Ka Nupepa Kuokoa, Volume XXVIII, Number 52, 28 December 1889 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

MA KE KAUOHA.

 

E MALAMA ana ke Alii ka Moiwahine i kekahi anaina ikealii laula ma Halealii Iolani, i ka Poalua, Dekemaba 31, mawaena o na hora 1 a me 3 auwina la.

 

Na lahui e, mawaena o na hora 1 me 2.

Ka lahui Hawaii, mawaena o na hora 2 me 3.

 

Keena Puuku, Halealii Iolani.

Dekemaba 27, 1889.

 

 

Hoolaha Keena Kalaiaina

 

KE KONO ia aku nei ka nana ana mai o na poe a pau e noho Oihana nei no ke Aupuni, i ka Pauku 102 o ke Kanawai Koho Balota o 1888, a penei ka heluhelu ana:

 

PAUKU 102.  O kela a me keia kanaka e paa ana i kekahi oihana hilinai ia, a oihana loaa paha malalo o ke Aupuni, e hana kino ana, a i ole, ma o kekahi mea okoa la, ina no ma ka uku a uku ole paha, ma ke ano he luna hooikaika, komite hooikaika paha, kupakako a kakauolelo paha, a i ole, ma kekahi ano hana e ae paha, a kokua ana paha i ke koho ia ana o kekahi mea, koe wale no ma kona ano koho balota, a hookomo ana paha i kona balota ponoi, e hoopai ia oia ma ka uku hoopai aole e oi aku maluna o hookahi haneri dala, a i ole, ma ka hoopaahao ma ka hana oolea, no kekahi manawa e oi ole ana mamua o eona malama, a i ole, ma ka hoopai dala a me ka hoopaahao pu no, aia i ka manao o ka Aha Hookolokolo he pono.  A mawaho ae o ia mau hoopai i olelo ia ae la e hoohakahaka koke ia ka noho oihana o ua kanaka la a e pau ka loaa hou ana i ua kanaka la no na makahiki ekolu, o kekahi oihana malalo o ke aupuni, a me ke kuleana e koho balota 21, a e noho ai paha iloko o ka Ahaolelo.  Aole nae e manao ia na haawina o keia Pauku ua pili i ka Aha Kuhina, ma ke ano e papa ana ia lakou aole e hoike ma ke akea a ma ke ano malu paha, ma ka olelo waha a olelo hoakaka paha i kakau ia, i ke kahua hooponopono Aupuni a lakou i manao ai, a me ko lakou hooikaika ana paha e kokua mahope o ia mau manao.

 

L. A. THURSTON, Kuhina Kalaiaina.

Keena Kalaiaina, Dekemaba 26, 1889

 

 

Ua hookohu ia aku i keia la, o Mr Wm. C. Achi o Honolulu, i Notari no ka Lehulehu o ka Apana Hookolokolo Kaapuni Ekahi o keia Aupuni.

 

L. A. THURSTON, Kuhina Kalaiaina.

Keena Kalaiaina, Novemaba 30, 1889.  2262-3t.

 

 

NUPEPA KUOKOA

 

NO KA MAKAHIKI $2.00

NO EONO MAHINA            $1.00

 

KUIKE KA RULA

 

 

Poaono, Dekemaba 28, 1889

 

KE KUOKOA NO 1890

 

I keia la a makou e puka aku nei, oia ka helu hope loa o keia makahiki e aneane aku nei e pau, a o ka piha ana hoi o na makahiki he iwakaluakumamawalu o ko ke KUOKOA kaahele ana aku ma na kaiaulu o keia mau mokupuni, i ke ao, i ka po, i ke kau malie a me ke kau ino, a me na akeakea e ae he nui wale ma ke alahele o ko makou hana, ua hooikaika mau no makou e auamo a e hoolawa aku i ka makemake o na hoa'loha me na mea hou, na olelo hoolaha a me na moolelo hoonanea, a ua kanalua ole makou ke hai ae, ua hui aku no ia me na apono ana a ko oukou mau lunaikehala iloko o ka hauoli.

 

Me ia mau ano no o ka wa i hala, e hoomau aku ana no makou i ka hoolawa ana aku i na makamaka heluhelu me na momona kuhinia o keia makahiki hou ae, a e hoomau aku i ke kaalo ana ma na ipuka o ko oukou mau home i na wa a pau e like me ka ikaika hoohana e loaa ana ia makou.

 

Me keia mau hoakaka pokole no makou iho, ke pahola aku nei makou i na hoomaikai i na poe i hoolauna mai ma na kolamu o ke KUOKO, a i hookipa aku hoi i kona kino no ka wa i hala, me ka lana o ka manao, e hahai ia oukou e na pomaikai he nui wale iloko o na la o keia ola ana.  Aloha Makahiki Hou kakou a pau.

 

 

LA HANAU O KA MOIWAHINE

 

I keia Poalua ae, Dekemaba 31, oia ka piha ana o na makahiki hanau o ke Alii ka Moiwahine Kapiolani.  E malama ia ana ka la, he hookipa ikealii no na makaainana aloha alii a pau, maloko o Halealii Iolani, mawaena o na hora 2 a me 3 auwina la.  A oiai, eia no oia ke noho nei iloko o ke ola kino maikai a me ka oluolu, ke kalokalo ae nei makou i na Lani, -- E ola loihi ka Moiwahine i ke Akua.

 

 

1889-1890.

 

O keia Poalua ae, oia ka la mua o ka makahiki hou o 1890, e kaalo mai ana ia la me kona mau hiohiona hou a me na hana hou.  O ka makahiki e pau ana, aohe a kakou mau hoomanao ana nona, oiai, ua hoea mai imua o kakou ka malamalama olino o ka manaolana hauoli hou, e hooi aku i ko kakou launa ana ma na mea pili oihana a me lahui, i mau ai ko kakou holomua ma na hana hoowaiwai i ka aina -- ka malama maluhia -- a me ka mana hookele lahui.

 

Ke aui ae kakou a nana aku i ka manawa i hala hopa, aia he mau hana ano nui i hoala ia -- hooko ia -- a lawelawe maoli ia ma ka hoeueu ana i na mea a pau e pili ana i ko kakou mau pono.  O ke kulanakauhale o Honolulu, ua hoomama ia na poe kaahele mai kekahi wahi a i kahi wahi maluna o ke aolo ana a ke alahao kaa lio Hawaii, a ilalo hoi o na apana o Ewa, maluna o ke kaa alahao mahu a Dilinahama.  Ua hoomalamalama ia na hale oihana o ke kulanakauhale nei me ke kukui uwila, he nu paikini hou no keia au holomua o ke akamai a me ka naauao.

 

Iloko o ka mahina o Iulai, ua ulu ae he haunaele kuloko me ka hoao ana e hookahuli i ke kumukanawai hou e ku nei, ua ala ae ke aupuni a paio no ka maluhia a me ka pomaikai o ka lehulehu, ua hoopio ia na hana kipi, a ua lanakila hou keia au hooponopono aupuni e ku nei i keia la.

 

Iloko o keia manawa e nee nei, eia ke aupuni ke hooko nei i kana hana, ma ka hoomaemae, hoakea, a me ka wehe hou ana i mau alanui hele hou no ka lehulehu ma na apana a pau, a ke haawi ia ka manawa no lakou e hoomau ai i ka lakou hana, e lehulehu ana na ipuka hale e ku, a e maemae pu auanei na alanui hele.

 

O ke koho balota, ke kokoke mai nei kona la e hiki mai ai, a ke ike ia'ku nei na kahoaka o ka liuliu, he hakoko aku ana keia no na poe a pau i manaoio i ka noho'na lahui malalo o ke Kumukanawai o ka aoao hoomaemae, aole hoi o ka hoihoi aku ia kakou e uhao hou iloko o ke kapuahi o ke au i hala a me kona mau ano hana, e hoao ana e lanakila i keia kau koho ae no ka Ahaolelo, a e kapae aku hoi i na poe e alakai huhewa lalau nei i ke kulana hooponopono aupuni o Hawaii.

 

O ke ola kino o ka lehulehu, aole no he mau ma'i malihini o ke ahulau i kipa mai, koe wale iho no ka ulalii mawaena o kekahi mau oha kakaikahi he ano mama wale no aole no ka holopapa ana.

 

O Kauka Luika o Geremania, ma ke kono a ke Aupuni Hawaii iaia, ua hiki kino mai oia i keia kapakai no ka lawelawe ana i kana oihana hoola i ka ma'i lepera, a ke nana ia aku nei kona mau la o keia mua iho me na manao o ke ohohia nui, -- ke holopono kana lapaau ana i keia kupueu ino o Hawaii nei.

 

 

NA HALAWAI O KE KOHO BALOTA.

 

HALAWAI AHAKUWAENA O HAWAII.

 

E like me ka mea i kahea ia, ua malamaia ka Ahakuwaena o ka Mokupuni o Hawaii ma Hilo, i Dekemapa 20, no ka wae ana i ka lakou mau moho no keia kau Ahaolelo ae e hiki mai ana, a ua akoakoa ae na Elele mai na apana koho ae o ka mokupuni, oia o Messrs. Kinale, J. A. Benetona me Holokina o Kohala; C. Benetona me Pate o Hamakua; Hikikoki, Kenede, Scote, Kamai, Kanalio, Ewaliko, Viera, Lobenetina me Wilikona o Hilo.

 

Mahope iho o ke koho ia ana o na lala e ae o ka halawai, ua hoomaha ka halawai a kekahi la ae, ua waiho mai ke komite i ka papa inoa o na moho alii penei:

 

J. M. Horner o Hamakua, 6 makahiki

J. Kauhane o Kau, 6 "

R. R. Hinds o Kohala, 4 "

Dr. J. Wight " 4 "

Sam Parker o Waimea, 4 "

Dr. C. H. Wetmore o Hilo, 2 "

 

O keia papa inoa o na moho Alii o ka mokupuni o Hawaii, he papa moho Alii helu ekahi ia o na kanaka kupono a me ka hilinai ia ke loaa ma ia mau apana koho, a ua hoike mai lakou e kakoo a e hoomau i ka onipaa ana o keia au hou o ka hooponopono lahui kuloko no ka pomaikai o na mea a pau  Aole kakou e hoi hou ana i ke au i hala hope, no ka mea, he mea hiki ole ia ke hana a lawelawe ia ke ole e kue ke kanaka i kona nani iho a me kona noho oluolu ana.  Ke lana nei ko makou manao, e loaa ana i na mokupuni e ae ke kumu hoohalike a hahai i ka moho Alii a ka mokupuni o Hawaii i apono mai nei, a hekau aku iluna o ke alahukimoku no ka makaukau e panee aku iloko o ke kai hohonu o ke kau koho balota nui ae e hiki mai nei o 1890.

 

MAKAWAO, MAUI.

 

Ma ka halawai ana o ka apana koho o Makawao, ma ke ahiahi o ka la 20, no ka hoomaopopo ana i na moho holo lunamakainana, a me koho ana i na Elele no ka wae i na moho alii o ia mokupuni.  Mahope iho o na haiolelo a na hoa e holo ana no ka noho, ua balota ia keia mau inoa malalo iho nei

 

W. H. Halstead           29

J. Kamakele     26

J. W. Kalama   18

E. Helekunihi  1

Kala                 0

 

Ma keia koho ana, ua puka aku ka inoa o Mr. Halstead he ekolu wale no balota oi i kona hoa malalo iho.  Ma ka nana aku i ka manao ohohia nui o na kanaka, he mea kanalua ole no Halstead ka lawe ana i ka noho hanohano no ka apana o Makawao, a he keonimana maopopo hoi oia no ka aoao makemake i keia au o ka hoomaemae.

 

 

MOKUPUNI O KAUAI.

 

Ma ka halawai Elele o na apana koho o ka mokupuni o Kauai ma Lihue, Dekemaba 14, ua wae a koho ia keia poe keonimana malalo iho i mau moho lunamakaainana me alii no ia mokupuni, penei:

 

ALII

 

Hon. G. N. Wilcox, 6 makahiki

Hon. P. P. Kanoa, 4 "

A. McBryde, 2 "

 

LUNAMAKAAINANA

 

Hon. A. S. Wilcox,     Hanalei

Hon. W. H. Rice         Lihue

V. Knudsen     Waimea

 

 

KUAI KUDALA

O NA

WAIWAI PAA!

MA KA

Poakahi, - Jan. 20,

1890, i ka hora 12 awakea, ma ko'u rumi kudala ma alanui Moiwahine, Honolulu.

 

E kuai aku ana au ma ke Kudala i na aina o kela

 

Ahupuaa o Waiehu,

 

Maui, a o kekahi hoi keia o na aina o Wm. C. Lunalilo,

 

O keia mau aina waiwai, e Kuai Kudala ia aku ana ia iloko o na mahele 4 malalo iho.

 

Apana 1 -- He Umikumamaha a me 16-100 (14 16-100) eka aina o Pohakunui, oia hoi he aina kanu kalo kahiko.

 

Apana 2 -- O kela mau koena aina a pau e waiho la ma Waiehu o ka waiwai i oleloia e waiho la ma ka aoao o Waihee a me ka muliwai o Waiehu a makai o Pohakunui, nona ka ili o 207 86-100 eka.  He 65 eka aina ko maikai o keia Apana, a ua mahi ia e ka Hui Mahiko o Waihee, a e holo ana a hiki i kahakai.

 

Apana 3 -- O kela mau apana aina a pau iloko o ke Ahupuaa o ka waiwai i oleloia e waiho la ma ka aoao o Wailuku o ka muliwai o Waiehu a ma ka aoao mauka o ke alanui aupuni e holo ana mai Wailuku a Waihee, nona ka ili o Ewalu Haneri me Kanahiki-kumamaiwa a me 66-100 (879 66-100) eka.  Ua piha keia Apana me ke ko, raiki a me na aina kalo.

 

Apana 4 -- O kela mau apana aina a pau iloko o ka Ahupuaa o ka Waiwai, i olelo ia e waiho la ma ka aoao ma Wailuku o ka muliwai Waiehu a makai o ke alanui aupuni e holo ana mai Wailuku a hiki i Waihee, nona ka ili o Hookahi Haneri me Kanakolu-kumamaiwa a me 14-100 (139 14-100) eka, oia hoi he aina hana holoholona.

 

E ikeia no na kii o keia mau apana aina ma ko'u Keena Kudala; ma ke Keena o W. O. Smith Esq., Honolulu; ma ke Keena o M. D. Monsarrat, Honolulu; ma ka Hale Leta o Wailuku, a me ke Keena o ka Hui Mahiko o Waihee, Maui.

 

No na mea i koe, e ninau ia W. O. Smith, a i oile ia M. D. Monsarrat, Honolulu.

 

Dala Kuike.

Na ka mea kuai mai e uku na lilo o na palapala.

JAS. F. MORGAN, Luna Kudala.

2264-5t.

 

AHA HOOKOLOKOLO KIEKIE O KO Hawaii Pae Aina.  Ma ka hooponopono Waiwai.  Ma ka hana o ka waiwai o PETERO W. WAHA, o Hookena, Hawaii, i make kauoha ole.

 

Ma ka heluhelu a me ka waiho ia ana mai o ka papa hoike a Kumu Waha w, o Hookena, Hawaii, e hai ana, ua make kauoha ole o Petero W. Waha o Hookena, ma Hookena, i ka la 15 o Okatoba, 1889, a e noi ana e hoopuka ia ka Palapala Lunahooponopono iaia.

 

Ua kauoha ia, o ka

 

Poakahi, Dec. 23, 1889,

 

ma ka hora 10 a.m. imua o ka Lunakanawai ma ke Keena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la, a o na poe a pau i pili, e hele mai a hoike i ke kumu, ina he kumu oiaio ko lakou e ae ole ia'i ua noi la.

 

Hanaia ma Honolulu, i keia la 2 o Dekemaba, 1889.

 

Na ka Aha: J. H. REIST, Hope Kakauolelo.

2262-36.

 

 

HOOLAHA HOU

 

Olelo Hoolaha

NO KA

Lawe i na Aina.

 

I na Poe a Pau e Nana mai ana i keia:

 

Ke hoolaha ia aku nei ma keia, mamuli o kekahi mana o ka Palapala Hoohui o ka Hui Alahao me Aina o Oahu, a me ke Kanawai i apono ia ma ka la 11 o Sepatemaba, 1888, "He Kanawai e Haawi ana i ka Mana a e Hooholo mua ana i ke Kukulu ana i na Alanui Kaamahu ma ka mokupuni o Oahu," a me na mana e ae i loaa malalo o keia, nolaila, e hooko ia aku ana ka hana ma ka lawe ana i na aina ma kahi o ke alahao e hoomoe ia nei, no lakou ua mau aina la malalo iho nei:

 

1 - O kela wahi ma ka aoao akau o ke awa o Honolulu i ona ia e ke Aupuni Hawaii, a i hoikeia kona mau palena penei:

 

E hoomaka ana mai waenakonu aku o ka pou hoailona, i hoailonaia ma ke kihi hikina-hema o ka Palapala Sila Nui 1879½ W. S. Se@; mai laila aku holo ma ke ana pololei Ak 71 30 Hik, 471 kapuai ma ka Palapala Sila Nui 1879½; mai laila aku Hem 18 21 Hik 100 kapuai; mai laila aku Hem 74 40 Kom 494 kapauai, Hem 45 00 Kom 264 kapuai; mai laila aku Ak 11 50 Kom 100 kapuai oi aku a emi mai paha a hiki i ka palena o ke kai lawaia o Kohalaloa ma kahi o 5 kapuai ka hohonu i ka wa kai mau; mai laila aku holo akau-hikina ma ka laina i oleloia o 5 kapuai ka hohonu a hiki i kona oki like ana me ka laina i oleloia ma ka aoao makai i hoike ia maloko o ka Palapala Sila Nui 1879½; a mai laila aku holo palolei a hiki i kahi i hoomaka mai ai, nona ka ili o 1 3-10 eka oi aku a emi mai paha.

 

2 - O kela wahi i hooliloia ma ka Palapala Sila Nui Helu 1879½ i ona ia e Mrs. E. S. Youmans a i hoikeia penei:

 

E hoomaka ana ma ke kihi komohana loa o ka Palapala Sila Nui 1879½, a mai laila aku holo ma ka palena o ka Palapala Sila Nui 1879½ Kom 34 ° 20' Hik 471 kapuai a hiki i kekahi kia hoailona; mai laila aku akau 59 kapuai e holo ana ma Akaukukui a hiki i kekahi kia hoailona, alaila, haalele i ka palena i oleloia Ak 3 ° 30' Kom 418 kapuai, a mai laila aku Ak 31 ° 30' Hik 600 kapuai; mai laila aku holo ma ka palena i oleloia Hem 50 ° 00' Kom 1240 kapuai a hiki i kahi i hoamaka mai ai, a nona ka ili o 6 9-10 eka.  A pela no hoi, e hoomaka ana ma kekahi kiko ma ka laina hema o ke Alanui o Kawa a me palena komohana o ke Grant 1303; mai laila aku holo ma ka palena i oleloia Hem 25 ° 21' Kom 388 kapuai; mai laila aku Hem 85 ° 15' Kom 45 kapuai ahiki i ka palena komohana o ka Palapala Sila Nui 1879½; a mai laila aku holo ma ka palena i oleloia Ak 50 ° Hik 70 kapuai a hiki i kekahi kia hoailona, a mai laila aku holo ma ia palena Ak 23 ° 45' Hik 345 kapuai a hiki i ka laina hema o ke alanui o Kawa; a mai laila aku e hoomau ana ka holo ana ma ka laina hema i oleloia Hem 65 ° Hik 26 kapuai a hiki i kahi i hoomaka mai ai, a nona ka ili o 18-100 eka.

 

3 - O kela wahi i hoikeia maloko o ka L.C.A. Helu 153 i ona ia e W. Sumner, a i hoikeia penei:

 

E hoomaka ana ma ke kihi hema loa o ka Palapala Sila Nui 1879½, a mai laila aku Ak 34 ° 30' Kom 388 kapuai; a mai laila aku Ak 31 ° 30' Kom 304 kapuai a hiki i ke kihi komohana loa o ka Palapala Sila Nui 7793; a mai laila aku Hem 11 ° 50; Hik 700 kapuai oi iki aku a emi mai paha, a hiki i ka laina o 5 kapuai ka hohonu o ke kai i ka wa kai mau; a mai laila aku holo ma ka laina i oleloia o 5 kapuai ka hohonu akau-hikina a hiki i kahi i hoomaka mai ai, nona ka ili o 1 9-10 eka.

 

4. O kela wahi i hoikeia maloko o ka Palapala Sila Nui Helu 7793 e paa ia nei e na Kahu Malama Waiwai malalo o ka Palapala Kauoha a Mrs. B. P. Bishop, a i hoolimalima ia ke kai lawaia ia T. Heu, a i hoikeia penei:

 

E hoomaka ana ma ke kihi hikina-hema o ka Loko I'a o Kawa, a mai laila aku holo ma ka aoao mawaho o ka pa-loko Ak 23 ° 50' Hik 232 kapuai; a mai laila aku Ak 8 ° 00' Hik 125 kapuai; a mai laila aku haalele i ka pa-loko Ak 20 ° 50' Hik 64 kapuai a hiki i ke alanui o Kawa; a mai laila aku holo ma ka aoao hema o ke alanui Ak 65 ° 00' Kom 153 kapuai; a mai laila aku holo ma kekahi pa-pohaku Hem 15 ° 00' Kom 190 kapuai; mai laila aku Hem 32 ° 00' Kom 300 kapuai a hiki ma ka aoao hema mawaho o ka pa-loko o ka Loko I'a o Kawa; mai laila aku Ak 84 ° 30' Kom holo ma ka aoao mawaho o ka pa-loko a hiki i ka hoailona o ke kai piha; mai laila aku holo ma ia hoailona komohana-hema a hiki i ka palena hikina o ka L. C. A. 153 ia W. Sumner; mai laila aku holo ma ka L. C. A. 153 Hem 19 ° 30' Kom 655 kapuai; mai laila aku Hem 31 ° 30' Hik 304 kapuai ahiki i ke kihi komohana o ka Palapala Sila Nui 1879½; mai ka Palapala Sila Nui 1879½ Ak 50 ° 00' Hik 1358 kapuai, mai laila aku Ak 24 ° 15' Hik 27 kapuai a hiki i kahi i hoomaka mai ai, nona ka ili o 15 eka.

 

5 - O kela wahi i hoikeia maloko o ka L. C. A. 6236 i ona ia e ka Hui Alahao o Oahu a me Aina i hoike ia penei:

 

E hoomaka ana ma ke kihi hikina hema o ka Loko I'a o Kawa, mai laila aku holo ma ka aoao mawaho o ka pa-loko, mai laila aku Ak 23 ° 50; Hik 232 kapuai, mai laila kau Ak 8 ° Hik 125 kapuai, mai laila aku Ak 20 50' Hik 64 kapuai a hiki i ke alanui o Kawa, mai laila aku holo ma ka aoao hema o ke alanui o Kawa Hem 65 ° 00' Hik 81 kapuai a hiki i ka palena o ka Palapala Sila Nui 1879½ Hem 23 ° 45' Kom 345 kapuai a hiki i kekahi kia hoailona, mai laila aku Hem 50 ° 00' Kom 120 kapuai, mai laila aku holo ma ka Palapala Sila Nui 7793 Ak 24 ° 15' Hik 27 kapuai a hiki i kahi i hoomaka mai ai, nona ka ili o 6-10 eka, a me kela mau wahi a pau o ka L. C. A. Helu 6236 e waiho la ma ka hema o ke Alanui o Kawa, a mawaena o ka Palapala Sila Nui 1879½ a me ka Palapala Sila Nui 7793.

 

6 - O kela wahi i hoikeia ma ke Grant 1303 i ona ia e ke Aupuni Hawaii, a i hoike ia penei:

 

E hoomaka ana ma kekahi hoailona ma ka laina me ka palena akau o ka uwapo o ke alanui Moi a me 15 kapuai makai o ke kihi akau-komohana o ua alanui la, a mai laila Ak 1 ° 18' Hik 327 kapuai e holo ana ma ka laina komohana o alanui Moi, a mai laila aku Ak 39 ° 30' Kom 13 kapuai e holo ana ma ka laina hema o ke alanui o Kawa, mai laila aku Hem 25 ° 21' Kom 388 kapuai e holo ana ma ka Palapala Sila Nui 1879½, mai laila aku Ak 85 ° 15' Hik 167 5-10 kapuai a hiki i kahi i hoomaka mua ai, nona ka ili o 67-100 eka.

 

W. G. ASHLEY, Kakauolelo

Hui Alahao Oahu me Aina.

226404t

 

 

Spelterine.

 

HE LAAU LAPAAU.

 

O keia kekahi o na laau lapaau maikai loa no na eha e pili ana i na ano holoholona a pau a me ke kanaka, a i apono ia hoi e kekahi mau ahahui ma Amerika a me na wahi e ae.

 

Ua makaukau makou e waiho aku i na hooiaio i na poe mahiko a me na poe malama lio maloko o keia aupuni me na hoomaikai.

 

HAWAIIAN BUSINESS AGENCY

 

Kihi o na alanui Papu a me Kalepa.

 

2@57 3m

 

 

Hoolaha Aha Kiekie.

 

AHA HOOKOLOKOLO KIEKIE O ko Hawaii Pae Aina, ma ka hooponopono waiwai.  Ma ka hana o ka waiwai o ABRAHAM S. BOLSTER, no Honolulu, Oahu, i make kauoha ole.

 

Ma ka heluhelu a me ka waiho ia ana mai o ka Palapala Noi a Caroline K Bolster ka wahine mare a Abraham S Bolster, i make, i oleloia, o Honolulu, Oahu, e noi ana, o kela Abraham S Bolster o Honolulu, Oahu, i make kauoha ole ma Honolulu, Oahu, ma ka la 5 o Dekemaba, A.D. 1880, a e hoopuka ia ka Palapala Hookohu Luna Hooponopono Waiwai ia Louis T Valentine.

 

Ua kauoha ia o ka

 

Poaha, Ianuari 16, 1890,

 

oia kahi a me ka manawa i kohoia no ka hoolohe ana i ua noi la imua o ua Lunakanawai la ma kona keena, ma ka Rumi Hookolokolo o keia Aha, ma Honolulu, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu io ko lakou, e ae ole ia ai ua noi la.

 

Kakauia ma Honolulu, Ko Hawaii Pae Aina, Dekemaba la 16, M.H. 1889.

 

Na ka Aha:

J H REIST, Hope Kakauolelo.

2704-3t

 

 

Aha Hookolokolo Kiekie o ko Hawaii Pae Aina, ma ka hooponopono waiwai.

 

Ma ka hana o ka waiwai o Nancy Wirt, o Honolulu, Oahu, i make me ke kauoha, ma ke keena, i mua o Lunakanawai Makale.

 

Ma ka heluhelu a me ka waiho ia ana mai o ka papahoike a William O. Smith, ka Luna Hooko Kauoha o Nancy Wirt o Honolulu i make, e noi ana e ae ia ka huina o 2704.35, a o na mea i loaa mai ma kona lima he $3370, e nana a apono ia kela mau mea, a e hoihoi i ka waiwai i na poe i kuleana, a e hookuu loa iaia a me kona mau hope ma ka noho ana ma ia ano.

 

Ua kauoha ia, o ka

 

POAHA, IANUARI 23, 1890,

 

ma ka hora 10 a.m. imua o ua Lunakanawai la ma ke keena, ma ka rumi hookolokolo o ia Aha ma Honolulu, oia kahi a me ka manawa no ka hoolohe ana i ua noi la me ka papa hoike, a malaila e hele mai na poe a pau i pili e hoike i ke kumu e ae ole ia ai ua noi la a me na poe kuleana ia waiwai.

 

Hana ia ma Honolulu, Dek. 12, 1889.

 

Na ka Aha:

ALFRED W CARTER,

Hope Kakauolelo Elua.

2263 3t

 

 

Aha Hookolokolo Kiekie o ko Hawaii Paeaina, ma ka hooponopono waiwai.

 

Ma ka hana o ka waiwai o John Gleason o Waiahole, Oahu, i make kauoha ole, imua o Lunakanawai Kiekie Judd.

 

Ma ka heluhelu a me ka waiho ia ana mai o ka palapala noi a S. Cullen, kekahi hoaloha kokoke o Patrick Gleason, ke keiki hiapo a John Gleason i make, e noi ana ua make kauoha ole o John Gleason o Waiahole, Oahu, ma Waiahole, ma ka la 6 o Dekemaba, 1889, a ua waiho iho i hona hooilina hookahi he keiki hiapo o Patrick Gleason, e noi ana e hoopuka ia ka Palapala Lunahooponopono (no ka manawa a hiki i ka wa e hookohu ia ai.)

 

Ua kauoha ia, o ka

 

POAHA, IANUARI 9, 1890,

 

oia ka la i koho ia no ka hoolohe ana i ua noi la imua o ka Lunakanawai ma ka rumi hookolokolo o keia Aha, ma Honolulu, ma ia manawa a ma ia wahi e hele mai ai na poe a pau i pili, e hoike mai i ke kumu e ae ole ia ai ua noi la.  E hoopuka pu ia keia hoolaha no 3 pule, maloko o ka nupepa Kuokoa me Hawaiian Gazette i paiia ma Honalulu.

 

Kakauia ma Honolulu, Dekemaba 9 1889.

 

Na ka Aha:

ALFRED W. CARTER,

Hope Kakauolelo Elua.

2263-3t.

 

 

[Poo Aupuni.]

 

Iloko o ka Ahahookolokolo Kiekie o ke Aupuni Hawaii:

Kalakaua, ma ka Lokomaikai o ke Akua, o ko Hawaii Paeaina, Moi:

I ka Ilamuku o ke Aupuni, a i ole, i kona Hope, me ka mahalo:

 

Ke kauoha ia aku nei oe e kii aku a James Keau, ka mea i hoopiia, ina e waiho mai ana oia i kana pane i kakau ia iloko o na la he iwakalua mahope iho o ka hooko ia ana o keia e hele mai imua o ka Ahahookolokolo Kiekie ma ke kau o Okatoba o ua Aha la, e malama ia ana ma ke keena hookolokolo o ka hale hookolokolo ma Honolulu, mokupuni o Oahu, ma ka

 

POAKAHI, OKATOBA 7, 1889,

 

e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a Miriam Keau, ka mea hoopii, e like me ka mea i hoakaka ia maloko o kana palapala hoopii i pakui pu ia.

 

A e hoihoi mai oe i ka palapala kii me ka hoike piha o kau mau hana no ia mea.

 

[SILA]

 

Ikea e ka Mea Hanohano A. F. JUDD, Lunakanawai Nui o ko Makou Aha Hookolokolo Kiekie, ma Honolulu, i keia la 20 o Iune, M. H. 1889.

 

HENRY SMITH, Kakauolelo.

 

Ke hooia nei au, o ka mea maluna ae, he kope oiaio no ia o ka Palapala Kii ma keia hihia, a ua kauoha ua Aha la i keia la, e hoolaha ia ia mea, a e hoopanee ia ka hihia a ke kau ae o Ianuari e hiki mai ana.

 

Kakau ia ma Honolulu, Okatoba 7, M. H. 1889.

 

ALFRED W. CARTER,

Hope Kakauolelo Elua.

2259 6t

 

 

AHA Hookolokolo Kiekie o ko Hawaii Pae Aina.  Ma ka hooponopono waiwai.  Ma ka hana o ka waiwai o Keliiahonui-Olelo kauoha e kohoia i la e hoopau ai i ka Palapala Kauoha.

 

O ka Palapala hoopii a Junius Kaae e noi ana o ka Palapala Kauoha i hana ia ai o Keliiahonui i make, i hana ia ma ka la 16 o Feberuari A.D. 1855, e hoopau ia, a o ka mea noi, Junius Kaae, e lilo oia i lunahooponopono no ua waiwai la, ma ka la 22 o Novemaba, 1889, i waihoia mai imua o ua aha la.

 

Ua kauohaia, o ka

 

Poakahi, Feberuari 3, 1890,

 

ma ka hora 10 a.m. o ka la i oleloia, ma ka rumi hookolokolo o keia Aha, ma Aliiolani Hale, Honolulu, Oahu, oia kahi a me ka manawa i koho ia no ka hoolohe ana i ua Palapala hoopii la, i olelo ia, a o na poe a pau i kuleana i ka waiwai o Kealiiahonui i oleloia, e hoike mai ina he kumu io ko lakou e kue ana no ka hoopuka ana i ka Palapala Lunahooponopono Waiwai.

 

Hanaia ma Honolulu, Novemaba 22, A.D., 1889.

 

Na ka Aha:

ALFRED W CARTER,

Hope Kakauolelo Elua.

2265-10t

 

 

Hoolaha Hou.

 

HUI LAKOHAO PAKIPIKA

 

(KAUPALENAIA).

 

Kihi Alanui Papu me Kalepa.

 

Ke kono ia aku nei ka lehulehu holookoa, na Lede maka palupalu a me na Keonimana o ke kulanakauhale alii a hala loa aku i ko na mokupuni, e aui mai i na

 

WAIWAI MAKAMAE HOU!

 

I KUPONO NO NA

 

Makana La Kulaia a me Mare!

 

Na Lako Aniani o na ano a pau.

Na kiaha, na pa, na omole wai, a pela aku

 

Na Kii Nunui Kauhale no na Home.

He mau kii i pai ia me ka noeau iloko o na waihooluu like ole nona ke kumukuai haahaa loa, he $2.50

 

Na Ipukukui Kauhale Nani

O na ano a pau, mai ke nui i ka iki

 

Na Laau Kii, e hana ia ma ke kauoha.

 

Mamuli o ka wae akahele ia ana o keia mau waiwai, ua hiki loa ia makou ke kaena ae, o ka

 

Helu Ekahi keia o na Waiwai Makamae i ike ia ma Hawaii nei.

 

2202-1y

 

 

Hale Hoolimalima.

 

He Hale Maikai

 

No ka noho ana a me ke akea, 1 rumi nui me 2 rumi liilii, he lanai a me ka rumi auau, rumi ai a halekuke e pili ana.

 

Aia ma ke alanui Kekaulike, ma kela aoao mai o alanui Hotele.

 

$10 no ka Mahina.

 

E ninau i ka hui

 

HAWAIIAN BUSINESS AGENCY

 

Kihi alanui Papu me Kalepa.

2257 3m

 

 

HOOLAHA HOOKO MORAKI ME KE KUAI.

 

I kulike ai me ka mana o kekahi moraki i hanaia mawaena o Acheong, Tai Way, Alim, Kum Sing a me Ahi, e lawelawe oihana nei malalo o ka inoa hoohui o Tong Hong Wai Company, o Kahaluu, Koolaupoko, Oahu, ia Conchee a me Ahung, i kakau ia ika la 20 o Novemaba, 1889, a i kakau kope ia ma ke Keena Kakau Kope ma Honolulu, ma ka buke 103, aoao 81 me 82, a na ua Conchee la a me Ahung, i hoolilo ia aku ia Hyman Brothers, o Honolulu, i hana ia ma ka la 26 o Novemaba, 1886, a i kope ia ma ke Keena Kakau Kope ma ka buke 103 aoao 82 me 83.

 

A ke hoolaha hou ia aku nei ma keia o kela Hyman Brother i olelo ia, e hooko ana oia ia mana kuai, mamuli o ka uhai ia ana o na kumu aelike o kela moraki, oia hoi ka hookaa ole ia o ka ukupanee, nolaila, e kuai kudala ia'ku ana ma ke akea, ma ka manawa a ma kekahi wahi e hoike ia aku ana, na aina i hoike ia ma ua moraki la, malalo iho nei:

 

No na mea i koe, e loaa no i ka mea nona ka inoa malalo iho, a i ole, ia W O Smith Esq., ma Alanui Papu, Honolulu.

 

HYMAN BROTHERS,

 

Honolulu, Dekemaba 14, 1889.

 

 

O na waiwai e kuai ia ana penei:

 

O kela Mahi Raiki o Tong Hong Wai Company, ma Kahaluu, a me na mea ulu, na hale hana, na holoholona, na mea hana a me kekahi palapala hoolimalima a T A Loyd ia Achee i hana ia ma ka la 20 o Ianuari, 1882, o ka aina o ka Apana 1 o ka Palapala Sila Nui Helu 6741 ma Koolaupoko, i oleloia, a he elima makahiki o kela apana aina i ike ia ma Luukoi, i hana ia ma ka palapala hoolimalima a Mrs Catherine J Steward ia Ah Yan &Co., i kakau ia ma ka la 1 o Iulai, 1880, a i kope ia ma ka buke 95 aoao 267 me 268.

 

2264 3t

 

 

HALEKUAI BIBI HONOLULU

 

(Hope o Wm. McCandles.)

 

HELU 6 ALNAUI MOIWAHINE, MAKEKE MA ULAKO @@.

 

Na Bibi momona, Hipa, Puaa me Ia, na la ai ulu & co.

O na kauoha a na ohana a me na moku mai hooko koke ia no me ka eleu a me ka hikiwawe.

O na holoholona ola no na moku e hiki no ke hooko koke ia.

Telepone Helu 212.     2189-tf

 

 

 

J. T. Waterhouse.

 

(@@@@@@)

 

Halekuai o na Lole Nani Paniolo

 

Lakohao.

 

Na Lako Hana Mahiko,

 

A PELA AKU HE NUI WALE

 

Alanui Moiwahine, Honolulu

2262 1y

 

 

Ka Waiwai o ka Hilina

 

Saseparila Ayer

 

A AYER, Laau Saseparia, kai @@@ hilin@@ ana no ka @@ ma mai @@@ wahi a pau o ka @@@, he @@@ hiki @@@ nei, a ua lawelawe @@@ iwaena @@ hana lapaau.  O ka @@

 

LAAU SASPARILA, @@@ aa Sasaparila Honolulu @@@ mana hoomaemae ma o ka @@@ kekahi mau @@ e ae, a me kekahi @@@ mea no loko o ka honua a me ka hao,

 

HE koko inoino a nawaliali @@@ a wili pu ai @ me @@@ A @@@ hui pu anei me na wai awaawa hoo@@2 Na keia

 

LAAU e hoomaemae ia mau mea ino a pau a maikai.  O na @@@ lapaau a pau @@@ ike ke ano o ko AYER SASAPARILA ua olelo lakou, aole he mea @@@ ka hoomaemae koko @@@ pu ia, aka o keia wale no.  No ka

 

HOOMAEMAE ana i ke koko, a me @@@ hookahua pono ana i na mea a pau ma kekahi mau ano ma @@2, o ka AYER SASAPARILA wale no ka laau @@@ hakaha ole mamua ae o @@@ ae.  O ke

 

KOKO ino ha@uha@@, a @@@ holo pono ana ma ke k@@@ a e hooikaika pu ia no @@@ keia LAAU SASAPARILA A AYER.  He @@@ lahi a he

 

MIAKAI loa hoi kena Laau, aole no ka hoomaemae wale ana no i ke koko, aka, no ka hookaawale pu ana kekahi  @ ma'i, ka momona hou ana i ke koko ino, a me ka hooikaika pu i kona holo pono ana ma na aa.  He lehulehu wale na ho@@ ana mai na wahi a pau o ke ao nei i hoohana m@@@ keia @@@ mamua o kahi mau laau e ae.

 

A HILINAIIA no ka ikaika kupono @@@ ola kino, ma ka maemae ana o ke koko, @@@ make pu ia na ma'i, a pela aku.  He @@@ laau hoomaemae koko a @@@ wale ia malalo o na @@@ lehulehu, aka, @@@ hilinai a me na hoola wale no a ke @@@ okoa, maluna o ka

 

Ayer Laau Sasaparila

 

I HOOMAKAUKAUIA

 

Kauka J. C. Ayer & Co., Lowell, Mass.

 

HOLLISTER & CO

 

Na Agena ma ka Paeaina Hawaii,

100. @@@ Alanui Papu, Honolulu

208@@

 

 

Olelo Hoolaha.

 

Ke hai aku nei au ma ke akea, aohe au palapala kuai aina i hana ai me ka'u keiki Samuel Makaike, a ina he palapala, alaila, aole na'u ia palapala, koe wale no he palapala kauoha iaia.  A ma kena, ke hoike nei au ma ke akea, aohe mana o ia mau palapala kuai palapala kauoha mai keia la aku, owau no

 

S W MAKAIKE,

N. Kona, Nov. 16, 1889.

2263-3t