Ka Nupepa Kuokoa, Volume XXVIII, Number 20, 18 May 1889 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXVIII, HELU 20.

HONOLULU, POAONO, MEI 18, 1889.

NA HELU A PAU, 2233

@

@ ana

@

@ kaua

@ ke aloha

 

@ a i ka puuwai

@ no oe

@ ke ahiahi

@ a o Kaaona

 

@ wa e ia @ ua

@

@ me oe

@ mae ole

 

@ kaua

@ me ke aloha

@ ia a paa

@ i ka puuwai

 

@ ole

@ a ka moe

@ mai ana ka puana

@ ona @ pua mae ole

 

Kale Auwana

 

KA

 

@ Puupuu Hao-kila o Vireginia;

 

@

 

@IU A SERIDANA

@

@wawa Malu-make o ke Senedoa

 

@

@ ma ka Hema

 

MOKUNA IV

@ KA AMERIKA MA KE A@A O KA MOANAWAI.

 

Aole i loihi ka Kale Auwana wahi o @ hope ana aku ma ka liki kaha-@ ua l@na aku la ia ianei he waapa @ no na kamaaina e waiho ana @ lalo o ke kumulaau. Me ko ia nei kali ole i ka mea nona @ waa ua hapai aku la keia a hoolana @ @ muliwai. O ka muliwai nui akea no keia i kau-@na i ke komo ia e na moku nui, oia o @ @, a nana i hookui na @ pili kalepa ana mawaena o ke@ @enedoa a me ka muliwai Poto-@aka @ko o Viginia, he mau mile le-@ehu e komo ana i ka aina.

 

Aia ma na aoao o keia muliwai, aia @laila na aoao elua o ka Akau me ka Hema e aumeume nei i ka noho hoo-@alu ana i ke awawa Senedoa.

 

Ua maopopo mua ia Kale Auwana,@ aole oia e lawelawe i kekahi hana @kamai i kona waapa, i ka wa e holo @ku ai ma ke ala o ka moanawai a ma-@ ae ma ke alo o kahi halawai kipi, e@u ia mai ana kona waapa e nana a e @ahi i keia mau he@a o ke aumoe.

 

I mea e ala ola mai ai ia mau noonoo @na, ua hapuku mai la oia i ka nahele @ele a uhi maluna o kahi waapa, a he @ohu puu opala ke ano ma ka nana @ aku i lawe ia mai e ka wai mai ke kua- @iwi mai.

 

O ka ninau nui imua o kona alo i kela wa, oia keia

 

E puka laelae anei oia ma ke ala o ka moana me ka hoomaopopo ole mai o kela poe alukoa e akoakoa la ma kela halawai?

 

He hookahi a ia nei mea i kanalua ai, oia ka nui o ke ahi e a ana, a ua kiola aku kona malamalama piha iwaenakonu o ka muliwai kahi a Kale Auwana e nanao nei e holo aku ma keia huakai.

 

Iloko o hookahi minute me ka hapa, ua hooholo iho la i kona manao me kei mau olelo.

 

“Ae, he halawai kukakuka kaua keia a @ @ Kene@ L@ akoakoa @@@ O ke a@ a @ e hele aku nei, @ pa@mi ia ka make imua o ke @a @@ kolu wahi ia o ka hana, e @@ e waiwai ai kau hakilo ana i ke kulana nee mua o ka enemi. E hoao ana au me ka hoi hope ole i keia manawa.”

 

Ua hoolana aku oia i kahi waapa iloko o ke wai, a uhi iho la keia i ka nahelehele a paa pono mai mua a hope me ka hookoe ana he wahi uuku @ nak@ nona e hoho ai, a e hoopo@ hoi i kono ala e holo ai imua.

 

KONA IKE IA ANA.

 

Ua maopopo mua i ke kiu kana mea e hana ai, ina ike ia mai ana oia e keia poe alukoa a hele ia mai e huli, e hoe koke ana oia no keia aoao no kona oia.

 

Aohe a ia nei hoe ana no ka holo imua, oiai ka wai lana malie e ko ia ana e ke au moku iwaho o ke awawa @enedoa.

 

He u@le hookahi ka ia nei holo ana, ua kokoke aku la keia i kahi a ua poe alukoa la e halawai nei, a ua hiki iaia ke hoomaopopo aku i kekahi o na ukali pili kino o Kenela Ela, e haiolelo ana oia a kuhi na lima i o a ianei.

 

Aia keia iwaenakonu o ka muliwai kahi i holo ai, a o ka ia nei mea hopohopo loa i haupu ae ai i kela wa, ina ua hoonoho ia kekahi poe koa kiu ma keia aoao mai o ka muliwai kahi a ia nei i manao ai e pae aku ke alualu ia, alaila, aia malaila kona poino loa mai na aoao elua mai.

 

He mau minute keia o ka pihoihoi, a o ke kali ana a hiki mai ia manawa, oia wale no ka hana i koe ia Kale Auwana o ka hoonee awiwi ae i kona waapa nahelehele i mua o ka malamalama o ke ahi.

 

E haka pono ana ko ia nei mau maka ia uka, a ua ike pu aku keia he mau koa kiai kekahi e holoholo ana mawaho iki mai.

 

He mau lio kekahi e ku ana a i hikii ia malalo o ka malumalu o na kumulaau.

 

Ma ka ia nei hoomaopopo aku, ua hiki pono iho ka halawai i ke kahua o ka hana, ua ike aku keia i ko lakou paipai me na lima, he hoailona no ka hauoli no na olelo i hai ia aku.

 

I ko ia nei wa e kokoke loa aku nei, ua ike akula keia i kekahi koa kiai i ka hele ana mai a ma kapa muliwai, ku iho la malaila a nana pono i ka nee aku o keia mea nui.

 

He mea io no keia e hoopuiwa ia ai ka manao o kekahi kanaka oiai oia malalo o ke kauoha kiai a makaala iloko o ia manwa.

 

O ke ku loihi loa o ua wahi koa nei ma ia wahi a nana pono, oia ka Kale Auwana i hoomanao ai, e ike koke ia paha auanei oia i keia manawa.

 

Ua hapai ae ua koa la i kona mau lima iluna o na maka no ke alohilohi o ka wai i ka malamalama o ke ahi, a hoomau mai la no i ka nana pono ana i keia ulu nahelehele nui.

 

He hapalua minute o kona nana ana mai, huli aku la oia ihope a kamailio i na alukoa e malama ana i keia halawai kaua.

 

Ua lele koke ae la ua poe alukoa nei i luna, lalau i ka lakou mau pahikaua a me na pu, holo aku la ma kahi a ke koa kiai e ku ana ma kapa o ka muliwai.

 

O ko ia nei mau ake ana, e kaalo koke aku i kahi o ka pouli mamua ona, me he mea la ma ka ia nei hoomaopopo aku, ua lilo ia mau sekona a ka wai e lawe nei i kona waapa, me he mau hora la ka lohi.

 

Oiai lakou e nana pono mai ana, me he mea la ua maalo ae keia mau olelo mamua o ke kiu – Heaha ka oukou e hana mai ai.

 

Ua lohe aku la keia i ka pane ana ae o kahi aliikoa, he puu opala wale no @a i lawe ia mai e ka wai. Aka, aole ia he mea e hoopau ia ai o ko lakou manao o ka huli i ka oiaio o keia puu opala kupanaha holo i ke aumoe.

 

Ua kuka ae lakou no kekahi mau sekona a poha mai la ka leo o ke koa kiai –

 

“He-lo! Owai kela ma-o?”

 

(Aole i pau)

 

NEDE NIKONA

-KA-

Puuwai Haokila a Hooko

Kauoha Poina Ole:

-A O KA-

Holapu Hope Loa

-A KA-

“ALABAMA,”

-KE-

Ahikanana a Puhipuhiahi o ka Moana Atelanika.

 

“Elua Kupueu o ka moana,

A na O-I’a e makau nei;

O ka Alabama me ke Senedoa,

I ka uhai loloa mai mahope.”

 

MOKUNA XV.

KA AKOAKOA ANA MA KERUGA.

 

Ma hope iho o kela po a Fale me Nede, ua holo maila o ua o Nede mai Bahia mai, maluna o ka moku Amerika Alokuina, a hiki i Flushing kahi a ke Kearsarge e ku nei.

 

Ina i hoi hou aku o Fale i kahi a laua i hakaka ai he hora mahope iho, ina ua ike ia i kona hoka, oiai, aole i make kona hoa paio, aka, ua ku ae la ia a haalele iho la ia wahi.

 

O ka oi o ka pahi a Fale i manao ai oia ka mea nana e hoopau i ko Nede ola, aole i hooko ia na iini a ua powa puuwai elelele la. He oiaio, ua kau aku maluna o Nede na haawina mauleule no ka manawa, aka, aole nae i hookaawale ia oia mai ka hookui hou ana aku me Pilipi Fale ma kona alahele.

 

Ua hoaa aku la o ua o Nede e waiho ana iloko o ke koko, mamuli o ka ike ana a kekahi poe kokua, a ua hoihoi ia aku la oia a i ko lakou home, a ilaila i holoi ia ai a kau ia kona palapu me ka laau.

 

He wahi uuku loa nae koe, a ina ua make io no o Nede. No ka mea, ua hala lihi ae la ka maka o ka pahi a Fale mai kona puuwai ae, a mamuli o ka malama pono ia a me na lapaau noeau, ua loaa koke ia Nede ka oluolu mahope iho o ka haalele ana iho o ka Alabama ia Bahia.

 

I ka loaa ana o ka oluolu kupono loa ia Nede, ua hele aku la oia e huli hele a e ninaninau no Kapena Beledina, aka, aole mau lono i loaa iaia. Ua ninau aku oia i kona poe kanaka, a ua olelo mai lakou, aole i ike ia o Belodina mai kela po ana i hoao ai e puhi i ka Alabama me kana topido a hiki mai ia la; a ua makau iho la o Nede malia paha iloko o kona ano pupule, ua lawe ae oia i kona ola me kona mau lima p@noi, a he mea kaumaha ia i ko Nede noonoo.

 

O ka mea nui loa nae iloko o ko Nede noonoo, oia no kona uhaiaholo ana ia Kapena Semisa a hiki i ka hooko ia ana o kana olelo hoohiki, e hoopiholo i ka Alabama.

 

Mahope iho o ka haalele ana mai o ka Alabama ia Bahia, ua ku ae la ilaila ka moku kalepa Amerika Alokuina, a i ka holo ana aku o ia moku mai Bahia aku, ua kau akula o Nede maluna ona, me ke ake e loaa aku kekahi mokukaua Amerika i hiki ai iaia ke kipa iluna o ia moku, a holo aku e huli i ka Alabama.

 

O keia wale no ka mea hiki iaia ke hana i ko ai kona makemake, a ua paa kona manao no ia mea.

 

Nolaila, i ko lakou ku ana aku i ke awa o Flushing, ua noi koke aku la oia imua o Kapena Winslow e ae mai iaia e kepa maluna o kona moku, oia hoi ke Kearsarge, a mamuli o kana mau hoakaka a me kona kulana maikai, ua apo koke maila ua kapena nei ia Nede, a lilo iho la oia he kela no luna o ke Kearsarge.

 

Mahope koke iho o ka holo ana mai o kela moku Beritana mai Flushing mai me Pilipi Fale, ua loaa mai la ka lono ia Kapena Winslow e hiki ai iaia ke manaoio iho, ua hala aku o @ale maluna o ua moku nei, a ua wahahee kona kapena ma ka hoole ana aole o Fale iluna o kona moku.

 

A ua pakui ia mai keia lono mamuli o ka loaa ana mai iaia he palapala mai ia Fale ponoi mai, e hoike ana, aia mahope o ka hala ana o kekahi mau la, e loaa ana ka Alabama iaia ma kakahi wahi kupono, a ua kaena ae o ua o Fale maloko o ua palapala la, no ka makaukau o Kapena Semisa e hui pu me ia a e lawe pio hoi i ke Kearsarge.

 

O ka mea mua loa nana i hoohauoli i ko Fale mau maka, i ko lakou hoea ana aku i Kebuga, oia kona ike ana aku i ka moku kipi Alabama e ku mai ana, a ua awiwi aku la ia a kau iluna o ia moku.

 

Ua apo pumehana ia aku la oia e Kapena Semisa, aka,  o Lutanela Balea ua piha ia oia i ka nauki a me ka hoowahawaha no ua Fale nei i ko laua hui ana he alo a he alo.

 

“Aole au i hoohokaia,” wahi a Fale, a waiho aku la ia imua o Kapena Semisa i kana buke hoomanao ana i heluhelu ai ia Kapena Welinetona o ka moku Beritania, A hoomaka hou ae la oia e kamailio:

 

“Ua loaa aku ia’u he mokukaua Amerika maloko o ke awa o Flushing, a he kapena Amerika kona i ake nui e paio hooukaua me kakou.”

 

“oia kona makemake?” wahi a Kapena Semisa. “Alaila, ma o na lani la e loaa ana iaia ka piha o kona opu ke holo mai oia ianei. Ke manao nei au, e hoouna aku i palapala aa iaia, e kono aku e paio,” a hoomakaukau iho la ua Kapena Semisa nei i kana mau mea kakau.

 

“Me he la he makehewa ka hoouna ana aku i palapala kono o ia ano, no ka mea, ua waiho aku nei au he palapala na Kapena Winslow o ua moku kaua nei, a aia i ka manawa kupono e loaa aku ai iaia o ua palapala nei, e hoike aku ana i ko kakou wahi a me ka manawa e loaa ai iaia. Alaila, na ke Kanikela Amerika a i ole na ke Kuhina noho ma Enelani e hai aku iaia i ko kakou wahi e hui ai; nolaila, me he la, e imi mai ana @o kela ia kakou, a e hookui ana na ikaika o kakou.”

 

Owaka ae la na maka o ua liliohae nei o ka Alabama me ka hoihoi, e hoike mai ana i kona ake nui e hiki mai ia manawa.

 

E hoomaopopo ia ma keia wahi, na Kapena Semisa no i hoouna ia Fale e hele ma ke ano kiu ma na awa o Europa, e imi a hoike mai iaia i kahi o na moku Amerika i hoolulu ai, a pela oia i hiki ai iluna o ke Kearsarge maloko o ke awa o Flushing.

 

He ekolu la mahope iho o ko ua o Fale hiki hou ana iluna o ka Alabama, i ka wa a na kukuna o ka la i napoo aku ai, ua lele aku la oia ma kekahi aoao o ke kulanakauhale, ma kahi hoi e kokoke ana i ka halepule o La Tiriniti.

 

Ina aia o ruta a me kona makuakane ma ia mahele kahi i noho ai, a laila, he mea maopopo e loaa koke ana no laua iaia, oiai, he kakaikahi loa na Amerika ma Kebuga iloko o ia mau la, a e lohe koke ia ana no hoi ko Fegusona inoa e ka lehulehu.

 

O ko Fale hiki mua loa ana keia ma keia kulanakauhale aekai o Farani, aka ua kamaaina nae ia mamuli o na mea i hai ia aku iaia e ka poe i hiki mua ilaila.

 

Hele aku la ia a hala ma kela aoao o ua halepule nei, a komo aku la iloko o kekahi hale hookipa, a hoomaka aku la oia e nieniele a me na hoohuahualau no na mea ana e imi nei, oia hoi o Ruta me kona makuakane Fegusona.

 

Ua hai ia mai la iaia ko laua wahi e noho ai, me ka hoouna pu ia o ke keiki elele o loko o ua hale hookipa nei e hele e kuhikuhi ia Fale i ka hale.

 

Hele aku la laua a hiki i kekahi hale a hoike mai la ua keiki nei o ka hale ia. Hele aku la ia a ku i ka puka a huki ana iho i kona papale a nalo kona mau maka.

 

Na ka leo o ka bele i kahea aku i ko loko poe, a wehe mai la ka puka a ike koke aku la ua o Fale i ke kino maloeloe a me na helehelna nohenohea o Ruta e ku mai ana i ka puka.

 

HE KAAO

-NO-

HAPAIKALA –

Hapaikamahina

KA HUA OHIA NANI

I LOAA MA KA

Piko Mauna o Farani

Ka Ui nana i Kakele ke Aupuni o ka Lihilihi o na Manu.

I Kokua ia e HULUPAINA kona Pokii

Unuhi ia e Moss Ma’u

 

            Ia wa no i lalau iho ai ua koa opio nei i kana buke iloko o ka pahu kaima na a wehe ae la i na kui he 12 e omau ana ma ke poo a ia manawa no hoi i oili ae ai kona lio a haa ana imua o kona alo me na pono kaua a pau loa, a pane mai la.

 

            Heaha kou makemake e kuu haku opio?

 

            Pane aku la kona haku, ua makemake wau e hele kaua e luku i na koa o Momiana i keia hora.

 

            Pane mai la ka lio, e pai ae oe ma kuu pepeiao akau a e oili mai no kou mau pono kaua a pau, alaila hele kaua e paio me na koa o Momiana.

 

            Ua hooko aku la ke koa opio e like me na olelo a kona lio, a he manawa ole waiho ana na mea a pau imua o kona alo, a komo mai la oia i kona kapa kila a mawaho iho kona kapa kila a mawaho iho kona kapa pouli i mea hoi e pale aku ai i ka ike o na maka o ka luna kiai puka.

 

            Ia manawa oia i kau ae ai maluna o kona lio a kahea iho la ma ka inoa o kauai keleawe e hemo ka ipuka a ia wa i oili aku ai ke koa opio mawaho o ka puka me ka ike ole mai o ka mea kiai i ka hemo ana o ke koa opio.

 

Ua kakele aku la ke koa opio no kahi a Momiana e nee mai la me kona puali koa, me ko lakou manao ole ae, eia mai ke kaeaea o na kakai mauna o Farani ke hele aku nei e luku ia lakou a pau.

 

Iloko o na sekona helu wale no, ua hui ae la ke koa opio me na koa o Momiana a wehe ae la oia i kona koloka pouli a ia wa no i ike mai ai lakou i keia naita e kau ana maluna o kekahi lio nani loa, a ua lele like mai la lakou ma luna o ka kakou koa.

 

Ia wa i hopu iho ai ke koa opio i kana mau ihe eha e kau ana mamua o kona noho a kiola aku la he elua ihe ma ka aoao akau a he alua ihe ma ka aoao hema, a e luku ana hoi lakou me ka weliweli nui i na koa o Momiana, a ia wa no hoi i wehe ae ai ke koa opio i kana pahi a hoomaka aku la e luku i na mea a pau e maalo ae ana mamua o kona alo, a ua like hoi kana pahi me kekahi lua mimilo nui e omo ana i kekahi wai iloko ona, pela okoa iho la no ka poino nui i ili aku maluna o na koa o Momiana, a o na ihe hoi, ke luku mai la no hoi lakou, a e ahu mokaki ana na kino heana o na powa ma kela a me keia wahi o ka honua me ka manaonao.

 

He hapalua hora keia paio ana, ua emi hope aku la na powa, aole e hiki ia lakou ke nee hou mai imua, oiai, ke luku aku nei ke koa opio me ka weliweli nui

 

Iloko o ka wa a Momiana i ike mai ai i keia kanaka hookahi e luku ana i kona mau koa, ua hoomanao koke ae la no ia o ke keiki no nana i hoohoka iaia i kela po, a kahea mai la oia i kona mau koa e hooikaika, me kona manao e lanakila ana kona mau kanaka maluna o ke koa opio.

 

Ua hoomau aku la no ke koa opio i ka paio ana, a i ka piha ana o ka hora me hapa, ua pau loa iho la na koa o Momiana i ka make.

 

I ka ike ana o Momiana i ka pau loa o kona mau koa i ka make, ua hoomaka aku la oia e holo i ke kuahiwi e imi ana i wahi nona e pakele ai.

 

Ua luku aku la ke koa opio i na koa a hiki i ke oneanea ana a koe wale no ke alii powa Momiana no kona holo malu ana mamua.

 

I ka ike ana o ke koa opio i ka pau o na koa i ka make, ua hoohule ae la oia i kona lio a holo aku la no ke kuahiwi e aahu ai i kona koloka pouli i ike ole ia mai ai oia e na mea a pau a i hiki hoi iaia ke hoi i ka halepaahao me ka ike ole ia mai e na mea a pau a me ka luna kiai.

 

I ka wa e ke koa opio e holo ana, ua hoomaka mai la na kanaka a me na keikialii eha e alualu mahope, ua makemake lakou e ike pono i na helehelena o ke koa nana i hoopakele i ke aupuni o Perusia, eia nae, aole i hooko ia ko lakou makemake, ua hala mua aku la ke koa opio no loko o ka halepaahao.

 

Ua hoi aku la no ke koa opio a maloko o kona rumi a noho iho la no e like me mamua.

 

O kela poe hoi e huli ala iloko o ka ululaau, ua noke lakou i ka huli a aohe wahi mea a loaa iki, a oia ka ua mau keikialii nei i hoopuka ae ai, ina o ka ikaika o kela keiki no kakou, ua hiki loa ia kakou ke kaapuni ma na wahi a pau o ka honua, a ina e @ au puni a pau, e hiki no ia kakou ke lawe pio, a he laki no hoi me ia, a ina e lilo i aikane na kakou, alaila o ke ko ana no ia o ka’u mea e lia nei, wahi a ke kaikialii o Ikalia.

 

Heaha kau mea e kuko nei, wahi a kekahi poe keiki.

 

Pane aku la ua keikialii nei o Ikalia, eia hoi paha ko’u manao la, ina hoi e ae mai ana ua keiki nei i aikane na kakou, alaila e noi aku no wau iaia e kii maua i ke kaikamahine alii o Sepania i wahine na’u, oiai, he kaikamahine ui loa ia i akena ia e kona aupuni, a ua hiki pu mai kona kii eia no ia’u kahi i waiho ai, a ua kilohi au maluna o kona kii he mea oiaio ka kona aupuni i akena ai.

 

Auhea ua kii nei, wahi a kekahi mau kekialii i ninau mai ai.

 

Huki ae ua keikialii nei o Ikalia i ke kii mailoko ae o ke kuka a hoike aku la i kekahi poe keiki. Pane mai la kekahi poe keiki, he laki ke loaa ia oe keia kaikamahine, pehea la e hiki ai oiai ua male mua oe i keia wahine.

 

O, ua hiki ia’u ke malama ia laua a elua ke ko kuu makemake e lilo keia keiki nana i luku iho nei i na powa i aikane na kakou, alaila, e lilo no ia’u ke kaikamahinealii o Sepania, a ina aole e ae mai kona makuakane i ke noi, alaila e kauoha no wau i ke aikane a kakou e luku ia Sepania.

 

Maanei e waiho ai kakou e ka mea heluhelu no na keikialii eha, oiai aia aku la ka manao o kahi keiki o lakou no ka ui nohea Sepania, a e huli ae kakou a nana i na manao o ka moi Finita.

 

I ka hiki ana aku o kana mau hunona imua o kona alo, ia wa no, ninau mai la oia: Ua ike aku nei oukou i na helehelena o ka mea nana i luku na powa.

 

Ua hoole aku la kana mau hunona e like me na mea i hoike ia ae nei maluna mai ka mua a ka hope.

 

Ua noonoo nui ka moi no keia mea, oia hoi pehea la oia e ike ai i na helehelena o keia mea nana i hoopakele i kona aupuni, a hele aku la oia a imua o kana wahine e kuka ai, pehea la laua e ike ai i na helehelena o @ mea nana keia mau hana hookalakupua.

 

A oia ka kana wahine i pane mai ai, peneia paha kaua e hana ai, e kauoha aku oe i na kilokilo, kuhikuhipuuone, a me ka poe naauao loa o ko kaua aupuni nei, alaila, e nin@u aku kaua ia lakou, malia o hiki ia lakou ke hoike mai.

 

Ua hooko akula ka moi e like me ka kana wahine i olelo mai ai, a emoole no hoi, ua piha kui mai la ka paalii i na kilokilo o kela a me keia ano na kuhikuhipuuone a me na kanaka naauao o ke aupuni, a ku maila ka moi imua o lakou a pane maila.

 

Imua o oukou e na kilo naauao o ke aupuni, ke ninau aku nei wau imua o oukou a pau loa, oiai e waiho aku ana au imua o oukou i kekahi ninau pohihihi loa, a oia keia:

 

Owai la iwaena o oukou e hiki e hai mai i na helehelena o ka mea nana i luku na powam a nohea la ia keiki, a no ke aupuni hea mai la ia, a auhea la oia i keia wa, a eia no paha oia iloko nei o ko kakou aupuni aole paha, a ua hele aku paha oia no kekahi aupuni okoa e pono oukou e hoike mai.

 

Ia manawa no i ku like mai ai na kilokilo a me na kuhikuhipuuone a hoole mai la: Aole makou i ike, oiai ua hoonalowale ia aku ia mai ka makou mau mea ike aku.

 

I ka hoole ana mai o keia poe a pau ia wa no i ike ia aku ai kekahi wahi kanaka uuku i ke komo ana mai, o ke kiekie o keia wahi kanaka he elua kapuai me eha iniha a he ano like no hoi me Kaipualehu, a hele mai la oia imua o ka moi a haawi mai la i kona aloha.

 

Ua panai aku la no hoi ka moi i kona aloha imua o ua wahi kanaka nei.

 

Ia wa no i nana ae ai ua wahi kanaka uuku nei a puni o loko o ka hale, a pane aku la imua o ka moi. Heaha ka hana a keia poe e noho nei imua o kou alo alii?

 

Pane mai la ka moi. O keia poe a pau loa, he poe kilokilo lakou a pau loa, no ka loaa ana ia’u o kekahi ninau ano nui oia ke kumu i kauoha aku nei ia lakou a pau e hele mai imua o’u e hai mai i ua ninau ala.

 

Heaha ia ninau au i hai ai imua o lakou, wahi a ua wahi kanaka nei i ninau aku ai imua o ka moi.

 

Ua hai aku la ka moi mai ka mua a ka hope e like me na mea i hoike mua ia ae nei.

 

Pane hou aku la ua wahi kanaka nei a pehea ka lakou hoike ia oe, ua hoike mai anei lakou i ua keiki nei a me kona wahi e noho nei ma kou aupuni.

 

Ia wa pane mai la ka moi, ua hoole mai nei lakou ia’u, ua hoonalo ia aku ka ua mea la mai ka lakou mea ike aku.

 

Pane mai la ua wahi kanaka nei, ina pela mai malama hou oe i keia poe i poe kilokilo no kou aupuni, oiai aole e hiki ia lakou ke hoike mai i na pea pohihi e like me kau mau ninau ia lakou, o ko lakou ike, aole i lawa ke hoohana ma ke ano kilokilo, he nalo ka mea e loaa.

 

I ka lohe ana o ka poe kilokilo i keia olelo a kahi kanaka uuku ua nui loa ko lakou huhu, a pane mai la, ua loaa no ia ia oe e kena wahi ukulele, nele ae la no ia makou okiloa aku ia oe e kena wahi ukulele.

 

I ka lohe ana o ua wahi kanaka nei, pane aku la oia i ka moi, ina he makemake kou e pau kuhihewa, alaila he hiki no ia’u ke hoike aku ia oe mai ka mua a ka hope me ka oiaio.

 

Ninau aku la ka moi, owai kou inoa?

 

O Alesetela ko’u inoa, ke kilokilo kaulana o ke aupuni o Hebera, ua hiki ia’u ke huli i na mea pohihi a pau loa, mai ka papaku o ka moana a hiki i na ao o ka lewa a o ka mea a oukou e hoohuoi nei oia no ka’u e hele nei ma na aupuni a pau e wanana ai, a o ke aupuni e hoolohe ole mai ana i ka’u, ailaila he make mainoino ke kau aku ana maluna o lakou.

 

Iloko o ia wa i ninau mai ai ua moi nei owai ua keiki nei @a ihea ua keiki nei kahi i noho ai i keia manawa,

 

Pane mai la kahi Alesetela, o ua keiki la, ua hiki mai oia i ko oukou aupuni nei a ua hana aku oe i kekahi hana pono ole maluna ona.

 

Na’u ponoi i hana i kekahi mea pono ole, wahi a ka moi i ninau aku ai ia Alesetela.

 

Ae, nau ponoi i hana aku i kekahi hana pono ole maluna o kona kino, a ua laki nae oe a me kou mau makaainana i ka huhu ole o kele keiki, a ina e huhu kela keiki, alaila, hookahi mea e koe e ola ana maluna o ka lepo o Perusia nei, wahi a Alesetela.

 

Ia wa i pane mai ai ka moe, he keu oe a kahi kanaka uuku a ka hoopunipuni nui wale, aole paha a’u keiki i hana ino ai i hiki mai i ko’u aupuni nei, wahi a ka moi.

 

(Aole i pau.)