Ka Nupepa Kuokoa, Volume XXVIII, Number 33, 17 August 1889 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXVIII, HELU 33.               HONOLULU, POAONO, AUGATE 17, 1889.                   NA HELU APAU, 2246

 

HOOLAHA LOIO-

 

N@@@@@ M. LOWREY,

Notari no ka Lehulehu,

@A HE@

I@@@ H@@@@@@ Palapala a me na Palapala Hoohiki

Ke@a Hana me W. R. Kakela Loio a ka aoao makai o ka Hale Leta Ho@@@@

2241@3y.

 

CECIL BROWN,

@@@A HE KOKUA MA KE KANAWAI?

@@@@@@ Hoolalo Palapala no ka @o kupuni o Oahu

K@@@@ HANA: Ma alanui Kalepa.

@@.

 

EC HITCHCOCK,

(AIKU@ HIKIKOKI).

@@@@ A KOKUA MA NA MEA A PAU E PILI ANA MA KE KANAWAI.

E ohi lu no na Bila Aie, me ka awiwiw

HILO, HAWAII.

2114@1yr.

 

JAMES M. MOSARRA@.

(MAUNAK@A,)

@@@@ A HE KOKUA MA KE KANAWAI

He Luna Hooiaio Palapala.

@@hana ia no na Palapala Kuai, Palapala H@@@@nalima, a me na palapala pili kanawai e @@ a@a ka olelo Hawaii. Dala no ka hoa@e ma @@ m@raki ma na waiwai paa.

KEENA HANA: Hale Pohaku hou ma ka aoao ma Waikiki o ka Halewai, Alanui Kalena.

 

WILDER & CO. (WAILA MA.)

@ea kuai papa a m@ na lako kukulu hale o na ano a pau, a m@ na m@ n@ pono a pau o ka hale.

Kihi Alanui Moiwahi@ me Papu.

 

PACIFIC HARDWARE COMPANY

Na hope o Dilinahama Ma.

Mau Mea Kuai Lako Hao

Alanui Papu Honolulu

 

GEORGE P. KAMAUOHA.

HE LOIO A HE KOKUA MA KE KANAWAI.

A H@ MEA

ANA AINA.

@@@ aa no ma Kohala Akau, Hawaii.

2001-@V

 

WILLIAM C. ACHI.

@@@@ a Kakaolelo ma ke kanawai @@@@ o na Aha a pau o keia Aupuni, a @@@@ka ma na waiwai paa.

Keena Oihana, Helu 36, Alanui Ka@@, Honolulu, Oahu.

2241@3m.

 

AROSA. (AKONI.)

@@@@ A HE KOKUA MA KE KANAWAI

He Luna Hoolaio Palapala.

Kona Hana: Ma alanui Kaahumanu.

 

OLELO HOOLAHA.

            Ke hoolana ia aku nei ma keia, @@@i kudala ia aku ana na Lako @@@ @ i@ kahiko o Kahamuile i waiho mai ia'u i Iune 25, 1888, no ka ho@maemae hou ana, in a e uku ole ia @@@@@ko o na la he 30 mai keia la aku kona hoolaha.

GEO. W. YARICK,

@@@@uku, Maui, Mei 1, 1889.

2234@tf

 

HALEKUAI BIB@ HONOLULU

(Hope o Na M@@@@ll@n.)

H@@U 6 A@NAUI MOIWAHINE. MAKEKE MA U@AKO KO.

 

            Na Puhi momona, Hipa, Puaa me @a, na la@@@@@@ & co.

            O na kauoha a na ohana a me na moku mai e @@@ko koke ia no me ka eleu a me ka hikiwawe.

            On a holoholona ola no na moku e hiki no ke hooko koke ia.

            Telepone Helu 212.

2185-tf

 

Umeke Poi!

Umeke Poi!!

 

Ua loaa mai he mau Bakeke Umeke Poi o ke ano hou, i hawele ia me ke apo hao, a o ka ai e komo ana iloko o keia ano umeke, oia ka helu ekahi o ka mikomiko, aala a me ke onaona.

 

E kipa mai ma kahi o

 

                                    KAKELA ME KUKE.

           

Alanui Moi

@22@-3m

 

KA NANE KAMAHAO

 

@:O KA UI:@

 

Nohea Gula

 

He Kaao Bulegaria.

 

MOKUNA I.

 

Mawaena o na kaao a me na kuauhau hoonanea o na au kahiko o ka lahui Bulagaria, ua kulike wale no kekahi mau mahele me ko na lahui o na okana aina e ae o ia mau wahi, a ma ka hoomaopopo ana, ua ane like no hoi kekahi ano me kekahi mau mahele o na kaao hoonanea o Hawaii nei. O na mookuauhau, na kaao a me na mookupua, na paha, a me na mea ano like e kakaolelo ia nei no i keia manawa mawaena o ka poe kuaaina o ka Balakana, he mau hiohiona kahiko loa ko lakou, a he mau hoike no hoi kekahi e loaa ai ka meheu o ko lakou haku a hookumu ia ana ma ka hikina mawaena o kekahi mau kaao lehulehu, e loaa ana ke kuauhau ia o ka la ma ke ano he kanaka, a me ka makuahine o kala.

 

O keia mau kaao, na ka poe luahine e kakaolelo, aia imua o na anaina ahaaina, a me na anaina hooluana, aia nae ka manawa maa mau loa i ka wa e akoakoa pu ai ka poe luahine a me kamaliiwahine, oia hoi ko lako manawa e lawelawe like ai kela a me keia i kekahi ano hana, a oia ka wa a kekahi mea akamai o kke anaina e hoomaka ai i ke kaao, me ka ano eehia i@kekahi hoonanea ano kamahao, a i ole, e oli ana i kekahi paha o na mele o ka wa kahiko.

 

O keia kaao malalo iho, ua unuhi pololei ia, he mea hoi e hoike ai i ka mau no o ka hoonipaa o na haawina kahiko o ka poe o keia ano poai ma kekahi mau aina. A oiai e ike ia ana ke ano kaao pili i ka la, e hoomaopopo ia ana no hoi, he ano okoa loa mai na moolelo e ae e hoolaha ia nei. E hoomaopopo wale iho no kakou iloko o ka manao-keike aku nei kakou i kekahi anaina poai o na wahine aoo a me na kaikamahine opio, e nonoho nui ana a e humuhumu ana a e kuiki kapa ana paha, e popohe ana na onohi nohea o na wahine opio, a e luhe ana hoi na oho lauaho kuakea o na luahine, a iwaena konu o lakou e noho ana ka mea nana e kuauhau ke kaao, a me kona mau maka hoihoi, a me kona leo palanehe, me ke kuhi o na lima, a hoomaka aku la e hahai i keia kaao malalo iho nei penei :]

 

AIA i kekahi au manao loa i hala hope aku, e noho ana ke keiki a kekahi moi maluna o kona aina me ka hiehie a me ka hiwahiwa. He kanawa ui a maloeloe o ke kino, a he mau helehelena hoi kona e palu he ai ka palu a ka puuwai i ka pehia e na manao ohohia.

 

Aia i kekahi la maikai o kona noho nanea naa, ua ulu @ la kona manao e imi a e huli oia i wahine nana, a o ka na wahine i makemake ai, oia no ka wahine oi o ka ui i na wahine a pau o ka aina. Aka, pehea la e loaa ai ia wahine.

 

Noonoo iho la ia, a hooholo iho la, e kukulu oia i punawai waipuilani; a e hana ia i kahe mai ai ka wai meli a me ka aila aala mailoko mai o ua punawai la; i hele mai ai na kaikamahine opio ilaila e ukuhi a i i ka lakou mau huewai me ka wai meli a me ka aila aala, ala@@a, e loaa no iaia ka manawa nona e @@na ai ia lakou a wae ae i ka oi o ka @i i wahine nana.

 

Ua hana ia keia mau mea a pau a ua nani a maikai i na maka a me ka noonoo o ke keikiahi. A i ka hala ana o kekahi manawa pokole mahope o ka hoomaka ana o ka wai meli a me ka aila e puapuai, aia hoi, o ka mea mua loa i hele ae i kahi o ka punawai, he wahi luahine no ia. Ua hele pu ae oia mo kana mau lako a pau i hiki ke hoopiha ia me keia mau mea makamae o ka punawai, a ua lawe pu mai la i na pola a me na pa a pau o kona hale, a ua hoopiha iho la. A hoomaka aku la e hoopiha i na wahi apana pola e loaa aku ana, a pau kii aku la oia i na huamoa naha o kekahi kihi a i pau hoi ka wai o loko, a hoopiha @ iho la me ka paepae ana a ku pololei me na apana pohaku i kahuli ole ai.

 

Iloko o keia manawa a ka luahine e hana nei i keia mau mea, aia no ke keikialii ke ku kokoke mai la, e nana mai ana me ka hoomaopopo i na mea a pau. Ua hoonanea ia oia me keia mau mea; a mano iho la e paani hookolohe aku i ua luahine nei. Ia manawa, lalau iho la ua keikialii nei he wahi pohaku a hoolei aku la i kahi e kokoke ana i ka luahine, ua kakaa aku la nae ua pohaku nei a pa aku la kekahi o na hua i hoopiha ia a naha iho la.

 

I ka ike ana o ka luahine i keia mea, ua huli koke ae la kona mau maka a ike mai la i ke keikialii, a ia manawa i puana mai ai oia i kana kanawai paa maluna on a me ka nui o ka huhu, a pane mai la :

 

"Aole loa oe e mare i wahine nau a hiki i ka loaa ana ia oe he wahine puupaa i hanau ole ia e ka wahine @"

 

Iloko o o ia manawa, ua holo ae la ke anu iloko o na aakoko o ke keikialii, pihoihoi ae la kona noonoo a hoomaka iho la ka makau weliweli e uhi maluna o kona kino; aka, ua paakiki no nae kona manao e ku no malaila, e maka@ hoi i ka hele ana ma i o na kaikamahine i kahi o ka wai mapuna.

 

A nalo aku la ka luahine, ua ike koke aku la ke keikialii i ka puali o na kaikamahine nani maka-onaona i ka oili ana mai mawaena mai o na pua o ka mahinaai, a hele aku la lakou i kahi o ka punawai a ukuhi iho la i ka lakou mau huewai. A e ka mea heluhelu, he oiaio, he mau ui wale no lakou a pau i ko kaua mau onohi, aka, i ko ke keikialii, ua kapae ia ko lakou ui a ua hoowahawaha ia. Nana pono aku la ia me ka hakapono o kona mau maka i kela me keia, a hoole kona lunalkehala, aole loa hookahi o lakou i lawa ka ui nohenohea a na iini a kona punwai i hoohihi nui ai.

 

A oiai oia iloko o ka nune a kona noonoo, hoomanao ae la oia i kela luahine a me kana mau olelo kanawai paa i kau mai ai maluna on a, a i iho la iloko ona : "He oiaio anei ua makemake ole kela luahine e lilo kekahi o kela mau kaikamahine i wahine na'u ? A i ole, ua kau mai anei oia i ka ike pahaohao i ko'u mau onohi maka, a ua hoolilo ia lakou a pau i mau kaikamahine helehelena pupuka wale no ?"

 

Huli hoi aku la oia no ka halealii, a mai ia la mau, ua hoomaka kona hokukule a hopepe, a mahope ua haikea ae la kona mau helehelena, a nawaliwali kona mau kapua. No keia mau haawina ano e a kaumaha i kau aku maluna o ke keikialii, ua ha'oha'o ia kona makuahine, a i kekahi la, pane aku la iaia, i ka i ana aku ?@

 

"E kuu keiki aloha-e waiho aku ana au he ninau imua ou, a ke uwalo aku nei kou makuahine ia oe, e pane mai oe me ka pololei. No kekahi mau la i hala ae nei, ua hoomaopopo au i kou haikea a me ke kukule-no ke aha mai keia e kuu keiki aloha ?"

 

Aole i pau.

 

Eia mai ka nanea o ka Ui NOhenohea Gula ke puka aku nei.

 

Ua make emboli o Alexander Flohr haole hana pu ma alanui Betela, mau ka iho hoi o ke keena pai o keia pepa, ma kona wahi noho ma Palama, i ke ahiahi Poakahi nei mai ka mai ae ma kona puuwai, a i ka auwina la Poalua nei, i hoolewa ia ai e ka Hui Knight o Phytias.

 

HE KAAO

 

@NO@

 

HAPAIKALA-

 

HAPAIKAMAHINA

 

KA HUA OHIA NANI

 

I LOAA MA KA

 

Piko Mauna o Farani

 

Ka Ui nana i Kakele ke Aupuni o ka Lihilihi o na Manu.

 

I Kokua ia e HULUPAINA kona Pokii.

 

Unuhi ia e Moss Ma'u

 

Ia wa lalau iho la oia i kana buke a wehe ae la i na kui he 12 e hoopaa ana i kona lio, a iloko o ia wa i oli mai ai kona lio, a hoomaka ae la oia e kau iluna, a olelo iho la oia penei:

 

Ia oe e Kapua Keleawe, aole e pau ke o ana o kou mau kapuai a haule kaua i ka puka o ka lua powa o Vabine.

 

I ka pau ana no o keia mau olelo a ke koa opio, ia wa no oia i pukui mai ai i ke kaulawaha o kona lio, a i kona hoalu ana aku, ku ana laua ma ka puka o ka lua powa o ke keikialii Vabine, ana i nohoalii ai ma na kuahiwi o Roma iloko o na makahiki he 30.

 

Iloko o ia wa i kikeke aku ai ke koa opio ma ka puka, a ia wa no hoi i ninau mai ai kekahi powa maloko mai o ke panipuka, i ka i ana mai:

 

Owai mawaho?

 

Owau no, ka hua ohia hemolele o na kakai mauna o Farani, wahi a ke koa opio.

 

Heaha kou makemake e komo iloko nei? wahi a ke kiai.

 

Aole ia oe ia wahi o ka nnau mai i ko'u makemake; e wehe koke mai oe i ka puka ano.

 

Aole au e ae e wehe i ka puka ! wahi a kahi koa kiai i pane mai ai me ka leo kalakala.

 

I ka lohe ana o ke koa opio i na olelo a kiai puka, ua lalau iho la oia i kana pahikaua iloko o kona wa-hi, a hoomaka aku la oia e hili i ke panipuka.

 

Iloko no o ia wa i naha ae ai ke panipuka iloko o na apana elua, a hina aku la kekahi apana maluna o kahi koa kiai a make loa iho la oia.

 

Iloko o keia wa, ua ike mai la ke keikialii Vabine o kona enemi keia, ka mea nana i hoohoka iaia ma ka hulahula, oia hoi ka po i mare ai ke keikialii o Inia me ke kaikamahine alii o Roma, ana hoi i lawe aihue ai.

 

Ia wa i kauoha ae ai ua keikialii Vabine nei i kona mau ausani powa e lelel kaua mai maluna o ke koa opio, a ia wa i hooko mai ai ua poe powa la i ka olelo a ko lakou haku.

 

Aka, mamua ae nae o ka lele kaua ana mai o na powa maluna o ka kakou koa opio, ua hopu iho la oia i kana mau ihe 4 e kau ana mamua o kona noho, a paa ae la he elua ihe ma kona lima akau a he elua no hoi ma kona lima hema.

 

I ka hui ana o ke koa opio me na powa, ua pahu aku la oia i na ihe elua e paa ana ma kona lima akau ma ka eheu akau o na powa e luku ana me ka weliweli nui, a pela no hoi me na ihe e paa ana ma kona lima, ua pahu aku la oia ma ka eheu hema o na powa e luku ana me ka weliweli nui, a ke keikialii Vabine hoi i ike ole ai mamua.

 

I ka oili ana o keia mau ihe eha maikona mau lima aku, ua lalau iho la oia i kana pahikaua a huki ae la mailoko ae o ka wa-hi a hoomaka aku la oia e kakele i kona lio imua o na powa, e hahau ana ma ka akau a me ka hema o kona lio.

 

O ka loihi o keia hoouka kaua ana mawaena o na powa a me ka koa opio, he 7 hora, a ua pau loa iho la na powa i ka make.

 

Iloko o keia wa i huli ai ke alii o na powa a nana ae la ma o a maanei, aole oia i ike i kekahi o kona mau koa, a ia wa oia i holo aku ai a komo iloko o na heana o ka poe make e waiho ana, a pee iho la oia, me kona manao e nalo oia mai na maka aku o ke koa opio.

 

Ua pau loa na powa i ka make, aole hookahi o lakou i pakele aku mai na lima aku o ke koa opio.

 

Iloko o keia wa, ua hopu iho la oia i kana pahu daimana iloko o kona poli a huki ae la oia, a iloko o ia wa oia i hahau iho ai i kana pahikaua maluna o kana pahu daimana, a pane iho la:

 

Ia oe e kuu pahu daimana, ke kauoha aku nei au ia oe e kii aku oe i kuu hoa'loha, ke keiki alii o Inia a hookuu mai.

 

I ka pau ana no o keia mau olelo o ke koa opio, ia wa i wawalo ae ai kekahi leo mailoko ae o ka pahu daimana, i ka i ana ae:

 

E kali oe no hookahi minute a e ike no oe i kou hoa'loha.

 

Aole i liuliu ma ia hope iho, ike aku la ke koa opio i ke keikialii o Inia e hle pu mai aua me kekahi keiki.

 

Ua hele mai la laua a hui me koa opio, a haawi mai la i ko laua aloha, a pela no hoi ke koa opio i haawi aku ai i kona aloha ia laua.

 

Ua ninau koke mai la no ke keikialii o Inia, auhea ke keikialii Vabine, ka mea nana i hoopaa ia maua ilok o kela lua?

 

Pane aku la ke koa opio i ka nnau a ke keikialii o Inia, i ka i ana aku, aole au i ike iaia, ua make paha oia aole paha.

 

Ia wa i ninau iho ai ke koa opio i kana pahu daimana: Eia no anei ke ola nei ke keikialii powa Vabine i keia hora?

 

Ia manawa i poha ae ai kekahi leo mailoko ae o ka pahu daimana, i ka i ana ae: Aole oia i make, ua pee oia iloko o na kino make o na powa i luku ia iho nei e oe.

 

Ua ninau hou iho la ke koa opio i kana pahu daimana, aia mahea kona wahi i pee ai ?

 

Aia ma ka aoao hikina o kela hale nui a oukou e ike la, ke kowa mai ke kihi hikina aku a hiki i kahi i pee ai o Vabine malalo o kona mau kanaka i make he 20 kapuai, a in a oukou e hele ana e huli malaila, e loaa ana no ia oukou.

 

I ka lohe ana o ke koa opio i na olelo a kana kauwa hoopono, ua huli ae la oia a pane aku la i kana mau aikane :

 

E hahai mai olua ia'u, e hele kakou e huli i ke keikialii powa, ka mea nana i hoopaa ia olua iloko o ka lua.

 

I ka lohe ana o kana mau aikane, ua hele like aku la lakou a hiki ma kahi i kuhikuhi ia mai ai e ka pahu daimana, a huli iho la lakou malaila.

 

I ka hala ana o ka hapaha hora o ka lakou noke ana i ka huli, ua loaa iho la ke keikialii powa e moe ana @waena o na heana o kona poe koa make, a lalau iho la ke keikialii o Inia ma kona lauoho a huki ae la a pane iho la :

 

Ahaha @ kuhi paha oe i ko holo ana e pee e pakele oe, e make oe e pono ai maluna o ka amana li kanaka o Roma nei, a i ole, ma ko'u aupuni ma Inia no kau mau hewa i hana ai, oia kou aihue ana i ka'u wahine a me kou hoopaa ana ia maua iloko o kela lua, au i olelo kaena iho ai, malaila maua e noho ai a hiki i ka popopo ana o na iwi o maua, aka, iloko o keia manawa, he pio oe na makou.

 

Huli ae la ke keikialii o Inia a pane mai la i ke koa opio, pehea e paa ai ke pio a kakou ?

 

Pane aku la ke koa opio, ua makaukau au i na mea a pau e paa ai ka kakou pio in a ua makemake oe no ia mea e kuu aikane.

 

Iloko o ia wa i huki ae ai ke koa opio i kana pahu daimana iwaho a waiho ana ilalo o ka lepo, a hili iho la oia i kana pahikaua maluna o ka pahu daimana, a pane iho la:

 

Ia oe oe e kuu ka@@a hoolele@ @e kauoha aku nei au ia oe, e hoopai oe i na lima o Vabine i ka @ao no kana hewa i hana ai, a e lawe aku iaia no ka halepaahao o Roma, a malaila oia e paa ai a hiki i kena wa e hookolokolo ia ai imua o na makaainana a me ke ohana alii o Roma.

 

Iloko o keia wa i hooko aku ai ka pahu daimana i ka olelo kauoh a kona haku opio, a ia wa no hoi i nalowale honua aku ai ke keikialii powa Vabine mai ko lakou alo aku, oiai, ua hao aku la ka mana o ka pahu daimana e lawe ana i ke keikialii Vabine no ka halepaahao o Roma. 

 

He mea haohao i na keikialii elua e ku pu ana me ke koa opio no ka nalowale honua ana o Vabine, a no ia mea ua ninau aku la laua i ke koa opio i ka ana aku @

 

Auhea iho nei hoi ka kakou pio, ua mahuka aku nei paha ?

 

Pane aku la ke koa opio@ aole oia i mahuka, aka, ua lawe ia aku nei oia e kuu kauwa hoolohe e hoopaa iloko o ka halepaahao.

 

I ka lohe ana o ua mau keikialii nei i na olelo a ke koa opio, aole laua i manaoio, aka ua manao no laua he hoopunipuni wale no ia mau olelo a ke koa opio.

 

Iloko o ia wa i ninau mai ai ke keikialii o Inia i ke koa opio i ka pane ana mai:

 

Aia la ihea kuu wahine kahii noho ai ?

 

I ka lohe ana o ke koa opio i keia ninau a kona hoa'loha, ia wa oia i kahea iho ai i kekahi o kana mau kauwa hoolohe, i ka i ana iho @

 

Ia oe e Bulionababela, ka ilio kupua o na kuahiwi o Leb@@@@, ua makemake au ia oe e oili mai i keia wa a ku imua o kuu alo nei, oiai he huaolelo ka'u e kauoha aku ana ia oe.

 

Iloko o ia wa i oili mai ai kana ilio keokeo a ku ana imua o kona alo, a ninau mai la :

 

Heaha ka makemake o kuu haku opio i kauoha aenei ia'u ehele ma@?

 

Pane aku la ke koa opio, ua makemake au e hoike mai oe i kahi i noho ai ka wahine a kuu hoa'loha.

 

Ia wa i hoike mai ai ka ilio kupua Bulionababela i ka i ana mai :

 

E hahai mai oukou mahope o'u a na'u oukou e lawe aku e kuhikuhi i ke alanui e hiki aku ai i kona rumi i hoopaa ia ai e ke keikialii powa Vabine, mamuli o ka hooko ole ana o ua kaikamahine la i ka makemake o ua keikialii powa la, oia hoi, e lilo oia i wahine nana.

 

I ka lohe ana o na keikialii ekolu i na olelo a ka ilio, ua hahai aku la lakou mahope on a, a ua hele aku la lakou a komo iloko o ka hale a hiki i ka rumi helu 24, ua peu aku la ka ihu o Bulionababela ia panipuka a hemo aku la, a iloko o ia wa i ike aku ai lakou i kekahi alapii i kinohinohi ia i ke gula ame ke d@@mana, a nona hoi na anuu he 24.

@oko o ia wa, iho aku la lakou ilalo o ka lua, a i ko lakou hiki ana @al@, ua hele aku la ka ilio mamua a hahai aku la no hoi na keikialii mahope.

 

Hele aku la ka ilio ahiki ma ka rumi helu 50, a huli mai la oia i hope a olelo mai la i na keikialii, i ka i ana mai :

 

Eia @oko o keia rumi ka @@kou mea e h@li nei, e komo oukou iloko, a e oluolu mai kou hanohano e kuu haku opio e hookuu mai ia'u e hoi. Ae aku la kona haku opio a nalo aku la ua kauwa hoolohe la.

 

I ka nalo ana aku o ka ilio, ua huki ae lo ke koa opio i kana pahikaua mailoko ae o ka wa-hi a hahau aku la i ke panipuka, kahi hoi e paa ana ka wahine a kona hoa'loha.

 

Iloko o ia wa i naha @e ai ke panipuka iloko o na apana like elua, a ike aku la lakou i ke kaikamahine alii ua hoopaa ia me na kaulahao he 50.

 

I ka ike ana o ke keikialii o Inia i ka hoomainoino ia o kana wahine, ua hu mai la kona aloha a nui nona, a hele aku la oia a puili aku la ma kona a i, a uwe iho la laua me ka ehaeha noi; a o ke koa opio kekahi i komo pu ma ia haawina hooka@i.

 

Iloko o ia wa i kauoha iho ai ke koa @kana pahu daimana i ka i ana iho :

 

Ia oe e kuu kauwa hoolohe, ke kauoha aku nei au ia oe, o na kaulahao a pau loa e paa la ma ke kino o ke kaikamahine alii, e lu ae oe ia mau mea a pau mai kona kino aku.

 

I lawa no a pau na olelo a ke koa opio, he manawa ole ua kaawale aku la na kaulahao mai ke ki@o aku o ke kaikamahine alii.

 

Ia wa i hoi aku ai lakou a pau no ka hale o Vabine, a noho iho la lakou kamailio no ko lakou mau moolelo pakahi iho.

 

Ua hoike mai la ke kaikamahine alii i kona moolelo piha mai kona wa mai i lawe aihue ia ai e Vabine a hiki i keia la ana e hui nei me kana kane.

 

I ka lohe ana o ke keikialii o Inia i ka moolelo o kana wahine, he mea e ka ehaeha o kona naau, a kulu iho la kona mau waimaka no ke aloha i kana wahine.

 

I ka mao ana ae o ke aloha wahile iloko o ka puuwai o ke keikialii o Inia, ua hoike mai la oia i kona moolelo piha mai ka mua a ka hope, a pane aku la oia i kana wahine, i ka i ana aku.

 

E hoomanao oe e kuu wahine, o keia opio nona na helehelena au i ike ole ai mamua, oia ka mea nana i luku iho nei na powa a pau loa i ka make iloko o ka hora hookahi mamuli o ka ikaika i loaa iaia, a oia kou kumu i loaa iho nei.

 

I ka lohe ana o ke kaikamahine alu @ na olelo a kana kane, ua huli mai la oia a haawi mai la i kona aloha i ke koa opio, a pela no hoi ke koa opio i haawi aku ai i kona aloha.

 

Iloko o keia wa i ku ae ai ke koa opio iluna a pane aku la i kona mau hoa: E hoi kakou i ke kulanakauhale alii o Roma.

 

Pehea kakou e hiki ai ke hoi, oiai, he hookahi wale no alanui a'u e paa nei, oia hoi ka noho lele?

 

I ka lohe ana o ke koa opio i na olelo a kana aikane, ua pane ae la oia :

 

Ia oe e Bulionababela, ke ka@oha aku nei au i aoe e hele mai imua o'u i keia wa.

 

I lawa no a pau keia mau huaolelo a ke koa opio, ku ana ua Bulionababela la imua o kona haku opio a pane aku la :

 

Heaha ka makemake o kuu haku opio i kahea aenei i kana kauwa, e ha@ mai i kou makemake a e hooko ia no iloko o ka wa pokole.

 

Pane aku la ke koa opio, i kahea aku nei au ia oe i alanui no ke keikialii o Roma e hoi ai a hiki i ke kulanakauhale alii o Roma.

 

Pane aku la ua ilio la, ua hiki loa ia'u ke hooko i kau kauoha e kuu haku opio.

 

Iloko o ia wa i olelo aku ai ke koa opio i ke keikialii o Inia i ka i ana'ku@.

 

O oe no hoi a me kau wahine maluna o ka noho lele, a oinei hoi maluna o keia i@@o, a owau no hoi maluna o ko'u lio.

 

Iloko o keia wa i olelo aku ai ke koa opio i kana ilio : Ia oe e Bulionab@kela ka'u kauwa hoolohe, e malama loa oe i ke keikialii o Roma o haule i ko olua wa e lele ai.

 

Ae wahi o ua ilio la i pane aku ai.

 

I ka hala ana aku o ka noho lele a me ka ilio no ke kulanakauhale o Roma, ia wa i huki ae ai ke koa ooio i na kui he @@@ hoopaa ia ai kona lio, a @oko o ia wa i oili mai ai kona lio a ku ana imua o kona alo, a ia wa i kau aku ai ke koa opio a pukui mai la i ke kaulawaha a pane io la :

 

Ia oe e Kapuai Keleawe, aole a pau ke o ana o kou mau kapuai, hiki kaua ma ka puka o ka pa alii o ROma.

 

I ka pau ana no o keia mau olelo a ke koa opio, o ia no kona wa i hoalu aku ai i ke kaulawaha o kona lio, a iloko o ka imo ana a ka maka, ku ana laua ma ka puka o ka pa alii, a lele iho la ke koa opio ilalo a pane aku la i kona lio :

 

Ma kou mana e kuu lio, e hoolilo ae oe i ka nani o ko'u aahu e like me ko ka poe ilihune, a o oe hoi e kuu lio e hoi oe no kou wahi mau.

 

Ia wa i loli ae ai ka aahu o ke koa opio e like me kona makemake, a o kona lio hoi, ua hoi aku la oia no kona wahi mau.

 

(Aole i pau.)