Ka Nupepa Kuokoa, Volume XXVIII, Number 22, 1 June 1889 — UA HALA. [ARTICLE]

UA HALA.

I ke kakahiaka Poakolu nei, ma kahi noho ma alanui Rikeke, ua haalele maila ola i keia ana o Hon. W. C. Parke, iloko o ke 68 o kona mau makahiki ma keia ao. I ka wa e nohoalii ana o Kamehameha III., ma ka la 8 o Iune, 1850, ua koho ia oia i Ilamuku Nui no ke aupuni, a ua mau oia ma ia oihana a hiki i ka wa i nohoalii ae ai o ko kakou Moi, a no umi makahiki i ka wa e noho ana ka Aha Kuhina o Kipikona, ua hoopau ia aku oia mai ka oihana me ka hewa ole. He hoa oia no ka Ahakukamalu, a me na Hui o Kamehameha me ke Kalaunu o Hawaii. Ma Koloa. Mei 12, ua make aku la ke kaikamahine muli loa a Rev. J. H. Mahoe malalo o ka hoomailo ana a ka mai no kekahi mau la i hala ae. Ma Waikiki, ua haalele mai la i keia ola ana, o T. N. Puuohau, mahope o kekahi mai pokole ana. He kanaka naauao oia a me ka noonoo. I keia pule no, ua lawe ia aku ke aho o Lilia, kaikamahine a Wm. Hunt o keia kulanakauhale, oiai oia ma ka halekula no ka imi naauao. Ua puka ae he heluna nui o na makamaka a me na hoolaha ma kana huakai hope loa i ka luakupapau.