Ka Nupepa Kuokoa, Volume XXVIII, Number 40, 5 ʻOkakopa 1889 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA

 

NO KA MAKAHIKI……..$2.00

NO EONO MAHINA……..1.00

 

KUIKE KA RULA

 

Poaono. Okatoba 5. 1889.

 

Haawina Kula Sabati

 

HAPAHA EHA

 

HAAWINA IV. Okatoba 27, 1889

 

Ka hewa, ka mihi, ke kala ia ana.

Hal. 32 1-11

 

POMAIKAI ka mea i kala ia kona hala.

1  uhi noi kona hewa.

            2  Pomaikai ke kanaka maluna ona ka hooili ole ia o ka hewa e Iehova.

            Iloko hoi o kona uhane aohe hookamani.

            3  I ko'u mumule ana, ua elemakule ae la kuu mau iwi.

            I kuu auwe ana a po ka la.

            4  No ka mea, i ke ao a me ka po, kaumaha mai la kou lima maluna iho o'u.

            Ua hoolilo ia ko'u ma-u ana i maloo o ka makalu.

            5  Ua hai aku au i ko'u hewa ia oe.

            Aole au i huna i ko'u lawehala ana.

            I iho la au, E hai aku au i ko'u hala ia Iehova.

            A ua kala mai oe i ka hewa o ka'u lawehala ana.

            6  No ia mea, e pule aku ia oe na haipule i ka wa e loaa ai oe.

            Oiaio, i ke kahe ana o na wai nui, aole ia e kokoke iaia.

            7  O oe no kuu wahi e pee ai.

            E hoopakele no oe ia'u i ka popilikia.

            E hoopuni no oe ia'u me na mele o ke ola.

            8  E ao aku au ia oe, a hoike i kou ala e hele ai.

            E alakai au ia oe me ko'u maka.

            9  Mai hoohalike oukou me ka lio a me ka hoki, na mea ike ole.

            E pono e kaohi ia kona waha me ka hao waha, a me ke kaulawaha, o hele kokoke ia ia oe.

            10  E nui auanei ka ehaeha o ka mea hewa.

            Aka, o ka mea hilinai ia Iehova, e hoopani ia no ia me ke aloha.

            11  E olioli ia Iehova, a e hauoli, e ka poe pono.

            E hooho no ka hauoli, e ka poe a pau i kupono ka naau.

 

PAUKU GULA

 

            No ia mea, i hoopono ia mai kakou ma ka manaoio, he malu ko kakou me ke Akua ma ko kakou Haku o Iesu Karisto.           Rom. 5:1

MANAO NUI.

            Ua kala mai ke Akua i ka mea e mihi io ana i ka hewa, a e haalele ana.

NA HELUHELU LA.

Poakahi                       2 Sam              21:1-27

Poalua                         2 Sam              12:1-23

Poakolu                            Hal                       51:1-19

Poaha                               Hal                       32:1-11

Poalima                            Luk                      15:1-10

Poaono                             Luk                      15:11-32

Sabati                               Io             3:1-17

 

I.  Ka hewa.

            Heaha na hewa nui elua a Davida i hana ai?  Owai na kanawai ana i uhai ai?  Pok. 20: 13, 14.

            Aole anei i kamaaina o Davida me keia mau kanawai?  Aole anei he nui na pomaikai i loaa ia Davida mai ke Akua mai?  I na kanaka wale no anei kona hana hewa ana?  2 Sam 12: 9, 14.  Hal 51:4

            He nui anei ka pono ana i hana ai?  He kanaka pono anei oia?  1 Kin 15: 5.

            He kanaka kina ole anei?  Ke ole e makaala mau, e haule anei kakou iloko o ka hewa?  No ke aha ka hook@ @ @ kina o kanaka ma ka Baibala?

            O ka noho hana ole anei kekahi kum@ @ @ o kanaka iloko o ka hewa?  Aia a hoomaka ka la@ ana, e pau anei ma ka hana ana i ka hewa hookahi?  Ke hoowalewale ia, aole anei @e pono e hoole koke aku?

II.  Ka mihi ana

            Ua huna anei o Davida i kona hewa?  Ua kaumaha anei oia iloko o ia manawa?  p 3, 4

            Heaha ke kumu o kona mihi ana?  2 Sam 12 1-14.

            Heaha kona hoopai?  2 Sam 12 14-23.

            Ma ka Halelu hea kona mihi?  51.

            Ua ike anei ke kanaka i kona hewa?  Ua mihi anei ma ke akea?  Imua owai e mihi ai?  He mihi io anei ke ole e haalele i ka hewa?

III.  Ka halelu mihi.  Hal 32: 1-11.

            Owai ka i pomaikai?  Ma owai la e kala ia ai na hewa?  1 Io 1: 9. 2: 12.

            Aia a mihi o Davida, heaha na pomaikai i loaa mai?  p 5-7.  Sol 28: 13.

            Heaha ka Davida olelo?  p 8, 9.

            Ke ole e hoolohe i ke ao ia mai, he pono anei e hoopai i ka mea hewa?  Ma ke aha i like ole ai ka mea pono me ka mea hewa?  10, 11.

            I.  E makaala ka mea kupaa, o hina oia.

            II.  E alakai ana kekahi hewa i kekahi hewa, aole e kaawale ana ka hewa.

            III.  O na hewa o ka poe pono, he mea e pilikia ai lakou, a me ko ke Akua Aupuni.

            IV  Mai nana i na hewa wale no o ke kanaka.

            V.  Mihi ka poe pono i ko lakou mau hewa a haalele.  Pili paa ka mea hewa i kona mau hewa.

            VI.  E mihi i mea e pono ai oe, a i kumu hoohalike no kou hoa.

            VII.  He koa maoli ke alii e mihi ana i kona hewa imua o ka lehulehu.

            VIII.  Hauoli ke Akua i ke kala ana i na hewa.

            IX.  Aole i lawe ia aku na poino a pau e hahai ana i ka hewa, ke kala ia, aka, e alakai ana i ke kanaka i ka home lani me ke Akua.

 

Na Ekalesia.

 

Malalo o keia poo, e hoopuka mau aku ai makou i ka moolelo e pili ana i na Ekalesia a puni ka Pae Aina.  E kakau ma na mea ano nui, a e hoopuka ia aku no.

 

AHA EUANELIO MA KA LUAKINI O KAUMAKAPILI

 

            Ua noho ka Aha Euanelio o ka Mokupuni o Oahu no ka halawai hapalua makahiki ma Kaumakapili, i ka Poakolu nei.  Ua akoakoa mai na Kahu a me na elele.  Ma na hoike a na Kahu, ua lana na manao o na paahana no na apana o Oahu nei.  Aole lakou i hohe a pauaho no ka nui o na hana hoino o keia wa.

            Ua hoike ia mai na hoike komite, a ua maikai na hana a pau.  Ke hele mua nei na hoomakaukau ana no ka luakini o Waialua.  Ua paipai ikaika ia na ekalesia kahu ole e imi i kahuhipa.

            Ua hui kekahi poe puuwai lokomaikai e nana a e malama aku i ka pono o na kahu ma na mea e pili ana i na pono kino.  Ina e lawa ole ke ola o na kahu i na ekalesia, alaila na keia hui e hoolawa aku a piha pono.  He hana lokomaikai keia.  Aohe pono ke hoonele ia ka paahana i kona aku.  Mai hoopaa oe i ka waha o ka bipi nana e hehi ka palaoa.

            O na Kula Sabati kekahi mea kupono e hooikaika nui ia.  O lakou na hanai o na Ekalesia.  Mai loko mai o lakou na hehu nana e hooulu hou na laau o ka mala waina.  He nui na mea e manaolana ai i keia wa.  I ka wa e nui ai na hana ino o ka poe o ka po, o ka wa no ia e ike ia ai o ka lokomaikai nui o ko ka lani.  Nui ka hana ino ia o ka poe maikai i keia wa, pela no hoi e nui ai ka ulu ana o na hana pono.

            O Rev. Kapu ka lunahoomalu, a o Rev. Paaluhi ke kakauolelo o keia halawai o ka aha.

 

            I ka holo ana aku nei o ka Hon. H P Baldwin i kana huakai makaikai ia Parisa, ua kipa ae oia i Nu Ioka, a ua kuai oia ma ia wahi he ogana hou no ka luakini haole hou o Paia, Maui.

            He ogana nani keia, kupono no ia luakini maikai.  He hookahi papa ki, e@ @me a @ @ @ ke n@i wa@ @ @ @ @ Mr @ @ @ @ @ @ @ ogana nei @ @ @ @.

            Nui no na hana @ @ maikai ia o na h@ @ @.

 

HOIKE HUI O NA KULA SABATI O MAUI HIKINA.

 

E ke Kuokoa.              Aloha oe------

            Ma ka la 7 o S@ma Haili.  Hilo, ua hoike ia na Kula Sabati i hiki ae ma ka luakini ma ka hora 10 a.m.

            Hoomaka ia na hana ma ke mele ana ma ka aoa@ H. A. N. a pule mai o Rev. W. M. Ka@iwaa.

            Hoomaka ia na hana ma ke Kula Sabati o Ohele, o Mr. M. Napeahi ke alakai.  Huina o na haumana he 10, o ka mahele mua keia o ia Kula Sabati.

            Nani na ninau Baibala a waipahe nahenahe ka himeni ana.

            Papa o na elele o na ekalesia o ka mokupuni o Hawaii o Rev C M Kamana ke alakai, he 14 ko lakou huina, aole a lakou ninau Baibala, he himeni wale no, a ua nui ka mahalo ia.

            Kula Sabati pokii o Haahea, o Mr. Mahaiulu ke alakai, he 8 ka huina o na haumana, eleu no keia poe pokii ma na nihau Baibala ana a me ke mele ana, ikaika no ke kumu.

            Mahele elua o ke Kula Sabati o Ohele, o na pokii ko ia mahele, he 7 ka huina o na haumana, a o Mr. Enoch Hoe ke alakai, eleu keia kula a kohu pualikaua ko lakou kulana.

            Hookahi ana i ka ogana, ia Miss E. Nawahi nani ka hookani ana, a ka mea e hookani ana, maopopo pono ka hua mele a me na olelo, oiai, he wahi kaikamahine uuku keia, pomaikai kakou ua makua Hawaii ke mahuahua na kaikamahine e like me keia, o ke tuna i mele ia, "Bethany, Nearer, my God, to Thee."

            Papa o na kahunapule, o ko lakou huina he 11, a o Rev C M Kamaka ke alakai ma ka himeni, aole ninau Baibala; maikai ka himeni ana a na anela, i ka beso e ha'uha'u ana a i ka aleto e hoonanahe ana, nani mahalo nui i na kahunapule.

            Kula Sabati o Kalapana, Puna, he 63 ka huina o na haumana, o Hon J M Kauwila ke alakai, he nani loa na ninau Baibala a me na himeni, i unuhi loea ia mai mailoko mai o ka Baibala, a i hoopili ia ka olelo o ka himeni i na huamele o loko o ke Song Queen, Song King a pela aku.

            Ke haawi aku nei keia peni i na mahalo piha no ka ikaika lua ole o keia hoaloha ahonui o ka ahaolelo o na kau i hala ma ka hookele ana mai ia heluna nui o ia puali, a he lunakanawai apana no Puna, Hawaii, ina pela ka nui o na lunakanawai ka hapai p@ i na hana maikai e like me J M Kauwila.

            Kula Sabati o Puueo, Mr. Ewaliko ke alakai, he 35 ka huina o na haumana, e kuhi ana hoi au o ke kula Sabati o Kalapana ka nani, eia hou no ka hoi ua nani

            Nani na ninau Baibala a me na leo himeni, eleu na haumana, a he kulana kohu kenerala ko ke alakai Mr. Ewaliko mahalo nui ia.

            Kula Sabati o Pahoehoe o Mr Sam. Pahua ke alakai, he 7 ka huina o na haumana.

            Mahope o ia, he mau manao paipai na kekahi mau Rev.  Eia ke ano nui o ka Rev Oliver P Emesona, e pono i na Kula Sabati e ao aku ma ka mea e kohu ana.

            Hookuu ia na hana ma ke mele ana ma ka aoao 111 H. A. N. a pule o W M Kalaiwaa.                                Kou oiaio,

            Thomas S K Nakanelua.

Kawaihae, Hawaii. Sept, 20. 1889

 

Hoole Waiona.

 

(Na ka Ahahui W. C. T. U.)

 

            Ma Kaleleonalani, oia hoi o "Ema Hale" ma Honolulu.

            He halawai i kela me keia Poalima hora 7:30 o ke ahiahi.

            He halawai Hoole Waiona, o ke Ahahui o ka Lipine Bolu o Honolulu.

            Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule.  Pela no me na malihini mai na mokupuni e mai, e komo, a hui me makou ma keia hana kuonoono.  "No ke AKUA a me ka HOME, a me ka AINA HANAU." !!

 

HOOLAHA KU MAU.

 

            I ka Poaha auwina la, ma ka hora 2, e hiki ana o Miss Mary E. Green, a me Miss Helen J. Judd ma Hale Ema e malama i ka Ahahui Hoole Waiona, i kapa ia "KA BANA O KA MANAOLANA," iwaena o na keiki o ke kulanakauhale o Honolulu nei.  Ke kono ia aku nei na keiki o ka aina makua, a me na keiki o na aina e, e hele mai.  E malama ia ana he wahi paina meaono me ka inu ti a me ka haukilima, ma ka Poaha hope o ka mahina.

 

NA MEA HOU O KA WAILELE

KAULANA O @AWE

I WAIPIO.

 

E ka Nupepa KUOKOA.                   Aloha oe:------

            Aia ma ka la 12 o Sep@ ua p@ @ la @ hale@ Beritania o ka wailele kaulana o Waipio nei, a eia oia ke ku nei me kona nani i oi ae i na halekula a @ ma ka apana o Hamakua nei, a he ku no hoi i ka nani ma ka nana aku a ka lehulehu ke hiki ae malaila, a ma keia la i hai ia ae la maluna ua kukulu iho na kamana a me na makua mea keiki he poina no ko lakou hui hope ana, a hoopau ana hoi i ka lakou apana hana, ua lulu lakou he mau wahi kenikeni, a ua loaa he mau kenikeni no ke kuai ana i mau puaa a he elua puaa i loaa, ua hui pu mai na kamana me na makua ma keia papa aina, ua ai a maona na mea a pau, aohe me@ a ka manao e kuihe iho ai no na mea i hoomakaukau ia.

            A ma ka pau ana o ka paina ana, ua kahea mai la ka mea nana ka haiolelo, W A Mio a ua akoakoa ae la na mea a pau ma kekahi rumi o ka halekula, ua hoomaka ia na han@ ma ke ku ana mai o W A Mio e kamailio mai imua o na makua mea keiki, no ka maikai o ke kulana o ka halekula a kamailio mai oia i na makua e ho@ una mau aku i na keiki i ke kula i kela la a me keia la o ka hebedoma, a oia kana mau paipai no na mea e pili ana i na makua mea keiki, aole he mau haiolelo e ae, oia wale ae la no.

            Ma ka pau ana o na olelo paipai ana ua malama mai la na kamaka a me na keiki pena he himeni i kahu ia e lakou oia keia malalo iho nei:

1

Eia na mea ai

Ua hoolako pono ia

:He puaa momona hoi:

He umeke poi Lehua

 

2

He pala mai ko uka

Ieie me ka maile

:I mea hoowehiwehi:

No kakou a pau

 

3

Opae mahikihiki

O ka wai o Hiilawe

:I malama ia hoi:

E Hai wahine

 

4

Luai ono mai hoi

Pe-u o Alulau

:I hana mikioi ia:

He pahee ke moni aku

 

5

Paina me ke aloha

No kakou a pau

:Na malihini hoi:

Me na kamaaina

 

6

E ai no kakou

Me ka olioli pu hoi

:He ma'u kahi mea iki:

Me ke aloha pu no

 

7

Good bye pu kakou

Na lede na keonimana

:I naue pu mai nei:

Ma nei hana maikai

 

            J W K Kapololu

Waimanu, Hawaii, Sept. 6, 1886

 

Ka Waiwai o ka Hilinai

 

Saseparila Ayer

 

A AYER, Laau Saseparila, kai kaulana o hilinai nuiia no ka hoomaemae koko, ma na wahi a pau o ke honua, he anenae 40 makahiki i hala ae nei, a ua lawelawe nui ia hoi iwaena o na oihana lapaau.         O keia

LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

HE koko inoino a nawaliwali anei kou?  Ua awili pu anei me na ano mai ikaika?  A ua hui pu anei me na wai awaawa hoopehu.  Na keia

LAAU e hoomaemae ia mau mea ino a pau, a maikai.  O na kauku lapaau a pau o Amerika ike ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, o keia wale no.  No ka

HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae.  O ke

KOKO ino hakuhaku, a nawaliwali hoi kono holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER.  He maa lahi a he

MIAKAI loa hoi keia Laau, aole no ka hoomaemae wale ana no i ke koko, aka, no ke hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana wa na @a.  He lehulehu wale na hooia ana mai na wahi a pau o ke ao nei i hoohana m@ i keia laau mamua o kahi mau laau e ae

A HILINAIIA no ka ikaika kupono o ke oia kino, ma ka maemae ana o ke koko, hoomake pu ia na ma'i, a pela aku.  He nui na laau hoomaemae koko i hoolaha waha hoowale ia malalo o na inoa @aleha, aka, o na hilinai a me na hoo@ wale no a ke ao holo okoa, maluna o ka

Ayer Laau Sasaparila

I HOOMAKAUKAU IA

@ J. C. AYER & Co. Lovell. @

HOLLISTER & CO

Na A @na ma ka Paeaina Hawaii.

100………….Alanui Papa, Honolulu

2086 tf

 

Kakela a me Kuke

 

HALEKUAI NUI O NA WAIWAI

 

E laa na; a@iolo, koi hole,

            ha a @ ko@ nui a me @, kula,

                        @ @ aa @ @ kui @ a a @

                                    ia @ ka a kaa, @ hoo@aa @a

 

pohaku hoa@, kepa, lei ilio, kau

            ia hao ilio, pahi, upa, pahi umiumi,

                        kalapu, kope hulu, pulupulu, oepa ka-

                                    lakala, lina hao, ami, keehi, a me

 

KAULA OPU

 

Palau o na ano a pau, Oo, ho, kopala, pe, kipikua, hao kope, au ho a pe a aku, kua bipi, lei bipi, kaula hao bipi, uwea pa, uwea keleawe, hao pil@ piula, kaa palala, ipuhao, ipu ti

 

PA-PALAI MAKAU M@KE AHO

 

Ili wai, papa holoi, kopa ala, kaula @uaina, hu@akai, ehi wawae, hulu pena, a pela aku.

 

Pena wali, kini nui a me liilii o na ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe,

 

PENA HOOMALOO

 

a me aniani hale

 

AILA MAHU, AILA MIKINI, AILA HAMO

 

AILA KAA, INIKA KAMAA,

 

PAUDA, KUKAEPELE, KIANA

PAUDA, UIKI IPUKUKUIONA

ANO HE NUI A LEHULEHU

 

Lole     Makepono

 

E aa na

 

AHINAHINA, KALAKOA. KEOKEO, LEPONALO HULUMANU,

UWE-WAHINE, KUI KUMUHUMU A ME KA LOPI.

 

NA MEA PIULA

Mikini Humuhumu

Makini a WHEELER a me WILSON

 

MIKINI A WIILOX ME GIBBS

NA MIKINI A

REMINGTON

 

He nui loa na mea hao me na ukana @e o na ano a pau, aole hiki ke hai pau ia aku, hewa i ka wai na maka ke ike.

 

Ko Kuike @ loaa no ia me kahi o

 

Kakela & Kuke

 

Laau Lapaau Kaulana Loa.

 

A DR. JAYNE,

LAAU HOOMAEMAE KOKO

LAU HOOPAU NAIO, LAAU

KUNU.  PENIKILA KUAALE

PAAKAI, LAAU HOOPAA HI.

 

@a na Laau Ham@ a Pala 'k@

KAKELA & KUKE

 

PAPA!  PAPA!

 

AIA MA KAHI

LEWERS & COOKE

@@@

 

@@@@

 

@@

 

PAPA NOU AIK@

 

e @ a me keia ano

 

PaniPuka, Na Puka Aniani, Na Olepelepe, Na Pou, Na O-a, Na Papa Hele, Na Papu Ku.  A me na Papa Moe nui loa

 

Na Pili o na Hale o na Ano a Pau

A ME NA

WAI HOOHINUHINU NA@

O NA ANO A PAU LOA

NA BALAKI ANO NUI WALE.

 

A ke hai ia aku nei ka lono i na Makamaka pau, ua makaukau keia mau Makamaka o oukou e hoolawa aku ma na mea a pau e pili ana ana ka laua oihana

 

NO KA

UKU HAAHAA LOA

E like me kamea e holo ana mawaena

LAUA a me ka @ KUA@

HELE MAI E WAE NO@@

 

Benson, Smith & .Co

Na Mea Laikini ia e kuai K@kaa

a me Kuai Liilii aku.

 

Na Laau Lapaau

O NA ANO A PAU.

HELU 113 me 115, ALANUI PAPU

O LAUA NA AGENA NO NA

Laau Lapaau Kuluwai Liilii

 

Boreicke & Schrecke

A ME NA

WAi Lukini OnAonA Waianuhea.

 

WAIALA MAILE

A ME KE

Onaona Lei Aloha!

 

            O na lako no ka Lauoho a me ka @ me na mea hoonani o ka Home, e loaa @ na makamaka ke kipa mai ma keia hale.

2204-tf

 

Hale Hana Lole Nui

KE "PAIONIA O HONOLULU,"

Helu 17 Alanui Ema, Honolulu.

            O ka mea nona ka inoa malalo iho, ua makaukau oia e hoolawa aku @ lehulehu me na aahu i ma@au ia.  E loaa no ke kuhikuhi no na ana @ ninau ae malaila.

Papale Keokeo, Paleili, Aahu Moepo, &c

            E hana ia no na kauoha e like me ka makemake.  A o na kauoha @ na mokupuni mai e hooko ia me ka el@.

                                                                        A. M. MELLIS.

            Bele Telepone Helu 410          2202 1m

 

B. F. EHLERS & CO.,

PAINAPA.

Poe Kuai i na Ano Lole a Pau.

Helu 99 alanui Papu.   Honolulu.

            Ua loaa mai nei, ma keia mokuahi Australia he mau waiwai ano hou loa, oia hoi:  Na Kakinia, Kinamu, a me @ Kalakoa o kela a me keia ano.  Nolaila, e kuai makepono aku ana makou no na kumukuai haahaa loa.

 

            Pahu Hale Leta 351.                           Bele Telepone 274

KA AGENA OIHANA HAWAII.

No. 68 ALANUI PAPU KIHI O ALANUI KALEPA, HONOLULU, HI.

            HE AGENA OIHANA, A ME AGENA OHI DALA NO NA BILA A PAU.

 

KEENA OIHANA.

Na Waiwai paa--kuai a hoolilo aku, a me auhau uku ana.

Na Hale hoolimalima, Rumi, Keena, Aina e hoolimalima, a aelike @ na uku hoolimalima o na ano a pau.

Na Moraki e ae ia ma na ano waiwai a pau.

Na Pepa kuleana aina, e kakau a hooponopono ia me na Pepa a pau e pili ana ma ke kanawai.

Kope a me ka Unuhiolelo ma na olelo a pau iloko o keia aupuni.

Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.

Na Malama ana i na Buke a me ka hooponopono ana.

E haawi ia no ka mikiala no na Ohi aie ana.

Na Gula, Kala me na Bila kikoo dala, kuai a hoolilo.

Na Hooponopono Hale Dute e pili ana i na waiwai mai ko na aina e mai.

Na Ukana o kela a me keia ano, e kuai a hoolilo aku.

Na Kauoha o na Mokupuni, e hooko ia no me ka eleu.

            O na hana a pau a na makamaka e haawi mai ana no ka hooko aku i ke kauoha, e hooko no me ka eleu a me ka mikiala.

                                    Agena Oihana Hawaii

                        @170 1yr. Mar.