Ka Nupepa Kuokoa, Volume XXVIII, Number 42, 19 October 1889 — Page 3
| This text was transcribed by: | Cheryl Mokuau |
| This work is dedicated to: | Pehe |
Ka Nupepa Kuokoa
KE KILOHANA POOKELA NO KA LAHUI HAWAII.
OKATOBA.
KE KAU ANA O KA MAHINA.
H@ mua 3.01. 6 P.M.
Mahina piha 2.54.1 P.M.
Hapaha hope 2.06.0 P.M.
Mahina hou 3.54.4 A.M.
Hapaha mua 9.59 0 P.M.
@ ME KA NAPOO ANA O KA LA
Puka Napoo
@ Sabati 5.56.1 5.40.1
@ Sabati 5.57.6 5.34.8
@Sabati 6.00.5 5.29.1
@Sabati 6.03.0 5.24.1
KELA ME KEIA
Ma ke huhu mai nei na moho no @ kina ae o ke koho balota.
Ke hoopuka pau aku nei makou i @ na makamaka.
@hookuu ia mai na ohua Pake ho@ he 110 i ka Poaono nei.
@ i ho`i mai ai ka Moi maa @ haakai aku nei no na Kona.
Ua ulono wale ia ae, ua lawe kekahi aku haole i ke dala kipe.
@ Loko Paakai ke alahao e moe @ manawa.
Keaka ko kela @wina la, a me keia @ a me k@ po, a pela aku.
@ ae nei o J.R. obertson i @ mokukolo Eleu.
Ua ahewa ia o Ho @ e ke kiure @ ohumu ino.
@ ka makaieho o kahi poe i ka @ palanehe o na wawae o ka elepani #.
E wehe ia ana he papa kula Sabati ma ka olelo Geremania ma ka halehui @ Y.M.C.A.
Fia o Na@pualeha i Honolulu nei keia mau la me kona kino mau no aole i ulu hou ae.
He ekolu mau halekula a ka Papa H@ e kahea nei i na poe koho@ hana.
Ua hopu ia a J.E. Bush i ka Poao @ hala no ka laipila, a ua hoopanee @ no ke kiure.
@ mokukaua ka ikaika o ke awa @ heleuma o Honolulu nei i keia @
Ua holo aku na mokukaua Iapana no na paemoku o ka Hema ma ke ala @ ae o Hilo.
@ he papa inoa no ka lulu dala i ka uku loio o Wilikoki ke maalo nei mawaena o na kanaka Hawaii.
Pakele mai hookui na mokumahu kinau me Malulani i kela pule aku nei ma Maalaea
Ma ka Malulani onehinei i huli hoi mai ai na alii Austeuiria i ka makaikai i ka Madame o ka lua.
O ke kaumana o ka Moi o Sepania, @331 paona@ a o ka Moiwahine, he 123 paona. Aole no i kae mai.
Lele pulelo ka wai o ke kaawai Helu @ ma@una ae o ka huini o ka pahuhae hou o ke kaawai Pake i ke ahiahi Poa @ i hala.
E haawi ana ka Moiwahine i anaina hulahula ma halealii Iolani, no ka hanohano o na keikialu Austerria i keia ahiahi Poakolu ae.
Ua haawi ae ka Bana he ahamele ma ka hotele Hawaii i ke ahiahi nei no ka hanohano o Adimarala Kimale me na a@u o na mokukaua e ku nei maloko o ke awa o Kou.
Ua kiola ia ae kekahi wahine mai luna o ke kaa ma alanui Beritania i ke awakea Poaha nei, mamuli o ka puiwa ana o kona lio i ka holo ana ae o ke kahi pouaa e nu hele ana.
Na ke keiki lalawai o Waimanalo i hoouna makana aku i na elepani keaka he mau kaa i piha i ka maia, o kumu o ka lau, i mea ai na ua mau elemakule ihu loihi la.
Ua hoouna leta ae ke Kuhina Noho Amerika he hoomaikai i ke kumu a me na hoa ka bana puhi ohe, no ka la kou hookani manawalea ana ma ka hotele no kona hanohano.
Laukanaka ka hale kekalio i keia mau po i na ano kanaka a pau.
Ku ka paila hana ka haawe i na kaa i ke ku lalani i ka wa pau o ke seaka.
He keaka ke hiki mai ana i keia la ma ka Mariposa.
Ua komo aihue ia ae ke keena buke Hawaii, a he hapaumi kai lilo aku.
I keia pule ae paha e makaukau ai ka buke koho balota.
E alawa ae i ko makou mau hoolaha @ ma ka pepa o keia la.
He 19 Pake hou i hiki mai ma ka mokupea Velocity mai Honokaaona mai.
I ke Karisimaka e wehe ai ke alahao o Oahu no ka hale hookolokolo ae nei o Ewa. Hurrah.
I keia Poakahi ae e hookolokolo ia ai ka hihia o R.W.Wilikoki, pela na lono e lohe wale ia nei.
He elua hui e ulele kinipopo ana i keia auwina la ma ke kahua mau o Makiki.
Ke noonoo nei ka Papoa Ola no ka hoomoe aku i waea olelo moana no ke kahua lepera o Molokai.
I keia pule ae e huli hoi aku ai na alii makaikai kaapuni honua Auseturia no ka home.
He wahi keiki ka i nou aku i ke kaa alahao o Palama a naha, a pakele pu ua wahi keiki la mai pepe. Mai hookuu e na makua i na keiki iwaho o ke alanui o poino.
Imua o ka Aha Kiekie i ka Poakolu nei ua haawi ia mai ka laikini piha no na ahahookolokolo a pau ia J.K. Kaulia, E. Johnson, a me A.P. Kapaehaole. Imua e na Hawaii.
Ma ka Mariposa e ku mai ana i keia la mai ke Panalaau mai o ka Hemaa, e hiki mai ana o Mr. John Dilona, he hoa no ka Ahaolelo Makaainana o Enelani e huli hoi ana no ka aina makuahine
PAKELE MAI HOOKUI.
Mai na ohua mai o ke Kinau i lohe ia mai ai i ka Poaono i hala, no ka pakele ana mai hookui o Kinau mai ke awa mai o Maalaea no Lahaina, a oia ka wa e pii ae ana o ka mahina, ua ike ia aku ke kukui o Malulani e a mai ana mamua pono. I ke kokoke loa ana mai, ua kani like ae la ke oeoe o na moku elua a oia no ka wa o ka Malulani i kaalo koke ae ai mamua pono o Kinau he mau kapuai wale no ke kaawale a ua lohe ia aku na leo uwe o na wahine maluna o na i kela manawa.
Iloko o ka wa i maopopo loa no ka hookui aku ua haawi koke ae ke Kapena o Kinau no ka emi hope ana o ka moku ihope me ka ikaika nui o ka mahu, a malalo o ia kumu i pakele ai ka Malulani mai ke oki pu ia aku e ka mokuhao.
He mau minute pokole wale no ia o ka pihoihoi, a mau sekona hoi ia o ka make o kela mau kino ola a pau me kona mau ukana e iho pu ai iloko o ka hohonu. Ua haawi ia na mahalo a nui ia Kapena Lolena no kona makaala a me ka piha eleu iloko o ka wa i nee koke mai ai o ka pilikia.
AOHE OIAIO
E oluolu oe e hookomo iho ma kahi kaawale okou mau kolamu i keia wahi poo manao. Ma ka pepa puka la o Ka Leo o ka Lahui o ka la 16 nei, i ike iho ai au i kekahi poo manao “Maewaewa Wale,” a i kuu hakilo pono ana iho, eia kai he mau hana hoomainoino no ka Papa Ola, i kekahi opio Hawaii i loaa i ka mai lepera, ma ka pa hoomalu mai lepera ina Kalihi nei. Nolaila, e na makamaka mai ka la hiki i Ha`eha`e, a ka welo`na milolii i ka ili kai o Lehua, ke hai aku nei me ka oiaio ma ka inoa o Iehova, aole, aole loa kekahi mea i hana ia o keia ano i kekahi o na mai, ma ka pa hoomalu mai lepela o Kalihi nei, e like me ka mea i hoolaha ia ma ka nupepa Ka Leo o ka Lahui. Owai keia inakuahine, a me keia kuahine e paiuma nei i keia opio? E Ka Leo o ka la@ui, e hoike ae i ko laua mau inoa i ke @kea i ole ai e ili aku na hewa o keia hoolaha ana ma ka hokua o ka nupepa. Aole ma ko`u lilo ana malalo o ka mana o ka Papa Ola, oia ka mea nana i kono mai ia`u e pane aku no keia, aka maluna o ke kahua o ka oiaio, aole hoi o ka imihala wale no i ka Papa Ola Owa iho no me ka oiaio,
Charles Kahalehili
Kiai Pa Hoomalu Mai Lepera
KO NA AINA E.
Lono o ke Ao Holookoa
He 1,000 ka h@ o na @ ka Ahakui Ma@ i @ ae ma na alanui o ke kulanaka ihale o Wasine tona. Ua hiki kino pou ae ka Peresidena.
O kela uluaoa mawaena o Nikaiekua me Cost Rica, ua pau wale.
Ua ninau mai nei ke Keena Kaua o Enelani, no kekahi kauoha halihali koa ma Kanada a ua nui ke pioloke mawaena o ka poai o na koa.
Ua hiki ae ka Emepera o Rusia ma Kiela, Geremania, a na na aumoku Beritania me Geremania i haawi mai na kipu aloha ana.
Wahi a Bisimaka i ke Kuhina Nui Crispi o Italia, e ao aku ana iaia e hoomau i ka noho aloha ana me Farani a me ka Vatikana.
Ua holo malu aku o Kenela Boulana mai Enelani aku me ka lohe ole ia.
He maluhia ma Samoa i keia manawa, a ua noho lokahi hou ka noho ana o ka lahui malalo o Malietoa.
KO KAHALUU MAU MEA HOU.
E ka Nupepa KUOKOA; Alaho oe:--
E ae mai oe no`u kauwahi kaawale o kou rumi hookipa, a nau ia e puunaue like ae iwaena o kou mau tausani poe puni mea hou, mai ka la hiki ae ma Kumukahi a hiki i ka aina kaili la malalo aku o ka mole olu o Lehua i ka wai huna a ka paoo.
Mau hale pauahi.
Ma ka la 17 o Augate i, hala, pau iho la ka hale o kunipo i ke ahi, a mamuli o ka nui o na lima kokua i pau pono ai ko lakou mau wahi pono iwaho a pakelee hoi mai na elelo ana ole o ke ahi.
Ua hiki aku kou mea kakau ma kahi o ka poino oiai ka la e kokoke aku ana i ka ilikai, a he ku hoi i ka weliweli na hana a ke ahi maluna o ka home o keia makamaka aloha. Ma kekahi la ae, ua hookipa ia aku lakou ma kekahi home o ke keiki lalawai puuwai hamama a heahea, S.B. Kaomea.
Ma keia wahi hookahi no, ma ka la 7 o Septemaba iho nei, pau iho la ka hale G.L. Kuenewa i ke ahi, a ma ke ahiahi no o ia la, ua hoea aku kou mea kakau i kahi o ka poino, a ua halawi mai me na haawina kaumaha, ka hana makamaka ole a ke ahi.
Ma ko`u ike ana i keia mea kaumaha, ua hiki ole ia`u ke uumi iho i ko`u mau waimaka o ke aloha no keia makamaka a me kona ohana i hoonele ia i na pono o keia noho ana. Ua pakele mai he mau wahi pono uuku, a o ka hapa nui ua hao aku la ke ahi, aohe nao; nui ke kaumaha a me ka luuluu o keia mau haawina i kau iho maluna o keia mau ohana ma ka hoonele ia ana me na home ole.
Ma ka po o ka la 18 mai, ua haawi ae o Kaomea i na kokua ana i keia ohana i hoonele ia me na mea e pumehana ai ke kino, a he haawina oi kelakela loa keia i loaa ia makamaka, a me he la o ka uhane o ka Haku pu kekahi iloko ona ma keia hana maikai. Nui kona mahaloia, me he makua la ka malama i kana mau keiki, pela hoi o S.B. Kaomea i kona mau hoa kanaka.
O ke kumu o ka pau ana o keia mau hale, oia no ka waiho hoohemahema o na makua i na ahi-koe, loaa i ka lima o na keiki, a koe no lakou me ka maopopo ole he mea ia poino ai. Nolala, he mea pono i o`u mau hoa makamaka o ua “Kona kai opua i ka lai” ei, mai hoohemahema kakou i na ahikoe, o loaa no i na keiki a loaa hou no na poino; e makaala a e malama loa kakou na makua o poino auanei.
He paa mare.
Ma ka la 25 o Sepatemaba nei, ma Puapuaa-iki, apana ao Kona Akau, ua hoohui ia ma ka berita maemae o ka mare o Mr. Keliihuhu me Miss Pinao Kaiawe na S.N. Simeona laua i mare; he mea maikai ka mare no na mea a pau, me ka malama i na kanawai o ka mare a me ka maluhia.
Ua malama ae ia keiki he wahi paina hoomanao no ko laua la hilahila, a ua nui na ono i hoomakaukau ia; ua ai a ua hoonuu na mea a pau, a he mea e ke kuhinia o na mea ai, a he ono maoli no kohu wai o ka niu haohao E mahaloia na mea mare, a e hoolihi ia ko olua hoho`na me ke aloha.
Nui ka ua o Kona nei.
He nui ka ua o na Kona nei i keia mau la, ke hele la na alanui a ku kahalelo, o@ hoi ua kahe mai ka wai me he waikahe ia Ma re alanui mawaena o Keauhou a me Kainaliu, i ka wa i iho makawalu mai ai na poka ua o Kulanihakoi, ua kahe mai ka wai me ka ikaika, e hului pau ana hoi i na mea a pau na kona alahele.
Ua kuwala ia mai na pohaku nunui a hilu a moraki ana i ke alanui, a o ka nani o ua alanui la i na mamua ae, he ino a he pohaku ia e ku nei. Ua hoolimalima ia kekahi poe no hookahi haneri dala no ka hana a hoomaemae hou ana i na alanui la, aka, i ka po ana in@, haule mai la no ka ua, a lilo hou ka nani i hana ia i mea olei ke hoomau nei no ua poe nei ka hana, a o ka hana mau no ka ka ua o ka hoino, a ua nui ma@ ka luhi o keia poe.
A mamuli hoi o keia hoi hou ana mai nei o na kua ua koikoi, ua hoopulu ia na kula panoa o ua aina wela nei, a ua hoopiha ia ka aina me ka uliuli o na mauu, a ua hauoli pu hoi ka naau o ka poe mahiai. Ke ulu nei na lau uwala a kahi poe, a ke ai nei no hoi ka kekahi poe, Ua ola na Kona i keia mau la.
Ua hoohauoli pu ia ka naau o ka poe mahiai, ma o na hua momona o na ipu aimaka (aiwana or haole) a me ipu paina (ipu ala). Ke ai nei a ke kuai ia nei ka ipu maanei he 5 no ka hapaha, a he 10 a 12 no ka hapalua.
He ma`u wahi mea hou ia o kuaaina nei, me ka mahalo.
J.R. Kahulamu Jr.
Kahaluu, N Kona, H.
HAINA NANE.
[Malolo iho o keia poo e ikeia ai na haina nane a na makamaka puni lealea, a oia iho keia malalo nei:]
Haina o kau nane e Ed. K. Haleakala, oia o “Kealapiiakaopae.”
J.P.I. Kaaumakapili.
O kau nane e Ed. K. Haleakala, i hoopakaia ma ke KUOKOA o Oct. 5, eia iho ka inoa o ko lei mokihana nona na huapalapala he 15, “Kealapiiakaopae.”
E kala mai e ka makamaka, ina ua kulike keia haina me kau.
Me ka oiaio, Na keiki o Kalihi.
Haina o ka nane a Ed K. Haleakala, o Mamane, Waikane oia o “Kealapiiakaopae.” S. H. Kaualoku.
Honolulu, Oahu.
O ka haina o kau nane e Ed. K. Haleakala, oia o “Kealapiiakaopae.” E ike ia no ka pololei o ka`u haina ma o na hoonohonoho ana malalo iho:
Ko`u 1, 2, 3—Kea, hapa hope o Mauna Kea i Hawaii.
Ko`u 4, 5 –La, ke kanaka hele i ke ao a po hiamoe.
Ko`u 6,7, 8.—Pii, ka pii hoi o ka lole muumuu o ka wahine.
Ko`u 9,--A, ola ia kini ke a mai la ke ahi.
Ko`u 10, 11—Ka, he mea hamo i ka rigini moku a mea hana e ae paha e like me ka makemake o ka mea nana e hana, a he mea hohono hoi.
Ko`u 12, , 13, 14, 15.—Opae mahikihiki. A i hoohui ia keia mau huapalapala a pau, e loaa no ka inoa piha o ko lei mokihana, “Kealapiiakaopae.”
Z. Kapule, Band Boy.
O ka haina o kau nane e E K Halekala i hoopuka ia ma ke KUOKOA o Oct. 5, o “Kealapiiakaopae.” S. Mahaulu. Kalawao.
Eia mai ka haina o kau nane E K Haleakala, o “Kealapiiakaopae.”
J P Ikua.
Kalawao, Molokai.
O ka haina o kau nane e Haleakala, o “Kealapiiakaopae.”
J K I Kalaluhi.
Makaweli, Kauai.
E haleakala, ua puiwa au a hikilele hoi i ka ike ana iho i kau nane hooheno ma ke KUOKOA o ka la 5 iho nei. Aka nae, ia`u e hiaai nui ana me ua wahi hooheno nei, lohe aku la au i kuu wahi uhane e himeni mai ana, a ma ka lalani hope o ua mele nei i hoomaopopo iho ai au o ka inoa ia o ko lei mokihana, a penei ua wahi himeni nei a`u i lohe aku ai:
Ua pono no oe e ka Inuwai,
Ka lalawe a holu i ka lau o ke pili,
Komo pono aku la oe i ka ai a ka lua
I “Kealapiiakaopae.” – Ko lei ia
D Paka.
Lihue, Kauai.
Oiai au i halawai mai ai me ke KILOHANA, ua ike iho la au ma kauwahi o kona kino lahilahi he puolo lei mokihana, a e imi mai ana i mea nana e kui aku na wahi puolo lei nei, a oia ka`u i kui ai a hoihoi aku i ka mea nona ua lei nei, a penei ka`u kui ana i lawa ai ko lei e E K Haleakala:
Kou 1, 2, 3 he muli oe no ke kuahiwi o Maunakea.
Kou 4, 5 he kauwa oe na ke ao nei a he molowa @.
Kou 6, 7, 8 he hoap@ oe no ka muumuu, no ka holoku lilina o ke taona.
Kou 9, o oe ke poo o ka ike o na papa hoonohonoho he @
Kou 10, 11, o ke anu me ke koekoe kou home aloha ia, e alo ai i na ale @ o ka moana.
Kou 12, 13, 14, 15, o ka ia keia nana i hai mai ia`u o “Kealapuakaopae” kou inoa.
J K Kahiwa
Waialua, Molokai
HE NANE.
He 15 ka nui o na hua, o kuu home aloha a penei na hooheno ana:
1, 2, 14, 15, he inoa no kekahi i`a
3, 15, “ “ “
2, 3, 4 “ “ “
1, 6, 7, “ “ “
13, 14, 15, “ “ “
5, 8, 10 “ “ “
9, 11, 13 “ “ “
He poe i`a kupa wale no keia no na kai kohola o Waikane; a ina e hui ia na i`a a pau, e loaa no kuu home aloha, aia la i ka wailele o Helani, ike alo pali o Ahulili Owai la kuu home aloha?
Ai loaa pono ka inoa o kuu home ia oe, e loaa no ka uku makana he 5 poo-leta. J.P.I Kaumakapili
Honolulu, Oct. 7 1889.
[Ua kaulua iki ia ka hoopuka ana aku i ka olua mau nane e J K Kahiwa a me Kalaluhi a keia pule ae. I.. H.]
KO HONOLUA MAU ANOAI
I ka Nupepa KUKOA, Aloha oe:--
Ma ka Poakolu ka la 18 o Sept. 1889 ua hoohui ia ma ka berita o ka mare o John Dow me Miss Annie Ellen Searle e ka Rev Adam Pali o ka malu ulu o Lele, elua ku aoao o ke kane a he elua no hoi ku aoao o ka wahine, a he nui na makamaka e ae i kapa ae malaila e ike i na mea mare.
I ka pau ana o ka mare ana, ua weheia ka paina ana, a ua wehe ia no hoi ka papaina me na lau ala o ka uka waokele, a ma ka hora 12 ponoi, i hoonuu iho ai ke anaina i na kohi kelekele a ka puukolu, ua ai ke anaina a lawa, ua inu a kena i ka lokomaikai o na mea mare
Ma ka hora 2 o ia la, i wehe ia ai na lealea hula kui a me hula uliuli pai umauma a me ke olioli a me ka himeni, a ma ka hulahuia ua eo ia Mrs. Mele hapapuakea o ka malu ulu o Lele a ma ka himeni hoi, ua eo i ka papa himeni Awaikalupe o Kalepolepo, he $11.25.
Ma ka Poakolu iho nei, oia ka la 2 o Okatoba, 1889, ua hoopuka ae kekahi kanaka nona ka inoa o N—i keia olelo maikai ku i ka walohia, a oia iho keia:
Aupuni a waiho mai na ka lehulehu e hana, oia ke alanui mai Honokahua a i Honolua, alaila, o na lima ka o ka mea nana i kii a loaa mai ka hana, oia ka ka mea hana, nolaila, e haawi kakou e ka lehulehu i ka mahalo piha no N—i ka olelo maikai loa, a o ka lua iho la ia o kana olelo maikai ana ia L—o ka mua, e holo ana ka waapa o L—no Honuaula, kii aku nei o L—ma ke ano hoaloha ia N—i ka hoe o kona waapa, a ua mai ua N—nei, ae, ua ponoia, aka mahope mai o ka hoi ana o L—no kona hale, lohe iho nei oia i ka olelo mai nei a ua N—nei, aole e loaa ana kuu hoe iaia, auhea no la hoi kona mau iwi i hoe no kona waapa, a no ka maikai o keia mau olelo a keia N—a nolaila au e hoopuka nei i kuu mahalo piha no kana mau olelo maikai ia L—mai oi loa aku kuu mahalo, ina i piha kauna o kana olelo pili iwi ia L—alaila oi loa kuu mahalo nona. O aha no hoi o N—ke olelo mai i na kanaka a pau loa o Honokohau nei, ua lilo oia i luna alanui mai Kahakuloa a Kaanapali, alaila, aohe olena ana, a nolaila, ma kuu manao ana, lili 12. Pela iho nei no ua N—nei i noho iho nei i luna nui na D Manaku, ua nui loa ka puka o kona haku iaia, a ke liki hou mai nei no ua N—nei, oia ka ike.
Kou oiaio,
S.K.I..
Honokohau, Oct. 4, 1889.
UA HALA.
E oluolu mai kou ahonui e ka Nupepa KUOKOA, e hookomo iho ma kahi kaawale o kou nui kino no ka maua puolo makamae i hala aku a nau hoi ia e pahola aku mai ka puka ana a ka la a ka napoo ana a ka la, @ ike mai ai hoi na kini makamaka. Ua hanau o George Kainapau ka maua keiki ma Kapuukolo i ka makahiki 1886, mahina o Feberuari la 2, a make aku la oia ma ka la 4 o Okatoba, 1889. Ua like me 3 makahiki 8 malama me 2 la o kona ola ana, a haalele mai la oia ia makou na makua a me kupuna me ke kaumaha nona
G.K. Kainapau.
KE KUMUWAIWAI O NA MAHIKO
Ma@ maau hoahelu malalo iho, e @ kumuwaiwai o ko kakou mau hui mahiko e ku nei a puni na mokupuni, a penei ka hoike a ka palapala hoohui ma ke keena Kalaiaina
OAHU
Waimanalo $ 180,000
Heeia 150,000
Waianae 225,000
MAUI
Olowalu $ 150,000
Waikapu 250,000
Wailuku 265,000
Kula o Kamaomao 10,000,000
Paia 750,000
Haiku 500,000
Hana 300,000
Kuikahi Panai@ 60,000
Kipahulu 80,000
HAWAII
Halaula $ 450,000
Puehuehu 100,000
Kukuihaele 200,000
Honokaa 100,000
Paauilo 240,000
Kukaiau 120,000
Ookala 200,000
Laupahoehoe 500,000
Hakalau 1,000,000
Honomu 200,000
Pepeekeo 600,000
Onomea 500,000
Paukaa 170,000
Wainaku 500,000
Pahala 43@,000
Hilea 300,000
Naalehu 1,000,000
KAUAI
Hanalei 240,000
Kapaa 500,000
Koloa 200,000
HOOLAHA HOU
HOOLAHA A KA LUNAHOO PONOPONO WAIWAI.
Ke hoolaha ia aku nei ma keia, o na Lanaka a pau he mau koina ka lakou i ka waiwai o JOSEPH G. HOWIEE, o Honolua, Maui, i make, e waho koke mai i ka mea nona ka inoa malalo iho iloko o na mahina eono mai ka la aku e puka ai o keia hoolaha: a i ole e hoole loa ia. ADELAIDE C. HOWIE,
Lunahooponopono Waiwai o ka waiwai o Josepoh G. Howie i make.
Paia, Maui, Sept. 21, 1889. 2252-4t
OLELO HOOLAHA AINA ME KULA.
E ike auanei na kanaka a pau o ka mokupouni o Molokai, owau o ka mea nona ka inoa malalo nei ke kauoha a ke hoolaha ia aku nei lakou, ina he mau holoholona ko lakou e hele Ia ma ka aina a me ke kula o Pouukoo ekahi, e pili pu ana me ko Waha (k) a hiki i Punaula , ke kauoha ia aku nei lakou e hoopaa i ko lakou mau holoholona a ua kapu pu no hoi ka hookuu ana maluna o ua aina la. O na holoholona e loaa aku ana ia`u a i ole i ko`u mau hope paha, e hopa ia`a e hoouku ia no e like me ke kanawai.
JOS. W. NINIHUA,
Ona Aina o Puukoo Ekahi
2253 4t
HOOLAHA HOOKO MORAKI.
Ke hoolaha ia aku nei ma keia, e like me ka mana kuai o kekahi palapala moraki i hana ia i ka la 8 o Dekemaba, 1886, mawaena o Esetera Ma kehau o Honolulu, mokupuni o Oahu, ia James M. Monsarrat o Honolulu, i kope ia ma ke Keena Kakau, ma ka buke 101, aoao 356, 357 me 358, a no ka uhaki ia o na kumu aelike, oia h@ ka uku ole ia o ke kumupaa a me ka ukupanee, nolaila, o na aina, a me na pono a pau maluna iho i hoike ia ma ka moraki a e like hoi me ka ake kanawai i kaupalena ai, e
KUAI KUDALA
ia aku ana ma kekahi manawa e hoike ia aku ai.
O na aina i hoike ia ma ka moraki, oia n@ ke kuleana hapalua like a kela mau wahi e waiho la ma Puueo, Hilo, mokupuni o Hawaii, @:
1-O kela wahi a pau o ka Apanaa 4, @ hoi ke ia ma ka Paalapala Sila Nui helu 23. Apa na 2 ia B Pitman, nona keia mau palena:
E hoomaka ana ma ke kihi hema hikina o keia apana a holo i ke alanui mahiko ma ke kahi pohaku i hoailona ia N, a holo i ka akau 15 o , komohana 3@ kapuai ma k@k hi pohaku hoailona N ma kekahi wahi haalu, mai laila aku holo akau 87 o , komohana 106 kapuai i kekahi pohaku hoailona N. holo hema 15 o , hikina 38@ kapuai i kekahi pohaku hoailona X ma ke alanui mahiko, holo i ka akau 66 o , hikina a97 kapuai a hiki i kahi i hoomaka mua a@.
O ka ili o ka aina, he 8-10 eka, oi iki aku a emi mai.
2-O kela wahi a pau he hpa no ka I.C. A. helu 4639 ia Papa, a nona keia mau palena i hoike ia:
E hoomaha ana ma kahakai a holo i ka he ma 70 o 30, komohana 1.06 kaulahao, alaila akau 18 o , komohana 90 kaulahao, alaila, akau 72 o , hikina 66 kaulahao, alaila, holo @ema 19 o 30, hikina 94 kaulahao a hiki i kahi i hoomaka mua ai.
Aia ma keia apana,a he 118 anana, nona ka ili o 1 10 eka.
O keia mau wahi i hoike ia ae la maluna, oia no ko hi i hoolilo ia aku ia Esetera Make hau a me Awa e Makehau, ma kekahi palapala i hana ia i ka la 10 o Feberuari, 1871, a i kope ia ma ke Keena Kakau Kope ma ka buke 32, a mu 404 5.
JAS, M. MONSARRAT.
Mea moraki mai.
Hana ia ma Honolulu, Oct. 8, 1889.
2254 4t
Kakela a me Kuke
HALEKUAI NUI O NA WAIWAI
E laa ea pahiolo, koi hole
@ e, hoi nui a me @
[@ these lines difficult to read]
pohaku hoana, kepa kei iho kao-
la hao iho, pahi, upa pahi umiumi,
kalapu, kope hula, pulupulu, oepa ka
kakala, l@ hao ami, kee@ a me
KAULA OPU
Palau o na ano a pau,
Oo, ho, kopala, pe, kipi
kua, hao kope, au ho a pe
a aku, kua bipi, le bi-
pi, kaula hao bipi, uweapa, uwea keleawe, hao pili
piula, kaa palala, ipuhao, ipu @
PA-PALAI MAKAU HIKE AHO
Ili wai, papa holoi, kopa ala, kaula
@uaina, hu`akai, ehi wawae,
hulu pena, a pela aku.
Pena wali, kini nui a me liilii o @a
ano a pau, me ka pepa kuhi
kuhi, pena keokeo, aila
pena, aila hoomaloo,
vaniki kaa, a me
vaniki moe,
PENA HOOMALOO.
A me aniani hale
AILA MAHU, AILA MIKINI, AHA HAMO
AHA KAA, INIKA KAMAA,
PAUDA, KUAKAEPELE KIANA
PAUDA, UIKI IPUKUKUIONA
ANO HE NUI A LEHULEHU
Lole makepono
E aa na
AHINAHINA, KALAKOA, KEO
KEO, LEPONALO HUI UMAN@,
UWE WAHINE, K@
MU A ME KALO@
NA MEA PIULA
Mikini Humuh@
Makini a WHEELER a no WILSON
MIKINI A WIILOX ME GIBBS
NA MIKINI A
REMINGTON
He nui loa na mea hao me na ukana ae o na ano a pau, aoi hiki ke hai pau ia aku hewa i ka wai na maka ake @
Ke Kuke a Loaa no ia ma kahi o
Kakela & Kuk@
Laau Lapaau Kaulana Lo@
A DR. JAYNE,
LAAU HOOMAEMAE KOKO
LAAU HOOPAU NAIO, LAAO
KUNU, PENIKIIA HUAALE
PAAKAI, LAAU HOOPAA HI,
@aa Laau Hamo a Pala `ko.
KAKELA & KUKE