Ka Nupepa Kuokoa, Volume XXVIII, Number 10, 9 March 1889 — Page 1
This text was transcribed by: | Brandie Pilapil |
This work is dedicated to: | William Makuakane |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXVII, HELO 10. HONOLULU, POAONO, MARAKI 9. 1889. NA HELU A PAU 2223
HOOLAHA LOIO.
WR. KAKELA.
LOIO A HE KOKUA MA KE KANAWAI
Ho lono hoolau palapala
tf
WILDER & CO. (WAILA MA.)
Mea kina pupa a me na kuknin hale na uno a opau, a me na ma na pono a pau no ka hela.
Kihi alna Moiwahin me Papu.
CECIL BROWN.
LOIO A HE KOKUA MA KE KANAWAI?
No aone hoolule palapala no ka @ hupuni o Oahu. KEENA HANA: Ma alanui Kalopa
tf
A ROSA. (AKONI)
LOIO A HE KOKUA MA KE KANAWAI
He hana hoolalo palapala
KERNA HANA: Ma ke Keena Loio Kui@
tf
VOLNEY VAILLANCOURT ASHFORD,
AKEPOKA.
He Loio, Hoakaka, Pale ma ke Kanawai
Kahanolelo, Lunahoapo@ a me ke hana a na i na Palapala Hoolalo
LA WELAWE ILOKO O NA AHA A PAU O KE AUPUNI.
E hana ia no na Palapala pili Kanawaiaa pau.
@ Keena Hana Helu, 21, Alanui Kalepa Honolulu Hale 12150 1y
WILLIAM C. ACHI.
Lono a he kokua m ake kanawai @ o na. Aha a pau o keia Aupuni.
He Mea Ana Aaina a he B@roka ma na waiai paa.
Keena Hana, Helu 15, Alanui Kaahumanu Honolulu , oia ke Kuena mua @ nei o @ me pete@son. 2114y
E G.HITCHCOCK (AIKUE HIKIKOKI).
LOIO A KOKUA MA NA MEA A PAU E PILI ANA MA KE KANAWAI.
E ohi ia no ua Bila aie, me ka awiwi
HILO, HAWAII 2114. 1yr
GEORGE P. KAMAUOHA.
He Loio a he Kokua ma ke Kanawai
A HE MEA
ANA AINA.
E loaa no ma Kohala Akau, Hawaii
20901 1y
JOHN MAHIAI KANEAKUA.
LOIO A HE KOKUA MA KE KANAWAI.
HE MEA UNUHIOLELO MA KA OLELO
BERITANIA A ME KA OLELO HAWAII.
@ Hana, maluna @ o ka @ @ma.
1yr.
HALEKUAI BIBI HONOLULU
(Hope a Wa @)
HULU 6 ALANUI MIOWAHINE, MAKEKE
MA ULAKOMEO.
Na Bibi momona, Hipa, Puaa me la, na lake si ulu & co.
O na kauoka a na ohana a me na moku mai e hooko koke ia no me ka eleu a me ka hikiwawae.
O na holoholena ola @ na moki e hiki no ke hooko koke ia.
Telepone Helua 212 2185 tf
PACIFIC HARDWARE COMPANY
Na hope o Dilinahama Me.
Mau Mea Kuai Lako Hao
Alanui Papu Honolulu.
HUI ALAHAO HAWAII.
(KAUPAL@NAIA.)
Mahope aku o ka Poakahi, Inuari 14, on an uku holo e ke KAA ALAHAO, e uku ia no ia ma na Palapala Ae Holo wale no, ma ka pepa manoanoa o elima no ka 25 keneta.
E waiheia na Palapala Ae Holo ilohe a kekahi pahu i hoohaawaile ia ma ka kea e ma ohua e kou ana.
He hoomama ana mai keia ma ka @oloiahili ole i na poe e kau nana no na koena, a pela i makemake ia ai ia mau palapala e kuai no ka Manawa hookah.
O G. Tniele, oia ke hele aku ana ma na Poalima me Poaono no ke kuai aku oia ka la 11 me 13 o keia mahina.
8219-tf
NEDE NIKONA
KA
Puuwai Haokila a Hooko
Kauoha Poina Ole;
A O KA
Holapu Hope Loa
A KA
“ALABAMA”
KE
Ahikanana a Puhipuhiahi o ka Moana Atelanika.
“Elua kipueu o ka moana, A na O la e makau nei; O ka Alabama me ke Senedoa, i ka uhai loloa mai mahope
KA NIUHI HOLAPU MOANA.
MOKUNA VII
MAALOALO HOU O PILIPI FALE.
“Akahi au a hoomaopopo pono loa aka la ia oe. O o eke kanaka opio i hoopoho ia ai iluna o ka Alabama, i ka wa o makou i kau ai iluna o ka maku Sepania Isabela. Akahi no @ o ku mai nei?” wahi a ka hina.
“Ae o ko’u hoea ana mai nei no ia. Auhea o Reta a me kona makuakane?” wahi a Nede i ninau awiwi aku ai.
“Ua holo aku laua he hookah pule ae new i hala maluna o ka mokuahi Amerika Wikonisana,” wahi ana i pane mai ai
“A o Kapena Belodina hoi, auhea oia?” wahi hou a Nede.
“Eia no oia ia nei i keia kulanakauhale.”
Ua hookuia ko Nede noonoo no kela mau olelo hope, oia kana i pane hou aku ai:
“Heaha keia ona e paa ia ne iane? E li ia ana oia e Kapena Semisa ke loaa mai?”
“No ka ahai ana mai anei i na daimana a Fegesena iloko o kona mau kamaa bu@? Nui ko makou hoomanao me na aka no kela hoohoka ia ana o ke Kapena kipi i ko makou holo ana mai.”
Akaaka ae la ua luina nei a hoomau aku la no i kana mau kamailio ana ia Nede.
“Aka, ke manaoio nei au, aola loa he wahi lili makau o Belodina ia kipi. He hana nui kana e noonoo nei a e hana nei, a oia kona kumu e paa ia nei.”
“He hana nui?” wahi a Nede i pane aku ai.
“A@ he hana nui; aka, aole o Bila Rata@ nei e hai wale aku no ka ke Kupena a ea e hana ai,” wahi a ua luloa nei.
“Ua pono kela. Ehia oukou e noho ne i Bahia nei?”
“Owai ia kanaka nua kau hoomaopopo aku?”
“Ae, ke hoomaopopo nei no au ia lakou.”
“O kahi o lakou, eia iho ianei, o oe paha ka mea i ike maluna mai o ka Alabama?”
I ko Nede lohe ana i keia, ua hoohikiele ia kona hauli, a pane aku la me ke kahaha:
“Ua ike au i kea no o ka haalele ana mai o kekahi o lakou. Na’u i paa kona puu i kekahi po a hoolei ia e a’u poko o ke kai. Eia paha oia i Bahia nei.”
“Me he la, o ka’u kanaka o olelo nei oia no kau. O ka inoa o ma ka @aka la , ua hoomaopopo no paha oe, o Pilipi Fale.”
“He mea pupanaha ka pakela ana o keia kanaka. E holo ana maka @ o keia Manawa ma kahi o 13 @ e i ka hora, oia ko’u wa i kiola ai @ @ ke kai.”
“He mahina okoa paha ko’u ike @ iho nei iaia ianei, a e hoomakakiu mau ana mawaho o ka hale o Ruta ma e noho ana.
“Ua ike iho nei no oe iaia i keia po?”
“Ae, aia oia iwaena o kela puulu kanaka.”
Pau ae la ka Nede mai ninau ana no Pilipi Fale, a ninaninau aku la oia no Belodina.
Ua hai mai la ka loina i kahi e loaa ai o Belodina, a haalele aku la i ka loina ma kana huakai hulu I ke kulanakauhale luna.
I ka wa ana i pii ai ma ke alanuipii, ku iho la oia malaila a hoolono no ka halulu aku mahope.
Ua ike mai la oia i kekahi kanaka e pii aku ana mahope ona, a me kona ku ana.
“Keu kali ia mai nei au. He mea maopopo ia ke ku au, e ku ana kela kanaka. Ke pii au, e pii mai ana no kela,,’ wahi a Nede.
A i hoomaka hou ana mai e pii, ua pii pu mai la no ua mea nee mahope ona.
Ua maopopo ia Nede, he kiu kela kanaka e hoolalua nei, oia kana i puana ae ai,
“Ke kiu koke mai nei no ka oe ia’u e Pilipi Fale. Ina e hoao ana oe i kekahi o kau hana apuhi, e ki no au ia oe me he ilio la”
Ua unuhi ae o Nede i kana pupanapana a paa ma ka lima no ka hui me ka enemi.
MOKUNA VIII.
KUMUHANA WELIWELI.
“Ua ano kanalua au, aka, aole nae he hoopunipuni o ko’u mau maka. Ua hoihoi ia mai nei oia I Bahia nei maluna o ka Alabama. Ua lawe ia mai e ke au o ka Manawa a imua pono o’u, a na’u e hoopokole aku i kona mau la a me kana mau hana. E uku ana au ina no kona kiola ana ia’u @oko o ke kai, me ka hoonele ana i ka loaa o ka uku no na moku i lawe pio ia mai. Ua holu aku nei o Ruta mai a’u aku, aka, e halawai hou aku ana no au me ia. Aole i pau ka Gae Galoka mau hana, oia hoi o Pilipi Fale.”
O keia na huaolelo a ke kanaka e kokolo nei mahope o Nede, me na maka kohu pooki e nana a makaala loa nei ia Nede.
Pii aku la o Nede a komo i’oko o kona hotele, a o ua kanaka nei, ua pii aku la oia mahope a ku malalo o ka malumalu o kekahi kumulaau alani, a kahi hoi o ka malamalama o ke kukui e hoike ole mai ai i kona kulana e ku nei.
“Aole oe i hiamoe,” wahi a ua kanaka nei. “Ua hui pu mai nei oe me keia hyena Bila Ratalina, a ua koike ia aku nei iaia kahi e loaa ai o Kapena Belodina. He kumuhana ano nui ka Belokina, a he ku i ka weliweli ke holopono. He hana e hoouna ia ai o Kapena Semisa a me ka Alabama iluna o ka lewa a me na hoku, aka, aole nae e lanakila ana na manaolana o ua Belodina nei. E loaa ana he nanawa no Kapena Samesa e li ai iaia, no kona @lilo i kona mau kamaa buti i mau lua daimana.”
O keia na olelo ohumu a ua kanaka nei e kali nei a hoohalua ia Nede a me kana hana.
Ma kahi a fale e ku ana, ua kiki loa no iaia ke ike pono mai ia loko o ka hotele a Nede e noho nei, aka, aole loa me keia i maalo iki aku.
O ka oiaio maoli, aole o Nede @loko ka hotele ia Manawa. Ua mio aku la kela ma ka puka mahope a ke hele la ma ke ala e hiki ahi ai i ko Kapena Belodina wahi i noho ai.
Hele aku la keia ma ke alanui a ka luina I kuhikuhi mai ai a kikekehi hale ano haahaa a lohe aku la i ke kamumumu o loko.
A i k aninau ia ana mai, pane aku la keia, a ia wa i wehe ia mai ai ka ipuka.
(Aole i pau.)
HE KAAO
NO
HAPAIKALA-
Hapaikamahina
KA HUA OHIA NANI
I LOAA MA KA
Piko Mauna o Farani
Ka Ui nana i Kakela ke
Aupuni o ka Lihilihi
O na Manu.
I kokua ia e HULUPAINA kona Pokii.
Unuhi ia e Moss Ma’u
Ia wa, ua pane hou aku nei ka hapauea ia Lipine Bolu:
No hoomaopopo anei oe i kona mau helehelena?
Ae, wai a Lipine Bolu.
Ua hoike mai anei oia i kona wahi e noho nei a me ka inoa o kona aupuni.
E like no me na mea a ka moopuna a Meneti i hai mai ai i ke kaikamahine alii, pela no oia i hau aku ai i na mea a pau.
Ia wa, ua olelo mai la na mea a pau a me ka moi pu kekahi, a koe aku ka o’omana Meneti aole I pane mai, a o na mea a pau ua olelo mai lakou he hoopunipuni, a aohe hoi he aupuni i kapaia kona inoa e like me ka Lipine e hai nei, ua hewa o Lipine Bolu.
I loko a ia wa i ku mai ai ka hapauea Meneki a pane mai ia imua o kona may hoa a me ka moi Finita.
I mua o ko oukou hanohano, ke noi aku nei au puna o oukou, mai wikiwiki i ke ahewa ana, e noonoo kakou me ke akahele loa i keia hihia. Malia paha he oiaio ka ke kaikamahineahi mea i olelo mai nei, alaila, he mea hiki ole ia kakau ke kau aku i na ahewa ana maluna ona, malia o hiki io mai anie ka mea nana i hoopakele ma keia mua aku ma ko kakou nei aupuni, alaila ma ka kakou hana naaupo ana ma ka ahewa ana ia Lipine Bolu, alaila, e komo kino ana ke aupuni a me ka lahui holo koa iloko o ka poino, oiai, ua kipaka kakou i kana mea i hoopakele ai mai loko mai o na poino, a ua hoonele aka kakou i na pomaikai a e kele auwana oia e like me ke keiki makua ole.
Nolaila, e noonoo akahele kakou a noho iho la ua hapauea nei ilalo.
Ia wa, pane mai la kekahi kanaka ia Liopine Bolu penei:
Heaha kekahi hoike kupono ma kou aoao e hiki ai ia makou ke hilinia i kau mau olelo?
Ia wa pane aku la o Lipine Bolu, ina aole oukou i kilinai i ka’u mau olelo, alaila, ke noi aku nei way inoa o ko oukou oluolu, owau a me oukou na poe koikoi o ka aina, e hele pu me a’u a kuhikuhi au i kekahi hoike oiaio ma ko’u aoao i keia hora.
Ia wa, ua ai mai la no hoa a pau a hele aku la ke kaikamahine mamua a o no hoa hanohano a pau o ka aina mahope mai ona.
Ua alakai aku la o Lipine Bolu i na mea a pau a hiki i ke kahua i bakaka ke koa opio me na powa.
I ka ike ana o na mea a pau i keia heluna nui o na kanaka i make, ua oinau aku la lahou ia Lipine Bolu:
Na keia poe anei oe i aihue?
Ua hoike aku o Lipine Bolu i na mea a pau e like me ko na helu i hala a kakaou i like au e ka poe heluhelu me ka hui ana me keia poe a me ka paio ana o ke koa opio a hiki i ka lanakila ana a me ko laua hoi ana a hiki i ka pa alii.
Ia wa ua hai aku la na mea a pau a hiki imua o ko lakou hale, a ua haawi iho la ka lakou olelo hooholo ua pono ke kaikamahine ahi Lipine Bolu a ua keokuu keke ia ka aha, a hoi aku la na mea a pau I ko lakou mau home iho.
Iloko o ia wa ua ninau mai la ka makuakane o ka ui penei:
E hiki hou mai ana no anei ia keiki i ko kaua aupuni nei?
Ae, he ekolu pule e hele ai a kipa hou mai i ko kakou hale ahi nei.
La Manawa, ua mihi mai kona makua i kana mau hana hewa, a ua kala aku no hou kana kaikamahine iaia, a ua noho iho la o Lipine Bolu me ke kaii i ka Manawa a ke koa opio i olelo mai ai ina e hiki mai nana i kona hale alii.
I kokoe anan mai i ka wa e hiki mai ai kana malihini oia hoi ka piha ana o na pule ekolu, ua noho iho la oia me ke kali ana a hala na pule ekolu, ua niaau mau la kona makuakane:
Ahea hoi hiki mai ke keiki nana oe i hoopakele?
Whoa hoi, wahi a Lipine Bolu, olelo mai hoi @ e hiki mai ana, eia nai aole I hiki mail.
Ia wa ua noho iho la no ka ui me ka hoomanao ka i kona mea nana i hoopakele mailoko mai o na poino.
Ma keia wahi e hali ae kakou o hooipo me ka koa opio, oiai, i kona hoi ana mai ko laua hui kamailio ana me ka ui Lipine Bolu, ua hoi aku no aia a kona rumi a haule aku la oia hiamoe a i kona puoho ana ae kani ka hora a o ke awakea, a ua hele aku nei oia e holoi i kona maka.
Iloko o ia wa i ike mai ai kona kupunakane i kana moopuna, oiai o kona hoi ana mai no ia mau ka halealii mai a e noho ana oia e noonoo ina o kana moopuna ka mea nana i hoopakele o Lipine Bolu, alaila, he keu aku keia o ke keiki ikaika nui wale i ka paio me ka poe powa.
Iaia no e nene ana, a oia wa no hoi ia i ike aku ai i kana moopuna a ike pu mai la no hoi na kauwa i ua koa opio nei a hele koke aku la lakou e hookani i ka hele aina, oiai, ua Haohao lakou no ka hele ole aku o ke koa opio i kona aina kakahiaka.
I ke kani ana mai o ka bele aina, ua hele aku la ke koa opio a me kona kupunakane a noho iho la laua paina.
La laua e paina ana, ua huli ae la ka olumana a ninau aku la i kana moopuna i ka i ana aku:
E kuu moopuna, ihea oe i ka po nei, oiai, aole hoi au i ike a kou hiamoe loihe e like me keia, a malia paha, ua he le oe i ka po nei, e hoike mai oe ia’u me ka pololei.
Ia wa, pane aku la kana moopuna, aole au i hele i ka po nei, o lo’u kuma @ moe loihi ai, ua ake loa au e holo i Seketia, e ike i ka mea nona ka inoa e hele kaapuni nei ma na aupuni a pau loa, a oia ka mea nana i hoala mai ia’u aole e hiki ia’u ke moe, a ke hoike aku nei ahu ia oe aole au i hele i ka po nei.
Ua manaoio ke kupunakane i ka olelo a kona moopuna, me kona manao he oiaio.
A i ka pau ana o ka laua paina ana, ua hoi aku ia laua ma ko laua mau rumi pakahi iho.
A i ka hiki ana aku o ke koa opio ma kono rumi hopu iho la oia i kana pahu daimana a wehe ae la a lala@ iho ia i kana ohenana a kau ae la ma kona maka.
Ia wa ua hoohuli aku la oia i kona nana ana ma ke kuahiwi o Perusia, a iloko o ka Manawa pokole loa, ua ike aku la oia i ka nui hewahewa loa o na kanaka e noho ana i ke kuahiwi, a ike pu aku la oia ana helehelena o Momiana e noho ana oia iluna o kekahi noho nui e like me ke ano mau o na moi a o kona makuakane ponoi kekahi e noho ana me kona aoao, a e ku laina ana na koa mamua o ko laua mau alo, ua loko pono lakou me na mea kaua.
Ia wa i pane iho ai ka kakou koa opio iloko ana penei:
Ua kuhihewa wau ua make oe i ka po nei, eia ka ua pakele oe ma ka apua he powa ka paha kau hana e noho nei ma keia kuahiwi me kou poe kanaka, aia a hoi mai au mai ke aupuni mai o Sekotia alaila, ki@ aku au ia oe e hoopau i kau mai hana pakaha i ka wai wai o ka poe e ola ana ma keia ili honua.
Iloko o ia wa i hoohuli ae ai ke koa opio i kana @ no Farani a ia wa no hoi i nana pono aku ai keia i kona home kuakiwi a ia wa no hoi ua ike aku la oia i kona mau makua iloko o ka mala pua.
Iloko o ia wa i kulu iho ai kona mau waimaka a uwe iho la i ke aloha i kona mau makua.
Ia wa no, hoihoi aku la oia i kana ohe iloko o kana pahu a hoi mai la oia a uwe iho la i ke aloha i kona mau makua.
Ia wa no ua komo mai la kona kupunakane a ike mai la i kea no e o na helehelena o kana moopuna, a ua ninau mai la oia i ke koa opio:
Heaha keia ou e kuu moopuna, o@ai ke ike nei au i kea no e o kou mau helehelena?
Pane aku la ke koa opio: ua hu mai ko’u aloha i ko’u mau makua, oia ko’u kumu i uwe iho nei.
Iloko o ia wa I hoopau ae ai ka hapauea i kona manao, a noho iho la laua a hikik i ke kokoe ana mai o ka Manawa o ka kakou koa opio e holo ai i Sekotia.
Noho iho la lau a hiki i ke koe ana hookah pule, ua hoomakaukau iho la ka kakou koa opio i kona mau pono e holo ai i Sekotia.
A ia wa, ua kauoha aku la ka hapauea i kona mau aumoko i hookah hane re e ukali aku mahope o ka huakai a kana moopuna.
I ke kaini ana o ka hora 9 o ke kakahiaka, a ua heleaku nei ke koa opio a imua o kona kupunakane a haawi mau ia i kona aloha i kona kupunakane, a pela no hoi ka hapauea i panai mai ai i kona aloha i kana moopuna.
Ia wa, kauoha aku nei koa opio i kona kupunakane i ka i ana aku:
E kali oe ia’u iloko o na mahina ekolu, a i hoi ole mau au , alaila, e hoomanao iho oe ua make au, a ina e hoi mai au iloko o na mahina ekolu, alaila, e hoomanao iho oe ua loaa ia’u ka pomaikai.
Ia wa, ua ae aku la no hoi kona ku punakane, a haawi pu mai la oia I kana moopuna ke hookah bile $ nona ka huina he.
Teliliona biliona miliona tausani haneri $1,000, 000, 000, 000, 000 hookahi kuina tiliona a emi aku ilalo.
Ia wa pane aku la ua hapauea la, o keia bila $., e pili aku oe me ka moi, a ina aole oia e ae i keia mau dala, alaila, e olelo aku oe, e kali iki ko o’ua paio ana, a e kauoha hou mai oe ia’u i ke dala, a na’u e hooko aku e like me kou makemake e kuu moopuna.
Iloko o ia wa i hele aku ai ke koa opio a kau iluna o ke kai no ka uwapo ka pauu hopu.
Lele iho la ke koa opio ilalo, a hele aku la oia a kau iluna o ka waawa, a holo aku la ko lakou waapa no ka moku a kau nui ae la iluna.
I ka hiki anan o ke koa opio iluna o ka oneki, ua pii ae la na hae like ole ma ka huini o na kia o ko ianei moku, a hoomaka like ae la ke pii o na hae o na moku a pau.
A iloko o ia wa i hoomaka mai ai ka aina e kipa aloha i a lakou nei,
I ka wa o ka moku o ke koa opio i hoomaka aku ai e holo, a pela hoi no moku a pau i hahai mai ai mahope o ko ianei alahele.
He eha la ko lakou nei holo ana i ka moana, loaa iho la na aumoku i ka no nui o ka moana, he ino keia a na kapena i olelo ai aole lakou i ike i kekahi ino nui e like me keia.
Hoomaka mai ka makani mai ka hora ekolu o ka wanaao a hiki i ka hora eha o ka ahiahi, a ua kau liilii aku na moku ma o a maanei.
Ua hookele ae kela a me keia kapea i kona akamai iho e imi ana i kona pakele mailoko aku o ka ino nui.
He iwakalua-kumalima la keia ino nui ana, a he hookah wale no la i koe hiki aku i ka la nui o Sekotia.
Ia wa, ninau aku la ke koa opio i ko na kapena:
Pehea la, e hiki e ana no anei kakou mamua o ka hiki anan mau o ka la nui o Sekotia; ke kanalua nei au i ko kakou mua ole mamua ae o ka Manawa?
Ia wa, pane mai la ke kapena i ke koa opio penei:
He mea hiki ole ia’u ke koho pololei aku i keia wa, o@ai, ua nalowale ka la me ka mahina a me ka hoku main a mea ike aku o ka moku nei i hoomakaukau ia, i keia wa, aia kakou mawaho o na lakiku a me na loniku i maopopo ole kahi e holo nei.
(Aole i pau.)
HE MOOLELO
NO KE
Koa o Kanahele,
A @OLE IA
Ka Naita o ke Kapa
Kila Lahilahi.
MOKUNA XIX.
KA HOPENA
A i ka emepera e noho ana , ua like ia me ka mea u ahaku ia a paa, a pau ku ae la oia iluna a hele aku la makahi a kana wahine e noho ana, hele aku la oia me ka hik@k@ a h@ ma kahi o kana wahine a kau iho la i ka lima maluna o koaa poo, a pane iho la penei:
E kuu wahine, he oiaio anei keia?
Nana ae la ka wahine i ke kane a hooholo ae la i kona lima ma ko ianei a i a pane ae la:
E Lothaire, kuu kane, e kala mai ia makou, aole no hoi au i lawehala loa, aole ina pahah au i ike ke ola nei no ka kaua keiki, ina paha au i ike ke ola nei no ia, ina-ina-a kulou iho la kona poo ilalo.
Me ke manao hou a me ka ikaika hou me ke kau no o kona lima iluna o ke poo o kana wahine a pane iho @:
He oiaio anei? e hai mai
Ae, he oiaio, e like me ka kela kanaka i hai mai nei.
Ku pololei ae la ka moi iluna, a kau pono aku la kona mau maka maluna o ka poe e paa ana ia Osterburg a pane aku la:
E lawe mai i kela kanaka maanei, a huli ae la keia la Ligismond a pane aku la:
E Ligismond maikai, ua pono kau.
E kala mai ia’u, ua ikaika loa paha ka’u mai olelo aku nei i k@ @ hana mai nei, a ole au i kuu p@ a kakaou e ike nei.
E haalulu ana mai luna a lalo me na helehelena ua hele a haikea, i ku mai ai ke kauka imua o kona haku a pane mai la ke alii:
E Osterburg, aohe he nui o ka’u mau huaolelo, a eia wale no:
Ua lohe ae nei no paha oe i na mea a Ligismond i hai ae nei, he @ nei?
Ma o na lani la, e kuu haku, no ke aha la oe i ninau mai ai ia’u pela, hea ha auanei ka’u me ae pane aku ai, oiai aole au i ike i na manao auwena o loko o kona lolo.
I ka lohe ana o ke a’ii i keia mau olelo ua pii ka ula i ko ianei mau papalina a keei iho la kona mau wawae a upiki iho la na lima a huila ae la na maka, a he hoike anan ia no kon a huhu a ua kau ka weli o ka poe i kamaaina i kona ano a pane mai la:
E Osterburg, i keia hora akahi no a phoa ma ka malamalama imua o’u, a ua hoopakele ia kuu nohoala a me kuu kalaunu mai ka e hookahuli a e hoohunahuna i na mea i hoike ia ae nei, a’@ ia, aole au e kala aku, e hoomaopopo oe i ka’u e olelo aku nei, he hiki a’u ke hoopakele a he hiki ia’u ke hoopai, a o ka poe a pau i kau ka hoopai a Lothaire, ua ike lakou he koikoi.
Haule koke iho la ke kauka ilako me kona mau kuli a pane aku la:
E kuu haku, e kala mai no anei kuu haku ia’u ke hai aku au i na mea a pau a hookuu mai ia’u e ola?
Ae, e Osterburg; ina oe e hai mai ia’u i na mea a pau a lilo hou ka hewa i pono, alaila, e kala no au ia oe a hookuu au ia oe e ola me ka maluhia.
Pane aku la ke kauka, ke hoomaikai aku nei au ia oe e kuu haku, a ina au e huna ia oe i kekahi mea, e hahau mai ia’u a make ma keia wahi a’u e ka aku nei, a o na mea a pau i ha@ ia ae nei, he oiaio wale no, a me kuu kena anan e lawe ia ke ola o kela wahine e noho mai la ma ka aoao o ke kaikamahine alii nani o Geremania.
A-ha eia ka oia maanei? wahi a ke ahi.
Ae, eia oia maanei, oia kela e noho mai la, wahi a ke kauka.
Huli koke ae la keia i ka ianei wahine a pane aku la:
E ekekela, ua ike aku la oe i k eke@alii oiaio, i ka wa hea la kou ike mua ana iaia?
(Aole i pau)