Ka Nupepa Kuokoa, Volume XXVIII, Number 7, 16 February 1889 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA

NO KA MAKAHIKI             $2.00

NO EONO MAHINA                        1.00

KUIKE KA RULA

 

Poaono Feberuari 16, 1889

 

Haawina Kula Sabati

HAPAHA MUA

HAAWINA VIII, Mar. 10, 1889.

            33 A hele aku la lakou i Kepere nauma, a i kona noho ana @loko o ka hale, alaila, ua ninau mai la oia ia la kou, Heaha ka oukou i kamaiho ai ma ke alaloa?

            34 Aole lakou i ekemu iki aku, no ka mea. ua kamailio lakou ia lakou iho ma ke alaloa, i ka mea o lakou i oi mamua.

            35 Noho iho la ia, a kehea mai la i ka poe umikumamaua, i mai la kela ia lakou. Ina e manao kekani kenaka e oi ia mamua, e emi auanei ia mahope o na mea a pau, a e iilo no i kauwa na na mea a pau.

            36 Lawe ae la ia i kekahi keiki a hookuu iaia mawaenakonu o lakou; a i kona hupoi ana iaia. i mai la ia ia lakou,

            37 O ka mea e launa mai i kekahi keiki liiiu, e like me ia nei, no kou inoa, oia ka mea launa mai iau: a o ka mea launa mai iau, aole ia i launa mai iau wale no, aka, i ka mea nana wau i hoouna mai nei.

            38 Alaila, olelo aku la o Ioane iaia, i aku la, E ke Kumu, ua ike aku makou i kekahi mea e mahiki aku ana i na daimonio ma kou inoa, aole nae ia i hahai mai ia makou; a papa aku la makou iaia, no ka mea, aoie ia i hahai ia makou.

            39 I mai la o Iesu, Mai papa aku iaia, no ka mea, o ke kanaka nana i hana ka hana mana, ma kou inoa aole ia e hiki ke olelo ino nou.

            40 O ka mea kue ole aku ia lakou, no kakou hoi ia.

            41 O ka mea haawi ia oukou me kekahi kiaha wai e inu ma kou inoa, no ka mea, no Karlsto oukou, he oiaio kau e hai aku nei ia oukou, aole loa ia e nele i ka aku ia.

            " A o ka mea hoohihia mai i keka hi o ka poe hilii nana wau e manaoio mai nei, e aho nona ke nakinaki ia ka pohaku wili palaoa, ma kona a-i, a e hoolei aku iloko o ke kai.

 

PAUKU GUIA.

O ka mea aole e launa i ke Aupuni o ke Akua me he keiki uuku la, aole loa ia e komo ilaila. Mar. 10:15.

Poakahi           Mar. 9:1-32

Poalua             Mar. 9:33-50

Poakolu           Mat. 18:1-14

Poalia              Su. 9:46-50

Poalima           Mat. 19:13-15

Poaono            Mat. 10:37-42

Sabati              Mat. 20:20-28

Ke ala e hiki ai i ke Aupuni o ka Lani.

            I Ke aupuni o ka lani. Ua manao anei na haumana e kukulu ana o Iesu i aupuni ma ke ao nei? Mar. 2:1. Lu. 17:20 Oih 1:6 Mat 20:21. Heaha ka Iesu i hoike ai no kona aupuni? Mat, 5:7:18:3.4.

            II Na manao kuhihewa no ke komo ana i ke aupuni, p. 33:34. Heaha ka hoopaapaa ma ke ala? Heaha ka mea i hoala ia ai ia hoopaapaa? Mat. 16:18:19.17:1 Mar. 9:2

            I ko Iesu pane ana i na haumana pehea lakou? He mea pono anei e imi i mea e mahuahu ai ka ike; i oi ka makaukau ma ka hana, a i mea e mahuahua ai ka pono o kekahi? E imi anei ia mau mea a hookiekie maluna o hai?

            III Pehea ke komo ana i ke anpuni 35:37. Pehea ka Iesu ao ana i na haumana, me ke aha e like ai? Me ia anei kana i ao ai mamua? Mat. 20:25.28. Ma he aha e like ai me ke keiki uuku?

            IV Hookahi aha-he nui nae ka poe e hele ana ma ia ala 38:40. Heaha ka ninau a Ioane? No ke aha ka papa ana i ke kanaka? Ua pono anei ia papa ana? Ua like anei ka lawelawe ano o na mea a pau no Iesu? Ina e lawelawe ana no Iesu a e kokua io ana mamuli ona, ua pono anei e hookeakea i ka hana o kekahi? Hiki anei i kekahi e ku i ka wa? p. 40 Mat. 12:30;6:24.

            V Ke kokua ana ia hai e komo. p. 41. Heaha ka Iesu olelo no ka poe e kokua ana i kana poe kanaka? Ma ka hookipa ana i na kauwa a Iesu e hookipa ana anei ia Iesu? Ma ka hoike ana i ke aloha ia lakou, e hoike ana anei i ke aloha ia Iesu? Mat. 23-40. Pehea e kokua ai i na pokii a me na auwana. i hele aku lakou ia Iesu.

            VI Ka hookeakea ana i ko hai komo ana. p. 42  He pono anei e alakai hewa i kekahi o no mea e manaoio ana ia Iesu? Ina ua nawaliwali kekai o na haumana o Iesu, aole anei e kokoa iaia o hina, o haule paha iloko o ka hewa? E oi aku ana ka ino o ka hewa o ka mea hoowalewale ia hai, i ko ka mea nawaliwali e haule ana.

            I He nui na hoopaapaa no na mea ano ole.

            II O kekahi pilikia nui o na ekalesia oia ke ake nui ana o kekahi e lilo i moa, ia lakou ka hanohano, ka mana.

            III Oia ka mea e hoala ana i na hakaka, aole oia ko Kristo ano.

            IV. Ina ua manao kanaka e loaa ka hanohano, ua imi i kona pono iho, aole i nana i ko hai pono.

            V Ma ke aloha ana ia hai, ka lawelawe ana ia lakou, e hoohanohano ia ko Iesu mau haumana.

            VI Aole e hiki e ku i ka wa, ina aole ma ko Iesu aoao, e kue ana iaia.

            VII Aole i hoopoin@ o Iesu i kekahi mea i hana ia nona.

            VIII He mea weliweli ke alakai ana ia hai iloko o ke hewa. Ka hoolalau ana i ka @ nawaliwali ma ka pono.

 

Na Ekalesia.

Ma@a@ @ e hoopuka mau aku ai makou @ e pili ana i na Ekalesia a puni ka Pae Aina. E kakau ma na mea ano nui, a e hoopuka ia aku no.

 

HOOLAHA HALAWAI.

            E halawai ana ka Ahahui Euanelio o Hawaii i ka la 6 o Maraki, hora 10 o ka a.m, maloko o ka luakini o Helani, Kahaluu, Kona Akau.

            Ua makamake ia na lala a pau o ka aha e akoakoa ae.            2219-2t.

 

KAPAA.

E ka Nupepa Kuokoa—Aloha oe :

            Ma ka 27 o Ianuari, ua koho ka ekalesia ia Wm. Blaisdell i Puuka no ka ekalesia o Kapaa, ma kahi o G. H. Dole i @le aku.

            Ua koho pu ia o J Raiu, J Kauhoe, J Kaialoa, D Puhi, Papapa, Meheiwi, i mau Lunakahiko.

            He ano pupu ko makou hana ana. He hapa ka poe manaoio, a he auwana ka hapa nui.

            Mawaena o ka poe opiopio, he hoomaloka lakou ma na hana lealea pau wale o keia ao.

            O ke anaina Kula Sabati, e like no ia me ka mau.

            Ma ka la 25 o Dekemaba i hala, he lulu dala ka makou, a penei ka hoike i na mea i lulu ia:

Kula o Kapaa              $7 25

Kula o Anahola           5 00

Kula o Koolau             8 50

Huina  $20 75

Owau no,

J. M. Kealoha.

Kapaa, Kauai

 

HANALEI.

E ka Nupepa Kuokoa—Aloha oe.

            No na hana a ka Haku, ke mau nei kona holomua ana iwaena o keia mau kihapai.

            Ua hele au e noi na ona mahiko no ka malama halawai no na paahana, a ua ae ia mai.

            Ua olelo mai lakou iau, aohe makemake i ka Moremona, he nui loa na wahine manuahi.

            Na ka Uhane e kokua ia kakou a pau ma ka hana a me na mea e holomua ai kona Ekalesia ma keia ao me ka manaoio

            E haawi pu aku oe i kou aloha i na hoahanau o Kawaiaihao me ka Ahahui Opiopio, na opio a me na hoaloha no a pau

Owau iho no,

J. Kanoho.

 

AHAHUI IMI PONO.

E hoalaia ana keia "Kokua" a Lala, (Mrs. Laura Judd Dickson) i kukulu a@ a i malama ia. Nolaila, e akoakoa ae ana na lala kahiko a me ka poe a pau i manao e komo i keia hana, ma Queen Ema Hale, i kela me keia Poalua, hora 9 o ke kakahiaka, a e humuhumu ana i lole kupono no ka pomaikai o Queen Ema Hale.

Miss H. S. Judd

Miss M. E. Green                    Na Komite

            E loaa ana ia Mary E. Green ma ka Hale Ema, "Kaleleonalani," i ka Poakahi a me Poaha o kela a me keia pule mai ka hora 9 kakahiaka a ka hora 4 o ke ahiahi.

 

HE MAU HUNAHUNA

—NO KE—

KAHUA MAI LEPERA O KALAWAO

A ME KALAUPAPA.

            A huli hou iho no oe ma ka aoao hema o ua puu nei, e ike aku no oe i ka waiho kahela mai a ka oawa o kahawaii o Waihanau me ka hale o ka hope lui a nui. me ka hale hoi a ke alii Pika Kaeo i noho ai i kona mau la a ka ehaeha, ka home mua a@ i noho ai, oiai hoi kou mau la malihini, a me ka hale o Mr. Napela loio o Wailuku, Maui: na hale o na mai a me na kupa kamaaina o nei aina.

            A ma kahi kokoke i keia mau hale, he wahi pali kaulana i ka waha o ka poe kahiko au e lohe mau ai iloko o ko lakou mau mele kahiko, ka pali o Koloa; aole no he pali maoli, he wahi ka aoao lepo wale iho no ma hai o ke aianui e hele mau ia nei, a o kahi i loaa iau, oia kau e pahola aku nei me ka hoehoene, penei:

Aloha wale ka pali o Koloa

Ka pali huli i Waihaneu-e, hanau

Aloha wale ka hoahanau i ka hoi nele i

ka kaha loa.

            2—Na ana kanaka e noho nei.

            Ewalu no ano kanaka e noho nei, Hawai maoli, haole a me hapa haole, pake a me hapa pake, paniolo, lelewa, a me ke pukiki hoi; a ma kahi o na ano kanaka hope ekolu, 2 paniolo k., 3 lelewa k., 1 pukiki; a o ka huina o ka hapanui nona ka heluna tausani a oi, no ka heluna i koe iho, aka, o ka Hawaii maoli no nae ka oi; a he hapa mai no na ano kanaka e ae; ma ka manao koho wale o ka mea e unuhi nei, aole 1 piha ka haneri hookahi, aia no malalo o keia heluna, ke hui ia na kane wahine a me na keiki.

            3—Ke kulana mai o na mai.

            Aohe like o ka haawina mai i na mea a pau, he mama mai ko kekahi, a         he koikoi loa ko kekahi, e like penei:

            He pelu wale iho no o ka manamana lima, a oia mau no o na wahi a pau me ka mai ole, a helei wale ae no ka maka, aole o na lima, o ke kino a pau, a he nukee ka waha, aole o na wahi a pau; puka ma ka wawae, oia okoa no ke kino a pau; a o kekahi hoi, pepee no lima muumuu na wawae, he ikaika no kahi pauku kino o ka onioni;    a @ ka poe i loaa i keia haawina mai, mai na kane wahine a keiki, ua loaa ia lakou he mau makahiki mahuahua e like me kekahi poe e ola nei i umi a oi makahiki, a aneane no e iwakalua makahiki ko Mr. Kahului, eia no ke uhae pai nei; a oia no ka mea i kapaia mai ai keia ano haawina mai, "he uhae pai ai a io bipi no ka Panalaau nei," ke ole nae he kuiana mai o ke ano e ae.

            A o kahi haawina mai i kahi poe, ua ea pu mai la a kaumaha o luna a me ke kino holookoa, a mahope aku no e palahe ana na wahi e ae, ina o ka lima e ai ia mai ana a muumuu, a ina ma ka waewae e apahu pu ana, a pau loa aku na manamana a koe mai kapuai wawae, a i ole o ka poho wale mai no o ka lima, a o ka poe kupono ia e hoihoi ia i Haukipila, a ina he ikaika ke kino a o na wahi poino wale ae la no ia, alai la, ina e kii i ke pai ai a io pipi paha, a lawelawe ana oia ma keia mau mea me ke kano o no lima a me ka niho pu,  ke ole he mea nana e kokua mai iaia, a ke mau no hoi kona hoololohe iwaho a hoi ole no ka Haukipila halemai.

            A ua i mai kekahi keonimana iau i kamaaina i keia wahi, mamua aku o kou hiki ana ianei, oia hoi o P. I. Kala@lehua.

            "O ka averiga makahiki e ola ai ia ano mai he elima no makahiki a emi mai no hoi, no ka ikaiki loa a oi aku, he kakaikahi loa nae ia poe." A o kahi ano mai e loaa ana i kahi mau mai, oia ka makapo, @i maoli a hi koko, ua olelo ia keia mau ano he elua, "o hana e ka pahu kupapau."

            O ke nahu kekahi mai a me ka lepo paa, o ka hui o ke kino a puni, o ka maeele o na lima me na wawae, a kaumaha pu, a ike ole ae i ka mea e hana ia ana, ina ua wela ia ka lima a me ka wawae i ke ahi aole oia e ike i ka eha, ina i moku i ka pahi a me ke koi, aole no e ike ia ana ka eha ma kahi i moku eia nae ka mea pono ole, e oolopu ana kahi i wela i ke ahi, a hele i ka aai loa, o kahi hoi i moku i ke koi oki wahie, e aai ana a pilikia maoli no, a ina e komo ana i ke kamaa a hele a kau paha ma ka lio, ina e hemo ana ke kamaa, aole no oia e ike ana i ka hemo ana o ka kamaa, aia a hiki i kahi e lele ai, alaila ike iho la o ke kakini wale no ko ka wawae, aole ke kamaa i kona pili.

            Iloko no nae o keia haawina ehaeha i nohoalii iho maluna o ka mea mai, aole no e hiki iaia ke noho iho, a kii ole i kona mau haawina ai a i-a a me na mea e ae ke hiki mai na la o ia mau haawina o nele auanei ina aole he mea nana e kii kana mau mea ai, a ke ole ia no ka Haukipila a me ko Damiano, a me ko na makuahine o ke aloha e noho nei ma ka hale o ka puuwai i hoopihaia i ke aloha no ko kakou mau opio wahine a me kekahi o na hui e ae; he kanaka ka mea nana e kii ia mau mea, a o ka mea mawaho ae o keia mau hui, a kii pono@ ana no me na alina ehaeha o ka naau ke ike aku.

(Aole i pau.)

 

HE MOOLELO

—NO KE—

Koa o Kanahele,

—A I OLE IA—

Ka Naita i ke Kapa

Kila Lahilahi.

 

            MOKUNA XIX.

KA HOPENA.

            A I KA wa i hele ai ka pualikoa i Sepania, ua lawe au ia Merlin me au, a no ke omaimai hoi @ kau keiki ponoi, ua lawe pu au iaia me ka manao e loaa ka oluolu iaia malaila, aka ua oi aku kona mai mamua o ka mea hiki i ka mana kanaka ke kaohi mai.

            Hookahi makahiki mahope mai o ko makou hui ana me ka pualikoa o Alfonso, make iho la kuu keiki iluna o na lima o Merlin, a o kana hua hope i pane mai a@ ia u :

            E kuu makuakane aloha, e haawi oe i kou wahi ia Merlin, a e lawe oe iaia i keiki nau, no ka mea, ua aloha no oia ia oe, a oia aloha ana ona, alaila aole oe e haohao loa iau, nolaila, hana iho la au e like me ke kauoha a kuu keiki i make, lawe mai la au iaia i kuu poli e like me kau keiki ponoi a kapa aku la i ka inoa o kuu keiki ponoi i make o Urlie o Cluny.

            A i ka make ana o kuu keiki e hele ae ana o Merlin e oluolu loa a pololei kona kua, a i ka hiki ana aku i ka umikumamawalu o kona mau makahiki aole he wahi hiohiona i koe o ke kuapuu maluna ona, ua ola loa.

            A ia wa i hoea mai ai kekahi mea kupanaha i ka wa kupono i makemake ia ai.        

            Iwaena o na koa @ Farani, he kanaka hana mea kaua he Leige, he kuapuu kona kokua o Saul ka inoa, nona na makahiki he iwakaluakumamaono, a no ka loihi loa lawelawe ana ia mea ua akamai pu no oia i ka hoohana ana i na mea kaua.       

            Ua komo ka makemake ia Saul no ke koa opio o Cluny, a i ke kahua kaua o Salmanca i hookau ia ai ka inoa naita ia Ulric, a ilaila i nonoi mai ai o Saul e lilo ia i ukali no ka naita opio, ua hooko ia aku kona makemake, a na Ligismund hoi i haawi aku ka inoa o Merlin, no ka mea aole o ka inoa wale ka mea a kona haku i haalele ai, o ka puu kekahi o ke kua i haalele ia.

            A nolaila, e na lede a me na keonimana, i hoomau aku ai o Ligismund i kana kamailio, o na la o ko Ulric ola ana mai kona la i lilo ai i naita a hiki i keia la, ua lilo ia i mea kaulana aia maloko o na buke a ka poe kakau moolelo, a aia hoi maloko o na mele a ka poe haku mele, ua lohe a ua ike na mea a pau.

            Pane mai la ke keikialii, a ina pela aole hoi ha i hewa kau i hai ae nei, a ua hooiaio ia mai la e na olelo a Sir Manfred i hai ae nei i kona lawe ana mai i ke keiki no loko mai o ke ana o ka powa a hoopumehana iioko o kona poli, a haawi aku la i kona inoa iaia, a aole anei ia o kona mea e nele ai ka lilo ana i keiki na ka powa, a e kupono ai ia ke lilo i hoalauna no na lede.

             Nolaila, ua akaka loa ae nei kona ano i ko ka wa mua, a ke nonoi aku nei au, e kau ia ka hoopai maluna ona, e like me kona ano.

             Aole i kali hou iho o Sir Menfred a lohe hou i na olelo hoino, ua ike aku la oia ia Ulric, ua kokoke aole e hiki iaia ke hoomanawanui hou aku, a o ke kaikamahinealii kekahi ua ano ehaeha kona nanaina, a i ka noho ana iho o ke keikialii ilalo, ku koke ae la o Sir Menfred a pane aku la:

             Mamua o ka hana ia ana o kekahi mea, e lo@e mua kakou mai ka lehelehe mai o ke kanaka, o na mea a pau i kamaaina iaia, aohe a lakou hana o ka hoomaikai wale no, oia hoi kuu hoaloha oiaio, a kumuao hoi a ke keiki Ligismund, a nolaila, ke nonoi aku nei au ia oukou a hoolohe mai iaia.

             Ku ae la keia iluna a hele aku la ma kahi e hiki ai iaia nei ke ike aku i na mea a pau, a ike ia aku la ia he kanaka nona na makahiki he kanawalu e ku mai ana imua o lakou me ke kino pololei, ua kuakea ka lauoho a me ka umiumu i ka hina, a ua meha iho la ke anaina mai o a o a ua pane aku la keia penei:

             E na lede a me na keonimana, na @lii a me na kaukaualii, ina oukou e hooloke pono mai ana i kau mea e hai aku ana ia oukou, he moolelo kau no ka wa i hala a he kuleana no ko na mea a pau maanei e lohe, a ke nonoi aku nei au ia oukou e hoolohe pono mai. O ka mea au e hai aku nei, ua pau pono loa, a ua loaa liilii mai iau i kekahi wa a no na makahiki loihi au i huli ai me ka hoomanawanui, o kekahi ua ike ponoi no au, a o kekahi ua lohe mai au mai kekahi poe mai, a oia kau e hai aku nei, a e hoolohe mai:

             Ina makahiki he iwakaluakumamalima i kaa hope ae nei o kekahi moi ua kahea ia mai e hele i ke kaua i kekahi aina mamao, ilaila i kaua ai a eo mai la na aina a me na waiwai he nui, haalele iho ia mahope he wahine ui a opiopio ua kokoke e lilo i makuahine, a waiho iho iaia malalo o ka malama ana a ke kauka ana i hilinai lea ai, no ka mea ua ioih@ kona noho ana i ke alo alii, a o k@ ka mo@ kauka no ia mai@ ka wa uuku mai.

             Aka, o keia kauka, e ike aku ana kakou i kona mau hana pono ole, a mahope mai ua hanau mai la ka moiwahine he keikikane a ua hauoli na ai alo a me ka aina holookoa, a ua hoouna koke ia aku ia ka lohe i ka moi ua ha nau kana moiwahine he keikane.

             He mau la mahope mai, ua loohia iho la ka moiwahine i kekahi mai kuhe wa no kekahi mea paha ana i ai ai a i inu ai paha.

             Nolaila. ua kauoha koke ae la ke kauka e hookaawale koke ae i ke keiki mai ka makuahine ae.

             I ka lua mai o ka la i loohia ai ka moiwahine i ka mai, lawe ae la ke kauka nana ka malama ana i ke keiki oiai ke kahu keiki e lawelawe ana i ka makuahine, a ina paha aole ia i ona ina aole no hoi ia e hana pela, aka ua nui loa kana waina i inu, a ua pau kona noonoo maikai, lalau iho la oia i ke keiki a koiele ae la i o a ianei, a iaia e hana ana pela haule aku la ke keiki ilalo mai kona lima aku a pa ma ka poohiwi a pa ma kekahi noho laau nona paha ke kiekie o ka haule ana, a hoomaopopo iho la i ka nui o ka poino o ke keiki.    

             Hookahi wale no mea i ike i keia, a malaila i kuai ia aku ai kona waha e paa no na apana gula, nolaila, ua noho malie ia aole ia i hai aku i kekahi mea e aku.

             A i kekahi la ae nana pono iho la ke kauka i kahi i eha o ke keiki, no ka mea, aole i oluolu ke keiki ia po a ao, akahi no a akakuu mai, aole no ka oluolu maoli, aka no ke ana maoli o ke keiki a luhi i ka uwe.

             Nana pono iho la ke kauka a ike ua hai kekahi iwi, a ina no hoi i hooponopono ia ka eha ia wa ina no la hoi ua pau; ina no paha i ike ka kanaka i kana mea e hana ai a ina no hoi paha he kauka ia i ao pono ia ina ua pau no ia mea.

             Pehea, e hai mai, i pane mai ai kekahi leo.

             Ia wa, huli like aku la na mea a pau ma kahi o ka leo i pa-e mai ai, a ike ia aku la ke kino o ke kauka Osterburg e ku mai ana ua piha i ka inaina.

             Pane aku la o Ligismund me ke kuoo. Ma ka hooponopono ana i kahi o ka iwi i hai. a wahi a paa a peia e waiho ai a hiki i ke ola ana.

             (Aole i pau)

 

PAPA! PAPA!

AIA MA KAHI

LEWERS & COOKE

(O LUI MA)

ma ke kah@ kah ko ma @ Pa@ me Mo

E loaa a@

PAPA NOUAIKI

o kela a me keia ano.

 

PaniPuka, Na Puka Anaini, Na Olepelepe

Na Pou, Na O-a, Na Papa Hele, Na Papu

Ku, A me na Papa Mo@ nui loa

 

Na Pili o na Hale o na Ano a Pau

—A ME NA—

 

WAI HOOHINUHINU NANI

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Makamaka

pau, ua makaukau keia mau Makamaka

o okou e hoolawa aku ma

na mea a pau e pili ana

ma ka laua oihana

—NO KA—

UKU HAAHAA LOA.

E like me kamea e nolo ana mawaena

LAUA a me ka MEA KUAI.

HELE MAI E WAE NO OUKOU

 

OLELO HOOLAHA.

            

             E ike auanei na kanaka a pau, owau o ka mea nona ka inoa malalo, ke hoike aku nei au make akea, ua kapu loa na holoholona o ke@a a me keia ano e hele ana maluna o kuu mau apana aina e waino la iloko o na ili o Pukaauhuhu, Kaupo. no lana na eka he 4@ a oi, oia na apana aina i loaa mai iau ma ke kuai ma ka la 21 o Dek. 1888, mai a Kawaiaea a me Mahoa kana wahine mare.

             IOSUA AHULII.

             Pu@auhuhu, Kaupo, Dek. 1@, 1888.

             2@17-@

 

 

KAKELA A ME KUKE

HALEKUAI NUI O NA WAIWAI

@ua pahioio, koi hole,

hamaie, koi @ui a me liilii, kiAa,

wi@ puaa, ruia, apuapu, kui o na an@

@au, kala kaa, hao hoopaa puk@

 

pohako @oana, kepa, lei ilio, kaula

hao ilio, pahi, upa, pahi, amiumi,

kalapu, kope hulu, pulupulu, oepa k@

lakala, lina hao, ami, keehi, a me

—KAULA OPU.—

Palau o na ano a pau,

Oo, ho, kopala, pe, kipikua,

hao kope, au ho a pe

a aku, kua bipi, lei bipi,

kaula hao bipi, uwea

pa, uwea keleawe, hao pili

piula kaa palala, ipuhao, ipu ti

PA-PALAI MAKOU MEKE AHO

Ili wai, papa holoi, kopa ala, kaula

@uaina, huakai, ehi wawae,

hulu pena, a pela aku.

 

Pena wali, kini nui a me liilii o na

ano a pau, me ka pepa kuhikuhi,

pena keokeo, alia

pena, aila hoomaloo,

vanika kaa, a me

vanika moe,

PENA HOOMALOO

—a me aniani hale—

AILA MAHU, AILA MIKINI, AILA HAMO

AILA KAA, INIKA KAMAA.

PAUDA, KUKAEPELE, KIANA

PAUDA, UIKI IPUKUKUI O NA

ANO HE NUI A LEHULEHU.

 

Hale Hane Lole Nui

KE "PAIONIA O HONOLULU,"

Helu 17 Alanui Ema, Honolulu.

             O ka mea nona ka inoa malalo iho, ua makuakau oia e hoolawa aku i ka lehulehu me na aahu i maiau ia. E loaa no ke kuhikuhi no na ana lole ke ninau ae malaila.

Papale Keokeo, Paleili, Aahu Moepo, &c

             E hana ia no na kauoha e like me ka makemake. A o na kauoha mai na mokupuni mai e hooko ia me ka eleu.

A. M. MELLIS.

Bele Telepone Helu 410                      2202-1m

 

B. F. EHLERS & CO.,

             PAINAPA.

Poe Kuai i na Ano Lole a Pau.

Helu 99 alanui Papu. - Honolulu.

             E loaa mau ana na lole hou o na ano a pau maluna o kela a me keia meku

 

Pahu Hale Leta 351.               Bele Telepone 274.

KA AGENA OIHANA HAWAII.

No. 68 ALANUI PAPU KIHO O ALANUI KALEPA, HONOLULU, H.I.

HE AGENA OIHANA, A ME AGENA OHI DALA NO NA BILA A PAU.

KEENA OIHANA.

Na Waiwai paa—kuai a hoolilo aku, a me auhau uku ana.

Na Hale hoolimalima, Rumi, Keena, Aina e hoolimalima, a aelike e ohi i na uku hoolimalima o na ano a pau.

Na Moraki e ae ia ma na ano wawai a pau.

Na Pepa kuleana aina, e kakau a hooponopono ia me na Pepa a pau e p@ ana ma ke kanawai.

Kope a me ka Unuhiolelo ma na olelo a pau iloko o keia aupuni.

Na Panihakahaka ola, Hale, a me na waiwai o @a ano a pau i na Ahahui Panihakahaka helu ekahi.

Na Malama ana i na Buke a me ka hooponopono ana.

E haawi ia no ka mikiala no na Ohi aie ana.

Na Gula, Kala me na Bila kikoo dala, kuai a hoolilo.

Na Hooponopono Hale Dute e pili ana i na waiwai mai ko na aina e mai.

Na Ukana o kela a me keia ano, e kuai a hoolilo aku.

Na Kauoha o na Mokupuni, e hooko ia no me ka eleu.

             O na hana a pau a na makamaka e haawi mai ana no ka hooko aku i ke kauoha. @hooko ia no me ka eleu a me ka mikiala.

             Agena Oihana Hawaii

             2150 1 yr. Mar.

 

LOLE MAKEPONO

E aa aa—

AHINAHINA. KALAKOA. KEO

KEO. LEPONALO HULUMANU,

UWE-WAHINE, KUI HUMUHU

MU A ME KA LOPI.

Ke kuike e loaa no ia ma kaki o

Kakela & Kuke!

NA MEA PIULA

Mikini Humuhumu

Mekini a WHEELER a me WILSON

MIKINI A WIILOX ME IBBS

NA MIKINI A

—REMINGTON.—

             He nui loa na mea hao me na ukana ae o na ano a pau. aole hiki ke hai pau ia aku, hewa i ka wai na maka ke ike

Laau Lapaau Kaulana Loa

A DR. JAYNE.

LAAU HOOMAEMAE KOKO

LAAU HOOPAU NAIO. LAKO

KUNU. PENIKILA HUAALE

PAAKAI, LAAU HOOPAA HI,

NE na Laau Hamo a Pela ku.

KAKELA & KUKE

 

MEA HANA LOLE.

             Ua wehe ae nei o Mrs. M B. CAMPBELL i ka oihana hana a me ka helehele ana i na lole, ma kona wahi noho ma ka helu 73 alanui Beretania, ma kekahi aoao o ka Hotele. O na kokua ana mai na lede maka hanohano mai ka mea i makemake nui ia, a e loaa no auanei ke ku pono o ka lole e like me ka @ini.                      2203.1y