Ka Nupepa Kuokoa, Volume XXVII, Number 51, 22 December 1888 — Page 3
| This text was transcribed by: | Kara Ueki |
| This work is dedicated to: | Guy Ueki |
Ka Nupepa Kuokoa
KE KILOHANA POOKELA NO KA LAHUI HAWAII.
DEKEMABA.
KE KAU ANA O KA MAHINA.
@- Mhina hou...... 11.33.1 P.M.
@-Hapaha mua ...... 8.13 3 P.M.
18-Mahina piha....... 0 09 3 AM
@ Hapaha hope ...... 7.27 4 P.M
@KA A ME KA NAPOO ANA O KA LA
Puka Napoo
@ - Sabait................. 6.26.1 5.13 6
@ - Sabati................. 6.30 @ 5. 15 0
@ - Sabati................. 6.34. 1 5 18.1
@ - Sabati................. 6 37 6 5.21 6
KELA ME KEIA
Aloha Karisimaka ia kakou a pau.
Aha Fea nui ko keia la ma Manamana
Piha pono na hale kudala i keia mau @ iho nei.
I ka Poakahi, Ianuari 7, 1889, 3 wahe ia ai ke kau K@re o ka hapaha mua o ka Aha Kiekie.
I keia la e ku mai ai ka Mariposa mai Kapalakikomai, a holo loa aku no kona mau awa o ka H@.
Makau? wahi a kekahi o ko makou mau oniu metal@ i pu@na ae ai. Aole o'u makau me ko'u mau lima i ka ho@ ana i ko'u moku iho. Bai-Gole.
Ma ka Poaono, Dek. 8, ma Kaaawa Koolauloa, ua make aku la ka wahine a H. P. Hoolulu, mahope iho o ka hoomailo ana a ka mai no kekeahi mai la i hala ae nei.
He elua taosani kope o k@ nupepa Paredaiso o ka Paikipika i hoouna @ aku ma ka mokumaha Australia o ka Poalua nei no ka hoolaha ana ia Hawaii nei ma na aina e iloko o na @ nui ma na wahi hoolula k@ah@, mana hale o ia Ahahui, i na Emepera, na Moi, na Moiwahine, a me na Keikialii o na aupuni a pau o ke ao nei.
Hana kuli hoi kela poe @ me na kepa kakaki e holo maa nei mawaho o ko makou halepai, i manao ia aku paha he poe paniolo lakou no @barasaka. Ina e hookomo ia na kamaa buti iloko o ka iwi auwae o ka bibi, ina o ke kepa maikai ia a pilipono i na kamaa.
Ma ka Likelike o ka Palua nei, ua holo aku he elua mau @ ka Hu Hoole Waiona no Wailuku, Maui ma na hana o ka hoeueu i ko laila mau opio iloko o na halawai a me ke kukulu ana i na ahahui. Ke lana ko makou manao e hoolpono ana ka laua huakai.
I ka auwina la Poakolu nei i ku mai ai ka mokumahu Sana Mateo, he 25 la holo mai Honokaona mai ma kena alahele moana no Kapalakiko. O keia ka mokuahi nui hookahi malalo o ka hae Hawaii, a oiai oia ma keia huaki mua i ka Pakipika nei ma ke alawai oki ae o Kueta, ua lilo ka hae Hawaii i hae malihini ma ka moana Atelanika, ke Kaiwaenahonua, ka moana Iniana a hiki loa mai la i Hawaii nei.
E malama ia ana e ko Waialua mau kini he mau heihei lio i ka Poalua o keia pule ae oia hoi ka la Kirisimaka, a o ia mau lealea hookahi ana no ko ka la mua aku o ka makahiki hou. Ke ole nae he mau keakea kekahi, me he la e malama ia ana he mau heihei lio i ka la hope o keia malama, i moekah aku ai na lealea a ka la ekahi o ka makahiki hou. Ke milikaa nei ia la n@ moo a ko Waialua poe me ka makaukau no na hoopaa ia aku.
Ua make ma Kalua-uka, wailuku, Maui, ke keikikane elua makahiki a oi a Mr. John Kanakamaikai a me kana wahine. O keia maamaka kekahi o na oniu hua kepau o ko makou mau kolamu o na makahiki i hala a paahana i noho paa ma keia palepai a hiki i kona kaawale ana. A ina iloko o ka luuluu aloha no kana keiki i naolia, o makou, kona mau hoa paa@a pu kekahi me ia, me ka paulele ma o ka Mea Mana Loa nana e hoomama mai.
HE AUPUNI WAIWAI NUI.
Ma ka hoike a ke K@hina Waiwai o Amerika no na loaa makahiki o ia aupuni e pau ana i Iune, 1888, e ike ia no kekeahi puu dala mahuahua e waiho ana ma ka waihona, ma na hoolawe no loko o na hoolilo, a penei na huahelu o kona noho aupuni lahui ana:
Na loaa aupuni, 1888 $379, 266,074.76
Na lilo " " 259,653,955.67
Kow no ka waihon,
1888................119, 612, 116.00
Koena mua ma ka wa
ihona aole i hoohana ia.......96,444,815.80
Ke koe no ka waihona
i manao ia i Iune,
1889..............................75,365,208.25
Huina nui o na dala
waihona lahui..............171,810,054.09
Na Aina Mamao.
O na la@ na pili makamaka ana mawaena o Sepania a me Geremania, ke ano maw@he ia ae nei ko laua noho @ aloha pili aupuni o kahi i kekahi.
O na hoolala ana e kukulu ia kekahi kiahoomanao no Kenela Seridena, kekahi o na koa ka lana loa iloko o ke kaua hulia wahi o Amerika, ua hoomaka ia mai nei ka lawelawe ia o ka hana @ ke kaulanakauhale o Wisinetona.
Wahi a ke Kuhina Nui Karisipio Italia @ ae ai, o ka noho aloha ana mawaena o Farani me Italia, ke mau nei ia ma ka noho hoaloha like ana o na aupuni elua, a he manaoio kona he mau mea ia nana e pale aku ke kuee ana o ka hoomakaukau kaua.
Mamua o ka ae ana o ka Aha Kuhana o Enelani i ka la 7 o Dekemaba, no ka hoopuipui aku i ka ikaika o kona mau puali koa e hoolulu la ma Suakina, nolaila, ke hoomakaukau la na puali koa Beritania no ka lele kaua aku i na kipa e hoomoana la ma na palena aia o Suakina.
E hai ana kekahi lono mai Lad@na mai o ka haunaele kaua mawaena o na karaka o Zanzbar a me Geremania, he mau ala no ke okuku a me ka haunaele a ke kaua o na aoao a elua. O na kauhale pili kahakai o na kamaaina ua pau loa lakou i ke puhi ia i ke ahi e na Geremania, a ua hiki mai o Busiria me kona mau kanaka he 2500 a lawe ae la i ke kulana kaua mawaena o na Geremania a me ko lakou mau aumoku a no ka hiki ole i na waapa o na au@ aku e kokua i na koa iuka o ka aina, ua hoomaka ia ke kulanakau hale a me na wahi hoomoana o na kamaaina i ke ki poka pahu ia, a he nui o na kauhale i poino o na kanaka Pelekane ma keia mau hana a Geremania. Ua manao ia e ulu mai ana he ka@ nui mauka o ka aina i keia mau la koke mai, a eia mai kekahi mau moku kaua Pelekane ke hookokoke aku la i kahi o ka haunaele no ka hoopakele ana i ka pono o na makaainana o ia aupuni.
Ma kekahi haiolelo a Haku Salise b@re o Enelani ma ke kualanakauhale o Ed@eb@, Nov. 30, ua hai ae oia i kona ae ia ke kuleana o na wahine e koho Ba@ ma na hana pili hooponopono aupuni o kekahi aina, a ua manaolana oia, aole i loihi loa ka manawa a hiki mai ka la o na wahine e ae ia ai o kela kulana.
He telegaraba mai Parisa mai, e hoike ana, e noi aku ana o Mr. @ Ferekineki, ke Kuhina Kaua o Farani imua o ka Ahaolelo, e hooholo koke ia me ke kaul@a ole i 400,000,000 dala hapaha Farani, no na lilo hoomakaukau kaua i keia mau la mai. He lono ano nui keia ina e holo ana kela noi, a e ike ia kana hana ma keia makahiki ae.
KULA KAMEHAMEHA.
Ma ka Poakolu nei, ma ke Kula Kamehameha, ua malama ia kekahi anaina hoomanao i ka la hanau o ke Aliiwahine Pauahi Bihopa, ka puuwai hamama i hookaawale i kela kula, i wahi e ao ia ai na opio o keia hanauna hou o Hawaii e hele nei. Ua haawi ia ae he mau haiolelo e hai pakahi ana i na hana ano nui a ko kakou mau alii i hala e aku imua o kekahi anaina nui i kona la, a he mau olelo hoolanalana e loaa ai na manao hooulu noonoo o ka imi naauao i na opio Hawaii, a e mau ai ke o ana o ka inoa o ke koa nana ka hamel i kukulu aku i ka maluhia o keia Paeaina, a ia Pauahi Bihopa hoi ka hoonaauao ana i na ewe o Hawaii nei.
Nolaila, ma keia mua aku e hoomanao mau ia ana ka la 19 o Dekemaka, oia ka la hanau o ka mea nana i kukulu aku i ke Kula Kamehameha e ku nei i keia la.
KANAWAI HOOHAIKI PAKE.
Ua hookolokolo ia ke Kapena o ka mokumahu Australia imua o ka ahahoomalu i ka Poalua nei, ma kona lawe ana mai @ elua mau ohua Pake a kue hoi i ke Kanawai hoohaiki Pake i aponoia ma ka la 10 o Sepatemaba. 1888. Ua hoihoi hou ia aku ua mau Pake la iluna o ka moku a mahuka mai, a o ko laua pakele ana, o ke Kapena wale no ka moku ka mea e kau aku ai na ahewa ana, nolaila, ua hoopai ia oia he $100 pakahi o laua.
OLELO PAIPAI.
I ka poe a pau e makemake and e lawe i Nupepa KUOKOA o Kalihi, e pau ana ko'u lawe ana i keia makahiki ae ke kaa ole mai ka uku pepa i ka malama o Ianuari. O ka poe e hookaa mai ana me lakou a'u e noho luna lawe pepa ai.
O ka poe i kow o keia paha e hookaa @
D. KANEHEANA.
E hoike ae oe ma ke akea @aole loa e loaa ka pepa mai k'ou lima aku ke ole e loaa mua mai ke dala, no ka M. H. a i ole no ka hapa o M. H. paha. O keia ka lula no ka pepa.
Geo. KEKIPI,
Luna lawe Pepa o Ka@alo, Molokai.
Dec. 14,1888.
Kaua ma Samoa.
Aia o Tamasese i ka Pakaua hope loa.
Hoouka ia h Kaua Weliweli
Huikau na Aoao o Mataafa me Tamasese.
Ma ka mokumahi Zealandia o ka Poaono i hala, i lohe ia mai ai na lono o ka hoouka kaua ma Samoa, mai ka la 6 mai o Novemaba, penei:
I na la mua o Novemaba, ua hele makaikai aku ka mea kakau o ka nupepa Telegarapa i kahi hoolulu kaua o Tamasese ma na okana aina o Atua he 10 mile mai Apia aku. Ma S@luafata, ua loaa aku iaia he elua mau waa kaua o Tamasese e lana ana, he ekolu haneri kanaka o luna o kahi waa. a he kanaiwa mluna o kahi waaa me elima pukumahi. Aia me Tamasese iloko o ia la, he 3,000 koa i makaukau no ka hoo@li kaua.
Ua haawi ia he ahaaina nui ma kahi hoolulu kaua o Mataafa ma Matauta, he 4,000 kanaka i hiki ae malaila ia la, me na Kapena a me na aliimoku o na mokukaua Amerika me Pelekane.
Novemaba 6, ua hooaka ia kekahi kaua e na koa o Mataafa, kue ia Tamasese ma kona kahua hoolulu ma kekahi pakaua, a ua hoauhee ia na koa o Mataata imua pono o ka waha o na pukuniahi e kani mau ana. Ua pinepine na hoao ana e lawe pio mai i ka pa kana, aole loa i hiki mamuli o ke ki mau mai o na waa elua me na pukuniahi eli na ma ka lihi kakahai, a ua hookuemi ia ke kaua ana ma ia la.
Ua kukulu ae ke Kanikeia Beretania he ma@ halelole no ke kokua a me ka wa-hi ana i na palapu o na koa eha o ka aoao o Mataafa, a na na kauka o na mokukaua Amerika me Pelekane e kokua la ma na lapaau ana.
Ma ka la 10 a me 11, he mau kiki pu wale no ka i haawi ia e na aoao elua i kela a me keia manawa.
He ake nui ko ka poe Geremania e auhee o Mataafa, a he ake hoi na Amerika a me na Pelane e auhee o Tamasese. I ka wa i haalele ai ka mokukaua Geremania ia Apia a holo aku no kahi hoolulu o Tamasese ma Saluafata ua uhai pu ia aku oia e na mokukaua Amerika me Pelekane, e makaala i kana hana o ka holo ana aku ma ia wahi.
Ua kukulu pahuhae ae na Geremania ma na palena o ko lakou mau aina, he mau hoailona e hoike ana, ina e komo na koa o Mataafa ma ka uhai ana ia Tamasese, ina oia maluna o ke kahua o ka emi hope maluna o ko Geremania mau aina, alaila, aole i kue kanawai o Mataafa ma e hoouka kaua aku oia ia Tamasese maluna o ia mau aina o Geremania.
O Kapena Leary o ka mokukaua Amerika Ada@u, nona na manao hoeueu i hoala ai i ka manao o na kanaka o Malietoa, a nana i hoike aku, aole loa he kuleana o Geremania e komo iloko o na hooponopono pili aupuni kuloko ana o Samoa, ke ole oia e lawe i ke kulana o ka hoopakele i ke ola a me ka waiwai o kona mau makaainana ke hoopilikia ia mai.
Ma ka Pookolu, Novemaba 28, ua hoouka ia kekahi kaua ikaika a me ka weliweli loa aole i ike ia ma na moolelo kaua o Samoa mai kinohi mai. Ua hoomaka ia keia kaua i ka hora 4 o ke kakahiaka nui i ka pakaua mua o Tamasese a lilo pio mai i ka hora 11 e na koa o Mataafa. Ua nee hou aku la na koa imua o ka pakaua elua, a ma keia wahi i hoouka ia ai kekahi kaua hahana no ka manawa elua a hiki i ke auhee ana o na koa o Tamasese, hoomakaukau lakou no ka lel kaua aku i ka pakaua ekolu, oia ka wa i pii pau loa mai ai o na koa ho@e o Tamasese a lilo pio hou ia aku la ka papu e ka enemi, a oiai ua nele like na aoao elua i ka poka ole a me ka pauda, ua hoouka hou aku la na koa o Mataafa i kekahi kaua huikau o ka wiwo ole me na laau a me ke kumu o na pukaupoohiwi e hili ana a hili mai me ka weliweli nui, e hou ana a e oki ana me na pahi a me na koi, ua auhee hou ak la na koa o Tamasese ihope, a noho lanakila hou iho la na koa o Mataafa maluna o keia mau pakaua.
O ka make o na aoao elua, aia no ia ma kahi o ka 200 o ka aoao hookahi mawaho ae o na poe i hoeha ia. Ua makaikai ia ua la hoouka kaua nui la e na aumoku kaua o Geremania, Amerika, a me Pelekane me ka pihoihoi nui.
Ua emi aku la o Tamasese i kona pakaua hope loa, a ua manao wale i, e hoouka ia aku ana ia kaua me ka weliweli ke hui hou na aoao elua. E lohe hou mai ana kakou i na mea hou o Samoa ma keia mau mokuahi ae.
O MINAMINA A KALAUKOA A ME IKEPONO.
HOOKAHI NO KINO OIA NO OKALAUKOA.
E na makamaka mai Hawaii a Kauai, e kuhihewa iho ana oukou he mau kanaka okoa keia e lili-ou-kee-moa nei i ka luakini nani o Kaumakap@ Aole i hookahi no kino @ @ eepa, huna, @ p@ni. Nolaila, me ku'u hookamani ole e hoike aku i ke akea me ka oiaio. He hookahi nokino e pane nei, malalo o na inoa huna ekolu, He hana hilahila loa keia, o ka pai aku o kahi inoa i kekahi @ inoa. Aole i na kanaka a pau malalo iho o ka lani o Hawaii nei, o keia ka oi, ke kaena aku nei Ike pono Kalaukoa, ua oiaio ka Minamina Kalaukoa a me ka Kalaukoa mau hoike ana no ka aie o ka luakini o Kaumakapili, a ua Kalaukoa nei no i kukulu ai a nani.
Ua lilo loa kela mea i akua h@nana na Kalaukoa e wahakole mau ai ma na Nupepa. Aie! Aie!! Aie!!!
Nawai i hana keia aie a nui? Na Kalaukoa no! O@ i oia no kekahi luna o ka Ekalesia o Kaumakapili, nana no i ae, a hooholo i na hana a pau e pili ana i ka luakini o Kaumakapili. Noke a nui ka aie, pani ka holo a waho naikaika mai, kou kekake hoololohe auwai ka n@ha. Ho! aie! Ho! aie!
Heaha ke kumu o keia @ loa no ka luakini o Kaumakapili, mea ae no ka aie, mea iho no ka pilikia.
E a ka oiaio, no ke kipaku ia ana aku mai ka Ekalesia o Kaumakapili.
Ina e nana pono oukou i ka manao malalo e pili ana no ka hoole o k@ Kahu i ka haawi i ke kokua i keia luakini. A ninau iho ua Ikepono Kalaukoa nei, Heaha ka mea i hoopau ole ia ai ke Kahu, a owau no ka hoi ke hoopau ia i like pu no hoi me ke kahu? Maopopo he l@lo no ke kipaku ia ana mawaho o ka Ekalesia. Oiai, no ka hilinai ole ia mai e ka lehulehu ka Kalaukoa mau hana haikaika i ka luakini, nolaila,pai iho kahi inoa hoopunipuni i @ inoa apakee.
Nolaila, e na makamaka ua pau ko oukou pohihihi no na inoa ekolu malalo o ke kino hookahi, oia no o Kalaukoa.
Owau no ko oukou makamaka oiaio.
J. P. IWA,
Kaumakapili.
O kei a malalo iho ka manao o kekahi hoahanau, e pili ana i keia kumumanao hookahi.
Ua hoike ae o Ikepono, ua pololei o Minamina i hoike ai, he nui ka aie o ka ekalesia no ka luakini hou, ka ogana a me na noho hao nani. Ke ae aku nei ka mea kakau, he nui io no ka aie o ke Ekalesia o Kaumakapili no ia mau mea ana i hoike manaoino ae la imua o ke akea. He hana karistiano ole nae ia a ka makamaka maikai. Ina he minamina oia no ke komo o ka ekaleia iloko o ka aie, aole anei he hana pono nona a me Kalaukoa ke kokua ana i kahi me kekahi? Eia ka Pualo "E nali kekahi oukou i ka mea kaumaha a kekahi o oukou, pela oukou e hooko ai i ke kanawai o Kristo." Aka, o Minamina a me Kalaukoa hana o ka hoolaha aku ma ke akea, a lilo i pona iwi imua o na ilio e aumeume ana, ka aie o ka Ekalesia o Kaumakapili; a me he akua lapu la ia laua.
Ua olelo ae o Ikepono ma kona kukulu manao, o ka nui o ka aie o ka Ekaelsia o Kaumakapili, oia ke kumu i hoemi ia ai ka manaolana hana o na hoahanau, a hele ole lakou iloko o Kaumakapili nani, a haawi ole i na kokua luakini, a o ke anaina haipule he kakaikahi, a ua pau ke hapanui i ka hiamoe ma na kauhale, a pela aku.
Ma keia manao, aole loa kou mea kakau i manao like me Ikepono ma keia mea Aole o ka nui o ka aie, a me ka lulu pinepine ana i kela me keia manawa, oia ka mea nana i hoemi aku i na manao hele pule mau o na hoahanau o Kaumakapili. Aole, aole loa. O ka palaka, a me ka molwa ka mea nana i kaohi ia lakou aole e hele i ka luakini a me na la Sabati. Ina i manao o Ikepono o ka nui o ka aie a me ka lulu pinepine, oia ka mea e hoemi ana i ka manao hele pule mau o na hoahanau o Kaumakapili, alaila,, oia like anei ma kekahi mau ekalesia a puni keia pae moku o Hawaii nei?
Ina e nana ia ma na anaina Sabati a pua o Kaumakapili nani, e ike ia no aole i naolwale na hoahanau oiaio o Kaumakapili mai ia anaina aku, mai na wa lulu, a lulu ole, e ike mau ia ana no lakou maluna o na noho hao nani o Kaumakapili. A o lakou no ia e hooikaika mau nei, e hoopau i ua aie a Minamina a me kona mau pokii, e hoino nei maloko o kou mau kolamu ma ke akea. KEKAHI HOAHANAU.
MEA HANA LOLE.
Ua wehe ae nei o Mrs. M. B. CAMPBELL i ka oihana hana a me ka helehele ana i na lole, ma kona wahi noho ma ka helu 73 alanui Beretania, ma kekahi aoao o ka Hotele. O na kokua ana mai na lede maka hanohano mai ka mea i makemake nui ia, a e loaa no auanei ke kupono o ka lole e like me ka iini. @03-1y.
NA MAKAI KIU
o
Amerika a me Europa.
HE KANAKA OPIO I HOOPUNIPUNI OIA KA HOOHANA O KEKAHI WAIWAI NUI @ I WAI. HO IA IHO E KEKAHI KANAKA MAKA HANOHANO MALUNA O KANA KEIKI.
NO KEKAHI mau makahiki, he maikai wale no na mea a pau i ike ia no Kurete a me kana aikane Dedarita. ua nui ko Kurete mahalo ia e kona mau haku hana, a o Dedarita hoi ua loaa iaia ka uku kiekie e hiki ai ke @ ho hookuonooono. I keia manawa ua hookanakamakua mai ko laua mau helehelena -- o Kurete he mau umiumi kona maluna o kona waha a me kona mau papalioa, a he umiumi piha hoi ko Dedarita.
Eia kekahi mea kupono e hoike ia @ a keia wahi: Mahope koke iho o ko Kurete ma hoea ana ma Sana Lui a loaa ia laua ka hana, ua kakau aku o Kurete i kona makuakane e hai aku ana no ia mea. I ka loaa ana o kana leta i kona makuakane, kakau mai la oia e i me ana ua olioli oia no ka loaa ana ia kurete o ka hana maikai e hiki ai iaia ke hookanakamakua iaia iho, a oiai hoi ua loaa iho la iaia ka hana e hiki ai ke hilinai aku no ka hoolawa ana i ka hapanui o kona mau makemake, ua noi ma la ka makuakane iaia he mea pono e hoemi iho ia i ka uku makahiki o Kurete, oia hoi e haawi mai i ka hapa wale no o ka huina dala ana i kauoha mua mai ai i ka baneko e haawi mau ia Kurete, "a ua manaolana au," wahi a ka makuakane maloko o kana leta, "e ike mai ana oe i ka maikai o keia no@ a'u, oiai he kumu ia nou e pomaikai aku ai mahope, a he mea no hoi ia nana e hookanakamakua mai i kou mau noonoo ana." I ka loaa ana mai o keia palapala ia Kurete, manao iho la ia ua hewa loa ka hana a kona makuakane ia ia, a aole oia i pane hou aku.
O ka makuakane hoi, i ka ike ana aole i hoouna hou aku kana keiki i leta nana, aole oia i hoouna leta hou mai, a aole no hoi oia i hoololi ae i kona manao no ke o-i hapa ana ino i ka uku makahiki o Kurete, aka, he lohe mau no oia mai ia Tume aku no na mea a pau e pili ana i kana keiki. No keia kumu, aole i lohe hou aku o Kurete i kekahi mea e pili ana i kona makuakane.
Ua liu wale ka manawa mahope mai o keia mau mea i hai ia ae la, i kekahi la loaa ia iho la o Kurete i ka mai. Ua lohe mau ia oia e olelo mau ana no ka eha o ke poo, a i kekahi la hele mai o Dedarita e olelo ia ia he mea pono ia laua e noi i ko laua mau haku e hookuu mai e holo laua e hooluolu, oiai o na mahina wela ia, a o kana wahi i makemake ai e holo pu laua oia ke kulanakauhale o aletona, ma ka mokuaina o Ilinoi.
Eia a mahope mai ike ia ke kumu o ko Dedarita noi ana ia Kurete e hana pela. Ua ike ua Dedarita nei i ka olelo hoolaha a ke kaikuahine o Kurete maloko o ka nupepa Herald o Nu Ioka, e olelo ana penei:
"Ke noi aku nei ke Kaukaualii wahine Unica Vona Hohenetofena i ke Kaukaualii Kurete Vona Hohenetofena e huli hoi mai oia no kona one hanau, kahi o kona mau waiwai a pau e kali aku nei iaiai o ka hoi mai."
I ko Dedarita ike ana i keia olelo hoolaha, ua lilo ia i mea kupono ole i kena manao. Aole oia i hahai aku ia Kurete no keia olelo hoolaha, aka, hele koke aku la oia e hoowalewale ia Kurete e holo laua i Aletona, a i ko Kurete haawi ana mai i kona ae, ua hele koke aku la ua Dedarita nei e noi i ko laua mau haku, a he elua la mahope iho noho ana laua i Aletona, he wahi keia ma kahi o ka iwakalua mila ka mamao mai Sana Lui mai.
I ka molehulehu kakahiaka mahope iho o ka po mua a laua i hoohala ai ma Aletona, komo aku la o Dedarita iloko o ka rumi o Kurete e ninau ai ina ua oluolu mai kona eha. hahai mai la o Kurete ua maikai iki oia, a he manaolana kone a e oluolu loa aku ana ia, oiai aohe hana nana e hoouluhua mai iaia, a he maikai kupono loa hoi ka ea nona ma keia wahi. Hoike aku la o Dedarita i kona ano olioli i kona lohe ana i keia nuhou, a ninau aku la ia Kurete ina ua lohe iki oia i kekahi mea e pili ana no kona ohana.
Pane mai la o Kurete: "Aole; mahope iho o ka loaa ana ia'u o ka hana ma Sana Lui, ua lawe aku kuu makuakane he hapalua o ka huina loaa ana i haawi mai ai ia'u i ko kaua wa i holo mai ai i Amerika nei, a mai ia manawa mai a hiki i keia la aole au i kakau hou aku, a aole no hoi au i lohe hou aku i kekahi mau mea e pili ana no ko'u home."
"He mea ano e loa hoi ha kela," wahi a Dedarita. "He mea hiki ole ia'u ke ike i ke ano o keia mau hana a ko makuakane-he mea no hoi ia la ina ua uahuah wale ia e oe ke dala, ina la hoi ua pono ia kaili ia ana aku la, aka, aole- Ke manao nei no anei @ eia no ke ola nei kou makuakane?"
"Aole wau i ike." wahi a Kurete. "aole no hoi au i ohe i kekahi me e olelo ana ua make oia. Ina paha ua make oia, aole e @ele ana ko'u lohe mai ke Kuhina Geremania mai."
"Ae. pela io ka." wahi a Dedarita.
He mea akaka loa ma keia mau ninau a Dedarita ia Kurete, he mau @ kona e ake ana e @ o Kurete i ka hoolaha a kona kaikuahina maloko o ka nupepa e kauhoa mai ana iaia e hoi. Ua ike o Dedarite i ke ano o keia @--ua maopopo ia ia ua make ka makuakane o Kurete-a ua komo ka manao iloko ona ina e make ana o Kurete, he mea @ loa iaia ka holo ana i Geremania e hoopunipuni ai oia no o Kurete, ka hooilina o ka inoa hanohano a me ka waiwai nui o ke Kauaualii Hohenetofena.
I kona lohe ana mai la i na olelo a Kurete, ua kaka lea iho la iaia aole i lohe o Kurete no ka make o kona makuakane, a @ no hoi oia i ike i ka hoolaha a ke kaikuahine e pili ana nona a ua piha hauoli ko Dedarita manao no ia mea. Nolaila, o kana mea hou aku i koe e makemake nei e ike, i kumu e holopono ai o kana mau hana mahope aku, ina he mau pepa hooilina kekahi e paa ia nei e Kurete, a penei ke ano o kana mau ninau hoohuahualau i pane hou aku ia Kurete:
"A pehea, ina e make ko makuakane, aole paha e makemake mai ana ko makuahine kolea ia oe e hoi aku a noho mana iho maluna o na waiwai a ko makuakane; a ine kela e kaupale mai ana ia oe, heaha kau mau mea e hoike aku ai i kumu e hiki ai ia oe ke hooia aku o oe ka @ o ke Kaukaualii Hohenetofena? He mau pepa no kekahi au e paa nei no ka hooia ana ia oe iho o oe ka hooilina?"
"Ae," wahi a Kurete, me ka mano ole ae he mau ninau hoohuahualau hoopoino keia a kana aikane iaia. "Eia ae iloko o kuu pahu na pepa a pau i hana ia e hiki ai ia'u ke hooia owau no ke keiki a ko'u makuakane a hooilina o kona mau waiwai a pau. Ua haawi mai kuu makuakane ia'u i keia mau pepa mamua o ko kaua holo ana @ no Amerika nei. He loio ka mea nana i hana kela mau palapala, a he hiki loa i ua mau palapala la ke hooiaio i ko'u kulana a me na mea a pau e pili ana no'u."
"A pehea, e ae mai ana no anei oe ia'u e nana i ua mau palapala la?" wahi a Dedarita i noi aku ai.
O kurete, ua piha hilinai oia maluna o kana aikana, nolaila, aole i komo kekahi manao iloko ona he mau hana ino kekahi a kana aikane e hana aku ana maluna ona, a i kona lohe ana i keia noi a Dedarita, pane mai la oia:
"Aole au e hoola aku ana ia oe ia mea. Eia mai ke ki o ka pahu," haawi mai la ke ki o kona pahu ia Dedarita, "e wehe ae oe, a e loaa no ia oe ua mau pepa la maloko o kekahi buke waiho palapala ili ulaula maluna loa o ka pahu."
Wehe ae la ua Dearita nei i k a pahu, a i ka loaa ana o na palapala, heluhelu iho la oia i na mea a pau, a huli aku la a olelo ia Kurete:
"Ua mana wau ua maikai no keia poe pepa, aka ina owau oe, lawe ia e a'u keia poe pepa i kekahi loio Geremania maanei e nana ia mai ai, i ike ia ka pololei, a ina no hoi he mau mea kekahi au e manao ana e hoololi, he pono e hana e ia i keia wa mamua o ka hala ana o ka wa kupono. Oiai e holo ana au no Sana Lui i kakahiaka, a hoi hou mai no i ke ahiahi, he mea pono loa paha, ina oe e ae mai ana, e lawe ae au e hoike i ka loio a e ninau aku i kona manao, oiai o ka wa kupono keia, i kumu e ala ole mai ai kekahi mau hana nui mahope no kou mau waiwai."
"He hik no ia oe ke hana pela, ina oe e makemake," wahi a Kurete, "aka," aole au i manao he mau mea hewa kekahi e hiki ai ia'u ke p@lale aku no na manao kanawai o ka loio e pili ana no keia mau pepa."
I ka puka ana no o na huaolelo mua a Kurete e ae aku ana iaia e lawe i na pepa ina e makemake, hookomo koke iho loa ua Dedarita nei i ua mau pepa la iloko o kona pakeke ponoi. Me ka maalea nui, oiai o Kurete e waiho a mai ana , hele aku la ua Dedarita nei e hoopaa i na inoa o laua ma ka papa inoa o ka hotele, hahai aku la i ke kupakako oia ke Kaukaualii Hohenetofena opio, a o ka mea io nona ia inoa e waiho a mai mai la, o Dedarita Nun@ana ia.
Pau ae ia keia, holo aku la ua Dedarita nei no Sana Lui. I kona hoi ana mai i ke ahiahi, e waiho plilikia loa mai ana o Kurete, a no ko Dedarita hoolilo loa iaia iho ma ka hooluolu ana mai ia Kurete, ua poina loa ia ua mau pepa la, a aole i ninau iki mai o Kurete iaia no ia mea.
Ike iho la o Kurete ua ano kupilikii loa mai kona kulana, kauoha aku la ia Dedarita e kii i kauka, a oiai o ko Kurete make ko Dedarita hauoli, nolaila, houlolohi mai la ua Dedarita nei i ka hoouna ana i ke kauka, me ka olelo pu mai he pono loa e waiho ke kauka a kekahi la ae alaila kii, ina nae e inoino loa mai ana ka mai, oiai he manaolana ka kone e pohala oluolu koke mai ana no oia, a he wahi eha nuku wale no keia a pau ae.
(Aole i pau.)
HOOLAHA HOU
HOOLAHA HOOKO MORAKI
Ma @ kekahi mana kuai e hoike ia ma loko o kekahi palapala moraki i hana ia ma waena o @ mua, a me @ ma ka la @ o Ianuari 1885, i kakau @ ia ma ka buke @mamua @ kela @ ole @ ana @ aku nei e ka mea nona @ nei, e hooko ana ma ia mana kuai.
A ke @ nei, aia mahope @ o na pule ekolu mai keia la aku, alaila, e hoolaha ia aku na @i hoike ia ma@ ana. ma ke keena @ o @ F. Morgan, ma Honolulu, ma ka la @ o Ianuari, @ o ia ia.
Aia ma kahi o W. K. K@k@ na olelo @ hoakaka no keia mea.
Hanaia i keia la @ o @ 1888.
L. AH@O.
Mea Moraki @.
Penei na aina i moraki ia.
He aina hoolimalima ma Waikiki, @, ma ka hoolimalima o D. W. Pua ia Aniu, la 18 o Sepatemaba, 1884, no 10 makahiki, he @ na mea a pau e ulu ana ma luna, na hale ae.
He luu wai aniani maluna o keia aina
@
HOOLAHA A KA LUNAHOOPONOPONO WAIWAI
E ike auanei na poe a pau o Wa@ o Kapaa, Kauai, i make e @ mai i @ e @ mea @ iloko o na mahina eono ma keia la aku.
@. H. WILLIS,
Lunahopponopono Wai@
Kapa, Nov. 24, 1888 @
OLELO HOOLAHA.
E ike auanei na kanaka a pau ke @ @ i keia owau o ka mea nona @ @ hoike aku nei @ o ka mea a @ ma kuu mau Lio elua, oia hoi keia @ kea, eha wawae @ iki @, ha@ like @ a he S kekahi hau ma ka @ a loaa au @ @ a M@, K@ a i ole, ma ke Hale @ ma @ no au i @ h @
AKANA PAKI,
Kaalaea @ K @
@ 10, 1888. @
Hookapu Aina Na Moku Manu,
Mawaho ae o M@
Ke pap@ ia aku nei na mea a @, @aku ma Moku Manu, @ moku i ole @ @ aluna ae, @ ; @ ole a @ na kanaka a keia @ ma ke Kanawai.
@. A. @ MMINS.
@
Ka Waiwai o ka Hilinai
@ L@, kai kaulana @ hilinai @ ia no ka hoomaemae koko, manawa@ a pau o ka @, he aneane 40 ma ka biki i haia ae nei, a ua lawelawe nui ia hoi iwaena o na oihana @ O @
LAAU SASPARILA, no loko ae la o ke aa Sasparila @; ua loaa ka mana hoomaemae ma o ka hui pu a ana me kekahi mau aa laau e ae, a me kekahi mau mea no loko o ka @ a @ ka hao.
HE koko inoino a nawaliwali anei kou? Ua wili pu anei me na an@ mai ikaika? A ua hui pu anei me na wai awaawa hoopehu Na kela
LAAU e hoomaemae ia mau mea ino a pau, a maikai. O na kauka lapaau a pau o Amerika ike ke ano o ka AYER SASAPARILA, ua @ , aole he mea maikai e ae no ka hoomaemae koko ana mai na mai i @ pu ia, ana o keia waie no. Noka
HOOMAEMAE ana i ke koko, a me na @ pono ana i na mea a pau ma kekahi mau ano @, o ka AYER SASAPARILA wale no aa laau @ e hoomaemae haka@ ole mamua ae o kekahi ano laau e ae O ke
KOKO ino haku@, a nawaliwali hoi kona holo pono ana ma ke kino, e hoomaemae @ a e hooikaika pu ia no hoi ma o ka ai ana i keia LAAU SASAPARILA A AYER, He maa lahi a he
MIAKAI loa hoi keia Laau, aole no ka hoomaemae wale ana no i ke koko a @, no ka hookaawale pu ana kekahi i na mai, hoo@ hou ana i kekkoko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.
A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha wahahee wale ia malalo o na inoa lehulehu, aka, o na hilinai a me na hoola wale no a ke ao holookoa, maluna o ka
Ayer Laau Sasaparila,
HOOMAKAUKAUIA @
Kauka J. C. @ & Co. Lowell, @
HOLLISTER & CO.
Na A ena ma ka Paeaina Hawaii.
Helu 100 . . . Alanui Papu, Honolulu
@