Ka Nupepa Kuokoa, Volume XXVIII, Number 52, 28 December 1889 — HE NANE. [ARTICLE]

HE NANE.

He 13 pua o kuu lei daimana no lako u ke alohilohi anapanapa i ka po mahina lailai, a ua holo aku ke ala a puni ke ao holookea, aohe wahi nalo mai na pua aku o kuu lei, a ua wae ia mai na pua o kuu lei mai na kaikuahine ala mai o Aiwohikupua, a no lakou hoi ke ala hoala hiamoe ike aliiwahine o Paliuli (I.aieikawai) e moe ole ai o ka po, a penei nahoonohonoho ana o na pua : Pua 1,13,12,11, aia keia mau pua ke hee la ika nalu o Kalehuawehe, a no lakou ka olelo ana, "Hee ana i ka lala, hoi i ka muku." Pua 1,9,11, aia keia mau pua i ka piko 0 kekahi kuahiwi kaulana, a ke hoomalamala la ko lakou nani i ka lua pele o Mokuaweoweo; aole nae e loaa 1 ka hapa mua o ua kuahiwi la, aka, e loaa no i "ka hope om oka Malulani, Lawe a lilo i ke sake o Lehua." Pua 3,2,12, q, ua puluelo wale keia mau pua i*ka loku hala ole a ka Ua Kanilehua, a ke hooipo ae la me na lehua o Mokauleie i ka nahele o Upeloa; a o ke ala 0 keia mau pua, e ike ia no i ka po mahina hiki ahiahi, "Huki mai ka Ulua." Pua 7,4,6,13,10,11, aia keia mau pua ke hoomalamalama la 1 ka pali kapu o Kamohoahi, a no lakou ka malamalama i like loa me ka uwila, a oke ala hoi ua puni o u Keawp. "Kakia kuinao a ke akamai." Pua 8,5,6,13,7,4, aia keia mau pua iwaena o ka t>ohai o na manu o ke kuahiwi, ke kahiko mai la i ke kapa hau o Maunakea, e hoolohe ana hoi 1 ka leo hone o ke kolohala i ka po lai, a ua like ke ala me ka rose o Salona a me ka lilia o na awawa. Pua 5,6,10,9, aia keia mau pua i ka wekiu o na laau o ka nahele, a no lakou paha keia : "Aia i ka wekiu ka pua lehua 1 ka ai kikoni a na noanu." Pua 13,5.6.8, he mau pua punahele keia, a no lakou ke anoano a me ka eehia, a oia au e puana ae nei : "He ihikapu aku no ee A he manu no ke aoull" Nolaila, ina e hui ia na pua a pau o kuu lei me ka ewaewa ole, a moe hookahi ka waikoloa i ke kula, alaila. o k& lawa ana ia o kuu iei, oiai o kona ano he alohilohi e like me ka malamahma 0 ka la, a he lilelile hoi e like me ka bau o Helemona. Eia ka ninau, Owai kuu lei «iaimana ? O ka mea mua e waiho ae ana i ka haina pololei i ke keena o ka nupepa ♦'Kuokoa," alaila, oia kuu to a me kuu iwi, a malunn ona kuu mahalo piha a ' nuL Owau no, 1 Jos. Sl K. Kalikolehua. I Niulii» Kohala, Not. ji, 1689.