Ka Nupepa Kuokoa, Volume XXVIII, Number 43, 26 October 1889 — KA HOOHIKI HOOLE WAIONA O KA BEBE. [ARTICLE]

KA HOOHIKI HOOLE WAIONA O KA BEBE.

He makemake au e loaa na papalina ulaula, a me na maka hulali, a me na wai ikaika. Aka, oka olelo, oka waiona, he mea ia e hoopowehiwthi ai i na maka, a hookeokeo ai i na papalina, a hoonawaliwali ai i ke kino, nolaila, aole au e mu iki. He makemake au e loaa ka naau moakaka, i hiki ia'u ke noonoo no na mea nui, a i kauwa na ke Akua, a i kokua ia hae, a e hoomakaukau no ka make. Aka, eia ka olelo, oka waiona, he mea ia i malumalu i ka noonoo ana, a i kekahi manawa e hoopoino ū; nolaila, aole au e inu iki. Ua makemake au i ka naau kina ole, a me ka lunaikehula maluhia i olioli au ma keia ola ana. Aka, eia ka olelo; ke hoopiha nei kn waiona i na puuwai he nui me ke kaumaha, a ua komo ia iloko o na lunaikehala i na stings he nui loa; nolaila, aole au e inu iki. He makemake au e loaa ka home maluhia ma keia mua aku, kahi a'u i hauoli ai me na makua aloha, me na kaikuaana, me na kaikaina. Aka, eia ka olelo; ua hoolilo ka waiona i na home he mau tausani, i mau home ilihu* ne, ahe weliweli ka nui o ka ino; nolaila, aole au e inu iki Ua makemake au e hoi i ka lam i kuu wa e make ai, i eioho pu au me lesu a mau loa. Aka, ua olelo ka Baiba!a r "aole ka poe ona e loaa ke aupuni o ke Akui;" nolaih, aole au e inu ikl E na pokii, pehea la ko oukou manao no keia mau hoohiki ? Aoie anei he naauao, he maikai, ahe maluhia ? Ina pela, e ae mii ia'u e kamailio imoa o oukou ma keia olelo a ka Baibala, U E hel« oe a e hoohalike me ia."