Ka Nupepa Kuokoa, Volume XXVII, Number 47, 24 November 1888 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXVII, HELU 47.     HONOLULU, POAONO, NOVEMABA 24, 1888.                        NA HELU A PAU, 2208

 

HOOLAHA LOIO-

 

W.O. Smith.

Loio ma ke Kanawai.

Helu 66, Alanui Papu, Honolulu.        fy 4 – Iy

 

W.R KAKELA.

LOIO A HE KOKUA MA KE KANAWAI

He Luna Hoola@o Palapala.  tf

 

WILDER & CO. (WAILA MA.)

Mea kuai papa a me na lako kukulu hale na ano a pau, a me na me n@ pono a pau a@ ka hale.

Kihi Alanui Moiwahin me Papu.        tf

 

CECIL BROWN.

LOIO A HE KOKUA MA KE KANAWAI?

he Agena Hoola@o Palapala no ka Mokupuni o Oahu

KEENA HANA:Ma alanui Kalepa.

tf.

 

A ROSA. (AKONI.)

LOIO A HE KOKUA MA KE KANAWAI

He Luna Hooiaio Palapala.

KEENA HANA: Ma ke Keena Loio Kuhina.                        tf.

 

JAMES M. MONSARRAT. (MAUNAKEA.)

LOIO A HE KOKUA MA KE KANAWAI

He Luna Hooiaio Palapala.

            E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii. Dala no ka hoaie ma ka moraki ma na waiwai paa.

            KEE NA HANA: Alanui Kalepa.

 

VOLNEY VAILLANCOURT ASHFORD, AKEPOKA.

He loio, Koakaka, Pal@ ma k Kanawai Kakauolelo, Lunahooponopono a me ka hana ana i na Palapala Hoolilo.

LAWELAWE ILOKO O NA AHA A PAU O KE AUPUNI.

            E hana ia no na Palapala pili Kanawai a pau.

            @ Keena Hana Helu 21, Alanui Kalepa, Honolulu Hale.      (2150 ty)

 

WILLIAM C. ACHI.

LOIO a he kokua ma ke kanawai imua o na Aha a pau o keia Aupuni.

            He Mea Ana Aina a he Boroka ma na waiwai paa.

            Keena Hana, Helu 15, Alanui Kaahumanu Honolulu, oia ke K@ena mua iho nei o Kini me Pete@son.                 2114-y

 

JOHN MAHIAI KANEAKUA.

LOIO A HE KOKUA MA KE KANAWAI. HE MEA UNUHIOLELO MA KA OLELO BERITANIA A ME KA OLELO HAWAII.

Keena Hana, malua ae o ka Hanao o Bihopa ma.

ty@.

 

PACIFIC HARDWARE COMPANY

 

Na hope o Dilinahama Ma..

Mau Mea Kuai Lako Hao

Alanui Papu, Honolulu.

 

HOOLAHA.

G. W. A HAPAI.

He Luna Hooke Mare.@

A HE AGENA HOOIAIO PALAPALA.

E loaa no ma Hilo-taona, Hawaii, ma na manawa a apau.      2152-1y

 

E G. HITCHCOCK. (AIKUE HIKIKOKI).

LOIO, A KOKUA MA NA MEA A PAU E PILI ANA MA KE KANAWAI.

E oki ia no na Bila Ai@, me ka awiwi HILO, HAWAII.      2114.1yr.

 

GEORGE P. KAMAUOHA.

He Loio a he Kokua ma ke Kanawai.

A HE MEA ANA AINA.

E loaa no ma Kohala Akau, Hawaii.   2091-@y

 

OLELO HOOLAHA NO KA O LIMA.

 

            E ike anuanei na mea a pau, ua makaukau ka Papa Ola e haawi i ka e lima ana me ka uku ole i na mea a pau i @ ole ia, a ke kauoha ia aku nei na makua a mea paha e paa ana i ke keiki e like me ia i kuhikuhi ia e na pauku 311 a me 312 o ke Kanawai Kivila, e hele mai ma ka Hale Haawi Laau o ka Papa Ola ma Kapamoo, ma alanui Hotele, ma na hora hana o ke Kauka Aupuni i hai ia malalo iho nei:

 

Hora Hana       Mai ka hora 8 a “ “ 10 kakahiaka.

            N.B. EMERSON,

Pelekika@@ o ka Papa Ole.   jn 6-6@

 

Lutanela Roge KE Kiu o ke Kaikuono O MOBILE.

Ke Kiu a Adimarala Faragata i hoouna ai e Ana a e huli i na Topido ma ka Papaku o ke Kaikuono o Mobile.

 

He Moolelo iloko o ke Kaua Kuloko o ka Akau me ka Hema.

 

KOMO PU ME KA NEGERO JOSH ILOKO O KA HAKAKA.

            “EIA MAKOU malalo o ke kauoha no ka hopu ana i kela kiu Amerika i pakele mai nei i keia po,” wahi a kahi aliikoa Kopala o ka laina koa i pane aku ai ia Kapena Venona. “Koka—Kokahe—Kiu Amerika ino maoli kela! Ua hoeha loa ia ko makou lutanela i kana poka, a noho aku la no oia mahope. Eia oia ke hele laula nei iloko o ke knlanakauhalae i keia po.”

            “Owai kela kiu Amerika ma ka inoa?” wahi hou a Kapena Venona.

            “O Lutanela Roge o na aumoku o Faragata.”

            Na keia hoopuka ia ana ae o kela inoa o Lutanela Roge, ua hoopuiwa loa ia o Kapena Venona, oiai he manaolo kona, ua make oia i ke pahu ana o ke topido i kela po ana i holo ai ma ke kaikuono, a oia kana i kanalua ai, ua kuhihewa keia poe koa ia Lutanela Roge no kekahi kanaka okoa, oia kana i pane aku ai i ke aliikoa Kopala,--

            “Aohe o’u manaoio no kela inoa au i hai mai la, ina eia no oia ke ola nei malalo o ka malumalu o ke aouli lani i keia hora.”

            “O-i-esa,” wahi a kahi Kopala i paakiki loa mai ai. “Ua paa oia maloko o ka halepaahao i keia po, a o kekahi kanaka kolohe i kipa ae ma kahi hoolulu kaua o Kenela Levieta, ua hoopunipuni ia oia a me Mekia Noutana, a pakele mai la ua kiu Amerika nei a loaa i kahi hale a makou i hakaka mai nei, pakele hou ilaila a holo loa no ke kulanakauhale nei, a nolaila, e hele ana makou i ka hale o ka mea nana ua hana apuka la, a kaualako aku iaia imua o Mekia Noutana.”

            Aole i pane koke aku o Venona no kekahi mau minute, oiai kona mau manao kanalua a me ka pohihihi me ka hiki ole iaia ke koho aku i ka oiaio a me ka ole. I mea e hoopau ia ai ko lakou kuhihewa o na aoao elua, ua pane hou aku la o Kapena Venona, --

            “I keia po anei?”

            “Ano, i keia minute,” wahi a kahi aliikoa Kopala i pane mai ai. “E lawe aku @ ke kulana alakai ia makou, a nau e hoopiha ka makemake o ke kauoha no keia huli ana.”

            Aole i houlolohi hou iho o Kapena Venona no kona mau manao o ke kanalua, oiai, o kana hakaka pahikaua a make ai o Kapena Davikekona, na ia mea i hoouilani ae i kona mau manao hookelakela, aia hou oia imua o ke kahua palahalaha no ke kaulana o kona inoa. Ua unuhi ae la oia i kana pahikaua a e haukae ana no ke koko o ka puuwai o Davikekona ma ka welelau, oia kana i pane aku ai.—

            “Ae, ke lawe nei au i ka hanohano o ke alakai ana ia oukou, aka, e pono e lilo oe e ke Kopala i pailata no keia huakai. Nolaila, --makaukau—e hele imua—maki.”

            Ua lele ae la o Kapena Venona mamua o ka laina koa a alakai aku la ma na alanui o ke kulanakauhale.

            E aneane aku ana ua po pouli ia e o mai ka malmalama o ke kakahiaka, a o ka hora 4 hoi ia i ka wa a lakou i hiki aku ai ma kekahi kihi alanui a pii pono aku la no ka home o Edita Taila.

            Ua hoopihoihoi @a ka manao o Kapena Venona no keia pii o lakou i ka hale o ke kaikamanhine, a oia kana i manaoio ai, ua kul@hewa lakou malalo o keia ka @@ha huli i kekahi kie Amerika, oiai, aohe kanak@ ina ka inoa o Roge e ola ana ma k@ honua i@oko o ia po.

            “Pehea ka loihi o kahi a kai @u e hele nei?” wahi a Kapena Ven@@a i pane ae ai a haawi pu aku la i ke kauohano ke ku ana ma ia wahi.

            “E hele ana kakou i kela wahi h@@e e ku mai la ma o e ke Kapena,” wahi a kahi Kopala i pane mai ai, me ke kuhi pololei ana i ka hale o ke kaikamahine.

            “I kela hale anei?”

            “Ae!”

            “O@ Ua kuhihewa oukou,” wahi a Kapena Venona i pane aku ai.

            “Aole! Ua kuhikuhi pololei loa mai nei oia i ka hale mamua o kona make ana.”

            “Owai ia mea i make?”

            “O ka wahine kiu no hoi o Mobile –o J@ne.”

            “Ua make anei oia?”

            “Ae, ua ku i ka poka a ke kiu Amerika i ka wa a makou i hoo@uni ai i kahi hale, a o Edita Taila, oia ke apuka nui i pakele ai ke pio mai ka halepaahao mai.”

            “Aole wau e hiki ke manaoio i kela hana apuka a Edita, oiai he puuwai kona e kapalili ana no ke kuokoa o na Mokuaina Kuikahi Hui o ka Hema,” wahi a Kapena Venona.

            “Ua hoole mai nei o Jane,--aole,” wahi a kahi Kopala i pane mai ai. “Ua kokua mau oia i ka aoao Akau mai ka wa mai o ke kukala kaua a hiki i keia manawa.”

            “Heaha! O Edita Taila!” wahi a Venona i puana ae ai iaia iho me ka leo malie. “O ka wahine i hoohiki paa mai ia’u e hoohui ia maua ma ka berita mare ma keia mua aku! He hoaloha anei oia no ka aoao Akau? Aohe o’u manaoio ma keia ahewa kumu ole o ke kuhihewa a me ka lili, a o kekahi mea paha i oi ae ke ino mamua o ia.”

            Aole i pane aku o Kapena Venona no kekahi mau sekona pokole, ua pane hou mai la no kahi Kopala,--

            “Aole anei oe e alakai ana ia makou e ke Kapena?” wahi ana me ka nana pono ana aku ma na maka o Kapena Venona no kona mau manao kanalua.

            “Ua kauoha ia au e ka lutanela e komo iloko o kela ha@@a hopu pio ia Edita Taila a lawe aku @mua o Ilamuku Noutana, me ka nana ole i kana mau kumu pale.”

            “E alakai ana paha au ia oukou, aole paha,” wahi a Kapena Venona i pane aku ai i na koa.

            “Ina pela, e hele ana no makou e hooko i kela kauoha,” wahi a kahi aliikoa Kopala.

            Na kela mau olelo i hoopii koke ae i ka huhu o Kapena Venona, huli hou ae la oia a pane aku la i keia mau olelo,--

            “E hele, a hooko i kela kauoha eleele o ka hohe wale. Aole loa au e pel@ i ko’u ai kala no ke kulou a lawelawe i kela hana. Eia ka’u olelo ao ia oe ina owau ma kou wahi @. E hoi oe imua o ka lutanela a hai aka iaia, owau ka hoike oiaio no na hana a Edita Taila—kona leo, kona ano, a me kona aloha i ka hae hou o na mokuaina o ka Hema mai lalo lilo ae o kona puuwai.”

            He mau olelo keia i hookuihe aku i ka manao o kahi aliikoa Kopala, aka, o ke kauoha i haawi ia @a e komo iloko o ka hale, oia ka mea i makemake ia e hooko aku lakou. Ua pane hou aku la ua wahi Kopala nei—

            “Malia paha, o ko makou komo ana iloko o kela hale, e loaa aku no ia makou kela kiu Amerika?”

            “Aole oia ilaila,” wahi a Kapena Venona. “Ua huli mua ia iho nei kela hale e na koa kiu o Kapena Davikekona i keia ahiahi a loaa ole, he manaoio anei ko oukou e hoi hou ke kahi kanaka kiu iloko o kela hale e pee ai?”

            “Pela no ko’u manao e ke Kapena, aka, he hewa ole no ke kauoha ka huli ana i kona mau poopoo.”

            “E hele aku pela!” wahi a Venona i pane aku ai ma ka hila o kona kamaa. “Ina he makemake kailiku ko oukou i ka noho maluhia ana o kekahi wahine o ka aoao Hema iloko o na hora aumoe o ka po, alaila, e kapa no au ia oukou, he poe powa Kosaka o ke kulana haahaa loa. Aole hookahi wawae o’u e nee@ no ka hooko ana ia hana hanohano ole mai keia kihi alanui aku.”

 

HE KAAO NO HAPAIKALAHapaikamahina

 

KA HUA OHIA NANI I LOAA MA KA Piko Mauna o Farani

 

Ka Ui nanan i Kakele ke Aupuni o ka Lihilihi o na Manu.

 

I Kokua ia e HULUPAINA kona Pokii.

 

Unuhi ia e H. Kane

Helu 6

 

PANE aku nei na kanaka a pau, aia ihea kou wahi e noho nei? Eia iloko o keia ulunahele

            Heaha kau hana nui o ka makemake ana e noho ma keiu kauhiwi?

            Makemake au i ke ao i ka hakaka me na holoholona hihiu o keia kuahiwi, i loaa ia’u ka ikaika

            E hoi paha kakou i kai e noho ai? Minamina makou i kou helehelena ui i ko make iho i na holoholona hihiu o keia kuahiwi, oiai, aohe kanaka e hoi ola ke komo iloko o keia kuahiwi; nui ka poe i make. E hoi kakou i kai; ua loaa ia oe ke aupuni; o oe ka moi, he noho wale iho no, he leo hoolohe ia; he oki loa keia au e noho nei, malia o make oe o kou nele no ia i na pomaikai.

            He mea ole na pomaikai ina e nele ke kanaka i ka ikaika. O ke aloha no ko oukou.

            Huli ae la keia a komo aku la iloko o ka ulunahele, a ia wa i kahea iho ai oia i ka inoa o koha lio penei; E Kapuai Keleawe e, aole e pau ke o ana o ko kapuai wawae, hiki kaua i kauhale. Pupuu a haalei loa. noho ana laua i kauhale, a hoi aku la keia iloko o ko na keena. He elima minute i koe alaila pua ae ka manawa a kona makuakane i haawi aku ai iaia, eia nae ua hiki e aku la keia mamua o ia manawa. Hoi aku la oia a maluna o kona e noonoo ana no ka loaa iaia o kela poe kanaka.

            Iaia e nanea ana hoi mai nei na makua, a aole hoi i liu iho komo ana iloko o ko ianei keena, a ike aku la iaia e moe ana me kona mau lole hou.

            E kuu keiki, i pane aku ai ka makuakane, pehea i loaa ai kena mau pono kino au e aahu mai nei? Ua imi anei oe i kumu e poino ai ko kakou noho’na ilihune ma keia kuahiwi? Oiai, ina ua hana oe i kekahi mea pono ole, e kuu keiki, alaila, aole e hiki ia kakou @e pale aku i na poino e kau mai ana maluna ou e kuu keiki, aole ou ikaika, a pehea la oe i hana ai e like me keia ke ano?

            I ka wa a kona makuakane e kama ilio nei, ke helelei nei kona mau waimaka ma kona mau papalina, a ua paa kona manao e loaa ana he poino ia lakou.

            I keia wa ua pane aku la kana keiki. E kuu makua, mai kaumaha kou manao no’u. I kuu wa i hele aku nei na h@i aku nei au me kekahi kanaka iloko o ka ululaau, a ua haawi mai oia ia’u i keia l@le mamuli o kuu hai ana aku he keiki ilihune au. E hoolana pu no hoi i kou manao, no ka mea, e hiki mai ana i o kakou nei ma keia mua iho kekahi poe i helu ia mawaena o na moi o keia aupuni. O keia kanaka i halawai pu ai me a’u iloko o ka ululaau o ka Moi no ia o Farani nei, a e hele ana oia e makaikai no hookahi makahiki, alaila, hoi ae i ke kulanakauhale.

            Ua kauoha mai oia ia’u ina e piha ka makahiki hookahi mai keia la aku e ino aku au i kai o ke kualanakauhale, a ua ae aku au. Nolaila, mai kaumaha ko olua manao.

            I ka lohe ana o na makua i ka olelo a ka @ua keiki, ua mao koke ae la ko laua manao kaumaha, a i a wa lakou i hoi aku ai e paina awakea. I ka pau ana o ka lakou paina ua hele aku la na makua i ka laua hana o ka mahiai, a noho iho la no keia i ka hale.

            Pela lakou i noho ai a hala he mau pule, a i kekahi la loaa iho la iaia kekahi moeuhane, a ma ia moeuhane @a loaa aku la i@@ ka uhane o kona li@, a ua pane mai la kona lio penei:

            E helu oe mai ka la au i kanu ai ia’u a hiki i ka piha ana o kanakolu la, alaila, kii ae oe e hue ia’u. I ko wa e hue ana ia’u a i loaa ia oe kekahi pahu daimana humah@, e hoomanao iho oe o kekahi kino ia o’u. Aia iloko o ia pahu he pahi, o kekahi iwi poo ia o’u. O kau pahi ia, a o kou kokua h@i ma kau mau huakai hel@ a pau. Alaila, e lawe i ka pahu a malama a e hookomo i kuu pepeiao, k@@ ili a me kuu iwi kuamoo iloko, alaila e kali oe ma ia hope iho no umi la; a hala ia mau la e hele aku oe e nana i ka pahu, a e ike ana oe i kekahi mau mea kupanaha. I ka hala ana o keia mau la, o ka piha ana hoi @a o na makahiki he hookahi haneri, e hele aku oe e nana i ka pahu, a e ike no oe ua loli ae kuu kino a he kino ano e. E ike no oe i keia mau mea a pau ina e hooko pololei oe i keia mau kauoha a pau. O ke aloha no kou.

            O ko @ane@ wa no ia i puoho ae ai a ike iho la he moeuhane  Noonoo iho la oia i ke ano o keia moe me ka hai ole i kona mau makua, a kakali iho la o ka piha ae o na la he kanakolu.

            I kekahi la ua hele aku la oia e holoholo iloko o ka maia pua mahope iho o kona noi ana i kona mau makua, a iaia e hele holoholo nei a hiki ma kona wahi i hele mua ai, ike hou iho la oia i kekahi owili lauoho gula ua like loa ke ano me ka owili lauoho i loaa mua ai iaia, a hoihoi aku la no oia a huna e like me ka mea maa mau iaia. Aole no oia i hoohala i ka hele mau ana iloko o ka malapua, a malaila mau  mau oia e hoohala ai i kona manawa ma ka hoonanea ana.

            I ka piha ana o na la he kanakolu e like me ke kauoha a ka lio, o ko ianei wa ia i hele aku ai a ma kahi ana i kanu ai i ke kino o kona lio, hoomaka iho la e eli. Aole i liuliu keia eli ana ona, loaa aku la iaia kekahi pahu huinaha nani i kinohinohi ia me ke daimana. Lalau iho la oia a hoihoi aku la iloko o kona keena moe. Wehe ae la oia i ke pani a ike iho la i keia mea e waiho ana; lala@ iho la oia a ike iho he koloka nui, a e kau ana keia mau huaolelo penei:

            O ka mea e komo ana i keia koloka aole oia e ike ia e kekahi mea e. He koloka pouli keia. No keia mau olelo ua nui loa ia kona haohao, a no ia mea ua pane ae la oia: Laki maoli au.

            E haohao ana paha oe e ka mea heluhelu no keia ike kupaianaha i ka heluhelu, e hai aku ka mea kakau na kona makuakane ponoi no oia i ao, oiai o kona makuakane kekahi o na kanaka naauao ma Perusia, a o ke kupunakane o ka kakou koa oia kekahi o na kanaka waiwai o ia aupuni, a mamuli o ka make o kana wahine mua ua hele auwana aku oia a noho ma ke kulanakauhale o Farani, a mamuli o ka like o na helehelena o keia kaikamahine me na helehelena o kana wahine mua, ua mare iho la iho la oia, me ka ae ole o kona makuakane. Mai ka wa dala mai ko lakou noho ana i ke kulanakauhale a hiki i ka ilihune a kipaku ia i ke kuahiwi, a mai ia wa mai i ao mau ai ka makuakane i ka kakou koa ma na ike a pau, a ua kaena no hoi kona makuakane aole he keiki ma ke ao holoo@oa e hiki ke hoohoka i kana keiki.

            I ka ike ana o ka kakou koa i ke koloka pouli, a ua hopo iho hoi oia a paa i kona lima, ike hou iho la oia he mea hou iho no kekahi e waiho ana; lalau iho la oia a haki ae la, a hoomaopopo iho la he ohenana; heluhelu iho la oia i na huapalapala penei: O ka mea e nana ana maloko o keia ohenana, e ike no oia i na mea a pau o ka lani a me ka papaku o ka moana, a o kona @@a ka Ohe i Pa-Miliona ia ka Ike.   (Aole i pau.)

 

HOOLAHA KEENA KALAIAINA.

 

Keena Kalaiaina,nov. 10, 1888

            Ua hookohu ia ma keia la, o Mr. Thomas E. Evans, i Kakauolelo no ka Makeke o Lahaina, mokupuni o Maui.

            L.A. THURSON,

            2207-3t            Kuhina Kalaiaina.

 

Keena Kalaiaina, Nov. 12, 1888

            Ua hookohu ia ma keia la, o Hon.Jacob Hardy, i Komisina Palena Aina no ka Aha Hookolokolo Kaapuni Eha o keia Aupouni.

            L.A. THURSTON,

            2207-3t            Kuhina Kalaiaina.

 

Keena Kalaiaina, Nov. @, 1888.

            O Mr. F.S. Lyman, o Hilo, Hawaii, ma keia la, ua hookohu ia oia i Komisina Palena Aina no ka Apana Hookolokolo Kaapuni Ekolu o keia Aupuni.

            L.A. THURSTON,

            Kuhina Kalaiaina.

Novmaba 5, 1888.       2206-3t

 

KUDALA O NA LAIKINI AWA.

 

            E kuai kudala ia aku ana ma ke akea, i ka Poaha, Dekemaba 6, 1888, keia mau Laikini Awa malalo iho no ka manawa he hookahi makahiki, e hoomaka ana i Ianuari 1, 1889:

 

Oahu.

Honolulu..............3

Koolaupoko.........1

Waialua................1

Ewa & Waianae...1

Maui.

Lahaina................2

Wailuku................2

Makawao..............1

Hawaii.

Hilo......................2

North Kohala........1

Hamakua..............1

Kau.......................1

Kauai

Lihue.....................1

Hanalei..................1

Waimea.................1

            O ka laikini no ka mokupuni o Oahu, e kuai ia aku no ia ma ke alo iho o Aiiolani Hale, i ka hora 12 o ka la i hoike ia maluna.

            O na laikini no na mokupuni e ae, e kuai ia aku no ia ma ko lakou mau @ ana pakahi iho ma ia @a a me ka hora, ma kekahi wahi a ka Luna Makai Nui a o kona Hope paha e hooholo ai.

            Koho Kiekie—no ka apana o Honolulu, $500 no ka laikini hookahi; no Hilo, Wailuku me Lahaina, $300 o ka laikini hookahi; no na wahi e ae, $100 no ka laikini hookahi

            Ka Uku ana—He hookaa o 25 pakeneta i ka wa kuai o ke koha ana, a e lilo wale no kela hookaa ke uku ole ia ka huina o ka laikini i koho ia mahope iho o ka hala ana o na l@ he umi.

            L.A. THURSTON,

            Kuhina Kalaiaina.

Keena Kalaiaina, Nov. 7, 1888

 

AUHAU---1888

 

Hoolaha Luna Auhau

 

Apana o Honolulu Mokupuni o Oahu

 

            Ke hoolaha ia aku nei na poe a pau i ku i ka Auhau ma keia apana no keia makahiki, e uku ae i ka mea @@@@ ka inoa malalo iho nei ma kona keena. Helu 38 alanui Kalepa, Honolulu, ma ka la 1 o Novemaba, 1888. E hamama ana ke keena i na la @@a a pau, mai ka hora 8 kakahiaka a hora 5 ahiahi. O na poe e manao ana e uku i ko lakou mau auhau, e loaa no ka Luna Auhau ma kona keena i kela mau hora i hoike mua ia ae la.

            @ O na k@ena e uku ole ia mahope iho o ka la 1@ o Dekema@@ ae nei, he 10 keneta no ke dala @e kaulele a me ka uku o ka ohi ana.

            CHAS. T. GULICK,

            Luna Auhau, Apana o Honolulu.

Honolulu, Nov. 25, 1888.       2704-4@

 

HOOLAHA A KA LUNAHOOPONOPONO WAIWAI

            O ka poe a pau he mau koina ka lakou i ka Waiwai o Rev. A.O. FORBES, i make, ke hoi@eia aku nei ma keia hoolaha e waiho mai i ka mea nona ka inoa malalo iho, he Lunahooponopono Waiwai, iloko o na malama he eono mai keia la ak@ o hoole mau ia lakou.

            W.J. FORBES,

Lunahooponopono o ka Waiwai o Rev A.O. Forbes i make.

            Honolulu, Nov. 1, 1888.         2205-4@

 

HOOLAHA KUAI UPENA,

            Eia ma ko’u hale ma alanui Maunakea, ma ka Helu 13, e kuai aku ana au i na ano

UPENA LAWALA

o na ano a pau, ke kipa mai ma ko’u halekuai m@i ka helu 1, 2, 3, a me 4, o na ano a pau. E hele mai e na makamaka a ike no oukou.

            TONG ON KEE.

            Helu 13, Alanui Maunakea.    2205-@@

 

HOOLAHA HOU.

 

HOOLAHA A KA I UNA HOOKO KAUOHA.

 

            OIAI ua h@@iaha @a ma ke kanawai ka mea @ona ka @@@ malalo iho, i L@@@ Hooko Kauoha no ka Palapala Hoo@lina a Kauoha hope @ao a CHARLES @RENIG no Honolulu, Oahu, i make, ke kauoha ia aku nei ka poe a pau he mau k@@@a ko lakou ma ka waiwai o Charles @@enig nei i make. ina ua hoopaa ia ma ka moraki a ma kekahi ano e ae paha, e waiho mai i ka mea @@@ ka m@@ malalo iho, me ka hooiaio pon@ ia iloko o na malama eono mai keia ia aku. o hoo@e mau k@a ia aku.

            O ka poe a pau i @h@ i ka waiwai i oleloia e hookaa k@ke mai i ka mea nona ka inoa  malalo iho, ma kona Keena m@ Aliiolani Hale. Honolulu, Oahu.

            Hanaia Honolulu Nov. 1@, 1888.

            S.@. DOLE.

            Hooko Kauoha.

            2206-5t

 

AHA HOOKOLOKOLO KAAPUNI Apana Elua o ko Hawaii Pae Aina. Ma ka Hooponopono Waiwai  Ma ka hana o ka waiwai o CHAS. SYLVA, o Wailuku, i make.

            Ma ka heluhelu a me ka waiho ana mai o ka palapala noi a me ka papa hoike o Th@s. W. Everett, Luna Hooko Kauoha o ka waiwai o Chas. Sylva., no Wailuku, i make, e noi ana e apono ia na hoolilo he $10@0.0@. a e hoike ana o na mea i lo@a mai iaia, he $2388.50, a e noi ana e nana a apono ia kela mau mea, a e hauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.

            Ua kauoha ia o ka POAKAHI, ka la 17 o DEKEMABA, 1888, ma ka hora 10 o kakahiaka, imua o na Lunakanawai la. ma ke Keena ma ka Hale Hookolokolo ma Wailuku, oia kahi a me ka manawa i koho ia no ka hoolohe ana i @a noi la. a me na papa hoike i olelo ia, a o ka poe a pau i pili malaila e hele mai a e hoike i ke kumu, ma he kumu io ko lakou e ae ole ia ai @a noi la, a malaila e hoike mai ai na hoike o na mea i kuleana maloko o ka waiwai i olelo ia.

            Kakau @a ma Wailuku, ko Hawaii Pae Aina, i keia la 9 o Nov.M.H. 1888.

            GEO. E. RICHARDSON,

            Lunakanawai Kaapuni Apana Elua.

2207-3t

 

AHA HOOKOLOKOLO APANA EHA o ko Hawaii Pae Aina. Ma ka hooponopono waiwai. Ma ka waiwai o KILOUANO KUMAHAKAUA k, o Waimea, Kauai, i make. Imua o ka Lunakanawai Kaapuni, ma ke Keena.

            Ma ka heluhelu a me ka waiho ana mai o ka Palapala Noi a me ka Papa Hoike o David Kua, Lunahooponopono Waiwai o ka waiwai o Kilouano Kumahakaua, no Waimea, Kauai, i make, e hoi ana e apono ia na hoolilo he $57.50, a e hoike ana o na mea i loaa mai iaia he $697.50, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana @ia a me kona mau hope mai ko lakou noho ana ma ia ano.

            Ua kauohaia o ka POAONO, ka la 15 o DEKEMABA, M.H. 1888, ma ka hora 10 o kakahiaka, imua o na Lunakanawai la, ma ke Keena ma ka Hale Hookolokolo ma Koloa, oia kahi a me ka manawa i kohoia no ka hoolohe ana i ua noi la a me na papa hoike i olelo ia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ua noi la. A o keia kauoha e hoolahaia ma ka olelo Hawaii, e pai ia maloko o ke KUOKOA, he nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.

            Kakauia ma Koloa, ko Hawaii Pae Aina, i keia la 5 o Novema@@, M.H. 1888.

            JACOB HARDY,

            Lunakanawai Kaapuni Apana Eha.

2207-3t

 

HOOLAHA KUAI KUDALA MORAKI

 

MA KE KAUOHA A.C.R. BISHOP, J.@.Paty a me S.M. Damon e lawelawe oihana nei ma Honolulu malalo o ka inoa hui o C.R. Bishop & co. ka inoa o na Mea Moraki maloko o kekahi palapala moraki i hana ia ma ka la 12 o Iulai 1886, a i hoopa@ ia ma ke Keena Aina ma Honolulu, ma ka buke 106 ma na aoao 140-1-2, i hana la e Alfred, Wm. Jones, ua kauoha ia au e kuai kudala akea ma ka POAKOLU, ka la 5 o DEKEMABA, 1888, ma ka hora 12 o ia la ma ko’u keena kudala ma Honolulu.

            O kela mau apan@ aina a pau e waiho ia ma Lupeh@, Molokai, nona ka ili o 228 ek@, i hoike ia ma ka Palapala Sila. Nui Helu 1836 ia W.A. Jones.

            Pela pu kela mau apana aina e waiho la ma ke Ahupuaa o Pohakupili, Molokai, nona ka ili o @20 e@a, i hoike ia ma ka palapala Hoona Kuleana Helu 7762 ia Ka@inaualii.

            No na mea i Koe e nin@u ia

            J.F MORGAN,

            Luna Kudala.

            A i ole ia          J. MONSARRAT,

            Loio no na mea Moraki.

            2206-3t

 

HOOLAHA HOOKO MORAKI.

 

            Mamuli o kekahi mana kuai i hoike ia maloko o kekahi palapala moraki i hana ia @@waena o James Kea@ o ka aoao mua, a me Alex. J. Cartwright, Malama waiwai, o ka aoao elua, ma ka la 15 o Iulai, 1885, i kakau kope ia ma ka buke 97 aoao 223, a mamuli o ka @hai ia ana o na kumu aelike o kela moraki, oia ho@ ka hoo@a@ ole ana o ka uku panee, nolaila, ke hoolaha ia aku nei e ka mea nona ka aoao elua o na moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku ana na aina i hoike ia ma ia moraki no ke kudala aea, ma ke keena kudala o J. Morgan, ma Honolulu, ma ka la 3 o Dekemaba, 1888, hora 12 o ia la.

            Aia ma kahi o W.R Kakela na olelo hoakaka no ke@a mea.

            Hana ia i keia la 3 o Novemaba, 1888.

            ALEX. J. CARTWRIGHT,

            Mea Moraki Mai.

            Penei na aina i moraki ia:

            He pa hale nonoa ka ili he 17-100 eka ma ka aoao makai o ke alanui Alii ma Honolulu, ma Palama, m@ Ewa aku o Le@@o; o na hale maluna oia kahi i lilo @a Keau, ma ka palapala kuai o J.M. Kapena, buke 80, aoao 496.            220@-4t