Ka Nupepa Kuokoa, Volume XXVIII, Number 13, 30 Malaki 1889 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

HOOLAHA LOIO-

 

WR. KAKELA.

LOIO A ME KOKUA MA KE KANAWAI

He Luna Hooiaio Palapala.

tf.

 

WILDER & CO. (WAILA MA.)

M@@ i kuni papa a me na lako kukulu hale @ i ano a pau, a me na me na pono a pau @ ka hale.

Kihi Alanui M@wahia me Papu.

 

CECIL BROWN.

I OIO A HE KOKUA MA KE KANAWAI

He Apono Hooiaio Palapala no ka Mokupuni o Oahu

KEENA HANA: Ma alanui Kalepa.

tf.

 

A ROSA. (AKONI.)

LOIO A HE KOKUA MA KE KANAWAI

He Luna Hooiaio Palapala.

KEENA HANA: Ma ke Keena Loio Kuhina.

tf.

 

WILLIAM C. ACHI.

Loio a he kokua ma ke kanawai imua o na Aha a pau o keia Aupuni.

            He Mea Ana Aina a he Boroka ma na waiwai paa.

            Keena Hana, Helu 15, Alanui Kaahumanu Honolulu, oia ke Keena mua iho nei o Kini me Peterson. 2114-y

 

GEORGE P. KAMAUOHA.

He Loio a he Kokua ma ke Kanawai.

A He Mea

ANA AINA.

E loaa no ma Kohala Akau, Hawaii.

2001-ty

 

JOHN MAHIAI KANEAKUA.

LOIO A HE KOKUA MA KE KANAWAI

HE MEA UNUHIOLELO MA KA OLELO

BERITANIA A ME KA OLELO HAWAII

@ Hana. maluna ae o ka Banako o Hihopa ma.

1y.

 

HALEKUAI BIBI HONOLULU

(M pe@o Wn M@@anllea.)

MELU O AUNAUI MOIWAHINE, MAKEKE MA ULAKOHOIO.

Na Bibi momona, Hipa, Puaa me Ia, na Ia @ ai ula & co.

@ na kauoha a na ohana a me na moku mai e hooko koke ia no me ka eleu a me ka hikiwawe.

O na holoholona ola no na moku e hiki no ke hooko koke ia.

Kelepona Helu 221.                            2185-tf

 

EG. HITCHCOCK.

(AIKUE HIKIKOKI).

LOIO A KOKUA MA NA MEA A PAU E PILI ANA MA KE KANAWAI.

E ohi ia no na Bila Aio, me ka'awiwi

HILO, HAWAII.

2114.1yr.

 

JAMES M. MONSARRAT.

(MAUNAKEA.)

LOIO A ME KOKKUA MA KE KANAWAI

He Luna Hooiaio Palapala.

E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii. Dala no ka hoale ma ka mosaki ma na waiwai paa.

KEENA HANA: Hale Pohaku hou ma ka aoao ma Waikiki o ka Halewai, Alanui Kalepa.

 

MEA HANA LOLE.

Ua wehe ae nei o Mrs. M B. CAMPBELL i ka oihana hana a me ka helehele ana i na lole, ma kona wahi noho ma ka helu 73 alanui Beretania, ma kekahi aoao o ka Hotele. O na kokua ana mai na lede maka hanohano mai ka mea i makemake nui ia, a e loaa no auanei ke ku pono o ka lole e like me ka iini.                           2203.ty

 

Hookapu Aina

Na Moku Manu,

Mawaho ae o Mokapu, Koolaupoko, Oahu.

Ke papa ia aku nei na mea a pau, aole e komo aku ina Moku Manu, Mokulua, oia na moku i oleloia maluna ae, a o ka poe e malama ole ana i na kauoha a keia hoolaha, e hoopai'a ma ke Kanawai.

J.A. CUMMINS,

(Keoni Kamaki.)

 

NEDE NIKONA

Ka

Puuwai Haokila a Hooko Kauoha Poina Ole;

A O KA

Holapu Hope Loa

A KA

"ALABAMA"

KE

Ahikanana a Puhipuhiahi o ka Moana Atelanika.

"Elua Kupueu o ka moana, A na O-I'a e makau nei; O ka Alabama me ke Senedoa, I ka uhai loloa mai mahope."

KA NIUHI HOLAPA MOANA.

MOKUNA IX.

HE AA PAIO.

            Aole i pau pono loa aku ka Nede mau olelo ana ia Balea, ua pane hou mai la no kona hoaloha:

            "Na ke onaona o na maka o ka ui o Poto Pano e hoopau wale aku i kou omaimai. Ua ake nui au e ike oe i kela mau pua onaona. E ai mai oe e Nede Nikona, a iloko o keia hora, e haalele ino kaua ia Bahia mahope nei."

            Luliluli ae la ko Nede poo a nonoi oluolu aku la me na huaolelo akahai e hookuu maikai mai iaia.

            A nolaila, ua ae mai la o Balea a ua hele hookahi aku la ia ma ke ala e halawai pu ai me na ui o Poto Pano.

            I ko Balea hala ana aku, ua hoohauoli ia ae la o Nede, no ka mea, ua maopopo iho la iaia, ina e hoopahu ia ana ka Alabama ia po, e pakele ana ka Lutanela, oiai, ua hala aku la ia i kahi e, a aole e hoi mai no elua la.

            Awiwi aku la o Nede a hiki i ka hale o Belodina, a loaa aku la ia e hana ana i ka batari uwila, kahi hoi e hoouna ia aku ai ka hailono o ka make a me ka poina i ka Alabama a me ka poe o luna.

            Ua hoomaka aku la o Nede e hai i ua i ka loaa ana o kekahi palapala ia Balea e poloai mai ana iaia e hele i Poto Pano a me kona hala ana.

            "Ua loaa aku iaia he palapala ea?" wahi a Belodina me ke ano mino aka.

            "Ua maopopo no ia'u e loaa ana no iaia he palapala," wahi hou a ua o Belodina.

            "Pela io anei; ua maopopo mua ia oe?" wahi a Nede.

            "Ae; aole anei au i hai aku ia oe i ka po nei he hana ka]u no ka hoopakele ana i kuu hoakula?" wahi a Belodina.

 

            "Ae; aka-"

            Aole i pau pono ka Nede olelo ana ae, pane hou ae la no o Belodina:

            "Ua loaa iaia kela palapala, aole nae i kakau ia ma Poto Pano, aka, maanei, ma Bahia nei kahi i kakau ia'i."

            "Aole paha," wahi a Nede.

            "He oiaio ia A ina oe e makemake, he hiki ia'u ke lawe mai imua ou iloko o umi minute, i ke kaikamahine nana i kakau ua palapala nei malalo o ka'u mau kuhikuhi," wahi a Belodina.

            Noonoo iho la o Nede a pane mai la:

            "E ike ana o Balea i kela mea, a e hoi e mai ana, a me he la e komo pu ana no ia iloko o ke aluka lelel iluna o na hoku i keia po," wahi a Nede.

            "Aole loa. Aole oia e holo ana i Poto Pano ma ka waana, no ka mea, mamuli oia loaa i na moku o ka Akau, nolaila, ma ka aina oia e hele ai, maluna o ka lio, a he alunui loihi, aole oia e hiki ilaila a po keia la, a hiki wale i ke ahiahi o ka la apopo."

            "No ke aha hoi?" wahi a Nede.

            "No ka mea, e paa ia ana oia e kekahi mau kanaka eha ko lakou nui," wahi hou a Belodina.

            "Kahaha: E olelo mai ana anei oe nau keia mau hana a pau?" wahi a Nede.

            "Oia ka'u e ake nei e hoomaopopo iho oe," wahi a ka pane a Belodina. E nana mai no hoi oe ia. E hoopakele ia o Toma Balea, oia ka mea nui ia kaua, a ua noonoo au i kona wahi e pakele ai mai ka hopena ae o ka Alabama, a ke manao nei au ua holopono ka'u hana. Na'u kela palapala i hoouna kau ia Balea a na'u kela mau kana ka nana e hoololoiahili i kana huakai a hala ka wa o ka pilikia, wahi a Belodina.

            "Ano, ua makaukau au nou e ka Alabama, a e Kapena Semiaa, o ke aloha aku i na hoku o ka lewa kau ukana," i pane hou ae ai ua Belodina nei a hehene hou ae la kana aka hehena, a puiwa hou ae la o Nede me ke ano hikilele i ke ano e o kana aka.

            Nalu iho la keia iloko ona i ke kumu o keia ano e o kona hoa alo pilikia. Heaha la keia ona. Ua lilo anei ka pau ana o ka Natila i ke ahi a ke kipi i kumu e hoano e ae ai i kona noonoo kanaka? A no ka nui loa paha o kona hoomanao no kana topido ua hoouluku ia oia. He mau mea keia e hoholo ana iloko o ko Nede puniu.

            Aka, aole oia e haalele ana i kona hoa, a hooholo iho la ia e noho pu me Belodina a hiki i ke ko a ko ole ana paha o kana mau mea i kau nui ai no kana topido; a awiwi aku la ia e hoi no kona hotele me ka manao e hoi hou mai.

            Ua maopopo iaia, eia o Pilipi Fale i Bahia kahi i noho ai, a e hoohalua ana hoi iaia, a ua ake nui kona manao e halwai pu me ia no ka paio he alo a he alo.

            Hele aku la o Nede ma o a maanei o ke kulanakauhale e ake ana o ka ike aku i kona enemi, aka, aole loa i loaa aku iaia.

            Iloko o keia manawa, aia o Pilipi Fale iluna o ka Alabama kahi i hoopuai, aole oia iuka o ka aina, me he la, ua ano wiwo oia i ka malamalama o ka la.

            Hoi hou aku la o Nede a i kona hotele, kakali aku la no ka napoo aku o ka la, me na manao kuko no ka loaa o Pilipi Fale iaia, a me na noonooo ana no ke topido e hoopahu ia ana i ka hora 12 o ia po.

            I ka nalo ana aku o ka la malalo o ka ilikai, a uhi mai la ka po, ua hoomaopopo iho la keia, he po maikai a kupono loa ia no ka hana. No ka mea ua uhi mai la ka pouli maluna o ke kulanakauhale o Bahia, a he kakaikahi loa na hoku e imoimo mai ana i ka lewa.

            Iloko o ke awa, e like me kekahi kupua nui e hiamoe ana, ka lana malie o ua ahikanana Alabama nei. Nana aku la o Nede, aohe ike pono loa ia aku, koe wale no, o ka punonohu mai iluna o ka ilikai, a noonoo ae la keia, aia i kekahi kakahiaka ae, e nalo ana kona mau hiohiona mai ia wahi aku. Hora 11, wahi a kana uwaki i hoike ae ai i kona nana ana iho. Lalau aku la ia i kana mau pu panapana a nana pono iho la ina ua pono a makaukau na mea a pau mamua o kona haalele ana iho i kona rumi.

            Ina he mea hiki ke ike ia ko Nede mau maka iloko o ia manawa, alaila, e ike ia no ke ano hoihoi a piha manaolana iloko o kona mau onohi maka, a maluna o kona mau helehelena holookoa, ua kau ia ke kuni o ke koa a me ka wiwo ole iloko o ka manaopaa.

            Awiwi aku la ia a kaa ae la ke kuea mamaua o ka hotele kahi a ianei e noho nei, a ia manawa, holo mai la he wahi keiki Berazila a haawi mai la he palapala iaia nei, me ka pane ana mai:

            "Nau keia, e ke keonimana."

            Kuia mai la o Nede me ka lalalu ana aku i ka palapala, a i kona alawa ana aku i ua wahi keiki nei, ua hala kau la oia.

            Wehe ae la o Nede i ua palapala nei, a heluhelu iho la penei:

            Nede Nikona: - He mau enemi kaua, a na ka hopena i alakai mai ia kaua a ielua ma Bahia nei. E aa oe e halawai pu me a'u i ka hora 12 ponoi o keia po, mahope iho o ka halepule o Nosetera Senora da Paraea. Ua ike oe ia wahi. Malaila au. Pilipi Fale.

(Aole i pau.)

 

HE KAAO NO HAPAIKALAHapaikamahina

KA HUA OHIA NANI

I LOAA MA KA

Piko Mauna o Farani

Ka Ui nana i Kakele ke Aupuni o ka Lihilihi o na Manu.

I Kokua ia e HULUPAINA kona Pokii.

Unuhi ia i Moss Ma'u

 

            O ke kowa mawaena o kekahi a me kekahi, he 50 mile, a i ke kani ana mai o ka ulili hoomakaukau, ua liuliu iho la laua ia laua iho a i ke kani hou ana mai o ka ulili, ua kuupau ae la ua mau moho nei a ielua i ka holo o ko laua mau lio.

            Aole i mamao mai ke keikialii mai kona wahi i holo mai ai, ua halawai aku la kona papale kila me ka pahuna ihe akamai loa a ka naita Aurita, a maihi pu ia kau la kona papale mai kona poo aku.

            I ka ike ana o ka poe Helene i ka nohoalii ana o ko lakou naita ma kana pahuna ihe akamai i loaa iaia, ua haawi ae la lakou i na leo huro no ko lakou naita, a he mea hoi ia e hooi loa aku ai i ka inaina o ke keikialii Boma Le no kona hoohoka ia ana.

            Ia manawa no i paha mai ai ke keikialii i kana ihe me ka holo no o kona lio, a pela no hoi ka naita Auria i pahu mai ai i kana ihe a hookui ae la na ihe a a laua i kahi hookahi a ua hookui ae la no hoi ka naita me ke keikialii a i ka hala ana he umi minute ua ku lihi aku la ka lima akau o ka naita Aeria i ka pahuna ihe helu ekahi a Noma Le. a ia manawa i hoomaka iho ai laua e paio hahana mawaena o laua, a i ka hope loa, ua ike ia aku la ka naita Auria e waiho ana i ka honua aole nae i make, a ua nui nae ka eha i loaa iaia, a haawi pio aku la oia i ke keikialii Boma Le.

            I ka haule pio ana o ka naita Auria a ua kani ae la hoi ka hora 12 o ke awakea, ua ku mai la ka ilamuku a ninau , mai la imua o ka lehulehu e ku aku ana, penei:

            Owai iwaena oukou e hele ae me ke keikiahi Boma Le e paio ai?

            Aole loa hookahi mea nana i aa kau e paio me Boma Le, a nolaia, ua hoi aku la oia a ma kahi o kona makuakane e noho ana a kali iho la o ke kani ae o ka hora 1 no ka paio hou ana kau me ka naita o ke kapakila haekaeka.

            I ka wa i hoi ai ke keikialii e hoomaha, ia wa no i hoi ai kakou koa opio no kona hotele e hoomakaukau ai iaia no kona hele ana mai i ke kahua paio.

            I kona hiki ana aku i ka hotele hoi loa aku la no oia a ma kona rumi a noho iho la kali i ka manawa.

            I ke kani ana o ka hora 1, ua hele aku la oia a mamao mai ka hotele aku, wehe ae la oia i kana pahu daimana a lawe ae la i kahi buke i hoopaa ia ai o kona lio, a huki ae la i na kui he 12 e paa ana o kona lio, a ia wa no i oil ae ai ka lio a ku ana imua o kona alo a ninau mai la:

            Heaha ka makemake o kuu haku opio?

            Pane aku la kona haku. Ua makemake wau e hele kaua e paio me ke keikialii Boma Le ka mea nona ka mea nona ka inoa e kaulana nei a puni ke ao holookoa.

            Pane mai la kona lio, e pai ae oe ma kuu pepeiao akau, alaila, e oili mai no kou kapakila.

            Ua hooko aku la keia e like me ke kauoha a kona lio, a he manawa ole no hoi waiho ana kona kapakila imua o ke alo.

            Lalau hou iho la keia i kana pahi pelu iloko o ka panu daimana a paki iho la maluna o ua pahu nei a lilo ae la ua pahi pelu nei i pahikaua nona ka loa 6 kapuai.

            Ua kakau ae la ke koa opio i kana pahikaua a paa ma kona puhaka a kau ae la maluna o kona lio a holo aku la no ke kahua lealea.

            I ka hiki ana aku o ka kakou koa, he 5 minute i hala o ka hora 1, a ua kali ke keikialii Boma Le a hala ka manawa, a e manao ana oia e hoi, eai nae, hiki e aku la nae ke koa opio.

            I ka wa i haule pahu aku ai o ko ia nei lio maluna o na kanaka a ku ana iloko, ia wa i ike mai ai ke keikialii a me ka moi a me ka lehulehu holookoa i keia keiki opiopio nona na helehelena i ike ole ia ma Sekotia, a e haiamu ana ka ui a me ka nani maluna o na helehelena a ua haawi mai la ka lehulehu i na leo huro no ke koa opio.

            Iloko o keia i holo aku ai ke koa opio iua o ka moi a haawi aku la i kona aloha.

            Ia wa i pane mai ai ka moi, ua lawa anei i kou kino opiopio i ka ikaika e paio ai me ka'u keiki?

            Pane aku la ke koa opio, aia a he 500 poe ikaika loa i like ko lakou ikaika me ke keikialii Boma Le, alaila, ua lawe ia na kuu lima hema e hoohana iloko Sekotia, a ina o kuu mau lima a elua ke hoohana iloko o ia manawa hookahi, ua lilo lakou a pau i ole imua o kuu alo.

            Iloko o ia wa, komo aku la ka manao huhu iloko o ka moi a pane mai la penei:

            E hele aku imua o ka'u keiki e kali mai la i kou poo e hookaawale ae mai kou pauku kino ae, a e hoi uhane oe mai kou aupuni i hele mai ai a e hui kino uhane oe me kou ohana a pau loa ma kela ao.

            A i ke kani ana mai o ka ulili a ka ilamuku e kahea mai ana i na moho e hoomakaukau, a ia wa no i hoomaka aku ai ke koa opio e kakele i kona lio me ka hiehie, a oia ka na mea a pau i puana like ae ai, aole hookahi kanaka nana e hoohaahaa aku i ka kakou koa opio ma ke kakele lio, a i na manawa a pau ana e holo kaapuni ana, e huro mau ana na kanaka no ka hiehie o ke kulana o ke koa opio.

            Kani hou ka ulili no ka lua o ka manawa, a ia wa i hoohuli ae ai ke koa opio i kona lio imua o kona hoa paio a kakele pololei mai la.

            He mau sekona helu wale no ia a ke koa opio i holo mai ai, ia wa no, huila ae la kana pahikaua i ka lewa a he ana pu ana hoi kai ka honua, a he mau sekona mahope iho, hui ae la laua a elua i kahi hookahi, a hoomaka iho la laua e paio hahana.

            A i keia mau minute a na moho e ulele nei, ua kuupau mai la ke keikialii Boma Le i kona akamai piha i ao ia ai e kana kumu, a he pale no hoi ka ke koa opio a aole no hoi oia i hahau iki i hookahi hauna pahi.

            A iloko o na minute he umi, ua haki pu ae la ka pahi a ke keikialii Boma Le a na ia mea i hooi loa ae i kona inaina i kona hoohoka ia ana, a hopu koke iho la oia i kana pahikaua a pane mai la me ka huila o kona mau maka i ka pane ana mai:

            Hala aku la kou make i ka'u mau hauna pahi helu 12 ka'u kumu i ao mai a eia mai ko make i ka maka o ka'u koi kaua.

            I ka lohe ana o ke koa opio i kela mau olelo, hopu iho la oia i kana koi kaua mamua o kona noho a ulelel hou iho laua.

            Iloko o na minute he 10, ua haki pu ae la ke koi a ke keikialii Boma Le no ka lua o ka manawa a na ia mea i hoi loa aku i ka inaina a me ka huhu iloko o ka puuwai o ke keikialii Boma Le.

            Iloko o ia wa i hopu iho ai ua keikialii la i kana ihe a pahu mai la i i ke koa opio me ka hikiwawe loa, me kona manao o ka pahuna ihe ia hoolana ke koa opio i ka wai.

            E like me ka eleu o ka pahuna ihe a ke keikialii, pela no ka eleu o ke koa opio i hopu mai ai i ka ihe a ua keikialii nei a paa ae ia ma kona lima, a haawi mai la ka lehulehu i ka mahalo ana no ke koa opio.

            A ia manawa no hoi i komo aku ai ka manao kanalua iloko o ka moi Masekepa a minamina hoi no kona aupuni kekahi.

            A ia wa pa no hoi i noke mai ai ke keikialii i ka pahu i kana ihe e iho ana ka akau me ka hema, a ua like na ihe a pau a pau a ke keikialii e pahu mai ana i ke koa opio me he ole la, a ua hopuhopu wale ia mai no na ihe a ke keikialii a hiki i kona ku olohelohe ana aohe ana mea kaua.

            Ia wa noi aku la ke koa opio e haawi pio mai, a ua hoole ia mai ia noi a ke koa opio, aole ia e haawi pio mai a hiki kona make ana.

            Pane aku la ke koa opio, ina pela, e malama i kou ola iho i keia wn, o halawai aku auanei oe me na pahuna ihe a ka hua ohia o na kuahiwi o Farani, wahi a ke koa opio.

            Ia wa i hapai ae ai ke koa opio i kana ihe iluna a pahu mai la ma ke ano hoao i ke akamai o ke keikialii i pale ae la ua keikialii Boma Le nei a hala ae la ia pahuna ihe.

            Pane hou mai la ke koa opio, e makaala oe nou iho i keia hora.

            Ia wa i hoolele mai ai ke koa opio he elua ihe i kela a me keia sekona, a aole i hala he elima minute ua halawai aku la ke keikialii me kekahi ihe a ke koa opio ma ka umauma a haule amake aku la no ka honua.

            I ka ike ana mai o ke anaina holookoa i keia haule pio ana o ke keikialii malalo o ke koa opio, ua haawi mai la lakou i na leo huro a me na hoomaikai ana.

            I ka haule pio ana o ke keikialii i ka honua ua hoomaka ae la ke koa opio e kakelekele i kona lio me ka hiehie iloko o ke kuea.

            A i ka ike ana o ka moi i ka haule amake ana o kana keiki no ka honua, ua mihi koke oia no ka lilo o kona nohoalii a me ke aupuni mamuli o kana olelo hoolaha.

            No ka nui o ka minamina o ua moi la i kona nohoalii a me kona aupuni, kahea ae la oia i kona alihikaua e lele mai maluna o ke koa opio a e lawe ae i ke ola o ke koa opio.

            Iloko o ia wa i lele mai ai ka alihikaua nui o ke aupuni o Sekotia me na koa he 4,500 maluna o ke koa opio.

            E like me ka eleu a me ka hikiwawe i huli ae ai ke koa opio a hoomaka iho la e hoouka i kekahi kaua hahana mawaena ona a me na koa o ka moi e Sekotia.

            Ia wa pu no hoi i hoolele aku ai ke koa opio i kona lio iwaenakonu o na koa a luku aku ia oia i na mea a pau mamua o kona alo me kana pahikaua omokoko.

            A iloko o ka hapaha hora, ua pau loa iho la na koa o ka moi o Sekotia i ka make i ke koa opio, a ua ike pu ia aku la ka moi Masekepa e holo ana oia no nona makau i ka make e hiki aku ana imua o kona alo, a ua ike mai no hoi oia i ka pau loa o kona mau koa i ka luku ia e ke koa opio a oia hoi ka mea nana i kono mai iaia e holo e imi i wahi nona e pakele ai mai ka make aku.

            I ka wa i ike aku ai ke koa opio i ka moi e holo ana, ua kena koke aku la oia i kona kapena moku e alualu aku mahope o ka moi a ina e loaa e hoihoi mai imua o kona alo.

            Ua hooko aku la ke kapena e like me ke kauoha a kona haku opio.

            He hapalua hora mahope iho, ua loaa aku la kekapena i ka moi ua lilo oe he pio na ko'u haku opio.

            I ka lohe ana o ka moi i kekahi leo mahope ona, oiai oia e holo ana; ua huli ae la oia me ke paupauaho a pane mai la i ke kapena:

            E ola wau, o kuu aupuni a me na mea a pau nou ia, me kona manao o ke koa opio la, eia ka aole.

            Iloko o ia wa i paa aku ai oia i ka hopu ia e ke kapena a lawe ia aku la oia imua o ke koa opio a me ka lehulehu e nana mai ana.

            Pane mai la ke koa opio i ka moi he pio oe na'u i keia manawa, oiai ua kue maopopo oe i na rula, nolaila, e make oe e pono ai ma kou aupuni.

            E olo wau a me ko'u ohana, a o ke aupuni a me na mea a pau nou ia, wahi a ka moi.

            Ae aku la ke koa opio i ke noi a ka moi e ola oia a me kona ohana, a pane hou aku la oia:

            I ka la apopo, e poni ia ai keia mea ma kua aoao e ku nei i moi no Sekotia, a pane hou aku ia i ka moi, i ka la apopo, e hoolilo aku ai au ia oe o oe ke kuhina nui o ke aupuni, aole wau i manao e kipaku ia oe mai ka nohoalii ae, koe wale no o kou kue malalo o na rula oia ka mea nana i hoe haahaa ia oe mai ke kulana moi a ke kulana kuhina.

            I ka lohe ana o kahi kapena moku i kona hoolilo ia aku i moi no Sekotia, ua nui loa kona hauoli.

            Iloko o ia wa, ua hoi aku nei ke koa opio a me kona kapena i ko laua hotele i ukali ia e na makaainana mahope a e haanui ana no hoi kekahi poe no lakou mea i ike ai no ke koa opio.

            I ke kakahiaka o kekahi la ae, a i ke kani ana ae o ka hora S, ua naue aku ia na mea a pau no ka pa alii mai ka poe opiopio a ka poe elemakule a ua piha kui aku la ka pa alii i ka lehulehu e kali ana o ke kani ae o ka hora 10 a oia hoi ka wa poni.

            A he 5 minute i koe kani ae ka hora 10, ua hiki aku la ke koa opio a me kona kapena i ka pa alii; ua hele loa aku nei laua a ma kekahi rumi i hookaawale ia no laua, komo aku la laua a noho iho la.

            Kahiko iho nei kahi kapena i na kahiko alii piha o Sekotia a e kau ana ma kona umauma na hoku alii ehiku o Sekotia.

            Pane aku la ke koa opio, he mau minute koe, aliala, e lilo 'ana oe i moi no Sekotia nei, a eia ka'u olelo ia oe ina oe e poni ia, e malama oe i ke aupuni a me ka lahui kanaka, o na hooponopono ana a pau loa, malalo ia ou, o ka mana o ke aupuni, maluna ia o'u, a ma e hiki mai na popilikia, ua hiki no ia'u ke kokua i na wa a pau.

            A i ke kani ana ae o ka hora 10, ua puka aku la ke koa opio a me kona ka pena imua o ka lehulehu e nana mai ana, a kamailio pokole aku la ke koa opio imua o ka lehulehu penei:

            Ia oukou e na poe kupa o Sekotia nei a me na poi koikoi o ka aina a me ka lehulehu no a pau loa, aloha oukou, i keia hora e poni ia aku ai ko'u hoahele i au pu mai ai i ke kai, me ko'u manao, aole maua e halawai ana me oukou i Sekotia nei i keia hora ma ke kino, oiai, ua halawai ko makou wahi halelana me na makani ino o ka moana, oiai, he nui makou no keia huakai no keia aupuni, aka, no ka nui o ka ino o ka moana, oia ka mea nana i hookauliilii aku i ko makou nui a koe mai makou, a mamuli o ke kokua ana mai o na mana lani oia paha ka mea nana i hoopakele mai ia makou a hui pu kakou i keia hora, o ke kumu nui nana i kono mai ia'u a me na hoa a pau ua ike no paha oukou i ka hoolaha a ka moi Masekepa nei, e hele kaapuni ana ma na wahi a pau o ka honua a ua hooko ia ka hoolaha i keia hora o ka mea e ku nei ma ko'u aoao oia ko oukou moi a mau loa kau ma kahi o ka moi mua, a e hoolohe oukou i kona leo, a o na hooponopono ana a pau loa malalo no ia o ko oukou moi hou, a o ka moi Masekepa, ko hookohu aku nei au iaia oia ke kuhina nui o ke aupuni, a o ka mana o ke aupuni aia no ia malalo o'u, a o na pilikia a pau loa e hiki mai ana, ua hiki no ia'u ke kokua i na wa a pau loa, a nolaila, e hoolohe i ka leo o ko oukou moi, a ina oia e hoopilikia ia oukou he hiki loa ia'u ke hoopau iaia mai ka nohoalii ae, a o ke aloha ko oukou a pau loa.

            Ia wa no i haawi mai ai ke anaina i na leo huro kupinai, a oia no hoi ka wa o ke kahunapule a poni iho la i ke kapena moku i moi no Sekotia.

            I ka pau ana o na hana o ka poni moi, ua ku mai la ka moi hou a haiolelo mai la:

            Imua o oukou e o'u mau hoa makaainana, oiai ua like no ko kakou mau kulana a pau, a aole no hoi wau i moe uhane mua e loaa ana ia'u keia pomaikai, oiai, o ka mamao o keia kulana moi mai ko'u kulana makaainana aku, he 15 kapuai ke kiekie, aka, mamuli o ke kokua ana mai o na mana lani i ke koa opio, i loaa ai ia'u na pomaikai, a ke nonoi ae nei i na mana lani, e uhai ia ke koa opio e na pomaikai he nui, a haawi aku la ua moi hou nei i kona hoomaikai imua o ka lehulehu.

(Aole i pau.)

 

PACIFIC HARDWARE COMPANY

Na hope o Dilinahama Ma.

Mau Mea Kuai Lako Hao

Alanui Papu Honolulu.