Ka Nupepa Kuokoa, Volume XXVIII, Number 1, 5 Ianuali 1889 — Page 4

Nupepa Kuokoa.

 

            No ka Makahiki          $2.00

 

            No Eono Mahina         1.00

 

KUIKE KA KULA.

 

Paono, Ianuari, 5, 1889.

 

Haawina Kula Sabati

 

HAPAHA MUA.

HAWINA II, Ianuari 13, 1889.

 

Ka Iesu hana i ka la Sabati. Mar.

1:21---34.

 

HELE ae la lakou i Kaperenauma, komo koke ae la ia iloko o ka halehalawai i ka la Sabati, a ao mai la.

            22 Mahalo iho la lakou i kana ao ana, no ka mea, ao mai la ia ia lakou, me he mea mana la, aole like me ka poe kakauolelo.

            23 A maloko o ka halehalawai kekahi kanaka i loohia e ka uhane ino, a walaau ae la ia;

            24 I ae la, Ea, heaha kau ia makou, e Iesu no Nazerata? I hele mai nei anei oe e luko mai ia makou? Ua ike no au ia oe; o oe no ka mea hoano a ke Akua.

            25 Papa ae la Iesu ia ia, i ae la, Hamau, e puka mai oe iwaho ona.

            26 Hookaawili iho la ka uhane ino ia ia, walaau ae la ia me ka leo nui, a puka mai la iwaho ona.

            27 Mahalo aku la lakou a pau, nolaila, nalu lakou ia lakou iho no, i ae la, Heaha la keai? Heaha la hoi keia ao hou ana? No ka mea, me ka leo mana no ia e kauoha aku nei i na uhane ino, a hoolohe io aku no lakou ia ia.

            28 Kui koke aku la kona kaulana ma na mokuna a pau o Galilaia.

            29 I ko lakou puka ana iwaho o ka halehalawai, komo koke ae la lakou me Iakobo, me Ioane iloko o ka hale o Simona laua o Anederea.

            30 E moe ana ka makuahunowai-wahine o Simona, i ka mai kuni; a hai koke ae la lakou ia Iesu nona.

            31 Alaila, hele mai la ia, lalau iho i kona lima, hoala mai la ia ia; a haalele koke iho la ke kuni ia ia, a lawelawe ae la ia no lakou.

            32 A ahiahi ae la, i ke komo ana a ka la halihali mai la lakou io na la i na mea a pau i loohia i ka mai a me na daimonio.

            33 Akoakoa mai la ko ke kulanakauhale a pau ma ka ipuka.

            34 He nui na mea mai ana i hoola mai ai, na mea i loohia i kela mai, keia mai, a nui no hoi na daimonio ana i makihi aku ai; aloe ia i ae mai ia lakou e olele iki ae, no ka mea, ua ike lakou ia ia.

 

PAUKU GULA.

 

Komo ia, mamuli o kana hana mau i ka la Sabati, iloko o ka halehalawai.     Lu. 4:16.

 

Poakahi           Mar.    1:12-20

Poalua             "                       1:21-34

Poakolu           Mat.     8:14-17

Poaha              "                       4:31-41

Poalima           Hale.    103:1-22

Poaono            "                       42:1-12

Sabati              Lu                    1:68-80

 

            Na hana kamahao a me na olelo pomaikai a Iesu.

            1 Na olelo kamahao o ke Ola. p 21, 20. Maihea ko lakou hele ana a hiki i Kaperenauma? Heaka ka Iesu hana i ka la Sabati? He pono anei e uhai kakou ia ia? No keaha ka hele ana i ka luakini? Heaha ka manao o kanaka i ko Ieau ao ana? Heaha ke kumu o keia kahaha nui o kanaka? Ua ike anei lakou i na hana mana a Iesu?

            2 Ka hoopakele ana mai na uhane ino aku. p 23-28. Heaha ka mea i ike ia, oiai a halawai o Iesu? Pehea kapa ana mai o keia daimonio ia Iesu? Ua papa anei o Iesu iaia? Ua hoole anei o Iesu i ke kanaka i loohia i na uhane ino? He mana anei ko Iesu maluna o na mea a pau? Pehea e lanakila ai maluna o na mea ino? Ep. 6:10-12. Ke ole e nana ana ia Iesu, e lanakila anei maluna o na hoowalewale?

            3 Ke kokua ana i na mai. p. 29-31. Owai na haumana i noho ma Kaperenauma, owai kai loohia i ka mai? Ua kokua anwi o Iesu iaia? Ua ola koke anei oia? Heaha ke kauoha ma Iak. 5:14,13. Ua kokua anei o Iesu iloko o na pilikia i keia wa? Iak. 5:15. Rom. 8:28. Io. 11:4. Ua manao anei o Iesu e noho wale kakou, oia e mae mai ana kekahi me ka mai, a e kali mai ana o ka hoola aku i @@ mai: e lawelawe paha kakou me ka @@@ hiki; e hanai i ka laau, a me ka malama pono ana i ka mea mai, a nana e kokua mai? Aole paha e piha ana kou loi i ka ai ke ole e kanu i na huli? Ia kakou kekahi hapa o ka hana, a na ke Akua kekahi.

            4 Ka hoopakele ana mai na pilikia? p 32-43. Owai kai akoakoa mai i ke ahiahi? Ua kokua anei ka poe ikaika i ka poe nawaliwali? He kumu alakai anei ia no kakou? Owai na mai i hoola ia? He aloha anei ko Iesu i ka poe pilikia? Pela anei ka hana o ka poe e aloha ana ia Iesu?

            O ka hewa, he mea hoopilikia nui anei ia i kanaka? O ke kino wale anei no e polikia ana ma ia mea? O ke kokua ana i na pilikia kino, he mea anei ia e kokua ana i na hana pili uhane?

 

            I  O ke ano o ka malama pono ana i ka la Sabati, oia ka hahai ana ia Iesu ma ka hele ana i ka luakini--ka hoomana ana Iaia, a me ka hoomaha ana mai na hana aku, a e kokua i na hoa.

            II  Pomaikai ka noho ana malalo o ka mea i ike i ke alakai ana no ke Akua, a me ka lani, a ua makaukau e hai mai i na olelo o ke Ola.

            III  Ua hooiaio mai o Iesu i kana mau olelo ma kana mau hana mana.

            IV  Ke kokua nei o Iesu a me kana mau haumana, i ke kipaku ana i na uhane ino.

            V  Aole hiki ia kakou e hoola i kanaka, aka, ua hiki no e alakai ia Iesu, ka me nona ka mana e hoola.

            VI  Ua hoomana o Iesu i na kaumaha, a hoola i na mai o ka poe i hele i o na la.

            VII  Ma ko Iesu kokua ana ma na mea pili kino, ua maopopo no i kona hiki e kokua ma na mea pili uhane.

            VIII  E hoohalike na Krisitiano ia Iesu ma ke kokua ana i na pilikia kino a me na pilikia uhane o kanaka.

 

Na Ekalesia.

 

Malalo o keia poo, e hoopuka mau aku ai makou i ka moolelo e pili ana i na Ekalesia a puni ka Pae Aina. E kakau ma na mea ano nui, a e hoopuka ia aku no.

 

KA HOIKE O NA KULA SABATI O KAWAIAHAO ME KAUMAKAPILI.

 

            I ka la Sabati hope o Dekemaba ua malamaia na hoike Kula Sabati i oleloia maluna ae. He eiwa kula i akoakoa ae ma Kawaiahao. Aole nae i iha loa e like me kekahi mau hoike ana. Ua hoea hou mai ke kula o Kamoiliili mahope iho o ka hoomaha ana no ka hapaha ekolu o kela makahiki, a ua maikai ka lakou mau hana. O na kula i oi ae o ka makaukau a me ka maikai o na hana, oia no ko Kakaako a me ko Maunakiekie. Mai ka hora 10 aku ka hoike ana i ka hora 1 pau hookuu ia na hana.

            Eono kula ia akoakoa ae ma Kaumakapili, a ua lohe ia mai ua maikaikai na hana. Hookahi kula i hoike mua ma Kaumakapili, a pau holo i Kawaiahao e hoike hou ai.

            Aohe maikai loa oia mau hana, he mea e lolilua ai o na hana hoike Kula Sabati.

 

Waimea Dec. 29, 1888.

Rev. H. H. Paleka

Aloha oe:---

            Ma ka la 25 o Dekemaba nei, oia ka la Karisimaka. Ua malama ke kula Sabati o Waimea nei he hoike Kula Sabati, malalo o ke alakai ana a Mr Goodell. Ua maikai na hana i malamaia ma ia la, he ewalu papa kula i akoakoa ae malalo o ke alakai ana a ko lakou mau kumu pakahi. He maikai na leo mele a me na ninau, a piha hoi ka hale Pule i na kanaka.

            Mai Koloa mai kekahi poe, ua hiki mai me ka Makuahine Miss. Juliette Smith me Rev. J. H. Mahoe.

            Ua malama no keia kula he paina. Pau ka paina ana, ua malama ia na hana hooikaika kino, pau ia, ka paio ana i ke kumuhana i waiho ia i ko ka hale.

            "Eia ke kumu hana"

            O ke kani ana o ka hor 12, he manawa anei koe ona aole paha?

            A pau ka paio ana. Na hoikeike Karisimaka a me na makana a na keiki hele mau i ke Kula Sabati.

            He mahalo nui ko'u no ka maluhia o na hana i hanaia ma ia la.

G. L. KOPA.

 

            Ua hoike ae o Rev. S. Waiwaiole iloko o kana haiolelo ma Kaumakapili i ka la Sabati nei. Ke hoohulihuli nei ke Kahunapule Katolika Roma o Kalawao, Molokai, i ka poe mai mamuli o kana hoomana ma ka hoowalewale ana ia lakou me na makana. O na makana kai hooili ia aku e ka poe manawalea o kela me keia ano, ua lawe ia ka e kumu Katolika i kumu e hoohulihuli ai i ka poe mai ma ka hoomana Roma.

            Ina he oiaio keia, he hana hewa loa ia. He hana lapuwale ke kuai ana aku i ka manaoio hoomana o ke kanaka. A o ke kanaka no hoi i ae e piepiele aku i kona manaoio hoomana a lilo ma ka waiwai, aohe ona kuleana e manaoia aku ai he manaoia hoomana kona. He hewa no na aoao a elua, na ka mea haawi mai, a me ka mea haawi aku.

 

            Ua kohoia o John W. Kalua i lunakahiko no ka ekalesia o Wailuku Maui.

 

HE MAKANA.

 

I KA PAPA HAWAII, ma o

Rev. C. M. Hyde.

            Aloha oe:---

            Ua loaa mai ia makou na paahao, i keia la 30 o Dekemaba, na buke Kauoha Hou he 20 mai ka lima mai o Hon. A. P. Kalaukoa, ke komite o ka Ahahui Hoole Waiona ma ke ano he makana no ka pono mau loa, mai a makou aku nei a kau aku i na mamo e noho mai ana ma ka paia o keia hale.

            A oia hoi ka makou e lawe mai nei, me na puuwai i piha i ka houoli o ke "Aloha Hape Nuia."

            A ke pahola aku nei na hoomaikai palena ole ia oe e ka makua. A na na lani e kokua mai ia oe.

Na na paahao, ma o na Komite la.

S. L. KAWELO          D. P. HOOLAPA       J. H. K. KAPIKOOKALANI } Oahu Jail, Dec. 30. 1888.

 

HE MARE KARISIMAKA MA EWA.

 

E ke "KUOKOA"

Mere Karisimaka kaua:---

            Ma Kaohai, Waikele, Ewa Dec. 25, M. H. 1888, ua hoohui ia e ka Rev. S. P. K. Nawaa ma ka berita maemae o ka mare, o Mr. David W. Keliiokamoku me Miss Harvict Namai Makue. He mau opio keia i hoonaauao ia ma na kula kiekie o keia Aupuni, no ka home imi naauao o D. W. K. o Lahainaluna; a o ka wahine, no ka nome imi naauao, oia no Hale Iwa i ke ehu kai o Puaena.

            He papaaina lulu a luhiehu, kai malama ia mahope iho o ka mare ana, a ua nui na hoa i hiki mai ma ia papaaina mare.

            E ku'u "KUAKOA E"! Eia mai he apana meaono mare, he hoailona o ko laua paulele ia oe, a he aloha "Karisimaka hoi no laua i kou Luna Hooponopono pauaho o'e.

            E lawe aku oe e ku KUAKOA i ko laua aloha Karisimaka.

O wau no me ka oiaio

SAM P. K. NAWAA,

Kawehilani Home Waiawa.

Dec 29, 1888.

 

HE MOOLELO

 

NO KE

 

Koa o Kanahele,

 

A I OLE IA

 

Ka Naita o ke Kapa Kila Lahilahi.

 

            Aole i liuliu halulu mai ana ke ka puai wawae a kani mai la ka hokio ahookani ak@ la no hoi keia e like me ia a pau kani hou mai la e like ma ka manu a pane aku la o Karl.

            Ua pono na mea a pau a oili mai ana he kanaka a hiki ma ka ianei wahi e ku nei.

            D Tarquin, o oe anei kena?

            Na wai i hai aku i na inoa ia oe? wahia ka pane.

            Aole, a ia ua ike au ia oe.

            Pela io paha, aka, na wai i hai aku ia oe a no ke aha hoi ka mea i hai ole aku ia a pau.

            Mai hoahewa oe e Tarquin maikai, aole i ae mai o Ostesburg nau i koi aku.

            A o ke keikialii paha oe ea.

            Ae.

            Ua hana oe i ka mea aole oe i ike o Osterburg he kanaka ino ia, a ka ua oi ae ka noonoo o kona poo mamua o kou.

            Aole pela e Tarquin, e pono e hui pu kaua ma kekahi, he anunu o Osterburg iaia wale no, e hai mai oe ia'u e like me kau e hai ai iaia a e ike oe e malama pono no wau.

            Nana pono aku la keia a pane aku la, nani no ia ua hiki kino mai nei no oe ianei e Karl, e hai aku ana ia oe e l@ke me ka nui au i makemake ai e lohe a olelo liilii mai la keia, i Sepania kahi i hoololi ia ai o ka inoa o keia kuapuu e hele nei o Leige kona aina hanau a o Saul kona inoa. O ka haku ona oia ke kuapuu i ka poli o kuu wahine mai ka wa uuku mai a nui a he umi ae nei makahiki kona haalele ana. A ua maopopo kei ia oe la he oiaio?

            Ae he oiaio ua ike au.

            A hiki no auanei ia oe ke ku mai imua a hai mai i ka oiaio i kou wa e makemake ia aku ai.

            Ae.

            E hoomaikai i@ oe e Tarquin, e hookuu iaia e ola a pau ae ka la nui.

            Ua poina paha oe e Karl, ke ukali la ka pahi mahope ona a e pau ana paha ka hana i keia po, a mahope aku o keia po, aole e hiki ia oe ke kali.

            Hiki no.

            A ina pela, he makemake au i hookahi ana haaheo ana i koe me ka papale hulu maluna o kona poo.

            Ae, i hookahi i koe, e hai aku au ia oe e Tarquin ina e pau keia hana e loaa no ia oe ke kula e like me ka nui e hiki ai ke kuai i ke ola o ka emepera.

            Ua pane aku la au ia oe e like ana no me ia.

            E Karl, e pono e waiho aku oe na Osterburg e hana, ua ike ia i ka mea e hana ai mamua ou, ina ua manao ia e pono e hookaawale ia ka naika e hana no pela.

            Aole nae i loli iki ko ianei manao, ua oi ae ko ianei makemake e hoomaewaewa i ko ianei enemi imua o ka lehulehu.

            E hana no o Osterburg e like me kona makemake aka o kau mea i hooholo ai e hooko ia no ia.

            Makemake au e ike kela kaikamahine ahi i ka mea nona ka lima ana e ka lele ana alaila aole ia e kau hou i kona poo iluna e like me ia i hana ai ia'u i keia po.

            Aia no ia i kou manao, aka i hewa kekahi mea mai hooili mai oe ia hewa maluna o'u.

            Heaha ka mea e hewa ai, aole ka e hiki ia oe ke hooiaio mai i ka moolelo pololei o ka naita.

            Hiki ia'u ke hooiaio aku i kona ano mai knoa wa uuku mai a hiki i keia la.

            A e hiki mai no oe i ko'u wa e makemake aku ai ia oe.

            A ina pela, ua lawa, a e loaa no hoi au ia oe ke makemake oe ia'u.

            E hoi au, a ina nae oe e ike i ko kanaka me ka pahi, olelo aku oe e kali a hai hou ia aku.

            E hana no anei oe pela?

            Ina au e ike iaia olelo aku au, wahi a ka pane.

            I ke keikialii a hala aku ai emi mai la ke alii powa a ma kahi pouliuli hoea mai ana ka mea a ianei i hele mai ai e halawai, a ike koke aku la no keia a ka hea aku la:

            E Osterburg!

            Ae, e Tarquin, owau no ia, a owai hoi ka'u i ike mai nei e hele ae ana mai anei ae nei.

            Hai aku la ka powa a me na mea i olelo ia e laua.

            Aha, a ina pela o ka naika ka kaua kanaka.

            Ae, oia; ua haohao mua no au, aka, ua akaka i keia wa.

            Aole ia he mea haohao ina o Ligismund kekahi keia hana ua hana ia aku la e ia, a ua lohe nae paha o Karl i keia?

            Ae, ua hai aku nei au iaia.

            Naaupo, i namunamu ino ai keia, ina aole ia e malama pono alaila, e huluhia ana na mea a pau, a pane hou aku la keia.

            O ko'u manao e Tarquin, e hookaawale koke ia ka naika e pono ai, ina e manao ana o Karl e hoomaewaewa i kona enemi i ke akea malia paha o oi loa aku mamua o kana i moeuhane ai.

            E Osterburg, heaha kau mea huna e paa nei, ma kuu ola aole anei oe e hai mai ia'u?

            E kali e Tarquin, aia a mapopo mua ia'u, mahope aku ia, o ka kaua hana ka mua.

            E hookaawale koke ka naika mamua o @a hoohiolo ana mai o Karl i ka mea i pono, a aole ia e nele, ina ua paa kona manao ia mea.

            Ua ike no paha oe i kahi i hono ai ke kanaka.

            Ae, eia koke ae ao maanei.

            A ina pela, e hele koke oe e olelo ak@ iaia e hana koke i kana hana, o he le mai lohi, ke hoi mai nei na lii.

            Oia keia mau hana e hana ia nei maloko a mawaho o ka halealii eia no o Ulric ke noho nei me he mea la aia ia iwaena o na puali o @a lani e hoopuni ia ana e na anela, aia no hoi ke kaikamahinealii e kalele ana ma ko ianei lima ia laua e holoholo ana, aole keia i hilahila i ka hoike aku i ka poe e nana mai ana aia ko ianei hilina a pau maluna o ka ianei naika.

            He nui ka nune o na poe o loko no ka nalowale ano e ana o Karl mai ke anaina aku.

            O ka poe i lohe i na hana o ka nahelehele hoopuka ae la lakou i na olelo like ole e like me ka lakou mea i koho wale ae ai, a hooluliluli ae la hoi ke kahi i ko lakou mau poo.

            A no ka moi Louis, aole i olelo kona manao.

            Ua haalele aku ia i kona aupuni me ka manao i hele mai ia e haawi i ka lima o kana kaikamahine i aloha nui ai na ke keikialii Karl o Lorraine a no ka na mau hana i ka nahelehele ua kanalua ia, a aole no paha e oluolu ke kaikamahinealii ina o kana kane ia, a aole no paha e hiki ke hoomalu i kona aupuni ke ili iho iaia.

            Aka, aole ia i hooholo e hoopau i ka mare o kona manao ia wa aole i akaka.

            O ka moi hoi o Farini he manao okoa kona.

            Ua ike ia na aloha o Ulric ia Constance a ua aloha pu me ke kaikamahinealii.

            He mea nona ka ike ana aku i kekahi o kana mau naita e lawe mai ana ia Constance o Geremania iloko o kona halealii ma ke ano he wahine mare, a eia paha ka hewa aole paha e ae ana o Louis o Geremania i keia.

            I ka pau ana o ka ahaaina mahope iho o na hora o ke aumoe hoi ae la kela a me keia i ko lakou wahi iho a o Ulric hoihoi loa aku la ia i ka kaikamahinealii i ka hale, komo mai la ka manao kanalua iloko o ia nei a i iho la ke ia iloko iho ona, aole paha oe e lilo ana ia'u, aole paha e ae ana kou makuakane i keia, a ina ia e hoole mai heaha la ka'u e hana aku ai a kulou iho la ko ia nei poo ilalo.

            Hoomaopopo aku la ke kaikamahinealii i kana mea e noonoo ana, a oi hoi kana i pane aku ai.

            Mai hookaumaha oe, aka e manaolana, e kali no na mea e hiki mai ana, eia ka'u e hai aku ia oe, aole loa au e mare ana me Karl o Lorraine, a eia hou keia a'u e olelo aku nei ia oe ina o oe pu me ia i ke kahua mokomoko e makaala oe i na hana pahele e ka enemi, a mahope aku o ia ke halawai hou no kaua.

            A hi@i laua nei i ka hale a noho kela, haawi aku la keia i ke aloha i ka moi Louis a me kona mau alii a huli mai la keia hoi, hele mai la a liuliu wale nana ae la keia ua hele a mehameha aohe maalo kanaka a mahope ike aku la keia i kekahi mea, wikiwiki aku la keia a halawai me ia, ike aku la keia o kekahi kauwa no o loko.

(Aole i pau.)

 

MEA HANA LOLE.

 

            Ua wehe ae mei o Mrs. M. B. CAMPBELL i ka oihana hana a me ka helehele ana i na lole, ma kona wahi noho ma ka helu 73 alanui Beretania, ma kekahi aoao o ka Hotele. O na kokua ana mai na lede maka hanohano mai ka mea i makemake nui ia, a e loaa no auanei ke ku pono o ka lole e like me ka iini.

2203-1y.

 

Benson, Smith & Co.

 

Na Mea Laikini ia e kuai Kukaa a me Kuai Liilii aku.

 

Na Laau Lapaau

 

O NA ANO A PAU.

 

HELU 113 me 115 ALANUI PAPU

 

O LAUA NA AGENA NO NA

 

Laau Lapaau Kuluwai Liilii!

 

Boreicke & Schrecke, a me na

 

WAi Lukini OnAonA Waianuhea!

 

WAIALA MAILE

 

A ME KE

 

Onaona Lei Aloha!

 

            @ O na lako no ka Lauoho a me ka Ili, a me na mea hoonani o ka Home, e loaa no ia i na makamaka ke kipa mai ma keia hale.

2204-tf

 

PAPA!            PAPA!

 

AIA MA KAHI

 

LEWERS & COOKE

 

(O LIU MA)

 

na ke kahuna kahiko ma alanui Papu a me Moi.

 

E loaa ai

 

PAPA NOUAIKI

 

o kela me keia ano.

 

PaniPuka, Na Puka Aniani, Na Olepelepe

Na Pou, Na O-a, Na Papa Hele, Na Papu

Ku, A me na Papa Moe nui loa

 

Na Pili o na Hale o na Ano a Pau

 

A ME NA

 

WAI HOOHINUHINU NANI

 

O NA ANO A PAU LOA.

 

NA BALAKI ANO NUI WALE.

 

A ke hai ia aku nei ka lono i na Makamaka a

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

 

NO KA

 

UKU HAAHAA LOA.

 

E like me kamea e holo ana mawaena

 

LAUA a me ka MEA KUAI.

 

HELE MAI E WAE NO OUKOU

 

 

HOOLAHA HOU.

 

Kakela a me Koke

 

HALEKUAI NUI O NA WAIWAI

 

E laa na pahiolo, koi hole,

            hainale, koi nui a me liilii, kila,

                        wili puaa, rula, apuapu, kui o na ano

                                    @ pau, kala kaa, kao koohaa puka

 

pohaku hoana, kepa, lei ilio kau-

            la hao ilio, pahi, upa, pahi umiumi,

                        kalapu, kope hulu, pulupulu, oepa ki

                                    lakala, lina hao, ami, keehi, a me

 

KAULA OPU.

 

Palau o na ano a pau,

            Oo, ho, kopala, pe, kipi-

                        kua, hao kope, au ho a pe

a aku, kua bipi, le bi-

            pi, kaula kao bipi, uwea

                        pa, uwea keleawe, hao pili

piula, kaa palala, ipuhao, ipu ti

 

PA-PALAI MAKAU MEKE AHO

 

Ili wai, papa holoi, kopa ala, kaula

kuaina, hu'akai, ehi wawae,

hulu pena, a pela aku.

 

Pena wali, kini nui a me liilii o na

ano a pau, me ka pepa kuhi-

kuhi, pena keokeo, aila

pena, aila hoomaloo,

vaniki kaa, a me

vaniki moe,

 

PENA HOOMALOO

 

a me ainani hale

 

AILA MAHU, AILA MIKINI, AILA HA@O

 

AILA KAA, INIKA KAMAA.

 

 

PAUDA. KUKAEPELE. KIANA

PAUDA. UIKI IPUKUKUI O NA

ANO HE NUI A LEHULEHU.

 

LOLE MAKEPONO

 

@ aa @a

 

AINAHAINA. KALAKOA. KEO

KEO. LEPONALO KULUMANU.

UWE-WAHINE. KUI HUMUHU

MU A ME KA LOPI.

 

Ke Kuike a loaa no ia ma kahi @.

 

Kakela & Kuke!

 

NA MEA PIULA

 

Mikini Humuhumu

 

Makini a WHEELER a me WILSON

 

MIKINI A WIILOX ME GIBBS

 

NA MIKINI A

 

R E M I N G T O N.

 

He nui loa na mea hao me na ukana

ae o na ano a pau, aole hiki ke hai pau

ia aku, hewa i ka wai na maka ke ike

 

Laau Lapaau Kaulana Lo@

 

A DR. JAYNE.

LAAU HOOMAEMAE KOKO

            LAAU HOOPAU NAIO, LA@@

KUNU, PENIKILA HUAALE

            PAAKAI, LAAU HOOPAA HI,

 

Me na Laau Hamo a Pela 'ku.

 

KAKELA & KUKE

 

 

Hale Hana Lole Nui

KE "PAIONIA O HONOLULU,"

Helu 17 Alanui Ema, Honolulu.

 

            O ka mea nona ka inoa malalo iho, ua makaukau oia e hoolawa aku i ka lehulehu me na aahu i maiau ia. E loaa no ke kuhikuhi no na ana lole ke ninau ae malaila.

Papale Keokeo, Paleili, Aahu Moepo, &@

            E hana ia no na kauoha e like me ka makemake. A o na Kauoha mai na mokupuni mai e hooko ia me ka eleu.

A. M. MELLIS.

            Bele Telepone Helu 410          2202-Im

 

B. F. EHLERS & CO.,

PAINAPA.

 

Poe Kuai i na Ano Lole a Pau.

Helu 99 alanui Papu. Honolulu.

 

            E loaa mau ana na lole hou o na ano a pau maluna o kela a me keia moku.

 

Pahu Hale Leta 351.                           Bele Telepone 274.

KA AGENA OIHANA HAWAII.

 

No. 68 ALANUI PAPU KIHI O ALANUI KALEPA, HONOLULU, H. I.

HE AGENA OIHANA, A ME AGENA OHI DALA NO NA BILA A PAU.

 

KEENA OIHANA.

 

Na Waiwai paa---kuai a hoolilo aku, a me auhau uku ana.

Na Hale hoolimalima, Rumi, Keena, Aina e hoolimalima, a aelike e ohi i na uku hoolimalima o na ano a pau.

Na Moraki e ae ia ma na ano waiwai a pau.

Na Pepa kuleana aina, e kakau a hooponopono ia me na Pepa a pau e pili ana ma ke kanawai.

Kope a me ka Unuhiolelo ma na olelo a pau iloko o keia aupuni.

Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.

Na Malama ana ia na Buke a me ka hooponopono ana.

E haawi ia no ka mikiala no na Ohi aie ana.

Na Gula, Kala me na Bila kikoo dala, kuai a hoolilo.

Na Hooponopono Hale Date a pili ana i na waiwai mai ko na aina e mai.

Na Ukana o kela a me keia ano, e kuai a hoolilo aku.

Na Kauoha o na Mokupuni, e hooko ia no me ka eleu.

            O na hana a pau a na makamaka e kaawi mai ana no ka hooko aku i ke kauoha, ehooko ia no me ka eleu a me ka mikiala.

Agena Oiahana Hawaii

2190 Iyr. Mar.