Ka Nupepa Kuokoa, Volume XXVIII, Number 17, 27 ʻApelila 1889 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXVIII, HELU 17.               HONOLULU, POAONO, APERILA 27, 1889.

 

HOOLAHA LOIO.

 W. R. KAKELA

A HE KOKUA MA KE KANAWA

He Luna Hooiaia Palapala

tf.

 

WILDER & CO (WAILA MA.)

Mea kuai papa a me na lako kukulu hale na ano a pau, a me na me na pono a pau ka hale.

Kihi Alanui Moiwahine me Papa.

 

CECIL BROWN.

LOIO A HE KOKUA MA KE KANAWAI?

he Agena Hooiaio Palapala no ka Mokupuni o Oahu

Keena Hana: Ma alanui Kalepa.

tf.

 

A ROSA (AKONI.)

LOIO A HE KOKUA MA KE KANAWAI

He Luna Hooiaio Palapala.

KEENA HANA: Ma ke Keena Loio Kuhina.

tf.

 

WILLIAM C. ACHI.

@ he kukoa ma ke kanawai imua o na @ Aupuni.

He Mea Ana Aina a he @ka ma na @ wa @ paa.

@ Hana, Helu 15, Alanui Kaahumanu

@ ke KOeni @ua iho nei o Kini @   2114-y

 

GEORGE P. KAMAUOHA.

He Loio a he Kokua ma ke Kanawai

A HE MEA

ANA AINA.

@@ no ma K@haia Akau, Hawaii.

2001 1y

 

PACIFIC HARDWARE COMPANY

Na Hope o Pilinahama Ma.

Mau Mea Kuni Lako Hao

Alanui Papu Honolulu

 

HALEKUAI BIBI HONOLULU

@H @ N@ M @ndles.)

H@ AIN@ MOIWHINE. MAK@K@

MA U@AKO KO.

            Na Ribi momona, Hipa, Puaa me Ia, na lako ai @l@ & co.

            O na kauoha a na ohana a me na moku mai @ hooko koke ia no me ka eleu a me ka hikiwawawe.

            O na holoholona ola no na moku e hiki no ke hooko koke @a.

            Telepone Helu 212.                 2185.tf

 

E G. HITCHCOCK.

(AIKUE HIKIKOKI).

LOIO A KOKUA MA NA MEA A PAU E

PILI ANA MA KE KANAWAI.

E oki ia no na @ila Ai@, mo@kaawiwi

HILO, HAWAII.

2114.1 yr.

 

JAMES M. MONSARRAT.

(MAUNAKEA.)

LOIO A HE KOKUA MA KE KANAWAI

He Luna Hooiaio Palapala.

            He hana ia no na Palapala Kua@, Palapala Hoolimalima, a me na palapala pili kanawai e @e ma ka olelo Hawaii. Dala no ka hoaie ma ka moraki ma na waiwai pua.

            KEENA HANA : Hale Pokaku hou ma ka aoao ma Waikiki o ka Halewai. Alanui Kalepa.

 

HOOLAHA.

            E ike auanei na kanaka a pau ma keia, ua lilo mai iau ma ke kuai mai a Antone Sylva mai o Waikapu, ka huina o na bibi h@ @oo, ma ka la 24 o Ianuari, 1889.

            AH SIN YOU.

 

            Kipahulu, Mar. @8, 1889.

            @7 4@

 

 

Umeke Poi!

Umeke Poi!!

            Ua loaa mai he mau Bakeke Umeke Poi o ke ano hou, i hawale ia me ke apo hao, a o ka ai e komo ana iloko o keia ano umeke, oia ka helu ekahi o ka mikomiko, aala a me ke onaona.

            E kipa mai ma kahi o

            KAKELA ME KUKE.

            Alanui Moi.                 2221-3@

 

NEDE NIKONA

—@—

Puuwai Haokila a Hooko

Kauoha Poina Ole;

—AOKA—

HOLAPU HOPE LOA

—A KA—

"ALABAMA,"

—KE—

Ahikanana a Puhipuhiahi

o ka Moana Atelanika.

"Elua Kupueu o ka Moana,

A na O la e makau nei;

O ka Alabama me ke Senedoa,

I ka uhai loloa mai mahope."

            A hookuu aku la ua Lutanela Balea nei i ka poohiwi o Fale, a mio aku la ia a nalo ma kekahi wahi okoa o ka moku me kona manao moino no ka Luta nela.

 

MOLUNA XIII.

HE KIU KAMAEU.

            I kekahi la, he aneane paha hookahi mahina mahope iho o kela manawa i hoike ia ae la ma kela mokuna, ua hookomo aku la kekahi moku nui iloko o ke awa o Flushing, Holani, me ka welo o ka hae hoku Amerika ma kona mau kia.

            Ua hoolilo ia keia moku i mea kamailio nui ia e ka lehulehu, a i hooi loa ia aku hoi mamuli o ka lohe ia ana ae he huakai kaapuni kana i na moana e huli ana i ka moku kipi Alabama, a nolaila, ua tausani na kanaka o na ano lahui lehulehu i holo aku iluna ona e makaikai ai.

            Ua kaulana koke aku la ka inoa o ua moku nei oia no ka moku "Kearsarge," Kapena Winslow, a ee oiaio ua loaa pu iaia ke kauoha e paio kaua aku i ka Alobama i ka manawa mua loa e loaa ana iaia.

            Mawaena o na kanaka e makaikai ana i ke kulana o ke Kearsarge mai uka mai o ka aina, he kanaka opio kekahi, nona na makahiki i hiki aku i ke kanakolu kamamalima.

            "He moku hiohiona pukonakona pukonakona kela; a me hela e hanu aku aana no oia a loaa ka Alebama. E hola paha au iiuna e makaikai ai ia loko. Malia paha he makemake sela hou ko lakou, alaila kepa au."

            O ua kanaka nei keia e kamailio nei iloko iho ona, a hoomaka aku la ia e hele a hiki i ka uwapo, a he pili ana he waapa o ua moku nei, a halawai koke aku la ia me kekahi o no aliimoku i holo mai maluna o ua waapa nei.

            "He makemake kanaka hou no anei oukou?" wahi ana i ninau aku ai.

            "He makemake anei oe e kepa?"

            "Ae." i pane aku ai ua kanaka nei.

            "Ua kepa iho nei makou hookahi kanaka i ko makou hiki ana mai, aole i maopopo iau ina he makemake kanaka hou ko makou kanaka a me ka ole," wahi a ke aliimoku.

            "E hele no paha e ninau iaia," wahi a ua kanaka nei.

            "He hiki no ia oe ke hoao, na keia waapa e lawe aku ia oe."

            Ia manawa ua kau aku la ua kanaka nei iluna o ka waapa a hoe ia aku la iluna o ka moku Kearsarge.

            I kona hiki ana aku iluna o ka moku, ua hookipa loa ia aku la oia iloko o ke keena o ke kapena, a ku ana oia imua o Kapena Winslow, he kanaka kilokila me na maka hiehie nona na makahiki he kaualima kumamakolu, e noho ana imua o ke pakaukau i luuluu me na palapala kuhikuhi aina a me na moana.                   

            Kau mai la na maka o oa kapena nei iluna o ke kanaka opio a liuliu iki, pane mai la:

            "Ua hoike ia mai nei iau ua makemake oe e komoapu mai me makou ma keia oihana?"

            "Ae, ina he wahi kekahi no@"

            "Owai kou inoa?"

            "O Uilama Barina," i pane aku ai ke kanaka opio.

            "Ihea kou wahi i hanau ia a@""

            "Ma Katalonia. Sepania."

            "Ka. he kanaka Amerika oe."

            "Ae: e noho ana kou mau makua no kekahi manawa no Sepania i kou manawa i hanau ia ai."

            "Ehia ou mau makahiki?"

            "He kanakolu kumamaha."

            "Ua hele no oe ma keia oihana mamua?

            "Ua hele no, he uuku loa nae:" a mino aka iho la ua Uilama Barina nei.

            "Aole hiki iau ke olelo ae me ka maopopo he wahi kekahi au e hoono ho ai ia oe. Aka, malia o makemake makou i mau kanaka hou ma keia hope koke iho. He ake nui anei kou e hana malalo o ke Aupuni Amerika?" i ninau aku @i ke kapena.

            "Ina aole ou ake nui, alaila, he mea maopopo aole au e hiki mai nei ianei," wahi a ke kanaka opio,

            Ua lilo keia pane i mea maikai i ka noonoo o ke kapena, a pane mai la:

            "Alaila, ua hiki ia oe ke noho iluna nei. He mau ukana no kou?

            "O kau a pau ke ike mai la oe, aohe mea hou aku." wahi a ke kanaka opio.

            "Ailaila, e hoomakaukau koke ia aku ana kou hoapaa a kakau inoa ana iloko o keia oihana," a huli ae la ke kapena e nana i kana mau palapala aina, he hoike hoi ua pau na kamailio hou ana aku.

            Me ka hauoli e kau ana iluna o kona maka, haalele aku la o Uilama Barina i ke kapena me ka haawi mai i ke aloha, a hele aku la oia e makaikai i na wahi a pau o ka moku. Aole loa oia i hoohala i ka nana a hoomaopopo ana i kela me keia wahi, a o na lako kaua kana wahi i nana pono loa.

            "Hauoli au ina me au ka topido a Kapena Belodina i keia wahi, he hiki        iau ke hoopuiwa i na olelo e, a e hoopuehu liilii hoi i keia moku kaua Amerika. He hana ko keia i kahi ou e pilikia ai, ke komo ana e lilo i luina no keia moku, aka, o ke alanui wale no ia e hiki ai iau ke nana a ike i ke kulana o kona ikaika. E nana ia ana oia e au a pau pono mamua o kou haalele ana iho, a ke halawai pu oia me ka Alakama, ua maopopo mua ia Kapena Semisa kahi e haawi mai ai i ka ikaika o kana mau pu."

            I ka napoo ana aku o ka la, akahi no a pau pono ka loa a me ka laula o ka moku i ka makaikai ia e ua kanaka opio nei, ka mea hoi i kapa iaia iho o Uilama Barina. Ua pii aku la ia iluna o ka oneki a e nana ana i na i-a a me na likini.

            "Ua makaukau au nou, no ka hoopaa ana i kou inoa," wahi a kekahi leo i pane mai, a huli ae la ia a ike aku la i ke aliimoku ana i hui mua ai iuka o ka aina, oia ke aliimoku nana e hoopaa i ka inoa o ka poe komo hou.

            Alakai ia aku la ua kanaka opio nei a hoea i ka lumi oihana, a hala ae la he mau minute, hoea hou mai la ia maluna o ka oneki ua komo i ka aahu kapa manuwa Amerika, ua kepa iho la ia        iloko o ka orhana kaua moana o ka Akau, i hiki ai iaia ke nana a hoomaopopo i na ano a pau o keia moku kaua ikaika. He hana keia na ke kanaka koa, a o keia kanaka he kipi oia, a ua          aa oia e hana i na mea a pau o ia ano.

            "Ua hoihoi aku nei au i kou wahi e moe ai ma ka aoao o ka kanaka hou a makou i kepa iho nei," wahi a ke aliimoku. "A e ike ana oe he kanaka maikai a oluolu oia. He elua ae nei no ona la o ke koma ana mai; nau olua e hoolauna aku, e Mr. Barina."

            Alakai ia aku la ua Mr. Barina nei malalo o ka malamalama o ke kukui aniani, a i ka hiki ana i kahi i manao ia, ku iho la ke aliimoku, a kahea aku la:

            "E Nede Nikona, o keia kou hoa, a ke hoolauna aku nei au iaia; o Mr. Barina," a haalele iho @a ia laua.

            Nede Nikona! I ka lohe ana o ua kanaka opio la i kela inoa, ua kuio koke ia mai la kona nponoo me ka hikilele. A no keaha ia mau haawina ano e?

            Haawi aku a o Nede Nikona i kona lima a pane aku la: "Hauoli au i ka i ka launa ana me oe e Mr Barina."

            Me ka huna @ ua Barina nei i kona mau hiohiona malalo o ka malu o ke aka i haawi aku ai oia i kona lima a lulu pu iho la me Nede, a i ka pau ana, ua nee koke aku la oia malalo o kahi pouli.

(Aole i pau.)

 

Kale Auwana

—KA—

Lima Puupuu Hao-Kila o

Vireginia;

—A O KE—

KIU A SERIDANA

—MA KE—

Awawa Malu-make o ke

            Senedoa.

He Moolelo no ke Kaua Kuloko o ka

Akau me ka Hema.

MOKUNA II.

ILOKO O KA EHUEHU O KA HOOPUNI IA.

            I ka wa a Kapena Hawika e nana ana ma ka ipuka-ki o kela rumi, ua pane mai la ke kiu Jackson,—

            "He mea kanalua ole ke komo o kekahi iole kanaka elua wawae ma keia ipuka. Ua manao au, ua komo io iho nei no paha ma keia wahi e like me ke ano mau o na iole—aohe lua poopoo poe ole."

            Pela no ko @," wahi a Hawika i pane ae ai, huli ae la i na kamaaina a me na koa a haawi i kana kauoha huli—

            "E huli ia na poopoo a pau o keia hale ma kahi hiki i kekahi iole ke komo a noho."

            Ua wehe ia aku la ka puka, a komo mai la na koa iloko me ka lakou mau pu a me na pahikaua e kuhi pololei ana imua.

            O na iniha a pau o ka hale, ua nana a huli ia e ke akahele loa na rumi a pau, a oia ka na poe o ka hale i manaoio ai, ina ua komo aku kela kiu Amerika iloko o ko lakou mau ukana a me na pahulole, he mea kanalua ole kona loaa pono aku i na koa o Hawika e noke nei i ka huli.

            Ma keia wahi e na poe heluhelu, akahi no kakou a hiki mai i kahi o ka mea nona ka moolelo, a o ka ninau a kakou e ui ae ai, aia la oia mahea i keia manawa.

            E like me ke kanaka i hoomaopopo mua no kana hana e hui aku ai, pela no oia i ike mua aku ai i na pilikia mamua o kona alahele.

            Ua ike mai o Kale Auwana i kela emi hope ana a Hawika iloko o ka hale, a ua haupu koke ae oia, he hana nui kana o ka emi honua a nalowale i kela wa.

            O kela kiu paele Jackson o ka aoao Hema, aole oia i kamaaina iaia mamua a hiki i ua po la, akahi no oia a hoomanao ae, ua ike lihi oia iaia he mau la mamua aku iloko o ka laina kaua o Kenela Seridana.

            Oiai oia e ku ana ma ke kihi o kela hale me ka manao e emi hope aku no kekahi kulana hou, ua hoopuiwa nui ia o Kale Auwana i ka ike ana aku i na koa lio e holo mai ana me ka mama a hoopuni ia kahi hale.

            O ka mea hiki iaia ke hana i kela wa, oia ke komo aku iloko o ka hale me ka ike ole mai o na kamaaina iaia, nolaila, ua hooholo iho la oia i kona manao e komo iloko o ka lanai.

            He alanui pii ke moe ana iluna, ua pu aku la keia a hapalua like, noho iho la malaila a nana i ke komo ana aku o Hawika me no koa.

            O na olelo a ke Kapena i pane aku ai i na poe e noho ana iloko, ua lohe pono aku la o Kale Auwana i ke kumu o ka lakou @uakai o ka hiki ana mai i keia ahiahi, e huli ana iaia a hopu @io aku.

            He elima minute kona hooholo ana i kona manao, a pii loa aku la oia no ka hale o luna.

            O na lima me na wawae a me ka hoonakeke ole. hiki ana keia iluna, a iloko o ko Kale Auwana kahaha nui, ua ike iho la keia, o na kua wale no ka i hoomoe ia aohe papahele, a ua kapili ia ka aaho malalo a hamo pu ia e ka puna.

            Ina keia e hehi aku ana mawaena o ke kowa o na kaola kua, he mea maopopo e helelei liilii ana ka pale-puna a haule pahu aku i ka hale o lalo, kahi a Hawika a me kona mau koa e noke nei i ka huli.

            Ua wehe ae o Kale Auwana i kana ipukukui hele po a hoolele aku la i ka malamalama ia loko o ka hale, a ike pono aku la oia, aohe ona wahi e hiki ai ke pee iho, ina e huli ia ana ka hale o luna.

            Iloko o keia manawa i lohe ia aku ai ka leo o Hawika i ke kauoha ana ae i na koa e pii e huli i ka hale o luna i keia wa.

            Ke pii mai nei o Hawika me na koa a oia ko Kale Auwana wa i apo aku ai he elua poke laau a kokolo aku la maluna o na kaola kua o na lima me na wawae.

            Me kekahi aoao o ka rumi, ua kikepa ae la oia i na poke laau elua, a komo iho la kona kino mawaena o na kaola, me kona mau lima a me na wawae e puliki paa ana i na poke laau.

            He manawa ole, ua hiki mai la o Kapena Hawika ma a poha ana ka malamalama o ke kukui maloko o na paia o ua rumi nui la, oia ka Hawika i pane ae ai—

            "He hale papahele ole ka hoi keia?"

            Ua pane pu ae la ke kiu Jackson i keia mau olelo—

            "Aohe ou manaoio, e hiki i kela iole kanaka o elua haneri paona ke kaumaha e paa i na aaho pale puna o keia papahele, ke ole e nahaha liilii a haule pahu aku ilalo."

            "Pela no kou manao like," wahi a kekahi koa i pane ae ai.

            Mahope o ko Hawika nana pono ana ia loko o ua rumi la, ua ike aku la oia i kekahi alanui pii kamana e ku ana ma kekahi aoao o ka rumi, a he puka ko luna loa e hiki aku ai i kaupoku.

            Ua hoolohe ia ke kauoha i kela wa, a oia ka ke koa i hele hehiku ae ai ma na kaola kua a hiki ma kahi a ke alapii e ku ana.

            Me ka hookaulua ole ua pinana aku la oia iluna a hapalua like, ua kapeke ae la kekahi wawae o ke alapii, a nolaila, ua haule mai la ua koa nei me ka walawala ana a pa pono kona kua i ke kaola.

            He halulu a me na uwala liilii ana o na aaho a me ka puna, haule pahu aku la ke koa no ka papahele o lalo iloko o ka ehaeha nui.

            O kahi a Kale Auwana e paa nei, ua kokoke loa i kahi a ke koa i haule aku la, a no kona kaumaha a me ka hemo ana o kekahi poo o na aaho, ua halulu hou a uwala liilii ae la ia aoao, a haule aku la ke kiu Amerika iluna o kekahi bela moe i ka hale o lalo, me ka ike pu ana mai a Hawika i kela kino kanaka elua i walawala aku la.

            "Aia ke kiu Amerika i haule aku la ilalo," wahi a Hawika a pau mai la lakou i ka naholo no ka hale o lalo me ka awiwi nui.

            Mamua o ka hiki ana ia laua ke kamailio i hookahi huaolelo, ua lele koke aku la o Kale Auwana maluna o ke koa a paa kona a-i a me ka ikaika o kona mau lima, onou la oia i ke poo malalo o ka moe iloko o keia eha hou ona.

            Ke iho mai nei o Kapena Hawika ma me na koa no ka hale o lalo, oia ka manawa a Kale Auwana i lele aku ai mawaho o ka pukaaniani a hoolohe i ka lakou mea e hana ai.

            Ua hiki mai la o Hawika ma a malalo o kela wahi i nahaha, ua hoani ae la lakou i ke kukui me na maka e ha-lo ana ma na wahi a pau o ua rumi nei, a iloko o ka pihoiphoi nui, ua lohe ia ka leo nunulu o kekahi kanaka malalo o ka moe.

            Ua nana koke iho la o Hawika malalo o ka moe a ike i keia kanaka e moe nei, oia kana i pane ae ai—

            "Eia ua kiu nei malalo o ka moe kahi i pee ai. Homai ke kukui."

(Aole i pau)

 

Kau Lio Mazepa

—A I OLE IA. KA—

Noeau i ke Kii'na

Kipuka-ili.

Ke Kamahele ma na Kula

Laula o Nubarasaka.

KA IKE IA ANA O KA WAHINE KAU

LIO MAZEPA.

            I ko laua nei wa i hoomaka aku ai e alualu i ka wahine kau lio keokeo, ua haalele loa aku la ke kaikamahine i kona makuakane ihope, a e hoomau ana oia i ka pili kokake aku mahope o ka lio keokeo.  

            Ua wehe ae o Ata i kana kipuka ili a e paa ana ma kona lima, oia ka wa o ua lio la i huli ae ai a holo pololei aku la no kahi pupupu hale a Lusiana ma e noho nei.

            Ua hoike maopopo mai ka lio keokeo i kona maluhiluhi nei, a ua holo pupule oia me ka hoomaha ole no kekahi mau hora loihi mamua o ko lakou halawai ana.

            He mau minute wale no ia a ke kaikamahine i kuu pau aku la i ka holo o kona lio, ua pili aku la ma kona aoao, a poha mai la ka leo o ka wahine kau lio i keia mau huaololo—

            "E hoopakele mai iau! E hoopakele mai iau!"

            Ua hoohaalulu ia ka puuwai o ke kaikamahine i kela mau olelo, ua wili koke ae la oia i kana kaula a hoohei i ka a-i o ka lio keokeo, a hookahi koo ana a kona lio, ua paa iho la ka lio o ua wahine nei.   

            O keia mau hiohiona pahaohao, ua ike mai la o Lusiana i na hana wiwo ole a kela kaikamahine opio e paa ana i ka wahine kau lio pio me kana kaula i hawele ia ma ka makuu o kona noho paniolo nui.

            Ua haawi ae o Lusiana i kana kauoha hope loa ia Sako e komo oia iloko o kona luakupapau ana i ele ai a o Pekekona hoi, ua kanu iho no oia iaia iho, hiki e mai la ke au lake o ka manawa no ko laua pakele.

            He mau pahu ana i ke kepa ka ke kaikamahine i haawi ae ma ka aoao o kona lio, a lele pololei aku la imua o Lusiana e ku mai ana me na manao o ke kehaha.

            Ua haawi like ae la laua i nana like ana o kahi i kekahi, a ua holo ae no helehelena o ka hoomanao ua ike a halawai no laua i kahi wa mamua aku.

            "Ke hoomanao nei au, ua halawai mua no kaua i kahi wa mamua aku nei," wahi a ke kaikamahine i pane aku me ka leo palupalu.

            "Oia kau e hoomanao nei, ua ike mua no au ia oe," wahi a Lusiana i noonoo iho ai.

            "Ua aie nui au ia oe no kou lokomaikai."

            "O na ano aie a pau, he wa okoa no ko lakou e hoomanao ia ai."

            "E kala mai oe iau, oiai ke ike nei au, he hana nui kau e lawelawe nei i keia manawa."

            "Aohe au kala nui e aku ia oe mawaho ae o kou hai mai i kou inoa a me ke kumu o kou hiki ana mai nei i keia wahi?

            "Owau o Ata Pekekona, a he makuakane nou ka mea e noho nei a keia wahi."

            "O Pekekona anei?"

            "Ae."

            "O kekahi ia o kou mau keiki hoohei bibi."

            "Aole anei oia maanei i keia manawa?"

            "Ae, aka, e kala mai oe iau ke hai aku, aia oia iloko o kela luakupapau kahi i moe ai."

(Aole i pau.)

 

HOOLAHA.

Benson, Smith & Co.

Na Mea Laikiki ia e kuai Kukaa

a me Kuai Liilii aku.

Na Laau Lapaau

O NA ANO A PAU.

HELU 113 me 115, ALANUI PAPU

O LAUA NA AGENA NO NA

Laau Lapaau Kuluwai Liilii !

Boreike & Schrecke, a me na

WAi Lukini OnAnonA Waianuhea !

WAIALA MAILE

—A ME KE—

Onaona Lei Aloha !

@ Ona lako no ka Lauoho a me ka Ili, a

me na mea hoonani o ka Home, e loaa no ia

ina makamaka ke kipa mai ma keia hale.

220@-tf

PAPA! PAPA!

AIA MA KAHI

LEWERS & COOKE

(O LUI MA)

ma ke kahua kahiko ma alanui pa@u a me M

E loaa ai

PAPA NOUAIKI:

o kela a me keia ano.

PaniPuka, Na Puka Aniani, Na Olepelepe

Na Pou, Na O-a, Na Papa Hele, Na Papu

Ku, A me na Papa Moe nui loa

Na Pili o na Hale o na Ano a Pan

—A ME NA—

WAI HOOHINUHINU NANI

O NA ANO A PAU LOA.

NA BALAKI ANO NUI WALE.

            A ke hai ia aku nei ka lono i na Maka maka

pau, ua makukau keia mau Makamaka

o oukou e hoolawa aku ma

@a me a pau e pili ana@

ma ka laua oihana

—NO KA—

UKU HAAHAA LOA.

E like me kamea e nolo ana mawaena

LAUA @ me ka MEA KUAI.

HELE MAI E WAE NO OUKOU

 

HUI ALAHA HAWAII.

(KAUPALENAIA.)

            Mahope aku o ka Poakahi; Ianuari 14, o na uku holo o ke KAA ALAHAO, e uka ia no ia ma na Palapala Ae Holo wale no, ma ka pepa manoanoa o elima no ka 25 keneta.

            E waihoia na Palapala Ae Holo iloko o kekahi paku i hookaawale ia ma ka kaa e na ohua e kau ana.

            He hoomama ana mai keia me ka loloiahili ole i na poe e kau ana no na koena, a pela i makemake ia ai ia mau palapala e kuai no ka manawa hookahi.

            O G Thiele, oia ke hele aku ana ma na Poalima me Poaono no ke kuai aku oia ka la 11 me 12 o keia mahina.

            2215-tf