Ka Nupepa Kuokoa, Volume XXVIII, Number 47, 23 November 1889 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXVIII, HELU 47.        HONOLULU, POAONO, NOVEMABA23, 1889.        NA HELU A PAU, 2260

 

HOOLAHA LOIO.

 

NELLIE M. LOWREY,

Notari no ka Lehulehu,

- A HE -

Luna Hooiaio Palapala a me na Palaiaia Hoohiki

Keena Hana me W. R. Kakela Loio na ka aoao makai o ka Hale Leta, Honolulu

2241-3y.

 

CECIL BROWN.

LOIO A HE KOKUA MA KE KANAWAI?

No Agena Hooiaio Palapala no ka Mokupuni o Oahu

KI NA HANA:  Ma alanui Kalepa.

tf.

 

E G. HITCHCOCK.

(AIKUE HIKIKOKI).

LOIO A KOKUA MA NA MEA A PAU E PILI ANA MA KE KANAWAI.

E ohi ia no na Hila Aie, me ka awiwi

HILO, HAWAII.

2114-1yr

 

A. ROSA.

[AKONI.]

Loio a he Kokua ma ke Kanawai.

Luna Hooiaio Palapala.

Keena hana, ma alanui Kaahumanu.

 

GEORGE P. KAMAUOHA.

He Loio a he Kokua ma ke Kanawai.

- A HE MEA -

ANA AINA.

E loaa no ma Kohala Akau, Hawaii.

2001-1y

 

WILLIAM C. ACHI.

Loio a Kakaolelo ma ke kanawai imua o na Aha a pau o keia Aupuni,

a he Boroka ma na waiwai paa.

Keena Oihana, Helu 36, Alanui Kalepa, Honolulu, Oahu.

224t-3m.

 

ENOCH JOHNSON,

(Enoka.)

He Loio a Kokua ma ke Kanawai,

Imua o na Ahahookolokolo a pau o keia Aupuni.

Keena hana me Mr. P. Numana,

Helu 44 Alanui Kalepa.

2258 1y

 

W R. KAKELA.

LOIO A HE KOKUA MA KE KANAWAI

He Luna Hooiaio Palapala.

tf

 

PACIFIC HARDWARE COMPANY

Na hope o Dilinahama Ma.

Mau Mea Kuai Lako Hao

Alanui Papu Honolulu

 

WILDER & CO, (WAILA MA.)

Mea kuai papa a me na lako kukulu hui o na ano a pau,

a me na me no pono a pau a he hale.

Kihi Alanui Moiwahine me Papu

 

JAMES M. MONSARRAT.

(MAUNAKEA.)

LOIO A HE KOKUA MA KE KANAWAI

He Luna Hooiaio Palapala.

E hana ia no na Palapala Kuai, Palapala Hoolimalima, a me na palapala pili kanawai e ae ma ko olelo Hawaii.

Dala no ka hoaie ma ka moraki ma na waiwai paa.

KEENA HANA:  Hale Pohaku hou ma ka aoao

ma Waikiki o ka Halewai,

Alanui Kalepa.

 

HALEKUAI BIBI HONOLULU

(Hope o W n. McCandles.)

HELU 6 ALANUI MOIWAHINE, MAKEKE MA ULAKO EO.

Na Bibi momona, Hipa, Puaa me la, na laui ulu & co.

O na kauoha a na ohana a me na moku mai

hooko koke ia no me ka eleu a me ka hikiwawe.

O na hoolhoona oia no na moku e hiki no ke hooko koke ia.

Telepone Helu 313.

2189-tf

 

KE KIU PAHAOHAO

- KA -

Ipo Aloha o Parisa

- A O KE -

Ahi Lalapa o na La Inea o Farani.

He Moolelo Eehia no ke Au Uluku o Europa.

     Farani!  Iloko o na popilikia a me ka ehaeha kuhohonu!!  Parisa!  Iloko o na uluku manaonao o na kipona o ka poino!!

     Iloko o Parisa e hookahua ia ai ka kakou moolelo.

MOKUNA 111.

KA HALE O KA WAHINE KILOKILO.

     Maluna o kekahi mau laau koo, e kau okuu ana he popoki nui i hele a haeleele ka hulu, a ma kekahi aoao, e kau ana he manu aloha.  Ma kekahi kihi, he kapuahi pohaku, a e lalapa ana ke ahi i hoaa ia me na laau aala, a maluna ae o na ula o ke ahi, e kau ana he wahi kilu ipuhao i piha me kekahi mea ano wai, a e ppi ana me ka hihio o ka mahu i ka hele a wela.

     Ma kekahi aoao o ua ahi nei, e kau ana ke kii o ke akua kilokilo i kapaia ia inoa o Taifona, i okioki ia mailoko mai o ka pohaku mabala, me na maka aa a weliweli, a o ke ano o kona kinohe ku i ka hoomakaukau, a e kau ana na lima imua me ke kuhi poo o na manamana, he hoailona hoi no kona kau i na hoopai ino maluna o kana poe i enemi ai.

     Mamua pono o kahi o ke ahi, e ku ana o Ekelemo, ka wahine kupua, ke kilokilo ke kahuna, ka mea i kaulana no na hana pahaohao, no na hanao hoomanamana a eehia, ka mea hoi nana i hoala ae i ka noonoo o na luna aupuni e hopu iaia, aka, ua komo e aku la nae o Farani iloko o ke kaua, a uhi pouli pu ia o Parisa e ka uluaoa o ka haunaele kuloko, a nolaila, ua ano pa laka ia ka noonoo ana nona.

     O ka ili o u kupua Ekelamo nei, he ano lenalena, o kona mau helehelena ua like me ko kekahi ano holoholona o Inia Akau, i kapaia he Tuga.  O kona mau maka he nunui a aa na onohi me he ahi la, i ano like me ko ke kii kupua e ku ana ma ka aoao o ke kapuahi.

     Ua owili ia kona lauoho iloko o na owili lehulehu, a ua hoopaa ia me na apana uwea loloa a ku pololei i hope, a ua hoopaa ia kela me keia owili me ka apana lipine melemele.  O kona mau lima a me na manamana lima, he loloa a wiwi, aka, he oolea nae a ikaika, a he like kona mau maio me na maiuu o ka manu Aeko, a e paa ana ma kekahi o kona mau lima he kookoo a he kii poo kanaka ma ke kuai o ua kookoo nei.

     E ku ana ua wahine kilokilo nei mamua pono o kahi o ke ahi, a e oni ana kona kino me ka malie i o a ianei, e kau pololei ana kona mau lima imua, e haka pono ana na maka i ka ipuhao e paila ana me ka wela nui, a e namunamu ana oia i kekahi mau olelo pule pahaohao.  E uwe ana ka popoki, e walaau ana ka manu aloha, a o na kii, na kino me na poo iwi kanaka, me he la ua okomo ia aku iloko o lakou kekahi mau mea ano e, a me he la e oni ana lakou.

     "E paila, e paile," wahi a ua wahine kilokilo nei, a hoomaka ae la ia e oli:

     O ka wai o ka make mai ka hanu ahi'e

     Na hana weli i ka mea hauoli,

     Na puni lealea me na pomaikai weliweli

     W aihue i ka uhane mai ke kino lepo.

     Ka hoopai!  ka hoopai!  me ke kiaha laau make,

     Ka waina o Dua no na lehelehe punihei i haawaawa ia me na wai wela,

     Ma na papaaina a na ene ni,

     O ka hoomake o ka hoola - na'u ia mau hana noeau.

     "Aha! ke pipi nei ka mahu.  A - he kapuai wawae!  Owai keia?  A - Pehea e Zabaka?" wahi a ua kilokilo nei.

     Pale ia ae la na uhi o ka puka a komo mai la he kanaka me ka heleuluulu He kanaka eleele Aferika, nona ke kino nui a puipui me ka oiwi e hoike mai ana he kanaka ikaika.  Ua koli ia ka lauoho o kona poo.  a ua nemonemo, a he apo lole kilika ma kona puhaka me kekahi pahi pahu umauma e paa ana.  E hoomaopopo ia o keia Araba, nona ka inoa a ka wahine kilokilo i kapa aku ai o Zabaka, o ke kauwa no ia a ua wahine la.  Pane koke mai la ia

     "He kaa, eia koke ae."

     "Maikai, ua holopono na hana a kuu mau kiu.  A, heaha kela?  E hoolono," wahi a ua luahine nei me ka awiwi o na huaolelo.

     He koele kai pa-e mai ma kekahi aoao o ua rumi nei.

     "letu!" (akahi) wagu ana.

     A koele hou mai la no.

     "Bitiri!"  (alua) wahi hou ana.

     A koele hou no.

     "Sanakona!" (akolu.)  E hookomo mai ia lakou e Zabaka; ua lawe mai la kuu mau kauwa ia Vitoa Beremota imua o'u.  E awiwi."

     Nalowale hikiwawe aku la o Zabaka me he aka la i maalo ae a nalo aku ka meha.

     Niau ae la ua o Ekelemo mai kahi ana e ku ana a i kekahi aoao o ka rumi, me ke kuakuai ana i kona mau lima ma kahi o ke poo kii kanaka o kona kookoo a e mino aka ana.

     Iloko o na minute pokole mahope iho, ua lohe ia aku la he mau halukuluku ma ka lumi mawaho, a komo aku la he elua mau kanaka e aloko ana i kekahi kanaka okoa, a e noke ana ia kanaka i ke kupaka a me ka oni, a hookui aku la i ka paia.

     "Na lapuwale," wahi a ua kanaka nei me ka piha inaina.  "Na powaa, e na oki puu!  Ihea olua i lawe mai nwi ia'u?  E hai mai!"

     Ala ino ae la ia a hoomaka aku la e holo ma kahi o ka puka me na uhi paku, aka, ua hookui aku la nae me ke pani, no ka mea ua hooholo ia ae la ke pani puka a paa.

     "Auwe!"  O ka lua heana hea keia o ke diabolo?  Ke honi nei au i na ea ino polopolona o ka luakupapau, a ke kakaa nei ko'u lolo.  E na lapuwale, e hokuu aku ia'u mai keia wahi.  E wehe i keia puka o ka lua mimio a e homo aku au."

     Iloko o keia manawa a ua kanaka nei e noke ana i ka hookuu i kona mau inaina, aole oia i ike aku i ke kilokilo Ekelemo, oiai, aia oia ma kahi pouli.  A oiai ua kanaka nei e noke ana i ke peku i ka puka, ua puka mai la o Ekelemo mai kona wahi i pee ai a ku ana ma kahi o ka malamalama, a pane mai la me ka leo hanehane:

     "E vitoa Beremota, ua paa oe ia'u Ano, eia oe malalo o ko'i mana."

     "A! owai kela?  No wai ia leo hanehane i pa-e a=mai la?" wahi a vitoa Beremota i pane ae ai me a huli ana ae e nana.

     "Owau o Ekelemo, ke kupua, ke kilokilo."

     No kekahi mau sekona, ku iho la o Vitoa Beremota me ka haka pono ana aku o kona mau onohi maka iluna o ua wahine nei.  Holo ae la ke anu a puni kona kino, a mae iho la ka ula o kona mau papalina, a oolea pu kona mau lehelehe a lilo ae la i keokeo.  O kona mau maka i piha me ka wela inaina iloko o na sekona mamua iki iho, ua ano nawaliwali iho la, a me he la ua kakia paa ia kona kino ma kona wahi e ku ana.

     Holo ae ia na noonoo nui wale iloko kona poo; he oiaio anei eia oia imua o kela wahine kilokilo kahi i ku ai he alo a he alo?  Ka mea hoi nona ka inoa i kaulana no kekahi mau hana pahaohao a hooweliweli i kau aku maluna o ka poe ana i enemi ai Aka, aia nae iloko o keia manawa, me ko ianei hoomanao no ia mau mea weliweli a pau, aole nae oia wale no ke kumu nana i hoopuanuanu aku ia loko ona, aka, he mea okoa aku no kekahi, oiai, ua hoomanao ae la keia ua ike mua no oia i kela mau helehelena, a nune wale iho la no iloko iho ona;

     "Auwe; ke ole au e kuhihewa, alaila, ua pau ko'u pono.  Ua ike au i kela helehelena mamua.  Ihea la?  A, i Enelani.  Ina aole o keia mau helehelena, alaila, he mau helehelena i like loa me keia, a me he la, ke olelo mai nei - "ua olelo aku au ia oe e Vitoa Beremeta aole au e make; e ola ana au a hiki i ko'u wa e lawe ai i kou ola no kou hoao ana e powa i ko'u"  Ina o Ekelemo io keia kela kilokilo - ka mea hoi nana kela mau hana weliweli a'u i lohe mua ai - alaila, he mea e ke kamahao o ka like loa o na helehelena o keia Ekelemo kilokilo me na helehelena o ka wahine kauwa a'u i hou ai me ka'u pahi a meke iloko o ke keena o lalo o kekahi hale ma Enelani, he umikumamahiku makahiki i hala hope ae nei -"

     "Ua halawai no kaua mamua loa'ku nei," wahi a ua wahine nei.  "Ma Italia, Geremania, Inia - aole anei?:

     A mai pane aku o Vitoa Beremeta - 'ma Enelani kekahi' - aka, hoomanao ae la nae oia, ina o keia Ekelemo io keia wahine ana e manao nei ua make, alaila, me he la aole oia i hoomaopopo mai la iaia nei o ka mea na na oia i hou i ka pahi i ko laua manawa e hele ana malalo o na inoa huna.

     "Ua hoomaopopo anei oe owai au?"  wahi a Ekelemo i pane ae ai.

     "E ka hoomanamana; ae, ua ike au ia oe!"  wahi o Vitoa Beremota me ka leo aaka.  "E umi ia kou kani a-i i pa tausani manawa.  Heaha ko'u mea i lawe ia mai nei ianei?  E hookuu ia'u e puka aku iwaho.  Aole anei oe e oki ae i keia mau maawe kaula e paa nei i ko'u mau lima?"  A hoomaka ae la ia e uneune i kona mau lima oiai e paa ana i ke kupee ia mahope o kona kua.  "E hookuu ia'u, aole anei ou lohe - " a oni ae la oia me ke kupaka ana i o a ianei.

     "Ke olelo aku nei au, ua halawai no kaua mamua!"  wahi a Ekelemo.

     "Ae, e ka lapuwale!  E hookuu aku ia'u iwaho, a e halawai hou no anei kaua,"  wahi a Vitoa Beremota me ka piha inaina.

     "I ka wa a Ekelemo e hoouna aku ai i kekahi mea, aole loa e hala ana ko lakou hiki mai - a hiki loa i ka rumi o lalo loa o kekahi hale ma Enelani.  Pehea ia e Vitoa Beremota," wahi a ua Ekelemo nei me ke ano kaena.

     I keia manawa, lohe ia aku la ke koele ma ka paia, e hoike mai ana aia kekahi mea ilalo e makemake ana e pii mai iluna.

     "Na ino a pau," wahi a Vitoa Beremota iaia iho.  He mea oiaio, oia no keia.  E hemo au i keia manawa, a e paio ikaika aku no ko'u lanakila," a pane leo nui ae la:

     "Heaha la kau i hoouna ae nei e kii ia ae au?  E lalau aku ana ko'u mau manamana lima i kou pua-i, e ka lapuwale.  Ano, ua lanakila au.  Ha, ha," a ia manawa koke no, mamuli o kona pakela ikaika, ua mokumoku ae la ke kaula i paa ai kona mau lima, a hapai ae la ia he pauku laau i kona lima a pane hou aku a:

     "E kauoha koke aku e wehe ia kela puka - e ka hoomanamana - a i ole, e paluku ia no oe e a'u me keia pauku laau a hiki i kou make ana!"

     "Mai awiwi loa, e Vitoa Beremota," wahi a ke kilokilo.

     "E ike ana kaua ia mea; e awiwi a e haawi aku i ke kauoha no kela puka e ka lapuwale.  A! Ua moku aku la kuu manamana lima."

     Me ka leo nui oia i pane ae ai i keia mau huaolelo hope loa; no ka mea, ua lele aku la oia me ka mama a me ka ikaika imua o Ekelemo, aka, ia manawa koke no nae ua wahine kilokilo nei i kau mai ai i kana kookoo poo kanaka imua a uhau iho la i ka lima o Vitoa Beremota, a he kani a he hihio ka mea i lohe ai, ua haule aku la kekahi o na manamana o ka lima e paa ana i ka pauku laau.

     "E akahele i ka wahine kilokilo oiai oe iloko o kona kuono," wahi a ua Eke lemo nei.

     "Ua moku ia kekahi o ko'u mau manamana." wahi a Vitoa Beremota.

     "A malia o kekahi pepeiao aku koe ou e kuu enemi, a i ole, o kekahi maka," wahi a ua kilokilo Ekelemo nei i pane hou aku ai.

     (Aole i pau.)

 

HE KAAO

- NO -

HAPAIKALA -

Hapaikamahina

KA HUA OHIA NANI

I LOAA MA KA

Piko Mauna o Farani

Ka Ui nana Kakele ke Aupuni o ka Lihilihi o na Manu.

I Kokua ia e HULUPAINA kona Pokii.

Unuhi ia e Moss Ma'u

     Iloko oia wa i pane aku ai ke koa opio i kona lio:  E lele kaua ilaila i ike aku ai au ia aupuni.  Ae aku la ka lio a lele aku la laua ilaila.

     Ia laua i hiki aku ai, ua ike aku la ke koa opio i keia huina kanaka nui e puuluulu ana ma kahi kokoke i ko laua nei wahi i haule iho ai, a oia kana i ninau iho ai i kona lio i ka i ana iho:

     Heaha ka hana a kela poe kanaka ma kela wahi?

     Pane ae la kona lio, o ke kumu e piha ia mai la kela wahi mamuli no ia o ka li ana i ke kanaka nana e malama ka hale kamaa o Kinikeoki, ka moi o Pelekane nei, no ka lilo mau o ke kamaa o ua haie kamaa la, a oia ke kumu e make mau nei kanaka o keia aina.

     Pane aku la ke koa opio, e hele hoi ha kaua malaila i ike aku ai au i ke kanaka e li ia ana iluna o ka amana li kanaka?  Ae aku la kona lio a hoomaka aku la laua e hele.

     Ia laua i hiki aku ai ma kahi o na kanaka e piha ana, ike aku la ke koa opio i ke kanaka e hoomakaukau ia ana e li, a oia no hoi kona wa i pane aku ai me ka leo moakaka i hiki ke lohe ia e na mea a pau, i ka i ana aku:  E hookuu i kela kanaka!

     I ka lohe ana o na mea a pau i keia leo, ua nuli like ae la lakou e nana o ka mea nona keia leo, a ia wa i ike mai ai lakou i keia opio ui e ku aku ana imua o lakou, a ia wa i pane mai ai ka moi:

     Heaha kou kuleana, a heaha kou mana maluna o ka'u mea e hana nei?

     Pane aku la ke koa opio, ke noi aku nei au i kou oluoiu e ka moi, e hookuu ia ae ke kanaka a na'u e malama ko hale kamaa.  Ae mai la ka moi i ka manao o ke koa opio, a hookuu ia ae la ke kanaka e hoomakaukau ia ana e li.

     Iloko o keia wa i pane mai ai ka moi imua o ke koa opio:  Ia oe e ke keiki nona na helehelena i haiamu ia e ka nani a'u e ike nei, eia ke kauoha ia oe e malama oe i kuu hale kamaa, a ina e loaa ia oe ke kolohe nana e aihue mau nei na kamaa, alaila, o kuu aupuni nei nou ia, a o oe ka moi, a o kuu kaikamahine o kau wahine ia, o na poe a pau malalo aku ou, a o oe ka mana maluna o na mea a pau.     Aka, ina e lilo hou na kamaa o kuu hale kamaa mai kou manawa aku e malama ai a loaa ole ia oe ke kolhe nana i aihue, alaila, o kou ola wale no ke pani no ia mau kamaa, oia hoi, e make oe maluna o ka amana li kanaka.

     I ka lohe ana o ke koa opio i na olelo a ka moi, ua ae aku la oia, a ia wa ua hoi aku la oia me ka moi a noho ma ka halealii a hiki i ka wa e hoihoi ia aku ai no ka hale kamaa o ka moi.

     A i ke kokoke ana mai o ka manawa i olelo ia ai no ke koa opio, ua hoihoi ia aku la keia a noho iloko o ka hale kamaa.

     I ka uhi ana mai o ka po, a oiai ke koa opio e nanea ana iloko o kona rumi, ua hiki aku la ke kaikamahine alii a pane aku la imua o ke koa opio i ka i ana aku:

     Ia oe e ke keiki nana e malama nei ka hale kamaa o kuu makuakane, e oluolu anei oe e inu waina pu me a'u?

     Pane aku la ke koa opio, he oluolu mau i na wa a pau.

     Iloko o keia wa, unuhi ae la ua kakamahine nei i kekahi omole mailoko ae o kona poli a ninini iho la iloko o ke kiaha, a haawi mai la i ke koa opio e inu, a inu ae la no hoi keia, a pela mau ka hana a ua kaikamahine nei me ka manao e ona ke koa opio.

     I keia wa ua ike iho la ke koa opio i ke ano luhi o ke kaikamahine alii, nolaila, hoohaule iho la keia iaia mai luna mai o ka noho a waiho ana ilalo o ka papahele.

     I ka ike ana o ke kaikamahine alii i ka haule ana o ke koa opio, manao iho la oia ua ona loa ia la i ka waina, (eia ka e makemake ana e ike i ka hana a keia kolohe), nolaila, pane iho la ua kaikamahine nei:  Apopo mae oe, a o ko ona no kena e moe ai a hiki mai ia manawa.

     I ka pau ana o keia mau olelo a ua kaikamahine nei, ku ae la oia a hele aku la no ka rumi kamaa o kona makuakane a hu'e mai la a ku ka paila hana ka haawe o ua mea o ke kamaa, a eia no ke koa opio ke ike aku nei no i keia mau hana a ke kaikamahine alii.

     Iloko o keia wa i uina mai ai ka puka a komo mai la he 5 poe nika, a haawi aku la ua kaikamahine nei i ua poe kamaa nei ia lakou, a puka aku la ua poe nike nei me ke kaikamahine alii a kau aku la maluna o ke kaa a holo aku la.

     Maanei e ka mea heluhelu e hoike aku kou mea kakau no keia poe paele.  O keia poe paele i hoike ia ae nei, he poe kauwa lakou na ka ipo a ke kaikamahine alii, he paele no, a ia lakou mau no e lilo nei na kamaa o ka moi, mamuli o ke komo pu ana o ke kaikamahine alii, a aole nae lakou i loaa iki a hiki wale i keia wa a ke koa opio e kiai nei i ua hlae kamaa la.  Nolaila, ua maopopo aku la paha la oe ke ano o keia poe paele, nolaila, e huli ae kaua a nana aku no ke koa opio.

     I ka hoomaka ana aku o ke kaika mahine alii a me na paele e puka iwaho mai ka rumi aku a ke koa opio e moe nei, ua ala ae la oia a ukali aku la mahope o lakou.

     A i ka hoomaka ana aku o ko lakou kaa e holo, ua kau aku la keia mahope o ke kaa me ko lakou la ike ole mai, a pela iho la keia e pupue nei mahope a hiki wale i kahi o ke kaa i ku iho ai, a i  nana ae ko ia hana eia ka iloko o ka ululaau, a hoomaopopo io la kaie oia lakou i uka o ke kuahiwi.

     Lele iho la kaikamahine alii i lalo me ua poe paele nei a hele aku la, a aole i liuliu iho, ike aku la ke koa opio i ka a mai o ke kukui, nolaila, hele aku la keia a kokoke ike iho la keia he hale, a ua paa ka puka, a hele hou aku la keia a ma ka pukaaniani a kiei aku la iloko, a iloko o keia wa ua ike aku la oia i ua poe paele nei e komo ana i ua poe kamaa nei.

     I ka paa ana o na paa kamaa o ua poe nei, ua hoomaka iho la lakou e hulahula, a o ke kaikamahine alii hoi ua hala ae ka ike'na a na maka o ke koa opio iaia ma ia manawa.

     Oiai ua poe nei e hoomau ana i ka hula, a e hoomau ana no hoi ke koa opio i ka nana, a i ke kokoke ana ae i kauwahi o ke ao, ua ike aku la ke koa opio i ka puka ana mai o ke kaikamahine alii a me kekahi mau paele a hele aku la a kau iluna o ke kaa.

     Oiai lakou e hoomaka aku ana e hoi no kai o ke kulanakauhale, ua kau aku la ke koa opio mahope, a i ke kokoke ana i ka hale kamaa o ka moi, ua lele iho la oia ilalo a holo aku la me ka mama nui a komo iloko a moe iho la ma kona wahi i moe mua ai.

     Aole i liuliu iho, komo ana ke kaikamahine alii, a ike iho la i ka moe no o ke koa opio, nolaila, pane iho la oia me ke ano hoohenehene i keia mau huaolelo:

     Hoomanawanui e ke kanaka opio, he mau hora helu wale no koe, alaila, hiki mai kou manawa.

     I ka pau ana o keia mau huaolelo a ua kaikamahine la, ua puka aku la oia a hoi aku la no kona wahi.

     I ka hala ana aku o ke kaikamahine alii, ua ala ae la ke koa opio a nana ae la i ka uwati o ka hora 4 ponoi ia, a nalu wale iho la no oia iloko ona no keia mau hana.

     I kana hala ana ae o kekahi mau minute, ua wehe ae la oia i kana buke punahele a pane iho la:

     Ia oe e Bulionababela, kuu ilio kupua hoolohe o na ululaau o Lebanona, ua makemake au ia oe i keia manawa

     I ka pau ana no o keia mau olelo a ke koa opio, ku ana ua iho nei @ @ kona haku a pane maila.

     Heaha ka makemake o kuu hak@ kauoha ae nei i kana kauwa nei? @ hai mai a e hooko ia no iloko o ka manawa pokole.

     Pane aku la ke koa opio, ua makemake au ia oe e kii aku i kela poe@ ele na lakou e aihue mau nei na kamaa o ka moi o Pelekane nei a lawe aku a hoopaa ia lakou maloko o ka rumi helu ekahi o ka halepaahao o Pelekane nei.

     I lawa no a pau keia mau huaolelo @ ke koa opio, o ka wa no ia i na@ aku ai ua iio la, a i ka hala ana ae o kekahi mau minute, ku hou ana oia imua o kona haku a pane mai la:

     O kou makemake e kuu haku, ua hooko ia.  A i ka pau ana no o keia mau huaolelo, ua nalo aku la oia no kona wahi mau.

     I ka nalo ana aku o ka iiio, ua noho iho la no ke koa opio maloko o na @mi la, a pela wale iho la no oia @ala a@a hiki wale i ke ao ana.

     I ka oili ana mai o ka malamalama o ka la i ke kakahiaka, a oiai no ke koa opio e nanea ana maloko o kona rumi, aia hoi ua hemo mai la ka puka a komo mai la ka moi a ike mai la ia ianei, haawi mai la i kona aloha a pela no hoi keia i haawi aku ai i ko ianei aloha, a hele loa aku la no ka moi no kona rumi kamaa.

     I ka hiki ana aku o ka moi ma kona rumi kamaa, he mea hookahaha i kona manao ka ike ana iho ua lilo hou no kekahi mau paa kamaa, nolaila, huli ae la oia a hoi aku la no ka rumi a ke koa opio e noho ana, a pane aku la:

     Imua ou e ke keiki nona na helehelena maikai, e hele kaua no kahi a ka lehulehu o kali mai la, oiai, ua ike iho nei au ua lio hou no kekahi mau paa kamaa o'u, a ilaila oe e hoike mai ai i kau mau mea i ike i ka po nei, ina ua ike oe, a me na mea a pau e pili ana i kahi e loaa aku ai o ke kolohe.

     I ka lohe ana o ke koa opio i keia mau olelo a ka moi, ua ae aku la oia, puka aku la laua iwaho a kau aku la maluna o ke kaa, a holo aku la no kahi a ka lehulehu e kali mai ana.

     Ia laua nei i hiki aku ai no kahi a ka lehulehu e kali mai ana, ua lele iho la laua nei ilalo a hele aku la a noho iho la ma kahi i hoomakaukau ia no laua.

     I ka hala ana ae o kekahi mau minute, ua ku ae la ka moi iluna a pane mai la imua o ke koa opio:

     Ia oe e ka malihini, ua makemake au a me ka lehulehu holookoa nei ia oe e hoike mai i ka mea nana e aihue mau nei kuu hale.

     I ka pau ana o keia mau olelo a ka moi, ua noho iho la oia ialo, a iloko o ia wa i ku ae ai ke koa opio iluna a haawi mai la i kona aloha imua o ke anaina, a pane mai la imua o ka moi.

     Imua ou e ka moi, ke hai aku nei au, aole he mea e ae nana e aihue nei ko hale kamaa, aka, nau no.

     Pane aku la ka moi, pehea hoi au e aihue ai, oiai no'u no hoi ia waiwai?

     Pane aku la ke koa opio, ae, nau no na kau kaikamahine ponoi no e noho mai nei imua o ko kakou alo i keia wa, nana ponoi i hana i keia mea, a make ma'uwale ana ia mau makaainana ou e ka moi.

     Pane hou aku la ke koa opio, o ke kumu o ka hana ana o kau kaikamahine i keia mea, mamuli no ia o kona aloha ana i kekahi mea, a oia ka ipo aloha a kau kaikamahine, he nika oia, a ina ua kanalua oe no ka oiaio o ka'u mau olelo, alaila, o ka hoike wale no ma ko'u aoao, e hele aku oe a me ka lehulehu holookoa nei no ka rumi helu ekahi o ko oukou halepaahao a e loaa no ia oukou ua ipo nika la a ke kaikamahine alii a me kona poe kauwa nika malaila kahi i paa ai.

     Iloko o keia wa i hoike aku ai ke koa opio i ka moolelo piha o keia aihue ia ana, mai ka hiki ana aku o ke kaikamahine alii imua ona a hiki i ka paa ana o ka poe paele i ka halepaahao.

     I ka lohe ana o na mea a pau i na olelo a ke koa opio, ua nune iho la ke ia a me keia, a iloko oia wa i ike ia aku ai na helehelena o ke kaikamahine alii ua hele a haikea a e kulou ana kona poo ilalo, a me he mea la e hoike mai ana ua oiaio na olelo a ke koa opio, a ua hu'e ia ae la hoi kana mea huna a ahuwale imua o na maka o ka lehulehu.

     (Aole i pau.)