Ka Nupepa Kuokoa, Volume XXVIII, Number 28, 13 Iulai 1889 — Page 2
| This text was transcribed by: | Keely Rivera |
| This work is dedicated to: | Mahalo nui i koʻu mau kūpuna i ili mai i kēia ʻike iaʻu! |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
Hoolaha Keena Kalaiaina
Ua hookohu ia i keia la o Mr. An-drew Cox i hoa no ka Papa Alanui o Waialua, Oahu, ma kahi o @ Coy i waiho mai.
Eia iho na @ ka Papa e ku nei i keia manawa.
R Halstead, Lunahoomalu
W A Buick
Andrew Cox
L. A. THURSTON,
Kuhina Kalaiaina
Kerr@ Ka@mea Lee @
@
NUPEPA KUOKOA
NO KA MAKAHIKI...$2.00
NO EONO MAHINA…1.00
KUIKE KA RULA
Poaono, Iulai 13, 1889.
PILIKIA NA HAWAII MA LO-KAPAAKAI
Ua hoi mai nei kekahi keiki auwana o ka puulu hoahanau Moremona o ka-kou, i hele aku nei i Uta malalo o kekahi o na alakai o lakou. Ua miko i ka paakai o Lokonui a ua lawa ka ma-kemake, ua ike he oi ka pomaikai o ke one hanau. Ua loaa no ka hana a kaahi poe Hawaii ma ka panalaau o na Moremona, me ka hana oolea nae e loaa ai, a o kahi poe ua nele loa no i kahi hana ole. O ia nele a he aina malihini, oi loa ka pilikia ke ole e kokua manawalea ia e na kamaaina. Ke hana nei ke aupuni o Amerika i kana hana maluna o ka poe mare lehulehu, a ua hoopai ia kahi poe, a puehu no hoi kahi poe a ke pee nei no ka makau i na lima o ke aupuni. O ka mare le-hulehu, oia ka pohaku kumu o ke kihi o ka hui Moremona, e like me ka hoa-no ia o ka Poaono, oia kahi o na poha-ku kihi o ka hui Poaono. Ua loaa no nae i ko kakou poe makamaka Hawaii he hoa ʻ loha maikai ma Lokopaakai, oia o W. A. Kini, a nana no paha i kokua keia keiki auwana i kona hoi ana mai, a pela no hoi me ke Kanikela Hawaii ma Kaleponi.
KA HOIKEIKE NUI MA NU IOKA.
Ua hooliloia ka manawa o ka hala-wai ahiahi Sabati, July 7, ma Kawaiahao no ka hoolohe ana i na manao o W. R. Kakela, e pili ana i kana huakai i Nu Ioka. Ua hiki aku oia i Nui Ioka i ka wa e malama ia ana na hana kula-ia no ka piha ana o ka haneri makahiki o ka noho aupuni ana o Amerika Huipuia. He mau la a elua a ekolu paha ka malama ia ana o ia mau hana. Ua piha ke kulanakauhale me na mali-hini mai Europa mai a me na wahi e ae o ke aupuni o Amerika. He miliona paha a oi ka nui o ia poe malihini, a he mau miliona ka nui o ka poe i noho iloko o ke kulanakauhale ia mau la. O ka huakai moku o na moana i hooha-nohano ia Peresidena Harrison i kona komo ana i ke awa o Nu Ioka, he mau tausani ka hui. Ua hoonaniia na wahi a pau o na moku me na have, a ua paa-pu na kia me na ia i na pua o kela a me keia ano. O ka moku nana i hali-hali ka Peresidena iloko o ia huakai mai kekahi aoao o ke awa a i kekahi aoao, ua kapa ia kona inoa o Kapiola-ni. Ua hele ka Peresidena a iloko o kekahi luakini kahiko, kahi a Wasine-tona i haiolelo ai i kona manawa i hoo-hiki mua ai i ke kumukanawai o ka ai-na i Peresidena no ia aupuni, a malaila oia i haiolelo ai i ka hoomaka ana o keia keenturia elua o kela aupuni nui a hanohano. Ua hoomaka na nana me ka hoomaikai ana aku ia Iehova, ke Akua hookahi o ka lani a me ka honua. He hana i maa mau i kela aupuni i na makahiki a pau ka hoomaikai ana aku i ka Inoa o ke Akua no kona lokomai-kai i ka aina.
O ka huakai o na mea hana lima ke-kahi mea ano nui iloko o Nu Ioka ilo-ko o ia mau la. O na ano hana lima a pau, ua hoikeike ia i loko o ia huakai maluna o na kaa nunui. Hele mai la na kaa o na kamana a aia iluna o laila na kamana e olo ana i na papa, e hana ana i na hale laau, a e hoomakaukau ana i na lako hale a pau. Ua hana ia keia mau mea a pau iloko no o ka hua-kai, i ka manawa no e hele ana ma ke alanui. Hele mai la hoi na kaa o ka poe puhi palaoa a me ka lakou mau mea hana a pau. Aia no ke kapuahi e hoomo ʻ a ai, aia no ka waiu, ke ko a me na lako a pau a ua hana ia na mea ono a me na popo palaoa, a hoomo ʻ a ia a haawai ia mai la ia wa i ka poe e makaikai ana, a ai iho la lakou. He huakai nui loa keia. I ka wa i hiki ai kona poe ma kekahi huina, aole e ike ia aku kona hi ʻ u, a he ewalu hora e he-le ai a hala ia huina. Nui maoli keia. A pela wale aku i hoikeike ia ai kela a me keia o na hana mikiala o ia aupuni. No ka nui loa o ka poe makemake e ike i na mea hou o ia huakai, ua uku ia he 15 dala a pii aku iluna no ka no-ho ma kapa alanui i wahi e ike ia aku ai na mea a pau.
He hapa uuku wale no keia o na mea i hai ia mai, a o ka nui aku, aohe e pau, no ka haiki o na kolamu o ka kakou pepa. Nani no o Amerika Hui-puia. Nani kona mau inoa pookela kaulana elua, o George Wasinetona a me Aberahama Linekona. A maluna hoi o na mea a pau ka nani pookela lua ole o ka pono nana i hapai ia lahui a me ia aupuni, a kau ma kahi kiekie o ka honua. He oiaio ka olelo a ka moi kaulana, ke keiki a Davida: "Na ka pono e hookiekie ae i ka lahui ka-naka."
KA HOIKEIKE O PARISA
O na lono i loaa mai ia kakou ma na leta hope mai nei mai Parisa mai, oia no na hoohihi ia o na nani o Hawaii nei ma ka hoikeike. Wahi a ko kakou Komisina Konela Spaulding, e haawi ia na mahalo kiekie i ke Kanikela Ha-waii Mons. Houle, no kona uiha ole a me ka makaala i na mea a pau e holo-pono ai, a e kaulana ai o Hawaii uuku, ke kikowaena a na kamahele e kipa ai maluna o ka ililaula o ka Pakipika.
He wahi hale uuku wale no ko Ha-waii nei me kona mau waiwai, aka, ma ke kahua nui o ka hoikehoike e ku nei i keia la, aia ko kakou keena ke haiamu nui ia la me ka makahehi e na malihini makaikai, a he mau leo o ka mahalo a me na ui ana, aia la mahea o Hawaii kahi i ku ai ma ka poepoe honua.
Aia ma ka ipuka komo o ka hale, e kau ana ke kii o ka Moi a me ka Moi-wahine. O na kapa ahuula a ka Moi i hoouna aku nei a me na ipulaau, a me kekahi mau mea nani hoikeike e ae, e waiho ana lakou iwaenakonu o ka hale, me na palapalaaina a me na kii e kau ana ma ka paia a puni. O na kahili a Keoni Kamaki i hoouna mai nei ma kela mokuahi mua aku nei, aole i hiki mai i keia manawa.
I ke Sabati i hala, ua kipa ia mai ke keena hoikeike Hawaii e na poe ma-kaikai he tausani a oi, iloko o ka ma-nawa he hookahi hora.
O na hoomaikai a me na kono ana mai i ke Komisina Hawaii, ua pahola ia mai ia e ka Peresidena o ke aupuni Farani, me ka hoihoi a me na manao ohohia i ke kulana holomua o ka pae moku o Hawaii ma keia hoikeike nui o Parisa.
HOOLAHA HOU
NELLIE M. LOWREY
Notari no ka Lehulehu.
A HE
Luna Hooiaia Palapala a me na Pala-pala Hoohiki.
Keena Hana me W. R. Kakela Loio ma ka aoao makai o ka Hale Leta, Ho-nolulu. 2241-3y.
AHA HOOKOLOKOLO APA-NA EHA O KO Hawaii Pae Aina. Ma ka hooponopono Waiwai. Ma ka hana o ka waiwai o KAMAE k. o Hanapepe Kauai, i make. Ma ke Keena imua o ka Lunakanawai Ka-apuni.
Ma ka heluhelu a me ka waihoia ana mai o ka Palapala Noi a me ka Papa Hoike a S. Kaiu, Lunahoopono-pono o ka waiwai o Kamae k., no Ha-napepe i make, e noi ana, e apono ia na hoolilo he $____, a e hoike ana, o na mea i loaa mai iaia he $____, a e noi ana, e nana a apono ia kela mau mea, a e kauohaia, e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka
POALUA, oia ka la 13 o AUG. 1889, Ma ka hora 10 kakahiaka, imua o ua Lunakanawai la, ma ke Keena ma ka Hale Hookolokolo ma Koloa, oia kahi a me ka manawa i kohoia no ka hoolohe ana i ua noi la, a me na Papa Hoike i oleloia a o ka poe a pau i pili malaila e hele mai a e hoike i ke kumu, ina he kumu io ko lakou e ae ole ia ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e pai ia maloko o ke KUOKOA, he nupepa i pai a hoolaha ia ma Hono-lulu, i ekolu pule mamua ae o ka ma-nawa i oleloia no ka hoolohe ana.
Kakauia ma Koloa, ko Hawaii Pae Aina, i keia la 6 o Iulai, M.H. 1889.
JACOB HARDY,
Lunakanawai Kaapuni, Apana Eha, H. P. A.
2241-3t.
HOOLAHA HOU
Hoolaha Hooko Moraki me ke Kuai.
No ka mea, o keia moraki i hoike mua ia aku ma kekahi hoalaha, ma keia, e hooko ia aku ana e ka mea moraki mai, ma ke kauoha a A. J. Cartwright, kahu malama o ka waiwai o R. W. Holt, o Honolulu, Oahu, i make, mea moraki ma o kekahi palapa-la moraki i hanaia i ka la 22 o Augate, 1884, a i kope ia ma ke Keena Kakau, ma ka buke 91, aoao 270-3, ua kauoha ia au e
KUDALA AKEA
MA KA
Poaha, Augate 1,
1889, i ka hora 12 awakea, ma ko ʻ u rumi kudala ma alanui Moiwahine, ma Honolulu, o keia mau aina i hoike ia ma ka moraki malalo iho:
O kela mau apana aina a pau e wai-ho la ma Kapalama, Honolulu, moku-puni o Oahu, a ma Hilo, mokupuni o Hawaii, a nona keia mau palena i hoi-ke ia malalo iho:
1- O kela mau apana aina a pau e waiho la ma Kawaiiki, ma Kapalama, nona keia mau palena malalo iho:
Ekolu loi me kahi kula ma Kawaiiki, Ho-nolulu, e hoomaka ana ma ke kihi akau o keia apana aina e pili ana me ko Kaluahinenui a me ka palena o Kapalama a me Honolulu, e holo ana hema 35º hikina 50 pauku ma ko Kaluahinenui a hiki i ke kihi akau o ka loi i hokaka ia no ka aie ia S. Kupanea; alaila, hema 58 1/4º kom 47 pauku a hema 35º, hikiina 80 pauku, a hema 32º, hikina 48 pauku ma ka loi o S. Kupanea; alaila, hema 62º, 30º, kom 48 pauku a hema 23º, hikina 283 pauku, e pi-li ana me ko Maa a hiki i ka auwai; alaila, hema 71º, kom 96 pauku a me akau 88º, 15 ʻ , kom 76 pauku ma ka auwai me ko ka Moi a me Paeaki; alaila, akau 27º, 30 ʻ , kom 3 kaula-hao me 90 pauku ma ka auwai me Paeaki a me Kapalama, a hiki i ke kihi komohana, alaila, akau 55º, hikina 3 kaulahao me 48 pauku ma ka palena o Honolulu me Kapala-ma a hiki i kahi i hoomaka ai, a maloko o ia apana aina he 77-1000 o ka eka, (a oi iki aku a emi iki mai paha.)
1- O kela mau apana aina a pau e waiho la ma Kawaiiki, ma Kapalama, nona keia mau palena malalo iho:
Hookahi loi ma Kawaiiki, Honolulu, e hoo-maka ana ma ke kihi akau o keia loi ma ka palena o Kaele a me Kaiuahinenui, a e holohema 35º, hikina 159 pauku, hema 20º, hi-kina 138 pauku, a me hema 72º, kom 47 pa-uku ma ko Kaluahinenui; alaila, akau 21º 45 ʻ , kom 158 pauku ma ko Maa; alaila, akau 32 ʻ , kom 48 pauku, akau 35º, kom 80 pauku a me akau 58, 15 ʻ , hikina 47 pauku ma ko Kaele a hiki i ka hoomaka ana, a maloko o ia apana he 147-1 co o ka eka, (a oi aku a emi iki mai paha.)
3- O kela mau apana aina a pau e waho la ma Kawaiiki, nona keia mau palena malalo iho:
Eha loi me kahi kula ma Kawaiiki, Hono-lulu, Oahu, e hoomaka ana ma ke kihi akau o keia apana aina ma ka palena o Kapalama a me Honolulu, a me ke kihi komohana o ko Kuanea, a e holo hema 34º, 30 hikina 172 pauku me ke Kuanea, hema 23º, hikina 67 pauku me ke Kuanea, hema 23º, hikina 67 pauku, a hema 67º, kom 53 pauku, hema 20º 45 ʻ , hikina 148 pauku, hema 8º, 45 ʻ , hikina 45 pauku, hema 27, hikina 77 pauku, hema 43º, hikina 37 pauku, hema 81º, komohana 127 pauku, e pili ana ia mau aoao me Kuanea a me ka Moi; alaila, akau 33º, kom 70 pau-ku me ko Maa, akau 25, kom 74 pauku me ko Maa, akau 72º, hikina 47 pauku a akau 20º, kom 138 pauku, a akau 35º, kom 209 pauku me ko Kupanea a me Kaele, akau 55º hikina 150 pauku ma ka palena e kaawale ai o Honolulu a me Kapalama a hiki i ka hooma-ka ana, a malako o ia apana aina he 63-100 o ka eka, (a oi iki aku a emi iki mai paha) o keia mau mea a pau i hoike ia ae la maluna ae nei, oia no kekahi hapa o ka Palapala Sila Nui Helu 2392, i haawiia ia Keaweheulu.
4- O kela mau apana aina a pau e waiho la ma Kawaiiki, nona ka ili o 647 huina-anana a me 27 huina-kapuai, a oia no hoi ka mea i ike ia ma ka Palapala Sila Nui Helu 3572 L. C. A. Helu 1073 ia Eleele.
5- O kela mau apana aina a pau e waiho la ma Kawaiiki he loi kalo nona na palena ekolu ma ka aina o ka mea moraki a ma ka aoao makai o ke alanui he auwai, a oia ka mea i ike ia ma ka Palapala Sila Nui Helu 4363. L. C. A. Helu 1035 ia Maa, a i hoolilo ia ia John P. Kaele, makuakane o Hanale Poka Kaele a me Napoliona Maihiki Kaele e Maa ma kekahi Palapala i hanaia ma ka la 13 o Aperila, M. H. 1869, a i kope ia ma ka Buke 27 aoao 321 a me 322.
6- O kela mau apana aina a pau e waiho la ma ke Alanui Moi o Hilo, mokupuni o Hawaii, a e ike ia no hoi malalo iho penei:
E hoomaka ana ma ke Alanui Moi, ma ke kihi o kahi o J. H. coney, e holo pololei ana malaila akau 51 1/2º, hikina 1.50 pauku, hema 32º, hikina 1.46 pauku, akau 60 1/4º, hikina 1.36 pauku, hema 31º, hikina 2.07 pauku, hema 84 1/2º, komohana 1.87 ma ka pa po haku, hema 63º, kom 1.18 pauku, akau 36 1/2º, kom. 2.70 pauku a hiki hou ma kahi i hoomaka mua ai, a maloko o ia apana aina he 68-100 eka, (a oi aku a emi iki mai paha), a oia ka mea i ike ia ma ka Palapala Sila Nui Helu 16, a i hoolilo ia aku ia John P. Kaele e Naomi ma kekahi Palapala i hana ia ma ka la 21 o Novemaba, 1863, a i kopeia ma ka Buke ao ma na aoao 186 me 187.
Kuike ke Dala.
O na lilo palapala ma ka aoao o ka mea kuai mai.
No na mea i koe, e ninau ia
JAMES F. MORGAN,
Luna Kudala
A i ole, ia J. M. Monsarrat,
Loio no ka mea Moraki mai.
Honolulu, Iulai 6, 1889 .
2240-4t
Hoolaha Hooko Moraki me ke kuai
No ka mea, o keia moraki i hoike mua ia aku ma kekahi hoolaha, ma keia e hooko ia aku ana e ka mea moraki mai, ma ke kauoha a W. O. Atwater, H. H. Williams a me M. D. Monsarat, na Kahu Malama Waiwai o ka hui Harmony Lodge No. 3 I. O. O. F. , mea moraki ma o kekahi palapala moraki i hanaia ma ka la 12 o Augate, 1887, a i kopeia ma ke Keena Kakau ma ka Buke 105, ma na ao-ao 239 a me 240. Nolaila, ua kauoha ia au e
KUDALA AKEA,
MA KA
Poaha, Augate 1, 1889,
ma ka hora 12 awakea ma ko ʻ u keena kudala ma Alanui M@ewahine Honolulu, a hoi ke kahi hapa o na waiwai i hoakaka ia mahiko o ka Palapala Moraki, a oia hoi keia malalo iho nei:
O keia apana aina a pau e waiho ka ma ke Alanui Laa o Pele, ma Punahoa, Hilo, mokupuni o Hawaii, oe kapa ia no ka Palapala Noa Nui Hei a 1104. L. C. A. Helu 3@@0, - i hoopuka ia h@@ no Aipinepine, a o keia ma-lalo iho kona aina palena.
E hoomaka ana ma ke komohana hema (maeka) ma ke kihi @ D. Mills ma ke Alanui o Laa o Pele, oia hoi, e holo pololei ana ma keia alanui @ nihi ma ke kihi akau hema o ke kuleana i John Nomore akau 60', kom 78 kap, ma ke alo, a huli aku la ma ka lihi aina o John Nomore hem 45° 15', komohana 88 kapuai a me hema 52° 15', ko-mohana 30° 12' kapuai hema, e holo lihi ana ma ke kihi komohana akau o ka aina o Kalae ma ka aoao mauka a ma ka aina o Mrs. Hapai hema 40° 30' hikina @8 kapuai, holo komohana hema ma ka laina hikina hema ma kahi o J. R. Mills, akau 40° 48', hikina 82 kapuai a me akau 62° hikina 65 kapuai (147) a hiki hou ma kahi i hou maka mua mai ai.
Kuike ke Dala.
O na lilo palapala ma ka aoao o ka mea kuai mai.
No na mea i koe e ninau ia
JAMES F. MORGAN.
Luna Kukala.
A i ole, ia J. M. MONSARRAT,
Loio o ka mea Moraki,
Honolulu, Iulai 6, 1889.
2240 4@.
HOOLAHA HOOKO MORAKI
me ke kuai
No ka mea, o keia moraki i hoike mua ia aku ma kekahi hoolaha moraki, e hooko ia aku ana ia ma ke kauoha a J. M. Monsarrat, ka Luna Hooko o kekahi palapala moraki i hana ia ma ka la 18 o Ianuari, 1883, e J. L. Ke-aunui, L. M. Kaliola Keaunui, a me Joseph M. Keaunui, ia A. H. Spencer i hoopaa ia ma ke keena kakau ma ka buke 79, aoao 160 2, a i waiho ia aku hoi e A. H. Spencer ia A. J. Cart-writght ma kekahi palapala i hana ia i Aperila 30, 1883, a kope ia ma ka buke 79, aoao 477 - 8, a mai keia A. J. Cartwright mai a ia J. M. Monsarrat ma kekahi palapala hoolilo i hanaia ma ka la 27 o Sepatemaba, 1887, a i hoopaa ia ma ka buke 79, aoao 160, ua kauoha ia au e
KUDALA AKEA,
MA KA
Poaono, - Augate 3,
1889, i ka hora 12 awakea, ma ko'u rumi kudala ma ke kihi o na alanui Papu me Moiwahine, ma Honolulu, i keia mau wahi a pau i hoike ia ma ka moraki malalo iho:
O kela mau aina a pau e waiho la ma Hauula, mokupuni o Oahu, nona keia mau palena malalo iho:
1 - O kela mau apana aina e waiho la ma Hauula, nona ka ili o 15-100 eka, a oia no ka aina i hoike ia ma ka Palapala Sila nui helu 1318, L. C. A. helu 8338, i hoopuka ia ia Kealoha, a i hooili ia aku ia L. W. Kaliola Keau-nui me Jos. M. Keaunui e T. Pikai, ma kekahi palapala i hanaia ma ka la 1 o Iune, 1880, a i hoopaa ia ma ke kee-na kakau ma ka buke 75, aoao 33 me 34.
2 - O kela apana aina ma Hauula, nona ka ili o 1 10 eka, a oia no ka ai-na i hoike ia ma ka Palapala Sila Nui helu 1526, L. C. A. helu 8174, i hoo-puka ia ia Hoaai, a i hooilina ia mai ia J. L. Keaunui e keia Hoaai i oleloia ae nei, he makuakane pili hanauna.
Kuike ke Dala:
O na lilo palapala ma ka aoao o ka mea kuai mai.
No na mea i koe, e ninau ia
LEWIS J. LEVEY,
Luna Kudala.
A i ole, ia J. M. Monsarrat,
Loio o ka mea Moraki mai.
2240 4t
Hoolaha Hooko Moraki
me ke kuai
No ka mea, o keia moraki i hoike mua ia aku ma kekahi hoolaha moraki, e hooko ia aku ana ia ma ke kauoha a John Farnsworth o Honolulu, moku-puni o Oahu, mea moraki ma kekahi palapala moraki i kakauia ma ka la 23 o Novemaba, 1885, a i kopeia ma ke Keena Kakau ma ka buk 95, aoao 470-2, ua kauoha ia au e
KUDALA AKEA,
MA KA
Poaha, Augate 1,
1889, i ka hora 12 awakea, ma ko ʻ u rumi kudala ma ke alanui Moiwahine, Honolulu i na aina i hoike ia ma ka moraki malalo iho:
O kela mau aina a pau e waiho la ma ka mokupuni o Molokai, nona na palena i hoikeia malalo iho:
1- O kela apana aina a pau e waiho la ma Kaio, ma Halawa, nona ka ili o 13 eka a me 20 per, A oia no hoi ka mea i ike ia ma ka Palapala Sila Nui Helu 6134. L. C. A. Helu 4934 ia Kameheu.
2 - O kela apana aina a pau e waiho la ma Hii, ma Halawa, nona ka ili o 2 ruda a me 33 per. A oia no ka mea i ike ia maloko o ka Palapala Sila Nui Helu 6135. L. C. A. Helu 4893 ia Kamai.
3 - O kela mau apana aina a pau e waiho la ma Kapualei, mokupuni o Molokai, nona ka ili o 3 eka a me 178 anana, a oia no hoi ka mea i ike ia ma ka L. C. A. Helu 5033 B ia Peinoa.
O na mea ae la a pau i hoike ia maluna ae, o ia mau wahi hookahi no hoi ka i hoolilo ia aku ia Samuel K. Kamaipelekane ma kekahi Palapala i hanaia ma ka la 7 o Okatoba, 1879, a i kpeia hoi iloko o ka Buke 62, ma na aoao 65 a me 66.
4 - O kela apana ain a pau e waiho la ma Honouawa, ma ka mokupuni o Molokai, no-na ka ili o 1@ eka a i ike ia hoi ma ka Palapala Sila Nui (@) Helu 695 no Kamaihe-retania, a i hoolilo ia aku hoi ia Samuel K. Kamaipelekane e E. P. Kamaipelekane. ma kekahi Palapala i hanaia ma ka la 8 o Iulai, 1870, a i kopeia ma ka Buke 61, aoao 302.
5 - O kela apana aina a pau e waiho la ma Kaluaaha, ma ka mokupuni o Molokai, a i ike ia ma ka L. C. A. Helu 387, nona hoi ka ili o 7 eka.
Kuike ke Dala.
O na lilo palapala ma ka aoao o ka mea kuai mai.
No na mea i koe e ninau ia
JAMES F. MORGAN
Luna Kudala.
A i ole, ia J. M. MONSARRAT,
Loio o ka mea Moraki mai
Honolulu, Iulai 6, 1889.
2240 4t.
Hoolaha Hooko Moraki
me ke kuai
No ka mea, o keia moraki i hoike mua ia aku ma kekahi hoolaha mora-ki, e hooko ia aku ana ia ma ke kau-oha a John H. Paty mea moraki mai o kekahi palapala moraki i hana ia i ka la 9 o Dekemapa, 1882, a i kope ia ma ke Keena Kakau ma ka buke 78, aoao 73-5, ua kauoha ia au e
KUDALA AKEA
MA KA
Poaono, Augate 3,
1889, i ka hora 12 awakea, ma ko ʻ u ru-mi kudala ma ke kihi o na alanui Papu me Moiwahine, ma Honolulu, oia keia malalo iho:
O kela wahi a pau e waiho la ma ke awawa o Manoa, mokupuni o Oahu, nona keia mau palena:
E hoomaka ana ma ke kihi Hi o ka papoha-ku, a i hui ma ka aoao Ak o ke alanui, holo He 31°, Ko 1.04 kaulahao ma ka papohaku, Ak 49°, 45 ʻ , Ko 13.20 kaulahao, Ak 32°, Hi 2 kaulahao, Ak 47°, 45 ʻ Ko 8.22 kaula-hao, Ak 59°, Hi 4.10 kaulahao, He 47°, 45 ʻ , Hi 8.45 kaulahao, He 32°, Ko 5.04 ka-ulahao a hiki i ka pa pohaku, He 49°, 45 ʻ Hi 10.92 kaulahao ma ka pa pohaku a hiki i ka hoomaka ana.
O ka ili, he 5 eka, a oia no kekahi lihi o ka Palapala Sila helu 136. i hoolilo ia aku e Hauula ia P Kahuhu, ma kekahi palapala ma-hele mawaena o lakou, i hanaia ma ka la 7 o Iula, 1885, a i kope ia ma ka buke 49. aoao 296-7-8-9.
Kuike ke Dala.
O na lilo palapala ma ka aoao o ka mea kuai mai.
No na mea i koe, e ninau ia
LEWIS J. LEVEY,
Luna Kudala.
A i ole, ia J. M. Monsarrat,
Loio o ka mea Moraki mai.
Honolulu, Iula 6, 1889
2240 4t
HOOLAHA HOOKO MORAKI
ME KE KUAI.
I kulike ai me ka mana kuai o keka-hi palapala moraki i hanaia e Frank Enos me Kapahu kana wahine, o Wai-kiki, mokupuni o Oahu, ia Wm. Wil-bur, o Kahului, mokupuni o Maui, i kakauia i Iune 10, 1884, a i kope ia ma ke Keena Palapala Kope ma Ho-nolulu, ma ka buke 91, aoao 131 me 132, a i haawi ia aku e Wm. Wilbur ia W. R. Castle e hooko ia aku ana ka mana kuai o kela moraki ma ke
KUAI KUDALA
ma ka rumi kudala o Jas. F. Morgan ma alanui Moiwahine, Honolulu i ka
Poakolu, Iulai 17
1889, i ka hora 12 awakea.
O keia na wahi e kuai ia aku ana:
O kela wahi a pau ma Waikiki-wae-na, O ahu, i hoike ia ma kekahi pala-pala hoolilo a J. Kahai ia Frank Enos, a i kopeia ma ka buke 15, aoao 53, nona ka ili o 1 812-1000 eka, oi a emi mai paha.
No na mea i koe, e ninau ia
W. R. CASTLE
Loio ma ke Kanawai.
Hana ia ma Honolulu, i keia la 6 o Iulai, 1889.
2240 2t
HOOLAHA HOOKO MORAKI
ME KE KUAI
I kulike ai me ka mana kai o keka-hi palapala moraki i hanaia e Joseph Paa me Kapena kana wahine, o Koha-la, Hawaii, ia John L Blaisdell, Jr., o Kohala , i kakau ia i Maraki 31, 1883, a i kope ia ma ke Keena Palapala Kope ma ka buke 77, aoao 496 me 497, e hooko ia aku ana ke kuai o kela mo-raki ma ke
KUAI KUDALA
Ma ka rumi kudala o Jas. F. Morgan, ma alanui Moiwahine, Honolulu, i ka
Poakolu, Iulai 17
1889, i ka hora 12 awakea.
O keia na wahi e kuai ia aku ana:
O kela wahi a pau ma Kohala, i hoike ia ma kekahi palapala hoolilo a Pulehu ia Jos Paa, i hana ia i Feberuari 20, 1877, a i kope ia ma ka buke 48, aoao 474 me 475, oia no kekahi ha-pa o ka aina o Awaia, i hoike ia ma ka Pala-pala Sila Nui Helu 10008, nona ka ili o 10 eka.
E kuai pu ia aku ana, he 25 eka i hoike ia ma ka Palapala Sila Nui helu 780 ia Apiki, et al, oia no ka 25 eka i mahele ole ia a hoolilo ia aku ia Joe Paa, ma kekahi palapala hoolilo a Pepeke keiki a Apiki, i kakau ia i Novemaba 7, 1882, a kope ia ma ka buke 76, aoao 497.
No na mea i koe, e ninau ae ia
W. R. CASTLE,
Loio ma ke Kanawai.
Hanaia ma Honolulu, i keia la 6 o Iulai, 1889.
2240 2t
HOOLAHA AHA KIEKIE
AHA HOOKOLOKOLO KIE-kie o ko Hawaii Pae Aina. Ma ka hooponopono waiwai.
Ma ka hana o ka waiwai o HOPU k., o Kalawao, Molokai, i make kauoha ole.
Ma ka heluhelu a me ka waihoia ana mai o ka papa hoike o C. A. Brown, o Honolulu, e hai ana o Hopu k., o Ka-lawao, Molokai, ua make kauoha ole ma Kalawao, ma ka la -- o April. A. D. 1889, a e noi ana e hoopuka ia ka palapala luna hooko i waiho ia mai e ia.
Ua kauoha ma ka
POALUA, la 30 o IULAI, A. D. 1889,
Oia kahi a me ka manawa e hoolohe ia ai ua noi la mua o ua Lunakanawai la ma kona keena, ma ka rumi hookolo-kolo o ia aha, ma Honolulu, oia kahi a me ka manawa no na poe a pau i pili e hele mai a e hoike i ke kumu ina he kumu io ko lakou e ae ole ia ai ua noi la. A o keia kauoha e hoolaha ia ma ka oello Hawaii a me Enelani i ekolu pule maloko o ka Hawaiian Ga-zette a me ke KUOKOA, he mau nupe-pa i pai a hoolaha ia ma Honolulu.
Kakauia ma Honolulu, Iune 29, A. D. 1889.
Na ka Aha:
ALFRED W. CARTER,
Hope Kakauolelo Elua
2240-3t.
AHA HOOKOLOKOLO KIE-kie o ko Hawaii Pae Aina, ma ka Hooponopono Waiwai.
Ma ka hana o ka waiwai o Nancy Wirt, i make me ke kauoha.
He kauoha a ka Luna Hooko e noi ana i ke kuai o kekahi mau waiwai paa.
Ma ka heluhelu a me ka waiho ia ana mai o ke noi a William O. Smith, ka Luna Hooko o ka waiwai o Nancy Wirt, i make, a me J. Keopuhiwa, ka hooilina, o Honolulu, Oahu, e noi ana i kauoha no ke kuai aku i kekahi mau aina ma Honolulu, no ka waiwai i olelo ia, no keaha la na kumu e ae ole ia ai o ia kuai ana aku.
Ua kauoha ia ma kela, o na poe a pau i pili e hele mai imua o keia Aha, i ka
POAKAHI, IULAI 15, 1889,
i ka hora 10 kakahiaka, ma ka rumi hookolo-kolo o ia Aha, ma Honolulu, a malaila e ho-ike ia mai ai na kumu e ae ole ia ai ke noi no ke kuai aku i ua waiwai la.
A ua kauoha hou ia, e hoolaha ia keia noi no 3 pule mamua o ka hoolohe ia ana, ma na nupepa Kuokoa me Hawaiian Gazette, he mau nupepa i pai ia ma Honolulu.
Hanaia ma Honolulu, Iune 17, 1889.
L. McCULLY,
Lunakanawai o ka Aha Kiekie.
Hoike:
J. H. REIST,
Hope Kakauolelo.
2238 3t
AHA HOOKOLOKOLO KIE-kie o ko Hawaii Pae Aina, ma ka hooponopono waiwai.
Ma ka hana o ka waiwai o Kainapu k, o Kalihi Oahu, i make kauoha ole.
Ma ka heluhelu a me ka waiho ia ana mai o ka palapala noi a J. W. H, Wahineaua, e hai ana, ua make kauoha ole o Kainapu k, o Kalihi, Oahu ma Honolulu, Oahu, ma ka la 22 o Au-gate, 1888, a e noi ana, e hoopuka ia ka palapala Luna Hooponopono iaia
Ua kauoha ia o ka
POAHA, IULAI 11, 1889,
Oia kahi a me ka manawa i koho ia no ka hoolohe i ua noi la imua o ka Lunakanawai, e noho ana ma ke kee-na, ma ka rumi hookolokolo o ia Aha, Honolulu, oia kahi me ka manawa no na poe a pau i pili, e hele mai a hoike i ke kumu, ina he kumu io ko lakou e ae ole ia ai ua noi la.
Kakau ia ma Honolulu, i keia la 20 o Iune, 1889.
Na ka Aha:
J. H. REIST,
Hope Kakauolelo
2238 3t
HOOLAHA
OLELO HOOLAHA.
E ike auanei na kanaka a pau e no-ho ana ma Waialae-iki me Waialae-nui, mokupuni o Oahu, owau o Paul Isen-berg, ke lawe nei wau i ka Hee i i-a hoomalu na ke konohiki, a o na i-a a pau malalo o ua hee nei, ua noa ia i ka poe mea kulena maluna o Waia-lae-iki me Waialae-nui, koe ka poe mea kuleana ole e noho ana maluna o ua mau wahi la aole e hele wale e lawaia ma e kai o Waialae-nui a me Waialae-iki, mokupuni o Oahu.
PAUL ISENBERG,
Waialae, Iune 26, 1889.
2240-5t.
HOOLAHA HOOKO MORAKI
ME KE KUAI
I kulike ai me ka mana kuai o keka-hi palapala moraki i hana ia e M. S. Ku, a me Kanaloa kana wahine mare no Niulii, Kohala-akau, Hawaii ia C. F. Hart, no Niulii, Kohala, i oleloia i kakau ia ma ka la 11 o Augate, 188@ a i kope ia ma ke Keena Kakau Kope ma ka buke 87 aoao 225 me 226 a me 227.
Nolaila, ke hoolaha ia aku nei ka mana hooko o ka mea moraki i ka mo-raki i olelo ia mamuli o ka uhaki ia o na kumu aelike oia hoi ka uku ole ia ana o ke kumupaa a me ka ukupanee. Nolaila, e
KUAI KUDALA
ia aku ana ka waiwai e hoike nei mala-lo ma Niulii mamua pono iho o ka ha-le kupakako ma Kohala-akau i oleloia ke hiki aku i ka la 27 o Iulai, 1889 ma ka hora 12 o ke awakea o ia la. O ka waiwai e kudala i aku ana, oia kela apana aina a pau e waiho la ma Kohala i oleloia, i hooliloia mai ia M. S. Ku i oleloia, e na Hooko Kauoha a Kahu Malama Waiwai o Lunalilo ma ka la 0 o Au-gate, 1883, nona ka nui o na eka he 118 75-100 me na pono a pau a me ke ko e ulu nei maluna.
No na mea i koe, e ninau ia H. L. Holstein. Loio no ka mea moraki.
C. F. HART,
Mea Moraki
Hanaia ma Kohala-akau, Iune 20, 1889. 2240-4t.
HOOLAHA HOOKO MORAKI
ME KE KUAI
I kulike ai me ka mana kuai o keka-hi palapala moraki i hana ia e J. N. Puuohau me H. Pikela kana wahine Honolulu, mokupuni o Oahu, ia James A. Kennedy o Honolulu i kakauia i Feberuari 9, 1885, a i kope ia ma ke Ke-ena Palapala Kope ma ka buke 93 aoao 131 me 132, e hooko ia aku ana ka mana kuai o kela moraki ma ke
KUAI KUDALA
ma ka rumi kudala o Jas. F. Morgan, alanui Moiwahine, Honolulu, i ka
Poakolu, Iulai 17
1889, i ka hora 12 awakea.
O keia na wahi e kuai ia aku ana:
O kela wahi a pau e waiho la ma Waikiki, Oahu, a oia no kekahi hapa o ka Palapala Sila Nui helu 2418, L. C. A. 2082 ia Kuene, nona ka ili o 658 1000 eka, oia no kahi i hoolilo ia aku ia Kanakaole ma kekahi palapala a Kanoa w, i kopeia ma ka buke ----, aoao ----, a o Puuohau ka hooilina oiaio o Kanakaole.
No na mea i koe, e ninau ia
W. R. CASTLE,
Loio ma ke Kanawai.
Hanaia ma Honolulu, i keia la 6 o Iulai, 1889.
2240-2t.
PAPA! PAPA!
AIA MA KAHI
LEWERS & COOKE
@
E loaa ai
PAPA NOUAIKI
o kela a me keia ano.
PaniPuka, Na Puka Aniani, Na Olepelepe, Na Pou, Na O-a, Na Papa Hele, Na Papa Ku, A me na Papa Moe nui loa
Na Pili o na Hale o na Ano a Pau
A ME NA
WAI HOOHINUHINU NANI
O NA ANO A PAU LOA.
NA BALAKI ANO NUI WALE.
A ke hai aku nei ka lono i na Makamaka pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana
NO KA
UKU HAAHAA LOA.
E like me kamea e holo ana mawaena
LAUA a me ka MEA KUAI.
HELE MAI E WAE NO OUKOU
HOOLAHA I NA POE HOAIE
Ke hoolaha ia aku nei ma keia, o na poe a pau he mau koina ka lakou i ka waiwai o A. Kaumu, i make, e waiho mai lakou i ka mea nona ka inoa ma lalo nei, ka Luna Hooko, iloko o na malama 6 mai keia la aku, o hoole mau loa ia.
E. H. BAILEY
EMILY BAILEY
Wailuku, Maui, Iune 1, 1889.
2237 4t