Ka Nupepa Kuokoa, Volume XXVIII, Number 16, 20 April 1889 — Page 1
| This text was transcribed by: | Kara Ueki |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXVII, HELU 16. HONOLULU, POAONO, APERILA 20, 1889.
HOOLAHA LOIO.
@ @
A HE KOKUA MA K@ @
He Luna Hooiaio Palapla
WILDER & CO (WAILA MA.)
@ @ papa a me na lako kukula hale @ a pau, a me na @ @ pono a pau o ka hale.
Kihi Alanui Moiwahine me Papu
CECIL BROWN.
LOIO A HE KOKUA ME KE KANAI?
He Agena Hooiaio Palapala no ka @ @ o Oahu
KEENA HANA: Ma alanui Kalep@
tf.
A ROSA (AKONI.)
LOIO A HE KOKUA MA KE KANAWAI
He Luna Hooiaio Palapala.
KEENA HANA: Make Keena Loio Kuina
tf.
WILLIAM C. ACHI
Loio a he kokua ma ke kanawai imua o na Aha a pau o keia Aupuni.
He Mea @ @ a he @ ma na waiwai paa.
Keena Hana, Helu 15, Alanui Kaahumanu @ oia ke Keena mua iho nei o Kini me Pete@@@@ 2114-y
GEORGE @ KAMAUOHA.
He Loio a he Kokua ma ke Kanawai.
A HE MEA
ANA AINA.
E loaa no ma Koahala Akau, Hawaii
2001-1y
HALKE KUAI BIBI HONOLULU
(@)
HELU 6 AINA @ MAKEKE
MA @ @
Na Ribi momoma, Hipa, Puaa me Ia, na la @ @ & co.
@ na kauoha a na ohana a me na moku mai @ koke ia no me ka eleu a me ka hiki wawe.
O na holoholona ola no na moku e hiki @ ke hookokoke ia.
Telepone Helu @ 2185 tf
EG HITCHCOCK.
(AIKUE HIKIKOKI).
LOIO A KOKUA MA NA MEA A PAU E PILI ANA MA KE KANAWAI.
E ohi ia no na Bila Aie, me ka awiwi
HILO, HAWAII.
JAMES M. MONSARRA@.
(MAUNAKEA.)
LOIO A HE KOKUA MA KE KANAWAI
He Luna Hooiaio Palapala.
E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii. Dala no ka hoaie ma ka moraki ma na waiwai @.
KEENA HANA: Hale Pohaku hou ma ka aoao ma Waikiki o ka @, Alanui Kalepa.
PACIFIC HARDWARE COMPANY
Na hope o @ Ma.
Mau Mea Kuai Lako Hao
Alanui Papu Honolulu.
MEA HANA LOLE
Ua wehe ae nei o Mrs. M. B. CAMPBELL i ka oihana hana a me ka helehele ana i na @ ma kona wahi noho ma ka helu 73 alanui Beretania, ma kekahi aoao o ka Hotele. O na kokua ana mai na lede maka hanohano mai ka mea i makemake ni ia, a e loaa no auanei ke ku pono o ka lole e like me ka iini. 2203 1y
HOOLAHA
E ike auanaei na kanaka a pau ma keia, ua lilo mai ia'u ma ke kuai mai a Antone Sylva mai o Waikapu, ka huina o na bibi he 200, ma ka la 24 o Ianuari, 1889.
AH SIN YOU.
Kipahulu, Mar. 28, 1889.
2227 4t
NEDE NIKONA
@
Puuwai Haokila a Hooko Kauoha Poina Ole;
A O KA
Holapu Hope Loa
A KA
"ALABAMA,"
KE
Ahikananana a Puhipuhiahi
o ka Moana Atelanika.
"Elua Kupueu o ka moana,
A na @ e makau nei:
O ka Alabama me ke Senedoa,
I ka uhai loloa mai mahope."
KA NIUI HOLAPU MOANA.
MOKUNA XI
LAWE PIO HOU IA.
Ua kuu ia no kona mau waapa, a e @ ana i ka poe eha a me ka poe eha @.
"E hookaawale aku," wahi a kekahi o na hana o ka Wisikona i na waapa e ha@amu aku ana ma kahi kokoke ia ka moku.
"Aohe kino ola i koe o luna@ a ke @hele nei ka moku"
Emi awiwi aku la na waapa a ia wa ua emi iho la ka Wisikona a nalo aku la iloko o ka opu o ka moana.
He mau leo huro ka i puoeo ae mai na kanaka o ka Alabama no keia lanakila i loaa ia lakou.
O ke kanaka mua loa i hapai ia iluna o ka Alabama mai ka waapa aku, oia no o Kapena Rokeke, he kanaka opio @ me ka puuwai kona, nona na makahiki ma kahi o ke kanakolukumamalua.
Mahope @ ona he kanaka ano @, a ma kona lima e paa ana i kekahi @ @ nohea lua ole.
I ko laua hoea ana mai iluna o ka oneki o ka Alabama, ua pane koke mai la @ @ nei.
"He mau pio hou @, e Kapena Semisa. Ua kue loa na pomaikai o ke kahua kaua ia makou."
"ae, e ka wahine opio," wahi a Kapena Semisa. "A i keia manawa, e Mr. Fegesona, aole na makaa buti o Kapane Belodina e hooko ana i kau kauoha."
O Nik@lesa Fegusona keia me kana kaikamahine o Ruta; oiai, e hoomano ia ua haalele aku laua ia Bahia maluna o ka moku Wisikona e hoi ana no Nu Ioka, aka eia laua ua lawe pio hou ia.
No kela mau olelo a Semisa, ua pane aku la o Fegusona:
"Ua pono no kou manao e waiho i na Daimana ma kahi e @ la. Aia no lakou iluna o ka Wisikona, ua iho pu iloko o ka moana me kona hae nani."
Me ka haaheo a me ke kaena oia i @ ae ai i keia mau huaolelo, a ua @aki iho la na kui o ke kapena kipi.
"Aia noonoo pono aku no ke daimana," wahi a Kapena Semisa.
"Ae," wahi a Ruta. "A e hoomanao oe e Kapena Semisa, owau ka mea nana oe i hoonele i ka daimana ole, ua makemake kuu makuakane e huna iloko o kona poli, aka, na'u i lalau aku a hoolei iloko o ka @pu o ka moku i piholo aku la. Ua oi ko'u hauoli ilaila ia mau mea e waiho ai mamua o ka lilo ana i kekahi kanaka kipi i ka hae kamahao o Amerika."
Huli ae la o Semisa me ka pane ole mai a olelo aku la i kekahi o kona mau aliimoku-
"E hoihoi ake ia laua i ko laua keena mua, e Mr. Balea."
Alakai aku la o Lutanela Balea ia laua, a hawanawana aku la o Ruta i kona makuakane-
"E papa, o Lutanela Balea kela, ka @ Kapena @ @. He @ @ @ @ ana la kaua he @ @ @ @ @ @.
MOKUNA XI.
K@ P@@@ PALE AWAHUA
"Piha @ @ au no ko Nede maalahi, @ wahi a Ruta i pane ae ai mah@ iho o ka Lutanela Balea haalele ana aku.
"Ae, a e @ ana iaia ka makana a'u @ aku ai iaia, wahi a Fegusona.
"Ke manaolana nei au e hoolaa oia i @ na manao e ukali i ka Alabama me kona akamai a pau a hiki i kona wa e nale aku ai malalo o ka @@@kai o ka moana,"
Aole i pau pono loa keia mau huaolelo a Fegusona, ua lohe ia aku la ke k@@eke ma ka ipuka, a hele aku la ia a @ mai la i ka puka.
"Owai oe?" wahi aa i pane aku ai i kona ike ana aku i ke kina kanakamaa ona.
"O ko'u inoa," wahi a ka pane, "o Galoka, a o ka'u i hele mai nei, e ninau aku ina e hiki ia'u ke kokua ia olua ma kekahi mea."
Ua pane mai la o Pilipi Fale i keia mau olelo me ka leha ana aku o kona mau maka maluna o Ruta.
"Aole au i ike ia oe, " wahi a ka ona miliona me kona mau maka aa@?
"Ua ike au iaia e Papa, " wahi a Ruta. "O keia ke kanaka i kapa ia o Pilipi Fale, ka mea nana i kolohe ka enekini o ka Natila, a loaa ai ia kaua na hopena kupilikii."
"He oiaio anei keia?ʻ wahi a Fegusona i ninau aku ai ia Fale. "Ke hoike mai @ i kuu kaikamahine i kekahi hana iapuwale loa au. Ua olelo mai nei oe o Galoka kou inoa, aka, ke kapa mai ne i kela ia oe o Pilipi Fale, he inoa hoi na'u i hoino mai ko Kapena Beledina hoike mua loa ana mai ia'u i ka mea nona ia inoa. A ua loaa ia oe ka mahaoi o ka hele ana mai a haawi mai i kau mau kokua ia maua. Aole loa au e ae e inu i kaha wai mai kou lima mai ina oia ka mea nana e hoopakele i ko'u ola. Aole au i hoouna aku nei ia oe."
Aole i pane mai ua o Fale, aka, ku iho la oia me ka hiki ole ke hoole i ka oiaio.
"E hai mai i ka oiaio a pau e Ruta; ihea oe i ike mua ai iaia," wahi a Fegusona.
"I bomabe, ua kakau mai oia he mau palapala ia'u o ke ano hoalohaloha, aka, aole loa e hiki ia'u ke nana aku iaia. Ua hele mai oia imua o'u, a ua kipaku aku au iaia, a mai ia manawa mai a hiki i keia wa, aole au i ike hou iaia, a ano iho la, akahi au a hoomaopopo @ o G @ Galoka iluna nei o ka Alabama, aole hoi o Pilipi Fale e like ma kana i olelo mai nei."
"Pololei kela, eia au," wahi a Fale. "Ua puhi oe i kuu mau leta i ke ahi; a ua kipaku io mai no oe ia'u me kaa haakei; aole nae au i hai aku ia oe i ko'u manaopaa e lanakila au."
"E ka lapuwale, pehea oe ia aa ai e komo mai iloko nei? Aole oe na Kapean Semisa i hoouna mai nei. He pono ke @ia oe iluna o kekahi pa o ka moku, a aole e loaa kou uku kupono aia wale no a hooko ia ia mea. Ma o na lani la, e hoouna aku ana au ia Nede mahope ou. Ua manao ia ua @kou hopena i kou wa i hoolei ai ia oe iloko o kek kai, aka, uamalama ke kiapolo ia kaua, a eia oe."
P@@uku ae la na maka o Fale i ka ohe ana mai i ka inoa o Nede Nikona, a pane mai la me ka leo kaena:
"Ua kaawale o Nede mai kou alahele."
"No kou haalele ana aku i Bahia," wahi a Fegusona.
"Ae, ae a aole loa oia e haalele aku ana ia wahi, aka, no ka manawa mau loa oia e noho ai ilaila," wahi hou a Fale.
Lele aku la o Ruta i hope, paa ae la i kona mau lima i kona umauma, a me na make pioo, nana ino mai la ia Fale.
"Ua hoohihilele aku la anei au ia oe e Ruta? E kala mai ia'u ina pela, aole loa au e hoophoihoi i kou puuwai palupalu ina e haawi ia mai ke ao holookoa ia'u," wahi a Fale.
"He mau huaolelo hoopahaohao kau a ua piha kou mau onohiamak me ke kaena. ua olelo mai nei oe o ko Nede wai ia e noho mau loa ai," wahi a Fegusona.
"E olelo hou aku no au pela, oiai, ua waiho aku nei au iaia mahope," wahi hou ak a pane a Fale.
Lele aku la o Ruta i kona makuakane me ke @ @ a pane aku la
"Ke hoomaopopo nei au i ke ano o kana mau olelo. Ua halawai laua ma Bahia a ua @."
"Aole au e huna iho i kekahi mea," wahi a Pilipi Fale.
"Ma Bahia au i ka wa o Nede Nikona i hoolele ia ae ai mai ka Alabam mai, a he mea maopopo e halwai pu ana maua malaila. Ua hoao oia e hooko loa aku i ka haan ana i @ mua ai a @, ma ka @. I ke ka@hi po, ua hoo@na mai la @ he palapala aa e paio me a'u. Ua hele aku a halawai pu me ia ma @ i hoohele ia. He mau pu panapana na pono pa o, a he iwakalua kapuai ka mamao. I ke ki mua naa o ka maua mau p@, ua ike aku la au iaia i kona hina ana."
E hoomanao ae kakou e na makmake i na hoopunipuni a keia Fale, oiai nana ke kono e hakaka, a me ka pahi oia i powa malu ai ke ola o Nede, aka' he okoa nae kana mau olelo e hai ia nei ia Ruta.
Nana pono mai la o Ruta iaia, a ma ka hoomaopopo ana i ke ano o kana mau olelo, kona leo a me kona mau hiohiona, ua hooiaio iho la laua i kana mau olelo.
Ku iho la o Ruta a liuliu, pane mai la me na maka hulili imua o Fale:
"Ua haalele aku oe iaia e noho mau loa ilaila? A o kau kaena iho la ia? E Gae Galoka, aole loa oe e lanakila me kou mau lima paumaele i ke koko o Nede Nikona. I hele mai nei oe e kaena i kou akamai i ke ki pu paio, aka, ke hoowahawaha nei au ia oe e like me ka mea ino loa iloko o keia honua. E kau mai ana maluna ou ka hoopai ikaika a weliweli a na lani, a e poina mau loa ia kou inoa. E hele aku oe ano mai ko maua alo aku. Ke hoohau@@a nei oe i ke ea au e hanu nei."
"Ae; e hele a hookaawale," wahi a Fegusona. "Ina oe e noho iho maanei i hookahi minute hou aku, alaila aole maluna o'u na hopena e kau aku ana maluna o kou ola."
He mino aka hooio ka i pah@la ae maluna o na papalina o Fale, a kikihi ae la kona mau maka, a huli aka a hele a pii aku la iluna o ka oneki.
"Ua ike a ua maopopo iaia ka'u mea i hana ai," wahi ana "e hoomau aku ana au a hiki i kona lilo ana i wahine na'u. Ina no e ae ole oia, e lilo ana oia i wahine n Gae Galoka. Aole loa au i hoohoka ia mamua ae nei, aole loa au i haalele aku ia Bomabe e hoohoka ia i keia hana ana. Ke lanakila ka aoao o ka Hema, e loaa ana ia'u he wahine nona ka makuakane he ona miliona."
Hiki aku la ia iluna o ka oneki, a e au ana au olali nei me ka holo launa ole.
O ke kapena o ka moku Wisikona, aia oia ilalo kahi i waiho ai me kona poino ulia; a o na luina hoi, ua hoihoi ia lakou iloko o ka lumi nui o ka waena moku, a ke hanu hou nei o Kapena Semisa i ona pio hou nana.
Oiai o Fale e ku ana, e noonoo ana me ka manao hoihoi no kona lanakila, ua pane mai la kekahi leo ma kona aoao i ka i ana mai:
"Mahaoi a lapuwale kou iho ana kau nei a hoopuka i kau mau olelo kohu ole imua o kela mau ohua."
Huli ae la o Fale a ike aku la ia Lutanela Balea e kua aku ana i mua on me ka pololei a me kino ohohia.
"Ae, ilalo aku nei au, aka, ma ka mana hea i loaa ia oe ke kulana e ninau mai i ka'u mau wahi e hele ai maluna nei o keia moku? " wahi a Fale.
Ha mau olelo pakike keia a kekahi imua o Lutanela Balea, aka, o ke kumu wale no a Fale i pane ai ia mau olelo , no kona ike mua he punahele oia ia Kapena Semisa.
"Ma ka mana hea? Ma ka mana o ka ikaika!" wahi a Lutanela Balea.
A hopu aku la oia a paa ma ka poohiwi o Fale me ka ikaika e like me ka maiuu o ka @ga.
"E olelo aku au ia oe e Pilipi Fale, o ka'u ia i pane aku nei ia oe, aka, aole ia o kou inoa ponoi. Aole loa e hoouluhua hou ia kela kaikamahine opio a me kona makuakane e na ano lapuawale e like me oe, ma keia hope oiai laua iluna nei keia moku. E hookaawale mau oe mai a laua mai; he hana io ka'u e kamailio aku nei. Ke holapu hou aku oe i kou mau helehelena imua o laua, ke hai aku nei, ma o na lani la, e haawi ia oe e a'u i ai nana mano. Ua kapa ia mai au he kipi ina au he kipi a kipi ole, he mea naʻu i hoino a hoopailua ke kanaka powa."
Kale Auwana
KA
Lima Puupuu Hao-kila o
Vireginia;
A O KE
KIU A SERIDANA
MA KE
Awawa Malu-make o ke Senedoa.
He Moolelo no ke Kaua kuloko o ka Akau me ka Hema.
KONA IKE MUA IA ANA.
I ka wa a Kapena Hawika i hoomaopopo ai i ke kulana makaukau o kona mau koa ma ke kahua hoopuni, huli ae oia a hoi no loko o ka hale.
Ua komo aku oia ma ka ipuka aniani a hui hou me ke kiu Jackson e kiai ana no i ke kino aka o ke kiu lima puupuu hao a Seridana, oia ka ke Kapena i pane aku ai-
"O ko'u mau koa, aia lakou ma na kulana i keia manawa. He hiki au ke olelo ae, aole e puka kekahi moo kolo iloko o ka mauu ke ole oia e ike ia. Ke ike nei au ia oe e Jackson, aia oe ma ke kulana o ka makaala loa i kela kiu."
"Ae," wahi a Jackson i pane mai ai ia Hawika.
"Ua kau mau anei kou maka maluna o kela kiu Amerika i ko'u wa i puka aku nei iwaho?"
"Ae, e like me ka hiki i kekahi kanaka okoa e ae ke kiai, nana a me ka makaala."
"A auhea ua kiu Amerika nei i keia manawa?"
Auhea la,- aohe oʻu ike hou aku la iaia i keia manawa."
Na keia mau olelo hope a Jackson i hoano e ae i na helehelena o Kapena Hawika, a ua kokoke loa oia e unuhi ae i kana pahikaua a e hou aku i ka puuwai o ke kiu Hema no kela mau olelo.
Mahope o ka hoi pono ana iho o kona mau manao a me ka nana loihi ana i na maka o Jackson, ua pane hou aku la o Hawika me keia mau olelo oka ikaika, -
"E kamailio e Jackson? Heaha ke ano o kau hana?"
"He hookahi no ano o ka'u hana i makaala iho nei, o ke kiu Amerika ma ke kihi o kela hale i ku mai nei, ua nalowale oia i keia manawa."
MOKUNA II.
ILOKO O KA EHUEHU O KA HOOPUNI IA.
O ka nalowale honua ana o ke kiu Seridana a me ka makaala ole o ke kiu Hema, na ia mea i palua iho i ka inaina nui maluna o Kapena Hawika, a ua kokoke loa oia e lilo i kanaka pupule me kona mau maka e au ana iloko o ka rumi a e wiliwili ana i kana puupuu mamua o ke alo.
He kanaka oia no kana huaolelo, a aole he mau manao o ka hohe wale iloko o kona puuwai no kana mea e kauoha ai e hana, e hooko ia no ia mea ina ua kono ia ka hookulu ana i ke koko.
He inaina kona i pa tausani ia i keia manawa, mamuli o kela olelo a Jason aole oia i ike i kahi i nalowale ai o ke kiu Amerika, oia kana i pane hou aku ai-
"I ka wa hea kou ike hopeloa ana iaia e Jackson?"
"He hapalua minute paha mamua o kou komo ana mai nei."
"Ha! Oia kau olelo? Ina pela, ua paa oia ia kakou i keia manawa i ka hoopuni ia."
Pehea @ la e paa ai ia kakou e ke K@@ena?
"No ka mea, ua paa ke kahua hoomaha nei i ka hoonani ia e ko'u mau k@a, He elua minute mamua o ko'u komo ana mai nei."
Aole i pane hou aki ke kiu Hema no kela mau olelo a Hawika, oiai, ua ike iho la oia nona iho, he kupunaha ka nalowale honua ana o kela kanaka mea pono o kona mau maka, a oia ke kumu i piha inaina @ a ai ke Kapena ma ka hooko ole ana i kana kauoha e makaala.
No ka hiki ole ia Kapena Hawika ke hilinai hou aku i na olelo a ke kiu Hema, nolaila, ua lawe maoli ae la oia i ka hoohana ana e huli ia loko o keia hale, oiai, he manaoio kona, aole i haalele mai kela kiu Amerika i ka malumalu a me na poopoo o kela hale, oia kana i pane aku ai.-
"E hahai mai ia'u e Jackson, a e makaala loa kou mau maka i ka nana i ua kanaka la."
"Heaha ana ka kaua hana i keia manawa?"
"E huli i na poopoo o kela hale," wahi a Kapena Hawika i pane aku ai, a kauoha pu aku la i kekahi laina koa e ukali mai ia laua mahope.
Ua hele aku la lakou nei a komo iloko o ua hale la, a e noho ana no na kamaaina e like me ke ano mau o ka noho'na koauka.
Ua ku aku la o Kapena Hawika ma ka ipuka a pane aku la i na kamaaina i keia mau olelo,-
"Auhea oukou e na kamaaina: He mea hoolele hauli ia oukou ke lohe aku i ke ano o ka'u huakai o ka hiki ana mai nei i ko oukou ipuka hale i keia po. Eia iloko nei o oukou i keia minute, he kiu Amerika e hoohalua nei i ko makou kulana kaua."
Ua hoopuiwa nui loa ia na ohana o loko o ua hale la me ka hiki ole ia lakou ke manaoio iho i ka oiaio o ia mau olelo.
Ua huli ae la kela a me keia a nana pakahi ia lakou iho, a me ka maopopo ole o ka lakou mea e hana ai, a me ka oiaio a me ka ole o na mea i hana ia e keia ohana.
Ua hoomaka ae la lakou e nune a me na leo kamailio, oia ka Kapena Hawika i pane hou aku ai me keia mau olelo,-
"E noho malie oukou a hooloha mai. O keia hale, ua hoopuni ia e ko'u mau koa, a aole he kanaka ole e hiki ke pakele malalo o ke kauoha o ke kipoka aku iaia ke h@@o ia e hana pela. O na poe a pau e noho nei maloko o keia rumi, e hoomau oukou i ka noho ana ma ia wahi hookahi, oiai, e nana mua ia ana ko oukou mau helehelena, a e huli pu ia naa na poopoo. O na poe manao oiaio no ka hae hou o na moku aina o ka Hema, e hauoli lakou me ka makau ole malalo o ke kumu, - he hiki ke haawi ia na kokua a me na hoopakele ia lakou."
Ua ae pakahi mai la lakou i ka olelo kauoha huli, oiai, oia wale no ke alahele no ua aliikoa nei e hana ai i ka pololei o kana oihana.
A nolaila, o na lawelawe ana no ka oili i na poopoo o keia hale, ua hoomaka koke ia i keia manawa e Kapena Hawika.
Ua ku iho la ke Kapena me ke kiu Jackson iwaenakonu o ka rumi, a kahea pakahi ia aku la na poe e noho ana iloko a kukulu ia ma kekahi kihi o ka rumi.
Na ke kiu Hema e nana mua ka helehelena, a mahope aku, maalo ae la ma ke alo o Hawika a paa i na koa ma ke kihi.
Ua hoomau ia keia huli ana a hiki i ke kanaka hope loa, aole nae i loaa ke kiu Amerika e huli ia nei
Ua pii koke ae la ka inaina nui i ke Kapena no kona makaala ole ana i kela kiu Amerika, oia hou kana i pane aku ai ia Jackson-
"Mahea ko wahi i ike hope loa ai iaia?"
"Ma keia ipuka no akakou e ku nei," wahi a ke kiu.
"Ina pela, ke honi nei au i kekahi hoohono iole ma keia ipuka," wahi a Hawika me ka hele pu ana aku e nana i ka puka ki o kekahi rumi okoa aku.
He mau manao o ka pihoihoi ko na kamaina i kela wa, mamuli o ka huli ia o ko lakou mau rumi moe a me na pahuole.
Kau Lio Mazepa
A I OLE IA, KA
Noeau i ke Kii'na Kipuka-ili.
Ke Kamahele ma na Kula Laula o Nubarasaka.
KA HIKII IA ANA O KA WAHINE KAU LIO MAZEPA.
"O ko'u aloha ana anei i ua kanaka la," wahi a ke kaikamahine i pane aku ai.
U nana loihi aku ka makuakane i na helehelena waipahe o Ata, a me he mea la, ua haalulu iakona kino i keia mau ninau hoohuahualau. Me ka leo moakaka i pane aku ai oia i na haina i ke kaikamahine-
"Aole au i manao, ua aloha oe i ua kanaka la; mawaho ae o ke komo ana o ka manao hoohuoi iloko ou e ninau ai no ua kanaka la."
"Ae, he oiaio ia, aka, aole ia he mea no'u e aloha ai iaia?"
"Ua hauoli loa au i kela mau olelo e Ata, a he lana kuu manao, e hooko ana oe i kou ma manao o ke kupaa a me ka hoi hope ole."
KA IKE IA ANA O KA WAHINE KAU LIO MAZEPA.
Oiai laua e hoomau ana i ka hele imua o ke alahele, a e iho mai ana hoi ke koloka o ka pouli maluna o ka aina, ua lohe aku la na kamahele elua i kekahi halulu wawae kapuai @ mamua pono mai o ke alahele, a oia ko laua nei wa i awiwi aku ai e kaalo aku mawaho o ka laelaau.
Me ka moeuhane uhane mua ole o kekahi mea e halawai aku ana oia me kekahi hiohiona hoolele hauli a me ke kupanaha, pela laua nei i halawai ai me kekahi haawina.
Ua ike aku la laua nei i kekahi lio keokeo i holo mai me ka mama nui, a e kau ana ma kona kua, he wahine ui ihikii ia a pau loa, a nona hoi ka lauoho loloa e kuuwelu ana ma ka aoao o ka lio.
He mea hiki ole ia laua nei ke hoomaopopo iho, ke ola nei no paha kela wahine, aole paha. O ke ano o kona hikii ia ana, ua @@@hoha ia oia e kekahi kanaka i maa ma ia ohana.
I ka wa i ike mai la o ua lio ne i na kamahele mamua aku nei o kona alahele, ua ku koke iho la oia me ia wahi me ke koo ana o kona mau wawae imua, huli ae la oia ma kona aoao hema, a me na kapuai ikaika o ke kapeku ana iho, holo hou aku la oia ihope o ke kula laula.
"Auwe! Heaha ke ano o keia hana weliweli?"
"He kaikamahine kela e like me ko'u ano, i hauhoa ia maluna o kela lio.
He mau minute ia a ke kaikamahine i hooholo iho ai i kona manao a pane aku la i kona makuakane-
"Ua manao au, o ka hana mua loa a kaua e hana ai mamua ae o na mea a pau, e hoopakele kaua i ke ola o kela wahine."
Aole i pane mai ka makuakane no keia a Ata, oia hou ka ua kaikamahine la i pane aku ai,
"Ano, e papa, e hahai mai ia'u, aia he hana na kaua mamua i makemake ia na kokua."
Oia ka wa a ua kaikamahine la i @pa ae ai i na aoao o kona lio, a uhai aku la i ka wahine kau lio Mazepa mahope o kona meheu.
Ua puka ae ke Aliiwahine o ka po, a uhola mai la i kona malamalama piha maluna o ke kula laula, a ua hike ke ike ia na mea kino a pua e nee ana i ke alohilohi o ke kukui uwila no keia helu ae.
(Aole i pau.)