Ka Nupepa Kuokoa, Volume XXVIII, Number 11, 16 Malaki 1889 — Page 3
| This text was transcribed by: | Iasona Ellinwood |
| This work is dedicated to: | Nā hanauna e hiki mai ana |
Ka Nupepa Kuokoa
KE KILOHANA POOKELA NO KA LAHUI HAWAII.
MARAKI.
KE KAU ANA O KA MAHINA
@ Mahina hou @ M.
@ Hapaha mua @ M
@ Mahina piha @ M.
@ Hapaha hope @ P M.
@ Mahina hou @ M
@ A ME KA NAPOO ANA O KA LA
Puka Napoo
@ Sabati 6 22 1 6 01 9
@ Sabati 6 1@ 4 6 04 2
@ Sabati 6 1@ 6 06 5
@ Sabati 6 @
KELA ME KEIA
@ manao o Kamehameha III @kai.
I keia Poakahi ae e hoomaka ai ke Kula Kamehameha.
Ua huli hoi aku no Kapalakiko, ka Moi o na sugar-kopaa.
Nui na Pu@kiki e haalele mai nei i ko kakou mau kapakai
Ke pii ae nei ka makaki o ke alanui pii makaikai o ka puu kiekie loa launa ole o Puowaina Hura
He elua alahao o alanui Papu e moe nei i kai o ka uwapo mai alanui Moiwahine aku
Ua kapa ia iho nei ka inoa o ka bataliona elua o Honolulu nei —ka Puali Kamehameha
He 1@ poe o Ewa i h@p@k@ ia mai e ka makai Ki@ o ka Papa ola, i manao ia ua loaa i ka mai lepera.
Ua lilo ae nei ia Hon. J. I. Dowsett ka aina hanai holoholona o Leilehua, nona na eka he 20,000, no $41,500.
I kela Sabati aku nei, ua hoolaa ia ka halepule hou o Makawao. Ua nui na poe i akoakoa aku ilaila.
Ua lilo ae nei ia Walker me Redw@ ke koho o ka @wai aupuni mauka iho o ka H@ Kukui Uwila no $@20
Piha ohuohu ka Australia i ka Poaha nei ma kana huakai hope no Kapalakiko E pani ia ana kona wahi e ka Wala Wala.
O ke kuaua ka mea makemake nui ia e haule, aohe nae he kulu mai. Ua huhu paha na aumakua i ka inu awa ole—he
O ka Poaha nei, oia ka la hanau o ka Moi Humebeto o Italia. Ua hoomanao ia ka la ma ka welo ana o ka hae o na Kanikela
E hiki mai ana paha he puali keaka hou ma ka mokumahu Alameda mai na Panalaau mai o ka Hema i keia mahina ae.
@ki pau lua hoi ka Bana i kela leo mele o ke ano hou loa o ka Pu-ha ha ! Ie-he-he !! La d@da !!!
E malama ia ana ke kopala i kioe ia ai ka lepo no ka wehe i ka hana o ka hoomaka mua loa ia ana o ke alahao o Puuloa, i mea hoomanao.
E halawai ana ka Ahahui Euanelio o ka mokupuni o Oahu ma Kaumakapili, ma ka la 3 o Aperila, hora 10 o ke kakahiaka.
Ua puka ae nei ka nupepa Palekaiko o ka Pakipika, ka wahaolelo hookaulana ia Hawaii nei imua o ke ao holookoa.
Ua hemo mai ka apana aku o Kapuukolo, i ka po Poalua, Feb 19, he lio hulupala lae kea, hao kuni K ano pi'o ma ka a-i. O ka mea e loaa ana a hoihoi mai i keia keena, e loaa no ka uku makana he $10. 21
E kanu ola ia aku ana kekahi kanaka ma Amerika ma ka inoa o Dr. Tanner, me ka hookii ana iaia iho me ka ai ole no kekahi mau la loihi. He manaoio kona, o ka ai ole ana o na holoholona i na kau hau o na mahina o ka hooilo, he hiki no i ke kanaka ke ola no kekahi manawa.
Ua makemake loa ia ko kakou Bana e ko Kikane poe, a na lakou na lilo a pau o ka holo ana aku. Ua ahona paha o ko lakou mau kii ke hoouna aku, a na lakou ia e nana iho i ko lakou nei like pu me kanaka o Nu Kilani. Ho, dairy !
Ua mare ia mai nei ma ka mokuaina o Nu Ioka kekahi mau mea, o ka wahine, he kaumaha kona o 650 paona, a he 23 wale no makahiki. O ke kane hoi, he 28 ona makahiki he 90 paona ke kaumaha. He hookahi wahine ku aoao he 840 paona kona kaumaha. Makena no ua mea o ka fat.
Ke o@ aku nei makou i ka wehena kaiao aohe i puka ka la
Makena ua hihia o keia kau Kiure ae o ka Wa Kiekie
Ua hoomaha iki ko makou Makai Kiu i keia la.
Kukuku lua h@ kela mau wahi lio o ka ow@ hele ana ae mawaho o ko maou nei keena.
Ma ke Sabati i hala, ua hoopomaikai ia @ ka home o Mr. Geo. L. Desha @ he bebe keikikane.
K@ i hoi keia wahine me ke akua d@ e noho ana iluna, e walaau ana ka waha a kuhi na lima i ka lani. Pau o@ ho@ kuhihewa o ka poe hapa hupo.
E nana ae i na haina Baibala e puka aku nei ma ka pepa o keia la. Ua ho pokole ia mai e makou kekahi mau wehewehe ana, mamuli o ka hala loa mawaho aku o ke kakaiakii. Eia ia makou ka makana nani he palapala aina hou.
KELA NINAU BAIBALA.
O keia mau ninau Baibala i hoopuka ia e makou i kela pule aku nei, ua loaa mai na haine e like me ko lakou komo ana mai, a e ike ia no ma na huahelu malalo iho.
Ka Ninau.
1—Ma kekahi wahi o ke ao nei, aia he home nani a maikai, i hoopuni ia e na hua he umi; o na hua mua eha, ua hoopili ia aku ia Baala; a o na hua hope eono, he kulanakauhale kaulana no ka wa o ka B. C.
Ka mua me ka hope, he inoa ia o ke Akua Kiekie Loa; ka 2, 7, 6, oia ano hookahi no; 1, 3, 5, 4, oia no; 3, 8, 5, 1, 6, pela no; 9, 4, 5, 1, 10, kekahi mahele aina a Paulo i kipa ai ma kana huakai hele hai euanelio. Mai ka 1 a hiki i ka umi he wahi kaulana loa i ka wa o ka B. C. a komo loa mai nei i ka A. D., a ua piha loa i na mea kupanaha he nui. Owai keia home, a aia oia mahea?
2—He huaolelo ano nui, ma kahi akea ma kahi malu, ua hoopuka ia me ka maluhia loa, nona na hua palapala he elima: 1, 2, 5, 4, 3, aole i loli; 2, 1, 3, 5, ola ae la ka houpo lewalewa o na kamahele kuahiwi i au wale aku la; ka 2, 5, 4, 3, makau ia me ka ike ole a ua hooko io ia. Heaha ka huaolelo, a pehea hoi na hoakaka ana?
Ka Haina.
1—Ierusalema.
Wehewehe—Ieru, Salema, Ia, Ela, Iesu, Mesia: Musia a me Ierusalema.
O Ierusalema ia home nani a kaulana, aia ma ka mahele aina o Iudea.
2—Amene.
Mane a me Mene.
Kula Sabati o Kapalama.
1—Ierusalema.
Ieru, hapa mua o ka inoa o Baala.
Salema, ka inoa o Ierusalema.
Ia, he inoa o ke Akua ma ka olelo Hebera.
Ela, ikaika, kekahi inoa o ke Akua.
Hemahema, Iesu ka pololei.
Resia, Mesia ka oiaio.
Musia, apana aina a Paulo i haiolelo ai.
Ierusalema keia home, aia ma ka mahel aina o Asia Uuku, ma ka apana o Kanaana, ma ka hikina o ke Kaiwaenahonua.
2—Amene.
Hemahema, Mane paha ka pololei. O keia ka ai a ka Iseraela i auwana ai ma ka waonahele.
Mene, he huaolelo Kaledea i hoike ia ia Berehagala.
Kula Sabati o Holokahana.
1—Ierusalema.
O na hua mua 4, ua pili ia Baala, penei—Ierubaala. Na hua hope 6, he kulanakauhale o Salema.
2—Oiaio.
J. H. N. Kawaioulu.
1—Ierusalema.
Na hua mua 4, oia o Ieru, ua hoopili ia ia Baala, penei—Ieru-Baala. Na hua hope eono, ua pili ia Salema.
2—Amene.
Mane, ka ai a ke akua i haawi ai na ka poe Iseraela ma ka waonahele.
J. K. Malao, Opio,
Kula Sabati o Kalihi me Moanalua.
HAINA O KA HALELANA O NOA.
Ua ili ka halelana o Noa ma ka mauna o Ararata, i ka la 17 o Etamina ma ka helu Hebera, a ma ko kakou helu malama hoi, oia o Okatoba, makahiki o ka honua 1656.
2—Ua hookuu o Noa i ka manu nunu a hoi mai me ka lau oliwa i ka la 17 o Sabeta, oia hoi ka malama o Feberuari, makahiki 1656.
3—Ua hoomana na Magoi ia Iesu i ka la 6 o Tebeta, oia ka malama o Ianuari, makahiki 4005.
J. K. Malao, Opio,
Kula Sabati o Kalihi me Moanalua
EIWA MAKAHIKI I KA WEHI LAU PAINA O PUGET SOUND
A ME
KA IKE ANA I NA ALE AHIU O KA MOANA PAKIPIKA.
(Kakauia e D. J. Binamu.)
Ua haalele aku au i ka home ka aina hanau iloko o Augate 27, 1880, ma luna mai o ka moku kia-pa Star Side. He nui makou na Hawaii i hoo mai, ma ke ano luina no ka moku, a i kepa ia hoi no hookahi makahiki.
I ko makou la i haalele ai i ka nehi ana i ka lepo o Honolulu, ua like ia la me he la nui la, ka hele o ka uwapo a lehau i na kanaka, e uwe ana ka makua i ke keiki, ka wahine hoi i ka hoapili he kane, ke kaikuahine hoi i ke kaikunane, ka makuhonowai i ka hunona, a i ka wa i pau ai ka ike ana i ka ohana a e iho makawalu ana hoi na waimaka, e hoopulu ana i ka lihilihi a e kupenu ana hoi i na hainaka, o ko'u wa no ia i lohe aku ai i ka leo o na kiure e kena mai ana ia makou e liuliu no ke kau ana iluna o ka waapa a holo aku no luna o ka moku kahi aina lewa i ke kai.
O ko'u wa no ia i ike aku ai i ka hele ana mai o Jack Opunui ko'u kiure nana wau i kepa, a pane mai la e kau iluna o ka waapa, ua ae aku au me ke kaumaha luuluu i ke aloha o ka ohana a me ke aloha hoi o ka wahine e hoopoluluhi ana i ka nui kino, i ko'u wa i kau ai i ka waapa me ia mau hoa, a i ko'u wa i ike aku ai ia lakou la, e luhe mai ana i ka Pala, oiai ua pau wale no makou i ka luhe i ka wai, a oia hoi ka mea nana i hookanaaho iki mai i ke aloha i ka ohana.
Ia makou i pili aku ai ma ka aoao o ka moku, pii aku nei a kau iluna o ka oneki, o ko'u wa no ia i iho hou iho a kau iluna o ks waapa, holo hou no uka a mai uka mai hiki hou no ka moku, a komo aku neia ma kahi i hoomakaukau ia no na luina, wehe kahi lole maikai koho kahi lole no ka hana ana, a ia'u i puka aku ai no ka hoomaka ana aku e lawelawe i ka hana, no ka liuliu ana no ka holo ana, a ia'u hoi i huli ae ai a nana aku la iluna o na i-a, e kau mai ana ia mau hoa; o ke kau wale iho no ao e nae he maopopo o ka mea e hana ai, he ona paha, he ike ole paha, a ke lohe nei hoi au i ka leo o ka malama moku, a o ko'u wa no ia i hoomaka aku ai e pii ma ka na likini, a i ko'u wa i pii ae ai a ka hapalua like, o ko'u wa no ia i ike aku ai ia hoa e pii ae ana ma kahi aoao, ia maua i hiki aku ai iluna o ka i-a, a e pupue mai ana hoi lakou la, o ko'u wa no ia i hoomaopopo iho ai he poe ike ole keia i ka hana ana i na hemahema o ka moku, no ka mea, aole he maopopo o ka inoa o ka pe-a, a me na kaula.
I ka wa i kau mai ai ke pailaka no ka liuliu e holo, ia wa i kauoha ia mai ai ia hoa o'u nona ka inoa o Kamaki e hele e ku i ka hoe, a i kona wa e puliki ana i na pine o ka hoe, a eia hoi makou he hiu nei i na pea, a lohe ia aku la hoi ka leo o ke pailaka, leko laina, a pela hoi me ka mea e ku ana i ka hoe, ke niniau ae nei ka ihu o ka moku, a o J. M. Kelelua hoi, ke haka pono aku nei kona mau maka i ka mea e ku nei i ka hoe no ka ike ole.
I ka wa i ike ai o ke pailaka i ka hemahema o ka mea e ku nei i ka hoe, o kona wa no ia i kena ae ai ia Kelelua e ku i ka hoe, a o kona wa no ia i hele aku ai a paa iho la i na pine o ka huila, no ka mea he keiki ia i paulehia ma ia ano hana, a he kawa hoi nana i lele a opu, oiai kona mau la e alo ana i na kai anu o Alika, a owau hoi me ia mau hoa, eia makou ke huki nei i na pea, me ko'u nana no nae i ke ano o ko'u mau hoa, oiai, aohe kaula hopu ole ke loaa aku i na lima, o kela huki keia huki, kau ae ana ia pea, a pela wale iho la no makou i apa ai a hiki i ka wa o ke pailaka i haalele mai ai i ka moku a o ka leo aloha o na keiki hoe waapa ka makou i lohe aku i ka pae ana mai: Aloha oukou; a pela no hoi makou i panai aku ai no ia haawina hookahi he aloha.
Ia wa no makou i kiei aku ai mawaho o ka palekai eia ka ua kaa mai la makou mawaho o na mouo apiki, a i nana aku ka hana i ka hale ipukukui e pua iki mai ana, a o ko'u wa no ia i hoolele pau aku ai i ka lena ike a ko'u mau kii onohi maka i na puoa o ka halealii a pau hoi ka'u kilohi ana i kona nani, haule iho la na lena ike a ko'u mau maka i ka wehi o ke taona, ke taona i noho ia e ka wehi o na lau lipo o ka nahele, a i kokua ia mai hoi e ke ala waianuhea o ka mokihana.
Ia wa au i hoopau ae ai i ke kiiohi ana i ka nani o ka aina hanau, oiai, ke lawe aku nei o Lehua i ka malamalama o ka la, a ia'u hoi i huli ae ai ma kahi aoao, e oni ae ana o ka lae Loa, a huli hou ae la a nana ihope, aohe ike hou ia aku o ke taona, oiai, ke uhi paa iho la na ao kaalelewa i ka aina, a i kokua ia mai hoi e ka pouli nui e halii ana i ka ili laumania o ka moana, a ke pa nei hoi ka makani mahope me ka maikai, a ke haulani nei no hoi ka ihu ka moku i ka ohuku ale, a e kau aheahe mai ana hoi o Kelelua ka mea iaia ka hoe uli, me ka ume palanehe ana o kona mau lima i na pine o ka huila, a o kekahi mau hoa hoi eia no iloko o ka pokelo kahi i noho ai, no ke poluea ia'u hoi e holoholo ana ma ka oneki ia wa i hele mai ai ka malamamoku no ka hoonohonoho i ka uwaki.
Ia wa i koho mai ai ka malamamoku ia Mr. Kamaki me elua haole, a koho hoi ka hulipahu ia Sam. Kuula, Kelelua, Opiopio, Lui Kahoohiki, koe iho la wau, no ko'u opiopio a ukku paha, oiai, he poe kanaka makua wale no lakou la.
I ka wa i pau ai o ka hooponopono ana o na uwaki a moe hoi kahi uwaki, o ka uwaki a ka malamamoku kai ala, a moe hoi ka uwaki a ka hulipahu.
Mamua nae o ka hoi ana o kela uwaki e moe, ua olahani ia makou e pauma i ka liu o ka moku.
No hookahi hora me ka hapa ko makou kukupau ana iho i ka pauma ana i ka liu, aole i pau a hiki wale i ka hoi ana o kela poe e moe, a ala aku hoi ka uwaki ala no ke kiai ana i na poino o ka moku, oia hoi ka makani ino a me ka hookui aku paha me kekahi mea mamua o ko makou alahele moana.
Na mea o kahi la ae.
Ma kekahi la ae, aohe o makou ike hou i ka home, oiai ua nalowale aku ka aina a eia hoi makou iwaena moana kahi i lula hele ai a ua pau hoi ka ike ana i ke ao aina, a ke paialewa ia nei hoi ko makou aina e na ale ahiu o ka moana Pakipika, a e lele hoolai mai ana hoi ke Kaupu ma ka ilikai, a e lana mai ana no hoi kahi mahope o ka moku.
Ke ano o ke ala moana.
He maikai wale no ka moana a he maikai no hoi ka pa ana a ka makani, no ka mea, eia mahope pono ka makani a ua kuea pono hoi na i-a, a he kohu kaupu iho la ko makou moku i ka hele a kikaha lua kela; no ekolu la ko makou holo ana ma ka moana, aole wahi mea a pau iki ke ano poluea o ko'u mau hoa, e hikaka hele ana iluna o ka moku he kohu kanaka ona rama ala.
Ka loaa ana i ka ino.
No ewalu la ko makou holo ana me ka maikai hoi o ka pa ana a ka makani a me ka maikai hoi o ka moana, aole wahi pii ale iki maluna o ka moku i ka po, o ka la i hai ia ae la maluna a o ka hapalua like paha ia o ke aumoe, o ka wa no ia i pa mai ai o ka makani me ka ua, a ke lohe nei hoi au i ka uwe hone a na likini, a ke ala mai nei hoi na ale o ka moana a he kuakea wale no ke nnna aku, e hele ino ana hoi ka maka o ka hoku iloko o ka pouli nui, a ke noke hala ole nei na kulu pakaua o Kulanihakoi.
Make i ke anu a me ka opili.
I ka wa a ka ua e noke nei a pela pu hoi me ka makani, e kuehu mai nei i ka ehukai a e hoopulu ana hoi i na papalina, o ko'u wa no ia i ike aku ai i ke kauwahi hoa o'u e naka haalulu mai ana, a ua loaa like hoi ia haawina ia makou a pau, no ka mea, ua hele mai me ka hemahema aohe kapa uweke, ka mea nana e pale aku ke anu, aole hoi e pulu mai kahi kapa i ka ili.
Ka umikumakahi la i ka moana.
I ka piha ana o na la he 11 ma ka moana, a o ke kakahiaka hoi ia, a e paa mai ana hoi o mua i ka noe a ke kani nei hoi ka o-le o ko makou moku, me he mea la e hai aku ana i kekahi moku e ae e holo ae ana, no ka mea, he rula mau ia no na moku i ka wa e ike ai i ka noe i ole hoi e hookui.
Ka ike ana i ka aina a pakele mai poino.
I ke kakahiaka o kekahi la ae a o ka piha ana hoi ia o na la he 12 ke mau nei no hoi ka uhi paa ana o ka noe, a o ko'u wa hoi ia e ku ana i ka hoe, mai ka hora 8 aku a hiki i ka hora 10, a ma ka'u hoomaopo iho i ka manawa a'u e ku nei i ka hoe, oia paha ka hapalua o ka hora 9 a ke mao ae nei hoi ka noe i kela wa, o ko'u wa no ia i ike aku ai i ke pouliuli mamua o makou, me ko'u manao no nae he aina, o ko'u wa no ia o ke kapena i ninau mai ai, aia mahea, pane aku la au, eia ma ka aoao; o ka wa no ia i huli ae ai ka moku a hele aku la he ihu okoa; a ia wa i ike pono ia aku ai ka aina e waiho pono mai ana mahope, mihi aku mihi mai makou na luina a pela pu hoi me na alii moku i ka poino
He heluna nui o na moku i ka nuku o Kipalale i hele a hihimanu i na pea.
Tacoma Mill, Wash, Ty.
NA MEA HOU O HONOKOHAU NEI.
Ma ka Poaono mua o Ianuari, pakele mahunahuna ke ola o Mrs. Luisa Emeria Liwai, a me Lussera Keala mai lilo i moe puu na ka nalu. O kumu i hele ai, i hele i ke poi aama ma kumu pali, oiai he mau la nalu loa ia o Honokohau nei, a ua pii loa ka aama i kahi maloo, ia laua e poi aama ana, ua loaa laua i ka nalu, a nalowale aku la iloko o ka nalu, pakele aku la hookahi oia o Mrs. Kaai Kapahiku, no kona kaa ana ma kahi kupono e holo ai. Laki nae i ka loaa ole ana o ka palau ia Mrs. L. Emeria Liwai, a me kahi keiki oia o Lussera Keala iwaho, iloko wale no laua kahi i kupapa ia ai, a pau laua i ka poholehole.
Ma ka wanaao Poalima Ianuari 18, ua hanau mai la na George me Makela he keiki kane mohaha maikai, kupono no ke au hooulu lahui o Kalani.
Ma ka wanaao Poaono Ianuari 19, ua hanau mai la na L@no Davida me Gimala w., he kaikamahine kino maikai, a kupono hoi no ke au hoomaemae aupuni.
Ma ke ahiahi Poaha Feberuari la 7, hora 5:30, ua haalele mai la o Miss. Lipine K. Kaiuokalewa Kalaola i keia ola ana; ua hanau ia oia ma Haleola Honokohau nei, ma ka wanaao Poalua Iune la 29, 1874 na ka mea e kakau nei me Kamoku w. Nolaila, ua piha ia ia na makahiki he 14 me na malama he 7, a me na la 10 ma keia ola ana. He kaikamahine oia i aloha nui ia e kona ohana, me kona makuahine a me ka lehulehu no a pau, no ka lokomaikai, me ka heahea a me ka oluolu, he kilakila a me ka nani.
A nona paha keia lei Ahihi.
Maikai Kauai hemolelo i ka malie,
Kupu kelakela ke poo o Waialeale,
Kela i ka lani.
O Miss. Lipine Kanoelehua, Kauiokalewa Kalaola, oia ka maua keiki hope loa, a o ka 4 hoi o na keiki a maua, ua lawe mua aku ka po elua keiki a koe mai la ia maua he elua, a ma ka malama i hai ia ae la maluna, ua lawe ia aku la hookahi, a koe mai la hookahi ma ko maua poli. Ua loaa oia i ka mai ma ka malama o Sepatemaba, o ka makahiki 1887, a make ma ka malama o Feberuari 1889, nolaila, ua hoomailo ka mai ma kona kino no 1 makahiki me na malama 5 me na la keu.
Nolaila, na ke Akua no i haawi mai, a nana no i lawe aku. E hoomaikai ia oia.
Owau no me ka oiaio
SMUEL L. KALAOLa.
Pelekane, Honokohau Mar. 7, 1889.
NA MARE A ME NA MAKE.
Ma ka apana o Ewa—na Mare.
Dec. 20, 1888. Ma Waiawa Ewa—mareia o Hopu k., me Kahikina w.
Dec. 25, 1888. Ma Kalauao—mareia o Nahuina k., me Ema Pupahi w.
Ian. 1, 1889. Ma Kalauao—mareia o Davida Kanakaole k., me Remiota Kanewa w.
Feb. 2, 1889. Ma Waikele—mareia o D. A. Kaaiahua k., me Annie Malumalu w.
E like me ka olelo a ka Baibala "He mea maikai ka mare no na mea a pau, he mea e paumaele ole ai kahi moe."
Na Make.
Feb. 3, 1889. Ma Aiea Ewa—make o Luisa M. Kuhano w.
Fep. 10, 1889. Ma Halawa—make o Lui Kinilau k.
Feb. 16, 1889. Ma Halawa—make o K. Kahumoku w.
Feb. 17, 1889. Ma Waikele--make o Paele Kalaukohai k ,
E like me ka olelo a ka Buke Nui. "A hala ka huina o na makahiki, alaila hele aku la au i ke ala aole hoi hou mai."
S. K. KUHANO.
HOOLAHA HOOKO MORAKI ME KE KUAI.
I kulike ai me kekahi mana kuai o ka moraki i hana ia mawaena o James Keau o Honolulu, Oahu, ia Bishop & Co. o Honolulu, Iune 14, 1883, a i hoopaa ia ma ke Keena Hoona Kuleana, Buke 82, aoao 192, 193, a me 194.
Ke hoolaha ia aku nei ma keia, e hooko ia aku ana ua moraki la ma ka uhaki ana o ka aelike, penei: O ka hookaa ole ia ana o ke kumupaa a me ka ukupanee, nolaila, e kudala akea ia aku ana na aina, na lako, a me na waiwai ma kekahi manawa e hoike ia aku ana.
No na mea i koe, e ninau ia Bishop & Co., a i ole, ia W. O. Smith, loio no ka mea morakiia.
BISHOP & CO.,
Mea Morakiia.
Honolulu, Feb. 15, 1889.
O na wahi e kuai ia aku ana, oia keia malalo iho:
O kela apana aina e waiho la ma Aala, Honolulu, Palapala Sila Nui Helu 5651, L. C. A. 1087 ia Uluoa, me na hale a me na pono a pau.
2221-3t
HOOLAHA HOU
AHA Kaapuni Apana Elua o ko Hawaii Pae Aina Ma ka Hooponopono Waiwai Mokupuni o Maui, Hawaii Pae Aina. Ma ka Waiwai o PATRICK McDERMOTT, no Wailuku, i make.
No ka mea, ma ka la 27 o Feberuari, M. H. 1880, ua waihoia mai imua o ka Aha, kekahi Palapala @ oia no ke Kauoha Hope Loa o Patrick McDermott i make aku @ me ka Palapala Hoopii e noi ana e hooiaioia kela Palapala Kauoha a e hoopuka hoi ka Palapala Luna Hooko no Thos. W. Everett ua waihoia mai e Thos. W. Everett.
Nolaila, ua kauohaia o ka POAKAHI, oia ka la 20 o APERILA, M. H. 1889, ma ka hora 10 a.m., ma ka Rumi Hookolokolo o ia Aha ma Wailuku, oia ka la me ka hora, e hooiaio ia ai ia Palapala Kauoha, a e hoolohe hoi no ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia, e hoolaha no ia mea no na pule ekolu, iloko o ke KUOKOA, he nupepa i pai ia a i hoolaha ia ma Honolulu.
Kakauia ma Wailuku, ko Hawaii Pae Aina Mar. 11, 1889.
GEO. E. RICHARDSON,
Lunakanawai Kaapuni Apana Elua.
2224 3t
HOOLAHA HOOKO MORAKI.
Mamuli o ka mana kuai i hoike ia maloko o kekahi palapala moraki i hanaia mawaena o D. F. Sanford, o Hamakua, Hawaii, o ka aoao mua, a me C. M. Cooke, Puuku no Punahou o ka aoao elua, ma ka la 30 o Aperila, 1887, i kakau kope ia ma ka buke 104, aoao 100, a mamuli o ka uhai ia ana o na kumu aelike o kela moraki, oia hoi ka hookaa ole ana o ka ukupanee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 1 o Aperila, 1880, hora 12 o ia la, ma ka Poakahi.
Aia ma kahi o W. R. Kakela na olelo hoakaka no keia mea.
Hanaia i keia la 5 o Maraki, 1889.
C. M. COOKE, Puuku &c.
Mea Moraki Mai.
Penei na aina i moraki ia : He apana pahale ma Paapaanui, Hamakua, Hawaii, oia hoi he 1 me 1/2 eka me na hale a pau maluna, (he mau hale maikai no hoi) na luawai a me na mea a pau e pili ana. O ka aina oia kela apana i hoohioia e G. W. W@ng ia D. F. Sanford ma ka palapala kuai i kope ia ma ka buke 77 aoao 434. 2223-4t.
HOOLAHA HOOKO MORAKI ME KE KUAI.
Ke hoolaha ia aku nei ma keia, e like me ka mana o kekahi palapala moraki i hana ia ma ka la 30 o Aperila, 1884, na Apua k, o Laie, Koolauloa, Oahu, ia A. Jaeger, he Kahu, o Honolulu, Oahu, i kakau ia ma ke keena Kakau Kope Nui, ma ka Buke 83, aoao 468, 469, me 470, no ka uhaki ia ana o ka aelike penei:
No ka hookaa ole ia o ke kumupaa a me ka ukupanee, a nolaila, e kudala ia aku ana ka aina a me na lako a pau ma ke akea i kekahi manawa e hoike ia aku ai, e like me ka ke Kanawai i ae ai.
O ka aina e olelo ia nei ma keia moraki, aia ma Laie, nona ka ili o 74 100 eka, a ma ka Palapala Sila Nui Helu 6521, L. C. A. Helu 10822, i hoopuka ia ia Peka ma ka hooilina mai a Puakalua kona makuahine, oia ke kaikamahine ponoi a Peka.
A. JAEGER, Kahu,
Mea Morakiia.
J. M. Monsarrat,
Loio o ka Mea Morakiia.
Honolulu, Feb. 23, 1889.
2221 4t
HUI ALAHAO HAWAII.
(KAUPALENAIA.)
Mahope aku o ka Poakahi; Ianuari 14, o na uku holo o ke KAA ALAHAO, e uku ia no ia ma na Palapala Ae Holo wale no, ma ka pepa manoanoa o elima no ka 25 keneta.
E waihoia na Palapala Ae Holo iloko o kekahi pahu i hookaawale ia ma ke kaa e na ohua e kau ana.
He hoomama ana mai keia me ka loloiahili ole i na poe e kau ana no na koena, a pela i makemake ia ai ia mau palapala e kuai no ka manawa hookahi.
O G. Toiele, oia ke hele aku ana ma na Poalima me Poaono no ke kuai aku oia ka la 11 me 12 o keia mahina.
2213 tf
HALEKUAI BIBI HONOLULU
(Hope o Wm. McCandles.)
HELU 6 ALNAUI MOIWAHINE, MAKEKE MA ULAKOHEO.
Na Bibi momona, Hipa, Puaa me Ia, na lako ai ulu & co.
O na kauoha a na ohana a me na moku mai e hooko koke ia no me ka eleu a me ka hikiwawe.
O na holoholona ola no na moku e hiki no ke hooko koke ia.
Telepone Helu 212. 2185-tf
PACIFIC HARDWARE COMPANY
Na Hope o Dilinahama Ma.
Mau Mea Kuai Lako Hao
Alanui Papu Honolulu.
E G. HITCHCOCK.
(AIKUE HIKIKOKI).
LOIO A KOKUA MA NA MEA A PAU E PILI ANA MA KE KANAWAI.
E ohi ia no na Bila Aie, me ka awiwi
HILO, HAWAII.
2114. 1yr.
HOOLAHA AHA KIEKIE.
AHA HOOKOLOKOLO KIEKIE O Ko Hawaii Pae Aina. Ma ka hooponopono Waiwai. Ma ka hana o ka Waiwai o GEORGE MORRIS, o Honolulu, Oahu, i make.
Ma ka waiho ia ana mai o ka palapala noi a me ka @ Wilkinson, Lunahooponopono o ka waiwai i oleloia, e noi ana e apono ia na hoolilo he $531 72, a e @ i loaa mai iaia he $2020, @ e apono ia kela mau mea a @ mahele ia na waiwai e waiho ana ma @ lima i ka poe @
Nolaila, ua kauohaia, o ka POAKOLU, oia ka la @ o APERILA, 1889, i ka hora 10 o kakahiaka, ma ke Keena Hookolokolo @ Aha ma Aliiolani Hale, Honolulu, oia ka manawa a me kahi @ no ka hoolohe @ a me na papa @ olelo ia @ malaila, e hele mai e hoike i ke kumu, ina he kumu io @ ka mea i kuleana i na waiwai i olelo ia.
Kakauia ma Honolulu, Maraki 12, 1889.
Na ka Aha
J. H. REIST.
Hope Kakauolelo.
2224-3t
AHA HOOKOLOKOLO KIEKIE O ko Hawaii Pae Aina. Ma ka hooponopono Waiwai. Ma ka hana o ka waiwai o LUTHER A@OLO o Honolulu, Oahu, i make.
Ma ka waiho ia ana mai o ka palapala noi a me ka papa @ K. Ah@ Luna hooponopono o ka waiwai i oleloia, e noi ana e apono ia @ $@80 @ hoike ana i na mea @ a e noi ana e nana a e apono ia kela mau mea, a e kauoha ia e mahele ia @ waiwai e waiho @ ma kona lima i ka @ oia ma kona noho ana ma ia ano.
Ua kauoha ia, o ka POAHA, ka la 4 o APERILA, 1889, ma ka hora 10 o kakahiaka, ma ke keena o ka Hale Hookolokolo ma Aliiolani Hale, Honolulu, oia ka manawa a me kahi i koho ia no ka hoolohe ana i ua noi la a me na papa hoike i oleloia, a o ka poe a pau i pili malaila e hele mai e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o ka mea i kuleana i ka waiwai i oleloia.
Kakauia ma Honolulu, Feb. 20, 1889.
Na ka Aha.
J. H. REIST.
2222-3t Hope Kakauolelo.
HOOLAHA HOOKO MORAKI ME KE KUAI.
I kulike ai me ka mana o kekahi moraki i hana ia mawaena o Arthur Morgan ia Bishop & Co., ma ka la 23 o Iulai, 1888, a i hoopaa ia ma ke Keena Hoona Kuleana, Buke 113, aoao 99, 100, me 101.
Nolaila, ke hoolaha ia aku nei ma keia, e hooko ia aku ana ua moraki la ma ka uhaki ia ana o ka aelike, penei. O ka uku ole ia o ka ukupanee a me ke kumupaa, nolaila, e kudala ia aku ana ma ke akea, na aina, na lako a me na waiwai e ae i pili, ma kekahi manawa e hoike ia aku ana.
No na mea i koe, e ninau ia Bishop & Co., a i ole, ia W. O Smith, loio no ka mea Morakiia.
BISHOP & CO.,
Mea Morakiia.
Honolulu, Feb. 15, 1889.
O na wahi e kuai ia aku ana, oia iho keia malalo nei:
O kela mau apana aina a pau e waiho la ma Palama, Honolulu, i hoike ia ma ka Palapala Sila Nui Helu 401, L. C. A. Helu 8305, penei
1—O kela apana aina a Morgan i kuai aku ai ia W. C. Achi, Ianuari 10, 1885, a hoopaa ia ma ka Buke 97, aoao 51.
2—O kela apana aina a Morgan i kuai aku ai ia W. C. Achi, Aperila 3, 1880, a i hoopaa ia ma ka Buke —
3—O kela mau pono a pau loa a W. C. Achi i hoolimalima aku ai ia Morgan ma kekahi hoolimalima, Dek 1, 1886, a i hoopaa ia ma ka Buke.
I komo pu me na lako a pau e pili ana. 2221 3t
Ka Waiwai o ka Hilinai
Saseparila Ayer
A A@ kai k@ hilinai @ maemae @ a pau o ka @ aneane 40 makahiki i hala ae nei, a ua lawelawe nui ia hoi @ O keia
LAAU SASAPARILA, no loko ae ia o ke aa Sasaparila @ ua loaa @ hui pu ia ana me @ kekahi mau mea @
HE koko inoino a nawaliwali @? Ua awili pu anei me @ A ua hui pu anei me na wai awaawa @ Na keia
LAAU e hoomaemae ia mau mea iho a pau, a maikai. O na kauka @ o Amerika ike ke ano o ka AYER SASAPARILA, ua olelo lakou, @ ka hoomaemae koko ana mai na mai i awili pu ia, aka o keia wale no. No ka
HOOMAEMAE ana i ke koko, ame ka @ pono ana i na mea a pau ma kekahi mau ano @ o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke
KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. He maalahi a he
MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana m@ i keia laau mamua o kahi mau laau e ae.
A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha wahahee wale ia malalo o na inoa lehulehu, aka, na hilinai a me na hooia wale no a ke ao holookoa, maluna o ka
Ayer Laau Sasaparila.
I HOOMAKAUKAUIA :
Kauka J. C. Ayer & Co., Lowell, Mass.
HOLLISTER & CO
Na A ena ma ka Paeaina Hawaii.
Helu 100. . . . Alanui Papu, Honolulu
2086-tf