Ka Nupepa Kuokoa, Volume XXVIII, Number 39, 28 September 1889 — KA AHAAINA NUI O KE AO NEI. [ARTICLE]

KA AHAAINA NUI O KE AO NEI.

Ma ka la 17 o Augate, ua haawi ae na Luna Aupuni (Municipality) o na mahele aina o ke kulanakauhale o Parisa i kekahi ahaaina nui i kapaia, oia ka ahaaina nui loa 1 malama ia e ke* kahi aupuni oke ao nei, ma ka hotele Palais de L'lndustrie, imua o na poe hanohano i akoakoa ae ma ka hoikeike nui no lakou ka huina he 15,000 kanaka, a penei na hoomakaukau ana : He 15,000 ka nui o na hoa ma ka papaina, he 95 poe kuke, ioo poe kuke kokua, 600 galani supa, 6,600 paona i'a, 3 400 paona bipi, 600 manu ka-ka, 1,200 manu nene, a he i,ooq Kuene e hoolawa ana ma na papakaukau. O ka nui o na pa maluna o ka papaaina, he 70,000, a ke paila la kona kiekie iluna, e hiki ana i ka 6,000 kapuai, He 15,000 omole wama i inu ia a me 4,c00 omole kamepena, a ua hoohuihui ia iloko ona pauku hau o 6 tona. O keia ka ahaaina nui loa i haawi ia e ke kahi au|)uni, i ike ole ia mamua a me ka nui o na hoolilo ma ka moolelo o ke ao holookoa nei—ka papaaina ma ke kulanakauhale Moiwahine 0 Europa —Parisa.