Ka Nupepa Kuokoa, Volume XXVIII, Number 1, 5 January 1889 — Page 2
| This text was transcribed by: | Lawrence Gersaba |
| This work is dedicated to: | Judith Nalani Kahoano Gersaba |
Ka Nupepa Kuokoa
KE KILOHANA POOKELA NO KA LAHUI HAWAII.
Na keia haule ana iho la o ka poka iloko o papu Mogana i hoopihoihoi koke ae ia Kenela Page, me kona manao, o ka wa keia a Faragata e hoomaka mai ai i ke kaua i ka papu, nolaila, na haawi koke ia ae la ke kauoha akea i na koa a pau e ku ma ka makaukau a kau i ka loaa aku o na kauoha.
No keia ki ia ana mai la, na ia mea a hooloihi aku i ka manawa e hopu ia ai o Lutafiela Roge e Kapena Venona, oiai oia ma ke kulana o ka pilikia loa i kela la a hiki i ka po ana ma kona makaala ia mai, a iloko noi o keia manawa pu, e ake ana o Roge e loaa iaia ka wa kupono e pakele ai iwaho o ka papu me ka ike ole ia e na koa.
O ka ianei mau kuko ana pela, aole ia mea i holopono loa i kela manawa i uhi mai ai ka iliula o ke ano ahiahi, oiai, ua hui hou aku la no oia me Kapena Venona ma ke ala e puka aku ai iwaho o ka papu, oia kana i pane mai ai i na olelo mua loa o kona hopu ia -
"Aole i hololea loa ke kuai ana i kau mau hua-ai e Roge malalo o kou huna ia oe iho. eia oe iloko o kekahi wahi paakiki loa i oi aku mamua o na pilikia a me na make o ke alahele moana o ke kowa au i holo ai i kekahi po"?
Na kela hoopuka ia ana mai o kona inoa i hoopuiwa loa ae ia Roge ua loaa pono oia i keia manawa, oia kana i ku iho ai ma ia wahi a imua pono hoi o kona enemi. Huli hou ae la o Venona i kekahi mahele koa e ku kokoke ana a haawi aku la i keia kauoha -
"E hopu i kela kanaka! A lawe anu iaia imua o Kenela Page!"
Na ka mau huaolelo i paila ae i ka huhu iloko o Roge, a mamua o ka eu ana mai o na koa no ka hooko i kela kauoha, ua lele aku la o Roge maluna o Venona me ka mama, a me kana puupuu wikani o ka ikaika, ua loaa pono aku la o Venona ma kona mau maka a waiho ana i ka honua, a iloko o keia manawa i poha mai ai ka leo o na koa -
"He kiu Amerika e! He kiu Amerika e!!"
"E hoao oukou e hana ina e hiki," wahi a Roge i lalau aku ai i ka pu a ke koa e ku ana ma ka aoao o ka pukuniahi. kulai aku la iaia ilalo a huli mai la imua o na koa e holo aku nei e hopu iaia.
"E malama i ko ola o kela kanaka," wahi a kekahi leo i pane ae ai i ka wa a na koa e holomoku nei imua o ke kiu Amerika.
Ua hoouka ia he kaua hakaka hili aku a hili mai o hookahi kanaka kue ia umi koa kipi.
Ua emi hope aku o Roge no ka paia o ka pakaua, a mawaena hoi o na pukuniahi elua e kau ana, ua hili aku la o Roge i na koa a pau e hoao mai ana e hopu iaia. No aneane elua minute keia hakaka ana, ua nui loa mai la na koa alu i ke kiu a kokoke loa oia e paa, nolaila, ua lele okoa aku la oia ilalo o ka papu iloko o ka pouli o ka po.
I kona wa i haule aku ai ilalo, ua pa pono aku la kona mau maka i ka honua, a i kona mau ami kuli hoi ka eha loa, me ka hiki ole iaia ke ku ae a hoao e holo, nolaila, ua waiho malie iho la oia malaila iloko o ia mau sekona pokole.
"Aia kela kiu mao i lele aku nei. Aia no oia ke moe mai la ilalo o ka honua mao," wahi a kekahi leo i pane ae ai me kana ipukukui e hoani ana i ka malamalama imua.
Ua iho koke mai la na koa ilalo o ka papu a loaa o Roge e waiho ana me kona mau eha, hapai ia ae la oia a hoihoi ia aku la iloko o ka papu.
NA LIMAHANA IAPANA.
O keia papahelu malalo iho ka heluna o na limahana Iapana i laweia aku e ko kakou mau mokuahi holo piliaina no keia a me keia Hui Mahiko:
LIKELIKE -
Kane. Wahine.
Grove Ranch 30 7
East Maui S. Co. 8 1
Haw. Com. Co. 100 2
Hana 40 8
Huelo 25 6
Kipahulu 21 4
____ ____
224 46 - 270
MALULANI -
Kau 64 64
MIKAHALA -
Koloa 16 16
JAS. MAKEE -
Makee S. Co. 100 21 - 121
KILAUEA HOU -
Paauhau 50 11
Ookala 24 7
Papaikou 62
Laupahoehoe 35
____ ____
171 18 - 189
He makani ikaika hoi kai pa iho i na Poakahi nei, ke hele ala na kauhale a naueue, na kumulaau e ulaa pu ia ana i ka honua, na pa e kulai ia ana ilalo a pela aku. O kekahi keia o na makani ikaika loa i ano maa mau ole ia kakou no kekahi manawa loihi i hala ae nei.
MA KE KAUOHA.
Hoolaha Keena Kalaiaina
Ua hookohuia na Keonimana malalo iho i mau Agena Haawi Laikini Mare:
T. C. Wids, no Kau Hikina, Hawaii.
C. Meinecke, no Kau Kom, Hawaii
D. Kapele, no Puna, Hawaii.
E. W. Barnard, no Hilo, Hawaii.
Ua hookohuia na Keonimana malalo iho i mau Komisina Pa no ka Apana o Kau, Mokupuni o Hawaii:
W. D. Kaaemoku,
C. Meinecke,
N. C. Haley.
Ua hookohuia na Keonimana malalo iho i mau Luna Pa Aupuni:
Jas. W. Bush, Pa Aupuni o Anahola, Kawaihau. Kauai.
Kimo Kekuwelu, Pa Aupuni o Kukuihaele, Hamakua, Hawaii.
Ua hookohuia na Keonimana malalo iho i mau Agena Hooia Palapala Aelike Paahana:
Bernard Huges, no ka Apana o Kau, Hawaii.
C. H. Willis, no ka Apana o Lihue, Kauai.
L. A. THURSTON,
Kuhina Kalaiaina.
Keena Kalaiaina, Dec. 31, 1888. 2214 3t
Ua hookohuia i keia la o J. Kakina, i Luna no ka Pa Aupuni ma Hanalei, Kauai.
L. A. THURSTON,
Kuhina Kalaiaina
Keena Kalaiaina, Jan. 2, 1889. 2214 3t
Nupepa Kuokoa.
No Ka Makahiki,.......................$2.00
No Eono Mahina,....................... 1.00
- KUIKE KA RULA. -
Poaono, Ianuari 5, 1889.
ME KEIA helu o ke KUOKOA, ke puka aku nei makou me ka helu mua loa o keia makahiki. a o ka Buke XXVIII o kona kaahele ana ma ko oukou mau ipuka hale. O na hana ano nui o ka aina a me ko kakou aka heluhelu, e lilo ana ka nupepa i mea waiwai nui ia kakou i keia manawa. A oiai, aole makou i pani i kekahi rumi kaawale o ka pepa no na mea hou a na makamaka a me na kalaimanao akea no ka pomaikai o ka lehulehu, e hoopuka aku no makou ia mau manao waiwai a me ka naauao iloko o ko kakou pepa.
Ke huli aku nei ko makou alo imua o na la loloa o ke kau makalii a hiki mai, me hookahi kunou o ke aloha a ko makou papale biva ia oe e 1889.
HE MAU hookohu o ke ano nui kai lawelawe ia i ka pule i hala, ma ka hookohu ia ana o Wm. Foster, kakauolelo nui o ka Aha Kiekie, i Lunakanawai Hoomalu no ka apana o Honolulu nei ma kahi o D. Dayton. Ma o kona hookiekie ia ana ae ma ke kulana hou o kana hana, ua hoopiha ia aku kona wahi e Mr. Henry Smith, i kakauolelo nui no ia Aha.
O keia kekahi o na hookohu kupono loa i loaa aku ia Henry Smith ma keia kulana o ka hookiekie, a oia ka makou li'a mau i keia au hookele aupuni, e hoopiha ia kekahi mau oihana me na keiki Hawaii i loaa na makaukau o ka hookele a me na hilinai, mamua o ka haawi ana aku ia waho a me na hoaloha pili makamaka.
O Mr. C. L. Hopkins, ka Hope Ilanuku o ke keena Oihana Makai, e panee aku ana oia no ka noho kakauolelo o ka Aha Kiekie, he keiki Hawaii i maa a kamaaina ma na hana keena pili i ka oihana hookolokolo.
O KA MAKANA puuwai hamama a Hon. S. M. Damon i hoolimalima ai i ka mokuahi Likelike, no ke aolo ana aku i ka ohana a me ka pilikana o ka poe i loohia i ka mai lepera e noho mai la i ka panalaau o Molokai, aole i holopono loa na mea i upu mua ia e hui aku ana lakou me na makamaka iuka o ka aina, a e lohe pono hoi i ko lakou mau leo a ikemaka i ko lakou mau helehelena o ka pilikia, mamuli o ka ino i pahola ae ma na kahakai o Molokai, a hiki ole ke hookokoke aku ka waapa i na kahakai o Kalaupapa a me Kalawao. Ua holo aku ka moku no Waikolu, a ma laila i hoolele ia aku ai kekahi mau poe kakaikahi, a koe no ka hapanui iluna o ka moku.
He minamina ko makou i ka holopono ole ana o keia huakai i noonoo akahele ia e Mr. Damon no kekahi manawa i hala ae nei, aka, ma na lono hope a ke komite i hiki aku ai i kona home no ka pahola ana aku iaia i na hoomaikai, ua haawi hou mai on oia i ka manao hamama e hoolana ia ai ka manao o na hoaloha, aia no he manawa ma keia mua aku ke loaa ka wa kupono a e hoopoho hou ole ia ai ka manao o na makamaka, e hoouna hou aku no oia i ka mokuahi Likelike ma kekahi kuakai launa aloha i na poe e noho mai la i ka home mau o ka mai a me ka pilikia.
NO SAMOA.
Ku mai ka Moku Amerika
"Adamu."
I ke ahiahi Poaha nei, ua ku mai i keia awa ka mokukaua Amerika Adamu, he 26 la holo mai Samoa mai. Ua ku aku i Apia ka mokukaua Nipakika ma kona wahi, a holo loa mai la oia no Honolulu nei a huli hoi aku no Kapalakiko.
Aole he mau mea hou ano nui i lohe ia mai maluna ona, oiai, ua haalele like aku oia me ka mokuahi lawe leta Zealandia ia Samoa iloko o ia la hookahi no. I kona la nae i haalele ai ia Apia, ua makaukau like na aoao elua o Mataafa me Tamasese, e hoouka hou i kekahi kaua no ka puupuu hoe loa. Aia o Tamasese me kona mau koa ma Saluafata, he ewalu mile mai ke kulanakauhale aku, a e hui launa mau ana lakou me ka mokukaua Geremania. Ua lawe ae na koa o Mataafa i ke kulana o ke akeakea aku i ke komo mai o ka waapa o na aliimoku Geremania e haawi aku i na kuhikuhi a me na ao ana ia Tamasese.
O Kapena Leary o ka mokukaua Adamu, oia ke kanaka e haawi ia o na mahalo a nui, ma o kona kue pinepine ana i na lawelawe heleuluulu a na aumoku kaua Geremania iloko o Samoa, a ua aneane oia e komo kino maoli iloko o ke kaua.
Ua kue oia i ka pakaha wale ia o ka pono o na kamaaina a me ka hoao ana o ke Kapena Geremania e puhi i na kauhale i ke ahi, a ma ia hana ana i pakele ai na hale o na kanaka Samoa mai na hoopilikia ana a na koa Geremania.
Ua lawe ae oia i na kulana a pau no ka hoopakele ana i ke ola a me ka waiwai o na kanaka Amerika oiai kona mau la e ku ana i Samoa. Aia i ka wa e kaua ana na aoao elua i kela malama aku nei o Novemaba, ua komo kue ia ka hale noho o kekahi kupa Amerika e na koa o Tamasese, a o ka hae Amerika e welo ana maluna, ua huki ia ilalo a okioki ia me ka pahi a weluwelu.
I ka wa i ike ia ai o keia hana kipi, ua hoouna koke aku o Kapena Leary i kekahi mau olelo oolea loa imua o ke Kanikela Geremania, e ninau ana iaia, aia anei ka maluhia o ko Tamasese wahi hoomoana kaua malalo o ka hoopakele ana a ka mokukaua Geremania a me ka ole? No ka pane ole ia ana mai a me ka hiki ole ke hoomaopopo ia na pane ana mai, ua hoomakaukau koke ia na koa no ka lele ana aku iuka me na pukuniahi, no ka lele kaua aku maluna o Tamasese ma kona wahi hoomoana ma Mulinuu Point, aka, ua lohe koke ia ka hoomakaukau lele aku o na koa Amerika i ke kakahiaka, ua emi hope koke aku la o Tamasese he ewalu mile ihope iloko o ia po.
Ua paa ka manao o ua kapena la, ina aole i emi hope kela Tamasese mai kela wahi aku, e hooko ana oia i ka haawina e hooki ia ai ke kaua huliamahi kuloko o Samoa, ma ka hopu pio ana aku i ua alii kipi la i ka nohoalii o Mahetoa.
Eia ua kapena wiwo ole la i Honolulu nei i keia mau la, ua ohaoha ia aku oia e kona mau hoaloha i ka la ona i ku mai i keia awa.
HIPUU IA I HOOKAHI.
I ka liula ahiahi o ka la mua o keia makahiki, a maloko hoi o ke keena ponoi o ka Bihopa o Olba ma Honolulu nei, e ku ana he mau opio he aoao a he aoao, a i ikeia ma na inoa oia o Mr. Samuel Ladd me Miss Rose Manuel. Iwaena o na kalokalo leo a ka Bihopa, i lawe ae ai laua i ke kuleana o ka ae oiaio e hoohui ia laua i hookahi iloko o ke aloha, ka 10 a me ke koko, a e malama i ka ihiihi me ka laahia o ka berita mare. Ma ka home noho o ke kaikuaa na o ka wahine mare i hoolauna pu ai ka paa mare me ka ohana, na makamaka a me na hoa'loha lehulehu. Ua uhola pu ia ae he papaaina no ka hanohano o ka paa mare, a malaila na poe i konoia i haupa iho ai i na kuhinia i hoomakaukauia. E loihi na la o ka oluolu me ka hauoli no olua, a e hahai pu ia e na pomaikai he nui, oia ka makou kalokalo.
Nui ka ino o Molokai i ka wa a ka Likelike i ku aku ai me na pilikana o na mai lepera. He hapa uuku o lakou i lele aku iuka a koe no ka hapanui iluna o ka moku.
HOOLAHA HOU.
AHA KAAPUNI, Apana Ekolu o ko Hawaii pae Aina. Ma ka hooponopono waiwai, ma ka waiwai o KAHELA (k), no Puueo, Hilo, Hawaii i make.
Ua heluhelu ia a ua waihoia ka palapala noi a Umalani ka Lunahooponopono malalo o ka Palapala Kauoha hope a Kahela (k), no Puueo, Hilo, Hawaii i make, e noi ana e hoapono ia kona hoike hope a e hoopili ia ka waiwai i na hooilina, a e hookuu aku iaia me kona mau hope ma ka oihana.
Nolaila, ua kauoha ia na mea a pau i pili, o ka POALUA, oia ka la 5 o FEBERUARI, M. H. 1889, i ka hora 9 kakahiaka, ma ka hale hookolokolo ma Hilo, Hawaii, oia kahi a me ka manawa i koho ia no ka hoolohe aku ia noi ama me na mea kue ke hoike ia.
F. L. KYMAN,
Lunakanawai Kaapuni Apana Ekolu o ko Hawaii Pae Aina.
Hilo , Hawaii , Dekemaba 12, 1888. 2214 3t
AHA KAAPUNI, Apana Ekolu o ko Hawaii Pae Aina. Ma ka hooponopono waiwai, ma ka waiwai o KAUALUA (k), no Hamakua, Hawaii, i make.
Ua heluheluia a ua waihoia ka palapala noi a Adamu (k), ka Lunahooponopono no na waiwai o Kaualua (k), no Hamakua, Hawaii, i make kauoha ole, e noi ana, e hoapono ia kona hoike hope, a e hoopili ia ka waiwai i na hooilina, a e hookuu ia oia me kona hope ma ka oihana.
Nolaila, ua kauohaia na mea a pau i pili, o ka POALUA, oia ka la 5 o FEBERUALI, M. H. 1889, i ka hora 9 kakahiaka, ma ka hale hookolokolo ma Hilo, Hawaii, oia kahi a me ka ma nawa i kohoia no ka hoolohe aku ia noi ana me na mea kue ke hoike ia.
F. L. LYMAN,
Lunakanawai Kaapuni Apana Ekolu o ko Hawaii Pae Aina.
Hilo , Hawaii , Dekemaba 12, 1888. 2214 3t
OLEO HOOLAHA.
E ike a ianei na kanaka a pau ke nana mai i keia, owau o ka mea nona ka inoa malalo ke hoike aku nei au, o ka mea a mea paha e loaa ana kuu mau Lio elua, oia hoi keia: 1 lio (k) ulaula lae kea, eha wawae keokeo, hao 1 lio (k) hakeakea, hao like me keia a he 8 kekahi hao ma ka a-i. E hoihoi mai a loaa au ma Kaalaea Mill, Koolaupoko, a i ole, ma ka Hale Wili Raiki o Aki ma Ewa, e uku no au 1 lio he $6,00.
AKANA PAKE,
Kaalaea Mill, Koolaupoko.
Dec. 10, 1888. 2211 6t
KA HUI
Alahao Hawaii,
(KAUPALENAIA).
MA ALANUI MOI
NO KA
Auhau 5 Keneta
No ka holo hookahi ana no na wahi a pau, 1 hoomaka i ka
Poalua, Jan. 1.
NA LA NOA.
Haalele ia Haalele i ka Hale
Pawaa. Keaka Pake.
6.00 A. M. 6.30 A. M.
6 30 " 7.00 "
7.00 " 7.30 "
7.30 " 8.00 "
8.30 " 9.00 "
9.30 " 10.00 "
10.30 " 11.00 "
11.30 " 12.00 M
12.00 M 12.30 P. M.
12.30 P. M. 1.00 "
1.00 " 1.30 "
1.30 " 2.00 "
2.30 " 3.00 "
3.30 " 4.00 "
4.00 " 4.30 "
4.30 " 5.00 "
5.00 " 5.30 "
5.30 " 6.00 "
6.30 " 7.00 "
7.30 " 8.00 "
8.30 " 9.00 "
9.30 " 10.00 "
NA LA SABATI.
Haalele ia Haalele i ka Hale
Pawaa. Keaka Pake.
8.30 A. M. 9.00 A. M.
9.20 " 9.50 "
9.30 " 10.00 "
10.20 " 11.00 "
10.30 " 12.10 P.M.
11.30 " 12.20 "
1.30 P.M. 2.00 "
2.30 " 3.00 "
3.30 " 6.00 "
6.50 " 7.30 "
7.00 " 9.00 "
8.00 " 9.10 "
Na Hora Holo i hoailona ia me keia e haalele ana ke Kaa i ke kihi o alanui Beritania me Punahou.
I mea e makaala ai na mea a pau, ke kauoha ia nei na ohua e hele ae e hui a haalele i na huina o na Pauku o ke alanui.
E malama loa na ohua mai hoao e komo mai a lele aku paha mai na kaa aku oiai e holo ana; e nana pono no hoi i ka haawi ia mai o na palapala e ke kahu kaa i ka wa e uku ia aku ai o ke dala; e paa ia palapala no ka manawa oia holo ana; a e haehae i ka wa e haalele ai i na kaa.
2214 tf
HOOLAHA O KA AHA KIEKIE.
AHA HOOKOLOKOLO KIEKIE O ko Hawaii Pae Aina. Ma ka hooponopono Waiwai. Ma ka hana o ka waiwai o LOUISA HAULEIOKULU o Honolulu, Oahu, i make.
Ma ka waiho ia ana mai o ka palapala noi a me ka papa hoike a Wm. O. Simith, Lunahooponopono o ka waiwai i oleloia, e noi ana e apono ia na ho lilo he $95,38 a e hoike ana i na mea i loaa mai iaia he $178,84 a e noi ana e nana a e apono ia kela mau mea, a e kauoha ia e mahele ia na waiwai e waiho ana ma kona lima i ka poe i kuleana a e hookuu ia oia ma kona noho ana ma ia ano.
Ua kauoha ia, o ka POAKAHI, ka la 11 o FEBERUARI, 1889. i ka hora 10 kakahiaka, ma ke keena o ka Hale Hookolokolo ma Aliiolani Hale, Honolulu, oia ka manawa a me kahi i koho ia no ka hoolohe ana i ua noi la, a me na papa hoike i oleloia, a o ka poe a pau i pili malaila e hele mai e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o ka mea i kuleana i ka waiwai i oleloia.
Kakauia ma Honolulu, Dek. 28, 1888.
Na ka Aha: HENRY SMITH,
2214 t Hope Kakauolelo.
AHA HOOKOLOKOLO KIEKIE O Ko Hawaii Pae Aina. Ma ka hooponopono waiwai. Ma ka hana o ka waiwai o C. H. ROSE o Honolulu, Oahu, i make.
Ma ka heluhelu ana i ka palapala noi a me ka papa hoike i waiho ia mai e na lunahooponopono o ka waiwai o SAMUEL G. WILDER i make, lunahooponopono o ka waiwai o C. H. Rose, e noi ana e apono ia na hoolilo he $6018.73, a e hoike ana o na mea i loaa mai he $6018.73, a e noi ana e nana a e apono ia kela mau mea, a e kauoha ia e e hookuu ia ka mua me na hope i noho oihana ma ia waiwai.
Ua kauoha ia, o ka POAKAHI, ka la 28 o IANUARI, 1889, ma ka hora 10 kakahiaka ma ke Keena Hookolokolo ma Aliiolani Hale, Honolulu, oia kahi a me ka manawa i koho ia no ka hoolohe ana i ua noi la, a me ka papa hoike i olelo ia, a o ka poe a pau i pili malaila, e hele mai a e hoike i ke kumu. ina he kumu io ko lakou e ae ole ia ai ua noi la.
Ma ka hana o ka waiwai o na keiki a C. H. ROSE, o Honolulu, Oahu, i make.
Ma ka heluhelu ana i ka palapala noi a me ka papa hoike i waiho ia mai e na lunahooponopono o ka waiwai o SAMUEL G. WILDER i make, kahu malama waiwai o na keiki i oleloia, e noi ana e apono ia na hoolilo he $1827.10, a e hoike ana o na mea i loaa mae he $4182.11, a e noi ana e nana a e apono ia kela mau mea, a e kauoha ia e mahele ia ka waiwai i ka poe i kuleana a e hookuu ia ka mua me na hope i noho oihaua ma ia waiwai.
Ua kauoha ia o ka POAKAHI, ka la 28 o IANUARI, 1889, ma ka hora 10 kakahiaka ma ke Keena o ka Hale Hookolokolo ma Aliiolani Hale, Honolulu oia ka manawa a me kahi i koho ia no ka hoolohe ana i ua noi la, a me ka papa hoike i olelo ia, a o ka poe a pau i pili malaila e hele mai e hoike i ke kuinu, ina he kumu io ko lakou e ae ole ia ai ua noi la, a malaila e hoike mai ai na hoike o ka mea i kuleana i ka waiwai i olelo ia.
Kakau ia ma Honolulu, Dek. 15, 1888.
Na ka Aha: HENRY SMITH,
2212 3t Hope Kakauolelo.
HOOLAHA HOU.
MA KE Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o KAUMIUMI k., no Alakahi, Hilo, Hawaii, i make.
Ua heluheluia a ua waihoia ka palapala noi o Eleakala k., kekahi o na hooilina o na waiwai o Kaumiumi k., no Alakahi, Hilo, Hawaii, i make, e olelo ana, ua oo oia i keia manawa a no ia mea ke noi nei e hoopili ia mai ka waiwai iaia, a e hoopau ia ka malama ana o ka lunahooponopono waiwai. Nolaila, ua kauohaia ka lunahooponopono no ia waiwai e waiho koke mai i kona hoike hope imua o keia aha, ma ka hale hookolokolo ma Hilo, Hawaii, i ka Poalima, oia ka la 25 o Ianuari, M. H. 1889, i ka hora 10 kakahiaka, oia ka manawa e nana ia ai kana mau hana, me na mea kue ke hoike ia.
F. S. LYMAN,
Lunakanawai Kaapuni Apana Ekolu o ko Hawaii Pae Aina.
Hilo, Hawaii, Dekemaba 8, 1888. 2211 3t
MA KE Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o KAIHE w., no Manoloa, Hilo, Hawaii, i make.
Ua heluhelu a ua waihoia mai ka palapala noi a Iosia k., kekahi mea i pili, e noi ana, e hooholo ia na hooilina a e hooponopono ia ka waiwai o Kaihe w., no Manoloa Hilo, Hawaii i make. Nolaila, ua kauohaia na mea a pau i pili o ka Poalima, oia ka la 25 o Ianuari, M. H. 1889, i ka hora 10 o kakahiaka, ma ka hale hookolokolo ma Hilo, Hawaii, oia kahi a me ka manawai i kohoia no ka hoolohe ana i ua noi la, me na mea kue ke hoikeia.
F. S. LYMAN,
Lunakanawai Kaapuni Apana Ekolu o ko Hawaii Pae Aina.
Hilo, Hawaii, Dekemaba 8, 1888. 2211 3t
MA KE Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o KUAIOHOLANI k., no Maumau, Hilo, Hawaii i make.
Ua heluhelu a ua waihoia ka palapala noi o Kuaioholani k., kekahi keiki a ka mea i make e noi ana e hooponopono ia ka waiwai o Kuaioholani k, no Maumau, Hilo, Hawaii i make, a e hooholo ia na hooilina o ia waiwai. Nolaila, ua kauohaia na mea a pau i pili, o ka Poalima ola ka la 25 o Ianuari, M. H. 1889, i ka hora 10 i kakahiaka, ma ka hale hookolokolo ma Hilo, Hawaii, oia kahi a me ka manawa i kohoia no ka hoolohe ana i ua noi la me na mea kue ke hoike ia.
F. S. LYMAN,
Lunakanawai Kaapuni Apana Ekolu o ko Hawaii Pae Aina.
Hilo, Hawaii, Dekemaba 8, 1888. 2211 3t
KUAI KUDALA A KA HOPE ILAMUKU O KA APANA O
KOOLAULOA, OAHU.
Ma ka mana o kekahi palapala hoomalu waiwai mai ka aha apana o Koolauloa, Oahu, ma ka la 2 o Novemaba 1888, e kue ana ia Ahuna k., ka mea hoopii ia, no ka pono o J. M. Monsarrat (Maunakea) ka mea hoopii no ka huina dala he $119.00.
Ua hoomalu au, a e waiho aku ana i ke kuai kudala ma ka hora 12 awakea o ka Poaono la 12 o Ianuari, 1889. Ma ka puka pa o ka halekuai ma Punaluu, Koolauloa, i oleloia, e lilo no i ka mea koho kiekie na pono a me na kulana a pau o Ahuna ka mea hoopiiia.
O ka waiwai malalo nei ke ole e uku e ia mai mamua ka huina dala i olelo ia maluna, a me ko'u mau lilo.
Eia ka waiwai e kuai kudala ia aku ana; o ka laiki ili (paddy) a pau e waiho ana ma kekahi hale o ka mea hoopiiia ma Hauula, Koolauloa, no kanakolu paha tausani paona (30,000) a oi aku a emi mai paha.
Kuike ke dala i ka mea e lilo ai, na lilo a pau o na palapala me ka mea kuai mai.
H. KAUAIHILO,
Hope Ilamuku o ka Apana o Koolauloa.
Kapaka, November, 23, 1888. 2209 4t
HOOLAHA HOU.
AHA HOOKOLOKOLO APANA EHA o ko Hawaii Pae Aina. Ma ka hooponopono waiwai. Ma ka waiwai o KAHOOKUI k. o Wahiawa, Kauai, i make. Imua o ka Lunakanawai Kaapuni, ma ke Keena.
Ma ka heluhelu a me ka waiho ana mai o ka Palapala Noi a Kaluna Kaalepoi, kaikuaana ponoi o Kahookui k., e hoike mai ana o Kahookui no Wahiawa, Kauai, ua make kauoha ole ma Waimea, Kauai, ma la ka 22 o Feberuari, M. H. 1888, a e noi ana e haawiia ka palapala hookohu lunahooponopono waiwai la A. K. Mika, no Koloa.
Ua kauohaia o ka POAONO, ka la 12 o IANUARI, M. H. 1889, i ka hora 10 oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike i ke kumu, iha he kumu oiaio ko lakou, e ae ole ia ua noi la. A o keia kauoha e hookahaia ma ka olelo Hawaii, i ekolu pule ma ke KUOKOA, nupepa ma Honolulu.
Kakauia ma Koloa, Kauai ko Hawaii Pae Aina, Dekemaba 3, M. H. 1888.
JACOB HARDY,
Lunakanawai Kaapuni Apana Eha. 2211 3t
AHA HOOKOLOKOLO APANA EHA o ko Hawaii Pae Aina. Ma ka hooponopono Waiwai. Ma ka waiwai o JAMES HOBBS o Hanalei Kauai, i make kauoha ole. Ma ke Keena Imua o ka Lunakanawai Kaapuni.
Ma ka heluhelu a me ka waiho ia ana mai o ka palapala noi a Eme Mahikoa (w.) kaikamahine ponoi a James Hobbs e hoike mai ana o James Hobbs no Hanalei, i oleloia, ua make kauoha ole ma Lihue, Kauai ma ka la 9 o Iulai, M. H. 1888, a e noi ana e haawi ia ka Palapala Hookohu Luna Hooponopono Waiwai ia A. K. Mika, no Koloa, Kauai.
Ua kauohaia o ka POAONO, ka la 5 o Ianuari, M. H. 1889, i ka hora 10 a. m. oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ai ua noi la. A o keia olelo kauoha e hoolahaia ma ka olelo Hawaii i ekolu pule ma ka KUOKOA nupepa ma Honolulu.
Kakauia ma Koloa, Kauai, ko Hawaii Pae Aina, Dekemaba 1, M. H. 1888.
JACOB HARDY,
Lunakanawai Kaapuni Apana Eha. 2210 3t
HOOLAHA LUNAHOOPONOPONO
WAIWAI.
Oiai ua hookohu pono ia mai ka mea nona ka inoa malalo iho i lunahooponopono no ka waiwai o Machado o Kapalama, Honolulu, Oahu, i make. Nolaila, ke hai ia aku nei ka lohe i na poe a pau ina he mau koi ka lakou no ka waiwai o ka mea make e hoike koke mai me na hooiaio kupono iloko o na mahina eono mai keia la aku, a i ole, e hoole mau loa ia aku ana; a o ka poe hoi a pau i aie i ka mea make, ke kauoha ia aku nei lakou e uku koke ae ia Raymond Reyes, ka lunahooponopono waiwai o Machado.
RAYMOND REYES,
Lunahooponopono Waiwai o Machado.
Honolulu, Dekemaba 15, 1888. 2211 4t
HOOLAHA LUNA HOOPONOPONO WAIWAI.
Oiai ua hookohu pono ia mai ka mea nona ka inoa malalo iho i lunahooponopono no ka waiwai o Frank Antone no Waiau, Ewa, mokupuni o Oahu i make, ke kauohaia nei ka poe a pau he mau koina ka lakou i ka waiwai o Frank Antone i make, e waiho mai i ka mea nona ka inoa malalo iho, ma ke keena o Cecil Brown, ma alanui Kalepa, Honolulu, Oahu, me ka hooiaio pono ia, ina ua hoopaaia ma ka moraki a ma kekahi ano e ae paha, iloko o na malama eono mai keia la aku, o hoole mau loa ia, a o ka poe a pau i aie i ka waiwai i oleloia, e hookaa koke mai i ka mea nona ka inoa malalo iho. A. KAUIII,
Lunahooponopono Waiwai. Hanaia ma Honolulu, Dekemaba 12, 1888. 2211 5t
OLELO HOOLAHA NO KA O LIMA.
E ike auanei na mea a pau, ua makaukau ka Papa Ola e haawi i ka o lima ana me ka uku ole i na mea a pau i o ole ia, a ke kauoha ia aku nei na makua a mea paha e paa ana i ke keiki e like me ia i kuhikuhi ia e na pauku 311 a me 312 o ke Kanawai Kivila, e hele mai ma ka Hale Haawi Laau o ka Papa Ola ma Kapamoo, ma alanui Hotele, ma na hora hana o ke Kauka Aupuni i hai la malalo iho nei:
Mai ka hora 8
Hora Hana { a " " 10
kakahiaka.
N. B. EMERSON,
Pelekikena o ka Papa Ola. jn 6-6m
Benson, Smith & Co.
Na Mea Laikini ia e kuai Kukaa
a me Kuai Liilii aku.
Na Laau Lapaau
O NA ANO A PAU.
HELU 113 me 115, ALANUI PAPU
O LAUA NA AGENA NO NA
Laau Lapaau Kuluwai Liilii!
Boreicke & Schrecke, a me na
WAi Lukini OnAonA Waianuhea!
WAIALA MAILE
-A ME KE-
Onaona Lei Aloha!
O na lako no ka Lauoho a me ka Ili, a
me na mea hoonani o ka Home, e loaa
no ia i na makamaka ke kipa mai ma
keia hale.
2204 tf
Kakela a me Kuke
HALEKUAI NUI O NA WAIWAI
E laa na pahiolo, koi bole,
hamale, koi mai a me liilii, kila.
wili puaa, rula, apuapu kai o na ano
a pau. kala kaa. hao hoopaa puka.
pohaku hoana, kepa lei ilio, kaula
hao ilio, pahi, upa, pahi aminmi,
kalapa, kope hulu, palapala, oepa
kalakala, lina hao, ami, keehi, a me
- KAULA OPU. -
Palau o na ano a pau,
Oo, ho, kopala, pe, kipikua,
hao kope, au ho a pela aku,
kua bipi, lei bipi, kaula
hao bipi, uwea pa.
uwea kekeawe. hao pili
piula, kaa palala, ipuhao, ipu ti
PA-PALAI MAKAU ME KE AHO.
Ili wai, papa holoi, kopa ala, kaula
kuaina, hu'akai, ehi wawae,
hulu pena, a pela aku.
Pena wali, kini nui a me liilii o na
ano a pau, me ka pepa kuhikuhi,
pena keokeo, aila pena, aila
hoomaloo, vaniki kaa, a me
vaniki moe,
PENA HOOMALOO
- a me aniani hale -
AILA MAHU, AILA MIKINI, AILA
HAMO ILI, AILA KAA, INIKA
KAMAA.
PAUDA, KUKAEPELE, KIANA
PAUDA, UIKI IPUKUKUI O NA
ANO HE NUI A LEHULEHU.
LOLE MAKEPONO
-E laa na -
AHINAAHINA, KALAKOA. KEOKEO,
LEOPONALO, HULUMANU,
UWE-WAHINE, KUI HUMUHUMU,
A ME KA LOPI.
Ke Kuike e loaa no ia na kahi o
Kakela & Kuke!
NA MEA PIULA,
Mikini Humuhumu
Mekini a WHEELER a me WILSON
MIKINI A WIILCOX ME GIBBS
NA MIKINI A
- REMINGTON. -
He nui loa na mea hao me na ukana e
ae o na ano a pau, aole hiki ke hai pau
ia aku, hewa i ka wai na maka ke ike.
Laau Lapaau Kaulana Loa
A DR. JAYNE ,
LAAU HOOMAEMAE KOKO
LAAU HOOPAU NAIO, LAAU
KUNU, PENIKILA, HUAALE,
PAAKAI, LAAU HOOPAA HI,
Me na Laau Hamo, a Pela 'ku.
KAKELA & KUKE