Ka Nupepa Kuokoa, Volume XXVIII, Number 28, 13 Iulai 1889 — KA HOIKEIKE O PARISA. [ARTICLE]

KA HOIKEIKE O PARISA.

0 na iono i loaa mai ia kakou ma na leta hope mai nei mai Parisa mai, oia no na hoohihi ia o na nani o Hawaii nei ma ka hoikeike. Wahi a ko kakou Komisina Konela Spaulding, e haawi ia na mahalo kiekie i ke Kanikela Ha-, waii Mons. Houle, no kona uiha ole a me ka makaala i na mea a pau e holopono ai, a e kaulana ai o Hawaii uuku, ke kikowaena a na kamahele e kipa ai maluna o ju ililaula o ka Pakipika. He wahi hale uuku wale no ko Hawaii nei me kona mau waiwai, aka, ma ke kahua nui o ka hoikeike e ku nei i keia la, aia ko kakou keena ke haiamu nui ia la me ka makahehi e na malihmi makaikai, a he mau leo o ka inahalo a me na ui ana, aia la mahea o Hawaii kahi i ku ai ma ka pnepoe honua. Aia ma ka ipuka komo o ka hale, e kau ana ke kii o ka Moi a me ka Moi wahine. O na kapa ahuula a ka Moi i hoouna aku nei a me na ipulaau, a me kekahi mau mea nani hoikeike e ne, e waiho ani lakou iwaenakonu o ka hale, ] me na palapalaaina a me na kii e kau ana ma ka paia a puni. O na kahili a Keoni Kamaki i hoouna mai nei ma kf-la mokuahi mua aku nei. aole i hiki \vm i keia manawa. 1 ke Sabati i hala, ua kipa ia mai ke keena hoikeike Hawaii e na poe makaikai he tausani a oi, iloko o ka manawa he hookahi hora. O na hoomaikai a me na kono ana mai i ke Komisina Hawaii, ua pahola ia mai ia e ka Peresidena o ke aupuni Karani, me ka hoihoi a me na manao ohohia i ke kulana holomua o ka pae moku o Hawaii ma keia hoikeike nui o l'arisa.