Ka Nupepa Kuokoa, Volume XXVIII, Number 11, 16 March 1889 — Page 1
| This text was transcribed by: | Vernon Gomes |
| This work is dedicated to: | Lisa Gomes |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXVIII, HELU II. HONOLULU, POAONO, MARAKI 16, 1889.
NA HELU A PAU, 2224
HOOLAHA LOIO.
W. R. KAKELA.
LOIO A HE KOKUA MA KE KANAWA
He Luna Hooiaio Palapala.
tf
WILDER & CO. (WAILA MA.)
Mea kuai papa a me na lako kukulu hale na ano a pau, a me na ma @@ pono a pau no ka hale.
Kihi Alanui Moiwahin me Papu.
CECIL BROWN.
LOIO A ME KOKUA MA KE KANAWAI?
he Agena Hooiaio Palapala no ka Mokupuni o Oahu
KEENA HANA: Ma alanui Kalepa.
tf.
A ROSA. (AKONI.)
LOIO A HE KOKUA MA KE KANAWAI
He Luna Hooiaio Palapala.
KEENA HANA: Make Keena Loio Kuhina.
tf.
VOLNEY VAILLANCOURT ASHFORD,
AKEPOKA.
He Loio, Hoakaka, Pale ma k Kanawai Kakauoielo, Lunahooponopono a me ka hana ana i na Palapala Hoolilo.
LAWELAWE ILOKO O NA AILA A PAU O KE AUPUNI.
E hana ia no na Palapala pili Kanawai a pau.
Keena Hana Helu 21, Alanui Kalepa, Honolulu Hale. (2150 ly)
WILLIAM C. ACHI.
Loio a he kokua ma ke kanawai imua o na Aha a pau o keia Aupuni.
He mea Ana Aina a he Boroka ma na waiwai paa.
Keena Hana, Helu 15, Alanui Kaahumanu Honolulu, oia ke Keena mua iho nei o Kini me Peterson. 2114-y
GEORGE P. KAMAUOHA.
He Loio a he Kokua ma ke Kanawai.
--A HE MEA--
ANA AINA.
E loaa no ma Kohala Akau, Hawaii.
2091-1y
JOHN MAHIAI KANEAKUA.
LOIO A HE KOKUA MA KE KANAWAI.
HE MEA UNUHIOLELO MA KA OLELO BERITANIA A ME KA OLELO HAWAII.
Keena Hana, maluna ae o ka Banako o Bihopa ma.
1yr.
HALEKUAI BIBI HONOLULU
(Hope o Wm. McCandles.)
HELU 6 ALNAUI MOIWAHINE, MAKEKE MA ULAKOM@O.
Na Bibi momna, Hipa, Puaa me Ia, na lako ai ulu & co.
O na kauoha a na ohana a me na moku mai e hooko koke ia no me ka eleu a me ka hikiwawe.
O na holoholona ola no na moku e hiki no ke hooko koke ia.
Telepone Helu 21@. 2189-tf
PACIFIC HARDWARE COMPANY
Na hope o Dilinahama Ma.
MAU MEA KUAI LAKO HAO
Alanui Papu Honolulu.
E G. HITCHCOCK.
(AIKUE HIKIKOKI).
LOIO A KOKUA MA NA MEA A PAU E PILI ANA MA KE KANAWAI.
E @hi ia no na Bila Ai@, mo@ka awiwi
HILO, HAWAII.
2114-1yr.
HUI ALAHAO HAWAII.
(KAUPALENAIA.)
Mahope aku o ka Poakahi; Ianuari 14, o na uku holo o ke KAA ALAHAO, e uku ia no ia ma na Palapala Ae Holo wale no, ma ka pepa manoanoa o elima no ka 25 keneta.
E waihoia na Palapala Ae Holo iloko o kekahi pahu i hookaawale ia ma he kaa e na ohua e kau ona.
He hoomama ana mai keia me ka loloiahili ole i na poe e kau ana no na koena, a pela i makemake ia ai ia mau palapala e kuai no ka manawa hookahi.
O. G. Thiele, oia ke hele aku ana ma na Poalima me Poaono no ke keai aku oia ke la 11 me 12 o keia mahina.
@@@@-tf
NEDE NIKONA
--KA--
Puuwai Haokila a Hooko
Kauoha Poina Ole;
--A O KA--
Holapu Hope Loa
--A KA--
"ALABAMA,"
--KE--
Ahikanana a Puhipuhiahi
o ka Moana Atelanika.
"Elua Kupueu o ka moana,
A na O-I'a e makau nei;
O ka Alabama me ke Senedoa,
I ka uhai loloa mai mahope."
KA NIUHI HOLAPU MOANA.
MOKUNA VIII.
KUMUHANA WELIWELI.
Huki ino ia aku la keia iloko a pani k@ ke ia mai la ka ipuka a wili ia ae la ke ki.
"Ma o na lani la, o oe wale no ke kanaka hookahi a'u i ake nui loa ai e hiki mai i o'u nei.
O keia na huaolelo i puka ae mai ka waha o Kapena Belodina, ka mea hoi nana i wehe mai ka ipuka a huki ino aku la ia Nede iloko.
"Ina aole i loaa ia'u kekahi kumuhana nui, alaila, aole loa i komo ia ke poo o ke kanaka e ka noonoo a me ke akamai. Ua ake nui au e hoakaka aku imua ou e kuu keiki. Ua oi aku ka waiwai mamua o ke kaihele ana i na daimana a Fegusona iloko o na kamaa buti," wahi hou a ua o Belodina.
Alakai aku la oia ia Nede iloko o kekahi rumi okoa, a pane hou mai la ua kapena nei:
"Maluna mai nei oe o ka Alabama; ua lohi loa nae oe no ka haawi ana aku i ke aloha i ka ui nohenohea a me kona makuakane; aka, e ike hou aku ana no nae oe iaia, aole e loihi loa ka manawa ke holopono keia kumuhana. He iwakalua o'u mau kanaka no ke kokua ana ia'u. He poe na'u i hilinai a ua kamaaina au ia lakou a pau, no ka mea, ua noho kapena au maluna o lakou iluna o ka Natila."
Nana aku la o Nede me ka piha kahaha.
"He iwakalua o kou poe luina? Ua hai mai nei o Bila Ratalina ia'u, ua pau loa lakou i ka holo maluna o ka mokukaua Wikonisana, a olua wale no koe;" wahi a Nede me ka hiki aole iaia ke hoomaopopo i ke ano o keia mau lono elua.
"Pela ko Bila manao, aka, aole nae lakou i holo," wahi a Belodina me ka mino aka.
"Ua makemake au iaia e manaoio pela, no ka mea, mawaena o kaua, aohe hiki ia Bila ke huna i na mea a pau. A o na kanaka me a'u, ua pilipaa ko lakou oiaio me a'u i na manawa a pau."
"Aole paha a Pilipi Fale kekahi i helu ia mawaena o ia poe?" i ninau aku ai o Nede.
Mumule iho la ua Belodina nei, a ea ino ae la me ke kuku o kona maulihilihi a hulili ae la kona mau maka a pane mai la:
"E holopono ana ka'u kumuhana @a he Pilipi Fale na kanaka a pau loa o Bahia nei," a kui iho la i kona puupuu me ka ikaika iluna o ke pakaukau e ku ana mamua pono ona.
"Aole loa e hiki ia Kapena Semisa ke alo ae ia'u, he ole loa. Ke hoomanao nei au i ko'u noho kapena ana no kekahi wahi moku nani a pakika maluna o ka ilikai, a aia oia ihea i keia manawa? Ua lilo i mea ole Nawai i hoolilo i mea ole? Na Kapena Semisa me na kokua a keia i@io Pilipi Fale, ka mea nana i kolohe kon mau mekini. Ke ola nei au no ka aku ana aku ia laua. O Semisa nae ka@ e uku mua," wahi a ua o Belodina me ka li-o o na maka a me ke kuku o na lihilihi.
"Pehea oe e uku aku ai ia Kapena Semisa?" i ninau aku ai o Nede.
"A o kahi ia e komo mai ai kuu kumuhana nui. A i hiki ai ia'u ke hoakaka pono aku, e lawe au ia oe i ke kulanakauhale o lalo," wahi a ua Belodina la.
Ku ae la oia a kau ae la i kona papale i ke poo, a lalau aku la i kana pupanapana iloko o ka ume o ke pakaukau.
"E akahele kaua," wahi a Nede. "Ua ukali ae nei o Pilipi Fale ia'u a hiki i ka hotele a'u noho nei.
"Na kaua e hoohoka ia ilio. Ua kamaaina au i ke ala olowi huna e hiki aku ai i ka aekai. E hele kaua," wahi a Belodina.
Me ka piha eleu mau, ua hahai aku la o Nede i na kapuai o Kapena Belodina mai ua hale nei, a iho akui la laua a hoea i ke kulanakauhale o Bahia lalo ma kekahi alanui malu i kamaaina ia Belodina.
"Maanei mai," wahi a Belodina me ka hawanawana, a lalau mai la i ko Nede lima a huki aku la.
"Na'u e hoike aku ia oe he huaale nana e hooluai mai i na mea ino a pau o loko o ka moana," a hene aka iho la ua o Belodina me ka haaheo.
Mahope o ke alakai hele ia ana mawaena o kekahi mau ala olowi poeleele hoea aku la o Nede me ke kapena mahope o kekahi wahi hale uuku, a komo mua aku la o Belodina ma kekahi wahi puka huna.
"O keia ko'u waihona la kaua," wahi a ua Belodina nei i huli mai ai a kamailio ia Nede.
"Aole paha i moeuhane ka kakou aupuni ua lawe mai nei au i keia kaua a hoea loa i na aekai nei o Berazila, aka, oia ka'u i hana iho nei."
Ua poi pu ka pouli ia loko o ua wahi hale nei, aka, paa mai la nae o Belodina i ka lima o Nede a alakai aku la iaia a hiki i kekahi alapii, a iho aku la laua ilalo; a i ka hehi ana o ko laua mau wawae i ka honua, ho-a ae la o Kapena Belodina i kekahi kukui ihoiho, a kuhi aku la kona mau manamana lima ma kekahi kuono o ua keena honua nei, me ka pane ana ae:
"Pehea ka nanaina o kela kupua Amerika Akau i kau hoomaopopo ana?" me ka nana ana mai ia Nede.
"E hele aku a nana pono iho, aohe makau ana nona i keia manawa."
Aole no i hookaulua iho o Nede, aka, hele aku la ia a nana pono iho la i ua mea nei i ka waiho ae.
O keia mea a Nede e makaikai nei, he topido hoopahu iloko o ke kai, a he weliweli kona nui a me ka iakaika. He hiki ke hookuu ia iloko o ke kau malalo o ka moku me ka hoopaa ia me kekahi uwea a hiki iuka o ka aina, a hookui ia me kekahi ki uwila mageneti a na ia mea e hoopahu i ua topido nei, a o na mea a pau e kokoke mai ana, e lele liilii ana i ka lewa me ke okaoka loa.
Ua like ka nui o ua topido nei a Belodina me kekahi barela palaoa, a ua hoopuni ia me na apana hao hupa he hookahi iniha ka manoanoa, a ua lawa kona ikaika e hoopuehu liilii i ka moku nui loa e holo ana maluna o ka ilikai.
" He mea maopopo, he hiki i keia topido ke pulumi aku i ka moku kipi powa mailuna aku o ka moana," wahi a Nede.
"A oia kana mea e hana aku ana. Ua kali iho nei au me ka nauki e ake ana o ka hoea mai o ua Alabama nei. Ano eia oia iloko nei o ke awa. I ka po o ka la apopo e hoomoe malie ana au i keia kupua malalo pono o kona kila, a e hoopuehu aku iaia a kau liilii. Ua makaukau o'u mau iwakalua kanaka e kokua ia'u. Heaha ko'u manao a hopohopo no Pilipi Fale; aole oia i ike a i haupu ae no ka Belodina kumuhana nui. E kokua no anei oe ia'u e Nede?" wahi a Belodina.
"E helu pu oe ia'u ma na mea a pau e hiki ana ia'u ke hana," wahi a Nede.
(Aole i pau.)
KAU LIO MAZEPA
--A I OLE IA, KA--
Noeau i ke Kii'na Kipuka-ili.
Ke Kamahele ma na Kula Laula o Nubarasaka.
KE KANAKA KAU LIO O NA KUAHIWI O TESETA MALOKO O KA PAKA HOTELE.
I ka wa a ka wahine i haalele mai ai i ka hotele, ua holoholo ae la o Lusiana iloko o kona rumi, me ka noonoo nui i ka mea a kona manao e hooholo ai, oia kana i puana ae ai iaia iho me keia mau olelo--
"Aloha ino no hoi oe e kela wahine i hookumu ia kou aloha mai lalo lilo loa ae o ka puuwai. Kakaikahi na wahine a na Mana Lani i ho-o mai i ke akaku o ka uhane ola e like me ka haawina i loaa ia Mrs. Conarada. O ke kakau ana i kekahi leta hooki hakaka a holo aku no Nubarasaka Komohana, oia ka hooluolu ana aku i na manao ehaeha o@ela wahine no kana kane, a o ka mea hoi a'u e hai ae, ua lawe au i ka hohe wale e lilo i mea lanakila maluna o'u."
O na noi ana a ka wahine a Conarada no ka hooki i keia hakaka, oia ka Lusiana i haawi aku ai i kona ae e like me kona ano mau, o ke kokua a me ka hoopakele i ke kino o ka aoao palupalu ma na uluaoa o keia ano, nolaila, ua kakau koke iho la oia i kekahi leta hooki hakaka i na hope o Conarada me ka hai ana aku ia lakou, mamuli o ka hiki ole iaia ke hookaulua i ka manawa e noho i Bosetona no kana hana, ua kono ia mai oia me ka awiwi, e hiki koke aku i Nubarasaka Komohana i ke kakahiaka o ka la apopo.
Nolaila, ma ke ahiahi o ia la, ua opeope ae la o Lusiana i kona mau wahi ukana o ke kanaka kaahele, a ma ka hora 9 o ua po la, haalele aku la oia i ke kulanakauhale me na lako a pau e hui ai me kekahi enemi e hoohalua mai ana i kona ola ma na wahi a pau o ke kula laula.
KA HIKII IA ANA O KA WAHINE KAU LIO MAZEPA.
Aia ma ka aoao akau e ku ana o na kuahiwi, he wahi ponaha kuono aku iloko, he kahua hoi e ku ana maluna o kekahi puu kiekie, a ua hiki ke ike malaelae ia ke kahua aina o lalo me ka moakaka, e like me ka loihi a ka onohi-maka e kiola ai i kona ana-ike e ahuwale ai ka piko o ke kuahiwi o Maunakea.
E ku ana kekahi home i kapaia e na kanaka uhai holoholona--he hale hoomaha ma na huakai hele iloko o na kuahiwi.
Ua hana ia keia hale mai na puha laau mai, a ua kikepa ia aku o mua me na lala laau, a he mea hiki ole ke hoomaopopo ia e ke kanaka malihini e maalo ae ana ma ia mau wai, he poe kanaka kekahi e noho nei ma ia mau kualono.
Ua lehulehu na poe kaahele i maalo ae ma keia mau wahi, a he kakaikahi o lakou i pakele aku o na ola a me na waiwai.
Ua hookaawale ia keia home iloko o na rumi ekolu, a he ekolu wale no mau kino ola e hoohala ana i na ea huihui o keia kula laula waokua.
O ka mea e noho ana ma ka rumi mua, he kanaka i hiki aku kona mau makahiki i ke kanaha a oi, a he mau helehelena kona o ke koa a me ka lawelawe i ha hana karaima o ke kanawai.
O ka mea e noho ana ma ka rumi elua, he wahine oia i aneane kona mau makahiki i ke kanakolu, a na kona helehelena o hoike okoa mai nona iho, aia he mau nohea e kaili ia ai ka puuwai o ke kanaka kupaa, a ua maa oia i ka noho ana me na ohana kiekie a me ke kulana o ka haaheo. Ua hiki ke lawe ia ka olelo, oia ka moiwahine mawaena o na wahine.
O ke kanaka e noho ana, maka rumi ekolu, ua hoike maopopo mai kona mau aa koko iaia iho, he hapa-Ilikini oia i hiki aku na makahkii i ke kanaha, a he mau hiohiona kona o ka uahoa a me ka pupuka. O na hana o ka hehik i ke kanawai, aia ilaila kona huluaa i ka hana weliweli o ka powa me ka hapuku i na waiwai a pau e loaa aku ana i kona mau lima.
Aia maloko o ka paia o kela mau rumi ekolu, ua hoolawa ia ka enemi e kipa aku ana me ka haawina o ka make, a me na kaula hoohei e walawala ai na holoholona ola a me ko lakou mau kahulio i ka honua.
O ke awakea o kekahi la ae a Lusiana i haalele aku ai i ke kulanakauhale o Bosetona i ka po, e noho ana ua mau hanauna ekolu nei malalo o ka malumalu o kekahi kumulaau nui mamua mai o ke alo o ko lakou home, a hoohala i ka manawa ma na kamailio o na mea i lawelawe ia he mau la mamua aku.
E noho ana ka wahine maluna o ka ahamaka a heluhelu buke, oiai ke kanaka aoo e hilo kaula-ili ana, a me ke kanaka hapa-Ilikini hoi e pahonohono noho lio ana.
He la malie ua awakea la me ka hoike pu mai o na piko kuahiwi i ko lakou nani, a o na holoholona hoi ma ke kula, ua akoakoa ae lakou e hoomaha ana malalo o ka malumalu o na lau laau.
O ke kanaka hapa-Ilikini ka mea holoholo mau iloko o ka rumi no ka hoihoi a me ka lawe mai i mau noho hou, aia nae i kona puka ana mai iwaho, ua alawa aku la oia ilalo o ka aina haahaa, a me he mea la, ua ike aku oia i kekahi punohou lepo ma kahi mamao, oia kana i hooho ae ai i ka olelo like no ka poe kaahele.
"Heaha ia e Sako?" wahi a ke kanaka aoo i pane mai ai.
"He kanaka kau lio, aia ilalo o ke kula," wahi a Sako.
"Aha!" wahi a ke kanaka aoo i pane ae ai me ka waiho ana iho i kana mau mea hana.
Ua hopu ae oia he ohenana, a kau pololei amu la i ke kanaka kaulio ma kahi mamao.
No kekahi mau minute kona nana pono ana, ua hoopuka ae la oia i keia mau olelo me ka hoomau no i ke kau i ka ohenana--
"Ke ole au e kuhihewa, he kanaka Amerika keia."
Hoomaha iho la a liuliu, ua pane hou ae la no--
"Me he mea la o kona alahele, ke pii mai nei o kakou nei."
Na kela mau huaolelo i hoopuoho ae i ka wahine e moe ana iluna o ka ahamaka, ala ae la iluna me ka ninau ana aku--
"He hiki anei ia oe ke ike aku i kona mau helehelena?"
"Aole, he nana kona maka ilalo,a ua malu i ka papale Mekiko ma kona poo."
Ke hoomau ala no ke kanaka aoo i ke kilohi i kana ohe nana a pane hou ae la--
"Ke ike nei au, he kanaka kaulio keia i lawa me na lako kaua, a o ko kakou nei home ka pahuhopu o kana huakai e pii mai nei."
"Oia hookahi wale no anei ia e pii mai nei?" wahi hou a ka wahine i pane mai ai.
"Ae, e Arita."
"Ina pela, aohe o kakou mau kumu e hopohopo ai nona," wahi a ka wahine me ka hina hou ana aku iluna o ka ahamaka a hoomau i kana heluhelu buke ana.
"Ina oia wale no me kona ukali ole ia e kahi poe mahope o kona kua, alaila, ua pono," wahi a ke kanaka aoo me ka huli ana aku i ka wahine. "Ina o keia wahi ke kahua o kana haukai e pii mai nei, alaila, e--"
"Alaila, e aha?" wahi hou a ka wahine me ke ala ana ae iluna o ka ahamaka.
"Alaila, ia nei ka hopena o na mea kino ola a pau. Oia paha, --o kakou paha."
HE KAAO
--NO--
HAPAIKALA-
Hapaikamahina
KA HUA OHIA NANI
I LOAA MA KA
Piko Mauna o Farani
Ka Ui nana i Kakele ke Aupuni o ka Lihilihi o na Manu.
I Kokua ia e HULUPAINA kona Pokii.
Unuhi ia e Moaa Ma'u
Hookahi wale no mea nui ia kakou, o ke kali aku i ko kakou hopena, wahi a ke kapena.
Ia wa, ua noi aku la ke koa opio i ka hoe o ko lakou moku e haawi mai nana e hookele.
A i ka ae ana mai o ke kapena, ua olelo aku la keia i na mea a pau e hoi ilalo e noho ai aole hookahi mea e pii mai iluna i ko ianei wa e hookele ana i ka moku.
Ua ae mai la na mea a pau a hoi nui aku la ilalo e like me ka ke koa opio mea i olelo aku ai.
I na mea a pau e hoi ana ilalo o ka moku, ia wa no i hopu aku ai ke koa opio i kana ohe nana iloko o ka pahu daimana a kau ae la oia ma kona maka a nana aku la i ka aina, hoohulhuli ae la oia i kana ohe a ike aku la i ke aupuni o Sekotia ma ka hikina hema, a ua hoohuli pono ae la oia i ka ihu o ka moku a ku pono i ka aina.
Ia manawa no, kahea iho la oia ma ka inoa o kona lio penei:
E kapuai keleawe, ke kauoha aku nei au ia oe, ma ka hora eha o keia ahiahi e ku ai keia moku ma ke aupuni o Sekotia, a i ka hora elima hoi o ke kakahiaka ka lilo ana mai o ka hookele o ka moku iaia nei.
Iloko o ka wa i pau ai o kana mau kamailio ana i kona lio, ua like ka holo o ko lakou nei moku me he mahimahi la no Kona.
Iloko o ia wa i ike iho ai ke koa opio i ka holo launa ole o ko lakou nei moku a e haulani ana hoi kona ihu iluna o na ale hanupanupa o ka moana, a e uhi ana na ale ma o a maa nei o kona oneki.
A iloko o ia wa, i ninau iho ai ka kakou kamaeu i kana wahi pahu, ia oe e pahu daimana, heaha la ka mea i nui ai ka ino e like me keia?
Ia wa no i wawalo ae ai kekahi leo mailoko ae o kahi pahu a pane ae la penei:
O keia ino nui au e ike nei, mai kekahi kupua mai no ia e noho nei malalo nei o ka moana o kona inoa o Asipa, he keko oia, o kona aupuni o aupuni akoakoa, ua ike mai nei oia ia oe, a oia kona mea i hoouna mai nei i keia ino nui au e ike nei, me kona manao e make ana oe, a ua makau no hoi oia i ka hele mai e paio me oe he alo a he alo.
Ke olelo aku nei au ia oe, ma keia mua aku e paio ana oe me ia, ua lilo olua i keia wa he enemi.
Iloko o ia wa i hele aku ai ke koa opio a kahea aku la i ke kapena a me na mea a pau, a pau nui mai la i ka pii iluna a ike iho la lakou i ka holo launa ole o ka moku.
Ia wa, kamailio aku nei ke koa opio i na mea a pau, ma ka hora eha o keia ahiahi e pili ai kakou no ka uwapo.
Iloko o ia wa, aole i manaoio mai na mea a pau i ka ke koa opio olelo ia manawa.
I ke kani ana ae o ka hora 3 me ka hapa, ike koliuliu ia aku la ka aina, a oiai hoi ua paa ka aina a me ka moana i ka noe.
I ke kani pono ana ae o ka hora 4, ua pili aku la lakou i ka @wapo.
Iloko o ia wa, ua manaoio iho la na mea a pau i ka pololei o ka ke koa opio mea i olelo mai ai ia lakou a pau e ku ana lakou i ka hora 4 o ke ahiahi i Sekotia, oiai ua pau ko lakou manaoiana e ola ana lakou, he make wale no ka huaolelo i ko lakou mau waha iho a ua nui no hoi ko lakou mahalo i ko lakou haku opio.
Noho iho la lakou ma ka moku a i ke kani ana ae o ka hora 5, ua lele aku la lakou a pau no uka o ka aina, a o ko lakou huina a pau loa mai ke koa opio, kapena a me na sela he 82.
ia wa hele aku la na sela i ka lakou hele, a hele aku la ke koa opio a me kona kapena na ka hotele.
I ko laua hiki ana aku i ka hotele, ua hele aku la ke koa opio a ninau i ka ona hotele ina he rumi kaawale kekahi o kona hotele.
A ia wa, ua ae mai la ka ona hotele a lawe ia aku laua no kekahi mau rumi kaawale.
Ia wa, noho ia la laua a hiki i ke kani ana o ka hora 8 o ka po, kani mai la ka bele aina ahiahi.
A ia wa ua piha mai la ka papaaina i na kanaka o kela a me keia aupuni i hele mai i Sekotia e nana ai i ke keiki nona ka inoa i kaulana a puni ke ao holookoa.
Ia manawa i hele aku ai ka kakou koa opio a me kona kapena a noho iho la iloko a ka rumi aina.
I ko laua nei komo ana aku, ua kaulona pono ka nana ana o na mea a pau maluna a na helehelena o ka kakou koa opio, a ua hiki ole ia lakou ke lalau aku i na mea ai a hoo mai iloko o ko lakou waha.
Ia wa ua ninau aku kekahi nohea i kekahi nohea me ka lou ana a lou mai mai hea mai nei la keia keiki a o na kaikamahine a pau loa e noho ana iloko o ka rumi aina, ua hoomahie lakou i ke koa opio.
O na kane hoi, e haawi ana lakou i ko lakou mahalo i ka nohea a na helehelena o ke koa opio.
I ka pau ana o ka ke koa opio a me ka ek kapena moku paina ana ua ku ae la laua a hoi aku la no ko laua rumi moe.
I ka hoi ana aku o ke koa opio, ua ninau aku la na mea a pau loa e noho ana maluna o ka papaina i ka mea nona ka hotele, nohea mai keia keiki malihini a me kona aupuni i hele mai ai.
Pane aku la ka mea nona ka hotele, aole au i ike i kona wahi i hele mai ai a me kona inoa a me kona aupuni i hele mai ai, ua manao wau, oia paha kekahi nai@a i hele mai nei i Sekotia nei e paio me ke keikialii Boma Le, a malia, ua ike oia i ka hoolaha a oia ka mea kono aku iaia e hele mai i Sekotia nei, wahi a ka ona hotele.
A ia manawa ua hoi aku la na mea a pau ma ko lakou mau rumi iho me ka nune ana ia lakou iho no keia keiki ui.
I ke kakahiaka ana ae, kani mai la ka bele hoala jiamoe, a hele aku la na mea a pau no ka rumi hoomaemae, a i ka pau a@a, ua kani mai la ka bele aina kakahiaka, a naua aku la na mea a pau no ka papaaina.
I ka piha ana o ka lua o ka inaina, ua hoi aku la na mea a pau no ka rumi hookipa a hoonanea iho la, a e kali ana na mea a pau o ke kani ae o ka hora 9 o ke kakahiaka, alaila, hele lakou no ke kahna lealea e nana ai owai la ka moho nana e ahai i ka hae o ka lanakila, a owai la iwaena o na aupuni a pau o ke ao holookoa e hiki e hoohaahaa aku i ke akamai a me ka ikaika i loaa i ke keikialii Boma Le a ke aupuni nei o Sekotia i kaena ai, aole hookahi ina keia ili honua e ola ana e hiki e kulai aku ia kona iakaika.
O ka kakou koa opio hoi ua hoi loa aku no oia a ma kona rumi moe i ukali ia e kona kapena.
Iloko o ia wa, ua kakau iho la ke koa opio i kekahi leta na ka moi penei:
Masekepa, moi o Sekotia. Me ka mahalo. Ua oluolu i kau kauwa e panai aku i kau pane imua o kou hanohano, ua ike ua ma kau hoolaha, oia hoi, ina o ka mea nana e aa aku i kau keiki e paio ma na ano a pau, a owau hoi ka mea i aa e hookuku ke ae ia nae ka'u wahi kumu pili e oe, a ma ka hora 1 o ke awakea au e hiki aku ai ma ke kahua lealea. Me ka oiaio.
Ka Hua Ohia Hemolele.
Naita o ke Kapakila Haekaeka.
(Aole i pau.)