Ka Nupepa Kuokoa, Volume XXVIII, Number 2, 12 January 1889 — UA HALA. [ARTICLE]

UA HALA.

Ma ke ahiahi Poaono i hala, ma ka aoana o Kepohoni o keia kulanakauha ie, ua make aku la ka moopuna aloha a ko makou makamaka Bone, mamuli o ka ikiiika o na hakoko ana mai a ka mai kunu kalea e pahola nei mawaena o na keiki, a hiki ole i na hoomana\vtnui a me na kohi ana aku i ke ola makamae oia mea aloha he keiki ke au'a mai. He makahiki a me elima malama ka loihi o kona mau la o ke ola ana a hala wale aku la no. Ma ia apana no, i ke ahiahi Poakolu nei, ua make aku la ke kaikamahine aloha a kekahi o ko makou makamaka, oia o Mr. F. J. mamuli o ia mai hookahi e pahola nei iwaena o na keiki, a haalele mai la i na makua e kanikau aku nona ma keia aoao o ka muliwai make, kahi hiki ole i ko kakou mana a me ko kakou ikaika ke hookaawale aku mai a kakou aku nei ke hiki mai kona minute e maalo mai ai ma ko kakou mau ipuka hale. Me keia mau makamaka i hookaumaha ia ka manao, —a i hoopilihua ia ka naau, —me keia haawina luuluu, e ae mai ia makou e komo pu aku lioko o ia mauhaawma o ke aloha keiki, —iioko o na hoomanao ana, —a iloko o na minute a pau o ka manawa e kaomi ana i ko olua mau puuwai, i ke kaumaha a me ka ehaeha o ke aloha keiki.