Ka Nupepa Kuokoa, Volume XXVII, Number 46, 17 Nowemapa 1888 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

No ka Makahiki @@@@

No Eono Mahina @@@@

@UIKE KA @ULA.

 

Poaono, Novemaba 17, 1888

 

I NEHINEI, Novemaba 16, oia ka la hanau o ko kakou Lani Moi Kalakaua, ua malama ia ka la, he la kulaia aupuni. Ua hoohiwohiwa ae na moku o ke awa me ko lakou mau hae like, a he kipu aloha mai ka batari aku o Kakaako e like me ka mau.

 

KA HANA O KA HOOWAIWAI.

 

            He hookahi hana nui e hoolala ia nei, a e homaka ia aku ana iloko o na la pokole ke makaukau,--oia ke alahao mai Honolulu aku nei a Puuloa. E hoopokole ia aku ana keia ahalele loihi a kakou e hele mau nei ma ka aina a me ka wai, i ka wa e paa ai keia alahao a hamama i ka lehulehu, ua hiki ke hele ia na hora a pau o ka la i na apana o Ewa, a kipa ia na kauhale mai kahi wahi aku a kahi wahi me na uku auhau oluolu. Aole o keia wale ka nani a me ke kamahao a makou i iini ai, aka, o ka hoomahuahua ana aku ia i na oihana mahi o ka aina e pa-umi ia, e pa-kanalima ia, a e pa-haneri ia kona hoihoi i ko na makahiki i hala.

            Ma ke ano o ka waiho ana o ka aina, aohe paha he wahi papu a palalaha e ae ma kekahi mau mokupuni e like me Ewa. He kaikuono nui kona no na moku e komo ai, he ulia ole ke loaa ia lakou ma ia mau kapakai iloko o na kikina ino a puni ka makahiki. He oluolu maikai ka noho ana o ka aina, a he nui na apana aina waiho wale ma ia mau wahi i mahi ole ia, he mau mea kela e kono mai ana ia kakou a pau, aia ma ka apana o Ewa kekahi mau nani e walea ai i kona mau ea oluolu a me ka hoala i na hana mikiala o ka aina  He kanalua ole ko makou, e ku aku ana ma keia mua aku kekahi mau home he lehulehu wale, oiai, ua hamama ka ipuka e komo ai kakou i ka maka-ha ma ka lawe a ke alahao me na uku oluolu ma kela mau apana aina e luakaha ai o ke kuaaina.

 

KE KOHO PERESIDENA.

 

            I ka wa a ka mokumahu Australia i haalele aku ai i ke awa o Kapalakiko i ka Poalua i hala, eia hoi ka la koho no ka moho holo i ka noho Peresidena o Amerika, aia na aoao elua o ka Repubalika a me ka Damokarata e hakoko ana iluna o ke ana kiekie o ka pihoihoi nui a puni na kili eha o ka aina.

            E like @@ @@ @@@ @@@@@@@@@@@@@@ iho mai ana me ka lakou mau pono, he mea keia a he mea keia, o na kamailio maloko o na nupepa a ma na huina alanui, no ke koho balota wale no, a ua piha na pepeiao ma na wahi a pau me ia mau lono, oia no ka mea naa mau ma keia koho balota ana mai nei o Amerika.

            Ma ka auwina la Poaono, Nov. 3, ma ke kulanakauhale o Nu Ioka, ua puka ae ka aoao Repubalika non aka heluna o 75,000 kanaka ka nui a hookahakaha ma na alanui o ke kulanakauhale. Ma ia ahiahi no, ua puka ae ka aoao Damokarata a hookahakaha e like me kela heluna o ka aoao Repubalika.

            O ka moho Peresidena e puka ana, he puka poo wale no kona ma keia koho ana, e la aka aoao Repubalika e hooikaika nui nei e lilo ka lanakila ma ko lakou aoao. E haalele an aka moku pea W. G. Irwin ia Kapalakiko i ka la 9 o keia malama, a ina e hiki iaia ke holo iloko o 14 la mamua o ka mokumahu Alameda e ku mai ana i ka Poaha o keia pule ae, alaila, e lohe ana kakou i ka aoao i loaa ka lanakila no ka noho Peresidena.

 

KE KULANA O SAMOA.

 

            O na lono i loaa mai nei ma keia mokuahi e pili ana i ke kulana hooponopono aupuni o Samoa, he mau lono ano nui a me ka piha hauoli o na kanaka Samoa i ka hohe wale o Tamasese.

            O Mataafa, ka Moi hou ma ka inoa o Malietoa, ka mea nana ka olelo kaena o ka wiwo ole i na koa Geremania, e hookaawale koke aku lakou o pau i ka eha, eia oia ken oho mana nei ma na wahi i lawe pio ia mai. A o Tamasese, ua hoi loa aku oia no kuahiwi.

            Ua olelo ae na Germania i ke kumu o kea la ana mai nei o keia kaua ma Apia, no na Amerika ka hewa o ka haawi ana i na lako kaua i na kanaka Samoa i ka malama aku nei o Augate i hala.

            Mamuli o ka hiki ana ae o Adimarala Fairfax o na aumoku Beretania i Apia, ua hoemi ia ka pakaha nui ana o na Geremania. Ua kukala ae ua Adimarala Beritania la i kana kuahaua, aia ma kekahi aoao o ke kulanakauhale a me kekahi mau wahi o waho aku, he mau okana aina kukaawale lakou no ka hoopakele ana i na ola iloko o ka wa kaua.

 

KE KUHINA NOHO BERITANIA MA WASINETONA.

 

            Ma ka mokuahi Australia i loaa mai ai kekahi lono ano nui, ua ulu ae he kuee pili oihana aupuni ma Wasinetona i ke Kuhina Noho Beretania, no kona kakau ana i kekahi leta malu e pili ana i ke koho balota Peresidena mai nei ma Amerika. Ua hai ia aku keia lono ia Enelani ma o Haku Salisbury la, aole loa o Amerika e ike aku i ke@a Kuhina Beretania malalo o kana mau hana pi@i oihana no ia aupuni makamaka.

            Aole paha he wa i ike ia ka pioo nui e like me keia no ka holo moho Peresidena, mamuli o ka palapala a Sakevila, Kuhina Beretania, i kekahi kupua Beretania Amerika  Ua manao ke Kuhina Bayard e haalele wale ka noii a me ka huli ana i na manao o keia palapala, oiai ua kakau ia mawaho o ka let aka huaolelo,-he leta “malu.” I ka wa i lohe ai o Peresidena Kalivalana i keia, ua piena ae la oia no ko Kuhina Beritania hana ana pela iloko o ia mau la pihoihoi o ke koho balota ana.

            Ua kauoha ia aku ke Kuhina Phelps e ka Peresidena ma o Bayard la, e hai aku i ka Haku Salisbury o Enelani, mamuli o na mea i hana ia e kona Kuhina Noho, ua manao ka Peresidena he mea pono no na aoao a i elua ka noho maikai ma na launa pili makamaka ana, ma ka hoonoho ana ae i poo hou no ka Oihana Kuhina Noho Beritania ma ke kulanakauhale aupuni o Ssinetona.

            Ma ka la 27 o Okatoba, ua waiho aku ke kuhina Phelps i ka manao o ka Peresidena ia Haku Salisbury, ua noho oia ma Hatfield Hale a Oct. 30. Ma kekahi la ae ua noho ka Aha Kuhina kuikawa ma Wasinetona, a ua hai ae ke Kuhina Nui Bayard, ua kauoha ia oia e hai aku ia Haku Sailsbury o ka hoomau ana mai ia Kahu Sakavila ma kona ano he kuhina ma Amerika Huipuia, aole ia he mea maikai i ke Aupuni, a he mea no hoi e hookaulua ai i ka noho ana oluolu mawaena o na Aupuni a i elua. Ua waiho aku o Haku Sakevila no ka Manama, a e holo ana no Enelani, a o kona kakauolelo, Mea Hanohano Michael Henry Herbert, ua hookohe ia oia i Komisina Beritania ma Wasinetona. Ua kamailio wale ia ae e hookiekie ia ae ana oia ma ka hoonee aku no St. Petersburg a i ole i Kiaaina Kenela no Canada.

            E waiho mai ana o Haku Salisbury i keia la i na hoike e pili ana no keia hihia imua o ka Hale o na Haku. No ka ikaika loa o ka hoonee ana a na Demokalaka hiki ole ia Kalivalana ke kali i ko Haku Salis@@@@@@@@@@@@@@@@@@@@@@ keia hookele ana, a ua hoohaahaa maopopo aku oia i ka hanohano o Enelani. He nui ka hoinoino o na nupepa o Ladana ia Peresidena Kalivalana, o ke Standard ua hoopuka ae e haawiia aku ko Kuhina Phelps palapala ae holo.

 

KE KUMU O KA HEWA.

 

KOPE O KA LETA A KAHU SAKEVILA WEST.

 

            Eia iho malalo ke kope o ka leta a ke Kuhina Noho Beretania ma Wasinetona ke kumu nui nana i hoopiipii kai mai nei i na poo aupuni i keia kau holo moho no ka Peresidena.

 

BEVERLY, Mass.

12 Sepr, 1888.

 

Malu.

 

ALOHA:--Ua loaa mai kau leta o ka la 4 nei, a ke noi aku nei au owau pu kekahi iloko o kou kupilikii no kou pohihihi i ka haawi ana i kou balota. Ua ike no paha oe a kamaaina ina o kekahi hui hookele aupuni ua koakea ae i ko lakou manao aloha no ka aina makuahine, i keia wa e haule ana ko lakou kaulana, a ua maopopo i ka poe ia lakou ka mana aupuni i keia wa no kela mea. O kela poe nae, i ko’u manao, a oia no i keia wa, ke mau nei no ko lakou manao e hoomau aku i ka noho ana aloha me Beretania Nui, a ke mau nei no ko lakou manao e hooponopono i na manao kuee me Canada, aka, ua hookaulua ia mamuli o ka hana hou ia ana iho nei imua o ka Hale Senate a haule ma ka oi ana o ka poe Repubalika, a mamuli hoi o ko ka Peresidena manao au i hai mai nei. Nolaila, o na hana a pau no ke kulana hookele aupuni e pili ana no ka holo Peresidena no keia wa, e hoomaopopo ia no ia mau mea.

            He oiaio, oiai, he mea maopopo ole ke hai ae i ke ano o ke kahua a Peresidena Kalivalana e hana ai no kela kuee me Canada ke komo hou oia; aka, aia he manaolana, oiai oia e paa ana i ke k ulana ana i lawe ai, e hana ana no oia i kekahi hana makamaka e hoopau ai i keia kuee i komo ai ma kana Olelo-houna iloko o ka Aha Senate. Ke hookomo nei au he manao i pai ia iloko o ka nupepa “Ka Manaka,” Augate 22, o Nu Ioka.

 

            Owau iho no, ke ka oiaio,

            L.S. SAKEVILA WEST.

            Kuhina Beritania.

 

NOVEMABA.

 

KE KAU ANA O KA MAHINA.

 

3—Mahina hou……..1.30.9 P.M.

10—Hapaha mua…….5.44.2 P.M.

18—Mahina piha…….4.43 4 A.M.

26—Hapaha hope……6 48 9 P.M.

 

PUKA A ME KA NAPOO ANA O KA LA

 

Puka    Napoo

4—Sabati……….6.08.2         5.19.2

11—Sabati……..6.11 8          5.16 6

18—Sabati………6.16.7        5.14.2

25—Sabati……..6 21.3          5.13 3

 

KELA ME KEIA

 

            E nana ae i ko makou mau hoolaha e puka aku nei ma ka pepa o keia la.

 

            I keia Poalua ae e heo aku ai ka Mokukaua Swiftsure no Akupalako, a o ka Australia no ka Ipuka Gula.

 

            Eia mai o Lutanela Roge me ka Makai Kiu, a o Hapaikala hoi a me ke Koa o Kanahele no keia pule ae.

 

            Ua ku ae i ke awa o Nagasaki ka mokukaua Rukini Rynda, me ke Keiki Alii ke Duke Alekanedero o Rusia.

 

            Ua holo makaikai aku ke alii ka Moi i ka Mokukaua Beritania Lwehae Swiftsure i ke awakea Poakahi, a ua haawi ia mai na kipu aloha ana no kona hanohano.

 

            Ua huli hoi mai nei ka Bihopa o Honolulu a me Mrs. Willis, mahope iho o eono malama i Enelani mai Aperila mai o keia makahiki.

 

            Ma Kapalakiko, Oct. 31, ua hoohuiia ma ka berita mare, o Mr. F. M. Haki, kekahi o na loio kaulana o kakou, me Miss Alice Hawes, kaikamahine kolea a Col. A. J. Hawes, o Nu Ioka.

 

            Ua hiki mai nei o Mr. H. H. Simpson, kekahi o na hoa o ka hui kini popo e hiki mai ana i keia pule ae ma ka Alameda, no ka hoomaopopo i ko lakou haawi i kekahi ahalealea kini pono i Honolulu nei ke ku mai ka mokuahi.

 

            Ua hoopaa hou mai nei o Beach, ka moho hoe pukahi o kea o nei i waiho aku i ka hana no ka manawa, me Hanalana, ka moho mua loa, a i eo mai nei no ia Beach no ekolu manawa, e hoe hou laua no ka pili he $5,000 o ka aoao hookah, ma ka la 1 o keia Dekemaba ae, ma ke alawai o ka muliwai Paramata.

 

            Ma Hookena, Kona Hema, Hawaii, i ka la 7 nei, ua poino kekahi kanaka i ka lawaia me ka giana pauda, ua puhi ia kona lima akua a lele loa, a o ka lima hema ua okaoka liilii, ahem au nanaina o ka weliweli nui ke ike aku i kona mau helehelena.

            Wahi a na lono i lohe ia mai, aohe maopopo o ke ola o ua kanaka la.

 

NA LIMAHANA HOU.

 

                        Ma ke awakea Poalua, ua ku mai i keia aw aka mokuahi Tagasako Maru, he 12 la holo mai Honokaona mai, me 1,081 limahana Iapana me ke ola kino maikai. He poe keia in oho ma na apana kuaaina he 700 mile mai ke kulanakauhale o Iokohama, a ua lawelawe i na oihana pili mahiai o na ano a pau. Ma keia hoi ana aku a ua moku la, e lawe hou mai ana no oia i kekahi heluna limahana Iapana no keia awa i keia makahiki ae.

 

HE PEPEHI KANAKA.

 

            Ma ka Malululani mai o ka auwinala Poalua nei, ua lohe ia mai he pepehi kanaka ma Napoopoo, Kona Hema, Hawaii, i ke ahiahi o ka Poaono i hala. He elua mau Pake e noho pu ana maloko o kekahi wahi halepili e kokoke la i Kaawaloa, a ua ike ia ko laua hoapaapaa mau a hooulu hakaka i na wa a pau

            Aia kekahi Pukiki e noho ana ma kekahi hale okoa aku, ua ike mai la oia me kekahi kanaka okoa i kea hi e a ana i ka halepili o ka Pake, ua holo koke mai la lakou e haawi i kekahi kokua, aka, i ko lakou nei hiki ana aku, he hookah Pake e holoi ana i kekahi lole i paumaele i ke koko iloko o ka pakeke, a o kekahi Pake hoi e waiho ana iloko o ke ahi ua wela. Ua kii aku ke kanaka a huki mai la i kona kino, a ike ia iho la ua moku kona a-i a me kekahi puka nui ma kona aoao hema. Ua hopu ia ke kokoolua Pake e holoi ana, a lawe loa ia i ka Luna Makai ma Hookena, a ua manao wale ia, nana i lawelawe kela hana puuwai eleele.

            Ma ke awakea Sabati, ua noho ka Aha Koronelo, a eia na hoa:

            S. Kekumano, S. W. Kino, Kaeo, Kaelemakule, Makainaiea a me Z. Palikapuokeoua. A o ka lakou olelo Hooholo, ua make o Asini, Pake i kekahi mea a ua puhiia i kea hi. A ma ka Poalua e hookolokolo ia ai keia hihia.

           

Lela mai na Aina E

 

Ka Makaikai Honua

 

HELU V.

 

Mokumahu City of Chester.

 

            Sept. 28, 1888.

 

E ka NUPEPA KUOKOA—Aloha oe:

 

            I ka malama o Augate i hala, ua hoouna aku au ia oe i na mea h@u o Bremen, Geremania, a mahope mai o ia manawa, ua hele makaikai aku au i Farani, a huli hoi hou no Enelani a me kamoana Atelanika.

            Ma ke Sabati, Augate 26, ma Bremen, ua hele aku makou i ka pule, maloko o ka halepule kahiko i kukulu ia i ka makahiki 1300. He olelo Geremania ke poolelo i kela la, a nolaila, ua lohe ole aku la makou i ka haiolelo mai a ke kahunapule.

            I ka pau ana o ka pule, ua makaikai aku la makou i ka rumi o na kino make i hoomaloo ia. He rumi eehia keia no ke kanaka malihini ke ike aku i na kino make e waiho mai ana iloko o na pahu hamama, a ua ike maka au i ke kino o na Bihopa, na Keiki Alii a me na Moiwahine i waiho ia ilaila no elua a me eha haneri makahiki i hala ae nei. O na helehelena, ka lauoho a me na mikiao lima, oia mau no ia e like me ka wa ola. He mau holoholona manu kekahi i make a waiho ia iloko o keia rumi he hookah makahiki i hala ae nei, ke mau nei no ko lakou maikai.

            Ua kukulu ia keia kulanakauhale o Bremen ma ke kahua aina haahaa, a nolaila, ke hiki mai ka wa ino, ua hoolana pu ia ke kulanakauhale e ka wai. No keia pilikia mau, ua hana ia kekahi pa lepo manoanoa ma ka aoao o ka muliwai no ka hoopakele ana i ke kulanakauhale. He wahi holo kaa maikai keia o luna o ua pa lepo palalahala a me ka hele wawae.

            I kekahi la ae, ua kau aku la makou maluna o kekahi wahi mokuahi, a holo iloko o ka aina ma ka muliwai Rine no hookah haneri mile a oi, a ma ka hora 7 ahiahi, ua hiki aku la no Suek@lana. Oiai ma ke alahele muliwai, ua maalo ae mahope o makou he mau kakela a me na pakaua kahiko e ku ana no ko lakou mau paia ma na kahua kiekie o ka aina.

            O Suekalana, oia kahi mokuaina uuku loa o Europa, a o kahi aina maikai hookah keia a’u i ike ma ke ano o kona waiho poepoe ana mawaena o na kuahiwi. He mau lokowai kona eha, a e holo mau ana na mokuahi i na manawa a pau o ka la.

            @@@@@@@@@@@@ ua pii makaikai aku makou no ke awawa o Chamonix, nona ke kiekie o 4,000 kapuai maluna o ka ilikai, a mawaena hoi o na kuahiwi o Mauna Blanc, nona ke kiekio o 14,000 kapuai. He kuahiwi keia i uhi paa ia kona piko e ka hau a puni ka makahiki, a ua pinanan aku makou me na laau loa me ke kui ma kahi aoao no ka hoopakele o hina ilalo.

            He elua la o makou i keia awawa, ua holo aku makou no kahi kauhale o Geneva, a mai laila aku no Parisa, ke kulanakauhale o Farani.

            O Parisa, oia ke kulanakauhale kaulana loa o Europa ma ka haaheo, a he olelo maa mau iwaena o na wahine, o na paikini o ke ano hou, mai Parisa mai no ia. Aole e ike kekahi poe makaikai i na kihi eha o Europa, aia no a kipa i Parisa, alaila ua ike, a no ia mau olelo a me ia kaulana, ua nui na poe makaikai i kipa aku mai na wahi e ae a puni ke ao nei.

            He nui na kinohinohi a’u e hai aku ia oe no keia kulanakauhale, aka, ua waiho iki au a kekahi leta hou aku. O na malihini a pau e kipa ana i Parisa nei, e waiho mua ana oe i na mana makai o ke aupuni i kou inoa, kau hana, na makihiki, e hele ana ihea, kou wahi e noho ai a pela aku, no ka pono o ka oihana makai keia hana ia ana pela, oiai iloko o na la a pau, aia he mau pepehi kanaka a me kekahi mau poino e ae, a o ka wa ia a na makai e huli ai i na poe haihai kanawai me ke kokua ana a kela mau papa inoa.

            Augate 14, ua haalele makou ia Parisa no Ladana, a mai laila aku no Livapulu, a halawai me T. H. Davies a me kona ohana, a he maikai ko lakou mau ola. Augate 19, haalele i keia kulanakauhale ma ka mokuahi City of Chester no ka moana Atelanika.

 

            Me ke aloha nui,

            A. F. C.

 

KA INO MA HANALEI KAUAI.

 

            Ma ka mokuahi Waialeale i lohe ia mai ai, ua makaikai ae kekahi ino nui ma ka apana o Hanalei, Kauai, i ka Poakahi o kela pule mua aku nei. O ka hekili me ka uwila, i ukali pu ia e ka ua, ua iho makawalu mai la ia a uhi pu ia kekahi mau aina e ka wai, a o kekahi ha@le ma ka inoa o Mr. R. Gerke, ua hoopoino ia he eono eka kulina, na kumu maia a me 107 puaa, ua pau loa i ka lilo i ka wai a pakele mahunehune kona ola mai poino. Ua loihi loa ae nei na la o ka ike koke ole ia ana o ka ino ma ia mau wahi.

 

ME KE KAUOHA.

 

HOOLAHA KEENA KALAIAINA.

 

            Keena Kalaiaina, Nov. 10, 1888.

            Ua hookohu ia ma keia la, o Mr. Thomas E. Evans, i Kakauolelo no ka Makekek o Lahaina, mokupuni o Maui.

 

L. A. THURSTON,

2207-31 Kuhina Kalaiaina.

 

            Keena Kalaiaina, Nov. 12, 1888.

            Ua hookohu ia ma keia la, o Hon. Iacob Hardy, i Komisina Palena Aina no ka Aha Hookolokolo Kaapuni Eha o keia Aupuni.

 

L. A. THURSTON,

2207-31 Kuhina Kalaiaina.

 

            Keena Kalaiaina, Nov. 5, 1888.

            O Mr. F. S. Lyman, o Hilo, Hawaii, ma keia la, ua hookohu ia oia i Komisina Palena Aina no ka Apana Hookolokolo Kaapuni Ekolu o keia Aupuni.

 

L. A. THURSTON,

Kuhina Kalaiaina.

 

Novmaba 5, 1888.  2206-3t

 

KUDALA O NA LAIKINI AWA.

 

            E kuai kudala ia aku ana ma ke akea, i ka Poaha, Dekemaba 6, 1888, keia mau Laikini Awa malalo iho no ka manawa he hookah makahiki, e hoomaka ana i Ianuari 1, 1889:

 

Oahu.

 

Honolulu……..3        

Koolaupoko….1

Waialua…….1

Ewa & Waianae.1

 

Maui.

 

Lahaina…….2

Wailuku………2

Makawao……1

 

Hawaii.

 

Hilo……….2

North Kohala…1

Hamakua…….1

Kau………..1

 

Kauai

 

Lihue……….1

Hanalei………1

Waimea……..1

 

            O ka laikini no ka mokupuni o Oahu, e kuai ia aku no ia ma kea lo iho o Aliiolani Hale, i ka hora 12 o ka la i hoike ia maluna.

            O na laikini no na mokupuni e ae, e kuai ia aku no ia ma ko lakou mau p ana pakahi iho ma ia la a me ka hora, ma kekahi wahi a ka Luna Makai Nui a o kona Hope paha e hooholo ai.

            Koho Kiekie—no ka apana o Honolulu $500 no ka laikini hookah: no Hilo, Wailuku me Lahaina, $200 o ka laikini hookah; no na wahi e ae, $100 no ka laikini hookah

            Ka Uku ana—He hookaa o 25 pakeneta i ka wa kuai o ke koho ana, a e lilo wale no kela hookaa ke uku ole ia ka huina o ka laikini i koho ia nahope iho o ka hala ana o na la he umi.

 

L. A. THURSTON,

Kuhina Kalaiaina.

 

Keena Kalaiaina, Nov. 7, 1888.

 

HOOLAHA O KA AHA KIEKIE.

 

AHA HOOKOLOKOLO KIEKIE O ko Hawaii Pae Aina. Ma ka hooponopono waiwai. Ma ka hana o ka waiwai o KANUAI (w) o Halawa, Ewa, Oahu, i make @@@@@@@@@@@@ ia ana mai o ka palapala noi a Mele Kaaimanu, ke kaikamahine a ka mea i make, e hoike ana ua make kauoha ole o Kanuai ma Halawa i oleloia, a e noi ana e hoopuka ia ka Palapala Hookohu Lunahooponopono Waiwai ia F. Wundenburg.

            Ua kauoha ia, o ka POAONO, ka la 1 o DEKEMABA, 1888, ma ka hora 10 kakahiaka, oia ka manawa i kohoia no ka hoolohe ana i ua noi la, ma ka Hale Hookolokolo ma Aliiolani Hale, Honolulu, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la.

            Kakauia ma Honolulu, Nov. 15, 1888.

            HENRY SMITH,

2207-3! Hope Kakauolelo.

 

HOOLAHA HOU

 

AHA HOOKOLOKOLO KAAPUNI A, ana Elua, o ko Hawaii pae Aina, ma ka Hooponopono Waiwai. Ma ka hana o ke Kahu Malama Waiwai a me ke kino o na kaiki oo ole a E. BAKER.

            Ma ka heluhelu a me ka waiho ia ana mai o ka Palapala Noi a Chas. Copp, he mea pili i na keiki oo ole, e hoike ana ua mai lolo ia o E. Bake ko lakou makuakane, a nolaila, ua hiki ole ke malama i na keiki oo ole, a e noi ana e hoopuka ia ka Palapala Hookohu Kahu Malama i ka Waiwai a me na kino o Louisa Baker, Mary Baker a me Chas. Baker is Chas. Copp.

            Ua kauohaia, o ka POAHA, ka la 20 o DEKEMABA, M. H. 1888, ma ka hora 10 A. M., oia ka manawa i koho ia no ka hoolohe ana i ua noi la imua o ua Lunakanawai la ma kona keena, ma ka Hale Hookolokolo ma Kamawao, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina ke humu oiaio ko lakou, e ae ole ia ai ua noi la. A o keia kauoha e hoolahaia ma ka olelo Hawaii i ekolu pule maloko o ke Kuokoa, Nupepa ma Honolulu.

            Kakauia ma Wailuku, Ko Hawaii Pae Aina, Okatoa 15, M. H. 1888.

            GEO. E. RICHARDSON,

            Lunakanawai Kaapuni Apana Elua.

2207-3t

 

AHA HOOKOLOKOLO  KAAPUNI Apana Elua o ko Hawaii Pae Aina, ma ka Hoopoopono Waiawai. Ma ka hana o ka waiwai o RUSSELL NEWTON, o Lahaina, Maui, i make,

            Ma ka heluhelu a me ka waiho ana mai o ka Palapala Noi a me ka Papa Hoike o H. G. Treadway, Lana Hooponopono o ka waiwai o Russell Newton, no lahaina, i make, e noi ana e apono ia na hoolilo he $498,24, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia nao.

            Ua Kauoha ia, o ka POAKAHI, oia ka la 17 o Dekemaba, M. H. 1888, ma ka hora 10 A. M., imua o ua Lunakanawai la, ma ke Keena ma ka Hale Hookolokolo ma Wailuku oia kahi a me ka manawa i koho ia no ka hoolohe ana i ua noi la, a me na papa hoike i olelo ia, a o ka poe a pau i pili malaila, e hele mai a e hoike i ke kumu, ina he humu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia.

            Kakauia ma Wailuku, ko Hawaii Pae Anina, i keia la 9 o Nov. M. H. 1888.

GEO. E. RICHARDSON,

            Lanakanawai Kaapuni Apana Elua.

2207-3t

 

HOOLAHA HUI.

 

            Ma keia la, ua hoohui ae nei na mea nona na inoa malalo nei, malalo o ka inoa hui o FISHER & CO., no ka Hana Kaa Halihali Ukana ma ke kulanakauhale o Honolulu.

 

            W. H. CUMMINGS,

            CHAS. FISHER.

Honolulu, Oct. 29, 1888. 2205-3t

 

HOOLAHA HOU.

 

HOOLAHA A KA LUNA HOOKO KAUOHA.

 

            OIAI ua hoolaha ia ma ke kanawai ka mea non aka inoa malalo iho, i Luna Hooko Kauoha no ka Palapala Hooilina a Kauoha hope @@@ a CHARLES BRENIG no Honolulu, Oahu, i make, ke kauoha i aaku nei ka poe a pau he mau koina ko lakou ma ka waiwai o Charles Brenig nei i make, ina ua hoopaa ia ma ka mo@aki a ma kekahi ano e ae paha, e waiho mai i ka mea non aka inoa malalo iho, me ka hooiaio pono i ailoko o na malama eono mai keia la aku, o hoole mau loa ia aku.

            O ka poe a pau i aie i ka waiwai i oleloia e hookaa koke mai i ka mea non aka inoa malalo iho, ma kona Keena ma Aliiolani Hale, Honolulu, Oahu.

 

Hanaia Honolulu Nov. 10, 1888.

 

S. B. DOLE,

Hooko Kauoha,

2200-5t

AHA HOOKOLOKOLO KAAPUNI Apana Elua o ko Hawaii Pae Aina. Ma ka Hooponopono Waiwai Ma ka hana o ka waiwai o CHAS. SYLVA, o Wailuku, i make,

            Ma ka heluhelu a me ka waiho ana mai o ka palapala noi a me ka papa hoike o Thos. W. Everett, Luna Hooko Kauoha o ka waiwai o Chas. Sylva, no Wailuku, i make, e noi ana e apono ia na hoolilo he $1616.04, a e hoike ana o na mea i loaa mai iaia, he $2388.50, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.

            Ua kauoha ia o ka POAKAHI, ka la 17 o DEKEMABA, 1888, ma ka hora 10 o kakahiaka, imua o ua Lunakanawai la, ma ke Keena ma ka Hale Hoolokoloko ma Wailuku, oia kahi a me ka manawa i koho ia no ka hoolohe ana i ua noi la, a me na papa hoike i olelo ia, a o ka poe a pau i pili malaila e hele mai a e hoike i ke kumu, ina he humu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia.

            Kakau ia ma Wailuku, ko Hawaii pae Aina, i keia la 9 o Nov., M. H. 1888.

GEO. E. RICHARDSON,

            Lunakanawai Kaapuni Apana Elua.

2207-3t

 

AHA HOOKOLOKOLO APANA EHA o ko Hawaii Pae Aina. Ma ka hooponopono waiwai. Ma ka waiwai o KILOUANO KUMAHAKAUA k, o Waimea, Kauai, i make. Imua o ka Lunakanawai Kaapuni, ma ke Keena.

            Ma ka heluhelu a me ka waiho ana mai o ka Palapala Noi a me ka Papa Hoike o David Kua, Lunahooponopono Waiwai o ka waiwai o Kilouano Kumahakaua, no Waimea, Kauai, i make, e noi ana e apono ia na hoolilo he $57.50, a e hoike ana o na mea i loaa mai iaia he $697.50, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.

            Ua kauohaia o ka POAONO, ka la 15 o DEKEMABA, M. H. 1888, ma ka hora 10 o kakahiaka, imua o ua Lunakanawai la, ma ke keena ma ka Hale Hookolokolo ma Koloa, oia kahi a me ka manawa i kohoia no ka hoolohe ana i ua noi la a me na papa hoike i olelo ia, a o ka poe a pau i pili malaila e hele mai a e hoike i ke kumu, ina he kuumu io ko lakou, e ae ole ia ua noi la. A o keia kauoha e hoolahaia ma ka olelo Hawaii, e pai ia maloko o ke KUOKOa, he nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.

            Kakauia ma Koloa, ko Hawaii Pae Aina, i keia la 5 o Novemaba, M. H. 1999.

            JACOB HARDY,

Lunakanawai Kaapuni Apana Eha.

 

HOOLAHA KUAI KUDALA MORAKI.

 

MA KE KAUOHA A C. R. BISHOP, J. H. Paty a me S. M. Damon e lawelawe oihana nei na Honolulu malalo o ka inoa hui o C. R. Bishop & Co, ka inoa o na Mea Moraki maloko o kekahi palapala moaki i hana ia ma ka ia 12 o Iulai 1886, a i hoopaa ia ma ke Keena Aina ma Honolulu, ma ka buke 106 ma na aoao 140-1-2, i hana ia e Alfred, Wm. Jones, ua kauoha ia au e kuai kudala akea ma ka POAKOLU, ka la 5 o DEKEMABA, 1888, ma ka hora 12 o ia la ma ko’u keena kudala ma Honolulu.

            O kela mau apana aina a pau e waiho la ma Lupehu, Molokai, non aka ili o 228 eka, i hoike ia ma ka Palapala Sila Nui Helu 1839 ia W. A. Jones.

            Pela pu kela mau apana aina e waiho la ma ke Ahupuaa o Pohakupili, Molokai, non aka ili o 220 eka, i hoike ia ma ka palapala Hoona Kuleana Helu 7762 ia Kaninaualii.

            No na mea i Koe e niniau ia

            J. F. MORGAN,

            Luna Kudala.

A i ole ia J. MONSARRAT,

Loio no na mea Moraki,

2206-3t

 

HOOLAHA HOOKO MORIAKA.

 

Mamuli o kekahi mana kuai i hoike ia maloko o kekahi palapala moraki i hana ia mawaena o James Keau o ka aoao mua, a me Alex. J. Carwright, Malama waiwai, o ka aoao elua, ma ka la 15 o Iulai, 1885, i kaka kope ia ma ka buke 97 aoao 223, a mamuli o ka uhai ia ana o na kumu aelike o kela moraki, oia hoi ka hookaa ole ana o ka uku pane, nolaila, ke hoolaha ia aku nei e ka mea non aka aoao elua o ua moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku ana na aina i hoike ia ma ia moraki no ke kudala ana, ma ke keena kudala o J. Morgan, ma Honolulu, ma ka la 3 o Dekemaba, 1888, hora 12 o ia la.

            Aia ma kahi o W. R. Kakela na olelo hoakaka no keia mea.

            Hana ia i keia la 3 o Novemaba, 1888.

            ALEX J. CARTWRIGHT,

            Mea Moraki Mai.

Penei na aina i moraki ia:

 

He pa hale non aka ili he 17-1000 eka ma ka aoao makai o ke alanui Alii ma Honolulu, ma Palama, ma Ewa aku o Leleo; o na hale maluna oia kahi i lilo ia Keau ma ka palapala kuai o J. M. Kapena, buke 80, aoao 498.  2205-4t

 

OLELO HOOLAHA AINA KUAI.

 

            E ike a@anei na kanaka a pau loa, owau o ka mea non aka inoa malalo iho nei, ke hoolaha aku nei au i kuu aina, ua makemake au e kuai lilo aku i kuu aina oia hoi ka aina o Coming, ma Napoopoo, Kona Hema, Hawaii. He aina maikai keia mai kai a uka, ua hoopuni ia i na pa pohaku. He aina maikai no ka mahiko a me ka hanai holoholona, ke hua nei na alani me ke kope a me ka hala kahiki. He eha punawai, hookah he 1,500 palela wai, a he hookah he 500. O na punawai keia i hana ia e Kapena no na moku okohola. He oia mau ko lakou piha i ka wai i na wa a pau. Ekolu hale laau, hookah pa hale, hookah hale laau kupono no ka oihana kalepa waiwai, o keia mau hale eia i ka awa pae o Napoopoo, Kona Hema. He pa hale maikai nona ke awa pae. Eia ke kumu kuai o ka aina: $8,000. Hookahi hale laau hookah pa aole e lilo ma keia kuai nui ana.

 

L. LOTA

Napoopoo, Kona Hema

2201-@@

 

HOOLAHA HOU

 

HE NU HOU

 

Heaha ia?

 

Ka Hoolaha a C. W. Spit@

 

Aia mahea kahi i kau ai?

 

Ka i no hoi aia i Nawiliwili i ka m@@@ kupuni kaili La—Auweheh@n@

 

No 20 Wale no L@@@

 

            E hue pau ia aku ai o na waiwai @@@@@@@@ ano a pau, papale, kamaa, na lole @@@@@ kekahi mau kinohinohi e ae

            He iini nui ko Mr. C. W. S@@@@@@@@@@ Nawiliwli, e kipa mai ana @@@@@@@@@ keia hoopakika malalo o ke ku@@@@@@@@@@ oiai ua makemake ia ka hoakea ae@@@@@@@ na waiwai hou e hiki mai ana. @@@@@@ Ano ka manawa no ke kuai@@@@@@@ 2207-3t

 

HOOLAHA LUNA H@@@@@@@ PONO WAIWAI

 

            E ike auanei na poe a paa, o W@@@@@@@@@ o Kohala, Hawaii, i make, e @@@@@@@@@@ i ko lakou mau bila i h@@@@@@@@@ na mea a pau iloko o na ma@@@@@@@ keia la aku. JAMES W@@@@@

Lunahooponopono @@@@@@@@

Kohala, Okt. 27, 1888.  22@@@@

 

MEA HANA LO@E

 

            Ua wehe ae nei o Mrs. M @@@ CAMPBELL i ka oihana hana a me @@@@@ ka helehele ana i na lole ma @@@@@@@@ noho ma ka helu 73 alanui @@@@@ ma kekahi aoao o ka Hotele @@@@@ kokua ana mai na lede maka@@@@@@@@@ mai ka mea i makemake mai ia @@@@@ loaa no auanei ke ku pono o ka le@@@@@ like me ka iini. 2203-@@

 

OLELO HOOLAHA

 

E IKE auanei na kanaka a @@@@@@@@@@ mai i keia hoolaha. O maua H. W. @@@@@ awe a me J. William, Kaanaana@@@@@@@@@kea, Kohala Akau, Hawaii, ma ka @@@@@@@@@@ palapala kuai hooilo loa a J. W. Ku@@@@@@@@@ makua e ola nei, kane mare a Ka@@@@@@@Kaanaana i make oia wahi hookah @@@@@@@@@ maluna. Ua hana o J. W. Kaanaana@@@@@@@ ia i palapala kuai hoolilo ma @@@@@@@@@@ ma ka la 28 o Iulai. A @@@@@@@@@@@ apana aina e 1, 2, e waiho nei ma @@@@@@@@@ hoike ia maluna, oia na apana @@@@@@@@@@ pela i kuai hoolilo loa ai ia A @@@@@@@@@@ ka la 22 o Sepatemaba, A. @@@@@@@@@ la 20 o Ianuari, A. D. 1883, i @@@@@@@@@ ko o na Buke Aupuni, I keia @@@@@@@@ mai hoi e A. Caeron, ma ka @@@@@@@@@@@na Kaanaana i make me J. W. Ka@@@@@@@@@ ola nei.

            A malalo oia mana kuai a J. W. Kaanaana i hana ai ma ko maua inoa, nolaila, ke@@@@@ hookapu loa aku nei maua i kanaka a pa@@@@@ o kela a me keia ano, aole kulena e @@@@@ maluna o ua mau apana aina ala@@@@@@@@@@ i kekahi mea, aole nohoi e wawahi@@@@@ hoopuni ana, aole nohoi e wehe i ka @@@@@ ka hale a komo iloko, Ua Kapu loa. Ua kapu pu nohoi me ha holoholona @@@@@@@ keia ano, aole e hookomo wale maloko @@@@@ pa aina ala, me ko maua ae ole aku. @@@@@ ka mea a mau mea paha e haihai ana @@@@@na o keia hoolaha mahope iho o ka @@@@@@@ maloko o ka kakou Nupena Kuokoa @@@ hoopii o maua malalo o ko kakou mau kanawai.

 

            Me ka Oiaio,

 

H. W. KEAWE

J. WILLIAM KAANAANA @@@@

North Kohala, Nov. 1 1888. 220@@@@

 

HOOLAHA HOOKO MORAKA

 

            Mamuli o kekahi mana kuai i @@@@@@@@ loko o kekahi palapala moraki i @@@@@@@@ ma waena o Kaena (k) o Waihee, Maui, @@@@@ aoao mua, a me R. Maka o ka aoao olua, @@ ka la 27 o Aperila, 1885, i kakau @@@@@@@ ka buke 93, aoao 228, a mamuli@@@@@@@@@@ ana o na kumu aelike o kela m@@@@@@@@@@@ ka hookaa ole ia o ka ukupanee, @@@@@@@@@@@ hoolaha ia aku nei e ka mea nona @@@@@@@ elua o ua moraki nei, e hooko ana @@@@@@@@@@ mana kuai.

            A ke hoolaha hou ia aku nei, @@@@@@@@@@ aku o na puke ekolu mai keia la aku, @@@@@@@ hoolaha ia aku na aina i hoike ia @@@@@@@ raki no ke kudala ana, ma ke keena @@@@@@@ Jas. F. Morgan, ma Honolulu, ma @@@@@@@@ Dekemaba, 1888, hora 12 o ia la.

            Aia ma kahi o W. R. Kakela na @@@@@@@@@kaka no keia mea.

            Hana ia i keia la 3 o Novemaba, 1888.

 

            R. MAKA

            Mea @@@@@@@@@

 

Penei na aina i moraki ia:

He aina kalo maikai ma Haihee, Maui@@@ hoomaopopo ia penei:

            1 He kuleana hapalua i mahele @@@@@@@@@ o ka aina ma ka Palapal Sila nui @@@@@@@@ ia Laupahulu a he hale noho maikai @@@@@@@ iho no ka mea moraki, non aka @@@@@@@@ o ka eka.

            2 He kuleana hapalua i mahele @@@@@@@@@@ o ka aina i hookaka ia ma ka Palapala Sila nui helu 5103 ia Mahi, nona ha ili he 3 eka a me 83-100 o ka eka. 22@5@4

 

OLELO HOOLAHA NO KA O LIMA.

 

            E ike auanei na mea a pau, ua maka@@@@ ka Papa Ola e haawi i ka @ @@ma ana @@@@@ uku ole i na mea a pau i o ole ia, a k@ kaa @@ ia aku nei na makua a mea paha e paa ana e ke keiki e like me ia i kuhikuhi ia e na @@@@@ 311 a me 312 o ke Kanawai Kivila, e @@@@ mai ma ka Hale Haawi Laau o ka Papa @@@@ ma Kapamoo, ma ALanui Hotele, ma @@@@@@ hana o ke Kauka AUpuni i hai ia malalo @@@ nei:

 

Hora Hana Mai ka hora 8 a “” 10 kakahiaka.

N. B. Emerson,

Pelekikena o ka Papa Ola. @@@@@@

 

HOOLAHA HOOKO MORAKI.

 

            Mamuli o kekahi mana kuai i hoike ia ma loko o kekahi palapala moraki, i hana ia ma waena o Henry Hiki o Honolulu, m@@@@@@@ o Oahu, o ka aoao mua, a me Robert Grieve, o ia wahi o ka aoao elua, ma ka la 2 o Maraki, 1887, i kakau kope ia ma ka buke 104, aoao 83, a mamuli o ka uhai ia ana o na kumu aelike o kela moraki, oia hoi no ka hookaa ole ia o ka ukupanee, nolaila, ke hoolaha ia aku nei e ka mea non aka aoao elua o ua moraki nei, e hooko ana oia i amana kuai.

            A ke hoolaha hou ia aku nei, aia mahope aku o na pule ekolu mai keia la aku, ilaila, e hoolaha ia aku ana na aina i hoike ia a@n ia moraki no ke kudala ana, ma ke keena kudala o Jas. F. Morgan, ma Honolulu, ma ka la 3 o Dekemaba, 1888, hora 12 o ia la.

            Aia ma kahi o W. R. Kakela na olelo hoakaka no keia mea.

            Hana ia i keia la 3 o Novemaba, 1888.

 

ROBERT GRIEVE.

Mea Moraki mai.

 

            Penei na aina i moraki ia:

            O kela mahele aina ma Hauula, Koolauloa, Oahu, i hoakaka ia ma ka Palapala Sila Nui Helo 1312, Kuleana Helu, 3700 is Mokulama non aka ili o 13 eka, a oia no kahi i haawi ia aku ma kekahi palapala ia Henry Hiki i olelo ia e S. W. Hiki, i kakau ia ma ka la 22 o Ianuari, 1887, a i kope ia ma ka buke 105, aoao 6.

 

2205-4t