Ka Nupepa Kuokoa, Volume XXVIII, Number 47, 23 Nowemapa 1889 — Page 4
| This text was transcribed by: | Francene H Aarona |
| This work is dedicated to: | Mahalo nui to those who inspire us to seek out information of our heritage |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA
NO KA MAKAHIKI. . . . . . . . . . . $ 2.00
NO EONO MAHINA. . . . . . . . . . . . . 1.00
KUIKE KA RULA.
Poaono, Novemaba 23, 1889
Haawina Kula Sabati
---
HAPAHA EHA
---
HAAWINA XI. Dekemaba 15, 1889
---
Ka hewa o Solomona 1 Na ʻ Lii
11: 4-13.
4 O keia hoi, a elemakule ae la o Solomona, ua hoohuli ae kana mau wahine i kona naau mamuli o na akua e, aole i hemolele kona naau ia Iehova kona Akua, e like me ka naau o Davida kona makuakane.
5 No ka mea, ua hahai ae la o Solomona mamuli o Aseterota ke akua wahine o ko Sidona, a mamuli o Mileko ma ka mea i hoowahawaha nui ia o ka Amona.
6 A hana ino ae lao Solomona ma ike alo o Iehova, aole hele okoa mamuli o Iehova, e like me Davida kona makuakane
7 Alaila hana ae la o Solomona i wahi kiekie no Kemosa ka mea inaina ia o ka Moaba, ma ka puu mamua o Ierusalema, a no Moleka ka mea inaina ia o na mano a Amona.
8 Pela ia i hana ai no na wahine e ana a pau i kukuni i ka mea aala a i kaumaha aku no ko lakaou mau akua.
9 Huhu mai la o Iehova ia Solomona no ka huli ana ae o kona naau mai o Iehova ae ke Akua o Iseraela, ka mea i ike ia e iai na manawa elua.
10 A i kauoha mai la hoi iaia no keia mea, i ole ia e hahai mamuli o na akua e ae. Aka, aole ia i malama i ka mea a Iehova i kauoha mai ai iaia e malama.
11 Nolaila i olelo mai ai o Iehova ia Solomona, ko kou hana ana ia mea, aole hoi malama mai i kuu berita a me k ʻ ou mau kanawai a ʻ u i kauoha aku ai ia oe, e kaili ae auanei au i ke aupuni mai oa ae nei, a e haawi aku no ia i kau kauwa.
12 Aka, i kou mau la, aole au e hana i keia no Davida kou makuakane aka, mai loko ae o ka lima o kau keiki e kaili ae ai au ia.
13 Aole hoi au e kaili honua i ke aupuni a pau, e haawi aku no au i hookahi ohana i kau keiki no Davida ka ʻ u kauwa, a no Ierusalema a ʻ u i koho ai.
---
PAUKU GULA
O ke kanaka i manao ua kupaa oia, e ao hoi ia o hina. 1 Kor 10 : 12
---
MANAO NUI.
E makaala a e pule, o lilo auanei i ka hoowalewale ia.
NA HELUHELU LA.
Poakahi . . . . . . . . .1 Na ʻ lii 11: 1 13
Poalua . . . . . . . . . Kana 7: 1 12
Poakolu . . . . . . . . . Kana 17: 14 20
Poaha . . . . . . . . . Puka 34:1 14
Poalima . . . . . . . . . Iak 1:1 17
Poaono . . . . . . . . . Gal 6: 1 10
Sabati . . . . . . . . . Lu. 12:20 @-8
---
I Ka hoowalewale, p. 4.
Nawai i alakai hewa ia Solomona ? Ehia ana wahine ? 11 3 Ua kue anei keia i ko ke Akua kanawai ? Kana 17 17 Heaha kekahi kanawai ana i malama ole a@ @ 1 Na ʻ Lii 11 1 2. Kana @
No ke aha ka papa ana ia lakou no ka mea ana me na lahui e ? He kauoha ana @ @ @ ma ke Kauoha Hou ? @ @ @ @ @ @ mau me ka @ @ @ @ @ @ @ @ ka hoomaemae. He mea @ @ @ @ @ @ K @ @ @ @ @ @ @ @ @ @ @ @ @ Heaha @ @ @ @ @ 1 Kor 12: 13 Mat. 8: @9
II---Ka @hewa, p. 4 @
Heaha ka mua o ko Solomona @ ? Heaha ka @ @ @ @ @ @ ana ? p 4 @ @ ke pono ole @ @ ?
Sol. 3 23 Ua kokua anei oia i ka hoomanaku ? 7 Owai na akua au ? No na lahui hea ? Owai he kanawai ana i uhai ai ma ia hana ? Puk 20: 4. 5. Heaha kekahi hewa nui o Solomona ? @9 20 -23: 12: 4 - 14.
III---Ka paipai ana ia Solomona, 9, 10
Heaha ka olelo ia Solomona mamua ? 3: 5 - 14. Heaha ka olelo paipai ano ? 9: 1 - 9. No kona naaupo anei keia hoolalau ana ? Aole oia i ike i ka pono ? Aole anei i ao aku ia hai ? Heaha kekahi mau keakea i ka hana hewa ? Ka ke Akua olelo, ka Uhane Hemolele, na pomaikai, a me ke aloha aku i ka Haku Iesu.
IV---Ka hope, 11 13
Oluolu anei ke Akua ia Solomona no keia hewa ana i hana ai? 9. Heaha ka Iesu olelo no ka poe hewa ? Lu 12:47-48. Heaha ka poino i hahai ia Solomona ? Pilikia pu anei ka lahui ? Ke hana hewa kekahi, oia wale no anei ka mea i poino, a o na poe e ae paha kekahi ? Pehea ka hoike ana o ke Akua i kona aloha ia Solomona ? 12. 13. Ua aloha anei ke Akua i ka poe hewa ?
---
I Ina e lilo ana ka mea naauao, a waiwai a me akamai i ka hewa, e makaala kakou o lilo i ka hoowalewale ia mai.
II Mai kaena kekahi i kona kupaa o lilo i ka hoowalewale ia.
III Aole e hele kauakahi ana na hewa.
IV Aole i lawa ka ike a me ka naauao no ke pale ana aku i na hoowalewale ia mai.
V E malama i ka naau.
VI Ua hiki i kekahi ke ao aku ia hai, a lilo oia i ka lalau. I Kor 9:27.
VII He nui na hookeakea a ke Akua i waiho mai ai, i hele ole ma ke ala o ka hewa.
VIII Aole hiki i kekahi e hana i ka hewa, me ka hahai ole ana o na poino iaia, a ia hai.
IX Ua hoopai mai ke Akua me ke aloha
Na Ekalesia.
---
Malalo o keia po, e hoopuka mau aku ai makou i ka moolelo e pili ana i ne Ekalesia a puni ka Pae Aina. E kakau ma na mea ano nui, a e hoopuka ia aku no.
KA AHAHUI OPIOPIO IMIPONO KRISTIANO O LIHUE, KAUAI.
---
I ka la 15 o Novemaba nei, hora 6 p.m., ua kukulu ia ka Ahahui Opiopio Imipono Kristiano o Lihue nei, ma ka hale hui opiopio, ua heluhelu ia ke kumukanawai a hooholo loa ia.
Ua koho ia na lala o ka hui, a eia iho na lala a o lakou no hoi na luna nui : Hon W H Rice ka Peresidena, J B Hanaike Hope Pereisidena, Kiliona Kakauolelo, H K Kahele Puuku, S R Hapuku a me Joe Puni, he mau hoa kuka no na luna, ma ke ano o lakou no ke komite hooko.
Mahope iho o ka pau ana o ke koho ana o na luna nui o ka ahahui, ua ku mai o Hon. H, Walakahauki a hoike maila i kekahi mau manao paipai, he nui kana mau olelo i lu mai ai imua o ke anaina, ua piha ke ana inai ka hauoli, no na olelo wai meli e pili ana i ka pono o ke kukulu ana i na ahahui imi pono Kristiano, ke kahua mua o ka manao o ke kanaka e hopu aku ai i ke alahele o ka pono o ka uhane.
I ka pau ana o ka Walakahauki, @uuku mai o Hon W H. Rice, J B Hanaike, Kiliona, H K Kahele, S R. Hapuku, Joe Puni, a me kakahi mau wahine e kokua a paipai manao, a he hookahi wale no wai o ka like, o ka mahalo me ka hauoli, a ma ka hora 9 ua hoopanee ia ka pule me ka pule a me ka himeni a Rev J Niau. S R Hapuku. Niumalu, Nov. 16, 1889.
---
LETA MAI NUUHIWA MAI.
---
Puamau, Mei 1889.
Rev J D Parisa
Ia oe e kuu hoahanau, me kau wahine a me ka olua mau keiki, kealoha nui ia iloko o ka Haku Iesu Kristo. Ua loaa mai nei kau leta o Jan. 1, 1889. I ka @ i hala ae nei, a ua helu helu @ @ me ka hauoli nei, na mea a pau makou leta. He nui na manao o @ o kau leta e paipai ana a honia na i ko @maua manao, e nana mai aku i ka Haku Iesu Kristio me ke makou la ia kana mau keiki. Ua loaa mai no kau leta mamua, a ua ike no maua i ka mau o ko @ aloha makou wahine, @ maua a me ka maua ka @ A ua noho iho no au a kakau leta aku ia oe Ke manao @ nei ou, @aloha paha @ manawa i kakau leta aku ai ia oe iloko o eiwa makahiki eia ka, aole i loaa aku kahi leta a@o ia oe, ua hele auwana paha ia. Aloha iho.
Eia no maua me ka ʻ u wahine ke ola nei, a me na hoa paahana misionari. Mr Hapuku me kana wahine, Mr Kauwealoha me kanawahine, o ka wahine nae a Kauwealoha ka mea ano palupalu, no ka mai, a ua manao ia, ua kokoke kona wa e hele aku ai, e kahana no o ke kahea mai o ka Haku.
He oiaio kau mau olelo hoolana manao, ua elemakule makou, a ua kokoke no e napoo ka la. Ke ku nei kakou a pau ma ka palena, ma kapa o ka muliwai o Ioredane. Ke kali iki nei no ka leo kahea mai kahaku mai.
E kamailio mau ana no maua me ka ʻ u wahine, no na misionari makua i hala e aku ma kela kapa o Ioredane, Mr Dibela, Wini, I. Aneru, Kalaka, Pareka, Bihopa, kane me ka wahine, ko maua mau makua kumu o ka opio, Koana, Laimana, Pokue, me k alaua mau wahine, Alakanedero, Balauina, Laiana, Hikikoki ma, Kauka ma, a me na hoaloha e ae, pomaikai lakou ua pau ka lui, a ke noho nei lakou iloko o ka Haku, ke waiho nei ka lakou mau hana maikai i hooikaika ai me ka luhi i ke ao a me ka po no ke aupuni o ka Haku, ma ka paeaina o Hawaii, a ma aina pouli kahi i lawe ia ai ka olelo maikai a Kristo. O ka hana a na misionari ma na paeaina Hawaii, he kia hoomanao maikai ia no ke aupuni Hawaii e malama ai. E like me ka olelo kukala a ke ʻ Lii Kamehameha III, ua mau ke ea o ka aina i ka pono.
Ke noho nei no maua me ka ʻ u wahine me ke manao paa i ka Haku, e hana me ka makaukau i loaa ia maua mai ka Haku mai, pela no ka manaolana o na paahana misionari Mr Hapuku ma, a me Kauwealoha ma.
Ke mahalo nei no maua me ka ʻ u wahine i ko ke Akua lokomaikai nui mai i ka haawi mai i ohana kamalii na maua me na moopuna ma ka aina malihini nei e like la me Mose i noho aku ai ma ka aina malihini o Midiana, he elua wale no nae a Mose, a he ewalu hoi ka nui o ka maua mau kamalei i hanau ia ma Hivaoa nei me Tatuiva.
O ka ʻ u keiki i hoi pu mai ai i ka makahiki 1880, ua mare ia ia me ka wahine no Tahiti, he eha ka nui o ka laua mau keiki i keia manawa. O ka hope o na keiki a maua ua hoouna au iaia ma Tahiti e ao ia ai maka olelo Farani, ma ke kula hanai a Mr. Vienot misionari hoole pope i hoonoho ia ma Papeete, a ua kokoke oia e hoi mai ma Iulai, 1889 e hoi mai ai, oia paha ke kumu no na poe kaikamahine hoole ma Atuona, ke manaolana nei au, ma Iune ae nei e holo aku ai au no Tahiti e hoihoi mai i ua kaikamahine la a maua, ina e ae mai ka Haku pela.
Na Hana a ka Haku.
O na hana a ka Haku ma o makou nei, aole no ia i holo laelae e like me ka makemake o ka poe nana ka hana i hoouna ia paahana, i nui na haumana kula la, kula Sabati, i nui na hoahanau ekalesia, i nui na kumu ao, i nui na haiolelo, i nui na kokua mahina hou, a ia mea aku ia mea aku. He nui no ka pouli me ka naaupo me na hana hewa i koe, e uhi paa pu ana mai o a o maluna o keia lahui o ko Nuuhiwa paeaina nei. Ke noho nei ka lahui Nuuhiwa malalo o ka hoomalu ana a na ʻ lii Farani a me na malihini mai na aina e mai. He mau hana maikai kahi a na ʻ lii manuwa i hana ai. 1 Hoopau ana i ke kaua, ka hana powa ke kinai ana i ka hana rama, ka inu, ka ona, he kapu loa ia mau hana. 2 Na makua a pau e hoouna i ka lakou mau keiki iloko o na kula. O ka makua hoouna ole i na keiki i ke kula, e hoopaahao ia oia, a na na makua a pau mai o a o e hanai i ka ai, e hoopai ia ka makua lawe ole i ka ai, nani keia mau hana a ke aupuni Farani. 3 E ao ia na kamalii kula a pau i ka olelo Farani. Aole no i papa ia ka olelo a ke Akua ma o makou, aole papa ke aupuni ma ia mea, o ke ao kula olelo kanaka kai papa ia, ua loaa ia makou elua kula olelo Farani, a ke hooikaika nei makou me na makua me na keiki pu e loaa mai kekahi poe kumu no loko mai o keia mau kula, e like la hoi me ka oukou hana ma ka paeaina Hawaii. Ke hooili aku nei maua i ka maua mau hana a pau maluna o ka Haku, a o kona mana wale no ka mea e hiki ai na mea a pau : a o kona inoa wale no ka maua e hoomaikai a mau loa aku. E haawi i ko ʻ u aloha nui me ka ʻ u wahine i na hoahanau ekalesia a me na hoalauna a pau ma Kona-hema, ke hui pu nei maua e uwe aloha aku ia olua a me ka olua mau keiki a pau, he hauoli nui au ke loaa pono aku keia leta ia oe, owau no kou pokii iloko o ka Haku Iesu Kristo. JAMES KEKELA
Hoole Waiona.
Na ka Ahahui W C T U
Ma @, @ @ o " Kona Hale ma Honolulu.
He @ i kela me @ @ @ @ @ @ @
He malama Hoole @W , o ka Ahahui o na @L @Hale o Honolulu.
Ke kona a ike @ @ @ @ , wahine, @, na mea kiekie, na mea @, ka poe waiwai, ka poe @, ka poe @ @ @, ka poe @ ea mea a pau, @ @ @ ma ia @ @ @. Pela no me ma @malihine, @ mokupuni e @ @ @ @ me makou ma @ @ @ " No ke AKUA me ka HOME, a me ka AINA HANAU @
---
HOOLAHA KUMAU.
---
I ka Poaha auwana la ma ka hora @ e hiki ana o @Miss Mary E. Green, a me Miss @Helen J Judd ma Hale Ema e malama i ka Ahahui Hoole Waiona, i kapa ia " KA BANA O KA MANAOLANA, " iweana o na keiki o ke kulanakauhale o Honolulu nei. Ke kono ia aku nei na keiki o ka aina makua, a me na keiki o na aina e, e hele mai. E malama ia ana he wahi paina meaono me ka inu @ a me ka haokilima, ma ka Poaha hoae o ka mahina
---
HE HAIOLELO.
---
Iloko o na makahiki he 12 i hala ae nei, ua ku au ma keia hale, ka wehe hope ana ia no na hana keaka, a o ka hana lealea o ia po, no na uhane i hala ka hoka o ka hoole waiona. Ma ia lealea, ua hoohenehene ia a ua he owahawaha iana alakai o na ahahui hoole waiona. O kahi a ʻ u e ku nei o ko lakou awai no ia, kahi i ku ai kela ogana malaila na kii a me na mekini, imua o ʻ u kahi a ke anaina i akoakoa ai. Aia ka mua a me ka lua o na lalani pahu o ke kolu, ua lawe ia, oia ka puka e alakai ai iloko o kekahi keena hookomo lole, a aia ka puka e alakai ai iloko o kekahi keena hou aku, aole i hoololi nui ia ke ano o keia hale, aka, ua ano hou na hana, auhea la na opio, na hoa o ʻ u, ka poe i hui me a ʻ u i na makahiki he 12 i hala ae nei ? Auhea ? Pane mai la ke kupinai, auhea ?
Ua kamaaina au me lakou, o kekahi he kiekie kona akamai ma ka himeni, nona na lio o ke kumukuai kiekie he ehiku haneri pakahi, nui a wa a ʻ u holokaa pu ai me ia. Auhea oia ?
Make ! Make mahea ? Make oiai maloko o ka holowaa hanai lio ma ka hale e ku ai na lio; kahi i waiho ai oia i kona mau lio o ka helu ekahi, hookahi mea wale no mea me ia i kona wa i make ai, o Kepni Augasito, o ka mea i hookaumaha ai i kona naau i kona wa i make ai, oia keia : O na hoa o ka wa kahiko ua haalele mai lakou ia ʻ u, aole he mea maanei i kawele i ka hou anu mai kuu lae, koe ka mikanele ka mea a ʻ u i akaaka ai, a i hoohenehene ai. Make no oia ma kahi moe ino, me ka hoino ana i ka poe i hoowalewale aku iaia iloko o ka poino. Oia ka hopena weliweli o kekahi o kuu mau hoa o ka wa opio.
Eia hou : He opio i komo ma na kula kiekie, he kanaka ano hoihoi, he mea i poni ia me na hoa lealea, a i keia wa auhea oia ? Ua make ! Mahea oia i make ai ? Make oia iloko o kauhauha o ka ona, haule oia ma ke ala pii, oiai e imi ana i kahi e hele ai me ke kukui ole, ma ka hotele ma ke kulanakauhale o Pittsburg. Ua haki kona a-i, a aole nae i hahai kanaka i ko na hoolewa ia ana. Pela no o mea a me mea. O kekahi o lakou, ua ike maka au i kona make ana, aole oia i halawai me kona la hanau o na makahiki he iwakaluakumamakolu ; ua nahu oia i kana alelo a puka loa elua mahu ana, ua hele a pehu, aole hoi e hiki iaia ke kamailio moakaka, a kuha aku la oia i ka hu ʻ a me ke koko, a i kona hoao ana e kamailio, aole hiki, ua hele aku la oia mailuna aku o ka moe a hookuikui hele aku la ma ka paia o ka hale, a haule iho la ilalo me ka hoonakulu ana, a ua hapai ia a waiho iluna o ka moe a malaila oia i make ai. Ua i mai kekahi hoa o ia wa ia ʻ u, he ake nui oia e haalele i keia ano o ka noho ana, e holo ana au i ka moku i pakele mai na hoowalewale ana o ka waiona, o kona inu hope ana no ia, a kau oia ka moku okohola, ua pii oia iluna o ke kia o ka moku me ia ano ona no, a haule ilalo a kahe kona lolo iwaho.
Eia hou : Ua make o Pilipo ! Au we ! Aole ! Ae ! Ua make io no. Ua haawi ia he paina no ka poe kuniahi, a mahope ua loaa oia i na makai ma ke kio wai ua hala kona uhane, a nolaila ua lohe oukou i ka moolelo o kuu mau hoa ma ka hale keaka, a ua mihi au no kuu hana lapuwale, na ke Akua e kokua mai ia ʻ u a hiki i ka hopena i ole au e hoohalike ia me lakou.
NA ANOAI O KA LAI A EHU.
---
E ka Nupepa KUOKOA. Aloha oe---
Ma ke Sabati la 17 o Nov. nei, ua hiki mai ke komite nana e malama nei na Ekalesia Hui o Lanakila me Kepulu ( Kahikolu ), Rev W M Kalaiwaa ma Kealakekua nei, no ka malama ana o ka ahaaina a ka Haku Kukala mai ke Kahu mahope o ka pau ana o ka ahaaina a ka Haku e noho mai no hoahanau.
Mahope o ka pau ana o ka ahaaina ua akoakoa mai na hoahanau maloko o ka luakini. Kohola ka Luna Hoomalu Rev W M Kalaiwaa i Kakauolelo mau Waiho mai ka Luna Hoomalu i ke kumuhana mua.
Kumuhana - - - No ke kahea Kahu no na Ekalesia Hou Hiu a kela ia Rev C M @Kamakawiwoole.
@Ka @ o ke Kahu ilawe a @ $300. Mahele ana---$100 ia @ a he $200 ia Kealakekua nei
He kau kahi mea hala loa, eia no ka na paa mua ka palalpala kahea Kahu i ke komite, @ kamaaina wale iho no koe. A @ no kekahi ia manawa, paa na inoa i ke kau Eleu no @ e Rev W. M. Kalaiwaa.
No ke Kope.
Nui ke kope o ka apana o S Kona nei, a ke ala ia nei ke ao a me ka po. O ka hui o Ake ma ka helu ekahi o ke kope, a me he mea ia oia no ka helu ekahi ma ka nui.
Me na keiki oniu huila hao k oʻu aloha nui, a me ka Lunahooponopono ke aloha pau ole. Owau no, Z. Palikapuokepua. Napoopoo, S. Kona, Nov. 18, 1889.
Ka Waiwai o ka Hilina
---
Saseparila Ayer
--
A AYER, @Laau Saseparila, kai kaulana @hilina @ no ka hoomaemae koko, ma na wahi a pau o ka honua, he aneane 40 ma ka hiki i hala ae nei, a ua lawelawe nui ia ho iwaena o na oihana lapaau. O keia
LAAU SASAPARILA, no loko ae ia o ke ia Sasaparila Honedura maoli ; na loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.
He koko @inoino a nawaliwali anei kou ? Ua a wili pu anei me na ano mai ikaika ? A ua hui pu anei me na wai awaawa hoopehu Na keia
LAAU e hoomaemae ia mau mea i no a pau a maikai. O na kauka lapaau a pau o Amerika ike ke ano o ka AYER SASAPARILA ua olelo lakou, aole he mea maikai e ae no ka hoomaemae koko ana mai na mai i awi i pu ia, aka o keia wale no. No ka
HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikea, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke
KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. He maa lahi a he
MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma ʻ i, hoomomona hou ana i ke koko ino, a me ka hooikaika pu i kona holo pono ana ma a aa. He lehulehu wale na hooia ana mai na wahi a pau o ke ao nei i hoohana ma i keia laau mamua o kahi mau laau e ae
A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma ʻ i, a pela aku. He nui na laau hoomaemae koko i @hoolaha waha hee wale ia malalo o na inoa. Pulehu, aka, o na hilinai a me na hooia wale no a ke ao holo okoa, maluna o ka
Ayer Laau Sasaparila
I HOOMAKAUKAUIA
Kauka J. c. Ayer & co., Lowell, Mass.
HOLLISTER & CO
Na A ena ma ka Paeaina Hawaii,
100 . . . . Alanui Papu, Honolulu 2086 tf
Benson, Smith & Co.
---
Na Mea Laikini ia e kuai Kukaa
a me Kuai Liilii aku.
---
Na Laau Lapaau
O NA ANO A PAU.
---
HELU 113 me 115. ALANUI PAPU
O LAUA NA AGENA NO NA
Laau Lapaau Kuluwai Liilii !
---
Boreicke & Schrecke
---A ME NA---
WAi Lukini OnAOnA Waianuhea !
---
WAIALA MAILE
---A ME KE---
Onaona Lei Aloha !
---
O na lako no ka @Lauoho a me ka @ o me ka @ @ @ ka Home, o @ @ @ na makamaka he @hope mai ma kona hale @ @
Kakela a me Kuke
HALEKUAI NUI O KA WAIWAI
ia @ ka pahiolo, kai hale,
tatae, hoe mai a me @ kila.
wili puaa, rula, apeape, kui o ra ano
ia @ , ka ʻ a kaa, @ hoopaa paha
pohaku hoana, kepa, lei ilio, kao-
la hao ilio, pahi, upa, pahi @amiami,
kalapa, kope hulu, pulupulu, oepa ka
lakala, lima hao, ami, keehi, a me
---KAULA OPU---
Palau o na ano a pau,
Oo, ho, kopala, pe, kipi-
kua, hao kope, au ho a pe
a aku, kua bipi, lei bi-
pi, kaula hao bipi, uwea
pa, uwea keleawe, hao pili
piula, kaa palala, ipuhao, ipu t.
PA PALAI. MAKAU MAKE AHO
---
Ili wai, papa holoi, kopa ala, kaula
kuaina, huʻakai, ehi wawae,
hulu pena, a pela aku.
Pena wali, kini nui a me liilii o na
ano a pau, me ka pepa kuhi,
kuhi, pena keokeo, aila
pena, aila hoomaloo,
vaniki kaa, a me
vaniki moe.
PENA HOOMALOO
---a me aniani hale---
AILA MAHU, AILA MIKINI, AILA HAMO
AILA KAA, INIKA KAMAA,
PAUDA, KUKAEPELE KIANA
PAUDA, UIKI IPUKUKUI O NA ANO HE NUI A LEHULEHU
---
Lole Makepono
---E na ma---
AHINAHINA, KALAKOA, KEO
KEO, LEPONALO HULUMANU,
UWE WAHINE, KUI HUMUHU
MU A ME KA LOPI.
---
NA MEA PIULA
Mikini Humuhumu
Mekini a WHEELER a me WILSON
MIKINI A WIILOX ME GIBBS
NA MIKINI A
---REMINGTON.---
He nui loa na mea hao me na ukana ae o na ano a pau, aole hiki ke hai, @ ia aku, hewa i ka wai na maka ke ike
Ke Kuike o loaa no la ma kahi @
Kakela & Kuke
---
Laau Lapaau Kaulana Lo
A DR. JAYNE,
LAAU HOOMAEMAE KOKO
LAAU HOOPAU NAIO, LAAU
KUNU, PENIKILA HUAALE
PAAKAI, LAAU HOOPAA HI,
---
Ma na Laau Hamo a Pala ʻko
KAKELA & KUKE
Hale Hana Lole Nu
KE " PAIONIA O HONOLULU, "
Helu 17 Alanui Ema, Honolulu.
O ka mea nona ka inoa malalo iho, ua makauakau oia e hoolawa aku i ka lehulehu me na aahu @ aiau la. E loaa no ke kuhikuhi no na ana lole ke ninau ae malaila.
Papale Keokeo, Paleili, Aahu Moepo, &c
E hana ia no na kauoha e like me ka makemake. A o na kauoha mai na mokupuni mai e hooko ia me ka eleu. A. M. MELLIS.
Bele Telepone Helu 410 2202-im
B. F. EHLERS & CO. PAINAPA.
----
Poe Kuai i na Ano Lole a Pau.
Helu 99 alanui Papu. - Honolulu.
---
Ua loaa mai nei, ma keia mokuahi Austaralia he mau waiwai hou loa, oia hoi : Na Kakinia, Kinamu, a me ka Kalakoa o kela a me keia ano. Nolaila, e kuai makepono @ ana makou no na kumukuai haahaa loa.
Pahu Hale Leta 351 Bele Telpone @
KA AGENA OIHANA HAWAII.
No. 68 ALANUI PAPU KIHI O ALANUI KALEPA, HONOLULU HALE HE AGENA OIHANA, A ME AGENA OHI DALA NO NA BILA @
---
KEENA OIHANA.
Na Waiwai paa---kuai a hoohio aku, a me auhau uku ana.
Na Hale hoolimalima, Kunia, Keena, Aina e hoolimalima, a aelike na uku hoolimalima o na ano a pau.
Na Moraki e ae ia ma naano waiwai a pau.
Na Pepa kuleana aina, e kakau a hooponopono ia me na Pepa a @ ana ma ke kanawai.
Kope a me ka Unuhiolelo ma na olelo a pau iloko o keia aupuni.
Na Panihakahaka ola, Hale, a me na waiwai na ano a pau i na Ahahui hakahaka helu ekahi
Na Malama ana i na Buke a me ka hooponopono ana
E haawi ia no ka mikiala no na Ohi a@ ana.
Na Gula, Kala me na Bila Kikoo dala, kuai a hoohio
Na Hooponopono Hale Dala e pii ana i na waiwai mai ko na@
Na Ukana o kela a me keia ana e kuai a @ aku
Na Kauoha o na Mokupuni, e hooko ia no me ka eleu
O na hana a pau e na makamaka e haawi mai @ @ @ @ @ @ @ @ no me @ i ma ke mahalo. Apana Oihana Hawaii @ @