Ka Nupepa Kuokoa, Volume XXVIII, Number 51, 21 Kekemapa 1889 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA

 

NA KA MAKAHIKI  27.00

NO EONO MAHINA  1.00

KUIKE KA RULA

 

Poaono, Dekemaba 21, 1889

 

Haawina Kula Sabati

 

HAPAHA MUA

 

HAAWINA II. Ianuari 12, 1890.

 

KE MELE A MARIA.

Lu. 1:46:55.

 

PAUKU GULA

 

            Ke hoonani aku nei kuu uhane i ka Haku: hauoli no hoi ko'u uhane i ke Akua i ko'u mea e ola'i. Lu. 1:46,47.

 

NA HELULEHU LA.

 

Poakahi . . . . .Lu 1:46 55

Poalua . . . . I Sam 2:1 10

Poakolu . . . . . Is 55:1 13

Poaha . . . . . . . Is 60:1 22

Poahina . . . .Hal 107:1 15

Poaono . . . . .Hal 90:1 17

Sabati . . . . . Hal 136:1 26

 

  Owai no makua o Ioane? Heaha kana hana? Nohea o Maria? Heaha ka pomaikai nui e loaa iaia? Ua ike oia ia wai?

 

He Mele Hoomaikai.

 

            I. E hoomaikai ana no na pono kino. 46 48. Heaha ko Maria manao i ka lohe ana e lilo ana oia i makuahine no ka Mesia? O ka naau ohumu, he naau hoomaikai anei ia? He mea anei no kakou e pilikia ai ka ohumu? Pilikia anei o hai ma ia mea? He hauoli anei ka poe e noho ana me ka hoomaikai no na pono i loaa mai? He mea anei ia e kokua ai i ke alakai ana ia hai i ke Akua? Ua loaa anei keia manao i na mea a pau? E hoike aku anei ma ke akea i ke aloha i ke Akua no na pono i loaa mai? Pehea ko Maria hoike ana i kona aloha? E hoomaikai ia ana oia no ke aha?

            II. Hoomaikai ana i ke Akua lokomaikai. 49,50 Nawai i hana i na mea nui no Maria? No ke Akua anei na pono a pau? Maluna owai ko ke Akua lokomaikai? Heaha ka maka'u ana i ke Akua? Heaha ka pomaikai no ka poe maka'u i ke Akua? Kana 4:10; Iol. 28:28; Hal. 15:4, 19:9, 34:7; Mal, 3:46; 2Koi. 7:1.

            III. Hoomaikai ana no na hana mana a ke Akua. 51 53. Ua aha ia na mea haaheo? Pehea hoi na alu? Ua aha ia o Parao? O Nebukaneza? Ua hookiekie ia anei ka poe haahaa? Pehea o Iosepa? Mose? Davida? Elia? Esetera? Owai ka poe pololi? E aha ia ana? Mat 5:6; Lu 18:13 Owai ka poe waiwai? Hoik. 3:7; Lu. 18:11; 2Kor. 10:5 Pehea ka Paulo? 1Kor. 1:27 29. No keaha ko ke Akua hana ana i keia mau mea?

            IV. Hoomaikai ana i ke Akua no ka hooko ana i kana olelo. 54, 55. Pehea ko ke Akua kokua ana i ka Iseraela? Ua makaukau no anei ke Akua e kokua ia kakou i keia wa? Heaha ka olelo hoopomaikai ia Aberahama? Kin. 22:17,18. Heaha kekahi mau olelo hoopomaikai e ae? Dan. 7:13,27; Is. 53:60; Mal. 3:1-3,12.

            I.  He naau aloha, hoomaikai ko ka haipule io.

            II. E hoomaikai ana i ke Akua, ka mea nona na pono a pau.

            III. E hauoli mau ana ka mea e hoomaikai mau ana, a e makaukau ana no ka lawelawe hana.

            IV.  O ka mea ohumu, e hoopouli ana oia iaia iho, a e hoonani ole ana i ke Akua.

            V.  Ua piha na moolelo ekalesia i ko ke Akua ianakila ana maluna o na enemi haaheo ona.

            VI.  Ma ko ke Akua lokomaikai i na la i hala e maopopo ai e kokua auanei oia i na la e hiki mai ana.

            VII.  Aole ke Akua i nana i ko waho o ke kanaka i haawi mai ai oia i na pomaikai.

            VIII.  Ma ke aloha ana a me ka hoolohe ana i ke Akua e hoike ai i ke aloha iaia no ka nui o kona lokomaikai.

            IX.  Me ka naau a me ka waha a me ke ano o ka noho ana e hoike i ke aloha i ke Akua.

 

Na Ekalesia.

 

Malalo o keia p@o, e hoopuka mau aku ai makina i ka moolelo e pili ana i na Ekalesia a p@ni ka Pae Aina. E kakau ma na mea an@ nai, a e hoopuka ia aka @o.

 

KA MOOLELO O KA AHAHUI LUNAKAHIKO O MAUI.

 

            La Hana 1, Nov. 5, 1889. Noho ka aha ma ka luakini o Wainee, Lahaina; o Rev H Manase ka lunahoomalu. Hoomaopopoia na hoa o ka aha. Na Kahu Ekalesia -- Inaina, Iosepa, Nawahine, Hihio, Pali, Kamakahiki, Manase, Kaalauwahi. Na hoa mau -- Emesona. Na Ha@olelo -- Kanealii, Kolobabela, Akela. Na Lunakahiko -- Namaka, Wahamana, Keanu, Kapoi, Epelaima, Kapela, R H Makekau, Kauihou, Aberahama, Kane. Komite hoonoho hana -- Pali, Hihio, Aberahama. Komite Imi Haawina -- Kamakahiki, Kane, Kaalauahi. Malama ia ka wa haipule.

            Hoike a ke Komite hoonohonoho hana 1. Hapalua hora haipule; 2. Hoike kihapai; 3. Helu Haawina; 4. Na palapala hoopii; 5. Ka hoike a na ko mite; 6. Na keiki a ka aha; 7. Ke ola o na kahu; 8. Na ekalesia kahu ole; 9. Oihana kuloko; 10. Oihana kuwaho; 11. I komite hoeueu; 12. Kula kahunapule; 13. O ka lapaau ana me ka pule wale no, aole anei ia i pili i ke ano hoomanamana? 14. I kahunapule kaahele; 15. Hebedoma haipule ma Ianuari a me ka Poaha hope no na kula; 16. I la hookeai pili i na mai lepera; 17. Na kokua no Kaumakapili; 18. Kahi a me ka manawa e noho hou ai keia aha. Hoopanee ka aha a apopo hoira 9, me ka pule a @ Kapoi.

            La hana 2 -- Noho ka aha, malamaia kana haipule, heluhelu ia ka moolelo o ka la hana i ha a aponoia. Kumuhana 2. Na Akela hoike kihapai o Kipahulu. A'o ka aha mai hoopiha i na mea opala. Na ke kakauolelo no Kaupo. Na Pali no Lahaina. Na Kamakahiki, Manase, Kaalauwahi, Kolobabela, Inaina, Hihio, no ko lakou mau kihapai. Na ke kaka@olelo no Siloama.

            Kumuhana 3 -- Na Kanealii i heluhelu mai i kana haawina. He oiaio anei he mai ola ole ka mai lepera? Aole anei e hiki ana no ke hoola ia? A pehea la e hana ai i ola? Ua hooholo ia e hookomo iloko o ka nupepa "Kuokoa."

            Kumuhana 4 -- Heluhelu ia ka palapala kahea a Kipahulu ia Akela, a me ka palapala kahea a Pelehunu a me Wailau ia Kolopapela, e noi mai ana i keia aha e hookahuna ia laua no lakou. Waiho ia ma ka lima o ke komite; Hihio, Emesona a me Kamakahiki. Ua wahio pu ia mai ka palapala kahea a ke ekalesia o Wailuku ia Rev J P Kuia i kahu no lakou. Waiho ia i ke komite. Ua noonoo ka aha i ka palapala kahea a ka ekalesia o Siloama ia Rev S Waiwaiole i kahu no lakou, a ua hooholo ka aha pela. A ua apono pu no hoi ka aha e lilo o Rev S Waiwaiole i hoa mau no keia aha mamula o ka hookuu ana mai o ka Aha Euanelio o Oahu.

            Kumuhuana 5 -- Hoike a ke komite Manase. Ua hookahuna ia o Kaalauwahi i kahu no Halawa, Molokai. Hoike a ke komite hoeueu -- Ma ka la 19 o Iulai, ua hooko ke komite i ka hana a ka aha. 1. Ua hookuu ia o Rev D Puhi mai kona noho kahu ana no Kipahulu, mamuli o ka palupalu a ua elemakule iloko o ka hana a ka Haku. 2. Ma ka la 21ae, ua lilo o Akela i haiolelo ma kahi o Puhi. 3. Ua hooholo ia kona uku mahina he $12.50. Ma ia la no, ma Kaupo ke komite, a ua lilo o D M Piliola i haiolelo no laila no 3 mahina, a he $15 o ka mahina. A ma ka la 7 o Iulai, ua hui pu ke komite me na lunakahiko o na ekalesia o Wailuku a me Waihee, no ka noonoo ana i ka pono o na ekalesia e noho kahu ia e ka mea hookahi, a me ka uku makahiki no ke kahu. Ua hooholo ia hookahi kahu no ia mau ekalesia, a ua hooholo ia i $500 no ka makahiki. Ua hana pu ia ka hana hookaa aie o ka ekalesia o Waihee no ke ola kahu, a ua holopono ia hana. A Pali a me O Nawahine, komite.

            Kumuhana 6 -- Hookahi keiki a ka aha, o Ioela, he Samoa. Waiho ia na kekahi komite e ninau, ma ka la apopo.

            Hoike a ke komite o na palapala kahea kahu -- 1. Ua apono ko oukou komite i na palapala o Kipahulu, Pelekunu a me Wailau, he pono i keia aha e hooko. 2. Ua kanalua ko oukou komite i ka palapala kahea o Wailuku, no keia mau kumu : 1. He 87 inoa i ike ia, aka, he 46 wale no i hooia ia 2. He nui na inoa, eia nae hookahi no ano lima kakau. 3. Aohe lunahoomalu nana i hooia ma kekahi hala wai. Emesona, Hihio a me Kamakahiki, komite Aponoia. Koho ia o J K Iosepa, Emesona, Nawahine, Pali a me Manase i komite ninau ia Kolopa pela a me Akela i ka makaukau ma ka oihana kahunapule.

            La hana 3 -- Noho ka aha e like me ka hoopanee ana; malama ia ka hore haipale, heluhelu ia ka moolelo i hala a aponoia. Ninau ia o Ioela i keiki na ka aha, a ua hooholo ia ua pono ia keiki, a na ke kakauolelo e pane aku ia Dr Hyde. Ninau ia na haiolelo o Kipahulu a me Wailau. Ia Iosepa ka hoo@aio Barbala. Ia Emesona ka moolelo ekalesia. Ia Manase ka hooponopono ekalesia, a ia Pali ke ano haipule. Ua apono ka aha e lilo laua i mau kahu ekalesia. O A Pai@, Manase, Kaalauwahi, ke komite e hookahuna ia Kolopapela; a o Iosepa, Hihio, Kamakahiki, Ianina, ke komite e hookahuna ia Akela. Na W B Keanu i hoike mai no ke kihapai o Wailuku. Noi ia mai e noonoo pu ia keia hoike me ka hoike a ke komite hoeueu. Waiho mai o Nawahine he olelo hooholo e pili ana i ka palapaia kahea kahu o Wailuku. Olelo Hooholo, hooholoia: Ke kauoha aku uel aha ia W B Keanu, e hoi aku a hui pu me na lunakahiko a me na hoahanau o Wailuku, e hana i palapala kahea kahu no lakou; a ina e loaa ana, me ka hooiaio ia e kekahi kahunapule, alaila, e waiho ae ia palapala kahea ma ka lima o ke kakauolelo o keia aha, a nana hoi e kahea i ka aha lunakahiko kuikawa, ma kahi a me ka manawa e noho ai. Na Wahamana i hoike mai no Keanae. Na Nawahine no na ekalesia hiu ia. Lawe ka aha a noonoo i ka hapa hope o ia hoike, oia hoi, "e noi ana e hookuu loa aku ka aha i ko Nawahine noho kahu ana no na ekalesia hui." Ua hooholo loa ka aha e hoomau aku i kona noho kahu ana maluna o ia mau ekalesia a hiki i ka wa e loaa ai ke kahu o Wailuku. Na Iosepa i ko Hana. Heluhelu mai o Kamakahiki i kana kumumanao. Hoopanee ka aha a apopo, hora 9, me ka pule a R H Makekau.

            La Hana 4 -- Noho ka Aha. Malama ia ka hapa hora haipule. Heluhelu ia ka moolelo a aponoia. Na Manase i heluhelu i kona kumumanao, ma Ioba 2:5. Kumuhana ehiku, waihoia ma ka lima o ke komite hoeueu. Kumuhana 11, kohoia o Pali a me Nawahine i mau komite hoeueu. Kumuhana 8, na Akela e malama ia Kaupo, na Kamakahiki ia Keanae me Nahiku a me Lanai. Kumuhana 9 a me 10, na ke kakauolelo i hoakaka nui mai i ka oihana kuloko a me kuwaho. Na na Kahu a me na Lunakahiko e koho i ko lakou haawina no keia hapa makahiki e pau ana i Mei 1890.

 

1 No Paia ... $10.00

2 "  Haiku ... 10.00

3 "  Huelo ... 10.00

4 "  Keanae a me Nakihu ... 5.00

5 "  Hana ... 30.00

6 "  Kipahulu ... 10.000

7 "  Kaupo ... 5.00

8 "  Honuaula ... 15.00

9 "  Wailuku ... 50.00

10 "Honokohau ... 12.00

11"Waihee ... 50.00

12" Kaanapali ... 10.00

13" Lahaina ... 50.00

14" Olowalu ... 12.00

15" Kaluaaa ... 50.00

16" Halawa ... 30.00

17" Pelekunu ... 25.00

 

            Kumuhana 12 13 a me 14, hoopanee loa ia. Kumuhana 15, o ka hebedoma mua o Ianuari, no na ekalesia a ma ka Poaha hope no na kula. Kumuhana 16, ma ka Poakolu elua o Ianuari, e hookeai ai na Lunakahiko no na mai lepepera. Hoike mai ke komite o na haawina heluhelu : 1--Pehea la e maopopo ai he mea okoa ka Uhane Hemolele, a i ole he mana paha o ke Akua? Manase. 2--Ko ke Akua lokomaikai i ka poe hewa, he ano mao li anei ia o ke Akua? Kanealii. 3--Ko ke Akua pono, kona ano pololei, kona oiaio, heaha ia? Kamakahiki. 4--E wehewehe ia Luk. 1:3. Inaina 5--Heaha ka hanau hou ia e ka Uhane Hemolele? Kamakahiki. 6--He hoapono no anei ke Akua i na hoahanau noho auwana ma na ekalesia? Iosepa. 7--E wehewehe ia i Na'lii 18:44. Kaholokai. 8--O ka pule nui i ke Akua he mea anei ia e ola ai ka mai, a i ole o ka laau lapaau paha, a i ole, o ia mau mea elua paha? Kuia. 9--E wehwehe ia Esetera 4:14 Nawahine. 10--O ka aie o ka Ekalesia i ke kahu, he hewa make anei ke hookaa ole in? Hihio. 11--E wehewehe ia Hebera 13:7. Pali. 12--Heaha ka bapetizo ia e ka Uhane Hemolele a me ka ahi? Kaalauahi. 13--E wehewehe ia Mat. 6:33. Kolopapela. 14--E wehewehe ia Oih. 9:25. Azela

 

            S K Kamahiki

            J Kaalauahi                  Komite

            M Kane

 

            Kumuhana 17, ua kaa ka mahele o ka aha no Kaumakapili he $21.00. Noi hou ia mai e haawi hou i palapala haiolelo ia Kanealii no hookahi makahiki, a ua pono e lilo oia i haiolelo no kahi ekalesia ke manao e kahea iaia. Kumuhana 18, kahi a me ka manawa e noho ai keia aha, hooholoia e noho ma Kaluaaha, Molokai, ma ka Poalua mua o Mei, 1890, hora 10. Olelo hooholo. Ke hoike aku nei na hoa o ka Aha Lunakahiko a Maui a me Molokai, ko lakou m@h lo i na makamaka o Lahaina, Olowalu, Kaanapali, i na lakou i noho oluolu ai me ka hookipa maikai ma ko lakou mau home. Heluheluia ka moolelo a ua apono loa ia. Noi ia mai e hookomo i ka moolelo iloko o ka nupepa KUOKOA, hooholo ia Hoopanee ia ka aha a hui hou ma Kaluaaha, Molokai, me ka pule hookuu a Rev o O P Emesona. O Nawahine.

            Kakauolelo o ka Aha Lunakahiko.

            Waihee, Dekemuba 13, 1889.

 

Hoole Waiona.

 

Na ka Ahahui W. C. T. U@

 

            Ma Kaieleonalani, oia hoi o "Ema Hale" ma Honolulu.

            He halawai i kela me keia Po@lima hora 7:30 o ke aniahi.

            He halawai Ho@ie Waiona, o ka Ahahui o ka Lipine Bol@@ Honolula.

            Ke kona ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe @ihune, ka poe hoole waiona, ka poe kanaina, na mea a paa, e akoakoa ma ia hale i kela pule. Pela no me na malihini mai na mokupuni e mai, e komo, a hui me makou ma keia hana kuonoono. "No ke AKUA a me ka HOME, a me ka AINA HANAU,"!!

 

HOOLAHA KUMAU.

 

            I ka Poaha auwina la, ma ka hora 2, e hiki ana o Miss Mary E. Green, a me Miss Helen J. Judd ma Hale Ema e malama i ka Ahahui Hoole Waiona, i kapa ia "KA BANA O KA MANAOLANA," iweana o na keiki o ke kulanakauhale o Honolulu nei. Ke kona ia aku nei na keiki o ka aina makua, a me na keiki o na aina e, e hele mai. E malama ia ana he wahi paina meaono me ka inu ti a me ka haukilima, ma ka Poaha hope o ka mahina.

 

NA ITAMU.

 

            I ka wa e alakai ia ana he kanaka Mahomeda i kekahi poe malihini makaikai me na lipine keokeo a bolu, ma na pirimida o Augupita, ua oleloia, ke pii mai oukou na malihini he poe inu waina na haole, o na Mahomeda, aole lakou i inu, nolaila ua oi ko lakou ikaika a na ano like oukou o keia la me makou. Ia manawa, kuhikuhi mai la kekahi o na lede i kona lipine keokeo, a me ka lipine bolu o kana kane, a olelo oia, aole i inu na haole a pau i ka waina. O makou nei, aole makou i lalau iki ia mea. E makaala oe, a i ka wa au i ike ai i keia ano lipine, he hiki loa ia oe e hoohalike ia lakou me oukou, aole lakou i lawe i ka waina, nolaila, ua nui ka hauoli o ke alakai, a mai ia wa, ua makaala mau oia no na malihini hou, ka poe i kau i na hoailona hoole waiona.

 

            O Mrs Mary Clemenet Leavitt (Lewika) oia ka wahine kane make i kaapuni honua no ka hana o ka hoole waiona, he misionari maoli ia, ua hiki oia i Ladana mai kona kaapuni ana, ua hele hou oia i ka la mua o Novemaba i kahakai komohana o Aferika, alaila, i Europa, Potugala, Sepania, Farani, Holani, Denemaka, Norewai, Suedana, Finelana, Geremania, Auseturia, Hunegari, Tureke, Palisetina, Aigupita, Helene, Italia, na mokupuni o Beritania, a me Amerika hema, a e hiki hou ana i kona aina hanau i ka makahiki 1892.

 

O KE KANAKA ELI LUA KUPAPAU,

 

OIA WALE NO KA MEA I LOAA I NA POMAIKAI NO KE KUAI ANA I NA WAIONA!

 

He haiolelo Akamai.

 

            Ua hoomanao au ma kuu komo ana i ka halawai i ka po nei, no na lilo a'u i halawai ai, mai ka wa au i hoohiki hoole waiona ai. Ke i aku nei au ia oukou, aole he kanaka iloko o keia hui i oi aku kona lilo no ka hooki i ka inu ana, e like me a'u. E hoomanawanui mai oukou a na'u no i hoakaka i ke auo o kuu olelo. Ma ka hale hana i keia la ua loaa ia he hana ukupau, ku ka mea akamai, a kahea ka luna (boss) ia'u: "E haawi ia hana ia Law, oia ka mea akamai loa ma na hana o ia ano." I ko makou wa i paina ai, ua hoike aku au i kuu wahine no ia hana. I mai oia ia'u -- Ka! Mamua, ua kapa oia ia oe ka mea hemahema a naaupo ma ia ano hana ! Ua lilo ka kou inoa ino ! Pane au iaia, "pela io no ! A, aole oia wale no ka mea lilo mai a'u aku iloko o keia mau mahina he 16 -- mamua ua loaa ia'u ka hune a me ka poino o ka noho ana, a i keia wa ua nele au no ia mau mea. Mamua, ua loaa ia'u ke kuka kahiko, weluwelu a me ka papale inoino loa, a i ke kamaa buti ua hele a nahaehae. Mamua, he maka ula ko'u a me na lima haalulu, a me na wawae e onioni mau ana i o a ianei i hoohiolo hemahema ia'u i kekahi wa. Mamua, ua maa au i ke kua muamu me ka hoohiki ino, a ua hookaawale aku au ia mau mea a pau, a ua eha nui kuu poo, a ua kaumaha kuu naau, a o ka oi loa ka lunaikehala hewa. Ke hoomaikai aku nei au i ke Akua no ka lilo loa ana o ia mau mea a pau. Alaila, ua hoike aku au i kuu wahine no kana mau mea i lilo ai -- mamua he kapa kaheio a weluwelu ko'u, a he nui ko'u mau pilikia, eha a me ka hele ino loa a me ka eha o ka naau he nui, no ka mea, he kanaka lapuwale ona mau ka'u kane. E mele! E mele! E hoomaikai kaua i ka Haku no na mea a pau a kaua i nele, mai ka wa au i hoohiki hoole waiona ai."

 

NA ANOAI O KA LA KUOKOA MA KALAIAKAMANU

 

E ka Nupepa Kuokoa, Aloha oe: --

 

            E oluolu oe o hookomo ino ma kahi kaawale o kou mau kolamu i na anoai o ka Kalaiakamanu nei, oia keia malalo iho.

            Ma ka Poaha iho nei, Novemaba 28. ma Kalaiakamanu nei, ua malama ia ka la kuokoa, ka piha ana hoi o ke 56 o na makahiki o ke kuokoa ana o Hawaii nei, a ua hoopiha ia hoi ko makou betela, a ua hele a lei Kohala i ka nuku na kanaka. A ua malama ia ha hana e pili ana i ke kuokoa e na haiolelo o ka la, oia o Mr. J. A. Bishaw a me D. Kuimeheua, a ua nui na olelo waiwai i lu ia mai iwaena o ke anaina nui a i ohohia nui ia hoi e na puuwai a pau i akoakoa mai ma ia la, nolaila, ua lilo ia he mea e mahalo ia ai e na mea a pau, oiai akahi no a hana ia ia mea he akoakoa nui ana o na mea a pau e lohe i na mea e pili ana i ka la kuokoa mai na haiolelo mai o ka la.

 

            Ka Paina Luau no ka La Kuokoa.

 

            Mahope iho o ka pau ana o na hana haiolelo, ua malama ia he paina luau na ke Kula Sabati a me ka Ahahui Kinipopo ma ka hora 1 p.m. ponoi, no ka hoopiha ana i ka lua o ka huhu, a eha no hoi ia Keonipulu, a ua  nui na mea ai i pahola ia mai imua o ka lehulehu, a ua ai a ko'u ka puu i ka wai a ka naulu i ka loaa a ke Kula Sabati a me ka Ahahui Kinipopo.

            Mahope iho o ka pau ana o ka hoonuu ana i na ono i hoomakaukau ia, ua akoakoa hou na mea a pau no ka hoolohe ana i na lealea o ka la mai na hui himeni mai 3, no lakou na inoa o Home Lai Club, Huikau Club a me Elua Club. Iloko o keia mau hiu 3, ua lilo ka hanohano o ka la ia Home Lai Club.

 

Na Hui Kinipopo o Kalaiakamanu.

 

            O keia ka hopena o na lealea o ka la kuokoa i hoomakaukau ia e na keiki o ua lai nei a ka manu, a ua hoopiha ia ke kahua kinipopo me ka heluna nui o na makaikai e ake ana hoi e ike i na keiki eleu o kela mahele keia mahele. A mamua ae o ka hoomakaukau ana o na aoao a elua e ku aku imua o ke kahua mokomoko, ua hoomaopopo mua ia na hoa o ka mahele i a me ka mahele 2, ma o ke alakai ana a ke komite nui o ka la, oia o Jos. N. Uahinui, a he wa no hoi ia na ka lehulehu e pihoihoi ana na ka mahele hea la auanei ke eo o keia mau mahele elua, nolaila, ua hookuu aku ke komite i na mahele a elua no ka paani ana no hookahi hora a me ka hapa. I ka wa e paani ana na hui a i elua, ua piha mahalo na mea a pau no ka eleu o na hui a elua, a he kohu popoki maoli no na keiki hopu popo o hope. A no ka manawa hope loa no ka piha ana o hookahi hora me ka hapa, ua hoopau ia na lealea o ka la, oiai ke lawe 'la o Lehua i ka la, a ke noenoe mai la hoi na hiona o ka poeleele, a ua hoike aku ke komite o ka la i ka nui o na puni a kela a me keia mahele, a he wa hoi ia na ka lehulehu i hiaai nui ai e ake e lohe i ka mahele nana ke eo, a penei ka papa hoonohonoho a ke komite :

 

            Mahele 1         12 puni

            Mahale 2         11 "

 

            Nolaila, ua mahalo nui na mea a pau no ka pii like no o na aoao a i elua a he 1 wale no ka oi o ka mahele 1 i ka mahele 2, 2 he wa no hoi ia e nui ana na hauwalaau no ka piha hauoli. Nolaila, ke haawi pu aku nei ke komite o ka la i kona mahalo i na aoao a i elua o na hui kinipopo o Kalaiakamanu.

 

            Owau iho no me ka oiaoi,

            Joseph N. Uahinui.

            Mea kakau o ka la kulaia.

            Kaunakakai, Nov 29, 1889.

 

KAHU EKALESIA O KALAU PAPA ME KALAWAO.

 

            Ma ke Sabati la 1 o Dekemaba nei, ua akoakoa mai na hoahanau a pau ma ka luakini o Kanaana Hou, no ka hoonoho ana i ka makua Rev S Waiwaiole ma ka hiki kino ana mai o Rev H Manase a me Rev J Kaalauahi na komite i kohoia e ka aha lunakahiko o ka mokupuni o Maui, penei

            Himeni hoano, pule pokole hoano ia H Manase, himeni hoonani ia H Manase no, heluhelu olelo laula ia J Kaalauahi, himeni hooanani iaia no, na olelo hoakaka ia S Waiwaiole, haiolelo ia H Manase, pule hoonoho ia Rev J Hanaloa, na olelo hoakaka a ka lunahoomalu, kahea ia o S Waiwaiole, na ninau buke lawe lima, ia J K a me H K, kauoha ana i ke kaho J Kaalauhi, lima akau aloha iaia ae la no, olelo ao i ka ekalesia, ia H Manase, himeni hookuu a me ka pule ia S Waiwaiole, lulu dala he $10.00, a mahope o ia, ua malama ia ka ahaaina a ka Haku e na kahunapule a pau eha, me ka eehia a me ka launa pu ana mai o ka uhane hemolele o ke Akua, a i ka hiki pono aku i ka hor 7 o ke ahiahi, ua kani ae la o Kanaana bele, aia hoi ua piha pono ae la ka luakini me ka maluhia a pau pono na hana o ia po.

 

            S H P Kalawaiaopuna.

            Kalaupapa, Dec. 5, 1889.

 

PAPA ! PAPA !

 

AIA MA KAHI

 

LEWERS & COOKE

 

(o Lui Ma).

 

@@

E loaa ai

 

APA NOUAKI

 

@@

 

PaniPuka, Na Puka Aniani, Na Olepelepele,

Na Pou, Na O-a, Na Papa Hele, Na Papa

Ku, A me na Papa Moe nui loa

 

 

Na Pili o na Hale o na Ano a Pau

 

A ME NA

 

WAI HOOHINIHINU NANI

 

O NA ANO A PAU LOA.

 

NA @ALAKI ANO NUI WALE.

 

A hai i aku nei ka lono na Makamaka

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

 

NO KA

 

UKU HAAHAA LOA

 

E like me kamea e nolo ana mawaena

 

LAUA a me ka MEA KUAI.

 

HELE MAI E WAE NO OUKOU

 

Benson, Smith & Co.

 

Na Mea Laikini ia e kuai Kukaa

 

a me Kuai Liilii aku.

 

Na Laau Lapaau

 

O NA ANO A PAU.

 

HELU 113 me 115, ALANUI PAPU

 

A LAUA NA AO@NA NO NA

 

Laau Lapaau kuluwai Liilii!

 

Boreicke & Schrecke

 

A ME NA

 

Wai Lukini OnAonA Waianuhea !

 

WAIALA MAILE

 

A ME KE

 

Onaona Lei Aloha !

 

            O na lako no ka Lauoho a me ka Ili, a me na mea hoonani o ka Home, e loaa no ia na makamaka ke kipa mai ma keia hale.

2204.tf

 

Hale Hana Lole Nui

KE "PAIONIA O HONOLULU,"

Helu 17 Alanui Ema, Honolulu

 

                        O ka mea nona ka inoa malalo iho, ua makauakau oia e hoolawa aku i ka lehulehu me na aahu i maiau ia. E loaa no ke kuhikuhi no na ana lole ke ninau ae malaila.

 

Palule Keokeo, Paleili, Aahu Moepo, &c.

            E hana ia no na kauoha e like me ka makemake. A o na kauoha mai na mokupuni mai e hooko ia me ka eleu.

            A.M. MELLIS.

            Bele Telepone Helu 410          2202-@m

 

B. F. EHLERS & CO.,

PAINAPA.

 

Poe Kuai i na Ano Lole a Pau.

 

Helu 99 alanui Papu. - Honolulu.

 

            Ua loaa mai nei, ma keia mokuahi Austaralia he mau waiwai ano hou loa, oia hoi: Na Kakinia, Kinamu, a me na Kalakoa o kela a me keia ano. Nolaila, e kuai makepono aku ana makou no na kumukuai haahaa loa.

 

Pahu Hale Leta 351.               Bele Telepone 274.

 

KA AGENA OIHANA HAWAII.

No. 68 ALANUI PAPU KIHI O ALANUI KALEPA, HONOLULU, H.I.

HE AGENA OIHANA, A ME AGENA OHI DALA NO NA BILA A PAU.

 

KEENA OIHANA.

 

 

Na Waiwai paa -- kuai a hoolilo aku, a me auhau uku ana.

Na Hale hoolimalima, Rumi, Keena, Aina e hoolimalima, a aelike ohii na uku hoolimalima o na ano a pau.

Na Moraki e ae ia ma na ano waiwai a pau.

Na Pepa kuleana aina, e kakau a hooponopono ia me na Pepa a pau e pili ana ma ke kanawai.

Kope a me ka Unuhiolelo ma na olelo a pau iloko o keia aupuni.

Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.

Na Malama ana i na Buke a me ka hooponopono ana.

E haawi ia no ka mikiala no na Ohi aie ana.

Na Gula, Kala me na Bila kikoo dala, kuai a hoolilo.

Na Hooponopono Hale Dute e pili ana i na waiwai mai ko na aina e mai.

Na Ukana o keia a me keia ano, e kuai a hoolilo aku.

Na Kauoha o na Mokupuni, e hooko ia no me ka eleu.

 

            O na hana a pau a na makamaka @ haawi mai ana no ka hooko aku i ke kauoha, e hooko ao me ka eleu @ me ka mikiala.

 

            Agena Oihana Hawaii

            2170 1 yr. Mar.