Ka Nupepa Kuokoa, Volume XXVIII, Number 52, 28 December 1889 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

 

NUPEPA KUOKOA

 

NO KA MAKAHIKI--$2.00

NO EONO MAHINA--$1.00

KUIKE KA RULA

 

Poaono, Dekemaba 28, 1889

 

Haawina Kula Sabati

 

HAPAHA MUA

 

HAAWINA III, Ianuari 19, 1890.

 

KE MELE A ZEKARIA.

LU. 1:67-80

 

PAUKU GULA

 

E hele ana oe imua o ka maka o ka Haku, e hoomakaukau i na alanui nona. Lu. 1:76.

 

MANAO NUI.

 

O ka hiki ana mai o Iesu, ka hoomaka ana o ka wa hou ma ke ao nei.

 

NA HELUHELU LA

 

            Poakahi                       Lu 1:59-66

            Poalua                         Lu 1:67-80

            Poakolu                          Is 40:1-11

            Poaha                          Mat 11:2-14

            Poalima                       Kin 22:1-18

            Poaono                          IS 60:1-22

            Sabati                            Is 62:1-12

 

Owai o Zekaria? Heaha ka pilikia i kau maluna o Zekaria no kona manaoio ole i ka olelo a ka anela? p 20. Owai ke keiki i hanau ia nana? I ka wa i hea ia ai ka inoa o ua keiki nei, ua pau anei ka pilikia o Zekaria? p 64. Ua lilo ane ia mau malama ekemu ole i pomaikai no Zekaria? Heaha kana olelo mua? 64;67. Ua makaukau anei o Iesu e haawi mai i keia kokua no na mea a pau e lawelawe ana nona? Is. 14:26. Loaa anei ke noi ole?

I. Ua kokoke mai ke Alaula. 68-70. Ua Hoomaikai o Zekaria i ke Akua i keaha? I ka wa hea ka wanana mua ana no Iesu, ka Hoola? Kin. 3;15. B.C. 4000. Ehia makahiki mamua o kona hanau ana? Ua hai ia anei nona ma kauwahi e ae? Kin. 22:15-18. B.C. 1870; Kana. 18.15, B C. 1450; Is. mok. 53,60,62, B.C. 700; Dan. 7:13,14, B C. 600; Mal. 3:1 3, B C. 400. He wa loihi anei mama o ka hooko ana i keia mau wanana? Ma ia hooko ana ia wanana mahope o ke kali loihi ana, ua ike lea ia anei ka oiaio o ka ke Akua olelo? Hemea anei ia e lana ai ka manao?

II. Ka auhee ana o na a@, 71 73 E hoopakele ia anei lakou? He nui anei na enemi? O na mea e kue mai ana wale no anei? O na pilikia kino wale no anei? Aole anei o na enemi nui, na manao ino, na kuko pono ole iloko o kakou? Ep. 6:12; Gal. 5:19 21; 1 Kor. 15:26. Heaha ka olelo paa me Aberahama? Kin. 22: 15-18; Heb. 6:13-18.

III. Ka hoea ana o ka malamalama. 74-75. Ua lawa anei ka hoopakele ia ana mai na enemi aku? E aha? 74; Lu. 12:4; 1 Io. 4:18, Rom. 8:15,16.

IV. Ka Hoku Ao e hoike ana ei ae ke Alaula. 76,77. Owai ka i hoouna ia mai e kala ma ka waonahele no Iesu? Pehea ka hoomakakau ana i ke alanui no Iehova? Is. 40:3,4 E haawi ana i keaha i kanaka? Imi anei kekahi i ke ola, ke ole e ike mua oia i kona nele maoli no? Hoik. 3:17; Lu. 18:9-14. Ola anei ke kala ole ia na hewa? Pehea e loaa ai ia pono? Ep. 4:32; 1 Io. 2:1.

V. Ke Alaula. 78;79. No hea keia malamalama? Ua noho anei ke ao nei iloko o ka pouli mamua o ka hiki ana mao o Iesu? He nui anei na wahi e noho pouli nei? He nui anei na wahi i hiki aku ka malamalama? He pomaikai nui anei ka malamalama o ka la no ko ka honua nei? Ola anei ke kahi mea ke ole ka malamalama? Owai na wahi o ke ao nei i holomua, o na wahi paha e noho ana iloko o ka pouli, a o na wahi paha i komo aku ai o keia malamalama? O na wahi anei e hoomana @ii ana, a i ole o na wahi paha e hoomana nei i ke Akua? Pomaikai anei kakou ke komo keia malamalama iloko o kakou? E alakai anei o Iesu ia kakou ma ka aoao e maluhia ai? Hiki anei e hele me ke alakai ole.

 

Ua loihi anei ka moolelo no Ioane? @ Mahea kona noho ana? He wahi kupono anei ia no ka launa mau ana me ke Akua? Nawai i ao iaia I makaukau no kana hana? Pono anei ia kakou e noho mehameha i kahi wa?

I—O na popilikia a me ka noho mehameha ana, he mea ia e pono ai kakou.

II—Ina manao kekahi e lawelawe nui no ke akua, e piha oia me ka Uhane Hemolele.

III—Aole hoohala ke Akua i kana mau olelo paa. He hakalia ka hooko ana i kahi wa no ka makakau ole o kanaka

IV—Me ke aloha e hoomana ai i ke Akua.

V—O ke komo ana o Iesu ma ka naau, ua like me ka weha ana o ke alaula, a poha ka malamalama ma ia naau.

VI—O ka malamalama ke kumu o ke ola, ka mana, ka mehana, ka nani a me ka ike.

VII—O ka pouli, he naaupo, he naaupo, he hewa, he kaumaha, he hana ole, he make.

VIII—Oiai e nui ana ke kino o ke keiki, a e ikaika ana kona mau lala, imi i ka ikaika o ka manao, e hoomakaukau no ka lawelawe hana o ka Haku.

 

Na Ekalesia.

Malalo o keia poo, e hoopuka mau aku ai makou i ka moolelo e pili ana i na Ekalesia a puni ka Pae Aina. E kakau ma na mea ano nui, a e hoopuka ia aku no.

 

UA HOOPANEE HOU IA AKU.

O ka Hoike Kaapuni o ke Kula Sabati o Waiohinu, Kau, ua hoopanee ia a ke Sabati e noho mai ai ka Ahahui Euanelio o ka Mokupuni o Hawaii, ma Waiohinu, Kau, i ka malama o Maraki e hiki mai ana, David Alawa.

K.K.S.N. o H.K.

Holualoa, N. Kona, Dec. 9. 1889

 

NA HIMENI HUI O KA HOIKE

NUI O NA KULA SABATI O HAWAII KOMOHANA MA WAIOHINU, KAU, IMUA O KA AHAHUI EUANELIO, I MARAKI, M. H. 1890.

 

I na Kula Sabati a pau o Hawaii Komohana e manao ana e hele i ka Hoike Nui o na Kula Sabati ma Waohinu, Kau, i ka malama o Maraki e hiki mai ana, e a’o aku i keia mau himeni i hai ia malalo iho nei i ko oukou mau Kula Sabati pakahi:

1—Aoao 162 o ka Hoku Ao Nani.

2—   “       17    “       “      “     “

3—   “     190    “       “      “     “

4—   “     251    “       “      “     “

Ma ka himeni 4, e waiho i ka pauku 3, a e mele i na pauku 1, 2, 4.

E ala! E ala e Hawaii Komohana!!

                        D. Alawa

                        K.K.S.N. o H.K.

Holualoa, Dec. 19, 1889.

 

HOIKE O NA KULA SABATI O HILO AKAU.

 

Ma ke Sabati, la 24 o Novemaba, ua malama ia ka hoike hui o na Kula Sabati o Laupahoehoe a me Puuohua maloko o ka luakini o Laupahoehoe, ma ke kauoha a ke Kahu Kula Sabati nui o na Hilo nei.

Ua hoomaka ia na hana ma ka hora 11 a.m., ma ka himeni hui a na Kula Sabati ma ka H. A. N. aoao 128 a me ka pule a S W Pa. Waiho mai ka ma kua haiolelo D Kahoio, he mau olelo hoolaha no na mea pili ekalesia, himeni hui hou na Kula sabati ma ka H. A. N. aoao 36, a pau ia, ua ku mai ke kula a na pokii o Puuohua, malalo o ke alakai ana a D H Kanoeau, he eiwa no haumana o keia papa, o ka lakou haawina no ka hanau ana o Iesu ka Mesia a me kekahi mau ninau, ma kahi like ole o ka Baibala. A ma ka nana pono ana’ku i na mea i hana ia mai e lakou, ua uleu maoli no na pokii ma ka olelo Beritani a me Hawaii, a ma ka panina hope o ka lakou mau ninau he mau huapalapala ehiku i hoo pili ia i ka laau, ua haawi pakahi ia i kela keiki keia keiki, a i ka manawa e ninau ia mai ai ma ka helu ekahi oia hoi p. e hoike mai ana i ka haina o ia ninau a pau hoohuli mai i ka hua p. imua o ke anaina a pela pu me na keiki a pau ehiku a i ka manawa e pau pono ai na huapalapala, alaila ua hiki ke heluhelu ia mai e ke anaina, “Puu ohua,” a iloko o iloko o ia manawa i ku mai ai ke kula a na opio o Puuohua a mele mai la i kekahi himeni i haku ia “Memele na opio o Puuohua” malalo no o ke alakai ana a D H Kanoeau, ma na himeni, o J H Kaaekuahiwi ke alakai ma ka haawina ma ka haawina ma ka nupepa, he umikumamakahi haumana, a ma ka ha@ pono @ i na mea i hana ia, ua ku @ ka eleu na mea i hana ia e na alakai, ua hiki ke koho aku o na kaeaea maoli no keia o Italia, a o na haumana @ ua maemae ma na ha@, ua hele a wale waha, ma ka lakou hoolei leo ana mai, ku i ka nahe, ua hiki ke koho iho ua like a like me na kaula eono o uweh@ne, a hookuu na hana @ ia kula me ka maemae mahope iho o ia manawa, lulu dala na Kula Sabati he 40 keneta wale no a pau ia himeni hoi ma ka H.A N. aoao @ a pau ia nee mai ke kula a na pokii o Laupahoehoe, ekolu no hau mana, malalo o ke alakai ana a Miss Kaapuni o ka lakou haawina, o ka moolelo no Iesu Kristo, ua ku koa keia mau pokii imua o ke anaina, me ka wiwo ole, a ua lanakila lakou maluna o na ninau, a hookuu na hana o ia kula me ka maikai, nee mai i ke kula a na opio o Laupahoehoe, malalo no o ke alakai ana a Miss Kaapuni; elima no haumana, o ka lakou haawina no Iesu Kristo no, ma ka ike ana aku i na mea i hana ia mai, he ku maoli no i ka maemae, ua kohu kapena no ke Kinau ke nana aku i ke alakai, o ia haawina like no i na kula mua, no keia kapena wahine, hookahi wai o ka like, a hookuu na hana o ia kula, mahope iho he mau olelo paipai na D Hoakimoa, B Naaikauna, S W Pa, D K Makuakane, J Mattoon, a he hookahi ano nui o na manao o keia poe, o ka mahalo no a me ka hoomau aku, ma na mea e holomua ai na Kula Sabati, a o ka panina o na hana i ka lunakanawai E Barnard, o ke ano nui o kona manao, o ka mahalo no i na mea i hana ia a me na alakai o na Kula Sabati, a waiho pu mai oia i ka mahalo i ke Kula Sabati o Puuohua a me Laupahoehoe, a hookuu na hana ma ka hora 1 p.m. me ka hi meni hui 202 a me ka pule hookuu a D Kahoio.

Mahalo nui ia keia D H Kanoeau no kona oluolu ana mai i na kukuna malamalama o kona ipukukui uwila maluna o ke Kula Sabati holookoa o Puuohua, a no Miss Kaapuni hoi, he kaikuahine ponoi no ia no keia D H Kanoeau, ke pu like nei laua ma na hana pono, e hoomau ia ka oukou mau hana maikai a hiki aku i ka pahu hopu o ka lanakila, i ka pau ana o na hana o ka la, ua naue aku na mea a pau ma ka home o ka makua haiolelo, e hoopiha ai i ka lua o ka inaina i na mea ai i hoomakaukau ia, oia hoi na mea e oluolu ai ke kino, ua ai a lawa me ka mahiehie nui.

 

Ma ka la 28 o Novemaba, ua malama ae ke Kula Sabati o Puuohua he papaaina i hoolako ia me na mea ai Hawaii a pau, no ka hoomanao ana i ka la i hoihoi ia mai ai ke ea o ke aupuni Hawaii.

I ka hiki pono ana i ka hora 12, oia ka manawa a na mea a pau i naue mai ai e hookomo i na mea ai i hoomakau kau ia, a ua ai a ua lawa. Mahope iho ua malama ia he anaina halawai, a mahope iho o ia halawai, ua malama ia he halawai lunamakaainana e S W Pa a me B Naikauna, a i pakui ia hoi me na leo mele o ka papa himeai a D H Kanoeau, a hookuu ia na hana me ka maluhia.

 

He Hoomanao.

Ma ka la 10 o Dekemaba, ua malama ae o Mrs. R Kainuwai he papaaina nui ma kona home noho ma Kahinano no ka hoomanao ana no kana kane e noho mai la i Kalawao, oia hoi ka piha ana o ka makahiki o ka laua kaawale ana—aloha no paha ka hoa pili o na po kehau anu o ka hooilo, a ua ai na mea a pau i naue aku ma ia papaaina a lawa i ka lokomaikai piha o ka wahine i hoonele ia i ke kane.

Ua hoi mai nei na keiki o Hilo.

He nui ka ua o Hilo nei i keia mau la, he pomaikai kahi la malie; o ke alanui hoi keia, he nui ke kino, ua like me ka loi kalo, a e au ana ka lio iloko o ia hanupanupa.

 

Liuliu.

Ke liuliu nei na Kula Sabati o Hilo Akau nei no ka la 1 o Ianuari, he makana ka Matt@n a me D Kahooio e haawi ana ma ia la na ke Kula Sabati e oi ana.

 

Lilo i ka wai a make.

Ma ka po o ka la 10 o Dekemaba, ua hoi mai o Makaalo mai Hamakua mai me kona mau hoa paniolo me ka pu-a pipi a hiki ma ke kahawai o Maulua; holo mua aku nei o Makaalo e nana i ka nui o ka wai a hoi hou mai la a kahea mai la e hoohe aku ka pipi aohe nui o ka wai; ua hele aku nei au a puka ma-o a hoi hou mai nei. ia manawa hele aku nei o Simeona mamua o ka pu-a pipi a hiki iwaena o kahawai, nalowale pu iho nei kona hoki i ka wai; hookuli koke ae la oia i kona hoki i hope me ka manao no e lilo ana, aka, ua pakele nae oia, ua kahea aku oia e hoohu hou ka pipi i hope, aka, iloko o ia wa ua hoomaka mai la o Makaalo e hele mamua a hiki i ka hapalua o ke kahawai, a kahea aku nei o Simeona e hoi hou mai i hope, aka he ole nae ka hoolohe ia mai, a he ike ana aku ka Simeona i ke emi ana iho o ka hope o ka lio a nalo aku la iloko o ka wai, pau ka ike ana aku, a lilo pu aku he @ pipi, a i keia manawa aia mawaena o ka ho ra 11 a me 12 o ka po. Ua hoomaka ia ka huli ana a hiki i ke ao ana, o ka lio a me na pipi 6 ka i loaa aku aole i make, a o Makaalo aole i loaa @ kona kino a hiki i keia la a keia makape@ e kakau nei. O keia keiki he opio no oia, he kino puipui, a he keiki kupa hoi no keia kahawai, a o kona one ha nau no hoi keia, a he nui kona ohana e noho nei, he hoahanau ponoi hoi no ka mea e kakau nei, a oia paha ka wa i hiki iho ai ka leo o Ioba, “Na ke Akua no i haawi mai a nana no i lawe aku, e hoomaikai ia ka inoa o Iehova.”

Me na keiki @ima palanehe o ke keena ko ʻ u welina, a me ka Lunahooponopono ko ʻ u hooheno.

D. Solomona Konia

Pohakupuka, Hilo, Dek. 12, 1889.

 

HE MEA MINAMINA IA IMUA O IEHOVA

KA MAKE ANA O KONA POE HAIPULE”

 

O Rev G P Kaonohimaka ke Kahu no na Ekalesia o Kekaha Kona-akau, Hawaii. Ua make oia i ka la 26 o Nov. i hala ae nei, a ua hala aku oia i kona wahi e hoomaha ai no ka wa mau loa. He kanaka i aloha nui ia, he haipule oiaio a he Iseraela oiaio, aole hoopunipuni iloko ona, a he kahunapule i hoomanawanui iwaena o na popilikia he nui wale, ua pau kana hana ma ka honua nei a ua loaa mai iaia ka lei o ke ola i olelo ia mai e ka Haku no ka poe e aloha aku ana iaia. He 40 makahiki mai ko ʻ u halawai mua ana me ia, a mai ia wa a hiki i kona wa i loohia ia ʻ i i ka mai pilikia, ua maa mau ko ʻ u ike ana iaia. I kekahi wa i hala, ua hoike mai oia i ka moolelo o kona wa opiopio, a me ke kumu o kona huli ana mai mai ka hewa a i ka pono, mai ke amo ana i ka auamo o Satana a i kona hapai ana i ke ke ʻ a o Iesu Kristo.

I mai la oia ia ʻ u, he “kanaka hoomaloka maoli no wau, e noho ana iloko o na lealea o ke kino, ua paakiki ko ʻ u naau a ua piha i ke ino! Ua hoomau@ wale au i ka waiwai makamae o ka Haku a ua lawe makehewa wau i ka lokomaikai o ke Akua. A oiai e holokiki ana au iloko o ke ala palahalaha e iho ana iloko o ka make mau loa, ua lalau mai la ka lima aloha o Iehova ia ʻ u! Oiai, ua hoopuni mai na hei o ka make ia ʻ u, a ua loaa ia ʻ u ka pilikia o ka malu o ka make, a loaa no hoi ia ʻ u ka popilikia a me ka ehaeha weliweli! Ua oki ia aku kuu lima akau a eia ke koena.”

Iloko o ko ʻ u popilikia, ua hookaakaa ia na maka o ko ʻ u uhane, ua puka mai ka malamalama, a aa ike au i ka nani o ke akua, ma ka maka o Iesu Kristo la, he nani kona lokomaikai mai ia ʻ u. Ua kahea aku au iaia iloko o ko ʻ u wa pilikia, a ua hoopakele mai oia i ko ʻ u uhane i ka make. Nolaila, wahi ana, ua haawi lilo loa wau ia Iesu, ua lilo wau he keiki nana, nana mau loa. A ma ia hope mai ua lilo oia he lala no ka ekalesia ma Kailua a he hoa laweha na me Rev A Kakina makua.

Iloko o ka makahiki 1861, ua loohia o Kakina makua i ka popilikia, a ua pau kona hana misionari ana a ua hoohui ia kela kihapai nui o Kona-akau a me Kona-hema, malalo iho o ko ʻ u hooponopono ana mai Kau a hiki aku i Napuu, o G P Kaonohimaka ko ʻ u hoa lawehana, he mau makahiki he ekolu a oi, he paahana ikaika a me ka wiwo ole, e kaahele mau ana iwaena o na kauhale kawalawala o Kona-akau.

Iloko o ka makahiki 1864, ua hookumu ia ka Ahahui Euanelio no Hawaii komohana, ma Waimea ka halawai ana, a o ka luna haku mele ka lunahoomalu ma ia halawai ana. Ma ia halawai ua hooholo ka aha e hookahuna ia G P Kaonohimaka, a e hoonoho iaia maluna o na Ekalesia ma Kekaha, Kona-akau. Ua poni ia oia maloko o ka luakini o Mokuaikaua, ma Kailua, a ua hoonoho ia oia i kahu no na ekalesia ma ia mau kihapai kalakala kawalawala ka noho ana o na kanaka mai Kailua a hiki aku i Napuu. Malaila kona lawelawe ana i ka hana a ka Haku iloko o keia mau makahiki he 25, e imi ana i ka poe i nalowale, e koikoi mai ana i ka poe auwana a pio hoi, a e hanai ana i ka poe pololi. Nani ka luhi o kona kaahele ana iwaena o keia kihapai, nani kona hoomanawanui ana iwaena o na popilikia. Pilikia no ka nele i na mea pilikino, no ka hale ole, ilihune a pololi, pilikia ma ka woakua, ma ke kai, a iwaena hoi o kekahi poe hoahanau hoopunipuni; aka, ua koi ikaika ke aloha o Iesu iloko ona a ua kupaa oia, me ka manaolana, e hilinai ana ia Iesu la a hiki mai ka hopena. A oiai, ua makaukau e ka ʻ i ana no ka leo o ke ola; Pomaikai ka poe make ke make iloko o ka Haku.

Owau no me ke aloha menemene

J D Pa@

Kaawaloa, Hawaii, Dek. 9, 1889

 

Kakela a me Kuke

HALEKUAI NUI O NA WAIWAI

E @ na paniolo, @oi h@le, @a ʻ e, kui mai a me @ wili puaa, @ ia ai, kaa @, hao hoopaa pa@

pohaku @o@na, kepa, lei ilio, kaula hao ilio, pahi, upa, pahi umiumi, kalapa, kope hulu, polupolu, @ kalakala, lina hao, ami, keehi, a me

KAULA OPU

Palau o na ano a pau, Oo, ho, kopala, pe, kipikua, hao kope, au ho a pe a aku, kua bipi, lei bipi, kaula hao bipi, uwea pa, uwea keleawe, hao pil piula, kaa palala, ipuhao, ipu t

PA PALAI MAKAU MEKE AHO

Ili wai, papa holoi, kopa ala, kaula @uaina, hu ʻ akai, ohi wawae, hulu pena, a pela aku.

Pena wali, kini nui a me liilii o na ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe,

PENA HOOMALOO

a me aniani hale.

AILA MAHU, AILA MIKINI, AILA HAMO

AILA KAA, INIKA KAMAA,

PAUDA, KUKAEPELE KIANA

PAUDA, UIKI IPUKUKUI O NA

ANO HE NUI A LEHULEHU

 

Lole Makepono

E aa na

AHINAHINA, KALAKOA, KEO

KEO, LEPONALO HULUMANU.

UWE-WAHING., KUI HUMUHU

MU A ME KA LOPI.

NA MEA PIULA@

Mikini Humuhumu

Makini a WHEELER a me WILSON

MIKINI A WILCOX ME GIBB

NA MIKINI A

REMINGTON.

He nui loa na mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike

Ke @ e loaa no ia ma wahi o

Kakala & Kuke

 

Laau Lapaau Kaulana Loa

A DR. JAYNE,

LAAU HOOMAEMAE KOKO LAAU HOOPAU NAIO, LAAU

KUNU, PENIKILA HUAALE

PAAKAI, LAAU HOOPAA HI.

 

Me na Laau Hamo a Pela ʻ ku.

KAKELA & KUKE

 

PAPA! PAPA!

AIA MA KAHI

LEWERS & COOKE

(o Lui Ma)

@

@

APA NOUA@

@

 

PaniPaka, Na Paka Aniani, Na Olepe@, a Na Poa, Na O-a, Na Papa Hele, Na Papa Ku, a me na Papa M@ nui loa

 

Na Pili o na Hale o na Ano a Pau

--A ME NA--

WAI HOOHINUHINU NANI

O NA ANO A PAU LOA.

 

@A BALAKI ANO NUI WALE.

 

A hai i aku nei ka lono @ pau, ua makaukau keia mau Makamaka o oukou e hoolaw@ aku ma na mea a pau e pili ana ma ka laua oihana

--NO KA—

UKU HAAHAA LOA.

E like me ka mea @

LAUA a me ka MEA KUAI.

HELE MAI E WA@ NO OUKOU

 

Hale Hana Lole Nui

“PAIONIA O HONOLULU,”

Helu 17 Alanui Ema, Honolulu

O ka mea nona ka inoa malao iho, Ua makaukau @ lehulehu me na @ i maiau ia. E loaa no ke kuhikuhi @ ninau ae malaila.

Palule Keokeo, Paleili, Aahu Moepo, &c.

E hana ia no na kauoha e like @ makemake. A o na @ na mokupuni mai e hooko ia me ka @.

A. M. MELLIS

Bele Telepone Helu 410                      2202 @

 

B. F. EHLERS & CO.,

PAINAPA.

 

Poe Kuai i na Ano Lole a Pau.

Helu 99 alanui Papu. - Honolulu.

Ua loaa mai nei, ma keia mokuahi Austaralia he mau wai wai ano hou loa, oia hoi: Na Kakinia, Kinamu, a me na Kalakoa o kela  me keia ano. Nolaila, e kuai makepono aku ana makou no na kumukuai haahaa loa.

 

Pahu Hale Leta 351                Bele Telepone 474

KA AGENA OIHANA HAWAII.

No. 68 ALANUI PAPU KIHI O ALANUI KALEPA, HONOLULU. H. I.

HE AGENA OIHANA, A ME AGENA OHI DALA NO NA BILA A PAU.

 

KEENA OIHANA.

Na Waiwai paa—kuai a hoolilo aku, a me auhau uku ana.

Na Hale hoolimalima, Rumi, Keena, Aina e hoolimalima, a aelike ohii na uku hoolimalima o na ano a pau.

Na Moraki e ae ia ma na ano waiwai a pau.

Na Pepa kuleana aina, e kakau a hooponopono ia me na Pepa a pau e pili ana ma ke kanawai.

Kope a me ka Unuhiolelo ma na olelo a pau iloko o keia aupuna.

Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.

Na Malama ana i na Buke a me ka hooponopono ana.

E haawi ia no ka mikiala no na Ohi aie ana.

Na Gula, Kala me na Bila kikoo dala, kuai a hoolilo.

Na Hooponopono Hale Dute e pili ana i na waiwai mai ko na aina e mai.

Na Ukana o kela a me keia ano, e kuai a hoolilo aku.

Na Kauoha o na Mokupuni, e hooko ia no me ka eleu.

O na hana a pau a na makamaka e haawi mai ana no ka hooko aku i ke kauoha, e hooko no me ka eleu a me ka mikiala.

                                                                                    Agena Oihana Hawaii

2170 1yr. Mar.

 

Benson, Smith & Co.

Na Mea @ a me Kuai @

 

Na Laau Lapaau

O NA ANO A PAU

HELU 113 me 115 ALANUI @

O LAUA NA AGENA NO NA

Laau Lapaau Kuluwai Luhi

Boreicke & Schrecke

A ME NA

WAi Lukini OnAonA Waia@

WAIALA MAILE

A ME KE

Onaona Lei Aloha!

O na luhi no ka @