Ka Nupepa Kuokoa, Volume XXVII, Number 45, 10 November 1888 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

mau mahe'e e koho ia a hana no elua makahiki, hookahi hapakolu no eha makahiki, a hookahi hapakolu no eono makahiki. Ma kela a me keia koho baltoa nui ana mahopa iho o ke koho ana ka makahiki 1890, he hookahi hapakolu o na Alii i koho ia no kela a me keia o na mahele e koho ia a hoopiha i ka hakahaka i loaa mamuli o ka pau ana o ka manawa o ka hapakolu mamua iho. I ke koho ana no na Alii i kela a me keia o na mahele i olelo ia, e kau ia no ka inao o ma moho no kela a me keia mahele i olelo ia, maluna o kekahi balota hookahi, a e koho is ma kekahi o na wahi koho o ka mahele, me ka nana ole i na apana koho non na Lunamakaainana.

 

NO KE KUPONO O NA ALII

 

Pauku 11. O kela a me keia kane o ke Aupuni i kiki aku kona makahiki i ka iwakumaluakumalima; ua noho ma keia Aupuni no aole e emi malalo o ekolu makahiki; nona ka waiwai i kupono i ka auhau ia i emi ole iho ka waiwai @malolo o ekolu tausani dals maluna ae o na hihia a pau. @ i ole ia, ua loaa ia ia mai kekahi hana i ku i ke Kanawai a mai kekahi waiwai mai paha nona ka loaa makahiki @emi ole malalo o eono haneri dala, ua kupono oia e koho ia i Alii.

 

NO NA LUNAMAKAAINANA

 

Pauku 12. He iwakaluakumaha Lunamakainana no ke Aupuni i koho ia mai na apana mahope iho nei. he hookahi no kela a me keia apana. E mahele ia a ma keia ke mahele ia nei ke Aupuni i iwakumaluakumaha apana koho baltoa a e hoakaka ia ua mau apana nei ma @a pauku mahope iho nei.

 

NA APANA KOHO BALTOA

 

Paku 13. Ma ka Mokupuni o Oahu he ewalu apana, a penei na hoakaka ana a me na palena:

 

Apana Ekahi: O kela wahi a pau o ka apana hookolokolo a auhau o Honolulu, a o Kona paha, e waiho ana ma ka hema-hiikina i ka laina mai ka piko a oioina paha o ka lalani mauna o Konahuanui maluna o ka lapa e hookaawale ana i na awaawa o Manoa a me Makiki mai na awaawa o Nuuanu a me Pauoa, a mawaena aku o ka lua a kipoho paha o ka puu i kapa ia o Puowaina a hiki i ha pahu hae ma kahi kahiko o na pu ki-aloha, mai laila pololei aku a ka huina o Alanui Alapai a hiki i Alanui Moi, mawaena aku o Alanui Moi a hiki i Alanui Hema, mawaena aku o Alanui Hema a hiki i ke kahi.

 

Apana Elua: O kela wahi a pau loa o Honolulu, a o Kona, i olelo ia, ma ka akau o ka apena ekahi a maloko o kekahi laina mai ka pahu hae ma kahi kipu aloha ma Puowaina a hiki i ka huina o na Alanui Ema me Kula, mawaena o Alanui Kula a hiki i Alanui Papu, mawaena, Alanui Papu a hiki i Alanui Beritania, mawaena o Alanui Beritania a hiki i ke kahawai o Nuuanu, ma ka @wapo Kamika, alaila, mauka mawaena o ke kahawai a hiki i ke Alanui Kula, ma mawena o Alanui Kula a hiki i ke ALanui Liliha, mawaena o Alanui Kula a hiki i ke Alanui Kauka, mawaena o Alanui Kauka a hiki iluna o ka lapa ma ka aoao akau-komohana o ke awawa o Nuunau, a me a iapa a hiki iluna o ka piko i kapaia o Lanihuli ma ke kuahiwi o Konahuanui.

 

Apana Ekolu: O kela wahi a pau o Honolulu, a o Kona, i olelo ia, e pili ana me na apana ekahi me elua, a malalo hoi i kekahi laina mai ke kihih o ke Alanui Papu me Beritani, a mawaena o na Alanui Beritania a hiki i Alanui Liekke, mawaena o Alanui Likeke a hiki i ke kai a i kau pale ia makai e ka lihi kai.

 

Apana Eha: O kela wahi a pau o ka apana o Honolulu, a o Kona, i olelo ia, e waiho ana me ke komohana o ka apana elua a me ekolu, a maloko o ka laina mai ke kihi o Alanui Alii, mawaena o Alanui Alii a hiki i ka @uwapo ma ka kahawai o Nuuanu, a kaupale ia makai e ka @ihi kai.

 

Apana Elima: O kahhi i koe a pau o Honolulu, a o Kona, e waiho ana ma ka akau a me ke komohana o na apana elua a me eha.

 

Apana Eono: O ka apana hookolokolo a auhau o Koolaupoko, e kapaia ka Apana o Koolau.

 

Apana Ehiku: O na apana hookolokolo a auhau o Kaoolauloa me Waialua, e kapaia ka Apana o Waialua.

 

Apana Ewalu: O na apana hookolokolo a auhau o Ewa a me Waianae, e kapaia ka apana o Ewa.

 

Pauku 14. Ma ka mokupuni o Maui, Molokai a me Lanai, he eono. Penei na apana:

 

Ekahi: O ka Mokupuni o Molokai e kapa ia o ka Apana o Molokai.

 

Elua: O na apana o Kaanapali a me Kahaina, ma Maui, a me ka Mokupuni o Lani, e kapa ia ka Apana o Lahaina.

 

Ekolu: O kela hapa o ka Apana o Wailuku w waiho ana ma ka akau o ke alanui e moe ana i lao (ma ka aoao hema o ke kahawai) a hiki i ka nuku o ka muliwai o Wailuku, w kapaia ka Apana o Wailuku Akau.

 

Eha: O kela hapa o ka Apana o Wailuku e waiho ana ma ka hema o ka Apana o Wailuku Akau, a e hookomo pu ana i ka Mokupuni o Kahoolawe, e kapae ana @ae ia Honuaula, e kapaia ka Apana o Wailiku Hema.

 

Elima: O kela wahi o ka Apana o Makawao e waiho na ma ka hema a me ke komohana o ke awawa o Haleaku me Kula, e kapa ia ka Apana o Makawao.

 

Eono: O kahi i koe o ka Mokupuni o Maui, e kapa ia ka Apana o Hana.

 

Pauku 15: Ma ka Mokupuni o Hawaii he ehiku apana, penei:

 

Ekahi: O puna a me kela wahi o Hilo a pau ma ka hema a waenakona o ke awawa o Pukihai a me Wainaku, e kapa ia ka Apana o Hilo Hema.

 

Elua:Mai ka awawa o Puhikai a hiki i waenakonu o ke awawa o Hakalau, e kapa ia ka Apana o Hilo Waena.

 

Ekolu: Mai ke awawa o Halakau a hiki i waenakonu o ke awawa o Kalapahapuu ma Hamakua (mawaena o Kukaiau a me Kainehe) a e hookomo ana ia Kukaiau a pau, e kapa ia ka Apana o Hilo Akau.

 

Eha: O kahi i koe o Hamakua a me Kohala Hema, e kapa ia o ka APana o Hamakua.

 

Elima: O kohala Akau, e kapa ia ka APana o Kohalo.

 

Eono: O kona Akau me Kona Hema, e kipa ia ka Apana o Kona.

 

Ehiku: O Kau, e kipa ia ka Apana o Kau.

 

Pauku 16. Ma ka Mokupuni o Kauai a me Niihau he ekolu apana. Peneia iho:

 

Ekahi: Mai ka lae o Punaaiea a hiki aku a e hookomo ana ia Kalaheo, a i hui ia me ka Mokupuni o Niikau, e kapa ia ka Apana o Waimea.

 

Elua: Mai a e hookoe ana ia Kalaheo a hiki aku a e hookomo ana ia Hanamaulu, e kapa ia ka Apana o Lihue.

 

Ekolu: Mai a e hookomo ana ia Wailua a hiki i ka lae o Puanaaiea, e kapa ia ka Apana o Hanalei.

 

Pauku 17. I na wa a pau i ike ia he mea pono no ka poe koho, us hiki no i ke Kuhina Kalaiaina e hookaawalr ae i elua a oi mau mahele apana, a o ia mau mahele apana e loaa no kona wahi koho balota kaawale.

 

MANAWA HANA

 

Pauku 18. E noho na Lunamakaainana no elua mekahiki, a e koho ia ma na koho nui ana i malama ia e like me ka mea, i hoakaka ia mahope nei, i kela a me keia elua makahiki. E hoomaka aku ke kau o ka noho ana mai ka la o ke keho baltoa nui.

 

Pauku 19. Eia nae, o kela me keia mea i koho ia e hoopiha i kekahi manawa i pau ole, e noho walw no oia ma ka oihana no ke koena o ia manawa i pau ole.

 

Pauku 20. E loaa ia lakou ma ke ano he uku no ka lakou hana na dala he elua haneri me kanalima no kela a me keia kau i elua makahiki, no ka hele ana i na halawai ana a ka Ahaolelo me ka uku mile i helu ia ma ka hele hookahi ana ma ka umi keneta no kela a me keia mile mai ko lakou wahi noho a hiki i kahi e akoakoa ai.

 

NA HAAWINA O NA LUNAMAKAAINANA

 

Pauku 21. O kela a me keia kupa kane o ke Aupuni i hiki kona mau makahiki i ka iwakumaluakumakahi; i ike i ka heluhelu a kakau i ka olelo Hawaii, Beritania, a o kekahi olelo o Europa paha; i ike i ka helu waiwai; i noho paa ma keia Aupuni no na makahiki aole i emi malalo o ekolu, a o ka makahiki hope oia no ka makahiki mamua koke iho o ka la koho baltoa; a he  waiwai paa kona maloko o ke Aupuni nona ka waiwai io maluna ae o na hihia o na ano a paui oi ae mamua o Elima Haneri Dala, a i ole ia, ua loaa iaia he loaa makahiki i emi ole iho malalo o elua haneri me kanalima dals mai kekahi hana ku i ke kanawai, a mai kekahi waiwai mai paha, ua hiki ia ia e lilo i Lunamakaainana no ke lehulehu.

 

Pauku 22. Mamua iho o kona noho ana iloko o ka Ahaolelo e hoohiki kela a me keia Alii a me Lunamakaainana e hooko a e kokua pololei mamuli o ke Kumekanawai a me na Kanawai o ke Aupuni, a e hana i kana hana ma ke ana Kaukanawai me ka pololei. Ua hiki e hoohiki ia na olelo hoohiki o ia ano e kekahi Lunakanawai o ka Aha Kiekie.

 

Pauku 23. Aole i kupono kekahi mea e koho ia i Alii ai Lunamakaainana paha, ina ua pili ia ia kekahi o na mea i hoakaka ia ma ka Pauku 26, a me kakahi wahi e aku ma keia kanawai; a i noho ma kekahi oihana loaa a pomaikai malalo o ke Aupuni a Keena paha o ke Aupuni, a malalo paha o ka oihana hookolokolo, a he kuleana pomaikai kona iloko o kekahi aelike me ka Aupuni, aole no hoi e noho ia mea ma ke ano he hoa koho ia no ka Ahaolelo. Aole e hookohu ia kekahi hoa o ka Ahaolelo i kekahi Oihana Kivila malalo o ke Aupuni iloko o ka manawa i koho ia ai oia e noho i Lunamakaainana, koe ke koho ia oia i hoa no ka Aha Kuhina.

 

NO KE KUPONO O KA POE KOHO I NA ALII

 

Pauku 24. O kela a me keia kane e noho ana ma ko Hawaii Paeaina, ina he Hawaii, Amerika a he Europa paha ma ka hanau a hanauna ana, a ina ua hiki aku kona mau makahiki i ka iwakalua, a ua hookaa oia i kona auhau, a ina ua hookomo oia i koma inoa ma ka papa inoa o ka poe koho o kona apana no ke koho i na Alii o ka Ahaolelo, alaia, ua kupono oia ke koho i na Alii, a ua loaa ia ia ke kuleana e koho i na Alii o ka Ahaolelo i kela a me keia koho ana, ina nae:

 

Ekahi: Ua noho oia ma ka ana aole i emi malalo o ekolu makahiki, a ma ka apana ana i makemake ai e koho aole i emi malalo o ekolu mahina mamua ponoi iho o ke koho ana i makemake ai oia e koho.

 

Elua: He waiwai ponoi kona ma keia paeaina i kupono i ka auhau ia i emi ole iho ka waiwai io malalo o ekolu tausani dala mawaho ae o na hihia a pau, a i ole pela, ua loaa maoli ia ia kekahi loaa makahiki i emi ole malalo o eono haneri dala iloko o ka makahiki mamua ponoi iho o kona hookomo ana i kona inoa iloko o ka papa inoa o ka poe kupono i ke koho.

 

Ekolu: He hiki ia ia ke heluhelu a hoomaopopo i ke ano o kekahi nupepa i pai ia ma ka olelo Hawaii a Enalani, a i ole ia, ina kekahi olelo Europa; aka, koe nae na mea i makemake ia no ka noho paa ana ekolu makahiki, a me ka ike i ka heluhelu a me ka hiki ke hoomaopopo i ke ano o kekahi nupepa kupono pai ia iloko paha o ka olelo Hawaii, Enelani, a i ole, o kekahi Europa, aole e pili keia i na poe e noho ana iloko o ke Aupuni i ka manawa i kukala ia ai o ke Kumukanawai, ina nae ua hoopaa ia na inoa a ua koho i ke kau koho baltoa i malama ia ai malalo o ia mea hookahi,

 

Eha: Ua hoohiki oia e kokua mamuli o ke Kumukanawai a me na Kanawai, i hoohiki ia imua o kekahi mea i loaa ia ia ka mana e hoohiki, a i ole ia, imua o kekahi Luna o ka Papa Nana Koho.

 

NO NA HAAWINA O KA POE KOMO LUNAMAKAAINANA

 

Pauku 25.O kela a me keia kane e noho ana ma ko Hawaii Paeaina, ina he Hawaii, Amerika, a he Europa paha ma ka hanau a hanauna ana, a ina ua hoohiki oia e kokua mamuli o ke Kumukanawai a me na Kanawai e like me ka mwa i hoakaka ia no ka poe nana e koho i na Lii; a i hookaa i kona mau auhau, a ua hiki aku oia i na makahiki he iwakalua, a i noho ma keia Aupuni no ka makahiki hookahi mamua ponoi iho o ke koho ana, a i ike i ka heluhelu a me ke kakaulima ma ka olelo Hawaii, a Enelani, a Europa paha (ina i hanau ia mahope mai o ka makahiki 1840). a ina ua hookomo i kona inoa ma ka papa inoa o ka poe koho o kona apana e like me ka mea i hoakaka ia ma ke Kanawai, alaaila, ua loaa ia ia ke kuleana e hookomo i hookahi baltoa no ka Lunamakaainana a mau Lunamakaainana paha o ia apana; aka nae. o ka mea i makemake ia ua noho paa iloko o ke Aupuni a oi aku mamua o hookahi makahiki mamua koke iho'o ke kau koho, a ua ike i ke heluhelu a me ke kakau ina ma ka olelo Hawaii, Enelani, a i ole ma kekahi olelo Europa, i ka manawa o ke kukala ia ana o ke Kumukanawai, ina ua hoopaa i ko lakou mau inoa a ua koho malalo o ke kau koho balota mua i malama ia ai malalo o ia mea hookahi.

 

NO NA KUMU E KUPONO OLE AI

 

Pauku 26.Aoel loa e ae ia kekahi o ka poe i olelo ia malalo iho nei e hoopaa i ko lakou inoa no ke koho ana, aole hoi e koho, aole hoi e noho ma ka Ahaolelo, oia keia: o kekahi meapupule a hupo paha, a o kekahi mea i hoahewa ia no kekahi o keia mau ofeni. penei: puhi hale, aihue i ka waiwai i haawi ia e malama, kuni kolohei na holoholona, a puka, imi loaa ma ka hoopunipuni, moepio a moe naha, lawe wale i ke kino o kekahi, aihue, puhi ahi, lawe ola ma ke degere ekahi, pepehi kanaka, hoohiki wahahee, pue wahine, powa, moe aikane a holoholona: kipi, hookonokono e hoohiki wahahww, lawelawe hewa ma ka oihana, ke ole e kala ia kona hewa e ka Moi, a i hoihoi hou ia kona mau pono kivila, a mamuli o ka olelo o ia kala ia ana ua hoakaka ia ua kupono ia ia ka lawelawe ana i kekahi oihana waiwai e hanohano ai.

 

Pauku 27. Aole e hopu ia kekahi mea koho ma ka la koho balota oiai oia ma kahi koho, a ma ka hele ana aku ona ilaila, a mai ka hoi ana lalaila aku, koe wale no ina he kipi feloni a kue i ka maluhia paha; aole no hoi e koi ia ma ia la kekahi mea koho e hana i kekahi hana koa, a ma ia hana ana he hiki e keakea ia kona hele ana e koho, koe wale no i ka manawa kaua a pilikia e ae o ke Aupuni.

 

Pauku 28. Aole e hele kekahi koa ma kahi koho balota no kekahi hana me ka aahu koa, aole no hoi e kai hele pualu kekahi pualikoa a hui poai hooponopono aupuni ae e hele akoakoa i kahi koho balota.

 

NO NA LUNA NANA KOHO BALOTA

 

Pauku 29. E hoonoho ia i Papa Luna Nana Koho Balota no kela a me keia wahi koho a Apana Koho o ke Aupuni i ekolu hoa. E koho ia lakou e ke Kuhina Kalaiaina e like me ka mea hiki ia ia mai na aoao kue holo balota ma kela a me keia koho balota nui ana. Ina ua hiki ole, hana ole e hoole paha kekahi mea i koho ia pela i Luna Nana, na ke Kuhina Kalaiaina e hoonoho aku i kekahi mea e hoopiha ia hakahaka, Eia no nae, ina he mea hiki ole ke hoike ia aku ia mea i ke Kuhina Kalaiaina iloko o ka manawa kupono e hiki ai ia ia e hookohu i kekahi mea mamua ae o ka malama ia ana o ke koho ana, ua hiki no i ka lala a mau lala paha o ka papa i koe e hookohu i kekahi mea e hoopiha i ua hakhaka nei. E loaa i na hoa pakahi o na Papa Luna Nana aole e oi mamaua o elima dala no kela a me keia la i hana maoli ia. Ina aole i hoakaka okoa ia. alaila, o ka mea nona ka inoa i hai mua ia, oia ka Lunahoomalu o ka Papa.

 

NO HANA A NA LUNA NANA KOMO BALOTA

 

Pauku 30. O ka hana a na Luna Nana, e kakau i ka poe koho, a e kakau i ko lakou mau inoa e like me ka mea i kauoha ia ma keia Kanawai. E hana, hooponopono hou i kela a me keia manawa, a e malama i ka papa inoa o ka poe koho ma ko lakou mau apana iho, a e hooili aku i na kope o ia mea i ke Kuhina Kalaiaina, e kau aku i na olelo hoolaha no ke koho balota, aole e emi malalo o elima la mamua iho o ke koho baltoa ana.

 

E noho hoomalu ma kela a me keia koho ana, a e malama ia koho ana a e malama i ka maluhia.

 

E kakau i ka inoa o kela a me keia mea e koho ana a e makemake ana e hookomo i kona baltoa; e hoohiki i kela a me keia kanaka ia koho ana, a e nana i ka ninau pono ia o ua mea la e pili ana i kona ku@ koho (ua hiki ke lawelawe ia kela a me keia ana hoohiki no ua nea la. a i ole ia. us hiki ke olelo like me ka mea e hiki ana.)

 

E hoonoho a hooponopono aku i ka hana i hookahi paha mau Kakauolelo e like me kamea kupono a makai kuikawa i kupono no ka malama ana i ke m@

 

E hoomaopopo a hoike ae make akea i ka hop@ ke koho ana ma kela a me keia koho balota ana.

 

E haawi aku i na palapala hoike kuponon no ke k@ ana o ka poe i koho ia i mau Lunamakaainana, a e aku i ka hopena o ia koho ana no na Alii i ka Mak@ o ko lakou mau Mokupuni a i ka @amuku ma ka @ puni o Oahu.

 

E malama i na pahu balota a me na waiwai e ae ana i ke koho baltoa. ka papa inoa o ka poe koho. hana i na hana a pau i ke koho baltoa, a e hana i na i kauoha ia ma keia Kanawai e pili ana i ke kakau ka poe koho baltoa. papa inoa o ka poe koho, na ana, a me na hana a me na mea e ae e pili ana.

 

E loaa i kela me keia Luna nana a ma keia ke wi ia nei ka mana ia lakou e hoohiki aku i na olelo hiki i ke Kumukanawai i ka poe e makemake ana e kau ia ko lakou mau inoa he poe kupono i ke koho, a na olelo hoohiki e ae ma ka hana a hooko ana i ka l@ hana.

 

NO KA PAPA INOA O KA POE KOMO

 

Pauku 31.E malama ia ka Papa Inoa o ka poe ka o kela a me keia apana, a e hooponopono ia i kela a keia manawa ma ke kapae ana i na inoa o ka poe ko@@ make, hele ma kahi e mai ka apana aku, a ua lilo i @ kupono ole e koho ana ma ia apana no kekahi kumu e ae.

 

E hookomo ia ma ia papa inoa na inoa wale no o poe koho e noho ana ma ka apana i kupono i ke k@ aole kekahi mea e ae. Aole e hoololi ia ma kekahi ana ae ua papa inoa nei, koe wale no i loko o ka manawa a @ kahi i hoolaha pono ia no ka halawai akea ana o na Luna Nana.

 

E kapa ia ua papa inoa nei "Ka Papa Inoa o ka P@ Koho." E kaukau ua a e malama ia maloko o kekahi bu@ E hoonohonoho ia ka papa inoa mai ka A aku, me @ hookoe ia o kekahi wahi kaawale no na hoolili malalo kela a me keia hua. E kakau ua ka inoa o ka mea makahiki, kahi noho, ka hana a me ka la ma ka makahiki i kak@ ia ai o kona inoa, me ka hookoe iho i wahi kupono no @ olelo hoomanao a wehewehe hou iho.

 

I ka manawa e pau ai ke kuleana o kekahi mea koho holoi ia kona inoa ma ke kaha ana ke laina a mau laina paha me ka inika maluna iho o ka inoa, a me kakau iho i ka manawa a me ke kumu i hana ia ai pela. ma kahi waiho kaawale ia e kupono ana i ua inoa nei.

 

E kope hou ia ua papa  inoa nei iloko o kekahi buk@ hou i kela a me keia manawa a ke Kuhina Kalaiaina kauoha ai.

 

E hamama ka Papa Inoa o ka Poe Koho i na wa @ pau no ka nana ia e na mea a pau me ka uku ole.

 

Ua hiki no ke hoolako ia aku na kope o ia Papa Inoa i ka poa kupono no kekahi uku kupono. Maloko oia Buke Papa Inoa e kakau ia ai na inoa o ka poe koho no na Alii a me na Lunamakaainana, aka, e malama kaawale ia ua mau papa inoa nei kekahi mai kekahi. E hana ia ua mau papa inoa nei e like me ka mea i kauoha ia ke Kuhina Kalaiaina. Ua hiki no nae hoi ke kakau ia na inoa o ka poe koho i na Lunamakaainana a me na Alii ma ka aoao hookahi o ka buke, ma na kolamu kaawale nae. Aole e ae ia kekahi mea i komo ole kona inoa iloko o ka papa inoa ka poe koho e koho.

 

Pauku 32. Ma na manawa e mahele ia ai kekahi apana i elua a oi mau mahele apana e hana ia na papa inoa kaawale o ka poe koho e noho ana ma kela a me keia mahele apana mai ka buke papa inoa ae, a aole e ae ia kekahi mea koho e koho ma kekahi mahele a ae, koe wale no ma ka mahele ana i noho ai.

 

HOOPONOPONO ANA I KA PAPA INOA O KA POE KOHO

 

Pauku 33. I mea e hooponopono ia ai ka papa inoa o ka poe koho, ma ka hookomo ana i na inoa hou, a i ole, ma ka hoololi an ai na inoa o ka poekoho i make, hele ma kahi e, a i kupono ole paha e koho; na na Luna Nana a o ka hapap nui paha o lakou e malama, aole e emi malalo o elima la, aole hoi e oi aku mamua i kanakolu la mamua iho o ke koho ana i mau halawai akea, aole e emi malalo o elua ka nui, i hoolaha ia ma ke kau ana i na hoolaha aole e emi i elima la, aole e emi malalo o ekolu wahi ma na wahi akea maloko o ka apana, a me a mahele apana paha, ina us mahele ia ka apana, a me na hhoolaha e ae a na Luna Nana i olelo ia e manao ai ua kupono.

 

Pauku 34. Aole e keakea ia ka hele ana o kekahi mea i ua mau halawai nei o na Luna Nana koe wale no ina no ka malama ana i ka maluhia, Na ua mau Luna Nana nei i olelo ia ma ia wa a ma ia wahi, w lawe i ke noi o kela a me keia mea e makemake ana e kakau ua kona inoa maloko o ka Papa Inoa o ka poe koho, a ina e ike ia ua kupono ia mea noi nei e kakau ia kona inoa ia manwa, ma ia wahi maloko o ka Papa Inoa i olelo ia, ma kekahi, a i ole ia, ma na papa inoa no a i elua e like no me ka mea e hana ia ana.