Ka Nupepa Kuokoa, Volume XXVIII, Number 24, 15 June 1889 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXVIII, HELU 24.   HONOLULU, POAONO, IUNE 15 1889.   NA HELU A PAU,    2237

HOOLAHA LOIO.

W@ KAKELA           @ KOKOU MA KE KANAWA       @ palapala      C@ BROWN A ME KOKOU MA KE KANAWAI?  @ Palapala me ka @   A@     KOKUA MA KE KANAWAI @ Palapala @                      E @ HITCHCOCK            @        JAMES @  MONSARRAT. @ (MAUNAKEA.) @ ME KOKUA MA KE KANAWAI    @ Palapala.     @ no na Palapala Kuai, Palapala @  a me na palapala @      WILDER & CO (WAILAMA.)            @

@ Alanui Moiwaine me Papu.

 

PACIFIC HARDWARE COMPANY

Na hope o Dilinahama Ma

Mau Mea Kuni Lako Hao

Alanui Papu Honolulu

 

GEORGE P. KAMAOUHA.

He Loio a he Kokua ma ke Kanawai. A HE MEA     ANA AINA.

@ no ma Kohala Akau, Hawaii.

@

WILLIAM C. ACHI. @        a he Kokua ma ke kanawai imua o na Aha@ Aupuni.           He Mea Ana Aina a he Boroka ma na @ paa.              @ Hana, Helu 15, Alanui Kaahumanu Honolulu, na ke Keena mua iho nei o Kini @            2114-y

 

HALEKUAI BIBI HONOLULU

@

@ Moiwahine, Makeke

@

@ Hipa, Puaa me @, na la @ O na kauoha a na ohana a me na moku mai @ me ka eleu a me ka hiki @.   O @ oia no na moku e hiki no @

 

Umeke Poi !

Umeke Poi !!

            Ua loaa mai he mau Bakeke Umeke Poi o ke ano @, i hawele ia me ke @ hao a o ka ai e komo ana iloko o keia ano umeke, oia ka helu ekahi o ka mikomiko, aala a me ke onaona.       @ mai ma kahi o         KAKELA ME KUKE.

Alanui Moi      @

 

HOOLAHA

            @ hoolaha ia aku nei ma keia, o na @ he mau koi ka lakou i ka waiwai o NANCY WIR@, i make, e hoike mai i ka mea nona ka inoa malalo iho iloko o na mahina eono mai @ aku, e hoole mau loa ia aku.   W. O. SMITH.                        Luna@ no ka waiwai o Nancy W@ i make

2233-41

 

KE ALA KUAHIWI O TESETA.

 

Kaulana mai nei o Teseta

Ke kahua heihei poina ole

Kahiko ia e ke anu huihui

Na hoa pili la o ia kini

 

O ka leo gi-ta ka'u makaleho

I ke kani palanehe i ke aumoe

Hooheno ana la i ka pilipoli

I ka ume luna la a ilalo lilo

 

A he po mahina lailai ia

Hiki ana ka makana me ka makemake

Ka @ maka onaona iho ia

Palahe e ka palu lawe-a-lilo

 

Hana hookuanua kahi Konarada

E ake no a huki-ka-ulua

Kiei Lusiana ma ka pili-pa

Hoohie i ka nani o ia pua

 

Hiki e mai ana la kahi lono

Ua wehe ia ke kaua kuloko

Hookahi hamare hoonee ae

Pau na hana i ka pauaka ia

 

Ua kohu  Mazepa ka ihona iho

Ka pupue malie i ka makuu

Na hiona wiwo ole ka'u mahalo

Noeau hoolei kipuka-ili

 

Aole hopo iho o ka Monita

Halelewa haahaa lana i ke kai

Nana i oniu na Batari

Holo e ka haalulu i na rigini

 

E wiki oe a e moe loa nei

Ei ae Samesa o ka Alabama

Ke kuupau nei na mekini

Hoonee kiani malie ana

            Tome-Tu-Tu.

 

Kale Auwana

KA @

Lima Puupuu Hao-kila o Vireginia;

A O KE

KIU A SERIDANA

MA KE -

Awawa Malu-make o ke Senedo.

He Moolelo no ke Kaua Kulolo o ke Akau me ka Hema.

MOKUNA IX

KE ALUALU IA ANA.

            I ka wa a Kale Auwana e kuupau nei i ka holo o kona lio, ua hoomaopopo iho oia, he helu ekahi ka mama o ua lio la e holo nei ma ke kahua heihei no ke oia a me ka make.        Ua hoolele ia ae la na ahikao ma o a maanei o ke kahua hoomaha, e hai ana, aia he kiu Amerika ke hoohalua nei iloko o ko lakou mau laina kaua i keia po.  Ua hiki i ke kiu ke lohe aku i na leo e uwauwa mai ana mahope ona, a oia kona wa e kuupau loa ana i ka holo o kona lio.        E loaa anei oia ia lakou ke hoomau ia keia alualu ana?  He ninau pohihihi ia ia ke kiu ke hooholo koke iho i kona manao i kela wa, ke ole oia e halawai aku me kekahi puali koa e maki mai ana ma ke alahele.         He hopu pio ia mai kona ke hoo@ ia holo ana ihope o ke kahua hoomaha.       He mau hana akamai no koe ana aole i pau loa i ka hoikeike ia i kela po.            Ua hooholo koke iho ke kiu, o keia ka manawa kupono e lawelawe ai i kela hana.   Ua hoohaule aku la oia iaia iho mai @ aku o ka lio, waiawala aku ia a waiho ana @ ko o ka nahelehele.            Ua puiwa ae ia la lio a holo aku la me ka puahi nui, a me ke kanaka ole maluna.       He manawa ole, ua kaalo ae la na aliikoa e uhai nei, a e hoopuka ana lakou i na olelo weliweli no ka hopu aku i ke kia.         Ua holo hoihope aku la keia maloko o ka nahelehele, a he hapalua minute wale no ko ia nei holo ana, ua lohe aku la keia i ke kani ana mai o na pu he lehulehu wale a kekahi mau mahele koa.                       He oiaio, ua ki ia mai ka lia a make e kekahi puali koa e pii mai ana, a i ka hiki ana mai o na aliikoa, ua ike ia iho la ka lia, aole ke kiu Amerika maluna ona.            "Ua pakele oia iloko o ka nahelehele i keia manawa, a he mea pono e hoopuni ia keia kahua maloko mai o ka hapalua mile a hiki i ke ao ana o keia po," wahi a ka ukali o Kenela Ela i pane ae ai.    I ka wa e hoopuni ia ana keia kahua, oia ka manawa a ka puali holookoa e nee nei no ke kahua hoouka aku i ke kaua i na laina koa o Seridana ma kela aoao o ke awawa nui akea.                        Ua holo aku o Kale Auwana ma kela aoao o ke kahua hoomaha, a mawaho o kekahi wahi hale o kona maalo ana ae, e ku ana kekahi lio mawaho o ka ipukapa no kekahi aliikoa e makaukau ana e hele aku no ke kaua.            Aohe wa kupono e ae no ka loaa o ko ia nei lio e like me keia manawa, oia kana i kokolo aku ai a loaa ka lio, kau ae la maluna a holo aku la ma ke alanui mua ana i holo mai ai.    Ke kokoke aku nei i ka wehewehe kaiao, oia ka wa a ka puali holokoa e nee aku nei no ka hoouka aku i na koa Amerika iloko o ko lakou nanea nui, a oia ka Kale Auwana i makemake nui ai e hiki koke aku i ko lakou mau laina a haawi i ka lono o ka nee ana o na puali Hema.  He mau minute ka ia nei holo ana aku, ua loaa aku kekahi mahele koa e maki, ana oia ka ke aliikoa i ninau mai ai i ke kumu o kona holo awiwi ana imua, oia ka ke kiu i pane aku ai,-        "Heaha! Eia au malalo o ke kauoha a Kenla Ela e lawe ana i ka puali o mua."                 Aohe leo i pane hou ia mai, no ka mea, ua manaoio loa iho la kela aliikoa e holo ana keia kanaka e hooko i kela kauoha.          Ua hoomau aku ia ke kiu ma kona ala e ake ana e puka koke aku no kela aoao, a i keia wa i hui hou aku ai keia me kekahi mahele koa e pii ana mamua ona.  Me ka moeuhane ole o ke kiu, o Kenela Ela a me kona mau ukali kekahi e pii pu nei me keia puali, ua maalo ae la mamua o lakou, oia ka wa a kekahi aliikoa ukali i pane mai ai,-                  "Owai oe e kela kanaka ma-o?"          Huli koke ae la o Kale Auwana i ke aliikoa a pane aku la-   "Auhea la o Kenela - o keia puali?"    "Owai no ia," wahi a ua aliikoa la i pane mai ai.         "A heaha kou makemake iaia ?" wahi a ke aliikoa mua i pane hou mai ai i ke kiu.          "Ma ke kauoha a Kenela Ela i haawi mai nei ia'u, e kali iki ka nee ana o kou puali a loaa hou mai ke kauoha, oiai au e holo ae ana me ka awiwi nui ia Kapena Hawika a hai aku i keia kauoha."       I ka lohe ana o Kenela Ela i kela mau olelo, ua hoohakui ia kona puuwai i ka olele a keia kanaka i maopopo ole kona inoa a me kona ano, oia kana i pane koke mai ai-         "Aole o Kenela Ela i haawi i kekahi kauoha ia oe e like me keia ke ano, oiai, owau no o Kenela Ela. Heaha ia oe? He kanaka pupulu paha, a i ole, he kiu i hoomahua iho nei i keia po i ko makou laina no ka nee ana. E pane mai i ka'u ninau, owai oe e keia kanaka hoopunipuni ?

 

KA PAA PIO ANA O KE KIU.

            O ka loaa pono ana o Kale Auwana, ua hiki mai oia i kahi o ka paa pio aku i keia mau minute.       O ka make a me ke ola. ua like wale no ia mau mea elua i ke kiu ke lawe oia i kana hana maa mau o ka hui me na pilikia o na ano a pau, oia kana i hooholo koke ai i kela manawa e holo no kona pakele.       Ua upa ae oia i kona lio no ka holo aku imua, a pane iho la me keia mau olelo,-          "E aloha auanei oe e Kenela Ela, eia au ke hoi nei @ ke laina o na koa Amerika ma kela aoao."          Ua hookuu pau aku la ke kiu i ka holo o kona lio, a oia ka wa a na aliikoa i alualu mai ai mahope, me ko lakou mau leo o ka inaina e kahea ana, -he kanaka kiu e ! I keia manawa e wawaho nei o na leo, e pii mai ana o Kapena Hawika mai ke kahua mai o mua, a ike mai la i keia kanaka e holo nui aku ana, a me na leo wawalo e ukali mai la mahope ona, ua lele koke ae la oia ma kapa alanui, a ke mai la i ke kanaka kau lio e holo nei.            He okupe ana na ka lia, ua loaa pono la ka puuwai i kela poka, haule aku la i ka honua a make loa. O ka wawae o Kale Auwana, ua paa loa iho ia malalo, a oia ka wa a kela kanaka i lele mai ai mai loko mai o ka nahelehele a paa i ka pu-ai o ke kiu, oia ka laua i hakaka ai me ka hili ana mai o Hawika i ke kumu o kana pu, a pohole iho la ka lae o ke kiu me ka ehaeha nui.            "Akahi no oe a loaa ia'u e ka ilio Amerika," wahi a Kapena Hawika i pane iho ai.        Nana pono ae la ke kiu i na helehelena o keia kanaka e puliki nei i kona pu-ai, a hoomaopopo iho la oia, o Kapena Hawika no keia o ke kahua hoomaha mua, ke kanaka ana i kolohe ai i na hora mua o ke ahiahi nei.            Aohe o ia nei hoopakele, ina o Hawika ka lunakanawai nana e hookolokolo aku ana i kona hihia, oiai, ua hooholo mua oia i kona manao e pepehi ia Kale Auwana.     Iloko o kela manawa koke no i hiki mai ai na aliikoa a ike mai la ia Kapena Hawika e paa ana i ke kiu, ua pane mai la kekahi o lakou-        "Ua waiwai kau poka i ke iho nei e ke Kapena, a paa kena kanaka hoopunipuni ia kakou."                   "O keia kanaka ? Ua oi aku ko ia nei ino mamua o ke diabolo, ina e loha oukou i kona moolelo," wahi a Hawika i pane aku ai.                      "Owai keia kanaka?" wahi hou a na aliikoa.          "O Kale Auwana keia, ke kiu a Kenela Seridana."                 I keia a i hiki mai la o Kenela Ela a lohe pono mai la i ke ano o keia kanaka he kiu, oia kana i pane mai ai me ka pihoihoi, -                "Heaha ? O Kale Auwana anei keia kanaka ?"   "Ae," wahi a ka pane.  "Alaila, he hana kaulana loa ia au e Kapena Hawika e hoomanao mau ia ai e mokou."     Hapai ia ae la ka lio make, a kaawale ae la ke kiu.      Kulou iho ia o Kenala Ela ilalo i na helehelena o ke kiu a pane mai la i keia mau olelo-     "O oe anei o Kale Auwana ?" Aole i pane aku ke kiu i ka ninau a liuliu, pane hou mai la o Kenela Ela me ka hoonui ana ae i kona leo-            "Ina aole oe e pane mai, alaila, e uwip no au ia oe a hiki i kou wa e kamailio mai ai."     "Aole i makemake ia ka uwepa no keia manawa," wahi a ke kiu.                              "Alaila, ua ae oe, o kou ia ?"   "Ke kia a Seridana?" wahi hou a Ela. "Pela kekahi poe e kapa mai nei ia'u."    Ua nana pololei aku la o Kenela Ela i na maka o ke kia no ka hapalua minute, a pane hou mai la,-  "He kanana maalea oe ma kau mau kamailio, a he wiwo ole kou komu kino ana iloko o ko makou kahua hoomaha nei. E hoomanao oe,-aole e poina o Kenela Ela i ka uku ana i kona mau @e a pau me kou koko." (Aelei pau.)

 

NEDE KIKONA

-KA-

Puuwai Haokila a Hooko Kauoha Poina Ole:

-A O KA-

Holapu Hope Loa

-A KA-

"ALABAMA,"

-KE-

Ahikanana a Puhipuhiahi o ka Moana Atelanika.

"Elua Kupueu o ka moana,     A na O I a e makua nei :         O ka Alabama me ke Senedoa,           I ka uhai loloa mai mahope."

MOKUNA XVIII.

KA AA A KA ALABAMA.

            "Hookahi huaolelo i koe no kekani mea okoa. Ua lohe anei kou kapena ua paa i ka hopu ia e a'u kekahi kanaka nona na lehulehu o Gae Galoka, o Pilipi Fale a o Uilama Berani? Ua noho luina keia kanaka maluna o ka Alabama. Ano, ua paa oia ia'u, a ke lawe nei i ka mana e kau aku i ka hoopai maluna ona. He manao anei kekani o Kapena Semisa no keia kanaka?"        "Aole loa," wahi a ka pane a Lutanela Balea. "Malia e li ia aku ana keia wahi kanaka e a'u," wahi hou a Kapena Winslow.  Hulili ae la na maka o Lutanela Balea a pane mai la:  "O ka'u hana wale no ia e hooko ai ma owau oe e Kapena Winslow.?     Na keia mau olelo i hoohikilele ae i ka noonoo o Kapena Winslow, a oiai aole oia i pane hou mai, nolaila, huli ae la o Lutanela Belea me ka haawi ana aku i ke aloha, a hemo aku ia iwaho o ka rumi.           Oiai oia e pii aku ana a hiki i ka oneki o luna, lohe aku la ia i kekahi loe a hula koki ae la ia; a ia manawa koki no, e hui ana ia he alo a he alo me kekahi luina kanaka ui me ke kino maloeloe hiehie.            Haawi mai la ua luina nei i kona lima akau a lulu lima pu iho la laua.            "Ke halawai pu hou nei kaua, ma ke ano nae he mau enemi no ke kahua kaua," wahi a ua kanaka opio nei, a aohe me okoa e ae, o Nede Nikona wale no keia e kamailio a e lulu lima pu nei me Lutanela Balea.     "Ae, pela io no," wahi a Balea me ka mino aka; "a ke makemake nei paha oe e hoomanao mai ia'u no ka'u mau hooia," wahi hou a Balea i pane aku ai.    "He me makemake ia, e Balea. E ae mai ia'u e haawi i na hooia ia oe, ke lilo oe i pio no ke kahua kaua, e loaa no ia oe na malama maikai loa ia iluna o keia moku."        Hoomaka ae la o Balea e akaaka, a pane aku la i kona hoa:   E lilo o Tom Balea i pio no ke kahua kaua iluna o ke Kearsarge ? O ko'u panai aku no hoi ia i na haawina like o ia ano ia oe ke lilo oe i pio iluna o ka Alabama. E pii pu kaua iluna o ka oneki e Nede." Me ka hauoli nui, ae," wahi a Nede i pane aku ai.      Pii pu aku la laua iluna o ka oneki me ke kamailio malia ana o ke ano he mau hoaloha pili paa laua. He oiaio, eia keia mau kanaka iloko o ke kaua malalo o na hae like ole o na aoao elua mamuli o ke koho ana a ke laua mau lunaikehala, aka, ua kaulike nae ka pana ana a ko laua mau puuwai ma ke kulana keonimana a me ke koa wiwo ole. A i ka hoike ana aku o Nede i na mea e pili ana i ko Belodina ano pupule, ua hookawa@u ia iho la kona mau papalina e na kulu waimaka, a pane ae la:            "Aloha wale: Aloha ino kuu hoaloha, kuu hoa imi naauao o na la hele kula: ua pupule ia anei ia ma Kebuga? E imi aku ana au iaia a loaa, a e malama a kiai hoi i kona noho'na i loaa ai iaia na hooluolu ana. Oiaio ka. Nana no ka i hoouna ia'u i Bahea e ike i kela mau ui, i wahie no'u e pakelo ai mai ka poina weliweli o kana topido. Ua hauoli nae hoi au no ka holopono ole ana o kana kumuhana, la Pilipi Fale paha au e haawi ai i na hoomaikai no ia haawina?"     "Ae:" he makemake no anei oe e ike iaia mamua o kou haalele ana iho i ka moku nei? wahi a Nede.   "Aole loa! E noke mai auanei i ka uwalo a me ke koi e kokua aku au iaia ma ka hoopakele ana mai kona pilikia ae. Ua paa pono anei oia e Nede?" wahi a Balea.           "Ke manaio nei au pela," wahi a Nede.           "He mea hiki ole ke hoohemahema aku iaia. E hana ana o Pilipi Fale i na mea a pau e loaa ai iaia ka lanakila. I kona hoi ana mai nei mai Flushing mai, ua lawe pu mai oia i ke kii a me na kuhikuhi a pau e pili ana i ke ano a me ke kulana o ke Kearsarge. He wahi kanaka makua ole, he piha maalea, a he menemene ole. E kiai pono aku iaia;" wahi a Balea.            "E kiai makaala ia akua ana ia," wahi a Nede.            "A e li ia aku ana ?" i ninau aku ai o Balea.    "Pela ko'u manao," i pane aku ai o Nede.                        "O ko'u akenui ia," wahi hou a Balea. Hele like aku la laua a iho aku la o Balea ma ke alapii aoao a hiki iluna o kona waapa, a i ka hoomaka ana aku o na kanaka e hoe no ke ala huli hoi i luna o ka Alabama, ua ku ae la o Balea iluna o oniu mai la i kona papale ia Nede, me ke kahea pu ana mai:       "Malia i ka la apopo e kukai pu ai na ai a ka ui; a o na pu ikaika no auanei ke lanakila."              "Alaila, e hoomakaukau no ka huki iho i ko oukou hae ilalo," wahi a Nede i pane aku ai; a wawalo ae la na leo huro mai na puuwai ae o na Amerika o luna o ke Kearsarge.             Iloko o kekahi wahe rumi uuku, malalo iho o ka onei o ke Kearsarge, me ka hoonfaopopo ole ae i na mea i hana ia a i kamailio ia, e noho ana o Fale ke pio mahuka a Kapena Winslow.           Ua pakele oia mai kela topido mai a Kapena Belodina, aka, me he la, ke lohe mau la no kona mau pepeiao i ke koele e koele ai, ka mea hoi nana i hoopiha i kona puuwai me ka wele nui.   Ua maopopo no iaia ua kuhihewa kela kaikamahine nana i lawe kana leta, a ua haawi i ka leta i na kanaka o ke Kearsarge e ka manao no ka Alabama lakou. Ua hoao kela kaikamahine e hooko pono i kana bana, aka, no ka ike ole a me ke kuhihewa, ua huhewa aku la.      "E noho ana paha au ianei a hiki i ko Nede Nikona manawa e ike ai i kuu li ia," wahi ana iaia iho.       "Ua lawe pio ia no au mamua, aka, aole nae he kanaka lakou i akenui e hooloili ia kuu a-i me ke kaula. Alia nae hoi. Ke paanaau nei no anei ke ano o keia ia'u e like me ka'u i hoopaa ai iloko o kuu buke hoomanao?"        Unuhi ae la ia he wahi apana pohe mailoko ae o kona pakeke a hoomaka iho la e kahakaha maluna o ka papahele; a he mau minute, ua ike ia iho la ke kii o ka moku Kearsarge me na mahele a pau.     "Ua loaa pau pono ia'u," wahi a ua Fale nei me ka hauoli.      "Eia kahi o ke ola a me ka make o ke Kearsarge oia ka rumi hoahu pauda. I uwiki a na ia mea e hooko ka hana. E hiki ana anei iloko o laila ?"             Nana pono hou iho la ia i ke kii ana i kahakaha ai a hene aka iho la me ke ano hooioi, a pane ae la:        "I uwiki me ona kukaepele; e makaukau ana ia mau mea ia'u ma kahi kupono, i ka manawa e makemake ia'i. Ua hoohoka ia ka Kapena Belodina kumuhana nui; a e ae auanei au e noho paahao no hookahi tausani makahiki, ina e hoohoka ia au me ka'u e hana aku ana i keia po."

Kakela a me Kuke

HALEKUAI NUI O NA WAIWAI

E laa na pahiolo, koi hole,       hamale, koi nui a me liilii, kila,            wili puaa, rula, apuapu, kui o na @     a@, kala kaa, hao hoopaa pu@a.                       pohaku hoana, kepa lei ilio, kaula hao ilio, pahi, upa, pahi umiumi,   kalapu, kope hulu,       pulupulu, oepa ka        lakala, lina hoa, ami, keehi a me

-KAULA OPU-

Palau o na ano a pau, Oo, ho, kopala, pe, kipikua, hao kope, au ho a pe e aku, kua bipi, lei bipi, kaula hao bipi, uwea pa, uwea keleawe, hao pili piula, kaa palala, ipuhao, ipu ti

PA-PALAI, MAKAU MEKE AHO

Ili wai, papa holoi, kopa ala, kaula @luaina, hu'akai, ehi wawae, hulu pena, a pela aku.

Pena wali, kini nui a me liilii o na ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe,

PENA HOOMALOO

-a me aniani hale-

AILA MAHU, AILA MIKINI, AILA HAMO, AILA KAA, INIKI KAMAA. PAUDA, KUKAEPELE, KIANA PAUDA, UIKI IPUKUKUI O NA ANO HE NUI A LEHULEHU

LOLE MAKEPONO

-@-

AHINAHINA, KALAKOA, KEOKEO, LEPONALO HULUMANU, UWE-WAHINE, KUI HUMUHUMU A ME KA LOPI.

 

NA MEA PIULA

Mikini Humuhumu

Makini a WHEELER a me WILSON

 

MIKINI A WIILOX ME GIBBS

 

NA MIKINI A

-REMINGTON.-

 

He nui loa na mea hao me na ukana ae o na ano a pau, aole hiki ke hai pa@ ia aku, hewa i ka wai na maka ke ike

Laau Lapaau Kaulana Loa

A DR. JAYNE.