Ka Nupepa Kuokoa, Volume XXVIII, Number 6, 9 February 1889 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA

NO KA MAKA HIKI $2.00

NO EONO MAHINA $1.00

KUIKE KA RULA

 

Poaono, Feberuari 9, 1889

 

HAAWINA KULA SABATI

HAPAHA MUA.

HAAWINA VIII, Mar 3, 1889.

 

O Iesu ka Mesia.

27 Hele aku  ia o Iesu a me kana poe haumana i na kaunale o Kai@ neia Pilipa, ninau ae la ia i kana poe haumana ma ke alaloa, i ka i ana, Owai la wau i ka kapaika olelo?

 

28 I aku lakou, O Ioane B@ e me. a o kila i ka kekahi, a o kekahi o na kaula i ka kekahi.

 

29 Ninau mai ia oia ia lakou. Owai la hoi au i ka oukou olelo?  Hai aku ia o Petero, i aku la iaia.  O ka Mesia no oe.

 

30 Papa mai la oia ia lakou, mai hai aku iaia i kekahi kanaka.

 

31 Laila kana hoomaka ana e ehoike mai ia lakou e hoomainoino nui ia ke Keiki a ke kanaka, a e hoole ia e ka poe kahiko a me ka poe kahuna nui a me ka poe kakau @@@ a e pepehi ia oia, a ka po poakolo ae, e ala hou mai ai oia.

 

32 Hai maopopo mai la oia ia olelo alaila, iaia ae la o Petero iaia, a hoomaka o papa aku.

 

33 Halau ae la Iesu, nana ae la i kana mau haumana, papa ae la ia Petero, i ae la, E hele oe pela mahope oia e Satana, no ka mea, aole i like kou manao me ko ke Akua, aka, me ko na kanaka.

 

34 A kahea mai la ia i na kanaka a i kana poe haumana no hoi, i mai la ia lakou, O ka mea makemake e hahai mai mahope o’u e hoole oia ina iho, a e kaikai i kona kea, ae hahai mai ia’u.

 

35 O ka mea manao e malama i kona ola nei, e lilo auanei kona ola, a o ka mea haalele i kona ola no’u nei a me ka euanelio, e loaa ia ia ke ola.

 

36 Heaha la auanei ko kanaka pomaikai ke loaa iaia ke ao nei a pau, a lilo aku kona uhane?

 

37 Heaha la hoi ko ke kanaka kumu e haawi aku ai, e loaa hou mai ai kona uhane?

 

38 O ka mea e hilahila mai ia’u a me ka’u olelo, i keia hanauna kolohe a hana hewa, e hilahila no hoi ke Keiki a ke kanaka ia a i kona wa e hele mai ai me ka nani o kona Makua, me na anela hemolele.

 

PAUKU GUIA.

O ka mea makemake a hahai mai mahope ola, e hoole oia iaia iho, a e kaikai i kona kea iho, a e hahai mai ia’u.

 

Poakahi – Mar. 6:6 50, Poalua – Mar. 7:1 37, Poakolu Mar. 8:1 20, Poaha – Mar. 8:27 38, Poalima – Mat. 10:24 42, Poaono – H@@k. 7:9 17, Sabati – Mat. 16:13 28.

 

Ka Hahai ana ia Iesu.

1 Ka mea a kakou e hahai ai, p 27-30.  Mai hea aku ko Iesu hele ana?  E hele ana ihea?  Heaha kana ninau i na haumana ma ke alahele?  Pela ka lakou pane ana?  Ua like anei na manao o kanaka no Iesu?

 

O wai o Iesu ma ko Petero manao?  Heaha o Mosia?  Mahea ka hoomaopopo ana o Petero i keia?  Mataio 16:17.

 

11 Ka Iesu i ao ai.  Heaha ka Iesu i hoike nona iho?  Ua wanana ia anei keia no ka Mosia?  Is. 53.  O keia anei ke ala e hiki ai i kona aupuni? O keia Hoola anei ka mana nui o ka eka Iesia?  1. Kor. 1: 23, 24; Kom. 1:16:Io. 3:16.

 

Pehea ka Iesu pane ana ia Petero?  O ke ao wale ana anei ka hana a Iesu?  @ lo. 2.2 Rom 3.26.  Ua lawa anei kona make ana ke ole e ala hou?

 

111 Ka hahai ana ia Iesu. Ina e lilo ana i haumana na Iesu, heaha ka pono?  Heaha na hana kupono no kakou?  He mea anei ia e hoao ana ia kakou ina he haumana io na ka Haku?  Ina aole i makaukau e lawelawe na Iesu, he haumana anei nana?

 

IV Na kumu no ka hahai ana ia Iesu. I. p. 23.  Heaha keia ola?  Ina na kau nui ka manao ma na mea o keia ao, me ka haalele ana i ka pono, elilo auanei ka uhane i ka make?  Ina e maale e ana i keia mau pono kino no ko aloha ia Iesu, e pomaikai anei ka uhane?

 

Ina paha e loaa he waiwai nui, a po ino ka uhane, e pomaikai ana anei?  Pehea ka nui o na kanaka i imi ole i ke ola, ua loia anei he waiwai nui ia lakou?

 

Heaha ka mea e haawi aku ai i uku no ka uhane e lilo aku ana?  Hilahila ane kekahi poe no Iesu?  Pehea lakou mahope?  Ahea hiki mai o Iesu me ka nani o kona Makua?  a Tim. 4 1,2.  Pet. 3 7.  Koik.  11:15.  Mat. 24:30, 31.23:31.  Heaha ka Iesu olelo i na haumana.  Inahea ka hiki ana mai o ko ke Akua aupuni me ka mana?  Oih 2:1-4:41.  Mat. 23:36-38.

 

1 I pololei na mano ono ka Mesia ka Hoola.

 

11 O Iesu ka Hoola, ke kahua ka ekalesia; nana i lawe na hala o ke ao nei, ma o kona make ana.

 

111 He hauoli a he kaumaha, ma ka hahai ana ia Iesu.

 

IV Mai ae e noho kauwa no ke ao nei, aka, e hoolilo ke ao nei i kauwa.

 

V He mana ko Iesu uhane.

 

V1 He uku haahaa loa ka kekahi poe i lawe ai no ko lakou uhane.

 

VII He pomaikai ka poe e lanakila ana.

 

NA EKALESIA.

Malalo o keia p@, e hoopuka mau a ku ai ma@ i ka @@lei. e pili ana i lia Ekalesia a @@ ka Pae Aina.  E kakau ma na mea @, a e hoopuka ia aku no.

 

HOOLAHA HALAWAI.

E halawai ana ka Ahahui Euanelio o Hawaii i ka la 6 o Maraki, hora 10 o ka a.@, maloko o ka luakini o He@lani, Kahaluu, Kona Akau.

 

Ua makemake la na lala a pau o ka aha e akoaakoa ae.  2219 2t.

 

EKALESIA O KEANAI, MAUI.

O na hana a ka haku ma keia ekalesia, he mau no, ke Kula Sabati a me ka Ahahui Opiopio.

 

O Rev. S. Kamakahiki ke kahu kuikawa o keia mau ekalesia o Keanae nei a me Nahiku.  Aole no he nui o na hoahanau hele mau, he inahuahua mai no hoi i kekahi manawa, piha no ko makou anaina pule inehinei.

 

O ka lawelawe ana o na hana i na luna i kekahi mau Sabati a i ke kahu no hoi kekahi.  Elua manawa e malama ia ai na hana, kakahiakanui a i ke awakea no hoi.

 

Ua koho ia na luna o keia ekalesia ma na papa ekolu, eia na luna ma ko lakou mau papa:

 

PAPA 1.  D.W. Napihaa, V. N. Kahea, J. P. Kahahei.

PAPA 2.  S. K. Makaena, E. K. Kawahamana J. Kuluhiwa.

PAPA 3.  B. B. Kalimoku, J. P. Kaakumoku Nuuanu.

 

Ua koho ia no hoi he puuku a me ke kakauolelo no keia ekalesia, oia o S. Kamakahiki, puuku, a me J. W. Halemano, kakauolelo.

 

No ke Kula Sabati hoi, he piha mau no la manawa o ke Kula Sabati, he hiki i ka hookahi haneri haumana i ke Sabati i kekahi manawa, oia ke kiekie, a he kanakolu a oi oia ka haahaa loa.

 

Ua koho ia ke kahu Kula Sabati a me kona mau hope. puuku a me ke kakauolelo. 

 

S. K Makaena, Kahu Kula Sabati, J. P. Saunders, hope, V. N. Kahea, Pauku, M. K. Makaena, Kakauolelo.

 

Na kumu papa.  M. K. Beniamina, no na makuakane, Mr. Saunders, no na haumana kula, Mrs. Anakalia, no na makuahine.

 

E hoike mau ana na loaa o keia Kula Sabati i ka pau ana o kela a me keia ekolu malama.

 

Ka Ahahui Opiopio.  He like na hana o keia ahahui me ka pii ana o ke kai i kekahi manawa a emi aku i kekahi wa, oia hoi, nui mai ka poe hele i kekahi manawa a uuku mai no hoi i kekahi wa, aole nae he haule o ka manwa halawai he paa mau no, a eia na luna o keia ahuhui.

 

M. K. Makaena, Peresidena, J. P. Kahahei, hope, E. K. Kawahamana, puuku, S. K. Makaena kakauolelo.

 

Ka ahahui lipine holu.  Ke mau nei no ke ku ana o keia ahahui, aole no he nui o ka ona ma keia kihapai, hookahi no halawai ana o keia ahahui i ka mahina ma kela a me keia pule hope e like me ka manao ana o ka Peresidena a eia na luna:

 

D. W. Napihaa, Peresidena, S. K. Makaena, hope, Miss Helani puuku, M. K. Makeena kakauolelo.

 

O keia na mea hou o na hana ma keia ekalesia, i ka makahiki i hala a hiki i Jan. 27 o ka makahiki hou, e hoike hou aku ana no au i na hana o keia makabiki e nee nei.  Kou oiaia.  M. K. Makaena.  Keanae, Jan. 28, 1889.

 

HE KAAO

HAPAIKALA- Hapaikamahina

KA HUA OHIA NANI

@@@@@ MA KA

Piko Mauna o Farani

Ka Ui nana i Kakele ke Aupuni o ka Lihilihi o na Manu.

I kokua ia HULUPAINA kona Pokii.

Unuhi ia e Moss Ma’u

Iloko o ia wa i pane aku ai ke koa opio:  Ia oe e ka mea nona keia leo i pane maka nei ia’u, ke olelo aku nei au ia oe, e hookaawale i kou alahele mai ko’u wahi e ku nei, aole oe i ike i ke ano o ka mea e ku aku nei imua o kou alo i kona wahi i hele mai ai, e pono oe e kaohi aku i ka holo o kou ho.

 

Iloko o na wa i halawai ae ai laua nei i kahi hookahi a hahau mai la oia i kana pahikaua maluna o ke koa opio a iloko no hoi o ia wa i hopu aku ai ke koa opio i ka lima o ke kanaka e kau ana maluna o ka lio, a huki maila a haule pahu ana ilalo, a iloko no hoi o ia wa i haule pu mai ai ka puolo e kau ana mamua o ke kanaka holo lio o ka po, a lohe aku la keia i ka uwe leo wahine, a ia wa i kupee iho ai keia i ke kanaka a paa, a kii aku la keia i ka puolo a wehe ae la: 

 

Ia manawa i ke iho ai ke koa opio he kanaka ka ko loko o keia puolo, a ia wa no hoi i oili ae ai kekahi kaika mahine opiopio a ku ana imua o ko ia nei alo.

 

I ka ike ana mai o ke kaikamahine i ka kakou koa opio, ua pane mai la oia:  Ina he mea oluolu ia oe e hoopakele ae oe ia’u mai loko ae o na lima pakaha wale o keia keiki powa, oiai ua lawe aihue ia mai au e keia keiki mai ke alo mai o ko’u makuakane oiai au maluna o ko’u wahi moe.

 

Iloko o ia wa i pane aku ai ke koa opio i ke keikialii powa Momiana, pehea la oe ia aa ai e hana i keia mau mea, a nolaila, e make oe e pono ai.

 

Ia manawa i pane mai ai ke keikialii powa, e pono oe e hookuu ia’u iloko o keia hora, o halawai auanei oe me na poino i keia manawa ano, e hoomanao oe, owau o Momiana, ke alii powa hoi o na kuahiwi o Perusia nei, ka mea i wehi ia; e pono oe e hookuu ae ia’u.

 

Ia wa i pane mai ai ke kaikamahine i ke koa opio, mai puni aku oe i kaiala mau olelo pelo.

 

Pane aku la ke koa opio i ke kaikamahine o hea o Perusia nei kou wahi noho.

 

Ia wa pane mai la ke kaikamahine, o ko’u wahi e noho nei aia iloko o ka pa alii o Perusia nei, a o ko’u makuakane ponoi no hoi ia , a owau no ka hoolina moi o Perusia nei.

 

A ia wa i hopu aku ai kekoa opio i kana pio a hookau ae la iluna o ka lio a pane aku la i ke kaikamahine opio, ua oluolu ia’u e hoihoi aku ia oe a hiki i kou wahi e noho nei a ua ku ae la ke kaikamahine a hoi pu aku la laua me ke pio no ke kulanakauhale, ia lakou e hoi ana no ke kaona, ua pane mau mai nei ke keikialii powa e hookuu iaiai, a ina aole e hooko ia kona makemake, alaila, e ili mai ana he poino maluna oi ka opio, a iloko o ia wa a ke keikialii powa e kamailio ana e hookuu iaia, ua lohe iho la lakou a pau i keia halulu ano e o ka po, a oia ka ua keikialii powa nei i pane aku ai ike koa opio:

 

I keia hora, e halawai oe me na poino he nui, oiai o oe kekahi o na keiki ino loa nana i hoohaahaa iho nei ia’u.

 

A he mau minute mahope iho, ua kokoke loa mai la na powa.  no lakou ka heluna he elima haneri imua o lakou nei a pau, a i ka ike pono ana aku o ke koa opio ia lakou aole oia ia hopohopo no ko lakou nui ua aa no ola e paio no ka make a me ke ola o ke kaikamahinealii.

 

A iloko o ia wa i pa e mai ai ka leo o ke alakai o na powa:  Nawai i olelo ia oukou e hele i ka po ma kahi i noho alii ia e Momiana ko makou haku alii?

 

I ka lohe ana o momiana i ka leo o kona poe kanaka, ua kauoha koke aku la oia e lawe i ke ola o ka opio nana i hopu ia’u i keia hora.

 

A iloko no hoi o ia wa i lele like mai ai na powa maluna o ke koa opio me ko lakou manao e lanakila ana.

 

Ia manawa i hookuono pono iho ai ke koa opio ma kona kulana a e paa ana kana pahikaua ma kona lima, a me ka e@ o e no hoi i lele mai ai ai hele ia haneri powa maluna o ia nei, a he eka @@@ powa i kii i au lakou alii @@ e wehe, a ika komo ana o M@@ @@ @@ mail la @@ na inau kanaka maluna o ke koa opia. a ia wa honoi ua like ka kakou kou o@ me @@@ e hele ana kona maluna i ka @@ a o kona pahi nei @@@ ne kekahi @@ lakou ana @ a uanei ke ike aku i kekahi mea mamoa ona, a iloko o ko aunei wa e paio ana me na powa ua like ke ninia o ka nei hauna pahi me ka ninia o kekahi huila makani i ka wa ikaika o ka makahi a ke lohe pa ia la hoi ka uuina o na iwipoo ke loaa aku i ka ianei hauna pahi.

 

He hapalua hora keia paio ana o ke keia opio ua pau ioa iho la he 498 powa i ka make, a koe iho ia he eia powa me ke keikialii Momiana, a holo aku nei no ka ahai ana no ko lakou ola a huli ae nei ke koa opio a nana ma o a maanei a ike aku la oia i keaana mokaki mai ma o a maanei a ike pu aka a oia i kekahi mau mea e holoana a aole nae oia i alualu aku mahoi e o lakou, ua manao ola ua make ke keikealii powa a he mea ukua ia keia e holo nei, a nana aku la i kahi a ke kaikamahine e ku ana ua hele a haalulu i ka piha i ka makai a hele loa aku la keia a hui laua a ninau kau la oia, pehea oe i keia wa?

 

Pane mai la ke kaikamahine ua piha o loko o’u i ka makau, me kuu manao ua make la oe, eia ka aole.

 

Ia wa pane aku ia ke koa opio i ke kaikamahine e hoi kaua no ka mea ke kokoke ae nei e ao, ma paha e ike ia mai ana kaua e na mea a pau alaila e ili mai ana ia poino maluna o’u, nolaila e hoi kaua a hiki i kou wahi a noho iho oe a hoi aku au i ko’u wahi.

 

Ua hoi aku la laua a o ka hora a hoi ia o ka po, a i ke kani ana hoi o ka hora 4 o ka wanaao, ua hiki aku la laua ma ka puka pa o ka halealii a koi mai la kekaikamahine alii i ke koa opio e komo iloko, ua hoole aku kekoa opio, a pane hou mai la no ua kaikamahine nei i ke koa opio, e komo kaua a loko a ike mai ko’u mau makua ia oe ka mea nana i hoopakele ia’u maika lima mai o na powa o ke kuahiwi, a ina paha laua e lohe ana laua i na mea i hana ia maluna o’u ka laua kaikamahine nei, alaila, aole paha e nele ko laua hookipa mai ia oe i ka naita, oiai, ua aie nui au ia oe, a heaha la ko’u uku a’u e uku aku ai ia oe; a ola ka’u e panai aku nei i kou lokomaikai, o na mea a pau au e makemake ai ua hiki ia’u a me ke aupuni ke hooko aku no ia mau mea.

 

Pane aku la ke koa opio, mai manao oe e kuu haku opio ua hana au i keia mea i keia po no ka loaa mai o ka pomaikai, aole loa pela, a aole no hoi au i mano e halawai ana au me oe i keia po a me na powa, ua hele holoholo au mai ku’u home mai mamuli o na kono a na kehau o ke kuluaumoe a me ke konane o ka mahina, oia wale no ka mea nana i kono mai ia’u e hele mawaho aku nei o na palena o ke kulanakauhale me kuu manao aole la e halawai ana me na mea hou i kiea po, eia ka e halawai ana.

 

Ia manawa, ninau mai la ke kaikamahine i ke koa opio i kona wahi e noho ai, a ua hoike hoopunipuni aku ke koa a pio i kona wahi me kona olelo aku, aia i ka hokele helu 4 o keia aupuni, oia ko’u wahi i noho ai, oiai he malihini au o ka hiki ana mai i keia aupuni nei.

 

Mai hea mai oe, wahi a ke kaikamahinealii i ninau mai ai.

 

Mai ke aupuni mai au o ka hikina, o ka Ohia Hemolele ka ino o ko’u aupuni.

 

I ka lohe ana o ke kaikamahine i ka inoa o ke aupuni o ke koa opio, ua ma nao iho la oia he oiaio no keia, he aupuni no la kekahi o ka honua nei i kapa ia ka inoa e like me ka ke koa opo i hai aku ai iala, eia ka he hoopunipuni, a koi aku la no ua kaikamahine nei i ke koa opio e komo iloko.

 

Aka, ua pane aku ke koa opio, e olaola mai oe e hookuu mai ia’u e hoe, mahope au poino. manao ia mai e kou mau makua e hana ana kaua i kekahi hana pono ole a ua hoopaakiki loa mai la ua kaikamahinealii nei iaia nei e komo a ua hoole mai no ke koa opio me ka pane aku. e kali oe ia’u iloko o na pule ekolu a hiki hou mai au imua ou.

 

Iloko o ia wa i kulou iho ai ke poo o ke kaikamahine a liuliu ea ae la iluna a pane mai la: He mea kaumaha i ko’u manao i ko’u hookuu aku ia oe e hoi, oiai ua aie nui au ia oe, a no kou paakiki loa nolaila ke ae aku nei au e like me kau noi ia’u a e kali no hoi au iloko o na pule ekolu, no ka mea ua makemake loa aa ia e hiki mai oe maloko o ko makou halealii nei mamua o ke kani ana o ka hora 9 o ke kakahiaka a e kauoha aku no au iko’u aupuni e hoomakaukau mamua o kou hiki ane mai, a e hoohanohano aku no au ia oe a me kou mau hoahele i na he mau hoahele kou e hiki mai ana ma ko’u aupuni nei. (Aole e pau.)

 

HE MOOLELO

NO KE

KOA O KANAHELE,

A I OLE IA

KA NAITA O KE KUPA KILA LAHILAHI.

 

Ae, e ka Moi, ikeia kanaka koa Palani au e ike mai la he kuupuu oia mamaa. a ua kapaia kona inoa o Meiina o Sana Kalaude, a ina he oluolu i ka manao o ke alii ke nonoi aku nei au no ka hoopanee i keia hana a ka auina la iloko o kou keena alii, aole ianei; ilaila e hiki ai ke hoakoakoa mai i na hoike kupono a pau.

 

Ma kuu ola, pela io no, e kukala ia ka lohe i na mea a pau, e hoi ana na alii a e waiho iho i ka lehulehu e hana e like mako lakou makemake iho, oia ko’u manao. 

 

Ae, i pane mai ai o Karl; a nawai e malama i ka mea i kuhi ia, no ka mea. ua kuhi aku nei au iaia.

 

Pane koke mai la ka Moi o Palani- nau e malama iaia a owau ke ku hope nou.  A hoomaikai iho la ka puuwai o ke kaikamahine alii iloko ona no na hana a kona makuakane.

 

MOKUNA XIX

KA HOPENA.

Iloko o ka rumi nui o ka halealii ua akokoa ae la na mea a pau i kuleana malaila e ho ilohe i na mea a ke keikialii poo paakiki. i makemake ai e lohe ia Lothaire oia kai luna o ka nohoalii o kona mau kaikaina na ka akau keka oi a ma ka hema kekahi, ma ka aoao o Louis e noho ana ke D@ke o D@nstadt, a iaia ka malama o ke kaikamhinealii a me kona mau ukali a ma ka hema hoi o Kale o Farani, e noho ana kona mau ukali, a mahope o ka emepera e noho ana o Karl a me hookahi:  noho kaawale i manaoia no kona makuahine, aka ua hele aku ia a ma kahi e kokoke ana i ke kaikamahine alii.

 

Ua hele a haikea ko ianei mau helehelena, e ike mau ia aku a ia kona lima e kaomi ana maluna o kona puuwai a i kekahi wa e ike ia aku ana ia e nana pono ana ma ka puka me kona manao e holo iwaho ina he pono iaia ke hana pela.

 

Ua ike aku la keia i ka wahine e noho ana ma ka aoao o ke kaikamahinealii o Geremania, aole i poina kona mau helehelena iaia nei, a i ko ianei me ana aku ua puiwa kiea a ane paa ko ianei hanu a uwe iki ae la me he mea la ua eha, aka ua hoao keia e pau, upiki iho la ko ianei lehlehe a noho malie iho la i ike ole mai ka lehulehu.

 

O ka mea a kakou i ike ai mamua o Merlin ke kuapuu a mahope ino o Ulrik o Cluny e noho ana ma ka aoao o Sir Menfred o Cluny a ma ko ianei aoao e noho ana ko ianei ukali i oia ka inoa i haalele ia o Merlin.

 

A elua hoi mau kanaka e iho malalo o ka hoomalu, oia hoi ke alii powa o Iura a me Osterburg ke kauka o ka emepera.

 

Nana pono aku la ka powa i kana wahine e noho ana ma ka aoao o ke kaikamahinealii, a ua lohe mai nae ia i kekahi me aole i hiki mai kana wahi ne kumakaia iaia, aka ua hiki mai nae oia ma ke kauoha a ka mea i oi ae kona mana i kona oia hoi o Ligismund.

 

Ua kahaha loa ia ka emepera i ka ike ana aku i kona kauka e alakai ia mai ana malalo o na kauoha a ke kauna Sir Menfred o Cluny.

 

Aole hiki ke keakea aku, no ka mea o ka lunahooponopono ia ma kela aoao.

 

Ua piha na helehelena o ke keikialii i ka huhu i ko ianei wa i alakai ia ae ai a kaalo ae ma kahi a ke keikialii e noho ana a pane mai la ia me ka moaka ka i ke keikialii:

 

A pehea iho la kou manao i keia wa e ke kanaka hupo, maikai maoli kau i hana iho nei.

 

Lapuwale, e oki ia ka e a’u ko puu, ina ua oi aku ka pono no’u mau ua o ko’u hoopau manawa wale no i ke a ia oe i na mea e pono ai.

 

Ma kahi a ianei i kamailio mai ai, malaila keia i nana pono mai ai e ki keikialii a hiki i ka hiki hou ole ana i ke keikialii ke nana hou aku iaia.

 

A meha iho la ke anaina mai o a e, a ia wa i ku manai o Sir Menfred iluna a hai mai la i ka moolelo o Ulric e like me kana mea i ike.

 

Ua kapa aku au iaia o Ulric nonaila inoa, no ka mea, na’u ponoi i haawi aku iaia, a hai hou aku la ia, he umikumamakahi makahiki mamua aku i ka moi Kale o Farani a me ia a me ko laua mau kanaka i hele ai a hiki i ka mauna o Iura a me ko lakou nei hiki ana i ke ana o na powa, a me ka hoopakele ana o ka wahioe a ke alii powa i kokua pu ia mai e ke kuapuu e Merlin a me ko ianei noho ana i ka papu o Cluny a me kona lilo ana i hoaloha no ka haku opio o ia hale.  (Aole i pau.)

 

KAKELA A ME KUKE

Halekuai nui o na waiwai

@@@@la paluoio. koi hole, hawaii, koi oui a me liilii, kila, @@@ as, rula, apuapu, kui o na nui iau, kala kae, kao hoopaa puke

 

pohaku hoana, kepa lei ilio, kanala hao iho, pahi, upa, pahi umiumi, kalapa kope hulu, pulupulu, oep ka lakala, lina hao, ami, keehi, a me

 

KAULA OPU

Palau o na ano a pau, oo, ho, kopala, pe, kipikua, hao kope, au ho a pe a aku, kua bipi, lei bipi, kaula hao bipi, uwea pa, uwea keleawe, hao pili piula, kaa palala, ipuhao, ipu ti

 

PA-PALAI MAKAU MEKE AHO

Ili wai, papa holoi, kopa ala, kaula luaina, hu’akai, ehi wawae, hulu pena, a pela aku.

 

Pena wali, kini nui a me liilii o na ano a pau, me ka pepa kuhi kuhi, pena keokeo, aila pena, aila hoomaloo, vaniki kaa, a me vaniki moe,

 

PENA HOOMALOO

a me aniani hale

Aila mahu, aila mikini, aila mamo aila kaa, inika kamaa.

 

PAUDA. KUKAEPELE, KIANA PAUDA. UIKI IPUKUKUI O NA ANO HE NUI A LEHULEHU

 

HALE HANA LOLE NUI

KE “PAIONIA O HONOLULU,”

Helu 17 Alanui Ema, Honolulu.

Oka mea nona ka inoa malalo iho, ua makaukau oia e hoolawa aku i lehulehu me na aahu i maiau ia.  E loaa no ke kuhikuhi no na ana lole e ninau ae malaila.

 

PAPALE KEOKEO, PALEILI, AAHU MOEPO, & ..

E hana ia no na kauoha e like me ka makemake.  A o na kauoha me na mokupuni mai e hooko ia me ka eleu.  A. M. Me..is.  2202-1  Bele Telepone Helu 410

 

B. F. EHLERS & CO., PAINAPA.

POE KUAI I NA ANO LOLE A PAU

Helu 99 alanui Papu. Honolulu.

E loaa mau ana na lole hou o na ano a pau maluna o kela a me keia moku

 

Pahu Hale Leta 351.  Bele Telepone 274.

KA AGENA OIHANA HAWAII.

No. 68 Alanui Papu Kihi o Alanui Kalepa, Honolulu, H. I. He Agena Oihana, a me Agena OHI Dala No Na Bila A Pau.

 

KEENA OIHANA.

Na Waiwai paa – kuai a hoolilo aku, a me auhau uku ana.  Na Hale hoolimalima, Rumi, Keena, Aina e hoolimalima, a aelike e ohia na uku hoolimalima o na ano a pau.  Na Moraki e ae ia wa na ano waiwai a pau.  Na Pepa kuleana aina, e kakau a hooponopono ia me na Pepa a pau e pili ana ma ke kanawai.  Kope a me ka Unuhiolelo ma na olelo a pau iloko o keia aupuni.  Na Panihakanaka ola, Hale, a me na waiwai o na ano a pau i na Ahahui Panihakahaka helu ekahi.  Na Malama ana i na Buke a me ka hooponopono ana.  E haawi ia no ka mikiala no na Ohi aie ana.  Na Gula, Kala me na Bila kikoo dala, kuai a hoolilo.  Na Hooponopono Hale Dute e piliana i na waiwai mai ko na aina e mai.  Na Ukana o kela a me keia ano, e kuai a hoolilo aku,  Na Kauoha o na Mokupuni, e hooko ia no me ka eleu. 

 

O na hana a pau a na makemake e haawi mai ana no ka hhoi aku i ke kauoha, e hooko ia no me ka eleu a me ka mikiala.  Agena Oihana Hawaii.  @@@

 

LOLE MAKEPONO

@@@

AHINAHINA, KALAKOA, KEOKEO, LEPONALO HUIMAMO, UWE-WAHINE, KUI H@@@@ MU A ME KA LOPI.

Ke kuike o loaa no ia me kuhi e

 

KAKELA & KUKE!

NA MEA PIULA

MIKINI HUMUHUMU

Mokini a Wheeler a me Wilson

MIKINI A WILOX ME GIBBS

NA MIKINI A

REMINGTON

He nui loa na mea hao me na ukana ae o na ano a pau. aole hiki ke hai pu ia aku, hewa i ka wai na maka ke ia.

 

LAAU LAPAAU KAULANA LO

A DR. JAYNE,

LAAU HOOMAEMAE KOKO LAAU HOOPAU NAIO, LAA KUNU, PENIKILA HUAALE PAAKAI, LAAU HOOPAA HI, Ka na Laau Hamo a Pala’ku.

 

KAKELA & KUKE

Mea hana lole

Ua wehe ae nei o Mrs. M. E. Campbell i ka oihana hana a me ka helehele ana i na lole, ma kona wahi noho ma ka helu 73 alanui Beretania ma kekahi aoao o ka Hotele.  O na kokua ana mai na lede maka hanohano mai ka mea i makemake nui ia, a e loaa no auanei ke ku pono o ka lole e like me ka iini.  2203 1y