Ka Nupepa Kuokoa, Volume XXVIII, Number 29, 20 Iulai 1889 — Page 2
| This text was transcribed by: | Brooke |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA
Hoolaha Keena Kalaiaina
Ua hoolaha ia i keia ia, a Mr. Andrew O@@@ i h@ no ka Papa Alanui o Waialua. Oahu. ma kahi o la@ Gay i waiho mai .
Ua iho na hoao ka Papa e ku nei i keia manawa.
K. Halstead. Panahoomalu
W. A. Bar@@
Andrew Cox
L.A. THURSTON,
Kuhina Kalaiana.
Keena Kalaiaina. Iune 10, 1880
2239 33
NUPEPA KUOKOA
NO KA MAKAHIKI $2.00
NO LONO MAHINA $1.00
KUIKE KA RULA
Poaono, Iulai 20, 1889.
KE KAA ANAHAO
O ka hoomoe ia ana i ke alahao ma @ kakou kulanakauhale nei ma kona aia o ka hana he eono mahina i hala ae nei, na ia mea hookaha i hoeueu ai i ka holomua o na hana kalepa o na @ a pau a me ka hoomahuahua aku i ka hoihoi o ka poe puni kaahele mala loko na @ uuku. O keia ano alanui malaila o ka lehulehu mai kona hookumu mua loa ia ana i kinohi, a ma na wahi no a pau o ke ao nei, oia ke kokua nui nana i hapai i kekahi mau aina ma ke ala o ka holomua a me ka waiwai. O na kula panoa a me na awawa maloko o na kuahiwi, kahi i manao nui ole ia i ka wa mamua aku, aia i keia manawa, ua hoolaupai ia ua mau kula panoa la me na kini kanaka e hoopulapula ana me na holoholona a me na mea kanu o na ano a pau a ke kanaka mahiai e hoolawa ai i kona manawa hana. Pela kakou e hoohalike ai i ko kakou alanui alahao e moe nei i keia manawa a e hoomoe ia aku ana i na apana o Ewa a puni keia mokupuni, aia he mau hoohoihoi ia kakou like a pau e paeli me na hana a e malama i ka manawa, alaila, na ka hua o kau hana e uku i kou luhi o ka hoomanawanui ana.
O na haawina o ka holomua o ke alahao kulanakauhale o Honolulu nei e ike ia no ia ma keia mau huahelu malalo iho, ka heluna ohua i aolo ia iloko o na mahina eono i hala ae nei, e hoike ana i ka piha ohohia nui ia o keia ano alanui maalahi o ka lehulehu. No ke kaa hookahi ma ke alanui Nuuanu no na pule maa elua o Iulai, he $271.09; no eha kaa ma ke alanui Moi a hiki i Waikiki, he $2,187.70. O keia malalo nei ka huina ohua o keia hapalua makahiki.
Ianuari …………….… 24,077 ohua
Feberuari ……………. 39,804 "
Maraki ……………….. 48,357 "
Aperila ……………….. 40, 102 "
Mei …………………… 54,540 "
Iune …………………… 90,295 "
KA UWEA MOE MOANA O KA PAKIPIKA
O ka kakou mau kuko mai ana no na makahiki lehulehu i kaahope aku la, e ike ana kakou i kahi la e moe ana he uwea olelo kamailio aku maloko o ka hohonu a hoea ma kela kapa mai o ka ainapuniole, ua houlolohi mau ia kakou ma ka waiho ia ana aku na ua makeke hoahu dala o waho e hoala ae i ka hana a me na hooponopono ana.
He kanalua ole ko makou ke huai ae, o ua hana la a kakou i kali a i iini nui ai e ike, ua noi ia aku ka Ahakukamalu ma ka la 10 o Iune, a hoopuka ia mai e ke Kuhina Kalaiaina ka palapala hoohui nona ke poo - Ka Hui Uwea Moe Moana Pakipika, no kanalima makahiki, a he $1,000,000 ke kumuwaiwai o ka hui.
E hoala ia ana keia hana nui e na kamaaina o ka aina, ma ka hoomoe ana mai Hawaii aku nei a Kaleponi a i Iapana, he umi tausani mahele, ma ka $100 pakahi, a ua hiki ke hoomahuahua ia aku ke kumuwaiwai a piha ka umi miliona.
O kekahi keia o na lawelawe ano nui o ka aina nei ma ka hapai ana o kona kona mau poe kalepa i na hana o ka holomua ma na launa pili kalepa me na makamaka o waho, a he alahele hoi e loaa mai ai o na lono mea hou mai na wahi a pau o ke ao holookoa iloko o ka imo ana a ka maka.
KA HIHIA HOOWAHAWAHA I KA AHA
Ma ka la 11 iho nei o keia mahina, imua o ka Hope Lunakanawai Kiekie I. McCully, ke Kahu o ka Aha o keia Kau, ua hapai ia mai ka hihia a ka Moi kue ia J. R. Robertson, ka haole hoi nana i ki me ka pu i kekahi haole okoa nona ka inoa o Louis Magoney, ma Waialua, iloko o kekahi o na mahina hope o kela makahikiki i hala. Ma ia ki ana, ua ku aku la o Magoney ma ka lima hema me ka poka lu, a mamuli o ia mea, ua oki ia ka lima e na kauka i pakele ai ke ola.
I ka manawa i kahea ia ai ua hihia nei, i ka la mua i wehe ia ai ke kau, ua ku mai la ka Loio Kuhina a noi mai la imua o ka aha e ae ia aku oia e hoopau wale i keia hihia, malalo o ke kumu, ua hele ka hoike nui o ko ke Aupuni aoao i ka aina e, oia hoi ka mea i ki ia i pu. Ua pane mai ka Aha e lawe i ke noi a e noonoo a e hoopuka mai i kana olelo hooholo i kekahi la ae. I keia manawa, ua pane aku ka Loio Kuhina i kona manao, aole oia e lawe hou mai i kekahi hihia hou aia wale no a hooholo ia ka hihia ana i waiho aku ai i ke noi, a me kekahi mau huaolelo e ae e pili ana i kona kulana malalo o ke Kanawai.
Ma kekahi la ae, ua hoopuka mai ka aha i kana olelo hooholo e hoole ana i ke noi a ka Loio Kuhina, oiai, mamuli o kona manao, o ke kaawale ana o ke la hoike i ka aina e, aole ia he kumu i lawa pono no ka hoopau wale ana i keia hihia.
Mamuli o kela hoole ana o ka Loio Kuhina aole oia e lawe hou mai i na hihia ke ole e hoopuka ia ka olelo hooholo e like me kana noi e hoopau wale i ka hihia a ka Moi kue ia Robertson, ua hoopuka ia ka olelo kauoha a ka Aha i ka Ilamuku o ke Aupuni e hopu i ka Loio Kuhina, e hoopaahao a e paa iaia malalo o kona malu no 24 hora no ka hewa hoowahawaha i ka Aha.
Ma ka la 5 o Iulai, ua hoopuka ka Aha i ka ole o kauoha i ka Ilamuku e hiki aku imua ona, a e waiho aku i kana hoike e pili ana i kona hooko ana i ke kauoha a ka Aha e pili ana i ka hopu i ka Loio Kuhina; a ma ka hora 1:30 o ia auwina la, ua hiki aku ka Ilamuku, a ua waiho aku i kana hoike, ua waiho aku oia i ka olelo kauoha a ka Aha imua o ka Loio Kuhina maloko o kena keena i ka hora 2 pm., o ua la nei, a ua heluhelu ka Loio Kuhina a ua hoike mai, ua makaumakau oia e hooko i kana kauoha, a ma ia manawa, ua lawe oia iaia malalo o kona malu, a ua paa iaia a hiki i ka hora 4 o ke ahiahi, ia manawa ua haawi aku la i ka Loio Kuhina malalo o ka malu o A.P. Perterson no ka hooko hou ana aku i ke kauoha a ka Aha, a ua haawi pu aku i ua A.P. Peterson nei he palapala hookohu makai, a ia manawa oia i paa ai i ka Loio Kuhina, a lawe aku la iaia malalo o kona malu i kona hale, a malaila i hoomalu ai iaia a hiki i ka hora 8 o kekahi kakahiaka ae, a ia manawa oia i lawe ae ai i ka Loio Kuhina ma ka halewai, a malaila oia i homalu ia ai a hiki i ka hora 2 o ia auwina la, a oia ka piha ana o na hora i kauoha ia'i e ka Aha e hoomalu, a nolaila, ua hookuu ia oia.
Mahope o ka waiho ia ana aku o keia hoike a ka Ilamuku, ua pane mai la ka Aha, o ka ololo hooholo "e hoopaahao" ua maopopo loa ka manao e hoopaa ia iloko o kekahi halepaahao i ku i ke kanawai, aole hoi i manao ia e hoomalu wale ia no maloko o kekahi wahi e ae. O ka noho ana o ka Ilamuku me ka Loio Kuhina iloko o kona keena, aole ia he hoopaahao, a aole no hoi he hoopaahao ka noho ana iloko o ka hale me Mr. A. P. Peterson. Nolaila, mahope o ka noonoo ana o ka Aha, ua hooholo ua ku ka hewa hoowahawaha i ka Aha maluna o ka Ilamuku no kona hooko ole ana i ka olelo kauoha a ka Aha, nolaila, ua kau ia ka hoopai e uku oia i hookahi haneri dala, a ua kauoho hou ka Aha i ka Ilamuku e hoike mai i kana hana ke hooko oia i kela kauoha mua a ka Aha e pili ana i ka Loio Kuhina, oiai, ke mau la no ka paa o ia kauoha.
Ma ka la 11 o Iulai, ua hoolohe ia na wehewehe kanawai mai @ A.S. Hatawela mai, ma ka aoao o ka Loio Kuhina, e hoike ana he mana no ko ka Loio Kuhina e hoole a e hoopau wale i ka hoopii a ka Moi i kekahi mea i hoopii ia. Mahope o kana, ua waiho mai ka Aha i kana olelo hooholo no ka paa no o ka hihia, a e kauoha ana e hookolokolo ia, a ke hapai ole ia mai e ka Loio Kuhina a me kona hope paha, alaila, e ku no ka hihia me ka hookolokolo ole ia, aole nae malalo o ke noi e hoopau wale ia.
Mahope o keia, ua ku mai la o Mr. Hatawela a hoke mai la imua o ka Aha, ua hooholo ka Loio Kuhina e hookolokolo ia ka hihia, a e lawelawe ia hoi ka hana ma kkona aoao, a ma ka la 12 i hala, ua noho ka Aha e hoolohe i keia hihia imua o ke kiure haole. I ka hora 4 o ia auwina la, ua komo ke kiure iloko o ka rumi e noonoo i ka lakou olelo hooholo, a i ka hora 6, ua puka mai a me ka olelo @@@@ wahi e hookuu ana i ka mea i hoopii ia.
O keia iho la ka manawa elua o ka hoolohe ia ana o keia hihia. I ka hoolohe mua ia ana, ua hoopeka ke kiure i ka olelo hooholo ahewa. Mamuli o ka waiho ia ana aku o ke noi e hookolokolo hou ia malalo o kekahi mau kumu kupono, ua ae ka Aha. a oia iho ia keia hoolohe hou ia ana i keia kau a @ ka pau ana hoi o na hana e pili ana ia hihia.
HOOLAHA HOOKO MORAKI ME KE KUAI
I kulike ai me ka mana kuai o kekahi palapala moraki i hana ia e Kauoho mauna me Kuhimoku kana wahine mare, o Kaalaea, Koolaupoko, mokupuni o Oahu, ia W.F. McWhirter o Makawao, mokupuni o Maui, i hana ia i Feberuari 3, 1885, a i kope ia ma ke Keena Kakau ma ka buke 94 aoao 37 me 38.
Ke hoolaha ia aku nei ma keia, e hooko ia aku ana ka mana kuai o kela moraki mamuli o ka uhaki ia ana o na kumu aelike o kela moraki, oia hoi, ka uku ole i ka ukupanee a me ke kumupaa, a nolaila, e
I kulike me ka hoolaha i hoike mua ia aku, no ka hooko ana i ka mana o kela palapala molaki, nolaila, e
KUAI KUDALA
ia aku ana ma ka rumi kudala o J. F. Morgan, ma alanui Moiwahine, Honolulu i ka
Poaha, - Aug. 1,
1889. I ka hora 12 awakea.
O keia iho na wahi e kuai ia aku ana.
1 - O kela wahi ma Kaalaea, i ike ia ma ka Palapala Sila 5536, ia Kuapalahalaha, nona ka ili o 1 me 97-100 eka.
2 - O kela wahi a pau ma ka Palapala Sila 3662, I.. C. A. 3364, ia Naihepapa, nona ka ili o 4 eka 30 per. ma Haiku, Kauai, a o Kuhimoku hoi ka hooilina oiaio o ka waiwai i olelo ia.
Na lilo palapala, ma ka aoao o ka m a kuai mai.
No na mea i koe, e loaa no ma ke keena o
W.R. CASTLE,
Loio o ka mea moraki.
Hanaia ma Honolulu, Iulai 20, 1889.
2242.21.
HOOLAHA HOOKO MORAKI ME KE KUAI.
I kulike ai me ka mana kuai o kekahi palapala moraki i hana ia e Kekaula (k) me Kamala, kana wahine mare, o Wawaia, mokupuni o Molokai, ia Miss E. K. Bingham, o Honolulu, mokupuni o Oahu, i hana ia i Okatoba 23, 1882, a i kope ia ma ke Keena Kakau ma ka buke 77 aoao 23 me 24.
I kulike me ka hoolaha i hoike mua ia aku no ka mana kuai o kela moraki, nolaila, e
KUAI KUDALA
ia aku ana ma ka rumi kudala o Jas F. Morgan, alanui Moiwahine, Honolulu, i ka
Poaha, - Aug. 1,
1889, i ka hora 12 awakea.
O keia iho na wahi e kuai ia aku ana.
O kela wahi a pau ma Wawaia, i hoke ia ma ka Palapala Sila Nui 3779, L.C.A. 147 B, ma ka ino o Kaiuiki, makuakane o Kekaula e olelo ia nei, nona ka ili o 3 eka, i ruda, me 59 anana.
E kuai pu ia aku ana kela aina i kuai ia aku ia Kekaula, ma kekahi palapala a J More Smith, E O Hall, me S.B. Dole, na kahu malama waiwai o W. C. Lunalilo, i kakau ia Okotoba, 18, 1880, a i kope ia ma ka buke 64, aoao 449. Aia keia apana aina ma Kawela, Molokai, nona ka ili o 816-1000 eka.
Na lilo palapala, ma ka aoao o ka mea kuai mai.
No na mea i koe, e loaa no ma ke keena o
W. R. CASTLE
Loio o ka mea moraki.
Hanaia ma Honolulu, Iulai 20, 1889.
2242 21
Kuai Waiwai Paa a ka Luna Hooko.
Ke hoolaha ia aku nei ma keia, e like me kekahi kauoha i hanaia ma keia la e Hon. F. Peterson, Lunakanawai o ka Aha Kiekie, ma ka waiwai o Nancy Wirt, i make kauoha, e kuai ia aku ana ma ke
KUDALA AKEA
ma ka rumi kudala o Jas. F. Morgan, alanui Moiwahine, i ka
Poaono, Aug. 10,
i ka hora 10 kakahiaka.
O ka aina e kuai ia ak ana, oia no kela wahi o Nancy Wirty ma ke kihi o na alanui Beritania me Young, Honolulu, oia na apana helu 107 me 84 ma ka palapala aina Aupuni ma Kulaokahua, a oia no ka mea i ike ia ma ka Palapala Sila Nui (Grant) helu 299, me na hale a me na pono a pau maluna iho.
He haneri kapuai ke alo o ka aina ma alanui Beritania a pela no ma alanui Young, a he akea ihope o 296.5 kapuai.
Apana @@@@ Mr D Lynn.
Apana 84 @@ Young, he elua hare me ka hareino.
@@
He manawa aupono loa keia @@@@@
W. O. SMITH,
@@@@ Nancy Wirt,
@ kauoha.
Honolulu, Iulai 15, 1889.
2242 31
HOOLAHA HOOKO MORAKI ME KE KUAI
I kulike ai me ka mana kuai o kekahi palapala moraki i hana ia e Pikaik. o Kahuku, Koolauloa, mokupuni o Oahu, ia Miss Helen Norton, o Honolulu, mokupuni o Oahu, i kakau ia i Dekemaba 18, 1882, a i kope ia ma ke Keena Kakau ma Honolulu, ma kabuke 78, aoao 109 me 110.
I kulike me ka hoolaha i hoike mua @@ aku no ka hooko ia aku o ka mana kuai o kela moraki, nolaila, e
KUAI KUDALA
ia aku ana ma ka rumi kauala o James F. Morgan, ma alanui Moiwahine, Honolulu, i ka
Poaha, - Aug. 1.
1889, i ka hora 12 awakea.
O kahi e kuai ia aku ana, oia iho keia:
O kela apana aina a pau ma Kahuku i hoike ia ma ka Palapala Sila Nui 530, L. B. A. 2779, ma ka inoa o Mahilo, makuakane o Makaluhi, wahine a Pikai, nona ka ili o I 15-100 eka.
Me kela wahi pu kekahi i hoike ia ma ka Palapala Sila Nui 243, L.C.A. 2782, ma ka inoa o Makole, nona ka ili o 61-100 eka, i hoolilo ia aku ia Makaluhi w, ma kekahi palapala o Feb 21, 1871, a kope ia ma ka buke 32 aoao 112.
Na lilo palapala, ma ka aoao o ka mea kuai mai.
No na mea i koe, e loaa no ma ke keena o
W. R. CASTLE.,
Loio o ka mea moraki
Hanaia ma Honolulu, Iulai 20, 1889.
2242 2t
HOOLAHA HOOKO MORAKI ME KE KUAI
I kulike ai me ka mana kuai o kekahi palapala moraki i hana ia e Monika (w) me Maiola, kana kane mare, o Kaneohe, Koolaupoko, mokupuni o Oahu, ia Chas. T. Gulick, Kahu malama wa-wai, Honolulu, mokupuni o Oahu, i kakau ia i Dekemaba 17, 1883, a i kope ia ma ke Keena Kakau ma ka buke 85 aoao 209 a me 210.
I kulike me ka hoolaha i hoike mua ia aku no ka ho k@ ana i ka mana o kela moraki, nolaila, e
KUAI KUDALA
ia aku ana ma ka rumi kudala o Jas F Morgan ma alanui Maiwahine, Honolulu, i ka
Poaha, - Aug. 1,
1889, i ka hora 12 awakea.
O keia iho na wahi e kuai ia aku ana.
O kela wahi a pau ma Kapalai, Kaneohe, i ike ia ma ka Palapala Sila 2423, L.C.A. 7233, ia Luluu, makuakane o Monika w, nona ka ili o 5 791-1000 eka.
Na lilo palapala ma ka aoao o ka mea kuai mai.
No na mea i koe, e loaa no ma ke keena o
W. R. CASTLE,
Loio o ka mea moraki.
Hana ia ma Honolulu, Iulai 20, 1889.
224 2t
AHA HOOKOLOKOLO APANA EHA O KO Hawaii Pae Aina. Ma ka hooponopono Waiwai. Ma ka hana o ka waiwai o KAMAE k, o Hanapepe, Kauai, i make. Ma ke Keena imua o ka Lunakanawai Kaapuni.
Ma ka heluhelu a me ka waihoia ana mai o ka Palapala Noi a me ka Papa Hoike a S. Kaiu, Lunahooponopono o ka waiwai o Kamae k., no Hanapepe i make, e noi ana, e apono ia na hoolilo he $-----------, a e hoike ana, o na mea i loaa mai iaia he $-------, a e noi ana, e nana a apono ia kela mau mea, a e kauohaia, e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka
POALUA, oia ka la 13 o AUG. 1889,
Ma ka hora 10 kakahiaka, imua o ua Lunakanawai la, ma ke Keena ma ka Hale Hookolokolo ma Koloa, oia kahi a me ka manawa i kohoia no ka hoolohe ana i ua noi la, a me na Papa Hoike i oleloia a o ka poe a pau i pili malaila e hele mai a e hoike i ke kumu, ina he kumu 10 ko lakou e ae o'e ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e pai ia maloko o ke KUOKOA, he nupepa i pai a hoolaha ia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Koloa, ko Hawaii Pae Aina, i keia la 6 o Iulai, M. H. 1889.
JACOB HARDY,
Lunakanawai Kaapuni, Apana Eha,
H. P. A.
2241-3t
HOOLAHA HOU
HOOLAHA HOOKO MORAKI ME KE KUAI
I kulike ai me ka mana kuai o kekahi palapala moraki i hana ia e Sam Kapena me Kealoha kana wahine mare a me Kaunia (w) o Makiki, Honolulu, mokupuni o Oahu, ia Mrs. E. Humphries, o Honolulu, i hana ia i Ianuari 26, 1883, a i kopeia ma ke Keena Kakau ma ke buke 77 aoao 255 a me 250.
I kulike me ka hoolaha i hoike mua ia aku no ka mana kuai o keia palapala moraki, e booko ia aku ana ma ke
KUAI KUDALA
ma ka rumi kudala o Jas. F. Morgon, alanui Moiwahine, Honolulu, i ka
Poaha, : Aug. 1,
1889, i ka hora 12 awakea.
O keia iho na wahi e kuai ai aku ana.
O keia wahi a pau ma Kahana, Koolauloa, Oahu, i ike ia ma ka Palapala Sila 2052, L. C. A. 5231, ma ka inoa o Kapena, nona ka ili o 1 35-1000 e a.
O kela wahi a apu ma ka Palapala Sila 2057 L.C.A. 5221. ma ka inoa o Kapena. nona ka ili o 2 087-1000 eka.
E kuai pu ia aku ana keia wahi i ike ia ma ka Palapala Sila 3078. L.C.A. 5704. ma ka inoa o Kua.o, nona ka ili o 1 eka, oia no kahi i hoolilo ia aku ia Sam Kapena, ma kekahi palapala a Kalima w, i kakau ia Okatoba 5, 1879, a kope ia ma ka buke 44, aoao 483, a oia no hoi ke kulenaa pilipaa o Kalima iloko o kona wa ola.
Na lilo palapala ma ka aoao o ka mea kuai mai.
No na mea i koe, e loaa no ma ke keena o
W.R. CASTLE,
Loio o ka mea moraki.
Hanaia ma Honolulu, Iulai 20, 1889.
2242 2t
OLELO HOOLAHA
E ike auanei na kanaka a apu e noho ana ma Waialae-ike me Waialae-nui, mokupuni o Oahu, owau o Paul Isenberg, e lawe nei wau i ka Hee i i-a hoomalu na ke konohiki, a o na i=a a pau malalo o ua hee nei, ua noa ia i ka poe mea kulena maluna o Waialae-ike me Waialae-nui, koe ka poe mea kuleana ole e noho ana maluna o ua mau wahi la aole e hele wale e lawaia ma ke kai o Waialae-nui a me Waialae-ike, mokupuni o Oahu.
PAUL ISENBERG,
Waialae, Iune 26, 1889.
2240-5t.
Hoolaha Hooko Moraki me ke Kuai
No ka mea, o keia moraki i hoike mua ia aku ma kekahi hoalaha, ma keia, e hooko ia aku ana e ka mea moraki mai, ma ke kauoha a A.J. Cartwright, kahu malama o ka waiwai o R.W. Holt, o Honolulu, Oahu, 1 make, mea moraki ma o kekahi palapala moraki i hanaia i ka la 22 o Augate, 1884, a i kope ia ma ke Keena Kakau, ma ka buke 91, aoao 270-3, ua kauoha ia au e
KUDALA AKEA
MA KA
Poaha, Augate 1,
1889, i ka hora 12 awakea, ma ko'u rumi kudala ma alanui Moiwahine, ma Honolulu, o keia mau aina i hoike ia ma ka moraki malalo iho:
O kela mau apana aina a pau e waiho la ma Kapalama, Honolulu, mokupuni o Oahu, a ma Hilo, mokupuni o Hawaii, a nona keia mau palena i hoike ia malalo iho:
1- O kela mau apana aina a pau e waiho la ma Kawaiiki, ma Kapalama, nona keia mau palena malalo iho:
Ekolu loi me kahi kula ma Kawaiiki, Honolulu, e hoomaka ana ma ke kihi akau o keia apana aina e pili ana me ko Kaluahinenui a me ka palena o Kapalama a me Honolulu, e holo ana hema 35 hikina 50 pauku ma ko Kaluahinenui a hiki i ke kihi akau o ka loi i hoakaka ia no ka aie ia S. Kupanea; alaila, hem 581/4 kom 47 pauku a hema 35. hikina 80 pauku, a hema 32, hikina 48 pauku ma ka loi o S. Kupanea; alaila, hema 62', 30', kom 48 pauku a hema 23, hikina 283 pauku, e pili ana me ko Maa a hiki i ka auwai; alaila, hem 71, kom 96 pauku a me akau 88, 15', kom 76 pauku ma ka auwai me ko ka Moi a me Paeaki; alaila, akau 27, 30', kom 3 kaulahao me 90 pauku ma ka auwai me Paeaki a me Kapalama, a hiki i ke kihi komohana, alaila, akau 55, hikina 3 kaulahao me 48 pauku ma ka palena o Honolulu me Kapalama a hiki i kahi i hoomaka ai, a maloko o ia apana aina he 77-1000 o ka eka, (a oi iki aku a emi iki mai paha.)
1--O kela mau apana aina a pau e waiho la ma Kawaiiki, ma Kapalama, nona keia mau palena malalo iho:
Hookahi loi ma Kawaiiki, Honolulu, e hoomaka ana ma ke kihi akau o keia loi ma ka palena o Kaele a me Kaluahinenui, a e holo hema 35, hikina 139 pauku, hema 20, hikina 133, pauku. a me hema 72, kom 47 pauku ma ko Kaluahinenui; alaila, akau 21, 45', kom 135 pauku ma ko Maa; alaila, akau 32', kom 48 pauku, akau 35, kom 80 pauku a me akau 98, 15', hikina 47 pauku ma ko Kaele a hiki i ka hoomaka ana, a maloko o ia apana he 147 100 o ka eka, (a oi aku a emi iki mai paha)
3--O kela mau apana aina a pau e waiho la ma Kawaiiki, nona keia mau palena malalo iho:
Eha loi me kahi kula ma Kawaiiki, Honolulu, Oahu, e hoomaka ana ma ke kihi akau o keia apana aina ma ka palena o Kapalama a me Honolulu, a me kihi komohana o ko Kuanea, a e holo hema 34, 30 hikina 172 pauku me ke Kuanea, hema 23, hikina 67 pauku, a hema 67, kom 53 pauku, hema 20, 45', hikina 148 pauku, hema 8, 45', hikina, 45 pauku, hema 27, hikina 77 pauku, hema 43, hikina 37, pauku, hema 81, komohana 127 pauku, e pili ana ia mau aoao me Kuanea a me ka Maa, alaila, akau 33, kom 70 pauku me ko Maa, akau 23, kom 74 pauku me ko Maa, akau 72, hikina 47 pauku a akau 20, kom 138 pauku, a akau 35, kom 209 pauku me ko Kupanea a me Kaele, akau 55, hikina 150 pauku ma ka palena e kaawale ai o Honolulu a me Kapalama a hiki i ka hoomaka ana a malako o ia apana aina he 63-100 o ka eka, (a @ iki aku a emi iki mai piha) o keia mau mea a pau i hoike ia ae la maluna ae nei, oia no kekahi hapa o ka Palapala Sila Nui Helu 2392, i haawiia ia Keaweheulu.
4--O keia mau apana aina a pau e waiho la ma Kawaiiki, nona ka ili o 647 huina anana a me 27 huina kapuai, a oia no hoi ka mea i ike ia ma ka Palapala Sila Nui Helu 3572 L. C. A. Helu 1075 in Eleele.
5--O kela mau apana aina a pau e waiho la ma Kawaiiki he loi kalo nona na palena ekolu ma ka aina o ka mea moraki a ma ka aoao makai o ke alanui he auwai, a oia ka mea i ike ia ma ka Palapala Sila Nui Helu 4303. L. C. A. Helu 1035 ia Maa, a i hoolilo ia ia John P. Kaele, makuakane o Hanale Poka Kaele a me Napoliona Maihiki Kaele e Maa ma kekahi Palapala i hanaia ma ka la 13 o Aperila, M. H. 1869, a i kope ia ma ka Buke 27 aoao 321 a me 322.
6--O kela mau apana aina a pau e waiho la ma ke Alanui Moi o Hilo mokupuni o Hawaii, a e ike ia no hoi malalo iho penei:
E hoomaka ana ma ke Alanui Moi, ma ke kihi o kahi o J. H. Coney, e holo pololei ana malaila akau 51 1/3, hikina 1. 50 pauku, hema 32, hikina 1.46 pauku, akau 60 1/4, hikina 1.36 pauku, hema 31, hikina 2.07 pauku, hema 84 1/2, komohana 1.87 ma ka pa pohaku, hema 63, kom 1.18 pauku, akau 36 1/2, kom 2.70; aaku a hiki hou ma kahi i hoomaka mua ai, a maloko o ia apana aina he 68 100 eka, (a oi aku aku a emi iki mai paha), a oia ka mea i ike ia ma ka Palapala Sila Nui Helu 10, a i hoolilo ia aku ia John P. Kaele e Naomi ma kekahi Palapala i hana ia ma ka la 21 Novemaba, 1863, a i kopeia ma ka Buke 20 ma na aoao 18 me 187.
Kuike ke Dala.
O na lilo palapala ma ka aoao o ka mea kuai mai.
No na mea i koe, e ninau ia
JAMES F. MORGAN ;
Luna Kudala.
A i ole, ia J. M. Monsarrat,
Loio no ka mea Moraki mai.
Honolulu, Iulai 6, 1889.
2240-4t
Hoolaha Hooko Moraki me ke kuai
No ka mea, o keia moraki i hoike mua ia aku ma kekahi hoolaha, ma keia e hooko ia aku ana e ka mea moraki mai, ma ke kauoha a W. O. Atwater, H. H. Williams a me m. D. Monsarrat, na Kahu Maiama Waiwai o ka hui Harmony Lodge No. 3 I. O. O. F., mea moraki ma o kekahi palapala moraki i hanaia ma ka la 12 o Augate, 1887, a i kopeia ma ke Keena Kakau ma ka Buke 105, ma na aoao 239 a me 240. Nolaila, ua kauoha ia au e
KUDALA AKEA,
MA KA
Poaha, Augate 1, 1889,
ma ka hora 12 awakea, ma ko'u keena kudala ma Alanui Moiwahine, Honolulu, oia hoi kekahi hapa o na waiwai i hoakaka ia maloko o ka Palapala Moraki, a oia hoi keia malalo iho nei:
O kela apana aina a pau e waiho la ma ke Alanui Lua o Pele, ma Punahou, Hilo, mokupuni o Hawaii, he hapa ia no ka Palapala Sila Nui Helu 1104. L. C. A. Helu 3779, a i hoopuka ia hoi no Aipinepine, a o keia malalo iho kona mau palena:
E hoomaka ana ma ke komohana hema (mauka) ma ke kihi o kahi o J. D. Mills ma ke Alanui o Lua o Pele, oia hoi, e holo pololei ana ma keia alanui a hiki ma ke kihi akau hema o ke kuleana o John Nomore, akau 56, kom 78 kap, (ma ke alo), a holo aku la ma ka lihi aina o John Nomore hem 45, 15', komohana 88 kapuai a me hema 52 15', komohana 39 (127 kapuai huina), e holo lihi ana ma ke kihi komohana akau o ka aina o Kalae (ma ka aoao mauka) a ma ka aina o Mrs. Hapai hema 46 30', hikina 68 kapuai, holo komohana hema ma ka laina hikina hema ma kahi o J. D. Mills, akau 46 48', hikina 82 kapuai a me akau 62 hikina 65 kapuai (147) a hiki hou ma kahi i hoomaka mua mai ai.
Kuike ke Dala.
O na lilo palapala ma ka aoao o ka mea kuai mai.
No na mea i koe e ninau ia
JAMES F. MORGAN,
Luna Kukala.
A i ole, ia J. M. MONSARRAT,
Loio o ka mea Moraki.
Honolulu, Iulai 6, 1889.
2240 415
Hoolaha Hooko Moraki me ke kuai
No ka mea, o keia moraki i hoike mua ia aku ma kekahi hoolaha moraki, e hooko ia aku ana ia ma ke kauoha a J. M. Monsarrat, ka Luna Hooko o kekahi palapala moraki hana ia ma ka la 18 o Ianuari, 1883, e J L. Keaunui, L. M Kaliola Keaunui, a me Joseph M. Keaunui, ia A. H. Spencer i hoopaa ia ma ke keena kakau ma ka buke 79, aoao 160-2, a i waiho ia aku hoi e A. H. Spencer ia A. J. Cartwright ma kekahi palapala i hana ia i Aperila 30, 1883, a kope ia ma ka buke 79, aoao 477-8, a mai keia A. J. Cartwright mai a ia J. M. Monsarrat ma kekahi palapala hoolilo i hanaia ma ka la 27 o Sepatemaba, 1887, a i hoopaa ia ma ka buke 79, aoao 160, ua kauoha ia au e
KUDALA AKEA,
MA KA
Poaono, - Augate 3,
1889, i ka hora 12 awakea, ma ko'u rumi kudala ma ke kihi o na alanui Papu me Moiwahine, ma Honolulu, i keia mau wahi a pau i hoike ia ma ka moraki malalo iho:
O kela mau aina a pau e waiho la ma Hauula, mokupuni o Oahu, nona keia mau palena malalo iho:
1--O kela mau apana aina e waiho la ma Hauula, nona ka ili o 15-100 eka, a oia no ka aina i hoike ia ma ka Palapala Sila nui helu 1318, L. C. A. helu 8338. i hoopuku ia ia Kea@na, a i hooili ia aku ia L. W. Kahela Keau nui me Jos. M. Keaunui e P. Pikau ma kekahi palapala i hanaia ma ka la 1 o Iune, 1880, a i hoopaa ia ma ke keena kakau ma ka buke 75, aoao 53 me 34.
2--O kela apana aina ma Hauula, nona ka ili o 1 10 eka. a oia no ka aina i hoike ia ma ka Palapala Sila Nui helu 1526, L. C. A. helu 8174, i hoopuka ia ia Hoaai, a i hooilina ia mai ia J. L. Keaunui e keia Hoaai i oleloia ae nei, he makuakane pili hanauna.
Kuike ke Dala.
O na lilo palapala ma ka aoao o ka mea kuai mai.
No na mea i koe, e ninau ia
LEWIS J. LEVEY.
Luna Kudala.
A i ole, ia J. M. Monsarrat,
Loio o ka mea Moraki mai.
2240 4t
Hoolaha Hooko Moraki me ke kuai
No ka mea, o keia moraki i hoike mua ia aku ma kekahi hoolaha moraki, e hooko ia aku ana ia ma ke kauoha a John Farnsworth o Honolulu, mokupuni o Oahu, mea moraki ma kekahi palapala moraki i kakauia ma ka la 23 o Novemaba, 1885, a i kopeia ma ke Keena Kakau ma ka buke 95, aoao 470-2, ua kauoha ia au e
KUDALA AKEA,
MA KA
Poaha, Augate 1,
1889, i ka hora 12 awakea, ma ko'u rumi kudala ma ke alanui Moiwahine, Honolulu, i na aina i hoike ia ma ka moraki malalo iho:
O kela mau aina a pau e waiho la ma ka mokupuni o Molokai, nona na palena i hoikeia malalo iho:
1--O kela apana aina a pau e waiho la ma Kaio, ma Halawa, nona ka ili o 13 eka a me 20 per. A oia no hoi ka mea i ike ia ma ka Palapala Sila Nui Helu 6134. L. C. A. Helu 4934 ia Kameheu.
2--O kela apana aina a pau e waiho la ma Hii, ma Halawa, nona ka ili o 2 ruda a me 33 per. A oia no ka mea i ike ia maloko o ka Palapala Sila Nui Helu 6136, L. C. A. Helu 4893 ia Kamai.
3--O kela mau apana aina a pau e waiho la ma Kapualei, mokupuni o Molokai, nona ka ili o 3 eka a me 178 anana, a oia no hoi ka mea i ike ia ma ka L. C. A. Helu 5033 B ia Peinoa.
O na mea ae la a pau i hoike ia maluna ae, o ia mau wahi hookahi no hoi ka i hoolilo ia aku ia Samuel K. Kamaipelekane ma kekahi Palapala i hanaia ma ka la 7 o Okatoba, 1879, a i kopeia hoi iloko o ka Buke 62, ma na aoao 65 a me 66.
4--O kela apana aina a pau e waiho la ma Honouliwai, ma ka mokupuni o Molokai, nona ka ili o 11/2 eka, a ike ia hoi ma ka Palapala Sila Nui (Grant) Helu 695 no Kamaiberetania, a i hoolilo ia aku hoi ia Samuel K. Kamaipelekane e E. P. Kamaipelekane, ma kekahi Palapala i hanaia ma ka la 8 o Iulai, 1876, a i kopeia ma ka Buke 61, aoao 302.
5--O kela apana aina a pau e waiho la ma Kaluaaha, ma ka mokupuni o Molokai, a i ike ia ma ka L. C. A. Helu 387, nona hoi ka ili o 7 eka.
Kuike ke Dala.
O na lilo palapala ma ka aoao o ka mea kuai mai.
No na mea i koe, e ninau ia
JAMES F. MORGAN,
Luna Kudala.
A i ole, ia J. M. MONSARRAT,
Loio o ka mea Moraki mai.
Honolulu, Iulai 6, 1889.
2240 4t
Hoolaha Hooko Moraki me ke kuai
No ka mea, o keia moraki i hoike mua ia aku ma kekahi hoolaha moraki, e hooko ia aku ana ia ma ke kauoha a John H. Paty mea moraki mai o kekahi palapala moraki i hana ia i ka la 9 o Dekemaba, 1882, a i kope ia ma ke Keena Kakau ma ka buke 78, aoao 73-5, ua kauoha ia au e
KUDALA AKEA,
MA KA
Poaono, Augate 3,
1889, i ka hora 12 awakea, ma ko'u rumi kudala ma ke kihi o na alanui Papu me Moiwahine, ma Honolulu, oia keia malalo iho;
O kela wahi a pau e waiho la ma ke awawa o Manoa, mokupuni o Oahu, nona keia mau palena:
E hoomaka ana ma ke kihi Hi o ka papohaku, a i hui ma ka aoao Ak o ke alanui, holo He 3, Ko 1.01 kaulahao ma ka papohaku, Ak 49, 45', Ko 13.20 kaulahao, Ak 32, Hi a kaulahao, Ak 47, 45', Ko 8.22 kaulahao, Ak 59, Hi 4.10 kaulahao, He 47, 45' Hi 8.45 kaulahao, He 32, Ko 5.04 kaulahao a hiki i ka pa pohaku, He 49, 45' Hi 10.92 kaulahao ma ka pa pohaku a hiki i ka hoomaka ana.
O ka ili, he 5 eka, a oia no kekahi lihi o ka Palapala Sila helu 136, i hoolilo ia aku e Hauula ia P Kahuhu, ma kekahi palapala mahele mawaena o lakou, i hanaia ma ka la 7 o Iulai, 1885, a i kope ia ma ka buke 49, aoao 296-7-8-9.
Kuike ke Dala.
O na lilo palapala ma ka aoao o ka mea kuai mai.
No na mea i koe, e ninau ia
LEWIS J.. LEVEY,
Luna Kudala.
A i ole, ia J. M. Monsarrat,
Loio o ka mea Moraki mai.
Honolulu, Iulai 6, 1889
2240 4t