . .Lu 2:1-20

Poalua. . . . .Heb 1:1-14

Poakolu. . . . . Io 1:1-18

Poaha. . . . . Mat 2:1-12

Poalima. . . . . Io 3:1-17

Poaono. . . . .Hal 2:1-12

Sabati. . . . . . Is 11:1-10

 

            Mahea ka home o Maria ka makuahine o Iesu?  No ke aha kona hele ana i Betelehema?

            I Ka hanau ana o Iesu ka Mesia

            Mahea ka hanau ia ana o Iesu?  Ehia makahiki mai kona hanau ia ana a hiki i keia wa?  Mahea oia mamua o kona hele ana mai o keia ao?  Io 1:1-3, 14  Heb 1:1-3.  Heaha ke kumu o kona lilo ana i kanaka?  Ep. 2:4 Gal 2:20.

            II- Ka hoike ana o na anela i ke Iesu hanau ana 8---12.

            Ia wai ka hoike mua ana i ko Iesu hanau ana?  Ia wai?  E aha ana na kahu hipa ia wa?  Launa mai no o Iesu me kakou, oiai e lawelawe ana i na hana o kakou?  Pehea ka hoike ia ana i ko Iesu hanau ia ana i kekahi poe?  Mat 2:1-11.  Heaha ka hoailona a na anela i haawi ai?  Owai na inoa ekolu o Iesu i hai ia maanei? p11.  No ke aha ka hauoli nui ana o na anela i ka hanau ia ana o Iesu? @@ 15:7,10.  Ep. 3:10,11.  Ina he manao nui lakou i ke ola o kakou, aole anei he mea pono e noonoo nui kakou ma ia mea, a imi i ke ola no kakou a no hai?

            III---Ke mele a na anela 13, 14.

            Owai kai mele pu me anela?  He aha ka lakou olelo?  I ke Akua anei ka hoolea ana no keia pono nui?  Heaha ka pomaikai a Iesu i lawe mai no ke ao nei?  Ma ke aha i iki ia ai ko Iesu aloha i kanaka?  Io. 3:16.  He mea anei ia e lana ai ka manao ina ua kau mai na pilikia?  Rom 8:32.

            IV--- Ka imi ana a loaa ka Mesia 15-20

            Ua aha na kahu hipa?  Aia a lohe kakou no Iesu, aole anei he pono e imi koke aku, @ no paha e loaa ana?  Ua kali anei na kahu hipa, ua hele koke aku paha?  Ua lawa anei ka lohe wale ana i ka ke Akua olelo?  Aole anei e huli kela me keia nona iho i ike ia ka oiaio?  Pehea i maopopo ai i na kahu hipa? p. 16, 12.

            Hoolaha anei na kahu hipa i ka nu maikai?  Pehea hoi o Maria?  Aole anei he pono e noonoo ma keia mau pono, a e hoolaha pu aku i lohe na mea a pau?  Ua aha na kahu hipa i ka hoi ana?

 

            I--Aole mea e ae ma ka moolelo o ke ao nei, e like me ka hiki ana mai o Iesu.

            II--O na pomaikai nui, ua hiki mai ia kakou ma ka lawelawe ana i na hana mau.

            III--Ua like na kanaka a pau imua o ke Akua, ina he alii, a ina he makaainana, na kahu hipa a me na kanaka naauao.

            IV--He weliweli ka hewa, he mea nui ka hewa a nolaila i hauoli ai na anela i ka hoea ana mai o ka Mesia ka Hoola.

            V--E hoolaha i ke ola i kanaka a pau loa.

            VI--Ua ike loa ia ko ke Akua aloha i kanaka ma ka hiki ana mai o Iesu i hoola.

            VII--Ua lave mai o Iesu i ka malu i ke ao nei, ke aloha mawaena o ke kanaka a me ke Akua, a mawaena o kanaka he hauoli iloko o ka naau.

            VIII-E noonoo e like me Maria, a e hoolaha aku i ka nu maikai e like me na kahuhipa.

            IX--E lawelawe i na hana me ke aloha a me ka hoomaikai.

 

Na Ekalesia.

            Malalo o keia poo, e hoopuka mau aku ai makou i ka moolelo e pili ana i ina Ekalesia a puni ka Pae Aina.  E kakau ma na mea ano nui, a e hoopuka ia aku no.

 

NA KUMUHANA

O KA

HEBEDOMA HAIPULE 1890.

            Sabati, Ianuari 5.  Kumuhana o na Haiao.--Ka Ekalesia o Kristo.

            Poakahi, Ianuari 6. Ka mihi ana i na hala me ka pule.

            Poalua, Ianuari 7.  Ka lahui kanaka a me na alii.

            Poakolu, Ianuari 8.  Ka hanauna hou.

            Poaha, Ianuari 9.  Na Iudaio a me na lahui hoole Kristo.

            Poalima, Ianuari 10.  Na lahui hoomana kii.

            Poaono, Ianuari 11.  Ka hoomaikai ana.

            Sabati, Ianuari 12.  Kumuhana o na Haiao.--Ka nani e hiki mai ana.

 

UA HOI AKU NO KA EKALESIA O KEALAKEKUA.

E ke kuokoa; Aione oe:

            Ma ke Sabati la 3 o Novemaba nei ua hoi mai o Miss Eila J D Parisa me makou, o kekahi hoahanau ikaika loa keia iloko o ka Haku Iesu Kristo, ma ka ekalesia o Kona waena e alakai ana ma kona ano kumukula no na opio wahine a alakai himeni hoi no ia ekalesia.

            E like no me ia kulana ona, pela no keia, he kumukula Sabati oia no na opio wahine.

            Ma ke Sabati la 29 o Dekemaba nei ua koho ia na luna nui no ke kula Sabati o Kealakekua, e like me ko lakou kumukanawai, a ua koho ia na luna nui penei.

            Z. P. K., kabukula Sabati, J Kaelemakule hope kahukula Sabati, kakauolelo o ka ekalesia puuku o ka ekalesia.

            Olelo hooholo, hooholoia.  Na ke komite i koho ia Ella J D Parisa e kauoha aku i mau nupepa Kuokoa no ke kula Sabati i ka makua H. H. Pareka a i mau buke ui kamalii a me ona bele no ke kula Sabati.

            Z. P. K. Hapaokekalaunu.  Napoopoo, Dekemaba 30, 1889.

 

Hoole Waiona.

[Na ka Ahahui W. C. T. U.]

            Ma kaleleonalani, oia hoi o "Ema Hale" ma Honolulu.

            He halawai i kela me keia Poalima hora 7:30 o ke ahiahi.

            He halawai Hoole Waiona, o ka Ahahui o ka Lipine Bola o Honolulu.

            Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule.  Pela no me na malihini mai na mokupuni e mai, e komo, a hui me makou ma keia hana kuonoono, "No ke AKUA a me ka HOME, a me ka AINA HANAU." II.

 

HOOLAHA KUMAU.

            I ka Poaha auwina la, ma ka hora 2 e hiki ana o Miss Mary E. Green, a me Miss Helen J. Judd ma Hale Ema e malama i ka Ahahui Hoole Waiona i kapa ia "KA BANA O KA MANAOLA, NA," iwaena o na keiki o ke kulanakauhale o Honolulu nei.  Ke kono ia aku nei na keiki o ka aina makua, a me na keiki o na aina e, e hele mai.  E malama ia ana he wahi paina meaono me ka inu ti a me ka haukilima, ma ka Poaha hope o ka mahina.

 

HE MOOLELO NO KE KEIKI

            I OI MA KA MAIKAI MAMUA O NA MOOLELO A PAU A'U I LOHE AI, PELA KA HOIKE A KEKAHI LOIO.

            O Mr Aledena oia kekahi haku kalepa nona kekahi halekuai nui ma ke kulanakauhale o Piledelepia, me Amerika Huipuia, a eia ka moolelo ana i hoike ai:

            "He nui na opio ka poʻe i noho paahana me makou, e ao ana i ka hana, a eia hoi kahi mea a oukou e kahaha ai, aole e lawe makou i na kuaaina, ke ole i noho lakou me ke kulanakauhale me kekahi hoa pilikino i mea kupono ma ka hookipa a me ka malama ana ia lakou ma ka hale i ka po ana o ka la; no ka mea, i ka wa e hele mai ai ke keiki mai kahi kuaaina mai, ua nuhou na mea a pau a ua paa kona mau maka maluna o na mea nani a pau ana i ike ai o na ano a pau loa.  O ke keiki i maa i keia mau mea, aole oia i mana, malaila, a ma he makuahine pono kona alaila e loaa ana ke keiki ma ka hale, a ma kona moe i ka wa kupono.  He akahele loa makou me ko makou mau keiki, nolaila, mamua o ka ae ana e komo pu lakou me makou, o ka ninau mua keia, he keiki anei oia na na ma kua hoopono a malama manawa?  O ke keiki io loa ma ka maikai, eia oia me makou, a he lala oia o ko makou hui kalepa.  Oia ka mea hookahi a makou i ae ole ai e hele.  He 13 ona makahiki i ka wa i komo mai ai oia e ao me makou, a he 11 ona mau makahiki i noho ai ma ke ano kupakako, i ka wa i komo mai oia me makou, ua hoike ia aku iaia no ka uku haahaa loa oia kona loaa no ka wa loihi, alaila, ina e ike ia he keiki pono, e hookiekie ia no kona uku paa o ka makahiki.

            Mau kona hooikaika ana, hiki mau mai oia i kakahiakanui, ina ua hoopaa ia ma ka hana ma ke ahiahi mahope o ka manawa, aole oia e ohumu iki, a mahope ua ike ia i kahi e waiho ai na mea a pau o ka hui, a ina e ninau aku koke iaia a loaa no, o na hale a pau a me na wahi a pau o ia hui, ua like ia me ka palapala aina iloko o kona poo, ua helu pono ia ia mau mea a pau.

            Ua ike pono oia i ka inoa o kela me keia mea, i hele mai i ka halekuai, a i kona wahi e noho ai.

            I aku la wau iaia i na manawa he nui, e Jones, ua oi ka waiwai o kou mana hoomua o ka lua eli gula,

            Pehea la i hiki ai ia oe e hoomanao peia?

            "O ka'u hana no hoi ia,"  wahi ana i pane mai ai.

            "Ua ike au i keia, ma e hiki au e hoomanao i ke kanaka, a i kapa aku iaia ma kona inoa, i kona komo ana i ka halekuai, a e ninau aku iaia no na mea hou ma kahi ana i noho ai, alaila, e lilo ana paha oia i mea kuai mau, he oiaio ua lilo na mea kuai he mau makamaka nona, ua like kona aloha ia lakou me kona aloha i ka halekuai.

            A pela oia i hooikaika mau ai no ia makahiki he 11, alaila, ua hooholo ia i waena o makou e hoolilo ia oia i hoahana me makou.

            Ua akaka ia makou keia, he opio ia i uhauha ole i ka waiwai, aole ia i lawe i ka boka, ka bia, aole oia i hele i ke keaka, mai kinohi mai kona uku i ka makuahine i elua dala o ka pule no kona ai, a ua mau ke ano maemae o kona aahu i na la a pau.

            I ko makou koho wale ana, ua malama paha ia i hookahi a elua paha tausani dala.

            Nolaila, i ka wa a makou i hoike aku ai i ko makou manao imua ona, e lilo oia i hoa ma ko makou hana, me ka i ana aku imua ona, e hookomo pu oia i kekahi mau kala no loko o ka hui a oia kana i pane mai ai:

            "Ina he kupono i umi tausani dala, hiki no au no loko mai o ka uku maka hiki o'u, ua malama wau he 9400 dala a ua ae mai kuu kaikuahine ia'u, i 600 dala.

            Hai aku au ia oukou, ua nui kuu haohao a me ke kahaha i ka lohe ana ia mea, eia ka, ua hiki oia e hookomo i umi tausani dala, a o ka hapanui nona ponoi no.

            Aole oia i lawe i hookahi dala paha, i hapaha paha no na mea lapuwale, owau he kana i hilinai i ka Baibala a ua hoopaa au i mau palapala hoolaha ma na paia o ka halekuai.

            "O ka mea i malama pono i ka mea uuku, aia ka malama pono i ka mea nui" a eia hou "Ua ike anei oe i ke kanaka miki ma kana hana?  e ku no oia imua o na alii, aole oia e ku imua o ka poe naaupo."

            Oia ka puka pono ana o Frank Jones ka hooko ana o keia mau kumu manao elua, ua malama pono oia i na mea uuku, a ua malama i na mea nui, ua miki oia ma ka hana, e ko mau ana ke keiki o ia ano, wahi a Mr. Alden.

            E ku kokoke ana he pokii nona na makahiki he umi, ua lohe pololei ia i no olelo me na maka iini, me na pepeiao hoolohe a pane mai la:

            "Aole he mau alii ma keia aina e ku imua."

            "Alii no" wahi a Mr. Alden me ka akaaka; ua oi ka nui o na alii o keia aina, mamua o na aina e o ka honua, na alii dala, alii aina, alii hana, alii kaa ahi, alii kalepa, alii hoopuka palapala, a he aina kela i piha ia me na hi.

 

Olelo Hoolaha

            Ke hai aku nei au ma ke akea, aohe a'u palapala kuai aina i hana ai me ka'u keiki Samuel Makaike, a ina he palapala, alaila, ao e ia'u ia palapala, koe wale no he palapala kauoha iaia.  A me keia, he hoike nei au ma ke akea, aohe mana o ia mau palapala kuai a palapala kauoha mai keia la aku, owau no.

            S W MAKAIKE

            N. Kona, Nov. 16 1889

 

HOOLAHA HOU.

 

Olelo Hoolaha

NO KA

Lawe i na Aina

            I na Poe a Pau e Nana mai ana i keia:

            Ke hoolaha ia aku nei ma keia, mamuli o ke ahi mana o ka Palapala Hoohui o ka Hui Alahao apono ia ma ka la 11 o Sepatemaba, 1888, "He Kanawai e Haawi ana i ka Mana a e Hooholo mua ana i ke Kukulu ana i na Alanui Kaamahu ma ka mokupuni o Oahu," a me na mana e ae i loaa malalo o keia, nolaila, e hooko ia aku ana ka hana ma ka lawe ana i na aina ma kahio ke alahao e hoomoe ia nei, no lakou ua mau aina la malalo iho nei:

            1- O kela wahi ma ka aoao akau o ke awa o Honolulu i ona ia e ke Aupuni Hawaii, a i hoikeia kona mau palena penei:

            E hoomaka ana oiai wanakonu aku o ka pou hoailona, i hoailona ma ke kuhi hikinahema o ka Palapala S@. Nui 1879 1/2 W. S. Sec; mai laila aku holo ma ke ana pololei Ak 71'39' Hik, 471 kapuai ma ka Palapala Sila Nui 1879 1/2; mai laila aku Hem 18°21' Hik 100 kapuai; mai laila aku Hem 74°40' Kom 494 kapuai, Hem 45°00' Kom 264 kapuai: mai laila aku Ak 11°50' Kom 100 kapuai oi aku a emi mai paha a hiki i ka palena o ke kai lawaia o Kohalaloa ma kahi o 5 kapuai ka hohonu i ka wa kai mau; mai laila aku holo akau-hikina ma ka laina i oleloia o 5 kapuai ka hohonu a hiki i kona oki like ana me ka laina i oleloia ma ka aoao makai i hoike ia maloko o ka Palapala Sila Nui 1879 1/2; a mai laila aku holo palolei a hiki i kahi i hoomaka mai ai, nona ka ili o 1 3-10 eka oi aku a emi mai paha.

            2--O kela wahi i hoolilona ma ka Palapala Sila Nui Helu 1879 1/2 i ona ia e Mrs. E. S. Youmana a i hoikeia penei:

            E hoomaka ana ma ke kiki komohana loa o ka Palapala Sila Nui 1879 1/2, a mai laila aku holo ma ka palena o ka Palapala Sila Nui 1879 1/2 Kom 34°20' Hik 471 kapuai a hiki i kekahi kia hoailona; mai laila aku akau 59 kapuai e holo ana ma Akaukukui a hiki i kekahi kia hoailona, alaila, haalele i ka palena i oleloia Ak 3°30' Kom 418 kapuai, a mai laila aku Ak 31°30' Hik 600 kapuai; mai laila aku holo ma ka palena i oleloia Hem 50°00' Kom 1240 kapuai a hiki i kahi i hoamaka mai ai, a nona ka ili o 6 9-10 eka.  A pela no hoi, e hoomaka ana ma kekahi kiko ma ka laina hema o ke Alanui o Kawa a me palena komohana o ke Grat 1303; mai laila aku holo ma ka palena i oleloia Hem 25°21' Kom 388 kapuai; mai laila aku Hem 85°15' Kom 45 kapuai ahiki i ka palena komohana o ka Palapala Sila Nui 1879 1/2; a mai laila aku holo ma ka palena i oleloia Ak 50° Hik 70 kapuai a hiki i kekahi kia hoailona. a mai laila aku holo ma ia palena Ak 23°45' Hik 345 kapuai a hiki i ka laina hema o ke alanui o Kawa; a mai laila aku e hoomau ana ka holo ana ma ka laina hema i oleloia Hem 65° Hik 26 kapuai a hiki i kahi i hoomaka mai ai, a nona ka ili o 18-100 eka.

            3--O kela wahi i hoikeia maloko o ka L. C. A. Helu 153 i ona ia e W. Sumner, a i hoikeia penei:

            E hoomaka ana ma ke kihi hema loa o ka Palapala Sila Nui 1879 1/2, a mai laila ku Ak 34°30' Kom 388 kapuai; a mai laila aku Ak 34°30' Kom 304 kapuai a hiki i ke kihi komohana loa o ka Palapala Sila Nui 7793; a mai laila aku Hem 11°50' Hik 760 kapuai oi iki aku a emi mai paha, a hiki i ka lama o 5 kapuai ka hononu o ke kai i ka wa kai mau; a mai laila aku holo ma ka laina i oleloia o 5 kapuai ka hononu akau-hikina a hiki i kahi i hoomaka mai ai, nona ka ili o 1 9-10 eka.

            4-- O ka la wahi i hoikeia maloko o ka Palapala Sila Nui Helu 7793 e paa ia nei e na Kahu Malama Waiwai malalo o ka Palapala Kauoha a Mrs. B. P. Bishop, a i hoolimalima ia ke kai lawaia ia T. Heu, a i hoikeia penei:

            E hoomaka ana ma ke kihi hikina-hema o ka Loko Iʻa o Kawa, a mai laila aku holo ma ka aoao mawaho o ka pa-loko Ak 23°50' Hik 232 kapuai; a mai laila aku Ak 8°00' Hik 125 kapuai; a mai laila aku haalele i ka pa-loko ko Ak 20°50' Hik 64 kapuai a hiki i ke alanui o Kawa; a mai laila aku holo ma ka aoao hema o ke alanui Ak 65°00' Kom 153 kapuai; a mai laila aku holo ma kekahi pa-pohaku Hem 15°00' Kom 190 kapuai; mai laila aku Hem 32°00' Kom 300 kapuai; a hiki ma ka aoao hema mawaho o ka pa-loko o ka Loko Iʻa o Kawa; mai laila aku Ak 84°30' Kom holo ma ka aoao mawaho o ka pa-loko a hiki i ka hoailona o ke kai piha; mai laila aku holo ma ia hoailona komohana hema a hiki i ka palena hikina o ka L.C.A. 153 ia W. Sumner; mai laila aku holo ma ka L.C.A 153 Hem 19°30' Kom 655 kapuai; mai laila aku Hem 31°30' Hiik 304 kapuai ahiki i ke kihi komohana o ka Palapala Sila Nui 1879 1/2; mai ka Palapala Sila Nui 1897 1/2 Ak 50°00' Hik 1358 kapuai, mai laila aku Ak 24°15' Hik 27 kapuai a hiki i kahi i hoomaka mai ai, nona ka ili o 15 eka.

            5--O kela wahi i hoikeia maloko o ka L.C.A. 6236 i ona ia e ka Hui Alahao o Oahu a me Aina i hoike ia penei:

            E hoomaka ana ma ke kihi hikina hema o ka Loko I'a o Kawa, mai laila aku holo ma ka aoao mawaho o ka pa-loko, mai laila aku Ak 23°50' Hik 232 kapuai, mai laila aku Ak 20°50' Hik 64 kapuai a hiki i ke alanui o Kawa, mai laila aku holo ma ka aoao hema o ke alanui o Kawa Hem 65°00' Hik 81 kapuai a hiki i ka palena o ka Palapala Sila Nui 1879 1/2 Hem 23°45' Kom 345 kapuai a hiki i kekahi kia hoailona, mai laila aku holo ma ka Palapala Sila Nui 7793 Ak 24°15' Hik 27 kapuai a hiki i kahi i hoomaka mai ai.  nona ka ili o 6-10 eka, a me kela mau wahi a pau o ka L.C.A. Helu 6236 e waiho la ma ka hema o ke Alanui o Kawa, a mawaena o ka Palapala Sila Nui 18791/2 a me ka Palapala Sila Nui 7793.

            6--O kela wahi i hoikeia ma ke Grant 1303 i ona ia e ke Aupuni Hawaii, a i hoikeia penei:

            E hoomaka ana ma kekahi hoailona ma ka laina me ka palena akau o ka uwapo o ke alanui Moi a me 15 kapuai makai o ke kihi akau komohana o ua alanui la, a mai laila Ak 1°18' Hik 327 kapuai e holo ana ma ka la na komohana o alanui Moi, a mai laila aku Ak 39°30' Kom 13 kapuai e holo ana ma ka laina hema o ke alanui o Kawa, mai laila aku Hem 25°21' Kom 388 kapuai e holo ana ma ka Palapala Sila Nui 1879 1/2, mai laila aku Ak 85°15' Hik 167 5-10 kapuai a hiki i kahi i hoomaka mai ai, nona ka ili o 67-100 eka.

            W.G. ASHLEY, Kakauolelo

            Hui Alahao Oahu me Aina.

            2204-41

 

J. T. Waterhouse,

(@ALAKAHAUKI)

Halekuai o na Lole Nani Panio

Lakohao,

Na Lako Hana Mahiko,

A PELA AKU ME NUI WALE

Alanui Moiwahine; - - Honolulu

2262

 

Spelterine.

HE LAAU LAPAAU

            O k@ kekahi o na laau lapaau maikai loa no na eha e pili ana i na ano holoholona a pau a me ke kanaka, a i opono ia hoi e kekahi mau ahahui ma Amerika a me na wahi e ae.

            Ua makaukau makou e waiho aku i na hooiaio i na poe mahiko a me na poe malama lio maloko o keia aupuni me na hoomaikai

HAWAIIAN BUSINESS AGENCY

Kihi o na alanui Papu a me Kalepa.

2257 3m

 

KUAI KUDALA

-O NA-

WAIWAI PAA!

-MA KA-

Poakahi, - Jan. 20,

1890, i ka hora 12 awakea, ma ko'u rumi kudala, ma alanui Moiwahine, Honolulu.

 

E kuai aku ana au ma ke Kudala i na aina o kela

Ahupuaa o Waiehu,

Maui, a o kekahi hoi keia o na aina o Wm. C. Lunalilo.

O keia mau aina waiwai, e Kuai Kudala ia aku ana ia iloko o na mahele 4 malalo iho.

            Apana 1- He Umikumaha a me 16-100 (14 16-100) eka aina o Pohakunui, oia hoi he aina kanu kalo kahiko.

            Apana 2- O kela mau keena aina a pau waiho la ma Waiehu o ka waiwai i oleloia e waiho la ma ka aoao o Waihee a me ka m@liwai o Walehu a makai o Pohakunui, nona ka ili o 207 86-100 eka.  He 65 eka aina ko maikai o keia Apana, a ua mahi ia e ka Hui Mahiko o Waihee, a e holo ana a hiki i kahakai.

            Apana 3- O kela mau apana aina a pau iloko o ke Ahupuaa o ka waiwai o oleloia e waiho la ma ka aoao o Wailuku o ka muliwai o Waiehu a ma ka aoao mauka o ke alanui au puni e holo ana mai Wailuku a Waihee, nona ka ili o Ewalu Haneri me Kanahiku-kuma-iwa a me 66-100 (879 66-100) eka.  Ua piha keia Apana me ke ko, raiki a me na aina kalo.

            Apana 4- O kela mau apana aina a pau iloko o ka Ahupuaa o ka Waiwai, i olelo ia e waiho la ma ka aoao ma Wailuku o ka muliwai Waiehu a makai o ke alanui aupuni e holo ana mai Wailuku a hiki i Waihee, nona ka ili o Hookahi Haneri me Kanakolu-kumamaiwa a me 14-100 (139.14-100) eka, oia hoi he aina hanai holoholona.

            E ikeia no na kii o keia mau apana aina ma ko'u Keena Kudala; ma ke Keena o W. O. Smith Esq., Honolulu; ma ke Keena o M. D. Monsarrat, Honolulu; ma ka Hale Leta o Wailuku, a ma ke Keena o ka Hui Mahiko o Waihee, Maui.

            No na mea i koe, e ninau ia W. O. Smith, a i ole ia M. D. Monsarrat, Honolulu.

            Dala Kuike.

            Na ka mea kuai mai e uku na lilo o na palapala.     JAS. F. MORGAN, Luna Kudala.

            2264 5t

Ka Waiwai o ka Hilina

Saseparila Ayer

            A AYER, Laau Saseparila, kai kaulana e hilinai au@ia no ka noomaemae koko, ma na wa@ a pau o ka honua, he aneane 40 maka hiki i hala ae nei, a ua lawelawe nui ia ho iwaena o na oihana lapaau,  O keia

            LAAU SASAPARILA, no loko ae ia o ke aa Sasaparila Honedura maoli i ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

            HE koko inoino a nawaliwali anui kou?  Ua awili pu anei me na ano mai ikaika?  A ua hui pu anei me na wai awaawa hoopehu Na keia.

            LAAU e hoomaemae ia mau mea inu a pa@ a maikai.  O na kauka lapaau a pau o Amerika ike ke ano o ka AYER SASAPARILA ua olelo lakou, aole he mea maikai e ae no ka hoomaemae koko ana mai na mai i awi pu ia, aka o keia wale no. No ka

            HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASPARILA wale no ka laau nana e hoomaemae hakalia ole mamua ae o kekahi ano laau e ae.  O ke

            KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hoikaika pu ia no hoi ma ka ai ana keia LAAU SASAPARILA A AYER.  He maalahi a he

            MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa.  He lehulehu wale na hooia ana mai na wahi a pau o ke ao nei i hoohana ma i keia laau mamua o kahi mau laau e ae.

            A HILIANAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku.  He nui na laau hoomaemae koko i hoolaha waha hoowale ia malalo o na inoa @alehu, aka, o na hilinai a me na hoou wale no a ke ao holo okoa.  maluna o ka

Ayer Laau Sasaparila

I HOOMAKAUKAUIA

Kauka J. C. A@ & Co. L@@@. Mass.

HOLLISTER & CO

Na A @ @ ka Paeaina Hawaii.

100 . . . . Alanui Papu, Moa@@

 

Kakela a me Kuke

Ka Halekuai Nui

-O NA-

Waiwai Like Ole

            E laa na pahiolo, koi holo,

                @, koi nui a me @, @.

                    wili poaa, rula, apuapu, kui o na @

                        ia @ ka a kaa, @ hoopaa puka

            pohaku hoana, kepa, lei ilio, kau-

                la hao ilio, pahi, upa, pahi umiumi,

                    kalapu, kope hulu, pulupulu, papa ke

                        lakala, lina hao, ami, keehi, a me

-KAULA OPU.-

 

PALAU

O na ano he nui wale.

Oo, ho, kopala, pe, kipi-

kua, hao kope, au ho a pe-

la aku, kua bipi, lei bi-

pi, kaula hao bipi, uwea

pa.  uwea keleawe, hao pil

piuia, kaa palala, ipuhao, ipu t

pa-palai.

 

Makau me Aho Lawaia

Ili wai, papa holoi, kopa ala, kaula

@uaina, hu'akai, ehi wawae,

hulu pena, kopa holoi,

a pela aku.

Pena wali, kini nui a me liilii o na

ano a pau, me ka pepa kuhi-

kuhi, pena keokeo, aila

pena, aila hoomaloo,

vaniki kaa, a me

vaniki moe

 

PENA HOOMALOO

-a me aniani hale-

AILA MANU, AILA MIKINI, AILA HAMO@@

AILA KAA, INIKA KAMAA,

PAUDA.  KUKAEPELE KIANA

PAUDA.  UIKI IPUKUKUI O NA

ANO HE NUI A LEHULEHU

Na Lole Holopono

E laa na Lole

AHINAHINA.  KALAKOA.  KEO

KEO.  LEPONALO HULUMANU.

UWE-WAHINE.  KUI HUMUHU

MA A ME KA LOPI.

 

NA MEA PIULA

Mikini Humuhumu

MIKINI A WIILOX ME GIBBS

NA MIKINI A

-REMINGTON-

He nui loa na mea hao me na ukana e

ae o na ano a pau.  aole hiki ke hai pau ia aku, hewa i ka wai na maka ke ike

 

Laau Lapaau Kaulana Lo

A DR. JAYNE.

LAAU HOOMAEMAE KOKO

LAAU HOOPAU NAIO, LAAU

KUNU, PENIKILA HUAALE

PAAKAI, LAAU HOOPAA HI,

Ma na Laau Hamo a Pala @ku.

Ano, e kipa mai oukou e na makamaka a ike no oukou iho.

KAKELA & KUKE

 

Hale Hana Lole Nui

KE "PAIONA O HONOLULU,"

Helu 17 Alanui Ema, Honolulu.

            O ka mea nona ka inoa malalo iho, ua makaukau oia e hoolawa aku i ka lehulehu me na aahu i maiau ia.  E loaa no ke kuhikuhi no na ana lole ke ninau ae malaila.

Palule Keokeo, Paleili, Aahu Moepo, &c.

            E hana ia no na kauoha e like me ka makemake.  A o na kauoha mai na mokupuni mai e hooko ia me ka eleu.

A. M. MELLIS.

            Bele Telepone Helu 410

 

B. F. EHLERS & CO.,

PAINAPA.

Poe Kuai i na Ano Lole a Pau.

Helu 99 alanui Papu. Honolulu.

            Ua loaa mai nei, ma keia mokuahi Austaralia he mau waiwai ano hou loa, oia hoi:  Na Kakinia, Kinamu, a me na Kalakoa o kela a me keia ano.  Nolaila, e kuai makepono aku ana makou no na kumukuai haahaa loa.

 

            Pahu Hale Leta 351.               Bele Telepone 274.

KA AGENA OIHANA HAWAII.

No.68 ALANUI PAPU KIKI O ALANUI KALEPA, HONOLULU, H.I.

HE AGENA OIHANA, A ME AGENA OHI DALA NO NA BILA A PAU.

KEENA OIHANA.

            Na Waiwai paa- kuai a hoolilo aku, a me auhau uku ana.

            Na Hale hoolimalima, Rumi, Keena, Aina e hoolimalima, a aelike ohu na uku hoolimalima o na ano a pau.

            Na Moraki e ae ia ma na ano waiwai a pau.

            Na Pepa kuleana aina, e kakau a hooponopono ia me na Pepa a pau e pulu ana ma ke kanawai.

            Kope a me ka Unuhiolelo ma na olelo a pau iloko o keia aupuni.

            Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.

            Na Malama ana i na Buke a me ka hooponopono ana.

            E haawi ia no ka mikiala no na Ohi aie ana.

            Na Gula, Kala me na Bila kikoo dala, kuai a hoolilo.

            Na Hooponopono Hale Dute e pili ana i na waiwai mai ko na aina e mai.

            Na Ukana o kela a me keia ano, e kuai a hoolilo aku.

            Na Kauoha o na Mokupuni, e hooko ia no me ka eleu.

            O na hana a pau a na makamaka e haawi mai ana no ka hooko aku i ke kauoha, e hooko no me ka eleu a me ka mikiala.

            Agena Oihana Hawaii