Ka Nupepa Kuokoa, Volume XXVIII, Number 36, 7 September 1889 — KA HOIKEIKE O NA AUMOKU KAUA O ENELANI. [ARTICLE]

KA HOIKEIKE O NA AUMOKU KAUA O ENELANI.

I ka la i hiki aku ai o ka Emepera opio Wiliama 0 (reremania i Enelan», ua hoikeike la aku imua ona ka ikaika piha o ko Enelani. mau aumoku ma ka moana, no lakou ka huina i hiki aku i ka hookahi haneri moku o ka papa ekahi, a 1 hoopiha ia e na koa i hiki aku i ka iwakaluakumamalima tausani, he hapa wale no ia no ko Enelani mau aumoku pale kahakai me ka helu ole ia o na moku e ku kiai nei ma kona mau panalaau a puni ke ao nei. Ma keia komo ana aku o ka moku 0 ka Emepera opio ma ke kowa o kela huina moku e ku lalani ana no ka hoohanohano aku »aia, akahi no oia a ikeinaka iho la i ka ikaika piha maoli no 0 Enelani ma kona mau kapakai, a he mea kanalua ole ke hoomanao ae i ka olelo kaulana a kekahi aliikoa Amenka 1 kona wa i hiki aku ai i ke awa hooiulu moku o Potatnuta f ua hai ae oia,— he mea paakiki no na moku o Europa holookoa ka hoao ana e kailiku ae ia Enelani mai kona mau kapakai ponoi, mamua o ko lakou loaa ana mai me na hooili kaua hahana loa mai keia •nau aumoku helu ekahi mai o keia au hou e hele nei, i hoolawa ia a lawa me na mea make e haulehia ai ka enemi iloko 0 ka manawa pokole.