Ka Nupepa Kuokoa, Volume XXVIII, Number 2, 12 Ianuali 1889 — KAI NUI MA NA PAU O KALALAU. [ARTICLE]

KAI NUI MA NA PALI O KALALAU.

E ka Nupepa KUOKOA; Aloha oe. Ma ka po o ka la 29 o Dekemaba nei, ua pa mai la ka makani ma ke kukulu akau, a ma ka hora 11 o ia po, ua lohe ia aku la ka nehe mai o ke kai, a ma ka hora 7 o ke kakahiaka Sabati ae la 30, ua ike ia aku la ke kuakea o ka moana i ka nalu, e hai mai ana ka nalu i waho lilo loa i kahi he 1 1/2 mile mai ka aina aku, a ma ka hora 8, ua pau mai la ka pa ana o ka makani, oia ka wa i hooi loa ia aku ai ka ikaika o ka nalu, a ia manawa no i hiki mai ai o J. Kapahee a pane mai la ia'u, i kii mai la au ia oe, nui loa ke kai, ke hoopuni la ke kai i ka hale waapa. Ia lohe ana i keia leo, ua puiwa koke ae la

koʻu luna hehala a hee aku la e nana ma kahi hiki ke nana aku i ku ai na hale la, i ka nana pono ana aku, aia hoi e hoopuni ia ana ka hale e ke kai. Ia wa, ua hoomaka aku la wau e hele a hiki ma ka hale o Milikaa, ike aku la au elua keiki e holo ana no kahi o ka hale waapa, a aia hoi ke kai e holapu ana o na mea mawaho o ka hale. Hoomaka aku la au e hele loa no ka hale waapa, a iaʻu i hele aku ai a hiki i ke alanui, aia hoi, e ahu mokaki ana ka pohaku i ke alanui na ke kai i hue mai mailoko mai o ke kai, huli ae ia au a nana ma ka aoao hikina o ke alahele he ,au loi ai a he mau pa, ua piha i ke kai me ke a, a o ka ai o loko o na loi, ua lilo i mea ole. Iaʻu i hiki aku ai i ka hapalua o ke alanui halawai mai la au me na keiki aʻu i ike ai e holo ana no ka hale waa pa. o Kahale me Nihoa opio, ninau aku la au, pehea ka hale, i mai la laua la, ua komo ke kai iloko, hiki loa au no ka hale, aia hoi ua komo io ke kai e la na ana iloko, a hoomaka aku nei au e hookaawale i na mea o loko ma kahi kupono, a ia manawa ua hiki mai nei ka nui o na kanaka no keia pilikia, a aole i hala elima minuke ua ea mai la ke kai a nui, a o ka manawa no hoi ia i holo ikaika mai ai ke kai a piha o loko o ka hale, a aole hoi i hala ae he 10 minuke mahope iho o keia, hiki hou mai ana no ua kai nui i oi ae mamua o kela, a na ia kai i upa aku i na kanaka o loko me na waapa a hoolana pu ia iluna, a ua hoomaka koke ia na waapa e lawe no kahi e. Aol he kai nui i ike ia mai ka wa mai o na kupuna e like me keia, ke he le la a ka moana kai uli kai lipolipo, Me na keiki hoonoho hua koʻu aloha nui. M. Kamokunui.